وصفاء شيطانها قالها تدخل هيا تحط للثعبان الهادي أكله وفتحت باب الأوضه وأتصدمت من اللي شافته؟
_شافت صفاء ف نص الأوضه حفره كبيره والظاهر إن بكر بقالو يومين تلاته شغال فيها وفضلت صفاء تسأل نفسها وهتتجنن ليه بكر بيحفر ف الأوضه وليه مخبي عليها موضوع زي ده..
_وبعدين خرجت صفاء من الأوضه وبكل غضب راحت تصحي بكر عشان تفهم منو إيه اللي بيحصل وهوا ناوي على إيه المرادي..بقلم محمد طه
_صفاء بغضب..أصحي يا بكر..أصحي يا عم الفواعلي
_بكر بنعس وهوا بيتثاوب..فيه إيه يا صفاء..مالك
_صفاء بغضب..إيه الحفره اللي ف أوضه الثعابين دي
_بكر بغضب..وإنتي إيه اللي دخلك أوضه الثعابين يا صفاء
_صفاء بغضب..ربنا أراد إني أدخل بالصدفه عشان أشوف اللي أنته بتعمله من ورايا يا بكر..أنا عايزه أعرف إيه الحفره اللي ف الأوضه دي
_بكر بهدوء وهوا رايح يدخل الأوضه وصفاء داخله وراه..أنا كنت هقولك بس أنا عارف إنك وش فقر وما كنتيش هتوافقي وهتقعدي تقوليلي حرام وحلال
_صفاء بغضب..مصيبه لتكون بتحفر على آثار
_بكر بعصبيه..ومصيبه ليه يا صفاء..هما اللي بيحفرو على آثار أحسن مننا ف إيه..وبعدين أنا بحفر ف بيتي واللي هلاقيه هيبقي من حقي..وأظن بقي المرادي لا فيها نصب ولا سرقه..بقلم..محمد طه
_صفاء بهدوء..ولما هيا لا نصب ولا سرقه..بتحفر من ورايا ليه ومخبي عليا..طب أقولك على حاجه تانيه.. أنته بتقول إنها لا نصب ولا سرقه..تقدر تقف ف الشارع وتقول للي رايح واللي جاي أنا بحفر ف بيتي على آثار..وبعدين أنته مين اللي قالك إنك هتلاقي آثار أصلا..هوا أي حد هيحفر ف أي مكان هيلاقي آثار
_بكر بهدوء..يا صفاء المثل بيقول داري على شمعتك تقيد..شارع إيه اللي هقف فيه وأقول للناس إني بحفر على آثار..دي الناس تستجنني..وبعدين أنا بحفر وأنا وحظي يا لقيت يا ملقيتش
_صفاء..نفسي يا بكر تسمع كلامي مره واحده ف حياتك..فيه ناس كتير حفروا زيك كده وما كانوش يعرفوا إنهم بيحفرو قبرهم بإديهم وأتدفنو ف الحفره وما حدش سأل فيهم
_بكر بغضب..أنا كمان نفسي تتفائلي خير يا صفاء..يا شيخه قدمي الخير قبل الشر..وبعدين أنا لو حصلي حاجه ف الحفره دي يبقي هوفر عليكي مصاريف وحاجات كتير..سيبيني بقي وملكيش دعوه باللي بعمله وخليكي إنتي بعيد عشان العيال
_صفاء..وهوا أنا والعيال هنعرف نعمل إيه من بعدك يا بكر..أنته لو حصلك حاجه إحنا هنحصلك
(وفجأه الثعبان الهادي يصرخ صرخه كلها غضب وكانت مرعبه جدا لدرجه إن صفاء من الخضه وقعت ف الحفره مع بكر والحفره كان عمقها بطولهم وما كانوش شايفين ولا عارفين الثعبان إيه اللي حصله وليه بيصرخ بالطريقه المرعبه دي)
_وبسرعه بكر شال صفاء على أكتافه عشان يطلعها من الحفره..وأول ما طلعت صفاء من الحفره تلاقي الثعبان الشرس ف مواجهه إبنها؟بقلم..محمد طه
(قبل الثعبان ما يصرخ)
_بكر كان جوه الحفره بيحفر وبيتكلم مع صفاء اللي كانت واقفه على حرف الحفره وكانت عاطيه ضهرها لباب الأوضه وللثعبان الشرس وكان باب الأوضه مفتوح ودخل خالد من غير ما صفاء تاخد بالها منو
