عامر :
كنت جايه اشوفك بعد اللي حصل هتكون حالتك ازاي ؛ اتمني تكون اتعلمت ازاي تتحداني .
سفيان :
طبعا انت جاي وكلك امل، تشوفني مكسور قدامك ، وده اللي مخلي خيالك المريض مصوره ليك بس احب اقولك؛ غلطان يا عامر أنا مش بتكسر بسهوله ولا اي حاجه تقدر تذلني قدامك؛
حتي بعد اللي عملته ف بنتي انت و ابنك مش قدرته تكسروها .
عامر بغضب
هو انت ايه بالظبط عملت كل حاجه علشان تكون قليل قدامي وبرضه؛ مش اتهزيت اعملك ايه تاني علشان اشوفك مكسور .
سفيان
ولا حاجه لاني مش هناولك مرادك .
عامر
بنتك فين عايز اشوف شكلها، وهي مكسورة قدامي يمكن ده يشفي غليلي .
سفيان
انت فاكر أن ريم هتتاثر تعرف هي خلاص بعد اللي حصل مش مهتمه بيكم ولا ف دماغها ؛ جه وهران عندهم علشان يشوفها اخر مرة بس انتبه لكلام سفيان .
أنا معود بنتي ع أن الحاجه اللي تزهق منها أو مش ليها عايزة ترميها كأنها مش تعرفها ؛ وهي دلوقتي نسيت الموضوع ولا كأنكم ؛ ف دماغها وسافرت تركيا تباشر فرع الشركه هناك بالمختصر ؛ انتوا مش بتهموها خلاص رمتكم زي ما بترمي اي حاجه قديمه عندها اعتبرت العلاقه دي زي لعبه زهقت منها ورمتها ؛ نورت يا عامر وانت يا وهران ورقه طلاق بنتي توصلي ، علشان ابعتها ليها هي مستنياها مش هتفضل مراتك كتير .
وهران
ممكن توصلني ليها عايزة اتكلم معاها اعتذر ليها حتي .
سفيان
تايم أوت خلاص مش بقيت تهمها ف حاجه بنتي قويه ومحدش يقدر يكسرها يالا برة .
سفيان نادي الحرس وطلع عامر و ابنه برة وهو فضل يتحايل ع سفيان أنه يوصله بيها وسفيان مش اهتم بصراحه ف الآخر رجع البيت ؛ مع أبوه وهو ندمان أما عامر ف كان غضبان ع الآخر .
عامر
أنا بكرهه الشخص ده بتمني اي مصيبه، تحصله علشان اتشفي بيه وهو مش بيهتز ابدا أنا بكرهه .
وهران مش مركز مع أبوه وسابه ومشي طلع فونه يبص ع صورها وهو ندمان يا ريته ما عمل كده كان حماها باي طريقه بس مش عرف ولا بلغها أبوه كتفه من كل النواحي .
أما عامر جاتله فكرة ومش هو، الا وهو منفذها
عامر اتصل ع حد تبع السوشيال ميديا وبلغه بخبر مزيف وقاله يزود شويه ع الخبر من عنده .
عامر بشر
لما اشوف هداري الفضيحه ازاي يا سفيان وهتكون عامل ازاي بكرة لما تشوف الخبر قدامك ع كل المواقع .
أما الصحفي اخد الخبر بحماس بس مش كان يعرف ايه اللي منتظره مدير الجريدة صديق شخصي ل سفيان وسمع المكالمه وبلغه أنا سفيان ابتسم وقاله يعمل ايه بالظبط وبالحرف.
تاني يوم الصبح صحي عامر علشان يشوف الاخبار؛ و يتشفي ف سفيان بس اتصدم لما شاف الاخبار و وهران فونه مش بطل رن ابدا قام ع صوت فونه المزعج والمتصل؛ كان صديقه يزن .
وهران
ف ايه يا يزن ليه المكالمات الكتيرة دي حصل ايه لكل ده؟
يزن بصدمه
مصيبه يا وهران افتح التلفزيون بسرعه ف كارثه .
