_الظابط للعسكري..خد منها العيال دي وأرميها ف الحجز وحضرلي قوه بسرعه؟
_وأول ما العسكري راح ياخد من صفاء أولادها..صفاء مسكت ف أولادها وما رضيتش تسيبهم وقام العسكري ضار،بها بالقلم عشان تسيب العيال وف اللحظه دي صفاء قامت من النوم لقيت نفسها لسه نايمه ف بيتها وأولادها نايمين جنبها..بقلم..محمد طه
(رجوع للوقت الحاضر)
_صفاء بتنهيده وصوت واطي..يا ريتني كنت روحت بلغت عنك يا بكر وكنت حميتك من نفسك ومن شيطانك..الله يسامحك يا بكر..الله يسامحك
(صوت خبط على الباب)
_صفاء..أدخل
(وكان خالد وندي ودخلوا قعدوا جنبها على السرير)
_ندي بخوف..ماما إحنا من ساعه ما عرفنا إن فيه ثعبان ف البيت وإحنا خايفين ننام
_خالد..إحنا حاسين إنو هيطلعلنا ف أي لحظه ومن أي مكان..إحنا لا عارفين نذاكر ولا عارفين ننام ولا عارفين نعمل حاجه.. غير إننا بنفكر لما الثعبان يطلعلنا هنتعامل معاه إزاي
_ندي بخوف..يا ماما أبوس إيدك..أسمعي كلامنا مره واحده بس وتعالي نبيع البيت دا ونشوفلنا بيت غيره
_خالد..وأنا فيه واحد صاحبي أبوه سمسار..يعني ف خلال يومين هيبعلنا البيت دا ويجبلنا بيت غيره
_صفاء بهدوء..خلصتو كلام ولا لسه فيه حاجه عايزين تقولوها تاني..بقلم..محمد طه
_ندي..خلصنا يا ماما ومستنيينك تردي علينا
_صفاء بهدوء..لو كنتو خايفين من الثعبان..ف الثعبان دا آخر حاجه ممكن تخافوا منها..ولو البيت دا أتباع ودا طبعا مستحيل هيحصل طول ما أنا عايشه..ف الثعبان دا هاخدو معايا ف أي مكان هكون فيه
_ندي..معلش يا ماما هوا أنا مقصدش أتريق..بس هوا ليه حضرتك بتتكلمي عن الثعبان وبتتعاملي معاه زي ما يكون أخونا التالت
_خالد..يا ماما دا ثعبان..يعني حتي لو مكنش مؤذي..
ف أسمو وشكله ووجوده ف البيت يخوف
_صفاء بهدوء..مش عايزه أسمع كلام تاني عن الثعبان ده.. وأعتبرو إن مفيش حاجه ف البيت وعيشو حياتكم عادي..لأن لو خيرتوني بينكم وبين الثعبان هختار الثعبان..ف ياريت منتكلمش ف الموضوع دا نهائيا..وأتفضلو بقي على أوضتكم عشان عايزه أنام
_ندي بعصبيه..على أوضتنا إيه بس يا ماما..بنقولك خايفين ومرعوبين..تقوليلنا على أوضتنا ونعيش حياتنا عادي..دا أنا حاسه إني هفتح الدولاب هلاقي الثعبان طالع ف وشي
_صفاء بغضب..وحاسه ليه ما نخليها بجد..(وتنادي بصوت عالي) هااااااااااااااادييييييييييي
_ومفيش ثواني وكان الثعبان خرج من أوضه الثعابين وجا عند صفاء وصفاء شالته على أكتافها وهيا قاعده على السرير وخالد وندي أول ما شافوا الثعبان داخل الأوضه خافوا واترعبو وقامو من جنب أمهم وأتمسمرو على الحيطه من الخوف
_وبدأت صفاء تشرح للثعبان وتشاورله بإيدها إنو يخرج من الأوضه ويدخل الأوضه اللي جنبها ويدخل ف دولاب الملابس
_وخالد وندي واقفين خايفين ومش فاهمين أمهم بتقول إيه للثعبان وبعد كده الثعبان خرج من الأوضه عشان ينفذ كلام صفاء..بقلم..محمد طه
_صفاء بغضب..يلا على أوضتكم..وما تنسوش تفتحوا الدولاب للثعبان عشان من النهارده هيبات معاكوا ف الدولاب..ويا ريت ما تعملولوش إزعاج عشان هادي بيحب الهدوء
_وخالد وندي لسه واقفين ولازقين ف الحيطه من الخوف ومش مستوعبين اللي بيحصل واللي أمهم بتعمله وما ردوش على أمهم
_صفاء بغضب..هوا إنتو ما سمعتوش أنا قولت إيه ولا أنده لهادي ياجي ياخدكم قدامه
_وندي من الخوف أغمي عليها ووقعت ف الأرض وخالد بيحاول يفوقها وصفاء نادت بصوت عالي على الثعبان وأول ما سمعوا أمهم بتنادي على الثعبان خالد ساب ندي مرميه على الأرض وجري على أوضتهم وندي كانت بتمسل إن أغمي عليها لأن أول لقيت خالد سابها وجري قامت تجري وراه وخالد أول ما دخل أوضتهم فتح الدولاب والثعبان دخل جوه الدولاب وخالد قفل الدولاب وبعد عنو
