وبدأت تردم الحفره بالتراب لحد ما دفنت الثعبان المؤذي؟
_وما فكرتش صفاء ف رد فعل بكر لما يرجع ويعرف اللي حصل..المهم إن هيا أتخلصت من الثعبان المؤذي وبعد كده اللي يحصل يحصل..بقلم..محمد طه
_ورجع بكر من برا ومعاه الثعبان الهادي والثعبان اللي طلعه من البيت وكان شكله مخيف وأشرس من الثعبان اللي دفنته صفاء..ودخل بيهم بكر أوضه الثعابين وشاف الحفره مردومه والثعبان مش موجود
_بكر ينادي على صفاءبهدوء..صفاء
_تدخل صفاء من غير ما ترد عليه أو تتكلم وكانت مستغربه من هدوء بكر وإنو ما أتعصبش أول ما دخل الأوضه وشاف الحفره مردومه والثعبان مش موجود
_بكر بهدوء..مين اللي ردم الحفره دي والثعبان فين
_صفاء بغضب..أنا اللي ردمت الحفره ودفنت فيها الثعبان قبل ما يتسبب ف دفن حد فينا
(بكر يضحك بصوت عالي)
_صفاء باستغراب..أنته بتضحك على إيه
_بكر بهدوء..بضحك على طيبتك يا صفاء..ومش عايز أقول على غبائك..الثعابين يا صفاء لما بيهربو من البشر بيدفنو نفسهم ف التراب عشان يحمو نفسهم..
الثعبان اللي إنتي فاكره نفسك دفنتيه وما،ت ده.. ممكن يفضل بالست شهور وبالسنه عايش تحت التراب (وبعدين يكلمها بغضب) أنا كل اللي مضايقني دلوقتي الحفره دي اللي تعبت فيها وحفرتها وإنتي ردمتيها..وعقابا ليكي إنتي اللي هتحفريها يا صفاء
_صفاء بغضب..أنا مش هحفر حاجه يا بكر واللي عندك أعمله (وسابته وخرجت من الأوضه وهيا متضايقه إن محاوله قت،لها للثعبان المؤذي فشلت)
_وبدأ بكر يحفر الحفره من تاني وخرج الثعبان وحط الثعبان الجديد اللي جابه معاه والثعبان الهادي ف قفص لوحده وبعدين بدأ يروق مكان ف الأوضه للتلاجه اللي كانت لسه ف الصاله وبعدين بدأ يحاول يدخل التلاجه لوحده أوضه الثعابين وصفاء قاعده شيفاه ومش راضيه تقوم تساعده..بقلم..محمد طه
_وبعد ما بكر دخل بالتلاجه الأوضه..الباب كان مفتوح وصفاء عينها راحت على الأوضه وبصت جوه الأوضه وكان القفص اللي فيه الجوز الثعابين قصادها وأول ما الثعبان المؤذي شاف صفاء وعينه جات ف عينها هاج وقام عاضض القفص وبخ ناحيه صفاء سم لدرجه إن قوه بخ الثعبان..السم خرج من باب الأوضه وكان قريب جدا من صفاء وصفاء خوفها بدأ يذيد من الثعبان ده وجريت دخلت أوضتها
_وبكر أول ما شاف اللي حصل من الثعبان..قرر إنو يعاقبه وبدأ بكر يضرب ف الثعبان.. وخرجت صفاء من أوضتها على صوت بكر وهوا بيضرب ف الثعبان وقالت خلاص بكر هيق،تله ونخلص منو بقى
_لكن اللي حصل كان العكس تماما..وأتصدمت صفاء لما أكتشفت إن بكر مكنش بيعاقب الثعبان عشان بخ السم عليها
_بكر بغضب وهوا بيضرب الثعبان..بقي أنا براعيك وبأكلك وأشربك وبعدين تبخ سمك عالأرض..
خسارتهم إيه شويه السم اللي راحوا ف الأرض دول
لو بخيت سم ف الأرض تاني مش هيبقي ليك لازمه عندي..وساعتها هق،تلك
_وكان بكر بيكلم الثعبان أكنه إنسان وهيفهم كلامه..