وهران خرج من غرفته ونزل يفتح التلفزيون لقي أبوه واقف قدامه ومش بينطق، بصله وبص ع الاخبار ولقي اللي صدمه الخبر المكتوب .
"عاجل"
"فضيحه الابن الوحيد ل عامر الغرباوي بالخيانه"
المذيع
تم نشر هذه الصور ل وهران عامر الغرباوي، وهو مع فتاه غير زوجته، و السيده ريم العزازي تركته ف لمح البصر واختفت؛ وكأنها لم يكن يوما ف حياتها ورفعت عليه قضيه خلع لكن لماذا فعل الابن هكذا فجاه ؟ يبدو أنه كان مخادعا مثل والده ،الذي يتلاعب بالاموال وليس معروف مصدر أمواله الطائله الي الان ؛ والتدخين من هذا أن نصف أسهم شركاته؛ تدنيت والمستثمرين اعلنوا انسحابهم من شركته؛ سنوافيكم بالمستجدات ف حال صدور أي جديد .
وهران مقدرش يستحمل ووقع ع الصوفه بصدمه وعدم تصديق ومش عارف ده حصل ازاي والمعلومة دي اتسربت ازاي بس كل اللي متاكد منه أن ده كله كدب عامر كان مصدوم ومش عارف يتكلم كأنه الصدمه خرسته معقول اللي كان عايز يعمله اتقلب عليه.
سمعوا صوت الصحافه والاعلام برة بيتهم ، و بيطالبوا أنهم يعرفوا ، باللي حصل بس وهران كان جاب آخره خرج مسدسه ؛وخرج ليهم وضرب طلقتين ف الهوا.
وهران بغضب
دقيقه واحدة لو لقيتكم قدامي هفرغ المسدس فيكم فاهمين اخرجوا من هنا .
صحفي
غلطانين وكمان بيبجحوا فينا علشان كده سفيان العزازي احسن منهم طول عمره و كويس أن بنته سابتك انت مش تستاهلها ابدا .
وهران اتعصب و ضرب طلقه ف الهوا وهما خافوا بس مشيوا من قدامه وهو دخل جوه لابوه .
انت السبب ف الفضايح دي انطق؛ قول اي حاجه تبرر موقفك .
عامر
أنا كنت عايز الصحافه تنقلب عليه هو بس مش عارف حصل ايه والكل هاجمنا ،ف لحظه مكنتش اقصد .
الفون رن و وهران فتح الخط ع السبيكر .
سفيان
اتمني تكون هديتي عجبتك يا عامر انت كنت عايز تفضحني أنا وبنتي؛ بس كله صب ضدك ف لحظه سلام .
أما ريم كانت لسه ف الطيارة وشافت الاخبار وابتسمت بهدوء .
ريم
ناس اغبياء فاكرين أنهم اذكي مننا بس طلعوا مش بيفهموا .
بعتت رساله لابوها وهي مبسوطه من اللي حصل،
وبعد اكتر من ساعتين وصلت تركيا خرجت من المطار استقبلتها مديرة مجموعه العزازي ف تركيا واللي كانت ماسكه الشغل لفترة .
روان
حمد الله ع سلامتك يا فندم اتمني رحلتك كان هادئه ومستقرة .
ريم بابتسامه
شكرا ياروان انك استقلبتيني ورحلتي تمام قوليلي الشركه اخبارها ايه كله تمام .
روان بابتسامه
تمام يا فندم الشركه كل يوم سمعتها بتزيد والمستثمرين بتعونا بيزيده ،كمان ولما نوصل هخليكي تنطلعي ،ع الحسابات والأرباح أنا مجهزة كل التقارير .
ريم
ابويا كان عنده حق لما خلاكي المديرة هنا، وواثق فيكي لمجهودك وشطارتك دول تمام هشوف كل حاجه دلوقتي بقولك ايه صحبتي تالين و داغر ابن عمها اخبارهم ايه ف الشغل .
روان
شغلهم كويس هما الاتنين شاطرين اوي كمان .
بعد ساعه ريم وصلت الشركه ورحبت بالموظفين ودخلت المكتب ووراها ياسمين سكرتيرة مكتبها .
