بسم الله والصلاه والسلام علي سيدنا محمد في الاولين والاخرين وفي الملا الاعلا الي يوم الدين
سبحان الله وبحمده سبحان الله العظيم
سبحان الله والحمد لله ولا له الا الله والله اكبر
..... .........................
زين بزعيق جامد وتعب بيزيد ونفسه بيعلا اعملي الي بقولك عليه اخلصييي
شهد اتخضت من نبرت صوته وفعلا نفذت كلامه
وخرجت وقفلت الباب بالمفتاح وجريت علي اوضه مريم علشان تنادي ادهم
شهد راحت لادهم وكان حمزه معاه جنب باب الاوضه بتاعه مريم
قاعدين في الركنه الي في الرسبشن الي ملحق بالاوضه بعد ما اطمن علي مريم انها نامت بعد الدوا
ادهم وحمزه اتخضو من شكل شهد لما دخلت فجاه
شهد بخوف فزع .الحقو زين بسرعه مش عارفه ماله
ادهم وحمزه وشهد جريو علي مكتب زين
واول ما فتحو الباب انصدمو
زين واقف مش شايف قدامه وعمال يخبط علي الحيطه ويكسر في المكتب ووشه عرقان جدا ونفسه عالي وجسمه واضح انه مثار بشكل غير طبيعي
ادهم وحمزه وشهد دخلو المكتب وادهم قفل الباب بالمفتاح وشهد واقفه عند الباب مش عارفه تتحرك
زين بص ناحيه الباب بطريقه غريبه كان صياد شاف فريسه كان مستنيها وعنيه علي شهد بطريقه غريبه
وجري علي شهد وهجم عليها ولولا ادهم وحمزه سيطرو عليه كانت بقت كارثه بكل المقاييس
ادهم وهو ماسك زين .اهدا يا بني ادم انت اخت ايه
وصلك لكده
حمزه .ده شكله واخد منشط ومن نوع قوي جدا
الاعراض باينه عليه جدا
ادهم بانفعال و الحل ايه دلوقتي لازم يهدا والا قلبه هيقف
حمزه .هخرج اشوف اي دكتور في المخروبه دي
ييجي يشوفه
ادهم بسرعه .لا مينفعش اكيد دي مكيده مينفعش حد يعرف حاجه احنا مش عارفين مين الي عاوز يضره
وهو المقصود ولا حد تاني
ادهم بحده .وبيحاول يسيطر علي زين .شهد اعملي حاجه لازم جسمه يهدي
شهد بتوهان ..............
حمزه .هي تقريبا مصدومه انا هكلم مراد يقولنا نعمل ايه
ادهم .طيب بسرعه علشان الموضوع بيزيد
حمزه .رن علي مراد
مرا د.رد بسرعه نعم
حمزه . مراد الحقنا زين شكل واخد منشط قوي ومش عارفين نسيطر عليه
مراد .طيب اقفل ثواني وهكون عندك انتو فين بالظبط
حمزه . بسرعه احنا في مكتبه
مراد . اوك سلام انا قدامك اهو
وفعلا ثواني وكان مراد علي باب المكتب
حمزه قام يفتح وادهم مسيطر علي زين
شهد واقفه في ركن المكتب بتعيط بس ومفيش اي رد فعل تاني ................
مراد اول ما دخل وشاف حاله زين جري علي دولاب الدواء الي في المكتب
وطلع حقنتين حطهم علي بعض بسرعه رهيبه
مراد .ادهم ثبت زين مش عاوزه يتحرك
وانت يا حمزه حاول ارفع كمه وثبت دراعه كويس واضغط عليه
وفعلا ادهم وحمزه نجحو بشكل كامل في السيطره علي زين ومراد حقنه
زين جسمه بدا يهدا والتشنج بدا يروح
شالوه من الارض ونيموه علي الكنبه وسابوه يهدي
وادهم لاحظ شهد وحس انها دخله في صدمه
ادهم .معلش يا مراد حاول تدي شهد دوا مهدء هي كمان قبل ما تنهار
وفعلا مراد اخد حبايه دواء وراح لشهد وطلب منها انها تاخد المهدي وشهد كانت في عالم تاني
وهنا مراد زعق بصوت عالي وفعلا شهد انتبهت واخدت منه المهدئ وقعدت علي الكرسي الي كان جنبها ورجعت راسه لورا ونامت
مراد راح لزين وكشف عليه بعد المهدئ والحمد لله كل الموشرات بدات ترجع لطبيعتها
القلب والنبض والضغط كان عالي شويه بس احسن و كمان التنفس رجع لطبعته
مراد .ايه الي حصل
ادهم .منعرفش احنا لاقينا شهد جايه تجري وتقول الحقو زين جرينا علي هنا لقناه علي الحاله دي
شهد معرفتش تتصرف وكلمناك وانت جيت
انما صحيح انت مش كنت روحت جيت ازاي
مراد .مفيش بعد ما وصلت علي بوابه القصر افتكرت ورق مهم في مكتبي هنا هحتاجه بكره في الجامعه
ولازم يكون معايا النهارده علشان اراجعه قبل ما اسلمه للجامعه فلفيت ورجت وكنت لسه خارج من المكتب
حمزه كلمني وجيت
حمزه .هو هيفوق امته وانت اديته ايه واديت لشهد ايه دي شكلها نامت
مراد .ادبته باسط للعضلات ومضاد للتشنجات وكمان مهدئ .
