الكل اتجمدت مكانه بصدمة جابر كمل و قال:- سليمة الى هتمسك الإدارة و علشان تبقا خبيرة اكتر هتبقا تحت اشرافك يا زياد بيمم انك جوزها
خالد مقدرش يتحكم في نفسه و قال بغضب:- دا على جثتي يعني اي بت غريبه تمسك الإدارة واحدة ملهاش اصلا من فصل اشك اصلا انها بنت عمي
ناريمان بتتفرج بهدوء و هى بتشرب القهوة بابتسامة فرحانة بالحريقة الى هتمسك في العيلة واحد واحد ميرا وشها اتغير بلعت ريقها بتوتر و ابتسامة مزيفة :- طبعا طبعا يا جدو سالي برضو مننا و هتخاف على املاكنا لانها أملاكها مش كدا يا سالي
سليمة بصتله و قالت بتوتر و رفض:- جابر بيه كلامك على راسي بس اعفيني من كل دا اتجوزت تمام عشت معاكم ماشي لكن جو حفيد و املاك بلاش لانى لبحبهم ولا بيحبوني و بالنسبة الحفيد ليك عليا اروح دار ايتام اجيب طفل عنده ساعتين و نربيه كلنا اي رايك يا ابن عمي ، شوفت بيقولك موافق
زياد بين سنانه:- كدا يا حبيبتي
كمل بهدوء و رجاءا:- و بعدين يا جدي ما تجوز خالد و نفرح بابنه و اوعدك مش هتشوف وشنا تاني بس اعفيني انا واقف جانبها بالعافية مش كفايه انى متجوزها كمان هخلف منها لا كدا كتير عليا بجد
جابر بصلهم بهدوء:- اظن سمعتو كلامي ممم سنة بالكتير مش هنتظار كتير ، تقدور تروحو على اشغالكم سليمة انتي هتبقي على مكتبك الجديد بكرا خلص النقاش
جابر قام و خرج من المكتب و مذل الكل مصدومين ناريمان حضنت سليمة و قالت بهمس جانب ودنها:- اجمدي كدا لسه التقيل جاي انتي كسبتي اول مرحلة بس اللعبة لعبتي و انا الى هنهيهي لم ازهق عايزين البيبي بسرعة
بعدت عنها و بصتلها بابتسامة و حضنت زياد الى واقف جانب سليمة بحب و ابتسامة زياد بدلها الحضن سليمة اتسعت عينيها بصدمة و غضب ناريمان بعدت عنه و قبلت خده :- مبروك يا روحي
سليمة بصتلهم من فوق لتحت و طالعت فوق بغضب قفلت الباب حطت ايديها في شعرها و الغضب و الجنون سيطروا عليها صحيح بتكرهو بس اى كان مينفعش يحضنها قدام عينيها :- ماشي يا زياد انت هربيك
دخلت التواليت زياد دخل :- هى غارت فين دي
سليمة خرجت و في ايديها جردل مياة :- الاوضة وسخة و عايزة تنضف
سليمة رفعت جردل المياة و دلقته عليه زياد شهق من المياة الى غرقته و دخلت بؤه بصلها بهدوء و غضب:- انتي
سليمة حطت ايديها في خصرها:- اي بنضف اوضي من الزبالة و القذارة ليك حاجة عندي
زياد رمش مرتين بصدمة دى مش سليمة الهبلة دى زعيمة عصابة :- هتندمي
سليمة بصتله من فوق لتحت:- الى عندك اعملوا يا زيزو
قالتها و هى بتلعكش شعره و قالت بغمزة:- بس اي رايك في المياه حلوة صح انا برضو قولت كدا يا بوبي
قالتها و هى بتلعب فى خصلة شعرها بابتسامة انتصار
زياد اتنهد بغضب و دخل التواليت سليمة دخلت غرفة الملابس غيرت هدومها و خرجت وقفت قدام المرايا و بتغزل نفسها و تغني زياد خرج:- هتتخمدي ولا اي
سليمة بتحط الروج ببرود:- لا يا زيزو رايحة عند الدكتور بتاع ماما علشان اعرف معادة العملية و الحالة بالظبط
زياد اتجه ليها بصلها:- كدا هتروحي كدا
سليمة:- كل واحد حره في حياته ملكش حاجة عندي اوكي
زياد مسكها من دراعها و قال بحذر:- بلاش اللعب معايا يا بت عمي غيري الشي دا فورا انتي مش شايفة انه قصير و اي دا دا انتي جريئة اوى
سليمة ببرود:- مش شغلك و اه جريئة بس تلميذتك على الاقل معملتش زيك قدام الناس يا قذر
زياد حاوط خصرها و قبلها سليمة زقيته رفعت كف رفعت ايديها:- اوع تكون فاكر انك حاجة انت في عيني صغير انت قولت انى ارخص ما كنت تتخيل و انا بقولك انك احقر مني بمراحل و اخر مرة تتعدا حدودك معايا فاهم
