عامر بعصبيه
انت مين، وازاي تسمح لنفسك انك تدخل بالشكل، ده علياء مين اللي دخل الشخص ده هنا .
المجهول بخبث ومكر
اهدي أنا اللي جاي انقذك ، من اللي انت فيه ده وانقذ سمعتك لو موافق تسمعني تمام؛ ولو لا هتبقي انت اللي خسران طول عمرك ها قولت ايه .
عامر مش فكر كتير، لانه كان عايز ينقذ شركته باي شكل من الأشكال وجاوبه .
موافق اتفضل علياء اقفلي الباب ومحدش يخش هنا ابدا .
المجهول قعد قدامه بابتسامه واثقه و حاطط رجل ع رجل.
المجهول : أنا عارفك ومتابع شغلك من زمان، وعارف اللي حصل ليك من تمن شهور، وده اللي خلاني اجيلك النهاردة؛ علشان اعرض عليك صفقه العمر مش يترفض ابدا .
عامر : اسمعك الاول ولو عجبني كلامك اوافق عليه اتفضل بس ممكن تقولي اسمك ايه الاول .
المجهول
مش دلوقتي تعرف اسمي المهم أنا عارف بمشاكلك الشخصيه و المهنيه مع سفيان العزازي وعارفين ازاي نخلصك منه .
عامر بلهفه وحقد
لو كان فيها اذي ل سفيان أنا موافق سمعني هتقول ايه .
المجهول ابتسم واتكلم.......... ها موافق ولا لا .
عامر بدون تفكير
أنا موافق ع الخطه دي بس تنفيذها ، مش دلوقتي خلينا نصبر عليه شويه ؛ نكون خططنا ع مهل ونضربه ضربه قويه ها موافق .
المجهول : موافق وكمان انت هتبتدي تشتغل معانا ف الشغل الممنوع ده لو عايز تنقذ شركتك ها موافق نمضي عقد مع بعض .
عامر
موافق ع اي حاجه تخص رجوعي للسوق اقوي واكبر من تاني واي حاجه فيها اذي العزازي .
المجهول طلع عقد من تلات اوراق وقلم وحطهم قدام عامر وهو من غير تفكير أو أنه يقراهم مضي علي عماه من غير مايبص فيهم والمجهول ابتسم بخبث .
المجهول
بعد يومين هتوصلك شحنه ف مخازنك وهنديك تعليمات تسلمها فين و ازاي .
المجهول مشي وعامر ابتدي يخطط هيعمل ايه بس الاول يرجع سمعته اللي دهسها سفيان العزازي برجله .
أما وهران كان ف شركته الخاصه وبص ف الصفقات والحسابات اكتشف تلاعبات و اختلاسات كتيرة الظاهر أن إهماله للشركه كتير وصلها لكده قفل الملفات من غير ما يعمل حاجه وطلع صورها يتأمل فيها زي كل مرة معرفش حاول كام مرة دور عليها أو يوصلها بس من غير فايدة اتنهد بحسرة ع حاله وافتكر أبوه بيعاملها ازاي .
فلاش باك
عامر بعدم تقبل
أنا موافق تتجوزها بس مش تنتظر مني اعاملها كويس ، هي هتشوف اسوء معامله مني فاهم اهو شئ من ريحه سفيان نتسلي عليها فاهم يا وهران .
وهران بهدوء لابوه
هتحبها يا والدي و هتنسي عداوتك مع ابوها وبعدين مش يمكن تدينا صفقات ابوها .
بعد اسبوع كان فرحهم ودخلت البيت بابتسامه وعامر استقبلها بالغصب وابتسامه مصطنعه بس معلش المهم تديه صفقات ابوها .
بعد يومين من حوازهم رفضوا يعملوا شهر عسل و قضوه ف البيت وكانوا ع سفرة الفطار وعامر بصلها بهدوء .
عامر
اخبار ابوكي وشغله ايه لسه بتشتغلي معاه ولا هتسيبي شغله وتشتغلي معانا .
ريم بهدوء وبصتله بابتسامه
لا هفضل اشتغل مع ابويا أنا ماسكه الشركه معاه من ساعه تخرجي وكبرناها مش هاجي دلوقتي واسيبه وبعدين ما حضرتك معاك وهران بيساعدك عايز مني ايه .
عامر
اشوف شغلك وتعاملك مع العملاء ازاي و بوقاحه وبصراحه، أنا هاخد صفقه من ابوكي وعايزك تكسبيها لصالحنا، احنا دلوقتي بقينا عيلتك وتساعدي جوزك ها رايك ايه .
ريم ببرود
مش موافقه حضرتك مين فهمك ، اني هغدر ابويا و هطاوعك ف كلامك، أنا لا يمكن اعمل كده ابدا جيت للشخص الغلط عن اذنك رايحه الشغل .
قامت ومشيت من قدامهم و عامر كلامها خلاه غضبان ومتعصب مسك الكوبايه ورماه ع الأرض بقوة وغضب .
