في الشركه
علي داخل علي حامد المكتب بسرعه من غير ما يستاذن
علي مصيبه يا عمي
حامد بخضه مصيبه ايه يا علي . كفا الله الشر
علي .السفينه الي عليها شحنه الاجهزه الطبيه الي جايه من ايطاليا ..... اتحرزت في المينا وقالو عليها انها غير صالحه للاستخدام واتحجزت وتعمل بيها محضر
....
حامد . واحنا مالنا
علي بعصبيه بس باحترام ازاي بس يا عمي انا هتجنن
حامد .اهدا يا علي مفيش حاجه حصلت لكل ده
علي بعصبيه ازاي بس يا عمي الكلام الي انت بتقوله ده
علي .طيب بس فهمني ازاي مش خساره
حامد .ولسه هيتكلم يلاقي خبط علي الباب بتاع المكتب
ويسمح للي علي الباب
يدخل عمر ومازن وجاسر وحسام وعلي وجههم نفس
الاساله والعصبيه الي عليها علي
حامد .هههههههه شايف نفس الاساله علي وشكم كلكم
وقبل ما حد يتكلم انا عاوزه اطمنكم اننا ما عليناش اي حاجه ولا في خساره لنا من اي ناحيه
ودلوقتي كل واحد يروح يشوف شغله وبعد ساعه هنعمل اجتماع افهمكم فيه كل حاجه
وهجاوب علي كل اسالتكم
وفعلا اطمنو شويه
وكل واحد راح يخلص شغله وهيجتمعو بعد ساعه يفهمو كل حاجه
عمر راح مع علي علي المكتب بتاع علي
عمر .انا مش فاهم حاجه
علي .ومين سمعك الواحد عقله هيشت من ساعه ما سمع الخبر
عمر .انت عارف مين الي هيجيب قرار الموضوع
علي .مين يا ابو العريف
عمر .ابوك
علي .واحنا هنستعجل ليه كلها ساعه ونفهم كل حاجه
انما صحيح مبروك علي حمل هنا
عمر الله يبارك فيك عقبالك وبص في الساعه
الاجتماع الساعه٤ ودلوقتي ٣ تعالا نروح نشرب حاجه
علي .لا نطلب هنا في المكتب احسن
عندي كام مكالمه هعملهم قبل الاجتماع
عمر تمام وانا كمان اكلم هنا طالما فضيين
وكل واحد راح يخلص مكالماته
وحسام وجاسر ومازن خلصو شغلهم ........
وفعلا بعد ساعه علي الساعه ٤ بالضبط
في قاعه الاجتماعات
حامد قاعد علي راس الطاوله وكان موجود عاصم واحمد وايمن وجلال وابراهيم وعلي ومازن وجاسر وحسام وعمر
حامد .انا عارف ان موضوع الشحنه دي عامللكم مشكله بس الل حصل ان الموضوع بعيد عننا خالص والحمد لله ده بفضل ربنا وستره بس
وبص لجلال وقاله كمل انت وفهمهم
جلال .كل الحكايه ان الراشيدي من كام شهر طلب مقابله من ايمن واحمد
وقدم طلب انه يدخل الشحنه دي تبع شركتنا ويبقا لينا نسبه فيها لان حصل مشكله مع الشركه الي كان بيتعامل معاها
وفعلا كان عرض مغري جدا وصفقه مضمونه ٩٥٠/٠
وفعلا عملنا الدراسه ووافقنا وخلاص وعمك ايمن مضي العقود
بس من شهرين كنت بتغدي انا وشهد في مطعم
ولاقيت الرشيدي ومراتي جايين علينا بسلمو عليا
وانا سلمت عليهم عادي وعزمتهم علي الغدا من باب الزوق وعرفتهم علي شهد انها بنتي والموضوع خلص واستاذنو ومشيو
وبعد كده لاقيت شهد مش طبيعيه وبعد ما كانت فرحانه وبتضحك سكتت خالص
ولما ضغط عليها حكتلي انها تعرف الراشيدي ومراته
وان مراته كانت اتبنتها لما كانت في الملجا وعاشت معاهم فتره (.دي شوشو فكرنها والرشيدي ده جوزها )
وحاكتلي مواقف مش كويسه معاهم وانهم ناس مشيهم مش سليم
ومن غير الدخول في تفاصيل عرفت بمعرفتي ان كلامها مظبوط
وبشويه تحريات علي علاقات عرفت ان الشحنه الي مدخلنا فيها مشبوهه ومش مظبوطه
بس ضامن النقل باسم شركتنا انها هتعدي من غير ما تتفتش
وطبعا الناس دي اذت شهد وكانت عاوزه تضر اسمنا
واحنا الي يفكر يضرنا احنا ندمره
وده الي حصل انا اتنازلت له عن الشحنه كامله وقدمت ورق يثبت اننا شركه شحن بس
وليس لنا علاقه بما ينقل ..........