وشهد اديتلها حبايه مهدئ في نسبه منوم علشان متدخلش في صدمه وان شاء الله الاتنين هيفوقو كويسين ان شاء الله
حمزه .مراد اسحب عينه دم من زين وحللها ليكون في حاجه تانيه
ادهم .ايوه هو مكنش طبيعي واكيد مش هو الي اخد المنشط ده اكيد وراه حد عاوز يعمل كارثه لزين بس لازم زين يفوق علشان نفهم ايه الي حصل
حمزه .طيب روح انت يا ادهم لمريم واحنا هنستنا لما يفوق
ادهم .طيب تمام ولو احتجتو حاجه رنولي سلام
وفعلا مراد اخد العينه وراح هو المعمل
وحمزه حرك الكرسي بتاع شهد مكان الكشف بتاع زين وعمض عيه ورفع لها النقاب وخلا ظهر الكرسي ليهم علشان وشها ميبنش وشد عليها الستاره كنوع من الخصوصيه ....
ورجع قعد جنب زين وشويه ومراد جه والنتيجه هيبلغوها له علي الواتس كمان عشر دقايق
وهنا الكل قاعد مستني
جماعه محبه واخوه مستنيه زين يفوق ويطمنو عليه
وجماعه مستنيه الفضيحه بس الحمد لله ربنا بيسترها مع الطيبين بس ياترا خلاص هيقف المكايد علي كده
ولا لسه في اكتر .............
وجماعه عاوزه تنشر الفضيحه بس رجع بخفي حنين
وفضل مستني بس الباب مقفول ومش عارف الاي بيحصل وراه ناس دخله وناس خارجه والكل بيقفل الباب وراه ..........ورجع بلا شئ
بره علي مسافه من باب المكتب بتاع زين
شاب ماسك الفون وبيتكلم بحده
الشاب .بقولك الباب مقفول وناس داخله وناس خارجه
بس الباب بيتقفل علطول مبلحقش اشوف حاجه
مروه .ازاي الكلام ده ومين الناس دي بالظبط المفرو ض انهارده هو لوحدو
الشاب .في واحده منتقبه وتلات رجاله اجسام ضخمه
مروه بهمس .وغيظ شهد ايه الي جابها انهارده اكيد هي الي لحقته بس والله لاردهالك
الشاب .انت بتقولي ايه ..
مروه .ولا حاجه انت فقر يلا غور من وشي
الشاب .قفل السماعه وخاف لحد يشوفه فقرر الانسحاب
ومروه كسرت الشريحه وفضلت تشرب خمره طول الليل وقلبها عمال يملا بالغل والكره لشهد وزين وبتتوعد بالانتقام .
في القصر في شقه مراد
مليكه قاعده عاي السرير بتعيط وصعبان عليها نفسها جدا وحست ان الدنيا صغيره وازاي هانت علي مراد يسبها زعلانه الفتره دي كلها من غير ما يطمن عليها
لدرجت انها خافت يكون حصله حاجه لاقدر الله
فكانت بفكر تقوم تكلمه تطمن عليه
ويقطع تفكرها علي رنت تليفونها وبصت في الفون لقت ليلي
مليكه استجمعت شتات نفسها وكلمت مامتها وحاولت ما تبينش حاجه
مليكه .ازيك يا ست الكل
ليلي ..............
مليكه .الحمد لله يا امي تمام ومازن وبابا وعلي وعمو جلال وشهد عاملين ايه مشفتهمش من امبارح
ليلي ..........
مليكه بخضه .مريم يا خبر امته ده حصل انا جيت من الكليه نمت وعامله الفون صامت ولسه صاحيه علي الفون بتاعك
ليلي .........
مليكه .اكيد يا امي هكلمها اطمن عليها طيب هي كويسه دلوقتي انت شوفتيها
ليلي ......