_ندي بخوف وأنفاس سريعه..يا لهوي.. إيه بيت الرعب اللي إحنا عايشين فيه ده
_خالد بخوف وصوت واطي..وطي صوتك عشان ما نزعجش الأستاذ هادي
_ندي بخوف وصوت واطي..ثعبان هيعيش معانا ف الأوضه وف الدولاب وسط هدومنا..لأ واسمه هادي.. أمك نادت يا هادي جه هادي.. والموضوع بالنسبه لأمك عادي خالص..دي أكنها بتنده على إبنها..دي لو بتنده عليا أنا مش هاجي بالسرعه دي..طب ودا هيعمل حمام إزاي على هدومنا.. دا أصلا ممكن ياكل الهدوم ويعدمها..يا لهوي يا لهوي وأنا هفتح الدولاب إزاي أصلا وأنا عارفه إن جوه فيه ثعبان..هوا أنته ساكت ليه ساكت ليه..بقلم..محمد طه
_خالد بخوف وصوت واطي..وإنتي عيزاني أعمل إيه دا إحنا نحمد ربنا إن أمك قالتله يدخل ف الدولاب وما قالتلوش ينام ف وسطينا على السرير (ويوطي صوته أكتر) وبعدين أطمني أنا قفلت باب الدولاب ومش هيعرف يخرج إلا لو حد فتحله
_ندي بخوف..طمنتني إنته كده..دا ثعبان..يعني ممكن يكون بياكل الخشب ونبص نلاقيه قرقض الخشب وخرج ف أي وقت ونلاقيه ف وسطينا على السرير
_خالد بخوف وصوت واطي..برضوا نحمد ربنا إن هنلاقيه ف وسطينا على السرير وما نلاقيهوش ف أماكن تانيه
_ندي يذداد خوفها..أماكن تانيه زي إيه يعني..أنته بتطمني ولا بتقلقني أكتر..وربنا ل هسيبلكم البيت دا واطفش..دا أنا عندي أنام ف الشارع ولا إني أقعد ف البيت دا ثانيه واحده
_وفجأه دخلت عليهم صفاء الأوضه وفتحت الدولاب وأخدت الثعبان وخرجت وخالد وندي مفيش واحد فيهم أتنفس من أول ما أمهم دخلت لحد ما أخدت الثعبان وخرجت وبعد ما أمهم خرجت
_ندي بخوف وصوت واطي..شوفت أمك بتتعامل مع الثعبان إزاي
_خالد بخوف وصوت واطي..دا أكنها بتتعامل مع ثعبان سمك مش ثعبان بجد
_ندي بخوف..دا لو ثعبان سمك المفروض إنها تخاف منو أو على الأقل تحرص منو
(عند صفاء)
_صفاء بعد ما أخدت الثعبان من أوضه خالد وندي راحت تتدخلو ف أوضه الثعابين وفتحت الأوضه ودخلت وقفلت الباب وراها وما فتحتش نور الأوضه والأوضه كانت ضلمه والرؤيا منعدمه خالص
_صفاء بهدوء..خالد وندي عايزين يبيعو البيت يا بكر؟
الفصل الرابع والعشرون24
_صفاء بهدوء..خالد وندي عايزين يبيعو البيت يا بكر..العيال كبروا وأسألتهم هتكتر..وخايفه ييجي يوم وما أعرفش أتهرب من أسألتهم..أنا ما بقتش عارفه أعمل إيه..لأني خلاص تعبت وما بقتش قادره أستحمل
_وبعدين كده كده يا بكر هييجي اليوم اللي هيعرفو فيه كل حاجه..عارفه يا بكر إنك مش هتقدر ترد عليا..بس أنا تعبت..وما بقاش عندي طاقه..أنا خوفتهم بالثعبان..عشان يبطلوا أسأله..بس كده كده هيرجعو يسألو تاني..بقلم..محمد طه
_وأنا من رأيي يا بكر إن أولادك خلاص كبروا وبقي من حقهم يشيلوا حملك معايا..سامحني يا بكر بس أنا خلاص ما بقيتش قادره أشيل حملك لوحدي
_وخرجت صفاء من أوضه الثعابين وقفلت الباب.. وراحت على أوضتها ورجعت تفتكر اللي حصل زمان
(رجوع للماضي)
_كانت صفاء قاعده ف أوضتها مع أولادها وفجأه باب البيت أتفتح وكان بكر.. وصفاء خمنت إنو جايب ضحايا تاني عشان يق،تلهم
_صفاء بغضب قبل ما تخرج من أوضتها..وربنا يا بكر ما هسيبك تأذي حد تاني واللي يحصل يحصل بقي
_وخرجت صفاء من أوضتها بكل غضب لكن بكر خيب ظنها والمرادي كان جاي لوحده بس كان جايب معاه صناديق كتيره
_صفاء بغضب وعدم فهم..إيه الصناديق دي كلها..