وبس احنا ملناش الي علاقه بالاجهزه
علي .بس ازاي الشحنه دي اتفتشت واشمعنا دي مكل السفن بتاعتنا عدت عادي
وازاي هم علاقتهم وحشه بشهد وكملو معانا من غير ما يشكو في حاجه
جلال .اشمعنا الشحنه دي علشان انا مبسبش تار بنتي
والي زعلها لازم يزعل
والي يفكر يستغل العيله ادمره
انما ازاي مرجعوش في الاتفاق
لانهم اصلا متعرفوش علي شهد ولا هم يفتكروها اصلا
وخصوصا انها بالنقاب
احمد المختصر احنا عاوزنكم تطمنو احنا في السليم
ايمن .ايه يا شباب اي اساله تانيه ولا خلاص
الكل .لا خلاص
وفعلا الاجتماع خلص وكل واحد روح علي القصر
............................
في القصر في غرفه زين
زين دخل اخد شاور وخرج صلي وبعد كده كلم شهد لانها وحشاه جدا وطلب منها تنزل تقابله في الجنينه علشان يتكلمو شويه
وفعلا شهد نزلت وقابلت زين في الجنينه وشهد قدرت بذكاء تنسي زين الي حصل
بس زين هيموت ويعرف مين الي عاوز يضره بس لما شاف الكاميرات ملقاش حاجه )
واندمجو في الكلام وبعد فتره شهد طلبت من زينب تجهز فطار لزين لانه ماكلش معاهم
وفعلا زين فطر وشرب القهوه هو وشهد والوقت عدا والكلام بين العشاق لا ينتهي
بس انتبهو لما سمعو صوت ادهم بيكلم زين
ادهم .السلام عليكم
زين .وشهد وعليكم السلام
زين .ايه رايح الجهاز
ادهم .اه عوزني ضروري ولازم اروح
زين .ربنا معاك
ادهم .عرفت مين السبب
زين .للاسف الكاميرات مفيهاش حاجه
ادهم لو عاوز مساعده انا موجود
زين .لا خليك في شغلك ربنا يعينك وانا هخلي حد من الشركه ييجي يزود عددد الكاميرات في المكاتب والاستراحات والبوفيه لانها مفيهاش
ادهم .اوك بالتوفيق
ادهم .احم لو سمحتي يا شهد مريم لها حقنه كمان ساعتين الدكتور قال لازم تاخدها
فلو سمحتي تبقي تديها لها
زين بضحك وغلاسه .وتطلب منها ليه وانا موجود
مش انا دكتور قدامك ولا سباك
ادهم .ومعالم وشه اتغيرت ومسك زين من التشيرت بتاعه
انت عارف يا زين لو عرفت انك بس قربت من باب اوضه مريم انت او اي دكتور من دكاتره البهايم الي هنا حتي لو مراد افجر البيت بالي فيه وانت عارف اني مجنون واعملها
زين .لا يا باشا الطيب احسن وعلي ايه انا عاوز ادخل دنيا مش اخرج منها ههههههه وغمز لشهد وبعت لها بوسه في الهوا وهي اتكسفت من حركته
ادهم .ايوه كده ناس تخاف متختشيش وبص لشهد
بالله عليكي متنسيش يا دكتوره
شهد .من عنيا حاضر
ادهم .استاذن ومشي
وشهد بتضحك علي شكل زين
زين بضحك .بيتحول الواد ده
شهد .العيله دي كلها كده
وفضلو يضحكو شويه وبعد كده شهد استاذنت وطلعت لمريم علشان تطمن عليها
وزين قاعد في الجنينه لوحده لقي عربيات داخله ورا بعض وكانو الجماعه راجعين من الشركه
والاباء دخلو جوه القصر يستريحو والشباب فضلو مع زين في الجنينه وبعد ضحك وهزار
عمر .انما فين دكتر شهد يا زين
زين .نعم يا اخويا انت عاوزها في ايه