مليكه .طيب كويس يا امي انها بخير هكلمها الصبح علشان مزعجهاش زمنها نامت وانا هقوم ازاكر شويه
اكيد مراد عنده نبطشيه وكلمني وانا مردتش عليه .....
ليلي ...........
مليكهة.تسلميلي يا ست الكل وسلميلي علي بابا ومازن كتير
ومليكه قفلت مع ماممتها من غير ما تبين لها حاجه
وقامت اخدت دش واتوضت وصلت يمكن تهدي شويه
وتقعد تزاكر يمكن تنسي الي حصل وقررت تاخد حقها بس بطريقتها هي بعقلها مش بعواطفها
............ . ...............
في شقه عمر
عمر نايم علي السرير وهنا قاعده جانبه ومبحلقه فيه وبتضحك وسرحانه
عمر صحي علي لمسه هنا وشفايفها علي خده
عمر .هنايا مالك انت كويسه
هنا .بصاله ومتنحه
عمر اتخض عليها قام اتعدل بت يا هنا مالك انت كويسه
هنا .عمر انت حلو اوي
عمر .متنح .انتي يابنتي انت اتلبستي ولا ايه حاول يقوم علشان يشوفها
بس هنا مسكت فيه
هنا .استنا هنا انت رايح فين
عمر .هقوم افوقلك اشوف مالك
هنا .طيب قوم وانت باصصلي عاوزه افضل باصه في وشك واشم ريحتك علي طول
عمر .اعوز بالله من الشيطان الرجيم
هنا انت تعبانه ولا قلبتي كلب ولف انت مش طبيعيه
هنا .طيب بلاش ريحتك هات بوسه زي بتاعه الصبح كد ه
عمر بقلق وخضه .لا الموضوع كده مش طبيعي وميطمنش انا هقوم افوق كده وافضالك
هنا بعياط .عمر متسبنيش خليك جنبي وبتعيط جامد
وعمر واقف متنح ومش فاهم ايه الي بيحصل لهنا
بس مقدرش يستحمل عياطها وراح اخدها في حضنه
وهنا هنا ضحكت جامد وكلبشت فيه .وقالت بهمس خليك جنبي ومتسبنيش وعمر اخدها في حضنه جامد وهو خايف وقلقان ومش عارف هي ملها وبدات تهدا وتروح في النوم وهي عماله تهمهم بصوت واطي
(عمر انت حلو اوي .الله عينك بتنور هههههههه.
ولا شفايفك ........هههههههه
هات بوسه كبيييييره ......... ... )
وهنا عمر متنح ومش مستوعب ايه الي هنا بتقوله وايه الي بيحصل لها
عمر حط هنا علي السرير وغطاها وفضل يفكر في الي بيحصل ملقاش غير حل واحد يفهم بيه الليله
عمر اخد تليفونه وخرج الرسبشن ورن علي يوسف الي رد عليه بنوم
يوسف .ايه يبني في ايه في حد يرن علي حد دلوقتي
عمر .الحقني يا يوسف هنا .. .............. ..............
وحكاله كل الي حصل
يوسف بضحكه جامده جدا لدرجه ان عمر اتخض
ههههههههههههههعهع
عمر بتضحك علي ايه يا حيوان رد عليا وفهمني
يوسف .اتمالك نفسه .احم معلش يا عمر مقدرتش امسك نفسي ههههههه المهم متقلقش ده وحم وهرمونات حمل
هنا بتتوحم عليك وهرمونتها في الحمل مبتبقاش متظبطه يعني هتلاقيها مره زعلانه ومره بتضحك مره عوزاك ومره مش طيقه ريحتك ولا شكلك
فكل ده عادي ده انت هتشوف ايام لوز ربنا معاك
عمر باستغراب .وحم وهرمونات ربنا يستر يلا غور جتك القرف في معرفتك
يوسف .ههههههههههههه سلام يا عمري
عمر قاعد بيفكر مع نفسه وبيعيد كلام يوسف
الحمل عند هنا جاي بوحم من نوع غريب
هنا بتتوحم عليا و عوزاني ربنا يستر من الي جاي
وضحك علي راي الواد يوسف الايام الي جايه لوز وعنب ههههههههههه والله وجالك يوم وتتمرمط يا دكتر عمر ربنا يستر من هرموناتك يا هنا البدايه مطمنش ههههههههههه
وكل ما يفتكر شكل هنا يضحك ...........
............... ...........
