اسيقظ فراس وقد دب النشاط في اوصاله بشكل مفرط، فنهض وارتدي ثيابه علي عجل وملس علي شعر مهرة النائمة بحنان وقال:
هتوحشك يا جليبي ،اه يا مهرة لو كنت مرتي صوح ما كنت فارجت فرشتك لسنه جدام، ادعيلي ربنا يوفجنا لجل يتم الصلح علي خير والعاشق يكون نصيبه معشوقته
استقام وعدل من مظهره العام وهندامه وخرج ليمتطي حصانه وينطلق الي مجلس الصلح الذي كان يحضره لفيف من رجال الداخلية والمأمور واكابر البلد ورجال الدين والعمدة
دخل عليهم فراس بهيئتة المهيبة فخطف انظار الجميع بحضوره الطاغي وقام جابر رحب به بحفاوة وقال:
فينك يا ولدى الكل حضر وكنا بانتظارك انت وفيصل فينه،
ابتسم فراس وترجل عن حصانه وترك لجعبل الذي كان بانتظاره وقال له:
هم يا جعبل هات فيصل وتعالي بسرعة متعوجش يلا هما
امتطي جعبل حصانه وانطلق به الي الجبل كم هو متفق معه اما فراس فصافح جابر وشد علي يده وقال:
كلتها عشر دجايج وفيصل هيكون اهني،المهم المامور اجي والشيوخ وولاد عيلة الجبري ولا لاه
جذب جابر يده واشار الي المجلس وقال:
كلتهم جوه بس كانو في اتتظار فيصل انت خابر هو وسلطان اللي هيجع عليهم النسب بالبدل
والحمد لله انك سبجت وجيت مريدش نبدا من غيرك
ربت فراس علي كتف جابر ودخل اليهم والقي السلام،
الكل رد عليه بلا استثناء وبسرعة، مما جعل المامور بسال العمدة عن هويته :
مين ده يا عمدة شايف الكل بيهابه او بحترمه هو من اكابر البلد ولا واحد من ولادهم لانه لسه صغير
طالع العمدة عواد فراس بنظرات متعددة بين الاعجاب به وبعنفوانه وشدة باسه، وبين الخوف منه لقوته وجبروته،وبين احترام الجميع له رغم انه قاتل وابن ليل، تنهد بقوة ثم نظر إلي المأمور وقال:
ده حفيد عيلة السوالمة، وهو اللي سعي للصلح ووفج بين العيلتين علشان اكده الكل بيحترمه
تفهم المامور سر مكانته ونهض من مقعده ودنا من فراس وقال له وهو يمد يده ليصافحه:
انت يسعدني اتعرف علي البطل اللي كان سبب في انهاء اكبر خصومه ثارية بين عائلتين من اعرق عائلات الصعيد،
رغم صغر سنك لكنك عملت اللي مقدرش يعمله كتير من اكابر وشيوخ ورجال قانون لكن واضح انه مورث فيك، للن من معرفتي بتاريخ البلد ان جدك الكبير سويلم كان هو كبير المجلس العرفي وكل الخصومات كانت بتتحل بوجوده
طالعه فراس بهدوء مريب وابتسم بفخر وقال:
الشرف لينا يا حضرة المامور، وفعلا جدي سويلم كان كبير المجلس والامر الناهي، وانا كي ما بيجولو العرج يمد لسابع جد، وباءن الله هكون كبير المجلس وكبير البلد عن جريب
ونظر الي العمدة بغموض وقال:
ولا ايه جوالك يا عمدة
نهض العمدة ودنا منهم وقال بتحدى غريب:
كله جايز بس هتفضل احلام، واكمل حديثه مع المامور بثقة:
يا حضرت المامور انا بكمل في اجراءات بناء محلج للقطن ورايد عماله كتير، بستاذن حضرتك قايمة بالمطلوبين واللي عليهم احكام وهربانين في الجبل، لاني هستعين بيهم في شغل المحلج ومريدش اخالف الحكومة
حدق المامور الي العمدة بدهشة وذهول:
انت بتقول ايه معقول مطاريد الجبل هيشتغلو عندك بالمحلج
طيب لو فعلًا قدرت انا هجيب ليهم عفو للاحكام البسيطه زي سرقه بالاكراه او قتل خطا، او سرقة مواشي وتهديد الامان
مدام هيسلكو سلوك قويم، وهدعم طلبك ده بمراقبين لمدي توبيتهم واصلاح حالهم، بس الفكرة دي جتلك منين
ربت العمدة علي كف فراس وقال:
من ولدنا فراس هو ليه كلمته عليهم وطلب من ابني ليهم المحلج لجل اساعد في اصلاح حالهم
حدبه المأمور فراس بدهشة وشد عاي يده بقوة وقال:
لا انت حكايتك حكاية، يعني تخلصني من خصومة بقالها سنين، وكمان مطاريد الجبل، ويسود الامن البلد
انا عايز اقولك بسببك هكون احسن مأمور خدم في مدريات قبلي كلها،وهكون قدوة لكل اللي هبجو بعدى
انا ليا معاك قعدة طويله ياريت تشرفني بمكتبي لاني هحتاج ليكي كتير، وخدها مني كلمة يا عمدة وعن ثقة، ان فراس ده هيكون ذو شأن عظيم لان اللي ليه لية عقلية زيه لازم يكون ليه مكانة كبيره
اؤما له فراس بهدوء وثقة وقال:
اكيد هجيلك مكتبك وهعرفك علي نفسي زين،بس دلوك اتفضلو العريس وصل
ساله المامور باستغراب:
عريس مين هو احنا في فرح دي مجلس صلح
اشار فراس نحو فيصل الذي اتي بصحبة جعبل وقال:
فيصل ولد الجعافرة عريس الليله بعد الصلح باذن الله بعد ما ربنا حل دمه من التار ولا ايه جولكم
ربت عليه المامور وذهب الي معقده وكذلك العمدة الذي جذبه فراس من يده وساله بحيرة:.
