_ووقعت صفاء على الأرض والثعبان ما زال لافف على رجليها؟
_والثعبان ما كانش عاطيلها وشه عشان صفاء ما تخافش منو.. وفعلا صفاء ما كنتش خايفه لكن كانت مستغربه الثعبان بيعمل ليه كده..لكن فهمت إن الثعبان مش عايزها تخرج من الأوضه
_وبدأت صفاء تملس على الثعبان بإديها والثعبان بدأ يخف الضغط على صفاء وبدأ يفك نفسه من على رجليها وقامت صفاء من على الأرض وراحت قعدت على السرير وسبحان الله الثعبان راح دخل القفص بتاعه لوحده..بقلم..محمد طه
_وفضلت صفاء قاعده على السرير ودماغها ما بطلتش تفكير لحد ما دخلت لنص الليل وهيا بتفكر هتعمل إيه مع بكر..وبدأت صفاء تنعس وخلاص النوم غلبها وهتنام.. وفجأه تسمع صوت باب البيت بيتفتح
_وكان بكر والمرادي مكنش معاه ضيف واحد.. دا كان معاه أتنين.. وصفاء بعد ما كانت هتنام خلاص.. النوم طار من عنيها وفاقت وراحت وقفت ورا باب أوضتها عشان تسمع وتشوف إيه اللي هيحصل وعرفت من كلامهم إن فيه أتنين مع بكر مش واحد وقررت صفاء إنها هتخرج تمشيهم ومش هتسيب بكر يأذيهم
_بكر بصوت هادي..أتفضلو يا شباب
_والله يا عم بكر إحنا ما عارفين نشكرك إزاي على اللي حضرتك بتعمله معانا ده
_بكر..لا شكر على واجب..إنتوا ولاد بلدي وإحنا أهل وأنا أخدمكم بعنيه
_بقولك إيه يا عم بكر..هوا حضرتك متأكد من الراجل اللي هيسفرنا ده..أحسن ينصب علينا
_أصل إحنا يا عم بكر مش مصدقين إننا هنسافر إيطاليا وبنص المبلغ بس..بقلم..محمد طه
_بكر بغضب..يعني عمكم بكر هيروح يسلمكم لأي حد كده وخلاص من غير ما أكون متأكد منو..وبعدين اللي هيسفركم دا أنا مش أول مره أتعامل معاه..وفوق كده أنا هبقي معاكم خطوه بخطوه لحد ما تركبو المركب (ويبتسم) ولو عايزيني كمان أركب معاكم المركب وأسافر معاكم أنا معنديش مانع.. بس بشرط
_شرط إيه يا عم بكر
_بكر بضحكه..تدفعولي ال25 ألف جنيه بتوعي..مهو مش معقوله الراجل هيخليني أسافر معاكم ببلاش
_وتتعالي الضحكات وصفاء واقفه ورا باب أوضتها مستنيه لما بكر يطلب منهم الدخول ف أوضه الثعابين وبعدين تخرج وما تخليهمش يدخلوها
_لكن صفاء أتفاجئت لما سمعت بكر بيستأذنهم إنو هيدخل أوضتها وإنو جاي عندها وبسرعه صفاء خمنت إنو جاي يتأكد إنها نايمه وبسرعه صفاء جريت على سريرها وعملت نفسها نايمه
_لكن صفاء أتفاجئت للمره التانيه إن بكر بيخبط على باب أوضتها وعايز يصحيها وبالفعل قامت صفاء وراحت فتحت الباب وكانت بتمسل إنها كانت نايمه
وما تعرفش إيه اللي بيحصل برا
_بكر بإعتذار..معلش يا صفاء إني صحيتك من النوم..