في المكتب عند زين
بعد نص ساعه زين بدا يفوق وحمزه ومراد جريو عليه
مراد .حمد لله علي السلامه انت عامل ايه دلوقتي
زين بص حواليه ومستغرب وجود حمزه
زين .هو ايه الي حصل وانت بتعمل ايه هنا يا حمزه وشهد فين
حمزه ..الحمد لله انت بقيت تمام ومراد معاك هو يحكيلك ويفهمك بس انا لازم استاذن علشان عندي سفر الصبح بدري يلا حمد لله عالسلامه
زين باستغراب سلام وبص ناحيه مرا د وكان عاوز يتعدل بس مراد منعه
مراد .استني حيلك هطمن عليك الاول وبعد كده هشرحلك كل حاجه
زين .المهم الاول شهد فين راحت عند مريم
مراد وهو رايح يجيب السماعه وجهاز الضغط
لا شهد نايمه ورا الستاره ومتقلقش هي كويسه انت دلوقتي هتفهم كل حاجه بس نام الاول اطمن عليك
زين نام علي الكنبه ومراد رفع التيشرت بتاع زين وبدا يطمن علي القلب وقاس الضغط كان لسه عالي من تاثير المنشط
مراد .الضغط ١٦٠/١٠٠
لازم ينزل وبسرعه وراح جاب حقنه وبدا يجهزها وهو بيكلم زين
زين . باصص علي مراد باستغراب وهو ايه الي رفعه كده
مراد .كنت واخد منشطات ونوع قوي جدا
زين اتخض واتعددل فاجاه ايه بتخرف بتقول ايه وشهد فين وحصل ايه .......
مراد اهدا يا بني ادم علشان ضغطك
شهد زي الفل والحمد لله ربنا ستر ومحصلش حاجه حمزه وادهم لحقوك
زين اتنفس بارتياح الحمد لله الحمد لله
وهنا الباب اتفتح ودخل ادهم
ادهم .عامل ايه دلوقتي يا زين
زين بزعل .الحمد لله انا مش عارف لولاكم كان ايه الي ممكن يحصل الحمد لله
ادهم .عيب يابني متقولش كده انت الي بعتلنا شهد
لولا كده كانت هتبقي كارثه هو انت مش فاكر ايه الي حصل
مراد .مش وقتو دلوقتي الكلام ده يا ادهم قوم يا زين علشان تاخد الحقنه دي تظبطلك الضغط
زين قام وهو مزهول وتايه ووقف قدام مراد الي ضربله الحقنه وزين من وجعها غمض عينه بس متكلمش
وزين كان في عالم تاني بيفكر في الي كان ممكن يخسره لو ادهم وحمزه ومراد كانو مش موجودين
ومين الي ممكن يكرهه للدرجه دي
ادهم .هتعمل ايه يا زين اكيد الي عمل كده قاصد ضرر ليك
زين .افوق بس واطمن علي شهد وهراجع الكاميرات واشوف مين الي عمل كده
مراد .علي العموم نوع المنشط ده بيشتغل بعد ٣ساعات علي الاقل
شوف انت شربت ايه من الساعه ٣ل٤ وانت هتوصل للي عمل كده
زين بتفكير .شربت القهوه بتاعتي الساعه ٤
بس وشربت مع شهد عصير بس ده كان الساعه٧
ادهم .يبقي اكيد القهوه
ابقي فرغ الكاميرات ولو احتجت مساعده بلغني
وحمد لله عالسلامه مره تانيه
ادهم .انا هستاذن علشان اشوف مريم
مراد .ومريم عامله ايه دلوقتي
ادهم الحمد لله بخير ونايمه دلوقتي من العلاج انا هروح لها علشان لو احتاجت حاجه
مراد .طيب خدني معاك اطمن عليها
ادهم بص لمراد بغيظ وقاله
انت يابني ملكش بيت يلمك ولا مليكه سيباك علي حل شعرك
هنا مراد بص في الساعه وكانت قربت علي ١٠ مساءا
وافتكر انه سايب مليكه من قبل الضهر وهي زعلانه
وبان علي وشه الضيق ونفخ بخنقه من نفسه
انه نسي مراته
مراد بخنقه .حمد لله علي سلامتك يازين وشهد كانت هتدخل في صدمه لان كل حاجه حصلت قدامها فانا ادتها قرص( .........) علشان تهدا شويه قدامها نصايه كدا وتفوق
وبص لادهم .ابقي طمني علي مريم يلا انا لازم امشي
تصبحو علي خير
زين .سلام وياريت محدش يعرف بالحصل علشان ميحصلش مشكله
مراد وادهم .تمام متقلقش
وخرجو وكل واحد راح اتجاه .............