غريب امرك يا عواد،كل اللي طلبته منبك تحمي وجودهم، لكنك طلعت ناصح وخليتها رسمي وامنتهم بالجانون، من ميتي يا واد عبد الرازق بتعمل خير
خلص ذراعه من يده ونظر اليه بانكسار:
بحاول اكفر عن ذنبي وذنب ابويا، ومش هرتاح غير بعد ما ارد ليك ارض جدك ، وبفكر انجل للدوار الجديم، واهملك الدوار اللي علي ارض دار جدك اللي اتحرجت، بس لول اخلص مالي من مالك لجل ارد حج ربتا لاصحابه
غامت عيناه وضحك بسخرية وقال:
مالك كله حجي لانه من ريع الارض اللي استوليتو عليها من ٢٧ سنه وزيادة، وانا جولتهالك سابج مريدش ارض ولا مال الا بعد ما اعثر في خيتي واخلص انتجامي
اشار العمدة بيده بالرفض وقالموضحًا:
لاه يا فراس مش كل مالي من ريع ارضك، في مال مرتي وورث اماي ومالي الخاص، كل ده بعيد عن حجك اخلصه من مالك واسلمه ليك ،لجل تكون توبتي الي الله خالصه
تنهد فراس وزفر انفاسه براحة اثلجت صدره بانه لم يلوث يده بدم عواد، وحمل ذنبه بعدما اظهر الخير الذي بداخله وكان سبب في توبته وكسب عنه ثواب، فابتسم له وقال:
مدام توبت وانبت الي الله انا هعينك وهجف جارك لحد ما تخلص نفسك من ذنبك لعل الله يغفر لك ويتوب عليك
هما نجعد الجلسة بدات والنار هتولع وهتبجي للجو دلوك،
استغرب العمدة حديثه ونظر الي اكبر مشايخ البلد الذي جلس بين كبار العائلتين وقال :
بسم الله الرحمن الرحيم قال الله تعالي في كتابة الكريم،
﴿ فَمَنْ عَفَا وَأَصْلَحَ فَأَجْرُهُ عَلَى اللَّه)
العفو شيمة الأقوياء، وخلُق الكرماء، وديدَن العظماء،
إن الله لا يحبُّ الباغين، ولا يحبُّ المعتدين، ولا يحب الظالمين ولا يحبُّ الخانعين؛ وإنَّما يحبُّ الباحثين عن حقوقهم، المؤدِّين لواجبهم، العافين عمَّن أساء إليهم مع قدرتهم على الردِّ.
اليوم بنتجمع باذن الله لارساء الصلح بين عائلتان بالنسب،
ياحج عثمان هتتنازل عن حقك في دم ولدك بالنسب مع عائلة الجعافرة وعفا الله عم سلف،
نظر عثمان الي ولده بضيق وقال:
ايوه يا شيخنا راضي وكبيرنا وخواتي وولاد عموتتي كلتهم شاهدين عليا، باني جبلت النسب حقن للدماء واعفاء ولادهم وولادنا من بحر الدم ويكفي اللي راحو
رد الشيخ عليه وقال:
بارك الله فيك وانت يا جابر جابل بالنسب بينتكم لجل تنقذ ولدكم وسلسال من الثار
اجابة جابر برضا وهو ينظر الي فراس الباسم بغموض:
جابل وراضي وموافق وكبيرنا وصغيرنا حاضر وسامع وشاهد
طلب الشيخ بالصغار سلطان وفيصل وقال لهم ما قال،،
فكان ردهم مثلهم،فقبل ان يقر الصلح ويوفع علبه العائلتين
قال الشيخ بتوكيد:
رددو ورايا لقد استخرنا اللي وقبلنا النسب بين العائلتين وقف للدماء وهلاك الشباب وان من يخالف هذا يسقط حقه ويقام عليه حق عرب للاخر ويشهد عليكم الله والموجودين جميعا
ردد كل الموجودين ما قال الشيخ ووقعا وثقية الصلح،
فقراو الفاتحه وطلب منهم الشيخ المصافحة وطلب النسب
تقدم سبطان لمصافحة جابر وقال له:
انا بطلب بتك زينب للزواج تاكيد علي الصلح بالنسب
نظر جابر الي فراس فيصل الذي اؤما له بالموافقة وقال له:
وافج يا عمي متغلاش مره علي راجل لجل تفديه وزينب هتفدي شباب العيلة كلتها
تنهد جابر وقال علي الملاء:
موافج يا واد الحج عثمان الجبري مبارك يا ولدى
ابتسم سلطان بشر وظن انها نال انتقامه وثأره وقال:
نقرا الفاتحه ونحدد الزفاف
اوقفه فيصل وقال بجدية وحدة:
مش لما اختار اللي اخطبها زيك ونقراء الفاتحه علي الاتنين
هز فيصل راسه بالموافقة فتقدم فيصل ومن خلفه فراس كظله مد يده الي عثمان الجبري وقال:
لجل اتمام الصلح بالنسب بطلب بتك وردة زوجة لي
حدق به عثمان وصاح سلطان بغضب:
اتجنيت يا فيصل خيتي وردة مكتوب كتابها علي منصور
واد عمها دخلتها الشهر الجاي، انت اكده بتخالف شروط الصلح
ابتسم فيصل بتهكم وقال بحدة:
لاه يا واد الحج عثمان، انا مخالفتش شروط الصلح وهعمل بيها، لكن كي ما اختارت مرتي وهطلجها لجل افدى نفسي وخواتي، من حجي اختار عروستي منيكم واحنا الاشراف الكرام انتسابكم لينا شرف ليكم انا بطلب بتكم وتطلج كي
ما هطلج مرتي مش ده العدل
لاما تطبقو سنة رسول الله كم قال في حديثه الشريف
(عن أبي هريرة، عن النبيِّ صلَّى اللهُ عليه وسلَّم قال: «لا يخطُبُ أحدُكم على خِطبةِ أخيه، حتى ينكِحَ أو يترُكَ)
نظر عثمان الي ولده وصاح منصور بحدة:
لاه انا مش هطلج مرتي والصلح ميلزمنيش ولا حد ليه حج يدخلها في البدل وهي علي ذمتي
ثار سلطان علي فيصل وقام العمدة والمامور للفصل بينهم فقال سلطان بغضب:
كي مرتك قصدك لانك طلبتها ده ميدكش الحج بانها تكون مرتك،لكن خيتي مكتوب كتابها والكل خابر
نهض شيخ الجامع وقال :
لاه يا ولدى زينب مرت فيصل ومكتوب كتابها من سنتين، وانا وفراس كنا شاهدين علي العجد، عندك ماذون البلد اساله
غامت عين سلطان بشر وامسك الماذون من تلاليبه وقال:
انطج يا شيخ عبد الرحمن صوح فيصل اتجوز زينب من سنتين حوصل كيف وميتي وليه محدش خبر بده
وقف الماذون ونظر الي فراس بخوف وقال:
حوصل اليوم اللي اتفجو معايا فيه علي كتب الكتاب جاهم خبر عمه فؤاد وجتها طلب فيصل نكتب الكتاب وناخر الزفاف
لحد الاربعين وطلبو مني مجولش لجل ما تكون عيبه في حج عمه جابر بانه جوز بته يوم موت خوه
وادي الجسيمة انا لحد دلوك مسلمتهاش ليهم، وطلب مني فراس احيبها لجل لما يطلقها فيصل كي اتفاجكم اطلعها
ااختطف سلطان القسيمة وقرا تاربخ كتب الكتاب والذي كان يتوافق بيوم مقتل اخيه فصاح بغضب:
لاه انتو اكده ضحكتو علينا والصلح ميلزمناش
نهض كبير الشيوخ وقال له بحدة:
ده كلام صغار مش هحاسبك عليه انت وافجت وبوك واهلك واشهدتو الله عليكم، اسقط حجكم في دمكم عند الجعافرة،
رضيتو بالنسب كمل الاتفاق رفضتو هيتجام عليكم الحد لمخالفتكم عهد الله وهيكون عليكم حج عرب جولت ايه
وضع عثمان راسه بين يداه وقال بحزن وانكسار:
خلصنا يا سلطان خيتك مش هنطلجها وبنتهم لجوزها حلال عليها اطلب بت غيرها ده حج دمنا في خوك ومش هنفرط فيها، قوم لجابر اطلب منه بت من بناتهم
دنا منه فراس والابتسامة تعلو محياه:
ده شرف ليكم ان بت من الاشراف تحمل بذرتكم العفشة، انتو اللي رابحين وزين انكم رضيتم وارتضيتم
ضغط سلطان علي فكه بقوة وغيظ وقال لجابر :
انا طالب منكم النسب في بت من بنتكم ايه جوالك
رد جابر برضا وهدوء:
موافج وانت يا فيصل اطلب بت غير وردة مش حجنا ناخد واحدة من جوزها، اتجدم لكبيرهم واطلب النسب
اعترض سلطان وابيه عثمان بشدة وقال:
لاه ما ينفع واصل احنا ما نجبل بنتنا تتاخد علي ضره، كي ما بتهم هتكون مرته لحالها واول بخته وهيراعي ربنا فيها ،حج بتنا يكون رجالها لها لحالها من غير ضره
اتكهرب الموقف وقال جابر ردا عليهم:
طيب مدام مصرين فيصل يطلج مرته لجل بتكم ما طلجو بتكم لجل ولادكم كلتها
واخذت همهما تسري بينهم الي ان قال فراس:
يا خال مقضيه، مدام زينب خرجت من البدل يدخل خوها ويخرج فيصل وتحل خيته مكانه واكده يتوازن العدل
ربت الشيخ الكبير علي كتف فراس وقال:
جولك زين طلبتو زينب وحل محلها خوها، ويخرج فيصل ويحل محله خيته فاطمة ويبجي النسب كي ما اختارتو
هما يا سليم اتجدم لكبيرهم اطلب بت من بنانتهم،
كان حل فراس يرضي الجميع ويوازن الكفه فلم يستطيع احد منهم الرفض بعد خضوعهم لقانون اىصلح، فتقدم سليم الي كبير عيلة الجبري وقال:
يا عم انا ريد بت من بناتكم اشرفها بنسبي ويكون ولادها مني اشراف كرام من نسل الرسول الكريم،وانا موافج علي اللي هتجولو عليها بيكفي انها هتكون السبيل لوجف الدم بينتنا
صافحه كبيرهم وقال بترحاب:
وانا موافج وهنقرا فاتحه بتنا خديجة علي ولدكم سليم وولدنا سلطان علي بتكم فاطمة وباذن الله الزفاف جبل هلال شهر ربيع العربي بيوم يعني اول الشهر مبارك عليكم
وتم الصلح وارتضي الجميع وعلت الزغاريد ابتهاجًا بذلك الا سلطان الذي اخذ يرمق فراس بحقد وقال:
عملتها يا واد الليل وضحكت علينا كلتنا وانقذت فيصل وجوزته لحبيبتها،كنت خابر انها مرتع وطوعتني لجل تدبسنا في الصلح وتحرم علينا دمه اللي من حجي
ضحك فراس ودنا منه وهمس في اذنه بسخرية:
اوعك كنت فاكر انك تجدر تمس شعري من فيصل وهو في حمايتي،انا انجذتك وكمان شرفتك وعليت مجامك بنسب الاشراف انت تحمد ربك انهم جبلو بيك وبتهم هتحمل بذرتكم وتنضف نسلكم، انت كسبت جوهرة
وهجولك كمان لجل اجهرك واحرق جلبك بخبثك اسمع
وذهب الي كبير المشايخ وطلب منه ما قال :
اسمعو يا اهل الخير مدام هيكون زفاف سلطان وسليم هنتتم معاهم زفاف فيصل لانه زيهم موافجين
ضربت الدماء الحارة في راس سلطان وجعلته يشتعل كجمرة نار من الغيظ بعد ان لعب بهم فراس كيفما يشاء، واصبح الرابح الوحيد فيصل فجذب خنجره من شرابه حذائة، ونحر راسه بغل لكي وتسيل الدماء،،،،
24
. .. .. .. .. .. .. .. .. .. .. .. .. .. .. . .. .. .. .. .. .. .. ..
ابحرت في عشق هواك حتى غرقت في أعماق حنانك وشعرت يوماً حينها بأن أمواج قلبك تأخذني بين أحضانك .. حتي وجدت نفسي علي شاطيء غرامك وأصبحت كيانك وسكنت بين نبضات قلبك أذوب عشقاً بين وريدك وشريانك.
تم الصلح علي النسب بين عائلة الجبري وعائلة الجعافرة وارتضي سليم بأن يحل محل ابن عمه فيصل زوج اخته لكي يتزوج منهم ورضا بنصيبه،
اما سلطان فكان الغضب يتاكله من خداع فراس لهم، الذي اجبرهم علي صلح لا يريدوه وزوجة لم يختارها،فدنا منه وقال لها بحنق وحقد:
جدرت تعملها يا واد حسنه وتضحك علي العيلة كلتها بمكرك
امسكه فراس من تلاليبة وضغط علي فكه بقوة واردف:
حسنه دي ستك وتاج راسك ومداسها برجبتك ورجبة عيلتك كلاتها ، لكني واد حلال مش مجهول الابو لجل تنادي باسم اماي فاهم يا واكل ناسك ولا تحب افهمك بطريجتي
لاحظ عثمان الحوار الغاضب القائم بين ولده وفراس فتدخل بينهم وخلص أبنه من يد فراس القابضة عليه بقوة وقال:
خلصت يا سلطان احنا اللي جبلنا من لول نفرط في دم خوك بالرخيص وممنوش عازه دلوك الحديت، هما ياولدى اجتل الشيطان اللي جواتك خلي اليوم يعدى علي خير
لان لو ساح دم غير دم الفدو هتبجي خراب ملهوش اخر
سحب سلطان سكينه من شراب حذائه ونحر رقبة الكبش وكذلك فعل فيصل لتزغرد النسوة ويصدح صوت المزمار ابتهاجًا بالصلح
اتسعت ابتسامة فراس حين تقدم منه المأمور شخصيًا مصافحًا اياه بأحترام جم، وطلب منه زيارته في المركز بأقرب فرصه، وقد وعده فراس بذلك واكد عليه حضور الزفاف
غادر المامور بصحبة العمدة ومشايخ البلد وكل من اولاد عائلة الجبري التي كانت تجر اذيال الخيبة، وبعض اكابر البلد الذين شهدو علي الصلح،لم يتبقي غير الماذون وشيخ الجامع الذي اثني بفخر علي ذكاء، ودهاء فراس في حل معضلة زواج فيصل من زينب بدون حدوث مشاكل او تهديد للصلح،
جلس سليم بجوار المأذون وساله بحيرة:
جولي يا شيخنا كي خيتي طلعت قسيمة جوازها من سنتين واتسجلت في المحكمة وهي لسته مكتوب كتابها من سبوع
اتاه الرد من فراس بهدوء وثقة:
هجولك انا يا ولد الاشراف الكرام، بعد ما فيصل طلب حمايتي ادليت لعيلة الجبري وجولتلهم انه في حمايتي واللي يفكر ياذيه هيكون خراب ومرار عليهم
وجتها سلطان ملجاش مفر لجل ياخد تاره غير بالخبث، والدناءة ، فوافج علي عرض الصلح بالنسب وشرط تكون خيتك من نصيبه
ومن حسن الحظ كان جبلها فيصل حكي لي عن عشجه لخيتك، وكي رفض يتجوزها لجل ما تبجي ارملة، وده اللي خلاني وعيت لخبث سلطان بانه رايد ياخد تاره من فيصل بجتله بالحياه بجوازه من بت عمه وعشجية روحه زينب،
وافجته واكدت ليه باني هضغط عليكم لجل توافجو واولهم فيصل، وجيت لبوك اطلب خيتك للجواز لجل يوافج
استغرب سليم حديث فراس عن طلب اخته له وليس لفيصل فاستوقفه وساله بحيرة:
تطلبها ليك ليه،ايه سبب انك مطلبتهاش لفيصل بوي مكنش هيرفض، ده غير من فين كنت تضمن موافجة بوي علي جوازك منيها وانت لستك متجوز جبلها بليلة
ضحك فراس ومسد ظهره بقوة وقال:
بوك مكنش هيرفض جوازها من فيصل صوح لكن كان هيصر الكل يعرف ويتشرف بجواز بته من بت خوه، ده غير مكنش عندى الوجت اللي اشرح فيه ،
كل اللي كنت رايده اكتب الكتاب جبل عيلة الجبري ما تشم خبر، وعن ثقتي في موافجة بوك
ايوه كنت واثق لان بوك بيعز جدي سويلم واللي منيهم وانا حلفته بالغالين وعودة النسب بنيتنا، ولان بوك واثق باستحالة جوز فيصل من زينب بسبب التار وافج فهمت
اؤما سليم باستعاب تفكيره وحسده علي ذكاءها وسرعة البديهه لدية،فأكمل فراس ما كان يقول:
بعدها روحنا لدار الشيخ عبد الرحمن وخبرته اني رايده يكتب كتاب فيصل وزينب بتاربخ جديم، والاهم يسجله في سجلات المحكمة، ومكنش صعب لان اي ماذون بيكون عنده في دفتره ورجة او اتنين فاضين تحسبنا لعقد يخرب،
وده اللي عملناه خلناه كتبه العقد بتاريخ قديم من ورقة بدفترة مره عليها سنه وزيادة، وترك الباقي عليا، فطلبت من فيصل بعدها يروح المحكمة ويطلب عقد جوازه، لكن المحكمة اقرت ان مفيش عقد باسمه واستدعت المأذون اللي اقر ان العقد تم لكنه لم يقيد بسبب مرضه ونساه،
ولان قيد العقد بالوقت الحالي يضيع حقوق الزوجة،اضطرت المحكمة تقيده بتاريخه القديم، واقرت غرامة علي الماذون بسبب المخالفة والاهمال،
والحمد لله اتسجل العقد بصفته القديمة وليس كعقد جديدة وبكده جفلنا الباب في وش سلطان، لجل ما بتجرا ويطلق زينب من جوزها كي خيته ونبعد عنا شبهة الخداع جدام المشايخ واتفقت مع الماذون علي اللي جاله وكنت شاهد انا وشيخ الجامع كي ما كان بالعقد فهمت
وبعد ما المأذون صان السر وحفظ الامان تم الصلح علي خير
إن الاوان كلتنا نجهز لعرسك وعرس فيصل وعرس خيتهم وباذن الله هتكون ليلة من الف ليلة وفرحه كبيرة للكل
احتضنه فيصل بقوة وقال بامتنان:
انا اتكتب لي عمر جديد علي يدك يا واد عمي، وانا هوفي بوعدي من الليلة هكون تابع ليك ويدك اليمين
ربت فراس علي كتفه وضمه باخوه:
اوعاك تجول اكده انت وعيلتك اشراف البلد ومن نسل اشرف خلق الله عمركم ما تكونو تابعين انا بعفيك من وعدك بيكفيني الاخوة اللي بينتنا وحسن العشرة والمودة
شكر جابر الشيخ عبد الرحمن لجميله وكفأءه بمبلغ من المال هدية ومحبه لمعروفه معهم كم شكر فراس لحسن تصرفه
غادر بعدها كل منهم الي داره الا فراس الذي طلع الي الجبل لكي يحادث الغول ويبلغه بما سيقوم به العمدة
لتعم الفرحة رجال الجبل بعد منحهم العفو لكي يعيشو حياة الاستقامة بدون الخوف من الحكومة
ليزيد محبة واحترام الجميع لفراس وكل واحد منهم يتمنا ان يرد جميله حتي ان وصلت الامر الافتداء بانفسهم في المقابل