بس أنا فيه ضيوف معايا بره..وكنت عايزك تيجي تحضري اللي بيحصل عشان تتأكدي إني ماشي ف السليم..بقلم..محمد طه
_صفاء بعدم فهم..أنا مش فاهمه حاجه
_بكر..فيه أتنين شباب معايا بره ف الصاله..وأنا أتفقتلهم مع واحد إنو هيسفرهم..وهيديني عمولتي خمسه ف الميه على كل واحد
_صفاء بغضب..مش مصدقاك يا بكر
_بكر بهدوء..ما أنا جاي أصحيكي من النوم وعايزك تحضري اللي بيحصل عشان تصدقيني يا صفاء.. والعربيه اللي هتاخدهم للمركب قدامها ساعه وهتوصل وأنا هروح معاهم أوصلهم لحد المركب ولو عايزه تيجي معانا وتشوفيهم بعنيكي وهما بيركبو المركب أنا معنديش مانع
الروايه حصري فقط على صفحه محمد الشاعر وموجود البارت 22
_صفاء..أيوه يا بكر رجلي على رجلهم لحد ما أشوفهم بيركبو ف المركب
_بكر وهوا بيشاور ناحيه الباب..أتفضلي قدامي
(ف الصاله)
_بكر..أعرفكم يا شباب بخالتكم صفاء (وقطع كلامه اللي عملوه الأتنين الشباب أول ما شافوا بكر وصفاء)
_الأتنين الشباب كانوا قاعدين وفجأه وقفوا بسرعه وبدأوا يرجعوا لورا وظهر على ملامحهم الخوف
_صفاء باستغراب..هما خافوا فجأه كده ليه..هما شافوا عفريت..هما مالهم يا بكر خايفين ليه كده
_بكر باستغراب وعدم فهم..والله ما أعرف يا صفاء هما مالهم..(ويوجهلهم الكلام) إنتو خايفين ليه
_واحد منهم بخوف وحروف متقطعه..ب ب ب بص وراك يا عم بكر..بقلم..محمد طه
_بكر يتلفت حواليه ويبص وراه وميلاقيش حاجه
_بكر بعدم فهم..مفيش حاجه ورايا..ما تقولولي إنتو خايفين من إيه..دا أنا جايبلكم خالتكم صفاء عشان تطمنوا.. وهتروح معانا توصلكم لحد المركب
_واحد منهم بخوف..ف ف ف فيه ثعبان واقف وراكم يا عم بكر
_وكان الثعبان الهادي خرج ورا صفاء من غير ما صفاء وبكر ياخدوا بالهم منو
_بكر بص للثعبان وبعدين بصلهم وبكل هدوء..هوا أنا إسمي إيه
_واحد منهم بخوف..حضرتك عم بكر
_بكر بهدوء..عمك بكر إيه
_واحد منهم بخوف..عم بكر الحاوي
_بكر بهدوء..طيب..يعني عايزين الحاوي يبقي ف بيته إيه.. قطط..أكيد يعني هيبقي فيه ثعابين ف البيت (وبص لصفاء) دخلي الثعبان دا جوه يا صفاء وتعالي
_وأخدت صفاء الثعبان ودخلته أوضتها وحطته ف القفص بتاعه وقفلت عليه وبعدين خرجت عند الضيوف وقبل ما تقعد أعتذرتلهم على الموقف اللي حصل وخوفهم من الثعبان ولسه هتقعد
_بكر..إيه يا صفاء..إنتي عايزه الضيوف يقولو عليكي بخيله ولا إيه..وبعدين لسه فاضل ياجي ساعه لحد ما العربيه اللي هتوصلهم للمركب توصل..إعملي كوبايتين شاي للضيوف..بقلم..محمد طه
_وبالفعل صفاء راحت دخلت المطبخ تعمل الشاي وكانت مركزه على بكر وعينها عليه لأنها مش مطمنه ومش مصدقه الكلام اللي بكر قالهولها..لكن بتتمني إن بكر يكون ربنا هداه
_وعملت صفاء الشاي بسرعه وخرجت للضيوف وقدمتلهم الشاي وقعدت معاهم
_بكر..أتفضلو يا شباب أشربو الشاي..وأوعو تنسو بقي عمكم بكر وأنتو ف إيطاليا..وتبقو تبعتولي كده هديه حلوه
_نوصل إحنا بس يا عم بكر وكل اللي نفسك فيه هنبعتهولك..وخالتي صفاء هيا كمان هنبعتلها أحلي هدايا من إيطاليا