وزين راح بص علي شهد وعدلها علي السرير
وراح قعد جنبها يفكر في الي حصل ........ .
..
في البيت عن مراد
مراد وصل وقلقان من رد فعل مليكه ومش عارف يصالحها ازاي هو غلطان وندمان بس الظروف بتاعه اليوم كانت اقوي منه .
مراد طلع علي الاوضه وفتحها لقي مليكه باصه في الكتاب بس سرحانه
وانتبهت لما مراد دخل وقفلت الكتاب وقامت تروح علي السرير علشان تنام
مراد مسكها من زراعها علشان يوقفها
مليكه ببرود متناهي .عاوز تتعشا احضرلك تاكل
مراد .مليكه انا .....
مليكه بنفس البرود .تمام علي العموم الاكل عندك في المطبخ لو حبيت او جعت ابقي اغرف لنفسك
عن اذنك تعبانه عاوزه انام
مراد .مليكه لو سمحتي اسمعيني
مليكه .والدموع في عنيها ومسكاها بالعافيه ولفه وشها الاتجاه التاني علشان مراد ميشفهاش لو سمحت سيب دراعي عاوزه انام ..وشدت دراعها منه وراحت علي السرير واخدت الغطا عليها ونامت من غير ولا كلمه
مراد زعل جدا من نفسه وبصلها بزعل وندم وسابها براحتها ..........
واتنهد وخرج يعمله قهوه .
مراد خرج وقفل باب الغرفه وراه ومليكه حست بوجع في قلبها والدموع نزلت من عنيها بانهيار وانكسار
وكل واحد فيهم بيفسر الي حصل بطريقته
مراد..... سابها براحتها علشان تهدا .....
بس هي فسرت تصرفه علي انه اهمال وهي مش فارقه معاه وده زود الوجع اضعاف .....
مراد راح المطبخ يعمل قهوه وعينه جت علي الاكل الي متلمسش وافتكر ان مليكه ماكلتش من امبارح لانها مفطرتش معاه وقالت ملهاش نفس و المفروض كان هيعزمها علي الغدا .....
ومراد زعل من نفسه جدا وحس بندم فظيع انه حتي مفتكرش يطمن اكلت ولا ومش عارف يعمل ايه
يصحيها علشان تاكل ولا يسبها تهدا ......
وبردو اخد القررار الصح من وجهت نظره والي يكسر من ناحيه مليكه
فقرر يسيبها تهدا لوحدها وبعد كده يبقي يصالحها
واخد القهوه وقعد في الرسيبشن ومسك الورق الي جابه يراجع فيه ......والنوم غلبه ونام مكانه
ودي كانت تاني اكبر غلطه من وجهت نظر مليكه بعد الكلام الجارح الي قاله لها
ياترا الحياه بين مراد ومليكه هتمشي ازاي وكل واحد فيهم ناوي علي ايه ..........
هدير احمد
Dida
الشهد والدموع الفصل ٣٤
سبحان الله والحمد لله ولا اله الا الله والله اكبر
سبحان الله وبحمده سبحان الله العظيم
اللهم صلي علي سيدنا محمد في الاولين والاخرين وفي الملا الاعلي الي يوم الدين
بسم الله نبدا
النهار طلع علي ابطالنا كلهم وكل واحد فيهم في عالمه
وكل واحد مشغول بحكايته وشغله ومراته وبيته
سواء من الكبار او الشباب وكمان الامهات والبنات
في المستشفي عند مريم في الاوضه
مربم صحيت لقت ادهم جنبها قالت بهمس ادهم
ادهم .صباح الخير يا عيوني
مريم بفرحه علي كسوف .صباح النور
ادهم .عامله ايه دلوقتي
مريم انا تمام الحمد لله بس عاوزه اروح البيت
ادهم .بتوهان وتوتر حاول يخفيه حاضر انت تؤمر يا جميل
مريم .مالك يا ادهم شكلك متغير في حاجه
ادهم لا يا قلبي بس معلش هترجعي من هنا علي القصر
مريم .ليه مش هروح علي شقتنا
ادهم .للاسف عاوزني في الشغل ضروري واحتمال اغيب كام يوم
مريم بزعل .هتسبني لوحدي
ادهم اخدها في حضنه وباس جبنها .غصب عني والله وانشاء الله هكلمك علطول كل ما الظروف تسمح
مريم .ربنا معاك ويرجعك ليا بالسلامه
ادهم .خطف بوسه سريعه كده من مريم وهمس لها اه لو مكنتيش تعبانه
مريم .ببراءه متناهيه كنت هتعمل ايه
ادهم بصلها وكشر دا انا كنت هعمل عمايل واخد بوسه من مريم بس طويله حبتين تلاته حط فيها كل الشوق الي عنده لمريم ومسبهاش الا لما الباب خبط وكان زين وشهد