لتنهي الليلة عند هذا الحد ويعود فراس الي داره لكي ينعم ببعض الراحة بين احضان عشيقة روحه مهرة
*****************
في دار عثمان الجبري
يدخل سلطان والغضب يشتعل بداخله واخذ يضرب ويركل كل ما يقف امامه دلف وراه ابيه وصاح فيه:
وبعدهالك يا سلطان، اللي حصل حصل سواء زينب او فاطمة
ده نصيبك وقدرك ارضا بيه وهمل الخلق للخالق
وضع سلطان يده علي صدره وصاح بالم :
نار يابوي نار ولعه في جلبي وجتتي مخليني مطايجش حالي، بجي ولد الليل يضحك علينا ويلعب بينا كلتنا اكده
جلس ابيه وغامت عيناه بحزن ورد عليه:
واد الليل مضحكش علينا ولا ضربنا علي ايدنا، هو حذرني من مس فيصل وكنا نجدر ناخد التار في غيره، لكني وعي ليك يا ولدى وخابر جهرتك من جوز فيصل بزينب
انت خابر زين ان عمرها ما كانت ليك ولا نصيبك،ارضي بما قسمه الله ليك، واستغفر ربك، وبيكفي ان عشجك ليها كان السبب في تفريطنا في دم خوك الله يرحمه
نكس سلطان راسه ارضا وقال بخجل من نفسه:
منكرش اني رايدها من زمان الزمن، وخابر ان الاشراف مش بيجوز بناتهم للغريب ،لكن فراس هو اللي اجي وعرض الصلح ولجيتها فرصه تكون مرتي من غير دم،
لو كان خبرني بانها مرت فيصل ما كنت وافجت علي الصلح من اصله، وبندجت رجالتهم واحد واحد
جذبه ابيه واجلسه بجواره:
انا طاوعتك رغم اني كنت خابر نيتك، وكلامك عن موت فيصل بحسرته وبوها كله ده كان حديت فراغ، لكنه صوح وده سبب اني سعيت للصلح
لكن اللي لازم تعرفه ان امر الله نافذ زينب لفيصل من يوم ما اتولدت وده ملناش حيله فيه،نرضي بجي بنصيبا، ونحمد ربنا ومدام جبلنا بالنسب بدل الدم يبجي مفرجتش زينب من فاطمة، بيكفي ان حشا بتهم هتحمل ذريتنا يعني نسبهم وماعونهم شرف لينا ومكسب اظن اكده خلصنا يا سلطان
ضغط سلطان علي اعصاب فكه بقوة وقال بغل:
خلصنا يا بوي هتجوز فاطمة ،واوعدك اخليها تطفح المر وتكره اليوم اللي اتولدت فيه من اصله
نهره ابيه بشدة وصاح فيه:
اتجنيت يا سلطان اياك، رايد تنتجم من الحريم وتسمي دي رجولة، دا انت ربنا هيكرمك بزوجة صالحه ونسب كريم وكمان حاملة كتاب الله، وانت تجول تمرر ايامها، لاه يا ولدى اللي منجبلش بيه علي بناتنا منجبلشهوش علي بنات الناس وبالذات لم تكون من الاشراف،اتقي الله فيها وفي نفسك، واعرف انها هتكون زوجتك وسكنك وربنا هيحاسبك عليها، بذمتك ترضي يعملو اكده في خديجة
عند ذكر اسم خديجة اخذ سلطان يضحك بهستريا، فساله ابيه عن سر ضحكته الساخرة فاجاب:
والله يا بوي ليك حج بيكفي اني خلصت من خديجة،دي سو
شكل سليم امه دعايا عليه لجل تكون بت عمي من نصيبه
عندك حج يابوي انا ربنا اكرمني بفاطمة وهتجي الله فيها وبيكفي اني هتشرف بيها وبنسبها طول عمري
ربت ابيه علي كتفه بارتياح واتفق معه ان يذهب هو واخته لاختيار شبكة عروسة لاعلان الخطبة وتلبس الدهب
ام في دار كبير عائلة الجبري دخل الدار مع ولده منصور وقام بالنداء علي ابنته خديجة التي كانت ورد ابنة عمها وزوجة منصور بصحبتها وقال لها بحسم :
يا خديجة دخلتك اول الشهر علي سليم ولد الجعافرة، كنت نصيبه من الصلح مبارك يا بتي
حدقت خدبجة في ابيها ونزلت اليه مسرعا لتستفسر عن سر زوجها من سليم وكان فيصل هو المعني بالنسب
ليشرح لها ابيها ما قد كان وطلب منها ان تتجهز غدًا لاستقبال عريسها وشراء شبكتها وشوارها
لم تتمالك خديجة نفسها من الفرحه وصعدت الي غرفته التي كانت تنتظرها بها ورد وحين سمعت صوت عمها قامت للتجهز حتي تذهب الي دار ابيها لعلمها بان المجلس انتهي ،
دلفت عليها خديجة الغرفة واحتضنتها واخذت تلف بيها بجنون، عنفتها ورد وقالت لها:
مالك يا مجنونه بوكي جالك ايه خلي جلبك يرجص اكده
