اللهم صل وسلم على سيدنا محمد
فى منزل فهد
في مكتب فهد
رائد:يعنى انت متوكد من كلامك ده
فهد: بقولك سمعتهم وشوفتهم وهما بيتكلموا
رائد :تمام مش عايزك تعمل حاجه ولا تحسسهم بحاجه
فهد: ودا اللي بعمله
رائد :زين
رائد :صحيح مين اللي قابلتني علي الباب دى
فهد :دى مريم بنت عمى
رائد :ايوا صوح انت قولتلى الموضوع ده
أتى فتحى قائلا
فتحى :اهلا اهلا رائد باشا البلد نورت
رائد: منوره بأهلها مبروك يا عريس
فتحى: الله يبارك فيك عقبالك
رائد :لا يا اخويا انا كده زين قوى
اتت بدريه قائله: لا مش عليا الكلام ده انى غيرت راي فتحى وفهد والتنين هيتجوزوا باقي انت ودامر ومش هتمشى من أهنه غير لما اشوفلك عروسه
رائد: وه انى أكده أدبست
فهد: هههههههه الحجه بدريه مبترجعش في كلامها واصل
وممكن يكون فرحك بعدى طوالى
رائد :وه لا يا حجه أنى مابفكرش في الجواز واصل
بدريه: بردو هشفولك عروسه
رائد: هههههههه بردو
في غرفه نرجس
نرجس الهاتف ابنها
نرجس :بقولك هات اختك وتعالى
عصام :واجى ليه يا امااا انى عندى شغل
نرجس: بلا شغل بلا زفت بكره الصبح تكون عندى اهنه مفهوم
عصام: حاضر يا اماااااا بس خير في حاجه
نرجس بتنهيده: فهد هيتجوز
عصام بفرحه :صوح
نرجس :ومالك فرحت أكده ليه دى مصيبه سوده
عصام: ليه أكده يا امااا نقول الحمدلله فهد نسى وابتدى يشوف حياته
نرجس :يشوف حياته واخسر انى كل حاجه انت خابر أن كل اللى هو عايش فيه ده ملكك وملك اختك والمفروض انت اللى تكون مكانه
عصام :لا يا اما دا حق فهد مش أنى
نرجس بعصبيه: مش عايزه حديت ماسخ بكره تكون اهنه انت واختك سلام ثم أقفلت الخط قائله قال حقه قال
في منزل وعد
يارا :مالك يا وعد سرحانه علطول ليه
وعد :في حاجه غريبه
يارا :خير
وعد :نرجس عمه فهد
يارا: مالها
وعد: جات المستشفى امبارح وبتقولى اكلم فهد واقوله انى مش عايزاه
يارا: ايه الهبل دا وهى تقول كده ليه اصلا
وعد :مش عارفه الست دى وراها سر كبير اوى ولازم اعرفه
في منزل الشيخ رفعت
في غرفه دامر
دامر لنفسه: وه وانى عفكر كتير فيها ليه هي جات بس تعمل الواجب مش اكتر خبر ايه يا دامر مش بنت اللى تشقلب حالك أكده
الباب يدق
دامر :ادخلى يا حجه
صفيه بابتسامه: هتفضل أكده يا ولدى تيجى من بره تقعد في الأوضه أكده حتي الوكل مابقتش تاكل معانا
دامر: أكده احسن يا حجه
صفيه: لا يا ولدى مايصحش دا ابوك بردو
دامر :هه ابويا قصدك عزمى بيه ده مش ابويا
صفيه بحزن :كلنا بنغلط يا ولدى سامحه كفايه أكده
دامر: يا حجه اللى عمله مش قليل دا تاجر فى المخدرات وقتل صاحبه زمان كنت بفتخر فيه قدام الناس بس دلوقت ثم سكت ولم يكمل
صفيه بحزن :ربنا يهديك يا ولدى
في منزل فهد
علي الغداء
مريم: وانت بقي بتشتغل ايه يا استاذ رائد
رائد: وكيل نيابه قد الدنيا
مريم وهى تقلده: قد الدنيا مالك فخور قوى كده ليه
فهد بنظره تحذير قائلا :مريم
مريم :خلاص سكت
رائد :ههههه سيبها يا فهد وانت بقى بتشتغلى ايه
مريم: دكتوره بشريه
رائد :وه ولا باين عليكى
مريم بغيظ :والله
بدريه: وه قوموا أمسكوا في بعض احسن
مساءا
في المندره
رائد: بما أن دامر اهنه ماتكلموه يجى يقعد معانا اتوحشته قوى
فهد: عتتكلم جد
رائد :طبعا بتكلم جد عايز نرجع ايام زمان
فتحى :والله وانى كومان نفسى نرجع زى الاول تانى
فهد بعصبيه: عايزينه روحوا اقعدوا معاه
رائد: هههه خلاص خلاص اقعد بقى
في صباح اليوم التالى
نرجس: صوح يا فهد عصام ورقيه جايين النهارده
فهد ببرود :ينوروا البيت بيتهم
نرجس: كتر خيرك يا ولدى
فهد :حجه بدريه شوفوا ايه اللى ناقصكم عشان الفرح هيوصلكم النهارده
بدريه بابتسامه :ماشى يا ولدى
ثم تركهم ومشى
نرجس :وه وهو فهد كومان اللى هيجهز الفرح
بدريه :طبعا اومال ايه ربنا يديمه لينا
نرجس: يارب يا خيتي