عمر .ايه يا عم هنا يوسف كاتبلها علي حقن وعاوز شهد تديها لها
زين .انت كمان اه مهي شغاله عندكم
علي .ليه مين تاني عاوز ياخد حقن
ادهم لسه ماشي من شويه وقالها تطلع علشان مريم لها حقنه هي كمان
عمر .طيب كويس اطلع اجيب هنا وننزل نتغدا عند امي حببتي
وشويه وجه مراد ويوسف وكل واحد راح يجيب مراته علشان يتغدو في القصر
وعلي ومازن سلمو علي مليكه الي كانت نازله مع مراد
وبعد كده كل واحد راح قصره علشان يرتاح
فوق في اوضه مريم شهد قاعده جنبها ودخل عليهم
هنا وحنين ومليكه
شهد تليفونها رن وكان زين وردت عليه علي طول
وكان زين واقف جنب عمر وبياكد علي شهد علاج هنا وانها تقابل زين الي هيجيبو لها لان هنا ماخدتهوش
وفعلا خرجت شهد وهي بتضحك علي الي هيحصل من البنات لما يعرفو انهم المفروض ياخدو حقن
شهد فين العلاج
زين .اهو اتفضلي ربنا معاكي
شهد .اه والنبي ادعيلي ده عبور القناه هيبقي اسهل
زين .ربنا معاكي يا قلبي واداها بوسه علي الهوا
شهد رجعت تاني اوضه مريم
شهد .احم مريم حبيبي انت لكي حقنه دلوقتي لازم تخدبها
مريم بخضه .لا انا علاجي مفهوش حقن
شهد وهي بتجهز الحقنه ومش مديه فرصه حد يتكلم
شهد يلا يا مريم علشان خاطر ادهم
وفعلا بعد فتره طويله مريم اخدت الحقنه بعد مناهده وعيا ط
مريم .مغمضه عنيها خلصي يا شهد
شهد .بضحكه انا خلصت من سنه
مريم فتحت عنيها .ايه ده بجد انا ختها
شهد اه يختي بالشفا
مريم .شكرا يا شهود محستش بيها خالص والله
شهد بحركه تكبر .يا بنتي انا ايدي ريشه يلا بالشفا
وشهد خلصت مريم ومسكت حقنه هنا وبدات تجهزها
بس هنا رفضت تماما وفضلت تتنطط زي الاطفال
ومرديتش تاخدها خالص وكانت بتعيط زي الاطفال
والبنات عماله تضحك عليها بس معرفوش يقنعوها
وشهد كلمت زين وقالتله علي هنا
وزين قال لعمر وفعلا عمر طلع لهم واخد هنا لاوضته ع القديمه وشهد راحت معاه وعمر حاول يهدي هنا بس مقدرش
عمر قام فجاه واخد هنا في حضنه ومسكها جامد ووقفها قدام شهد الي اول ما شافت سن الابره مع شهد بيقرب وهيدخل فيها
سمعو صويت عالي جدا وشهد خلصت الحقنه وهنا عماله تعيط وتقول بلاش مش عاوزه
وعمر يبص لشهد ويضحك علي طفوله هنا
وشهد تستاذن وتسبهم
هنا تبص لعمر وهي بتعيط خلاص مش خاخدهاو
عمر بضحك انت ختيها ياقلبي
هنا بتبص لعمر باستغراب وتلاقي عمر بيضحك عليها
تزعل من وتروح تنام علي السرير
عمر يروح وراها علشان يصالحها بطريقته الخاصه
ونسيب عمر وهنا يتصافو ههههههههههههه
وشويه والكل في قصر راشد اتجمع علي الغدا وشهد معاهم كمان وكان جو عائلي جميل
ومراد ومليكه بلغو الكل بحمل مليكه والكل فرح وهنا وبارك
وبعد الغدا مراد ومليكه وشهد راحو يفرحو ابراهيم واليلي والكل فرح جدا وهناهم
ومراد قرر ياخد مليكه بكره يعمل لها الفحوصات الروتينيه ويطمنو علي البيبي ....