شهد كان لسه اثار التعب باينه عليها بس حاولت تخفيها علشان زين ميزعلش لانه هو اصلا مدايق من نفسه وبيلوم نفسه بما فيه الكفايه فهي مش عاوزه تزود عليه
علشان كده قررت انها تحاول تبقي طبعيه علي قد ما تقدر
زين .صباح الخير ازيك يا مريم عامله ايه النهارده
مريم .الحمد لله يا ابيه ازيك يا شهد والله وحشتيني
شهد بهزار .وانت اكتر يا مريومه عامله ايه انهارده
اخت دواكي ولا لسه
مريم الحمد لله احسن بس لسه والله ماختش العلاج
شهد طيب تعالي ادهولك قبل ما نمشي وننشغل مع العيله
ادهم ساب البنات مع بعض واخد زين وبعدو شويه وكلم زين بصوت ضعيف .عامل ايه وشهد عامله ايه
زين بزعل واضح .الحمد لله يا ادهم انا كويس وشهد كمان تمام فضلت جنبها لحد ما فاقت والحمد لله مفيش اثار للصدمه او هي بتبين كده علشان متزعلنيش مش عارف بس الحمد لله عدت علي خير ولما ارتاحت هي الي طلبت تيجي لمريم علشان يروحو سوا
انما صحيح انت هتاخد مريم في اسعاف ولا تيجو معايا في العربيه
ادهم .لا هنيجي في العربيه بس انت هتروح ولا هترجع بعد ما توصلنا
زين ..لا يا عم همشي يوسف زمانه جاي ومراد كمان هييجي بعد الجامعه ........ اروح ارتاح انا
وهنا الباب خبط وكان يوسف ومراد ويسرا والهام وامال
ادهم فتح الباب والكل دخل و اطمن علي مريم
ومراد هادي علي غير عادته راح اطمن علي زين ومريم واستاذن علشان يلحق الجامعه .............
ويوسف سلم علي ادهم وزين ومريم واستاذن علشان عنده عياده ....
ادهم .يوسف هات عربيتك بما ان ماما وعمتو هنا وهيرجعو معانا
يوسف .مش زين مروح
ادهم .يابني انا جاي في الاسعاف مش بعربيتي
يوسف .اه تمام طيب خد وابقي ابعتهالي مع حد من الحرس
ادهم .تمام
يسرا سلمت علي شهد وكلهم اطمنو علي مريم وشهد فونها رن وكان جلال
شهد .السلام عليكم ازيك يابابا
( في الوقت ده .زين انتبه لشهد واتوتر وحس بنغزه في قلبه)
جلال .......
شهد .لا ياحبيبي احنا هنرجع دلوقتي مع مربم
جلال ............
( شهد .انا ومريم وزين وادهم وطنت يسرا والهام وامال
جلال ..........
شهد .حاضر يا حبيبي يوصل يلا سلام
شهد بصت علي مريم .بابا بيسلم عليكم
الكل الله يسلمه
زين وادهم .طيب احنا هننزل نجهز العربيات لحد ما تجهزو
زين .هبعتلك حد من التمريض بالكرسي ينزلك الجراش يا مريم اوك
وزين وادهم فعلا نزلو والكل جهز والممرضه جت واخدت مريم ونزلو تحت للجراج
زين وشهد ويسرا وامال في عربيه
وادهم والهام ومريم في عربيه
والكل اتجه الي القصر
..................... .........................
نرجع شويه كده بالوقت
في شقه مراد ومليكه
مليكه صحيت وملقتش مراد جنبها افتكرت انه صحي قبلها راحت اتوضت وصلت وقررت تتعامل مع مراد ببرود وتخليه هو الي يندم علي الي قاله في حقها
وخرجت تجهز له الفطار بس لقت مراد نايم علي الكنبه بره .
فدمعه نزلت من عنيها لما شافته ومسحتها بسرعه ودخلت جهزت الفطار
بعد ما خلصت دخلت اوضتها وقعدت علي المكتب ومسكت الكتب تذاكر شويه
مراد بره قام ورقبته وظهره كانو وجعينه من النومه علي الكنبه وهو للحظه مش مستوعب لا زمان ولا مكان
لكن بعد فتره فهم واستوعب
لم الورق ودخل الحمام الخارجي اخد دش وخرج يصلي علشان عاوز يروح الاول لزين قبل الجامعه
مراد دخل علي مليكه الي مفكر انها لسه نايمه
بس اتفاجي انها صاح
يه
مراد راح وقف قدام المكتب احم
مراد صباح الخير .
