وقبل ما البنت ما تيجي راح بكر قفل على صفاء بالمفتاح عشان ما تخرجش وتبوظلو الدنيا؟
_وفضل بكر مستني البنت وعدي ساعه والتانيه والبنت ما جاتش وبعد ما بكر فقد الأمل إنها خلاص مش جايه راح بكل هدوء فتح أوضه صفاء عشان صفاء ما تحسش بحاجه
_وتاني يوم راح عشان يقابل البنت ويشوف هيا ما جاتش ليه ف المعاد اللي قالها عليه.. وبالفعل قابلها وبنفس الطريقه اللي قابلها بيها أول مره لأنه كان حريص إن محدش يشوفها واقفه معاه
_بكر بغضب..إنتي ما جيتيش ليه إمبارح ف المعاد اللي قولتلك عليه..ولا يكونش نسيتي ولا رجعتي ف كلامك ومش عايزه تسافري لأخوكي
_البنت بخوف وهدوء..لا نسيت ولا رجعت ف كلامي يا عم بكر..أنا جيت ف المعاد اللي حضرتك قولتلي عليه بالظبط..بقلم..محمد طه
_بكر باستغراب..جيتي إزاي..أنا فضلت مستنيكي طول الليل..ولا يكونش غلطتي ف العنوان وروحتي بيت تاني (ويلاحظ إنها خايفه) هوا إنتي خايفه ليه كده
_البنت بخوف وهدوء..يا عم بكر أنا جيت عندك البيت ف معادي بالظبط..بس أول ما قربت من البيت لقيت فيه ثعبان كبير واقف قدام باب البيت ف خوفت ورجعت
(رجوع لوقت معاد البنت)
_بكر وهوا بيقفل باب أوضه صفاء عشان ما تخرجش وتبوظلو الدنيا..صفاء حست بيه لأنها ف الوقت دا مكنتش نايمه وكانت لسه صاحيه لأن بكل سهوله صفاء أخدت بالها من إختفاء مفتاح الباب وأتاكدت إن بكر ناوي على مصيبه يعملها ف الليله دي
_وبعد ما بكر قفل عليها الباب بالمفتاح بدأت صفاء تفكر إزاي تبوظ لبكر اللي هيعمله وبسرعه جاتلها فكره إنها تستخدم الثعبان الهادي وخرجته من القفص وبدأت تشاورله إنه هيخرج من الشباك ويروح يقف عند الباب الرئيسي للبيت ويمنع دخول أي حد للبيت
_وبالفعل الثعبان خرج من شباك أوضه صفاء وراح وقف قدام باب البيت والبنت لما جات وشافته خافت منو ورجعت
(عوده لبكر والبنت)
_بكر بعدم فهم واستغراب..ثعبان كبير كان واقف قدام البيت..طيب تقدري توصفيلي الثعبان دا شكله إيه..بقلم..محمد طه
_وبدأت البنت توصفله شكل الثعبان الهادي بالظبط وأتاكد بكر إن هوا الثعبان الهادي وقرر ف سره إنو لازم يخلص من الثعبان الهادي ده وف أسرع وقت
_بكر يطمئنها..أولا طبيعي إن يبقي فيه ثعبان عند بيت الحاوي..أنا ببقي سايب ثعبان وأتنين حوالين البيت عشان يحرسوه وإنتي عارفه أولاد الحرام كتير
_البنت بخوف..ما حضرتك ما قولتليش وبعدين أنا بصراحه بخاف من الثعابين دي أوي
_بكر بهدوء..معلش نسيت أقولك..أسمعيني بقي كويس.. دلوقتي رحله إمبارح فاتتك.. والرحله اللي جايه لسه قدامها أربع أيام..بعد أربع أيام تيجي الساعه 2بالليل.. وأطمني هتيجي تلاقيني مستنيكي قدام باب البيت
_البنت بهدوء..حاضر يا عم بكر هاجي ف المعاد بالظبط