_وراح خالد عند الثعبان الشرس وقرب من القفص بتاعه وحط إيده على القفص وبدأ الثعبان ياخد وضع الإستعداد عشان يعض خالد ف إيده
_وهنا تظهر عنايه ربنا والثعبان الهادي يصرخ وأول ما صرخ صفاء وقعت ف الحفره مع بكر والثعبان الشرس خاف من صوت الثعبان وإتراجع عن الهجوم
_لكن الثعبان الشرس رجع ياخد وضعيه الهجوم تاني والثعبان الهادي بدأ يصرخ صرخات متتاليه لحد ما صفاء خرجت من الحفره وجريت على خالد وحاشت إيده من على قفص الثعبان الشرس وكان الثعبان بيبصلها بشر والثعبان الهادي بدأ يهدي وكان بكر طلع من الحفره
_صفاء بغضب..الثعبان دا لازم يمو،ت حالا..يا أنا وعيالي..يا الثعبان دا ف البيت يا بكر؟؟؟
البارت العاشر
_صفاء بغضب..الثعبان دا لازم يمو،ت حالا..يا أنا وعيالي..يا الثعبان دا ف البيت يا بكر؟
_بكر بهدوء..ولما الثعبان دا يمو،ت هناكل ونشرب منين
_صفاء بغضب..ولما الثعبان دا يأذي حد فينا هيبقي إيه الكلام..دا لتاني مره الثعبان كان هيأذي إبنك لولا ستر ربنا..وكان هيأذيك لما لقيته..ربنا سترها معانا يا بكر 3 مرات..أخلص من الثعبان دا بقي قبل ما يخلص علينا
_بكر بغضب وتحدي..الثعبان مش هيمو،ت يا صفاء
_صفاء بذهول..بتبقي الثعبان على مراتك وأولادك يا بكر..الثعبان عندك أهم مني ومن خالد وندي
_بكر بهدوء وغضب..هوا إنتي ليه بتحسبيها كده
_صفاء بغضب..عشان ملهاش حسبه غير كده
_بكر..حاضر يا صفاء أنا هعملك اللي إنتي عيزاه..بس أول ما هلاقي مصدر رزق تاني..ساعتها هخليكي إنتي اللي تق،تلي الثعبان بنفسك..يلا بقي خدي الواد وأخرجي من الأوضه دي وما تدخليهاش تاني
(صفاء وقفت شويه تبص للثعبان الشرس وبعدين أخدت إبنها وقبل ما تخرج من الأوضه راحت عند الثعبان الهادي وحطت إيدها على القفص بتاعه وكأنها بتشكره على إنو أنقذ إبنها للمره التانيه وبعدين راحت للطعام وأخدت أكل حطتهولو كنوع من المكافئه وبعدين خرجت من الأوضه وبكر قفل الباب وراها)
(وفات يوم والتاني وصفاء وبكر ما بيتكلموش مع بعض خالص لكن ف خلال اليومين دول صفاء كانت دايما بتدخل أوضه الثعابين عشان تأكل الثعبان الهادي وبقت بتعتني بيه زي أولادها بالظبط)
(وف اليوم التالت أتفاجئت صفاء ببكر داخل عليها ومعاه ناس شايلين ديب فريزر وهنا صفاء كسرت حاجز الصمت اللي بينها وبين بكر)
_صفاء..إيه اللي أنته جايبه دا يا بكر
_بكر بهدوء..دي تلاجه..إيه عمرك ما شوفتي تلاجه قبل كده
_صفاء بسخريه..وجايب التلاجه ليه يا بكر..من كتر الأكل اللي ف البيت وإن ما أتحطش ف تلاجه هيبوظ
ثم تعالا هنا..البتاعه دي أكيد غاليه..جبت فلوسها منين يا بكر
_بكر بهدوء..أولا أنا جايبها بالقسط..ثانيا أنا مش جايبها لينا..وبعدين أنا عارف إن مفيش حاجه ف البيت أصلا عشان ناكلها مش هوا نخزنها ف التلاجه
_صفاء بعدم فهم..أومال جايب التلاجه دي ليه يا بكر
_بكر بهدوء..جايبها للثعابين..هخزنلهم أكلهم فيها..