مليكه .ببرود صباح الخير
مراد .مليكه انا كنت عاوز اعتزر علي الكلام الي قلته
مليكه .بنبره سخريه .كلام ههه لا ولا يهمك محصلش حاجه عادي
مراد .مدايق من رد مليكه .هو ايه الي عادي متكلميني زي ما بكلمك
مليكه .بنفس البرود .مانا بكلمك اهو
الفطار عندك عالسفره لو عاوز تاكل قبل ما تنزل
مراد مش هتروحي الكليه .
مليكه .لا
مراد .طيب تعالي افطري معايا
مليكه .مليش نفس
مراد .يابنتي تعالي كلي حاجه انت مكلتيش من امبارح
مليكه بنفس البرود الي مجنن مراد .ياه كويس انك اخت بالك بس كتر خيرك اكلت كتير امبارح لحد ما اكتفيت
مراد حس بزعلها وحس الدموع في عنيها بتحاول تخفيها
راح ناحيتها وقرب منها بس هي بعدت بسرعه
مراد باستغراب .ياه للدرجادي يا مليكه زعلانه
طيب انا عارف اني غلط وجاي اعتزر اهو متكبريش الحكايه بقا
عند الكلمه دي ومليكه مقدرتش تمسك نفسها وعلت صوتها لاول مره
مليكه اكبر الحكايه لما تتهمني في اخلاقي وتسمعني كلام زي السم وتسبني وتمشي من غير حتي متسمع مني ولا كلمه
يبق فعلا بكبر الحكايه
لما تسبني زي الكلبه ولا تسال عليا ولا تشوفني حصلي ايه بالساعات ابقي فعلا مكبره الحكايه
لما تيجي وتمشي حتي من غير ما تفتح الباب تطمن عليا يبقي فعلا مكبره الحكايه
لما ترجع بليل وبردو متعبرنيش وتسبني مقهوره وتخرج تنام بره ابقي فعلا مكبره الحكايه
يا اخي دا انا من كتر مانا مش مصدقه انك متتطمنش عليا وان الفكره ده مخي مش قادر يستوعبها خفت عليك وقلت اقوم اكلمك واطمن عليك ليكون لما ادايقت تعبت ولا لاقدر الله حصل حاجه
بس الحمد لله ماما كلمتني تطمن عليا وفي وسط الكلام بلغتني انك كنت عند مريم في المستشفي اه صح الف سلامه عليها
فعلا انا مكبره الحكايه بزياده
ده انت مهنش عليك حتي تبعت رساله تشوف الكلبه الي سبتها لوحدها دي من اول مشكله بنكم عامله ايه
محستش لما روحت المستشفي عند اختك ولاقيت جوزها والعيله حوليها وكل واحد ومراته
يوسف وحنين وعمر وهنا وزين وشهد ان ناقصك حد تفتكره
ومليكه انهارت وبدا صوت عياطها يعلا انت خلتني
نمت ودموعي علي خدي وكسرت فرحتي وخلتني افقد الثقه في حبك ليا
وفعلا انا الي مكبره الحكايه واه نسيت اقولك حاجه مهمه علشان بعد كده متقولش خبيت عليك وتنزل فيا جلد بكلامك الي زي السم وترجع تقولي خلاص متكبريش الحكايه
انا حامل وكنت ناويه اقلك في الغدا الي كنت هتعزمني عليه
ومتقلقش محدش هيعرف من العيله بالي حصل والكلام الي قلته لان انا متاكده ان لو حد عرف مش هيعدي بالساهل
علشان تعرف اني مش مكبره الحكايه ده انا مصغراها بزياده وسابت مراد واقف مزهول من كلامها واحساسه بالندم من الي عمله والدموع في عينه من كلام مليكه والكسره الي هي حاسه بيها
وكسرت فرحتها وفرحته لما عرف ان مراته حامل
ومعرفش يعمل اي رد فعل ولا يفرح ولا يفرحها
ولما استوعب وفاق من افكاره كانت مليكه دخلت الاوضه وقفلت عليها
مراد راح وراها وخبط علي الباب بس هي بتعيط جوه وصوتها كان سكاكين جواه ومش عارف يعمل ايه
مراد وقف علي الباب
مليكه حقك عليا والله معرف ان كل ده هيحصل متعيطيش انا مستهلش دمعه منك ومش هقولك عشان خاطري لا علشانك وعلشان البيبي
كان نفسي يوم ما اعرف انك حامل اخدك في حضني ونفرح سوا بس حقك عليا اني اذيتك بالشكل ده
انا بحبك والله والغيره عمتني ومتخيلتش اني عكيت اوي كده علشان خاطر البيبي يا مليكه انسي الي فات وخلينا نفرح ونعتبرها مشكله وعدت وناخد منها عبره للي جاي .......