ياسمين
حمد الله ع سلامتك يا فندم نورتينا .
ريم
اهلا بيكي وبصت ل روان عايزة الحسابات وتقارير الأرباح وانتي يا ريم عايزة اجتماع بكرة مع المستثمرين تبلغيهم بالميعاد فاهمه .
ياسمين
أوامرك يا فندم عن اذنك وروان مشيت وجابت كل حاجه وفضلت واقفه قدامها .
ريم راجعت كل حاجه بالحرف والتفاصيل وبصت ل روان .
ريم كل حاجه تمام ياروان لا في تلاعب ولا خسارة و لاحتي فلوس زايده برافو عليكي شغلك ممتاز تقدري تحطي الملفات دي ف خزنه الشركه المهمه .
روان
أوامرك عن اذنك .
ريم اخدت نفس طويل وفجاه دخلوا عليها .
تالين بسعاده
حمد ع السلامه يا ريم اخيرا شوفناكي بعد غيبه .
ريم حضنتها بحب واشتياق .
وانتي كمان مش تخافي هستقر هنا ع طول ازيك يا داغر .
داغر بحب
أنا كويس يا ريم اخبار جوزك ايه طمنينا .
ريم سكتت ومش عرفت تتكلم وتالين و داغر لاحظوا .
تالين
مالك يا ريم حصل ايه ليه دمعتي كده فجاه .
ريم حكت ليهم كل حاجه وعن غدره ليها واخر حاجه حملها .
داغر بغضب حاول يتحكم فيه .
وانتي ناويه ع ايه معاهم دلوقتي اكيد مش هتسيبي حقك.
ريم
وانتوا تعرفوا عني كده بس كل باوانه مش دلوقتي اخد بريك منهم وتركز ع شغلي و ابني و هرجع ليهم انتقم ع راحتي .
بقولك ايه هي ياسمين دي من امتي وهي هنا .
تالين
بقالها شهرين معانا كانت شغاله ف الارشيف بس انتقلت السكرتيرة لما والدك بلغنا بجيتك أو بلغ روان بكده بس ليه السؤال ده .
ريم بابتسامه
لا مفيش حاجه تمام .
تالين
قوليلي هو يعرف انك حامل .
ريم
لا و ده اول انتقام ليا هحرمه منه ولو ابني سألني ف يوم ساعتها، هقوله اي حاجه مش مهم هما اللي بداو يبقي يستحملوا داغر ياسمين دي خلي بالك منها فاهم لاني مش مرتحاه ليها.
4
عدي تمن شهور و اتغيرت فيهم حاجات كتير اوي؛ شركه عامر بعد الفضيحه اللي حصلت بقت ف النازل اوي شركاؤه لغوا التعاقد معاه و وهران مش مهتم باي حاجه غير أنه يدور ع ريم ويقولها الحقيقه مش قادر يعيش بتأنيب الضمير؛ وفاكره أنه كداب بلغ معارفه أنه يبحثوا عنها ف تركيا بس سفيان كان عارف وهران بيعمل ايه ، ف قفل عليه كل السكك، اللي ممكن توصله بيها، أما ريم بقت ف شهرها الاخير بس حاجات فيها اتغيرت كتير، بقت قويه ومهتمه بشغلها وابنها اللي هيتولد وبس وكانت شاكه ف السكرتيرة و دورت وراها وخلت روان تراجع من وراها ورق الصفقات واكتشفوا أن فيه تلاعب كبير .
فلاش باك بعد شهرين من إدارة ريم للشركه ؟
ريم : ف تلاعب كبير ف ميزانيه الصفقه يا روان الظاهر أن ف حد بيلعب من ورانا ، ولازم نعرف باقصي سرعه؛ علشان خلاص باقي يومين و الشركه اللي منسقين معاها، هيبعتوا الوفد بتاعهم.
روان
بصراحه يا فندم أنا شاكه ف ياسمين السكرتيرة .
ريم : وايه السبب اللي يخليكي تشكي فيها ، بالشكل ده و اشمعنا هي .