شايف مراتك بتتكلم ازاي هي دي اللي قلت هتشتغل معانا وتدينا صفقات من ابوها طبعا هي زيه خبيثه اسمع انت لازم تاخد مخطط للصفقات بتاعتهم الجايه فاهم ولا لا .
وهران
أنا مش هكدب ع مراتي واخد منها حاجه مش لينا انت كلم مستثمرين وتعاقد معاهم مش لازم نسرق اتكلم مع ابوها وصفوا اللي ما بينكم .
عامر رمي كل حاجه ع الأرض ومسك جزازة حاده وحطها ع رقبه ابنه الوحيد، بجبروت اسمع اللي هقولك عليه والا هقتلهالك ؛ انت فاهم مش هراعي انك ابني وهحرق قلبك فاهم اسمع ....... فاهم هتعمل كده ولا لا.
وهران
هعمل اللي انت عايزة بس ارجوك مش تاذيها ولا تقرب منها .
باك
عامر
استني عليا عزازي و هتشوف ازاي هدوس عليك و اذلك براحتي .
أما عند ريم ف بيتها كانت فرحانه بغيث ولايتها معاها
سفيان
حبيبتي انا سائب الشركه من يومين ولازم اتابع معاهم هترجعي معايا ولا ناويه ع ايه .
ريم
لا يا حبيبي امشي انت انا مش هرجع دلوقتي لازم لما الولد يبقي كويس ارجوك سامحني مش هرجع دلوقتي لازم اتحضر كويس والخطط أنا عايزة ايه بعدين .
سفيان
ماشي بس خليني اشوف الولد كل يوم فاهمه .
ريم
مش تخاف هتبقي أنا وأنت مع بعض فيديو كول وتخليك تشوف غيث كل يوم وكل دقيقه .
سفيان ودع بنته ومشي وريم بصت للصورة اللي ف الدرج وابتسمت بمكر وكره .
ريم .......
6
ريم
أنا مش قاسيه يا وهران ولا بعاقبك ع خداعك، بس ابوك اللي بدا وانت سمعت كلامه، ودوست عليا ف النتيجه لازم تكون موجعه؛ حتي لو أنا هوجع نفسي للاسف حبك، مش انتهي من قلبي بس قدامنا ست سنين هعرف اطلعك من قلبي بكل قسوة .
سفيان رجع مصر و وصل بيته و الخدامه قابلته .
الخدامه
سفيان بيه حمد الله ع سلامتك، بس فيه ضيف مستنيك ف مكتبك وحضرتك كنت مبلغه بميعاد رجوعك .
سفيان
تمام يا فتحيه اتفضلي انتي ،
سفيان دخل المكتب ولقي شخص قاعد ع المكتب قرب منه وشافه وبهدوء اتكلم ؟
انت مكنتش متوقع انك تفتكرني بعد السنين دي، ايه اللي فكركم بيا تاني ؛مش كان خلاص كل شي انتهي ؟
وادي
اخبارك ايه ياسفيان بقالنا كتير مش شفنا بعض ودي مقابلتك ليا ؟
سفيان
مش اقصد حاجه بس دول سته وعشرين سنه احنا بنشتغل مع بعض من واحنا صغيرين، واعتقد لما سبت الشغل قلت انكم هتصفوني؛ بعد ما قررت اسيب الشغل معاكم بس اللي حصل العكس .
وادي
ده مش موضوعنا دلوقتي مبروك سمعت انك بقيت جد .
سفيان
ده فعلا شكرا بس مش جاوبتني ايه اللي فكرك بيا يا وادي خير .
وادي
ف أن مؤامرة بتتلعب من وراك ومؤامرة قذرة، كمان اكمل قرر ينتقم منك ؛واتفق مع عامر عليك وعملوا شراكه مع بعض قلت أحذرك .
سفيان
وانت عرفت ازاي الكلام ده ؟
وادي
ما انت عارف ان علياء سكرتيرة عامر جاسوستي من زمان ، وهي اللي بلغتني بده وجيت أحذرك علشان اللي بينا مكانش شغل ده دم يا غفران .
سفيان
ياااه انت لسه فاكر الاسم ده يا وادي أنا ذات نفسي نسيته بعد ما توبت عن الشغل القديم، وأسست شركه وسميت نفسي سفيان العزازي .
وادي
ومش خايف أن بنتك تعرف ماضيك، مش خايف ل سرك ينكشف ف اي وقت .
سفيان
حتي دي مش خايف منها لو اكتشفت هنتكلم بهدوء بنتي من النوع اللي بتفهم ،قبل ما تاخد اي قرار علشان كده عملت اللي عملته من تمن شهور .
وادي
احنا متابعين اخبارك وبصراحه اللي عملته عجبني، وكمان رد فعل بنتك قوي طالعه ليك المهم مش هطول عليكم أنا لازم ارجع اسبانيا النهاردة جيت النهاردة مخصوص؛ علشان ابلغك ومش تخاف مش هنخليه يوقف ع رجليه تاني .