وكانت صفاء واقفه وسامعه كلام بكر للثعبان اللي كانت فاكره إن بكر بيعاقب الثعبان عشان بخ على مراته السم
_صفاء بغضب..هوا أنته بتضرب الثعبان عشان بخ السم ف الأرض..وأنا اللي فكراك بتضربه عشان بخ سمه عليا
_بكر بعدم فهم..بخ سمه عليكي إزاي يعني..أنا مش فاهم حاجه
_صفاء بغضب..وأنا قاعده ف الصاله أول ما عين الثعبان جات عليا قام باخخ عليا سمه وأكنه عايز ينتقم مني..بقلم..محمد طه
_بكر بهدوء..والله يا صفاء أنا ما أخدت بالي إنو بخ السم عليكي..أنا أفتكرته بخ السم على الأرض وخلاص..وبعدين إيه عايز ينتقم منك دي..دا ثعبان هوا فاهم حاجه ولا يعرف حاجه
_صفاء بغضب..ما أنته لسه كنت بتكلمه أكنه بيفهم وعارف
_بكر..كنت بطلع غضبي فيه يا صفاء..وبعدين إنتي لو تعرفي شويه السم اللي أترمو على الأرض دول تمنهم كام مكنتيش هتلوميني
_صفاء بغضب..من الآخر كده يا بكر الثعبان دا تخلص منو..أنته بقي عندك ثعبان تاني أهو وخد منو السم اللي أنته عايزه
_بكر بهدوء..أنا لسه يا صفاء معرفش سم الثعبان الجديد دا هيبقي ليه سعر ولا هيبقي زي الثعبان الهادي دا اللي السم بتاعه ما بيجيبش مصاريف أكله وشربه
_صفاء بغضب..مصاريف أكل وشرب إيه يا بكر..هيا الحاجات الميته اللي بتجيبهالهم من مقالب الزباله دي بتدفع فيها حاجه ما أنا عارفه اللي فيها
_بكر بغضب..واللي فيها يا صفاء إن سم الثعبان دا غالي ولو سم الثعبان الجديد دا برضوا هيبقي غالي ف محدش بيقول لذياده الخير لأ يا صفاء
_صفاء بهدوء وغضب..أفهم من كده إنك مش ناوي تق،تله يا بكر..بقلم..محمد طه
_بكر بهدوء ومكر..فيه فكره ف دماغي لو ساعدتيني فيها هد،بحلك الثعبان دا تحت رجليكي
_صفاء ما ردتش عليه لأنها خلاص أتأكدت إن بكر مستحيل هيستغني عن الثعبان ده.. وهيحاول يستغلها قصاد حاجه هوا مش هينفذها.. وسابته وخرجت من الأوضه ودخلت أوضتها وأخدت عيالها ف حضنها وراحت ف النوم وأول ما صحيت وقبل ما تفتح عنيها حست إن فيه حاجه بتلف حوالين جسمها وبسرعه أتفزعت وفتحت عنيها بسرعه وكان الثعبان المؤذي لافف حوالين جسمها وبدأ يعصر فيها؟؟؟
الفصل الثاني عشر
_وراحت صفاء ف النوم وأول ما صحيت وقبل ما تفتح عنيها حست إن فيه حاجه بتلف حوالين جسمها وبسرعه أتفزعت وفتحت عنيها بسرعه وكان الثعبان المؤذي لافف حوالين جسمها وبدأ يعصر فيها؟؟
_حاولت صفاء إنها تقاومه لكن بدون أي فايده..لأن الخوف سيطر عليها وخلاها تفقد أعصابها وقوتها وكمان كان الثعبان خلاص أتملك منها وسيطر عليها
_وبدأ الثعبان يلف حوالين جسمها وبسرعه وبدأ يضغط عليها وصفاء مش قادره حتي تنطق وتنادي على بكر وبدأ الثعبان يطلع لفوق ولف على رقبتها وخنقها..بقلم..محمد طه
_وصفاء خلاص تقريبا بدأت تقطع النفس ومش قادره تاخد نفسها ولون وشها بدأ يتغير وبدأت تحس ببروده ف جسمها كله وعنيها بدأت تتدمع وف نفس الوقت بدأت تفقد الرؤيا وما بقيتش شايفه غير طشاش
_وقبل ما تفقد الرؤيا وتسلم وتفقد الوعي شافت خيال زي ما يكون جوزها بكر جاي عليها وبيقرب منها وبعدين مد إيده على ديل الثعبان وأول ما بكر لمس الثعبان بدأ الثعبان يخف الضغط على صفاء
_وبدأ يسيب صفاء تدريجيا لحد ما سابها خالص وصفاء عينها قفلت وفقدت الوعي وأول ما فاقت وفتحت عنيها كانت فاكره كل اللي حصل.. لكن قالت دا أكيد كان حلم أو كابوس..مستحيل يكون اللي حصل دا حقيقه..