سليمة دخلت غرفة الملابس غيرت هدومها و خرجت زياد قعد يكسر كل حاجة :- حيوانية
بعد وقت في بيت عبلة
عبلة:- مكنش ينفع تجي النهاردة الناس تقول اي
سليمة و هى بتحط كوبية الشاي على التربيزة:- يتحرق هو و الناس و بعدين انا عايشه ليكي ولا لزياد
سليمة اتجهت لتلاجة شربت مياة و بتاكل:ـ و بعدين يا ستي انا مش جاية من الجنة دول ولا عيلة رضوان البرنس
عبلة:- اموت و اعرف الاكل الى بتاكليه دا بيروح فين انتي بتتخني ولا بتخسي طب سخني الاكل
سليمة :- البصارة حلاوتها و هى ساقعة انا بقلي كتير مكلتش اكل بالحلاوة دى
عبلة:- يا ضنايا يا بنتي
سليمة:- يعني اكل و اتسم افرد كانوا حطين ليا سم في الاكل و بعدين انا مهما روحت و جيت مفيش فى حلاوة اكلك
عبلة:- صح الدكتور قال اي
سليمة بكدب:- هيقول اي يعني حصوة على الكبد و لازم تتشال الموضوع بسيط اطمني
عبلة:- عينيكي بتقول غير كدا يا بت بطني نفس نظرات ابوكي لم بيحور على الى قدامه
سليمة قفلت التلاجة:- ابوس ايدك متجبليش سيرته علشان كل ما افتكر بكره اكتر صح اسفة يا امي بس مش هقدر ابقا معاكي يوم العملية عندي شغل كتير بس هبقا معاكي على الخط و كمان خالتي ام مختار و فاطمة هيبقو معاكي
عبلة بصتلها بخذلان و حزن:- براحتك يا بنتي المهم انكي تبقي بخير
سليمة حضنتها و هى بتحاول تداري دموعها :- سامحيني يا امي علشان خاطري انا من غيرك ولا حاجة ، اسفة على كل حاجة ضيقتك مني حقك عليا
سليمة بعدت عن امها و خرجت من البيت بسرعة ركبت العربية و دموعها تنزل
فلاش
الدكتور :- للاسف الورم اتمكن من الكبد و لازم نشيله في اسرع وقت لان كدا بنلعب في الوقت الضايع
سليمة بتوتر و خوف:- هتعيش صح
الدكتور:- كله بامر الله تاني حاجة لازم بعد ما نشيل الورم نعمل زرع كبد لان ممكن نخسر المريض
سليمة :- انا جاهزة لاى حاجة بس تعيش
الدكتور:- المهم دلوقتي لازم نلقي متبرع في اسرع وقت ممكن كل دقيقه بتمور على حياتها خطر
سليمة اتنهدت:- انا المتبرع يا دكتور
الدكتور بصدمة و توتر:- انتي سامعة نفسك بتقولي اي مدى مش لعبة دى حياة يا بنتي ممكن تموتي
سليمة بابتسامة وجع:- مش انت قولت كله بأمر الله ، سبها على الله يا دكتور المهم عندي امي العملية امتي
الدكتور:- الاسبوع الجاي و دا اقصي حاجة مش لازم نضيع وقت اكتر من كدا
سليمة بهدوء و رجاءا:- ارجوك مش عايزة امي تعرف الى هعملو انا كل دا مفهماها ان عندها حصوة على الكبد حتي جابر بيه ميعرفش ارجوك
الدكتور بصلها بشفقة و بعدين قال بابتسامة و هدوء:- اطمني يا بنتي محدش هيعرف انكي المتبرعة ولا ان حالة امك خطيرة
سليمة قامت بابتسامة:- شكرا يا دكتور
باك
سليمة سندت راسها على الازاز قالت لنفسها بوجع: - يعني انحرمت من ابويا و دلوقتي من امي يارب تخرج منها بالسلامة يارب خليها ليا يارب متحرمنيش منها انا مليش غيرها في الدنيا دى يارب قومها ليا
غمضت عيونها بألم و مرارة بعد وقت وصلت القصر طالعت على فوق كانت دخلة اوضتها لكن نزلت الجنينة
ماجد ابو زياد:- في حاجة يا سليمة
سليمة بدهشة:- عرفت انا ازاى مع انى متكلمتش
ماجد ساب اللاب توب و بصلها:- لانكي بتفكريني بابوكي حتي في مشيته صحيح ملكيش صوت خطواتك سريعة زي سليم الله يرحمه
سليمة قعدت على الكرسي:- الله يرحمه انت لسه فاكره
ماجد عينيه دمعت:- طبعا دا عمر مش يوم ولا اتنين دا عمر و خناق و حكايات ، كنتي عايزة حاجة