ناوي على إيه يا بكر المرادي
_بكر بهدوء..تعالي بس يا صفاء دخلي معايا الصناديق دي جوه الأوضه.. وبعد كده هتعرفي أنا جايبهم ليه
_صفاء بغضب ورفض..مش هدخل معاك حاجه يا بكر وهتقولي أنته جايب الصناديق دي تهبب بيها إيه
_بكر وهوا رايح يفتح الأوضه..تعالي يا صفاء ورايا عشان أريحك وأقولك أنا جايب الصناديق ليه (وفتح الأوضه وشاورلها على قفص الجوز ثعابين وبيض الثعابين) شايفه يا صفاء البيض ده..كل بيضه هيخرج منها ثعبان وكل ثعبان صغير هنحطه ف صندوق لوحده..عرفتي بقي أنا جايب الصناديق دي كلها ليه
_صفاء بغضب..وبعد كده هتعمل إيه بالثعابين دي كلها..بقلم..محمد طه
_بكر بدهاء ومكر..يخرجوا هما بس للدنيا ويكبرو..
وبعد كده نبقي نشوف هنعمل بيهم إيه
_صفاء بغضب وكره..هوا أنته إزاي قادر تاكل وتشرب وعايش حياتك عادي كده وأنته إيديك غرقانه بدم 3 أشخاص ملهمش أي ذنب غير إنهم وثقوا فيك
_بكر بهدوء وبرود..عالفكره التلاته دول إنتي قا،تله منهم أتنين (ويبصلها بغضب) وياريت منتكلمش ف الموضوع دا تاني..ما شافوهمش وهما بيسرقو شافوهم وهما بيتحاسبو..وبعدين حاولي تتأقلمي وتعيشي حياتك..عشان أنا مش فاضي أتكلم ف اللي فات.. عشان عايز أركز ف اللي جاي (وقرب منها وبكل غضب) عشان اللي جاي هوا الأهم
_صفاء بغضب..هوا أنته لسه ما شبعتش من الد،م والفلوس اللي جمعتها..هتعمل إيه تاني
_بكر بنبره تريقه..ناوي يا صفاء أخلي القريه اللي إحنا عايشين فيها دي تبقي بإسمي..يبقي إسمها قريه بكر الحاوي..طيب بذمتك دي مش حاجه الواحد يستاهل يتعب عشانها
_صفاء بغضب..أهو أنته قولتها أهو..يتعب..مش ينصب ويق،تل ف أهلها..أنته نهايتك هتبقي وحشه اوي يا بكر
_بكر بغضب..وأنا ما بفكرش ف النهايه دلوقتي يا صفاء.. لسه بدري على النهايه هتفولي عليا ليه
_صفاء بغضب..أنا ما بفولش عليك يا بكر..بس هيا معروفه للأعمي..الظالم نهايته بتكون قريبه..وأنته بتستعجل نهايتك يا بكر..بقلم..محمد طه
_بكر بهدوء..ما تشغليش بالك بنهايتي يا صفاء..المهم بقي دلوقتي سيبيني عشان أركز وما أغلطش وتبقي فعلا نهايتي قريبه
_وبدأ بكر يجهز الصناديق ف الأوضه لأستقبال الثعابين الصغيره وصفاء حاسه إنها متكتفه ومش قادره تعمل حاجه وكل ما تفكر إنها تروح تبلغ عنو تقول لأ أولادهم هيتشردو لأنها كده كده هتتحاكم معاه لأنها شاركت ف ق،تل أتنين حتي لو كان من غير ما تعرف لأن القانون لا يحمي المغفلين
_وفاتت الايام وبيض الثعابين فقس وخرجت الثعابين الصغيره وبكر حط كل واحد ف صندوق لوحده وبدأ يأكلهم بنفسه عشان يعرفوه وياخدوا عليه وبعد ما كبروا شويه بدأ بكر يستخدمهم ف المصيبه اللي ناوي عليها
_كان بكر كل يوم ف نص الليل كان بياخد خمس ثعابين ويخرج وصفاء لاحظت خروج بكر كل يوم وف يوم قالت تراقبه وتخرج وراه وتشوف هوا بيعمل إيه
_خرج بكر من بيته ومعاه خمس ثعابين وصفاء خرجت وراه وفضلت ماشيه وراه من غير ما يحس بيها لحد ما لقيته وقف جنب بيت ورمي الخمس ثعابين فيه؟