كانه جالك هجوزك سليم، يا مخبله،
هزت راسه بالتاكيد وقالت:
ايوة هتجوز سليم اول الشهر وجبلك، كنت نصيبه من الصلح
ندرتي رحمة ربنا، خوكي كان بيجول عني اني سو ومريدش بيا علشان ربنا يرضيني باستاذي اللي حفظنا القران
واخوكي ربنا حرمه من عشج جلبه زينب اللي كان بيتمناها وهيتجوز فاطمة اخت فيصل ،واه يا ورد انا جلبي هيفط مني من الفرحه دي كانه حلم واتحقق
جذبتها ورد واجلسته وقالت لها بريبه:
لاه اجعد اكده وجوليلي ايه الحكاية وكيف سليم يحل محل فيصل وفاطمة تكون نصيب خوي وهو شرط صلح النسب تكون زينب من نصيبه
قصت عليها خديجة ما قصه علبها ابيها لتضحك ورد:
واه وخوكي منصور وجف ليهم اكده ورفض يطلجني ودافع عن حجه فيا جدام الكل، اباه عليه وعلي عشجه
واد عمي ده رجل واصل ربنا يحفظه ليا والحمد لله انه كاتب عليا لولا اكده لا كنتي انت لسليم ولا زينب لفيصل، ويمرك يا فاطمة من غضب خوي اللي هيطلعه فيكي،
رغم انها زينه وست البنته واصل ،اجولك ايه انا همشي زمان سلطان جلب الدار فوجاني تحتاني ومولعها نار حامية
وانت الفين مبروك يا خديجة الحمد لله ان ربنا رضاكي بسليم
ورضاني بخوكي حبيب جلبي ورجلي منصور
عادت ورد الي دار ابيه لكي تستغرب تقبل اخيه زواجه من فاطمة، كأن القدر جمعهم وكان فراس هو يد القدر للتنفيذ
. .. .. .. .. .. .. .. .. .. .. .. .. .. .. . .. .. .. .. .. .. .. .. ☆
في صباح اليوم التالي استيقظ فراس كالعادة عند الفجر ادي فرضه كم هو معتاد وذهب الي مهرة لكي يوقظها لياخذها الي دار ابيه،الا ان مهرة رفضت وباصرار الا تذهب فسالها:
مخبرش هتجعدي لحالك بالدار تعملي ايه،الدار و رتبتيها عشيا وبجت زينه،والوكل اللي اكلتهولي من مال بوكي ، مراحش يحصل تاني،ليه رايده تكدري حالك طول اليوم
ابتلعت مهرة ريقها ونظرت اليه بعطف:
هو مش انا مرتك ودي داري، ليه ريداني اعاود دار بوي،دي غلط في حجي كي ما بوي محتاجني انت كمان محتاجني
ولا رايد يجولي عني اني مش هعمر
غامت عيناه ونظر اليها بريبة وقال بدهاء:
بس انت مش مرتي يا مهرة، ولا جاردة تتجلي حياتك معايا،
لو انا راجلك صوح الواجب ما حدا تاني يصرف عليكي،دي حاجه وتاتي حاجة ترضيني وتريحي جوزك بيكفي يا مهرة سبوعين وانت ضي داري رايدك ضي حياتك وعمري كله
ميتي يا مهرة هترضيني وترضي علي جوازنا وتكوني حلالي
نكست راسها ارضا وقالت بهمس:
ايه يرضيك يا فراس وانا هعمله بس بلاش دار بوي كل يوم
دنا منها وامسكها من كتفها ونظر اليها وقال بحرارة وحرقة:
رايدك انتٍ هو ده اللي يرضيني رايد اكمل حياتي وديني بيكي مشتاق للبكرة معاكي يا بت غالية،
حامت عيناها علي وجهه ورات شوقه فخافت وتكست راسها ارضا رفع فراس راسها وابتسم لها بحنان:
متهربيش مني، خابر انك رايده ترضيني لكن بعيد عن كسر وعدك مع بوكي، بس افتكري زين الوعد وعدك وانت اللي هتكسريه مش هغصبك لجل ما تتحججي بعدم وفاءك بيه
لكن ههملك ليوم انت بنفسك هتتمنا اكون راجلك فيه،
ولو علي رضايا دلوج،نفسي اكل فروج من يدك،لو موافجى هعدي علي مرت وهيب تجيبك لكي طلباتك من مالي
نظرت اليه بابتسامة مترددة وقالت:
حاضر هجهزلك الوكل من مالك يا فراس،مدام ده هيرضيك
وتنسي حكاية دار بوي كل يوم دي
دون ان يرد عليها جذبها الي حضنه بقوة وقال بحرارة:
خابرة اني عاشجك يا مهرة ورايد كل حاجه وياكي، معاكي بنسي كل همومي وبجيت اخاف مكملش طريجي بسببك
انا مش زاهد فيكي لكني زاهد الحياة كلتها لجل ما تبعدني علي تاري اللي عايش ليه
