والأوضه دي كان فيها أطفال نايمين..وعض طفله منهم؟
_وأول ما الثعبان عضها..البنت صرخت وأهلها دخلوا بسرعه وقت،لوا الثعبان.. وبسرعه جريو بيها على المستشفى. لكن للأسف مكنش موجود ف المستشفى الماصل المضاد وإداره المستشفى طلبوا من أهلها إنهم يسافروا بيها على مصر..بقلم..محمد طه
_لكن للأسف الطريق طويل والبنت مستحيل هتعيش لحد ما توصل مصر.. وأهل الطفله فقدوا الأمل ف إن بنتهم تعيش.. وأخدوها وروحوا على البيت والخبر انتشر ف القريه كلها
(عند صفاء)
_صفاء ف الليله دي ما جلهاش نوم من فرحتها برجوع الثعبان وسليم وما فيهوش أي حاجه.. وفضل الثعبان مع صفاء وجنب أولادها طول الليل وأول ما طلع النهار صفاء دخلت الثعبان ف القفص بتاعه وصفاء مكنتش متعوده إنها تقفل باب قفص الثعبان وكانت عالطول بتسيب بابه مفتوح
_وخرجت صفاء عشان تحضر فطار لأولادها ودخل عليها بكر المطبخ عشان يواسيها ف الثعبان لأنه فاكر إن الثعبان الهادي خلاص ضاع ومش راجع تاني
_بكر بهدوء..عالفكره أنا عندي ف الأوضه ثعابين هاديه كتير..ولسه صغيرين..يعني هتربيهم على إيديكي.. ولو عايزه أتنين أو تلاته أو حتي عشره أنا معنديش مانع
(وصفاء ما ردتش عليه وما زالت بتجهز الفطار وبكر يكمل)
_بكر..أنا عارف إن الثعبان الهادي كان غالي عليكي..
وكان غالي عليا أنا كمان دا برضوا أنقذ إبني مره وأتنين (وسكت شويه) عالفكره أنا ما لقيتوش ف البيت ل تكوني فاكره إني لقيته وقت،لته (وسكت شويه) هوا إنتي ما بترديش عليا ليه..أنا غلطان يعني إني بواسيكي ف الثعبان بتاعك وبعرض عليكي بدل الثعبان عشره
_وسابها وخرج من المطبخ وأول ما لف وشه عشان يخرج يلاقي الثعبان الهادي واقف قدامه على باب المطبخ.. وبسرعه صفاء أخدته وراحت عشان تتدخله أوضتها لكن سمعت فيه ناس بره بيجرو وصوت عالي ف شالت الثعبان على أكتافها وغطته بهدومها وطلعت بسرعه تشوف فيه إيه وعرفت بحكايه الطفله اللى الثعبان عضها وإنها خلاص بتمو،ت فدخلت بسرعه لبكر وبكل غضب
_صفاء بغضب وأنفاس سريعه..أنته لما روحت البيت ما طلعتش الثعابين اللي أنته رميتها فيه ليه
_بكر بهدوء وبرود..ثعابين إيه اللي أرميها ف البيت يا صفاء.. إنتي أتجننتي وبتقولي أي كلام وخلاص
_صفاء بغضب وإستعجال..مفيش وقت للكلام يا بكر.. فيه بنت صغيره ثعبان عضها ومفيش مصل ف المستشفى والبنت بتمو،ت
_بكر ببرود..وأنا مالي يا صفاء..هوا أي حد هيعضه ثعبان هيبقي بكر الحاوي السبب
_صفاء بغضب..أنطق يا بكر لما عضني الثعبان أنته أنقذتني إزاي (وبكر ما يردش)
_صفاء بغضب وصوت عالي..أنطق البت بتمو،ت
_بكر بهدوء..هقولك يا صفاء..بس إنقاذ البنت.. قصاد الثعبان اللي معاكي..قولتي إيه..بقلم..محمد طه
_صفاء بغضب وتهديد..إنسي إنك تلمس الثعبان اللي معايا.. وإنقاذ البنت هيكون قصاد إني ما أقولش لأهل القريه إن أنته اللي رميت الثعابين ف البيت..أنا شيفاك بعنيه يا بكر وأنته بترمي الثعابين ف البيت..