روان
بصراحه كده ...... وده اللي خلاني اقول لحضرتك أنا عارفه انك مش هتصدقيني بس ده احساسي .
ريم
ومش هصدقك ليه انتي بتشتغلي هنا من زمان وكنتي ماسكه الشركه وقت طويل غير أن بابا قالي أن ف مرة شركه منافسه، عرضت عليكي مبلغ ضخم علشان تديهم تفاصيل مناقصه؛ الأرض اللي ف ازمير صح بس انتي ولائك كان لوالدي و بلغتيه فورا مش كده .
روان
مظبوط لأن والدي كان شغال هنا ف نفس القسم بتاعي ولاني حبيت الشغل لما جيت معاه، وانا صغيرة ابويا كلم والدك وبلغه؛ بده وهو وافق وزي ما كان والدي امين للشركه أنا كمان زيه دلوقتي، مش بنغدر بحد كان كويس معانا.
ريم
ابتسمت ليها بحب لشخصيتها وكلامها
بسبب كلامك ده هتبقي مديرة أعمالي ومرتبك هيزيد بس الاول تخلي بالك من تحركات ياسمين ، و هبلغ داغر و تالين بالأمر ده ،تمام روحي ع مكتبك دلوقتي .
ريم بلغت تالين وداغر بشكوكها هي و روان وكانوا بيراقبوا ياسمين، وبيراجعوا وراها وبالفعل اكتشفوا بعد كده أنها واخده فلوس كبيرة من عامر الغرباوي؛ علشان تنقل اخبار الشركه وريم حمدت ربها أن الحمل مش باين عليها لأنها كانت هتبلغه بده ، هي مش عايزة حد يعرف ابدا منهم انها حامل ؛ ريم فضحتها ف نص الشركه وهي فضلت تترجاها وريم كلفتها بمهمه صغيرة وبعد ما عملت اللي هي عايزاه وهي إفلاس شركه من شركات الغرباوي ف اليابان ريم طردت ياسمين بقسوة، ووصت عليها انها غير امينه للشركه اللي بتشتغل فيها بعد كده ريم مسكت زمام الأمور، وجابت سكرتيرة تاني و اتحطت تحت الاختبا،ر وعرفت انها كويسه ف خلتها و روان بقت مساعدة ريم الخاصه بالشركه كانت بتكبر وبقي سمعتها كويسه ف تركيا والكل بيتعاقد معاهم سواء اتراك أو أجانب .
Back
ريم بابتسامه
كل حاجه مشيت زي ما أنا مخططه لدلوقتي وحطت أيدها ع بطنها الكبير مفيش بس غير انك تشرف يا حبيبي متعرفش أنا منتظراك بفارغ الصبر ازاي .
ف مصر
خصوصا ف بيت عامر الغرباوي، كان قاعد ف مكتبه وشايل الهم واحدة من شركاته أفلست؛ وشركته اللي هنا ف النازل ،والمستثمرين لغوا كل حاجه من عنده و وهران مش مهتم باللي حاصل ؛ أما وهران مش بقي مهتم بحاجه غير أنه يلاقيها اشتاق لكل حاجه فيها ريحتها وشكلها ، وابتسامتها اللي وحشته ، ومش عارف يعمل ايه حتي أنه بقي مهمل لشركه أبوه؛ وده اللي خلي أسهمها ف البنك من تمن شهور ف النازل كان سرحان وفجاه دخل بغضب عنده .
عامر بغضب
هتفضل قاعد كده مش مهتم ولا منتبه لحاجه ، الشركه كل مالها بتخسر ومحدش بيراجع ورا الموظفين فوق بقي هي مش هترجع هتفضل كده لغايه ما نعلن افلاسنا وبسبب اللي حصل اخر مرة واحنا سمعتنا بقت وحشه .
وهران بهدوء
ومين السبب مش انت كنت عايز تلبس ل سفيان مصيبه اهي لبستك انت وسمعتك بقت وحشه بين رجال الأعمال وبعدين أنا ماليش دخل بشرتك أنا هفتح شركه صغيرة ع قدي هبعد عنك وادور ع مراتي براحتي .
