اللهم صل على سيدنا محمد
يحى : انا مش فاهم وليه قولت انك مش فاكر حاجه
ياسين : لان الحادثه مقصوده
يحى: ايه طب عرفت مين
ياسين: لسه معرفتش
يحى: بردو مفهمتش انت ليه قولت انك مش فاكر حاجه
ياسين: عايز ابعد حور عنى الفتره دى لحد ما اعرف مين اللى عمل كده عايزها تبقى فى امان
يحى :طب انت عرفت ازاى أنها مقصوده
ياسين: وانا فى العربيه حد رن عليا ولما رديت قالى بالحرف "ابقى فكر كويس قبل ما تلعب معايا يا ابن الاسيوطى " وبعدها جات عربيه نقل وخبطتنى وأكمل فى حد كان مراقبنى لما خرجت مين بقى دا اللى هعرفه باذن الله
يحى : انا مش فاهم حاجه
ياسين : اللى عايزه منك بس انك تكمل معايا فى التمثيليه دى
يحى : هههههههههههه حور لو عرفت هتعمل منك شاورما
ياسين : غصب عنى بس لازم تفضل بعيد
يحى :ايه بقى الخطوه الجايه ؟
ياسين : الخطوه الجايه انى هروح اعيش معاك فى البيت دا طبعا لانى تعبان وفاقد الذاكره ومحتاج حد اعرفه يبقى معايا صح
يحى :بتفكير صح بس فى حاجه ندى كلمتنى ولما عرفت اللى حصل أصرت أنها تيجى
ياسين : انتو هتجنونى انا ابعد واحده التانيه تيجى
يحى :ههههههههههه
ياسين :عارف طبعا هتعمل ايه
يحى: عيب عليك
ياسين: يلا بقى شوفلك حته نام عايز ارتاح
يحى: انت ايه يا جدع انت البرود دا
ياسين: يحى مش فايقلك
يحى: بص اوعى كده انت نايم من الصبح اوعى لما اريح شويه
ياسين: هو مين فينا اللى عمل الحادثه بالظبط
يحى :انت وبعدين انا وانت واحد يعنى
ياسين ؛اوعى يا يحى
يحى: وربنا ما قائم انا رجلى وجعتنى واقف من الصبح
ياسين: يحى يحى
يحى: هووخ هوووخ هوووووخ
ياسين: أنت بتستعبط يا يلا
يحى: وانا عامله نفسى نايمه وانا عامله نفسى ناااااايمه
ياسين :وهو يضربها على مؤخره رأسه قائلا نام يا اخويا نام
فى منزل حور
عشق: فى ايه يا طنط حور مالها
هدى :والله يا بنتى ما أنا عارفه اهى طول اليوم حابسه نفسها فى اوضتها لا بتاكل ولا بتشرب كلميها يا بنتى
عشق :حاضر يا طنط
عشق :افتحى الباب يا حور
حور :سيبنى لوحدى يا عشق
عشق :طب افتحى بس ماماتك قلقانه عليكى افتحى بس نتكلم
حور فتحت الباب قائلا ادخلى واقفلى وراكى
عشق: ايه يا بنتى كميه المناديل دى ومشغله تامر عاشور اللى يشوفك كده يقول الواد خانك
حور :عااااااا مش فاكرنى يا بنتى فى اصعب من كده
عشق :يا حبيبتى دى حاجه مؤقته وهيرجع زى الاول ملوش لازمه اللى انتى عاملها دا
حور :وهى تمسح دموعها بظهر يدها بجد يا عشق
عشق :بابتسامه بجد يا حبيبتى
حور :بتفكير طب ما هو ممكن واحده تستغل الحاله بتاعته دى وتخطفه منى وانفجرت فى البكاء مره اخرى
عشق : الصبر يارب
فى منزل يحى
ياسين :كلمت عشق سالتها على حور
يحى :اه يا سيدى بتقول حالتها صعبه خالص مكتئبه ولا بتاكل ولا بتشرب
ياسين :بحزن حبيبتى يا حور
يحى: بحزن مصتنع اه يا بنى الحب بيعمل اكتر من كده
ياسين :بغيظ قوم من هنا قوم
يحى؛ ههههههههههه لو مش عجبك طلقنى
ياسين :هههههههه يا بنى هضربك
يحى :لا يا عم انا مش حمل قلم منك
ياسين : الباب بيخبط قوم افتح
يحى: اه يا اخويا استغل حالتك وشغلنى الفلبينيه بتاعتك
ياسين: وهو يرفع أحد حاجبيه عندك مانع
يحى: احم احم ايوا جاااي
يذهب يفتح الباب
يحى : بصدمه ندى
ندى: بفرحه عامل ايه يا يحى
يحى: بفرحه حبيبه اخوها يا ناس عامله ايه ادخلى ادخلى دا النهاردة عيد كلنا فى بيت واحد لازم ابخر
ندى :ههههههههههه لسه زى ما انت يا يحى
ياسين: ندى حمدالله على السلامه يا حبيبتى عامله ايه
ندى :الحمدلله يا أبيه انت عامل ايه دلوقتى صحيح موضوع الذاكره دا
ياسين ؛ايوا متقلقيش هبقى كويس
ندى: الحمدلله انك بخير كنت هموت اول ما يحى قالى
ياسين: بعد الشر عنك يا حبيبتى
ندى :حبيبى يا أبيه
يحى: سؤال بس هو ليه بتقوليله يا أبيه وانا يحى حاف كده ولا انا ابن البطه السودا
ندى: دا احترام يابنى
يحى :يعنى انتى بتحترميه هو وانا لا
ندى: انتى حبيبى يا ابو يحى
يحى :ايوا يا اختى ثبتينى ثبتينى
ندى؛ هههههههههههه المهم انا جعاااانه نوم واكل بصراحه
عندكم ايه فى التلاجه وقامت ذهبت للمطبخ
يحى؛ طلع يجرى وراها لااااااااا المطبخ
يحى: اقعدى انتى يا ست البنات وانا هعمل الاكل
ندى :انت قلبك اسود لسه فاكر على فكره اتعلمت الطبخ
وبقيت شاطره جداااا
يحى :وهو مش مطمن طيب ماشى هسيبك تعملى الاكل
ندى :هههههه كله تحت السيطره متقلقش
يحى: ربنا يستر
ياسين وهو ينظر لصورة حور
ياسين: وحشتينى يا مجنونه
يحى :حتى ندى مش هتعرف بالموضوع
ياسين: قولتلك لا انا وانت بس بلاش ندخل ندى فيه
يحى: اللى تشوفه انت شامم حاجه
ياسين ؛هههههههههه تقريبا المطبخ ولع
يحى: احييييييييه ندددددددى