............ .............
في الجهاز
المدير عمل اجتماع لمناقشه قضيه مهمه
الاجتماع كان موجود فيه
ماجد وادهم وحمزه الي لسه راجع من السفرواامدير نفسه
المدير .ايه الي تم يا ادهم في قضيه مديره الملجا
ادهم .يا فندم القضيه كلها خلصانه بكل الخيوط والمتهمين بالدله علي مكتب سعاتك
والتنفيز سيف وعزت مستنيين من حضرتك الاشاره
المدير . والتنفذ متاخر ليه في منظمات دوليه داخله في الموضوع مثلا عاوزه ترتيب والا ايه الحكايه
ادهم .الفكره ان مديره الدار والمشرف كانو ادوات تنفيذ بس لكن الراس الكبيره من جوه البلد وهو الي بيتعامل مع الي بره مش العكس
المدير نفس السوال تاخير التنفيذ ليه
و الراس الكبيره مجتش ليه يا ادهم لحد دلوقتي
ادهم .يا فندم انا فعلا كنت خلاص هنفذ بس اكتشفنا ان الراس الكبيره عنصر مهم جدا في المافيا الايطالي
وجالي معلومه انه هيتقابل مع جوزيف انطون هنا في مصر
خلال شهر من دلوقتي وحضرتك عارف ان
جوزبف ده احنا عاوزينه من زمان والفرصه جتلنا
المدير .والخطه اتحطت ولا لسه
ادهم .الاجتماع هيتم في شرم وبما ان جورج هيدخل البلد بطريقه غير شرعيه فسهل جدا تصفيته ......
وكل حاجه جاهزه مستنيين تحديد المعاد واول ما يتحدد هتوصل لنا المعلومه
المدير .بالتوفيق يا رجاله ربنا معاكم
والكل خرج وراح علي مكتبه
الشهد والدموع الفصل ٣٦ بقلمي هدير احمد
سبحان الله وبحمده سبحان الله العظيم
اللهم صلي علي سيدنا محمد في الاولين والاخرين وفي الملا الاعلي الي يوم الدين
سبحان الله والحمد لله ولا اله الا الله والله اكبر
بسم الله نبدا
وتعدي الايام والليالي وتتتابع الاحداث وتتوالي علي كل ابطالنا وتسير الحياه بكل ما فيها من شهد ودموع
وانهارده يكون عدا علي العيله سنه كامله
نقول الي حصل مع حبايبنا
الامهات .مشغولين بالاولاد والاحفاد الي نورو العيله
والكل فرحان ان العيله شجرتها بتكبر ..........