_وساب بكر البنت ومشي وكل دا صفاء كانت مراقبه بكر من غير ما بكر ياخد باله منها وعرفت صفاء مين الضحيه اللي عليها الدور
_صفاء بغضب ف سرها..أنا كنت متأكده يا بكر إنك مش هتسيب البنت دي ف حالها..والبت غلبانه وكل اللي عيزاه إنها توصل لأخوها أو تعرف حاجه عنو.. والله يا بكر أنا حاسه إن البنت دي هتكون سبب نهايتك..هتعملي إيه يا صفاء..بكر بقي عامل زي القطر اللي ماشي ومالوش محطه يقف فيها
_ومشيت صفاء على البيت وأشترت شويه حاجات للبيت معاها عشان بكر ما يحسش بحاجه ولما روحت صفاء ودخلت أوضتها أتصدمت لما ما لقيتش
الثعبان الهادي ف أوضتها وبكل غضب خرجت لبكر
_صفاء بإنفعال وغضب..الثعبان فين يا بكر
_بكر بهدوء وبرود..ثعبان إيه يا صفاء
_صفاء بغضب..الثعبان الهادي اللي كان ف أوضتي فين يا بكر..بقلم..محمد طه
_بكر بهدوء وطلع سيجاره يشربها..لو مش موجود ف الأوضه يبقي مشي يا صفاء..وبعدين عندك أوضه الثعابين أهي فيها بدل الثعبان 100 أدخلي خدي اللي إنتي عيزاه منها
_صفاء بهدوء وغضب..الثعبان هيمشي بالقفص بتاعه برضوا يا بكر (وتعلي صوتها) الثعبان فين يا بكر
_بكر بغضب..هقولك يا صفاء..بس بعد ما تقوليلي الثعبان دا كان بيعمل إيه إمبارح بالليل قدام باب البيت
_صفاء بغضب..حاضر يا بكر هقولك كان بيعمل إيه قدام باب البيت..بس بعد ما تقولي مفتاح باب أوضتي بيعمل معاك إيه..وليه قفلت عليا الباب بالمفتاح إمبارح ف نص الليل
_بكر بدأ يهدى وياخد نفس من السيجاره..كان جايلي ضيوف
_صفاء بغضب..وأنا مش مرحبه بضيوفك يا بكر..
والبيت دا مش هيستقبل ضيوف تاني(وتعلي صوتها) والثعبان يظهر دلوقتي يا بكر وإلا مش هيحصل كويس
_بكر بهدوء وبرود..هتعملي إيه يعني يا صفاء
_صفاء بغضب وكره..قسما بالله يا بكر هو،لع فيك وأنته نايم (وبكل غضب) فييييييييين الثعبان
_وحس بكر إن الثعبان دا بالنسبه لصفاء حياه أو مو،ت وما رضيش يقف قصادها لأنو عارف إنها بتشتغل بالثعبان ده وبتصرف على العيال ف دخل أوضه الثعابين جابهولها..بقلم..محمد طه
_بكر بغضب وتحذير..الثعبان أهو يا صفاء..بس لو أستخدمتيه قصادي تاني..ما تلومنيش على اللي هعمله فيه
_وأخدت صفاء الثعبان من بكر وما ردتش عليه ودخلت أوضتها وبكر دخل أوضه الثعابين وقفل الباب وراه وبدأ يشوف أحتياجات الثعابين من أكل وشرب
_بكر بصوت واطي..الله يسامحك يا صفاء إنتي والثعبان بتاعك..ضيعتو على الثعابين وجبه كانت هتكفيهم على الأقل شهر (وبدأ يوجه كلامه للثعابين) هأكلكم إيه بقي أنا دلوقتي
_وفضل بكر يفكر هيجبلهم أكل منين وإزاي لحد ما جات ف دماغي فكره جهنميه وما أترددش لحظه ف تنفيذها
_وبدأ بالفعل ف تنفيذها وبدأ يشوف أكتر خمس ثعابين من الثعابين الصغيره مؤذيين وشرانيين وعزلهم لوحدهم عشان يبقوا جاهزين للمهمه