لكني عاشجك وحاسس عجشي ملي جلبك وبتكابر لكن عيونك فضحاك وعشجك غلب عجلك وعن جريب هتكوني حلالي وبرضاكي مهجبلش المسك غير اما اسمعها منيكى
اخرجها من صدره بعد ان فاض لها بمشاعره، فنظر اليها فراها تنظر اليه بهيام وعشق ليس له مثيل،
انحني وقبل ثغرها برقة وعذوبة ثم وقال:
فطرت الشهد من شفايفك،ميتي يا جليبي اكله وكل منيكي
تنهد بقوة ثم منحها ابتسامة رضا وغادر والسعادة تتراقص بداخله، ام مهرة فكانت لا تشعر بنفسها، تمنت الا تغادر حضنه ولا تستكفي من عشقه لها، لكن واه من لكن كيف السبيل وقد عاهدت ابيها بلا تكون زوجة له او تمنحه نفسها
دعت ربنا ان يفرج كربها ويهديها الي ما فيه حسن الرشاد
وبعد ذلك قامت توضئت وادت فرضها،وبدات تقوم بواجباتها الزوجية نحو بيت الزوجية، ،قبل انتصاف النهار عاد فراس
دخل الدار يبحث بعيون عنها واخذ يتشمم ريحها الطيب،
ما ان راها عانقها وحملها ودار بها وقال:
واه يا مهرة عشرتك حلوة كي كل حاجه فيكي، دخلتي للدار واحساسي بوجودك فيها بيخلي روحي ترفرف ليكي يا جليبي
ونظر الي عيناها بعشق هادر وقال:
لك نصف العشق جهرًا ! و نصفه سرًا بيني و بين عيناكْ الولها
جوليلي يا جليب فراس ونبض جلبه هتوكليني إيه من يدك
دفعته مهرة نحو المرحاض وقالت له:
غير خلجاتك واتسبح علي ما احط الوكل،عملتلك الفروجة كي ما طلبت واكلات تاتية كتير هتعجبك واصل
اؤما له بالموافقة والفرحه تشع من عيناه،عاد وجلس بجوارها
ونظر الي الطعام وقال:
واه كل ده جهزتيه لينا لحالنا، هو انت هتوكليني ولا تزغطيني
اجولك مش هزعلك وهاكل من كل اللي عملته يدك
وشرع في الاكل وكذلك مهرة الا انه لاحظ عدم اكلها للدجاج
قطع جزء كبير واعطاه لها، فابتسمت وقالت:
نفسي فازعة منيها شكلي الفروج مبتحبنيش
غمز له وقطع قطعه صغيرة وقال:
مين ده اللي مبحبكبش انت بس مش جادرة تستطعميه، خدي دي من يدى افتحي خشمك
مدت يدها تاخذها منه الا انها اصر بان تاكلها من يده، فاكلتها مرغما وقالت بعدما استحسنت طمعها:
انت صوح طعمها زين جوي من يدك ، يلا كمل وكلك
الا انها ندمت بعد قولها ذلك لاصرار فراس علي اطعامها بيده حتي انتهو من الأكل وقال لها برضا:
من يوم موت اماي مكتلش وكل زين اكده ولا كتير كده
حملت مهرة الطعام وقال بغضاضة:
بالهنا علي قلبك ولم تكمل الكلمه وهرعت الي المرحاض لتاتي بكل ما اكلت بطريقة اوجعت قلب فراس عليها
خرجت من المرحاض جفف لها فراس وجهها وسالها بقلق:
اللي يندرك وانت بترجعي كل اللي في جوفك بجول حبله ونفسك فازعه،
مالك يا مهرة انت واخده برد في معدتك ولا انت مش بتكلي الفروج بجد وانا غصبت وتعبتي
هزت راسها بالايجاب وقالت:
انا بفزع من الفروج ومش باكله لكني ما جدرت اكسف يدك
اخذ، فراس نفس عميق وضمها الي صدره بحنان:
واه عليكي يا مهرة كل ده وتجولي مش عشجاني، حجك عليا مش هغصبك علي حاجه تاني يلا تعالي انعسي هبابه بحضني
حملها ودخل غرفتهم مددها ونام بجوارها وجذبها الي حضنه بتملك وغفا قبل ان تعمض مهرة عيناها
وهذا ما جعلها في حيرة من امره ما سبب ارهاقه هذا الذي يجعله ينام بسرعه هكذا
ومرت بينهم الايام علي نفس الوتيرة لا تتغير،الا ان ابيها استغرب عدم ذهابها اليه فعاد واتي لها بكل ما يلزمها،لكن هذه المره خبئتهم مهرة عن فراس وطلبت من ابيها الا ياتي لها بشئ اخر واذا احتاجت الي شئ ستطلب منه
وكان المريب لفراس انه حين يجبرها تاكل مما ياكل كنت تفرغ معدتها ما ان ينتهو من وجبة الطعام
لم يفطن فراس لما تفعله مهرة فقد كانت تجهز طعامه من ماله وطعامها من مال ابيها وحين يجبرها فراس تاكل من يده كانت تجري مسرعا لكي تفرغ جوفها من ماله الحرام كم تعتقد
..