الاباء كلهم عايشين في شغلهم وفي الشركه وفرحنين
باولادهم وبنجحهم في كل المجالات
وحياتهم ماشيه بين القاهره والعزبه الي فيها الاجداد
كانو كل فتره يروحو يقضو اجازه
والحمد لله الشركه فتحت فروع في كل انحاء العالم
والشركه من اخر مشكله وهي مشكله الرشيدي الي اتقبض عليه والنيابه اتحفظت علي كل امواله
وشوشو مراته اخدت الي قدرت عليه وهربت برا مصر
وهو لما اتحكم عليه دخل في حاله نفسيه صعبه وانتحر في السجن
بس كل وسائل الاعلام مفيهاش اخبار الا عن المجموعه الاقتصاديه النزيهه الشريفه الي ضحت بصفقه كبيره
علشان مصلحت الناس الغلابه ومصلحه البلد
وتم تكريم حامد نيابه عن المجموعه من وزير التجاره والاستثمار وتم اختياره انه يمسك وزير التجاره بس هو رفض رفض قاطع وكان رده انا بخدم البلد وانا رجل اعمال مش سياسي .......
وبسبب الحمله الصحفيه الهايله الي اتعملت من لا شي وبدون اي مجهود
اسهم المجموعه في البرصه وصلت لاعلا مستوي من ساعه ما تم تاسسها
وكل الشركات العالميه والمحليه بتسعي انها تشتغل معاهم ........
اما بقا عند الشباب
فمراد ومليكه
ربنا رزقهم بادم و كيان توام وهم دلوقتي عندهم اربع شهور بس مجننين البيت كله ومراد مجننهم اكتر
ومليكه مراد بيعاملها كانها بنته من ساعت اخر مشكله بينهم
والحياه بينهم ماشيه بكل حب وعشق
ومراد بيحاول بمساعدت العيله انهم يساعدوها في تربيه التوام علشان تقدر تكمل دراستها
وفعلا اتخرجت وبتقدير عالي والكل فرح بيها وفرح لها
وابراهيم عاوز يقعد مع احفاده طول اليوم وده مخلي مراد هيتجنن لانه مش عارف يتجنن مع مليكه قلبه
بس مراد بيتصرف ...............
.........................
هنا وعمر
ربنا رزقهم بكريم وهو دلوقتي اربع شهور بس كريم طلع نسخه كربون من عمر بس كان هادي جدا زي هنا وخالد والد هنا وفريده مامتها كانو طيررين من الفرح لما شافو كريم وشالوه بين اديهم اول ما اتولد
وحامد ويسرا كانو طيريين من الفرح باول حفيد لهم
واستمرت حياه هنا وعمر بنفس الهدوء والرمانسيه
ولم تتغير حتي الان
وكمان هنا اتخرجت بتقدير عالي وعمر احتفل بيها بطريقته
..................
عند حنين ويوسف
نلاقي الجنون بكل انواعه
ربنا رزقهم بياسين وهو عنده شهر واحد
بس ياسين شبه خاله حمزه بالظبط وده معصب يوسف جدا بس مفرح الباقي كلهم وخصوصا حمزه وحنين
وحنين فتره الحمل كانت مطلعه عين يوسف
وكل الهرمونات طلعت عليه
وحط عذر لكل الرجاله الي كانت بتيجي تشتكي له من هرمونات الحمل
كانت يوميا تصحيه علشان تتخانق معاه وتنام وهو يفضل صاحي ميعرفش ينام وده هيجننه وتعبه جدا
بس هو فاهم ان كل ده غصب عنها
وبعد لحظات من الخناقه الي بلاسبب
يبص جنبه يلاقيها في سابع نومه شبه الاطفال
ويوم ولادتها يكتب في التاريخ
باك ......