_وبعد منتصف الليل أخد بكر الثعابين المؤذيه وخرج وكالعاده صفاء خرجت وراه من غير ما يحس بيها وفضلت ماشيه وراه لحد ما لقيته وقف جنب بيت والبيت دا كان فيه مواشي كتير (بهائم) ورمي بكر الخمس ثعابين على المواشي وعاود على بيته؟
الثامن والعشرين
_وفضلت صفاء ماشيه وراه لحد ما لقيته وقف جنب بيت والبيت دا كان فيه مواشي كتير (بهائم) ورمي بكر الخمس ثعابين على المواشي وبعدين عاود على بيته؟
_وصفاء كانت جايبه معاها الثعبان الهادي وبعد ما بكر ما مشي.. صفاء راحت عند البيت اللي بكر رمي فيه الثعابين وطلعت الثعبان الهادي وبصت ف عنيه وهيا محتاره ومش عارفه تقول للثعبان إيه لأنها هيا أصلا مش عارفه بكر رمي الثعابين ف البيت ليه لكن قالت أكيد عايز يطفش أصحاب البيت عشان ياخد منهم البيت زي ما عمل مع واحد قبل كده وفضلت صفاء ماسكه الثعبان ومش عارفه تفهمه إزاي ولا تقوله إيه..بقلم..محمد طه
_وبعد كده لقيت الثعبان عايزها تسيبه وفضل يروح شمال ويمين وهوا ف إيدها وكان شكله غضبان وبعد كده صفاء سابته على الأرض وأول ما نزل الأرض
_الثعبان جري بسرعه ودخل البيت وصفاء بقت واقفه مش عارفه تعمل إيه لكن قررت إنها تعاود على البيت عشان محدش يشوفها ويتهمها بحاجه وف نفس الوقت كانت قلقانه على الثعبان الهادي وخايفه أحسن يحصله حاجه وتخسره
_وقبل ما صفاء ما توصل بيتها سمعت صوت وتقريبا القريه كلها سمعت الصوت ده لكن محدش كان يعرف هوا دا صوت إيه لكن فيه ناس كتير خمنو إنو ممكن يكون صوت جن وعفاريت
_لكن صفاء لما ركزت ف الصوت كويس أتأكدت إن دا صوت الثعبان الهادي لأنها سمعته قبل كده لما صرخ ف الأوضه عشان ينقذ إبنها
_وبسرعه خمنت صفاء إن ممكن الثعبان يكون حصله حاجه وبيصرخ عشان يستنجد بيها وتروح تنقذه وفضلت صفاء واقفه قدام بيتها خايفه ومرعوبه ومش عارفه تعمل إيه
_والناس كلها خرجت من بيوتها ومش عارفين مصدر الصوت جاي منين أو هوا صوت إيه دا أصلا.. وبكر خرج من البيت وشاف صفاء وهيا واقفه قدام البيت ولاحظ إنها خايفه
_بكر بغضب وهدوء..إنتي بتعملي إيه بره البيت دلوقتي يا صفاء..ومالك بتتنفضي من الخوف ليه كده
_ما ردتش صفاء على بكر لأن عقلها وقلبها الخوف مسيطر عليهم وبتدعي ف سرها إن الثعبان ما يحصلوش حاجه..بقلم..محمد طه
_وبسرعه بكر دخلها جوه البيت عشان ما حدش ياخد باله منها وخصوصا إن بكر عارف إن الصوت اللي القريه كلها سمعاه ده يبقي صوت الثعبان الهادي
_بكر بعد ما دخل صفاء جوه البيت وبكل غضب..فين الثعبان يا صفاء..الصوت اللي أنا سامعه دا يبقي صوت الثعبان اللي معاكي
_صفاء بدأت تهدى وتسيطر على خوفها..الثعبان أنا كنت بأكله وفجأه خرج من الشباك وهرب وأنا طلعت عشان أرجعه لكن فص ملح وداب
_بكر بغضب..والمفروض بقي إني أصدق الكلام ده..