سليمة بصت حواليها بتوتر و بعدين بصتله:- الحقيقة طلبة من حضرتك طلب ممكن
ماجد:- بس كدا عينيا
سليمة بابتسامة و اطمئن:- تسلملي يا عمي ، ك في ، ليا جار في الحارة الدنيا معاندة معاه
ماجد بتركيز:- يهمك اوى كدا
سليمة بدون وعي:- فوق ما تتخيل هو مفيش اطيب منه ولا في اخلاقه بس الحظ
ماجد :- هو معاه شهادة
سليمة بفخر:- دا الاول على دفعته اخلاق و حنية الدنيا فيه
ماجد:- طب هو خريج اي
سليمة:- خريج كلية حقوق قسم انجليزي بس فين و فين لم يجيلو شغل لدرجة انه نسي هو كان متخرج من اي
ماجد بهدوء:- اسمو اي الواد دا
سليمة:- اسمو سيف الشريف
ماجد بهدوء بإعجاب :- طيب هاتي رقمه و انا هشوف الموضوع دا طالما شاطر و محترم يبقا نديلو فرصة
سليمة بتفكير:- كان حلمه يكون وكيل نيابة بس علشان الظروف و ان على اد حالو و معندوش وسطه
ماجد:- فهمت لو دا حلمو انا معاه لحد ما يوصل لحلمو طالما كويس انا معاه لآخر
سليمة:- ممكن كمان بعد اذنك ميعرفش انى قولت ليك أو الشغل من طرافنا علشان الحساسية بالله عليك
ماجد بابتسامة:- مفهوم طبعا متشليش هم هاتي الرقم
سليمة عطت لعمها الرقم و طالعت و هى هطير من الفرح اخيرا هتشوف سيف مبسوط و محقق الى نفسه فيه لو لمرة واحدة في عمروا فتحت الفون و شغلت اغنية حمادة هلال عيش معايا
في اوضة ميرا قعدة على السرير منكمشة في نفسها و بتعيط بندم
فلاش
بعد ما زياد و سليمة شربوا العصير و اتخدور اه صاحيين و بيمشو و بيتكلمو و شكلهم عادي لكن مفيش عقل
زياد كان شايل سليمة كانت سندة راسها على صدره و غمضة عينيها بس صاحية ركبوا العربية بعد وقت وصلوا الفيلا بتاعته ميرا كانت ماشية وراهم و معاها موبايل جديد بخط جديد طالعوا اوضته و نزلها
زياد حاوط خصرها:- انتي جميلة اوى يا سالي تعرفي انهم ظلموكي باسم سليمة المفروض كان يبقا اسمك قمر نجمة حياة أما سليمة ملهمش حق
سليمة مفتحة عينيها بالعافية :- زياد انت اول مرة تضحك في وشي و تقولي كلام لطيف غيرت فكرتي عنك بس شكلك حلو و انت هادي و فرحان
زياد بدون وعي:- بحبك يا سليمة
سليمة رمشت عينيها:- بتقول اي
زياد بهمس:- بحبك
سليمة لسه هتتكلم زياد قبلها و هى كمان ميرا كانت حطة ايديها على قلبها بصدمة. و بتصور طبعا صورته و هو شايلها و صورتهم كدا فيديو و بعدين قفلت الفون و خرجت جري ركبت عربيتها و بعتت الصور و الفيديو لى ناريمان من رقم مجهول و بعدين مسحت الحاجة و رمت كسرت الخط و رمته
باك
ميرا ضمت نفسها بدموع :- مكنش قصدى والله ما كان قصدي اعمل حاجة انا انا كنت عايزاه ليا ليا انا في الاخر راح اتجوز دى سبني و رحلهم بس ماشي يا سليمة انا هوريكي و هخد حقي
قالتها و هى بتمسح دموعها بشر و توعد بالليل كان الكل نايم زياد كان برا البيت سليمة واقفة في البلكونة بتبص عليه :- انت فين يخرب بيتك جاي تموت دلوقتي هيقولو عليا نحس غار في انهي مصيبة دا اعمل اي ما يتحرق المهم ان ابقا برا الصورة
سندت على السور بلكونة اوضته عد ساعتين لمحت عربيته لكن بصتله بصدمة :- هو بيعمل اي ابن المجنونة هو حط التلفون في العربية ليه ، حط التلفون في العربية قل*ع الجزمة اي دا هو اتلبس ولا عنده جن عاشق هو راح فين ل يكون اتخطف
الباب اتفتح و دخل زياد كان ماشي بالعافية و مش شايف قدامه و بيغني :- امورتي الحلوة بقت ليها سحر كبير
سليمة ربعت ايديها:- كنت فين
قالتها بحادة زياد اتجه ليها :- مراتي القمر عاملة اي دلوقتي. يا تري كنتي بتعملي اي
سليمة:- انت كويس شارب اي
زياد جذبها له حاوط خصرها وووووو