حنين دلوقتي في الشهر التاسع
الساعه ٢صباحا
حنيين .اااااةاةةةةاااةةةةةة
يوسف قام مخضوض .ايه يا حنين مالك عامله دوشه ليه عالصبح
حنيين .بصوت عالي ونفس بتاخده بصعوبه الحقني بولد
يوسف قام بسرعه ايه ده وقته يعني
حنين . انت هتستهبل هو بمزاجي يعني مش انت السبب في الي انا فيه ده
يوسف .انا وانا مالي ما كل حاجه كانت بمزاجك وكانت علي كيفك
ولا انا اغتصبتك
حنين .خلصني واتصرف وبطل كتر كلام الوجع هيموتني
ابن الجزمه الي في بطني بيلعب مطش جوه وبيرفص
يوسف .خلاص اهدي يا حنين ومتشتميش ابني
و ارتاحي بس اكشف عليكي اشوف ولاده ولا لا
احتمال كبير متكنش ولاده
حنين .خلصني مش طيقاق ولا طايقه ابنك خلصصصنننننننننيييييي ايه البرود الي انت فيه ده همموت وبتشد في شعر يوسف الي بيتالم وبيضحك مع بعض ومش عارف هو حاسس بايه
يوسف بيضحك علي شكل حنين وكلامها ....هههههههه طيب اتعدلي بس اكشف عليكي
يوسف قام جاب شنطته وقعد قدامها ولسه هيكشف عليها لقا الراس بتاعه ابنه خلاص هتنزل قام جهز كل حاجه استعدادا للولاده وجهز الحاجه الي مليكه هتحتاجها بعد الولاده وكان صوت حنين عالي ونزله شتيمه في يوسف وكان يوسف بيضحك علي كلامها وحمد ربنا ان محدش سمع هي بتقول ايه ولا كانت فضيحه بكل المقاييس
ودقايق ياسين شرف واطمن علي ابنه ولفه كويس ببطابيه وحطه جنبه وراح يطمن علي حنين الي كان وشها كله عرق وخلاص الصراخ اختفي
وفعلا ظبطها واطمن عليها واخدها نقلها اوضه تانيه
واطمن علي ياسين وحطه جنبها
وراح يطلب ماجده والهام ويسرا والكل وصل وفعلا اطمنو علي حنين ويوسف اخد ياسين هو ويسرا
لدكتور اطفال في المستشفي اطمن عليه واخد التطعيمات الازمه ورجع لحنين لقي العيله كلها موجوده
والكل فرح بياسين وحنين جننت يوسف ويوسف جننها وياسين هيتربي وسط مجانين هههههههههه
وحنين اتخرجت وكانت فرحه كبيره للكل
وكل ما حنين ويوسف يفتكرو موقف الولا ده يضحكو وحنين تتكسف من الي عملته وتحب يوسف اكتر واكتر
.........................
ادهم ومريم
ادهم بيعامل مريم كانها كرستاله خايف عليها تنكسر
ومحدش يقدر يزعلها لان عارف ان ادهم هيزعله
ومريم عدت السنه بتاعتها وبقت في اخر سنه وكانت هي وادهم ماجلين الحمل شويه علشان كليه مريم
بس بعد فتره مريم تعبت في الكليه وشهد كلمت ادهم
من تليفون مريم وده قلقه جدا وساب المكتب وطلع عليهم جري واخد مريم وشهد في العربيه وطلعو علي المستشفي ... ووصلو في مده قياسيه
وطلب دكتوره هي الي تكشف علي مريم
وهناك دكتوره الطوارئ اطمنت عليها طلبت دكتور نسا لانها شكت ان مريم حامل
ويوسف نزل من غير ما يعرف مين المريضه
بس ادهم اول ما عرف ان يوسف هيكشف علي مريم
اتجنن ومسك يوسف من البالطو
ادهم .انت جاي تعمل ايه . ودكتوره البهايم الي كانت هنا انا قلتلهم مش عاوز زفت راجل وكان كشف عادي
جيبالي دكتور نسا دا انتو سنتكم سوده معايا
يوسف واقف عمال يضحك علي شكل اخوه الي شويه وهينفجر
ومريم وشهد مش قادرين يمسكو نفسهم من كتر الضحك
وزين جه علي صوت ادهم الي اول ما شافه فهم ايه الي مجننه
زين .اهدا يا عم الحبيب
ادهم .اهدا ايه اتصرف وشوف دكتوره تتهبب تطمني عليها بدل ما اصور لكم قتيل هنا
وفعلا زين طلب دكتوره الي دخلت اطمنت علي مريم
وخرجت فرحتهم انها حامل في الشهر التالت
وزين ويوسف باركو له ويوسف حب يغيظه
يوسف .مبروك يا مريومه اشوفك في الولاده بس متجبيش ابوه الرخم هههههههههه
ادهم .يوسف انت بتقول ايه يلا
يوسف .ولا حاجه دا انت عم العيال وحبيب قلبي
الكل فضل يضحك عليهم وعلي غيره ادهم علي مريم الي مش بتخلص
والكل فرح بخبر حمل مريم
ماعدا ادهم
الي الحمل كان جاي عليه بالعكس
مريم في الحمل مكنتش طايقه ادهم خالص وكل ما تقعد معاه او تقرب منه كانت تجري علي الحمام ترجع
وده كان مجنن ادهم لانه طول فتره الحمل مقربش منها
بس الي هون عليه الشعل لانه طلع كذا ماموريه برا القاهره ودا خلا الوقت نوعا ما يهون
............. ...........