الكلام دا تقوليه لأي حد غيري يا صفاء..أنطقي الثعبان فين وبتعملي إيه من ورايا
(قبل الثعبان ما يصرخ)
_صفاء بعد ما سابت الثعبان والثعبان دخل البيت..
بسرعه الثعبان بدأ يلف ف البيت كله لحد ما وصل ف المكان اللي فيه الخمس ثعابين وكان حوش كبير ف البيت
_وكان فيه مواشي كتير (بهائم) وفضل الثعبان الهادي يلف حوالين المواشي ويمنع أي ثعبان من الثعابين الصغيره إنها تقرب من المواشي لكن صدق المثل اللي بيقول الكتره تغلب الشجاعه
_والثعبان الهادي ما قدرش يسيطر على خمس ثعابين وبدأت الثعابين تهجم على المواشي والثعبان الهادي غضب وهاج وبدأ يصرخ عشان الثعابين الصغيره تخاف منو..بقلم..محمد طه
_وبسرعه أصحاب البيت صحيو ودخلوا الحوش عند المواشي لقيو ثعابين كتيره ف الحوش وبدأو أصحاب البيت يمو،توا ف الثعابين.. وقدروا يمو،توا أربع ثعابين وفيه واحد من أصحاب البيت شاف الثعبان الهادي
_لسه فيه ثعبان كبير..أنا شوفته أول ما دخلت الحوش.. دورو عليه بسرعه ف البيت كله
_وفضلو يدورو ف البيت على الثعبان الهادي ما لقيهوش وقرروا إنهم يستعينو ببكر الحاوي عشان يطلعه وبالفعل واحد منهم راح يجيب بكر الحاوي
(رجوع عند بكر وصفاء وهما بيتخانقوا)
_بكر بغضب..ما تنطقي يا صفاء الثعبان فين وبتعملي إيه من ورايا..لو حد ف القريه حس بحاجه مش هيسمو عليا وهييجو يطربقو البيت على دماغنا
_وقبل ما صفاء ترد كان الباب بيخبط
_بكر بغضب وهدوء وصوت واطي..ربنا يستر..
الخبطه دي وراها مصيبه..أتفضلي بقي أدخلى أوضتك وأقفلي بابك عليكي إنتي والعيال ومهما يحصل بره ما تخرجيش
_ودخلت صفاء أوضتها لكن ما قفلتش الباب ووقفت بكل خوف تشوف مين اللي بيخبط وعايز إيه..وبكر راح يفتح الباب وبكل ذكاء ومكر عمل نفسه إنو كان نايم وبدأ يتثاوب وهوا بيفتح الباب
_معلش يا عم بكر أنا آسف إني صحيتك من النوم..