_وبعد ما الضيوف شربوا الشاي..وفات حوالي ربع ساعه..بدأ يظهر عليهم أعراض غريبه..وبدأ يخرج من بُقهم ريم أبيض زي الرغاوي وقطعوا النفس وما،توا ف لحظه واحده؟
الفصل الثاني والعشرون
_وبعد ما الضيوف شربوا الشاي..وفات حوالي ربع ساعه..بدأ يظهر عليهم أعراض غريبه..وبدأ يخرج من بُقهم ريم أبيض زي الرغاوي وقطعوا النفس وما،توا ف لحظه واحده؟..بقلم..محمد طه
(قبل ما يمو.توا)
_بعد ما صفاء قدمتلهم الشاي وشربوه بدأ يظهر عليهم أعراض غريبه وصفاء بدأت تخاف وجسمها بدأ يتنفض من الخوف وما بقتش عارفه تعمل إيه ومش فاهمه إيه اللي بيحصلهم وعماله تستنجد ببكر لكن بكر كان هادي جدا ومظهرش على ملامحه أي قلق أو توتر..دا بالعكس حط رجل على رجل وطلع سيجاره يشربها وصفاء من كتر الخوف اللي سيطر عليها صوتها مش طالع وهيا بتستنجد ببكر
_صفاء بصوت يكاد أن يسمع..هما مالهم.. إيه اللي بيحصلهم يا بكر..أتصرف يا بكر وأعمل حاجه..دول بيمو،توا يا بكر
_بكر بهدوء وبرود..لما يمو،توا هبقي أتصرف يا صفاء..وبعدين هوا إنتي حطيتيلهم إيه ف الشاي
_صفاء بصدمه وذهول..شاي إيه يا بكر..أنا ما حطتش حاجه..ما حطتش حاجه يا بكر (ودموعها كانت نازله زي المطر)..بقلم..محمد طه
_بكر بهدوء..ما حطتيش حاجه إيه بس يا صفاء..
الشباب كانوا زي الفل وبيضحكو وبيهزرو..وما حصلهمش اللي حصلهم دا إلا بعد ما شربوا الشاي اللي إنتي عملتيه ليهم..دول كانوا هيجيبولك معاهم هدايا من إيطاليا..ليه بس تعملي فيهم كده
_صفاء وقعت على الأرض وما بقتش قادره تتحكم ف أعصابها من اللي بيحصل قدامها للضيوف ومن اللي بتسمعه من بكر وإنو بيتهمها بقت،لهم
_صفاء بدموع وخوف..أنته بتقول إيه..بتقول إيه..أنا ما عملتش حاجه..ما عملتش حاجه..أنته اللي عملت كل دا عشان تورطني معاك..أنا مش هسيبك يا بكر..
ومش هسكت..مش هسكت يا بكر
_بكر بهدوء..هتسكتي يا صفاء..ومش برضاكي دا غصب عنك..وحتي لو أنا اللي قت،لتهم..ف إنتي ساعدتيني وعملتيلهم الشاي المسموم وقدمتيه ليهم
إنتي دلوقتي بقيتي مشاركه ف ق،تل أتنين يا صفاء.. يعني مفيش قدامك غير إنك تسكتي..وإلا هنروح إحنا الأتنين بقي على الإعد،ام..واولادنا بقي يتشردو ف الشوارع أو يدخلوا الأحداث
_صفاء ما ردتش عليه وحاولت تسند نفسها ودخلت أوضتها بالعافيه وقفلت الباب وراها وبتتمني إن اللي حصل دا يكون كابوس وما يكونش بجد وراحت أترمت على السرير جنب أولادها والثعبان الهادي كان غاضب وهايج ف القفص بتاعه وكأنه حاسس بصفاء
_تاني يوم النهار طلع وصفاء مرميه على السرير وهيا مش عارفه هيا نامت ولا ما نامتش واللي حصل بالليل دا كان كابوس ولا حقيقه لكن أتأكدت إن اللي حصل كان حقيقه لأن جسمها كله كان بيتنفض من الخوف وصوره الأتنين الشباب وهما بيمو،توا قدام عنيها مش عايزه تفارق خيالها..بقلم..محمد طه
_قامت صفاء بالعافيه وراحت عند الثعبان الهادي وفتحتله القفص وخرجته وكلمته وهيا كأن روحها بتطلع..عضني أنا عايزه أمو،ت..يلا عضني وريحني وبدأت صفاء تقرب بق الثعبان من رقبتها والثعبان قافل بقه ولما لقيت الثعبان رافض يعضها سابته وراحت على أوضه الثعابين عشان الثعبان المؤذي يعضها وكان بكر ف الأوضه وبيشرح الجثتين