وادهم وحمزه اترقو ترقيه استثنائيه لانهم قدرو بمهاره انهم يخلصو قضيه الملجا
وقبضو علي الراس الكبيره
ونجحو انهم يقبضو علي جوزيف في خطه محكمه
وطلع انه مش تبع المافيا الايطالي بس لا ده له علاقه
بالعمليات الارهابيه الي بتم في الوطن العربي
وهو شخصيا الي بيخطط لها وطلع كمان شغال مع اكتر من جهاز مخابرات واهمهم الموساد الاسرائيلي الي اتجننو من اختفائه في ظروف غامضه لدرجه انهم استعانو بالسفراء بتوعهم في الدول لتحديد مكانه والمساومه عليه باي تمن
وبعد فتره مش قصيره قدر ادهم بمهارته انه ياخد كل المعلومات الي هو عاوزها منه وكانت كنوز بالمعني الحرفي
لانها كانت خطط واسرار عسكريه واسماء اهم الشخصيات الي بيتعامل معاهم في المنطقه وتم الكشف عن اكبر مخطط لضرب السياحه في مصر
وكشف عن اسماء شخصيات هيتم اغتيالهم
وتم احباط عمليه اغتيال كانت هتم لملك السعوديه
نفسه والي اتكلف بتامينه كان حمزه
وتم تكريم حمزه في السعوديه ومنحه الملك
وسام خاص بالاشراف في المملكه
واعطي منح خاصه لمصر و لحمزه نفسه
وكشف عن صفقات سلاح ومخدرات وعمليات ارهاب
وتفجيرات في دول عربيه وبلاوي كتير
وبسبب المعلومات الي ادهم قدر يحصل عليها منه
اندرج اسمه هو حمزه ضمن افضل عمليات تمت في الجهاز علي مدار تاريخ الجهاز
وبعد مده من العمل علي قدم وساق من جهات اجنبيه تم اكتشاف ان جوزيف كان موجود في مصر قبل اختفائه وده عمل قلق كبير والمخابرات المصريه اتصرفت قبل ما الخبر ينتشر لانه مينفعش يخرج من الجهاز عايش
علشان كده الجهاز عمل له محكمه عسكريه عاجله وتم الحكم عليه بالاعدام واتنفذ الحكم تاني يوم .
والمخابرات المصريه وصلت لهم خبر اعدامه بشكل غير رسمي وده كان اقتراح ادهم علشان يفقدو الامل
والموساد لما اتاكد من المعلومه الي اتسهلت انهم يوصللها كتم علي الموضوع كان لم يكن علشان شكلهم ميتاثرش قصاد العالم
وتم تكريم حمزه وادهم بسبب المهمه دي الي كانت شبه مستحيله وكانت علامه من علامات الجهاز
وكمان النائب العام بعت جواب شكر لشهد لانها هي الي قدمت البلاغ من الاول
..........................