سفيان
بشكرك يا وادي حقيقي صحيح احنا مش اخين من نفس الام بس والدتك؛ كانت ست كويسه وانت كمان وقريب هعرفك ع بنتي و ابنها.
وادي حضنه بحب ومشي وهو ضميره مرتاح صحيح مش اخين من نفس الام و والدة سفيان كانت بتعامله بقسوة، بس هو كان حنين وده اللي خلاه ينزل مصر مخصوص يحذره مش هيسمح باي مكروه، يصيبه و يصيب بنته وحفيدته .
بعد ست سنين حصلت حاجات كتير أهمها أن ريم بقت اهم سيدة أعمال ف الشرق الأوسط كله وبقت ناجحه ف شغلها ،وده المهم وابنها كبر بس واخد صفات أبوه عقبتها الوحيدة أنه كان بيسئل عنه كتير؛ وهي كل مرة بحجه شكل و وهران خسر شركته، وبقي مش مهتم بالخسارة دي المهم أنه وقف حياته ع امل أنه يلاقيها، حاول كذا مرة يدور عليها ف تركيا بس سفيان برضه قفل عليه الطريق واخيرا جه يومها، المنتظر قفلت الشنط و اخدت ابنها وراحت المطار كملت الإجراءات وركبت الطيارة وتاني يوم كانت ف مصر بلدها اللي غابت عنها؛ ست سنين بس الفرق أنها لما راحت كانت لوحدها ومكسورة من حبيبها دلوقتي رجعت؛ ومعاها ابنها والكل هيدفع التمن ،وسفيان مستنيها اللي اول ما شافهم ابتسم والولد جري عليه .
غيث بسعادة
جدو وحشتني اوي كل مرة كنت بشوفك فيديو كول دلوقتي أنا معاك ع فكرة انا مش هسيبك هنلعب العاب كتير اوي .
سفيان بابتسامه
اكيد يا بطل هنلعب، ونحكي حكاوي كتيرة و سهرتنا هتبقي للصبح اتفقنا.
وبص لبنته اللي حضنها باشتياق وحب
حمد الله ع سلامتك وحشتيني اوي اخيرا جه اليوم المنتظر ده وكمان عايز اعترف ليكي بسر مخبيه بس بعد حفله استقبالك اللي هتكون كبيرة .
ريم
ماشي لينا كلام كتير دلوقتي نرتاح بس عايزة اروح البيت وحشني كل تفاصيله .
ريم ركبت مع ابوها وابنها العربيه وفضلت تتأمل الشوارع اللي وحشتها ببطئ و سفيان كان حاسس بيها وطلب من السواق يبطئ، وهي استمتعت قوي اخيرا وصلت البيت وريم راحت اوضتها قعدت فيها ونامت نوم عميق، وتاني يوم صحيت ولقت البيت زي النحل شغال .
ريم
صباح الخير ف ايه ليه الشغالين بيجروا كده .
سفيان
علشان حفله استقبالك وزمان الشركاء وأصحاب الشركات التانيه وصلهم ايميل الدعوة .
ريم
واللي ف بالي .
سفيان
ده اكيد ده اول واحد وصله الايميل، وعايز طلتك تكون قويه اتفقنا .
ريم
اتفقنا هعلن عليهم الحرب والانتقام، ف آن واحد متخافش بنتك مسيطرة
باليل الكل كان ف بيت سفيان وهو كان بيستقبلهم بنفسه ،لغايه ما ظهره قدامه وقفوا قدام بعض وهو كان مبتسم .
عامر
خير اي سر الحفله دي كسبت صفقه وعايز تحتفل بيها وليه إحنا اول المدعوين ايه السر .
سفيان بابتسامه
هتعرف دلوقتي وبص ل وهران اللي كان تايهه .
وهران عندي ليك مفاجأة هتعجبك اوي .
وهران
مش بقيت مهتم بحاجه و ياريت نخلص الليله دي .
سفيان
هتخلص مش تقلق بس هتخلص ع حدث مميز .
الضيوف فضلوا يتكلموا وبعدين سفيان خلاهم انتبهوا ليه .
سفيان
طبعا انتوا استلمتوا ايميل بدعوة لحفلتي ومن غير ما تعرفوا ايه السبب ؛ الحقيقه أنه كان فيه شخص عزيز عليا غايب ورجع بعد ست سنين ودلوقتي هو هنا رحبوا معايا برجوع بنتي الوحيدة ريم .
وهران سمع اسمها وانتبه بكل حواسه ليها واللي ظهرت وسط الضلمه بين الحضور، بفستان رمادي ب اسود وابتسامه واثقه وبصت ع وهران وعامر اللي كانوا مصدومين، وكأنها بتعلن الحرب عليهم بكل قوة .
وهران جري عليها من غير وعي ووقف قدامها وكان مش مصدق نفسه .