عامر
حتي دي أنت شكلك بتنسي انت طلقتها، مش بقت مراتك خلاص طلقتها اجباري، بسبب ابوها ل يزود الفضايح علينا فاكر وسيبك من الكلام الفارغ ده انك ؛ هتسيب شركتي انت مش هتسيبها غير بموتك فاهم و ريم دي لما ترجع ده أن رجعت هوريها العذاب الوان ؛علشان خلتك كده ماشي وراها وانت مغمي وبرضه مش هسيب العيله دي أنا هروح الشركه هحاول أنقذها .
بعد يومين ريم كانت نايمه وصحيت ع وجع كبير مش محتمل وعرفت انها بتولد و اتصلت ع تالين و روان وبلغتهم وهما جم بسرعه وراحوا المستشفي معاها وبعد اكتر من ست ساعات ولدت بيبي ولد زي القمر وهي فرحت بيه ونسيت وجعها وطلبت من رروان تبلغ ابوها وسفيان فرح ليها اوي واخد طيارته الخاصه وتأتي يوم كان عندها .
سفيان: حبيبتي حمد الله ع سلامتك انتي كويسه دلوقتي .
ريم
أنا بقيت كويسه أما شوفتك وشفت ابني يا بابا طمني حد عرف .
سفيان
مش تخافي هو طلقك خلاص وورقتك معايا ومش بعرف انك حامل اساسا وكان بيدور عليكي هنا بس انتي عارفه معارفي ف كل مكان وقفلت عليه كل السكك متخافيش انتي ف امان .
ريم
وهو ده اللي انا عايزاه علشان لما ارجع مرة تانيه اكون مستعدة لاي حاجه .
سفيان
بس عامر بعد اللي حصل لسه نابه ازرق مش هيسكت ع اللي حصله .
ريم
مش مهم سيبك منهم دلوقتي خلينا ف القمر ده .
سفيان بابتسامه
هتسميه ايه بس تعرفي مش شبهه وهران ابدا .
ريم سرحت وافتكرت اليوم اللي قبل ما تعرف بحملها .
Flashback
ريم كانت ف حضنه ومبسوطين واتكلمت بسعادة كبير ة
تعرف نفسي فرحتي دي تكمل بحاجه واحدة
وهران بابتسامه
اي هي
ريم :
اجيب منك ولد قمر واسميه يزيد ويكون نفس صفاتك كاني جبت نسخه مصغرة منك .
ضحكوا هما الاتنين وكملوا سهرتهم مع بعض .
Back
سفيان
ريم سرحانه ف ايه انتي معايا .
ريم
معاك هسميه غيث يا بابا .
دخلت عليهم روان وابتسمت لما شافت سفيان وسلمت عليه .
روان
سفيان بيه اخبارك ايه يارب تكون بخير .
سفيان
روان كبرتي فكرتيني ب والدك مروان الله يرحمه كأنه شايفه بالظبط ريم حكت لي عنك وعن اللي عملتيه وانك بقيتي مساعدتها مبسوطلك اوي مش ناويه ترجعي مصر بقي .
روان
شكرا ل حضرتك ع كلامك الجميل ده بقى والله بس أنا عارفه أن مدام ريم هترجع مصر تاني بس مين اللي هيخلي باله من الشركه هنا .
ريم
معلش يا روان نسيت ابلغك الشركه تتنقل لمصر بعد فترة ف احنا هنرجع مع بعض بشكل دائم .
روان بفرحه
بجد ده خبر حلو اوي استئذن أنا دي شويه متطلبات ليكي والدكتور أمر باذن خروج بعد بكرة .
سفيان
روان انتي مساعدة ريم ف الشغل مش مطلوب منك حاجه تاني فاهمه اللي حصل مش يتكرر .
روان
العفو يا فندم مش اقصد بس دي المدام محتاجاها قلت اجيبها أنا وجايه .
سفيان
أنا فاهم ده بس اللي حصل مش يتكرر فاهمه .
روان
أوامرك واسفه مرة تانيه .
ف مصر
عامر كان ف الشركه وفجاه دخل عليه حد غريب
عامر انت مين.المجهول ......