وعادل ونور دول بقا ثنائي لا يتكرر
قدام الناس والمجتمع انهم في قمه الرقي والطبقه المخمليه الارستقراطيه
فهو اشهر محامي في مصر
وهي استاذه جامعيه
بس في اوضه نومهم وهم لوحدهم بيتقمصو فيلم
الراقصه والطبال هههههههههههههه
بس عدت عليهم فتره صعبه جدا
لان طليق نور وطليقه عادل حاولو بكل الطرق المتاحه انهم يشككو عادل في نور بس طبعا عادل سابهم براحتهم يلعبو
ولما ياسو حاولو يشككو نور في عادل بس نور حافظه الدرس كويس وواجهت عادل اول ما اتبعت لها الرسايل والفيديوهات
وعادل فهمها انها لعبه عليهم وطمنها وقالها انه هبتصرف
وعرف ان ماهر هو الي عمل كده من مصادره الخاصه
وهو فعلا اتصرف وتم القبض علي ماهر وهو معاه شحنه مخدرات كبيره
واتحكم عليه ب٢٥سنه مع الشغل
بس غفل عن الافعي الي بتخطط وفعلا متخلتش عن خططها ومكرها
ونور حملت اكتر من مره وسقطت ومكنش فيه اي سبب طبي واضح
بس بعد فتره وعن طريق الصدفه عادل اكتشف ان واحده من البنات الي شغلين في القصر كانت بتحط لها دوا في العصير هو الي بيسبب الاجهاض
وقدر ياخد البنت المخزن وعرف منها ان صافي طليقته السبب
ونفسيه نور كانت مدمره بسبب فقدان الحمل المتكرر
وطلبت من عادل انها تروح هي وسميره المزرعه في المنصوره
وعادل وافق بسرعه لانه هيكون مطمن عليها هناك
وهو يفوق لصافي
وبعد فتره طويله ظن الكل من الي عارفين انها السبب ان عادل نسي الانتقام
وحتي صافي نفسها الي خافت في الاول اطمنت
لما عدا فتره ومحصلش حاجه
بس يصحو علي خبر في كل الصحف والسوشيال ميديا علي خبر القبض علي اكبر شبكه دعاره في مصر بقياده صافي سليم ........وتم القبض عليها متلبسه
وده كان انتقام عادل علي من ارادو به وبنوره ضرر
ودلوقتي نور في الشهر الثامن في ولدين وبنت توام
ويوسف حذر عادل انها متتحركش خالص لان كتر الاجهاض
عمل ضعف في القنوات وفي الرحم
وفعلا نور كانت مبتتحركش وكان يوسف كل شهر يروح لها المزرعه مع عادل يطمن عليها
وعادل جاب جهاز سونار مخصوص لها علشان متتحركش من مكانها ........
......................
اما عن الشباب في الشركه
فعلي وعمر ومازن ماذالو مسؤلين عن الشركه بكل مجالتها و وتفرعاتها ونجاحتها وتحولو لقوه لا يستهان بيها
وجاسر فتح شركه برمجه كبيره تندرج تحت الشركه الام بس تحت اشرافه كامل
وحسام نفس الكلام فتح شركه دعايه واعلان ضخمه جدا
واثبت نفسه بجداره
وكل واحد من السناجل له حياته الشخصيه الي عايشها باحلام ورديه .....
.....................
عند حبايبنا بقا زين وشهد
فاضل شهرين علي اليوم الي الكل منتظره وهو فرح زين وشهد
والكل علي قدم وساق بيساعد في الترتيبات
لان زين صمم انه يعيش في شقه هو اشتراها بعيده عن القصر علشان خصوصيته وحياته
واقنع الكل بوجهت نظره بعد معاناه
ووعدهم انه اغلب الوقت هيكون معاهم في جناحه في القصر بعد ما حامد جهز جناح لكل واحد من
الشباب
وكان الدور متقسم لثلاث اجنحه فقط علشان الكل يحس بخصوصيه
وامرهم بالانتقال له هم وزوجاتهم واولاده
وشقتهم الي في البرج تبقي موجوده لو احتاجوها
وكل البنات بتساعد شهد في الي هي عوزاه واختيار كل ما تحتاجه
وفي فرش الشقه واختيار الفستان وكل ما يخص الفرح