_لكن بدأت تحس بألم ف رقبتها وبسرعه قامت تبص ف المرايا وأتصدمت لما شافت آثار خنق الثعبان ليها وشافت ف المرايا إنعكاس السرير وأتصدمت للمره التانيه لما شافت ندي بس اللي نايمه على السرير وخالد مش موجود..بقلم..محمد طه
_وف لحظه عقلها ترجملها إنها مكنتش بتحلم وإن الثعبان سابها وبلع إبنها عشان ينتقم منها..ووقعت صفاء من طولها عالأرض لأن رجليها سابت من كتر الخوف على إبنها وكمان صوتها راح ومش قادره حتي تبلع ريقها لأن ريقها نشف من الخوف
_وفضلت تسحف عالأرض وخرجت من الأوضه وراحت على أوضه الثعابين وهيا بتسحف على بطنها وأول ما قربت من الأوضه وبابها كان مفتوح وشافت بكر وهوا شايل خالد وبيخلي خالد يأكل الثعبان المؤذي
_وهنا صفاء إلى حد ما أطمنت على إبنها وبعدين فقدت الوعي وأغمي عليها وبعد ما فاقت لقيت بكر بيسندها عشان يقومها من على الأرض ورفضت إنو يسندها وبعدته عنها
_صفاء بصوت واطي يكاد أن يسمع..فين إبني..إبني فين
_بكر يهدئها..إبنك نايم جنب أخته جوه
_صفاء تبلع ريقها من الخوف..عايز تموتني يا بكر..
أنته أتجننت..أنته إيه اللي أنته بتعمله ده
_بكر بغضب..أنا لسه ما عملتش حاجه يا صفاء..أنا ناوي آخد من الدنيا دي اللي أنا عايزه وبذياده كمان..
وإنتي يا تساعديني..يا تعملي نفسك لا شايفه ولا سامعه..يا إما..بقلم محمد طه
_صفاء تقاطعه بغضب..يا إما إيه يا بكر..يا إما إيه يا بكر..هتموتني يا بكر..أنته خلاص ما بقيتش شايف قدامك وما بقيتش عارف أنته بتعمل إيه..هتموتني يا بكر..طب وعيالك..هتموتهم هما كمان معايا ولا هتعمل فيهم إيه..الروايه حصري على صفحه محمد الشاعر
_بكر بغضب..خالد هيساعدني..إنما ندي هيا اللي هتمشي معاكي
_صفاء مش مصدقه اللي بتسمعه وما ردتش على بكر وبتحاول إنها تقوم من عالأرض عشان تدخل عند أولادها وبكر مدلها إيده عشان يساعدها ويقومها وصفاء تبعد إيده عنها بكل غضب
_صفاء بغضب..أبعد إيدك عني..أنته شيطان..أنته شيطان يا بكر..شيطان
_بكر بغضب..وهوا أنا عشان عايز أعيش وأعيشكم زي البني آدميين أبقي شيطان..فكري يا صفاء..
وبعدين أنا مش هجبرك تعملي حاجه معايا..إنتي عايزه تساعديني كان بها..مش عايزه تساعديني يبقي لا تتكلمي ولا أكنك شايفه حاجه وأنا اللي هعمل كل حاجه بنفسي
_صفاء بغضب وكره..هوا أنته ناوي على إيه يا شيطان
بكر بعد ما أتأكد إن صفاء مش هتساعده ومش هتسكت قالها بكل غضب..ناوي أخلص منك الأول يا صفاء؟؟؟