الفصل الثالث والعشرون 23 والاخير
عايزا بقي تعرفي انا ازاي وصلت لك وانتي ما شوفتيش دة في الكف
دة اللي قاله فضل ل اسيا اللي قالت
اتمني تحكي وتكون صريح معايا
فضل
انا ابقي الابيض. جدك
اتصدمت اسيا وما بقتش عارفة ترد تقول اية، ،،،،،،
نهاية اللعنة . حكاية جديدة من ضمن حكايات.
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
اسيا لسة مش مصدقة ولا مستوعبة اللي بيقوله فضل او الابيض وقت ما الابيض بص ل ثريا وقال
ثريا كفاية بقي كدة وخدي اللي معاكي وامشي
كانت ثريا بتتغذي علي اخر ذرة وجع وخوف خارجة من خالد اللي جسمه اتصفي تماما وبصيت للي معاها وقالت
كفاية كدة. وخدهم يا قابيل وامشي خليني اكمل الاتفاق اللي بيني وبين الابيض
ومشي قنديل وخد مع باقي العيلة وهنا قالت اسيا وهي متعصبة
كفاية لعب باعصابي وقولي اية اللي بيحصل هنا
الابيض
بصي يا اسيا انا خادم من اوفي خدام الشيطان واعتبر بالنسبة له ابنه المدلل واللي وصلته وانا مع ما حدش وصله من الدجالين اللي قبل مني والسحراء. لكن كنت محتاج امتلك عالم الاحلام. و عالم المستقبل يعني اقدر ادخل اي حلم وكاننا في عالمنا اللي احنا عايشنه وعالم المستقبل واللي بي اقدر اعرف كل اللي هيحصل من قبل ما يحصل. وعلشان امتلك العالمين دول كان لازم اكون ملك من ملوك السحراء اللي قدرو يسخروا اوراق التاروت لخدمتهم. ودة ما كنش هيحصل الا لما اوهب اجسام احفادي التسعةل ملك ملوك الجن جرهام وحصل. وبقيت امتلك العالمين عالم الاحلام وعالم المستقبل. ودة خلي الملك جرهام ابن الشيطان المدلل يحقد عليه ويقرر يحاربني بانه خلي خالد بصير يقدر يتحكم في عقول الاحياء. وقدر يسيطر علي عالم الاحلام بعد ما وصل ل ثريا وعيلتها وانا روحت له وعرفت انه بقي خطر عليه بعدها
هنا ثريا كملت وقالت
جالي الابيض واخترق مخي وقت ما جسمي اترفع عن الارض وعرفت اني قدام اقوي بصير في عالم الاحلام. وقالي انه مستعد يساعدني انتقم من خالد في مقابل انها توصلني ليكي.
اسيا استغربت وقالت لفضل
و انت بكل قوتك دي ما تقدرش توصل لي الا بمساعدة ثريا
ثريا
اصل احنا من نفس الفصيلة انتي مننا مش من البشر ف انا بس اللي اقدر اشوفك والعلامة اللي وصلتني ليكي عيون السمكة. اللي اختلطت بلحم كف ايدك
اسيا
اة. واضح ان الحكاية قديمة وفيها تداخل اعراق وجن اتجوز من البشر وبشر اتجوز من الجن. واحنا دلوقتي كشفنا ورقنا كله ل بعض المفروض النهاية تكون موتي مش كدة
الابيض
لا. النهاية هتكون بموت ثريا هي وكل عيلتها علشان دورها خلص
وبص الابيض ل ثريا بصة خلتها تتحول ل مجرد رماد ومش هي بس قابيل واللي مع اتحولو ل رماد وبعدها بص الابيض ل اسيا وقال
القوة اللي انا امتلكها ما بقتش تنفع تتقسم علي اتنين
اسيا ضحكت وقالت
انت فاكر ان الشيطان يقدر يوهبك معرفه المستقبل. انت اتلعب بيك وكنت فاكر انك انت اللي بتلعب بينا كلنا وفاكر ان جسم فضل تحت تصرفك لكن الحقيقية انك جوة وهم كبير وكل اللي انت فاكره حصل دة ما حصلش
وفتحت كف ايدها وشاف الابيض نفسه وهو في مستشفي المجانين ومربوط بسلاسل وقصاد منه واقف فضل واسيا وباقي الاحفاد وهما لسة عيال صغيرة والابيض بيقول وهو بيضحك بجنون
انتو اللي هتخلوني امتلك العالمين وهبقي ملك اوراق التاروت
اتصدم الابيض والدنيا كلها بدات تلف بي والشقة اللي كانو فيها اتغيرت وبقيت عبارة عن عنبر كبير في مستشفي المجانين وهو وسط الاوضة وواقف مع الدكتور اللي بيعالجة والد فضل والدكتور كان بيقول
حالته حرجة وجنانه في اخطر المراحل ومصمم انه ملك اوراق التاروت ويعرف المستقبل وحكي لنا حكاية غريبة عن ملك من ملوك الجن اسمه جرهام. هيوهب له اجسام احفادة التسعة. في مقابل ان الشيطان يرضي عنه. وان في مخلوقات عايشة في عالم الاحلام بتتغذي علي وجع وخوف الاطفال. كلام كله غريب ومريب ومرعب
بص ابو فضل ل والده الابيض وقال
للدرجة دي حالته بقيت متاخره. بس اقول اية دة اخرة طريق الشيطان اللي ياما حذرته منه. لكن ما فيش فايدة
الدكتور
في الحالات اللي زي دي الافضل للمريض هو الموت. وربنا يعفينا ويعفي عنه
وهنا كان الابيض بيبص للاحفاد التسعة وعمال يقول لهم
هتكبرو. وتعيشو مسخرين لخدمة الجن. وانا هكون الملك
والد فضل بص ل ابوه اخر مرة وخد الاحفاد التسعة ومشي ،،،،،،،