_وأول ما صفاء دخلت الأوضه وشافت اللي بيعمله بكر ما قدرتش تستحمل المنظر وأستفرغت وخرجت من الأوضه بسرعه ..لكن أصرت إنها تدخل الأوضه تاني لأنها خلاص أخدت القرار إنها تمو،ت وتخلي الثعبان المؤذي يعضها
_ودخلت الأوضه وما رضيتش تبص على بكر وعلى اللي بيعمله وراحت على قفص الجوز الثعابين وأتصدمت لما شافت عدد كتير من البيض ف القفص مع الثعابين أكتر من خمسين بيضه
_وبعدين صفاء اتراجعت وقالت لو الثعبان عضها بكر هيحاول ينقذها زي المره اللي فاتت وبعد كده شيطانها قالها إنها عشان تكفر عن الذنب اللي عملته يبقي لازم تمو،ت بنفس الطريقه اللي قت،لت بيها الأتنين الشباب وبسرعه راحت على المطبخ وعملت كوبايه شاي وشربتها بدون تفكير أو تردد وبعدين دخلت الأوضه عند بكر..بقلم..محمد طه
_صفاء بأنفاس محبوسه..يبقي خلي بالك من خالد وندي يا بكر..وأنا مش مسامحاك..مش مسامحاك
_بكر بهدوء..وأنا ما طلبتش منك تسامحيني يا صفاء.. وبعدين إيه خلي بالك من خالد وندي..هوا إنتي هتسيبي البيت وهتطفشي ولا إيه يا صفاء
_صفاء بغضب وكره..أنا هسيبلك الدنيا كلها يا بكر..
هسيبلك الدنيا تشبع بيها..أنا عملت كوبايه شاي وشربتها عشان أكفر عن اللي عملته عن غير قصد
_بكر بهدوء وبرود..طيب روحي أعمليلي كوبايه شاي أنا كمان يا صفاء..أصل أنا نسيت أشرب الكوبايه اللي عملتيهالي بالليل (ويضحك)
_صفاء بغضب وجديه..أنا ما بهزرش يا بكر..أنا عملت كوبايه شاي وشربتها وذنبي وذنب اللي ما،تو دول ف رقبتك ليوم الدين
_بكر بهدوء..عالفكره يا صفاء أنا نضفت كل حاجه..
وشيلت السكر المخلوط بالسم..يعني يا تيجي تساعديني..يا إما تروحي تناميلك شويه وريحي أعصابك..عشان أنا مش فاضي للدراما اللي إنتي عملاها دي..عايز أخلص الجثتين دول عشان عايز أروح أجيب أقفاص للثعابين الصغيره اللي طالعه دي
(ويبص على البيض اللي ف قفص الجوز الثعابين)
ولا إنتي مش واخده بالك من الخير اللي ربنا باعتهولنا ده..دول طلعوا أقوي من الأرانب بمراحل
شوفي البطن الواحده جايبه كام بيضه
_صفاء بكل غضب وكره وقرف بصقت عليه وسابته وخرجت من الأوضه وراحت على أوضتها وأخدت أولادها ف حضنها ومن كتر التعب والتفكير والإرهاق راحت ف النوم وصحيت تاني يوم الصبح لأنها كان بقالها كتير ما نامتش وأخدت أولادها وسابت الثعبان الهادي ف القفص بتاعه وخرجت من البيت وفضلت ماشيه بأولادها لحد ما وصلت قدام قسم الشرطه
_ومن غير أي تفكير أو تردد دخلت القسم تبلغ عن جوزها وعن نفسها
_خير يا ست إنتي عايزه إيه
_صفاء بخوف..جايه أبلغ عن جريمه ق،تل
_طيب أستني هنا لما الظابط ياجي
_والظابط أتأخر وصفاء كانت عايزه تمشي لكن العسكري ما رضيش يخليها تمشي لحد ما الظابط ياجي وهددها بالحبس وأول ما الظابط وصل العسكري دخلها للظابط
_الظابط..العسكري قال إنك جايه تبلغي عن جريمه ق،تل..أقعدي وأحكيلي كل اللي تعرفيه
_صفاء بخوف..جوزي ق،تل 3 أشخاص..وأنا ساعدته ف ق،تل أتنين من غير ما أعرف
_الظابط بعد ما عرف منها كل التفاصيل أستدعي العسكري
_الظابط للعسكري..خد منها العيال دي وأرميها ف الحجز وحضرلي قوه بسرعه؟