مليكه جوه وسامعه صوت مراد والحزن الي فيه باين اوي وماثر فيها بس هي لسه زعلانه علي نفسها وزعلانه علي فرحتها الي ضاعت
بس صوته ندمان ومراد هو حب حياتها ومتقدرش تبعد عنه بس صعبان عليها نفسها
مراد من بره بوجع والله كانت لحظه شيطان ومهونتيش عليا ولا حاجه وجيت ليكي علشان اصالحك بس امي كلمتني وخضتني علي مريم وبعد كده زين تعب وفضلت معاه
انا عارف انه مش سبب بس حطيه انت عذر ليا واعتبريه سبب
مراد بتعب وزعل وخنقه . طمنيني عليكي ولو بكلمه
وبلاش تفتحي بس ردي عليا
ومليكه جوه مش عارفه تتصرف ازاي جواها صوت العقل وصوت القلب قصاد بعض
هيجننوها
العقل بيقولها متسامحش هو غلطه كبير
والقلب .بيقولها اخرجي اترمي في حضنه وسامحيه
هو ندم وراجعلك يصالحك
وفي الاخر القلب كسب وحبها لمرادها هو الي فاز
مليكه .بعياط من الاوضه روح يا مراد خلاص شويه وهبقي كويسه وان شاء الله لما تيجي ربنا يسهل ونتكلم
مراد .طيب افتحي اطمن عليكي وامشي علي طول
مليكه مقدرتش تزعل منه اكتر من كده وفتحت الباب واترمت في حضن مراد الي ضمها جامد وفضل يبوس في راسها واخدها وفطرو مع بعض و منزلش الا لما اتاكد انها خلاص سامحته و اطمن عليها ونامت وهو نزل راح المستشفي ...........
...............................
عوده للوقت الحاضر
العربيات كلها وصلت القصر والكل متجمع في قصر حامد
ايمن وعيلته واحمد وعيلته وابراهيم وعيلته غير حامد ويسرا والهام وعاصم وماجد وماجده وكمان وعمر وهنا الي منزلتش عنيها من علي عمر
وحنين كمان كانت موجوده
ومليكه الي صحيت من الدوشه بتاعه العربيات ونزلت تطمن علي مريم
وكل الشباب كانت موجوده ماعدا مراد ويوسف وحمزه الي سافر الفجر
وجلال وعادل ونور وسميره كمان كانو موجودين
وعلي جه لهم متاخر لانه كان بيجري حولين القصر
بس علي غير العاده زين استاذن علشان يطلع ينام لانه كان عنده شغل وعاوز يرتاح ولما يصحا هيبقي ياكل
لكن الحقيقه انه بيهرب من جلال ومش قادر يجادل قصاده
والكل اتجمع وسط فرحه بسلامه مريم وخبرحمل هنا وجهزو السفره وكل العيله اتجمعت علي الفطار
وكلمو الاجداد واطمنو عليهم وطمنوهم علي مريم
وبلغوهم بحمل هنا ودعو لباقي البنات
ومليكه كان نفسها تبلغهم بخبرحملها بس استنت لما مراد يشاركها الفرحه
وسط ضحك وهزار من الشباب والفرحه باينه علي الكل
ماعدا شهد الي قلقانه علي زين بس حاولت تندمج
وبعد الفطار كل واحد جهز علشان يروح علي شغله
عمر راح الجامعه
وماجد راح الجهاز وقال لادهم يطمن علي مريم ويحصله
وعادل هيروح علي المكتب بعد ما يوصل سميره ونور لشقه سميره القديمه لانها كانت عاوزه تروحها لان جوزها وحشها
وعادل ساب شاهين معاهم علشان يامنهم ويبقي يرجعوا معاه لما يخلصو
والشباب واباهتهم راحو علي الشركه
...............
في الشركه
علي داخل علي حامد المكتب بسرعه من غير ما يستاذن
علي مصيبه يا عمي
حامد بخضه مصيبه ايه يا علي . كفا الله الشر
علي .المركب الي عليها شحنه الاجهزه الطبيه الي جايه من ايطاليا ..... اتحرزت في المينا وقالو عليها انها غير صالحه للاستخدام واتحجزت وتعمل بيها محضر
....
حامد .