أنتي شايفه أكلهم كله لحوم مي،ته وريحتها قالبه البيت والريحه دي غلط على العيال
_صفاء..تصدق إنك أول مره تفكر وتعمل حاجه صح.. بس متأخر..متأخر يا بكر..إحنا خلاص أخدنا على الريحه..وبعدين هوا أنته ناوي تكمل ف مشوار الثعابين ده..أنته مش قولتلي إنك هتشوف باب رزق تاني وبعدين تتخلص من الثعبان المؤذي ده
(وقبل ما يرد كان الباب بيخبط وكانت واحده ست وبكر راح يشوف مين)
_السلام عليكم..مش دا بيت عم بكر الحاوي بتاع الثعابين
_بكر..أيوه أنا..خير
_أنا شوفت عندي ف البيت ثعبان وعايزه حضرتك تيجي تمو،ته
(أخد بكر منها عنوان بيتها وخلاها تمشي وقالها إنو هييجي وراها ودخل بكر أوضه الثعابين وجاب الثعبان الهادي وخرج عشان يروح للست اللي هيخرجلها الثعبان من بيتها وصفاء أول ما شافته خارج بالثعبان الهادي وقفته)
_صفاء..أنته واخد الثعبان دا معاك ليه..إيه هتضحك عليها بالثعبان ده ومش هتطلعلها الثعبان الحقيقي اللي ف بيتها
_بكر بهدوء..لأ يا صفاء مش هضحك عليها..بس أنا أكتشفت حاجه كده لما مسكت الثعبان المؤذي ده
_صفاء..وأكتشفت إيه بقي إن شاءالله
_بكر..لما أتفاجئت إن فيه ثعبان بجد ف البيت وحاولت أمسكه وكان هيعضني..وقررت خلاص إني هسيبه وهضحك على أصحاب البيت بالثعبان اللي معايا..جات ف دماغي فكره جهنميه..دخلت الثعبان اللي معايا عند الثعبان اللي مش عارف أمسكه وبعدين بدأت أسحب الثعبان اللي معايا لقيت الثعبان خارج معاه..تقريبا كده بيبقي فيه بيناتهم لغه وكلام..
وقدرت إني أمسك الثعبان بكل سهوله..
_صفاء..طيب خد بالك من الثعبان اللي معاك دا يا بكر..ويا ريت الثعبان اللي هتجيبه ما يكونش مؤذي زي الثعبان اللي جوه ده..ويستحسن أصلا إنك تق،تله
عشان مش هنقلبها مزرعه ثعابين
(وخرج بكر من البيت بتجاهل لكلام صفاء..وصفاء واقفه عينها على أوضه الثعابين وبتفكر إنها لازم هيا اللي تتخلص من الثعبان المؤذي ده..وخلاص أخدت القرار ودخلت أوضه الثعابين وقفلت الباب وراها وبدأت تقرب من الثعبان الشرس والثعبان بدأ يغضب ويثور ويخبط ف القفص وصفاء خافت وما قدرتش تلمس القفص لأن الثعبان هاج أول ما شافها بتقرب عليه)
(وبدأت صفاء تستخدم حاجه من أدوات الحفر اللي بكر بيحفر بيها وفضلت صفاء تحرك ف القفص لحد ما وقعت القفص بالثعبان ف الحفره وبدأت تردم الحفره بالتراب لحد ما دفنت الثعبان المؤذي؟