(وتعلي صوتها) أنطق بقي قبل البنت ما تمو،ت
_بكر بدأ يفكر ف مساومه تانيه غير الثعبان.. قصاد إنقاذ البنت لأنه متأكد إن صفاء مستحيل تستغني عن الثعبان
_بكر بهدوء..ما أنا يا صفاء لازم تقدميلي حاجه قصاد حاجه
_صفاء بغضب وكره وصوت عالي..وأنا بقدملك سكوتي قصاد إنقاذها يا اللي الشر عامي قلبك وعقلك
_بكر بهدوء..سكوتك مش كفايه يا صفاء..أنا فيه ضيف هيجيلي بعد يومين..تقفلي بابك عليكي وما تخرجيش من أوضتك
_وسابها وراح عشان يدخل أوضه الثعابين وصفاء بسرعه راحت وقفت قدامه
_صفاء بغضب..موافقه يا بكر..أنطق بقي وقولي أنقذها إزاي
_بكر ببرود..طيب أوعي من قدامي يا صفاء عشان أدخل أجيبلك المصل
_ودخل بكر أوضه الثعابين فتح التلاجه وجاب المصل وعطاه لصفاء وصفاء أخدت المصل بسرعه وخرجت لكن قبل ما تخرج بكر نده عليها
_بكر بهدوء..صفااااااء (وصفاء وقفت وبصتله وما ردتش)
_بكر بهدوء..المصل يتاخد وريد مش عضل
_ولسه هتخرج وبكر ينده عليها تاني
_بكر بهدوء..خليهم يعلقولها محلول ويضيفو عليه المصل ويغسلو مكان العضه بميه وصابون وما يربطوش مكان العضه..بقلم..محمد طه
_وبسرعه صفاء راحت عملت اللي بكر قالها عليه والحمد لله تم إنقاذ الطفله ف اللحظات الأخيره.. لكن حصل حاجه مكنتش ف الحُسبان
_صفاء لما أخدت المصل من بكر وراحت على بيت الطفله كانت شايله الثعبان الهادي على أكتافها ومغطياه بهدومها..
_وهيا هناك ف البيت..فيه واحد من أهل البيت اللي شاف الثعبان الهادي ف الحوش عند البهايم لمح الثعبان من تحت هدوم صفاء
_وأهل البيت كلهم حاوطو صفاء وكل واحد فيهم ف أيديه آله حاد،ه عشان يق،تلو الثعبان اللي مع صفاء وطلبوا منها إنها تسلملهم الثعبان عشان يقت،لوه
_اللي شاف الثعبان ف الحوش..أنا متأكد إن هوا دا الثعبان اللي كان ف الحوش عند البهايم..وأكيد هوا اللي جاب معاه الثعابين دي كلها
_صفاء بخوف وهيا بتداري الثعبان بهدومها..لأ مش هوا..وبعدين الثعبان دا مش مؤذي وما بيأذيش حد
_بغضب..مؤذي مش مؤذي الثعبان دا مش هيخرج من هنا إلا مي،ت..وأبعدي عن الثعبان عشان ما تمو،تيش معاه
_صفاء تاخد الثعبان ف حضنها جامد وبكل إصرار..
الثعبان دا مفيش حد هيلمسه طول ما أنا عايشه..
وبعدين أنا لسه عامله معاكم جميل وأنقذتلكم بنتكم
ودا بالنسبالي إبني وهوا مصدر رزقي أنا وعيالي
(وتعلي صوتها وبكل غضب) إييييه.. أحييلكم بنتكم وتق،تلولي إبني
_أكبرهم سناً..طيب اهدي يا بنتي..إهدي..محدش هيلمسه..وبعدين دا ثعبان مش إنسان عشان تقولي عليه إبنك..وبعدين دا ممكن يغدر بيكي ف أي وقت (ويسكت شويه) فيه قصه قديمه كده هقولك عليها كان فيه ست عندها ثعبان وكانت بتربيه زي إبنها بالظبط.. وفجأه الثعبان دا منع الأكل وما بقاش راضي ياكل.. ف الست أخدت الثعبان وراحت تكشف عليه عشان تشوف هوا رافض الأكل ليه.. ف الدكتور قال للست لازم تتخلصي من الثعبان دا حالا..أستغربت الست وقالتلو ليه يا دكتور بتقول كده..رد عليها الدكتور وقالها..الثعبان دا بيجوع نفسه عشان بيستعد عشان ياكلك..الخلاصه يا بنتي مهما إن كان الثعبان دا مش مؤذي ف لازم تحرصي منو لأنو ممكن يغدر بيكي ف أي وقت
_يابا الثعبان دا مش هيخرج من هنا إلا مقتو،ل..
والست دي مجنونه..الثعبان دا كان هيأذي البهايم
_صفاء بغضب..أنا مش مجنونه.. والثعبان دا هوا اللي أنقذ البهايم.. ولولا الثعبان دا كان زمان بهايمكم كلها مقتو،له..بقلم..محمد طه
_صدقتوني بقي إنها مجنونه..أهو كلامها دا أكبر دليل على إنها مجنونه..إزاي الثعبان هينقذ البهايم..
هينقذها من نفسه.. وهوا دخل الحوش عند البهايم ليه أصلا.. مش عشان يأذيهم
_صفاء بهدوء وحزن..عندكم حق ما تصدقونيش..بس والله هيا دي الحقيقه..الثعبان دا دخل البيت عشان يحمي اللي فيه من الثعابين الصغيره اللي كانت موجوده هنا..واللي بيأكد كلامي الصوت اللي إنتو سمعتوه واللي القريه كلها سمعته
_بغضب..أظن كان بيصحينا..الثعبان دا صرخ الصوت ده عشان كان فيه بهيمه دايسه عليه
_صفاء بإستعجال..وأنا هوريكم الثعبان دلوقتي وهتشوفو بنفسكم إن الثعبان سليم ومفيش حاجه داست عليه..وكمان الثعبان دا مفيش ليه أسنان..يبقي هيعض إزاي وهيأذي إزاي
_بغضب..حتي لو كل كلامك دا صحيح..الثعبان دا مش هيخرج من هنا إلا مي،ت..وإنتي ست مجنونه
_صفاء بغضب وحزن..صحيح.. خيرا تعمل شرا تلقي.. اللي أنقذت بنتكم تتهموها بالجنون..واللي أنقذ بهايمكم عايزين تقت،لوه
_أكبرهم سناً..أكشفيلي يا بنتي عن الثعبان عشان عايز أشوفه.. وعايز أتأكد إنو ملوش أسنان
_وبدأت صفاء تكشفلهم الثعبان وكلهم بدأوا يرجعوا لورا عشان خايفين من الثعبان وبدأت صفاء تمسك بوق الثعبان وتفتحه عشان يتأكدوا إنو ملوش سنان
وبعد ما أتأكدو من كلام صفاء
_أكبرهم سناً..خلاص يا بنتي أنا مصدقك..بس لسه فيه حاجه عايز أفهمها..هوا الثعبان دا مصدر رزقك إزاي يعني
_صفاء..بعمل بيه أستعراض قدام الناس وببسطهم وأخليهم فرحانيين وهما بيراضوني ويدوني اللي فيه النصيب..بقلم..محمد طه
_أكبرهم سناً بعد ما صدقها وصرف الناس اللي كانت واقفه كلهم..خلاص يا بنتي ما تخافيش..محدش هيقربلك ولا هيقرب للثعبان اللي معاكي..بس أنا عايز أصححلك المثل اللي قولتيه من شويه..اللي هوا خيرا تعمل شرا تلقي..مفيش خير بييجي من وراه شر.. لأن الخير بييجي دايما وراه خير..يبقي نقول خيرا تعمل خيرا تلقي..(ويسكت شويه) شوفي يا بنتي.. أنا هوفرلك شغل هيدخلك فلوس ضعف اللي بتكسبيه من ورا الثعبان دا..لأني مش مقتنع إنك تتعاملي مع ثعبان أصلا..ومش هقولك أتخلصي إنتي من الثعبان بطريقتك..بس هقولك حرصي منو على قد ما تقدري
_وخرجت صفاء من البيت وهيا مجبوره الخاطر والفرحه مش سيعاها لأنها هتشتغل وهتصرف على عيالها بالحلال بعيد عن فلوس بكر
(رجوع للوقت الحاضر)
(رجوع للوقت الحاضر)
(رجوع للوقت الحاضر)
_قامت صفاء خرجت من أوضتها وراحت قعدت ف الصاله وكانت أوضه الثعابين قدامها ونادت على خالد وندي بصوت عالي..وطلعوا من أوضتهم وفضلو واقفين قدام باب أوضتهم لأنهم خايفين من تصرفات أمهم بالثعبان معاهم
_صفاء بهدوء..إيه مالكم واقفين عندكم ليه كده..
تعالوا أقعدو هنا جنبي عشان عيزاكم
_وبدأو خالد وندي يقربوا من أمهم وهما خايفين لحد ما راحوا قعدوا جنبها
_صفاء بإنفعال..هوا إنتو خايفين من إيه..الثعبان ف الأوضه جوه..ولا يكونش خايفين مني
_ندي بهدوء..لأ يا ماما إحنا هنخاف منك ليه
_خالد..خير يا ماما كنتي عيزانا ف إيه
_صفاء بهدوء..إنتوا اللي كنتوا عايزين مش أنا
_خالد وندي يبصوا لبعض باستغراب وعدم فهم
_ندي بإستفهام..إحنا مش عايزين حاجه يا ماما..
حضرتك اللي ندهتي علينا وقولتيلنا تعالوا عيزاكم
_صفاء بتردد وهيا بتبص على أوضه الثعابين..إنتوا كنتوا عايزين تعرفو (وسكتت شويه وبعدين أتكلمت بشجاعه) إنتوا كنتوا عايزين تعرفو الأوضه دي مقفوله ليه وفيها إيه
_خالد بهدوء..خلاص يا ماما.. ما إحنا عرفنا
_صفاء بتوتر..عرفتوا إيه
_ندي..مش محتاجه ذكاء يا ماما..الأوضه كانت مقفوله عشان كانت مخصصه للأستاذ هادي (الثعبان الهادي)..وحضرتك مكنتيش بتخلينا نقرب منها عشان الأستاذ هادي بيحب الهدوء وما بيحبش الازعاج
_صفاء بهدوء وثبات..الأوضه دي مقفوله عشان فيها أربع ج،ثث..(وسكتت شويه) وج،ثه أبوكم الخامسه؟