بس فيه مصيبه عندنا ف البيت
_بكر وهوا بيتثاوب وبيفرك ف عنيه..مصيبه إيه..ربنا يستر..خير..بقلم..محمد طه
_فيه ثعابين هجمت على البهايم عندنا ف البيت.. والحمدلله قدرنا نق،تل أربعه..بس الثعبان الكبير بتاعهم معرفناش نمسكه..ف عايزينك تيجي تطلعه وتق،تله
_بكر بغضب من جواه بس قدر يسيطر على ملامحه.. قت،لتو أربع ثعابين..طيب طمني البهايم فيه حاجه منها أتأذت
_لأ الحمدلله لحقناهم..الظاهر كده إن فيه بهيمه داست على الثعبان الكبير بتاعهم فصرخ وصحي البيت والقريه كلها..دي القريه كلها هناك عند البيت
_بكر بغضب من جواه..طيب أنا هغير هدومي وهاجي وراك..هوا بيت مين
_بيت محمد أبو عزوز..بس بسرعه والنبي يا عم بكر قبل الثعبان ما يهرب من البيت أو يأذي حد
_وقفل بكر الباب وراح لصفاء يكلمها بكل غضب
_بكر بغضب..قسما بالله يا صفاء أنا لو طلعت الثعبان من البيت لأد،بحه قدام الناس كلها..عشان أنا حذرتك قبل كده..وحسابك معايا لما أرجع..عشان أشوف الثعبان دا خرج من البيت إزاي..ووصل للبيت اللي هوا فيه دا إزاي (وسابها ومشي)
_وصفاء مكنش هاممها تهديدات بكر سواء بد،بح الثعبان أو معرفه إزاي الثعبان وصل للبيت وبوظلو اللي كان مخطط ليه قد ما كان هاممها إنها تطمن على الثعبان
_لأنها سمعت اللي كان جاي لبكر وهوا بيقوله إن فيه بهيمه داست الثعبان الكبير بتاعهم.. وبسرعه صفاء قفلت على أولادها وراحت ورا بكر لكن فضلت واقفه برا البيت مع الناس لكن عنيها كانت رايحه على كل جزء ف البيت
_وبدأت تلف حوالين البيت وهيا قلقانه على الثعبان وبتدعي إن بكر ما يلاقيهوش وإن الثعبان يكون سليم ومحصلوش حاجه لأن صرخاته كانت بتقول إنو حصله حاجه..بقلم..محمد طه
(جوه البيت)
_بكر بدأ يدور ف البيت على الثعبان وما فيش حته ف البيت غير لما فتش فيها وطبعا شاف الأربع ثعابين اللي أصحاب البيت قتلو،هم وهوا كان رامي ف البيت خمس ثعابين يعني فاضل ثعبان صغير والثعبان الهادي
_وبكر وهوا بيدور ف البيت شاف الثعبان الصغير الخامس لكن سابوا وعمل نفسه مش شايفه لأنه كان هدفه إن يلاقي الثعبان الهادي اللي بوظله خطته عشان يد،بحه ويخلص منو وف نفس الوقت ساب الثعبان الخامس يمكن هوا اللي يكمل الخطه ويمو،تلو بهيمه ولا أتنين
_وبعد ما فقد الأمل ف إنو يلاقي الثعبان الهادي قال لأصحاب البيت إن مفيش ثعابين ف البيت وأكدلهم إن الثعبان هرب وخرج من البيت وإن البيت بقي نضيف.. مع إن بكر متأكد إن البيت لسه فيه ثعبان صغير
_وخرج بكر من البيت ومشي والناس اللي حوالين البيت بدأو يمشوا واحد ورا التاني لحد ما الناس اللي واقفه حوالين البيت كلهم روحوا على بيوتهم وناموا لأن كل دا طبعا حصل بعد الساعه 2 بالليل
_وصفاء هيا الوحيده اللي فضلت قدام البيت وفضلت تلف حوالين البيت وعنيها رايحه على كل مكان ف البيت وهيا بتدعي وحاسه إن الثعبان هيخرج من البيت ف أي لحظه
_وبعد ما خلاص صفاء فقدت الأمل ف العثور على الثعبان..سلمت أمرها لله وقررت إنها تروح لبيتها وعيالها وضميرها بدأ يأنبها إنها أتسببت ف ضياع الثعبان اللي كان بالنسبالها طوق النجاه ومش بس أتسببت ف ضياعه دي كمان أتسببت ف أذيته وإحتمال يكون ما،ت..بقلم..محمد طه
_وروحت صفاء البيت ودخلت أوضتها وقفلت على نفسها وأخدت عيالها ف حضنها وعنيها على شباك الأوضه وبتتمني إن الثعبان يدخل عليها من الشباك
_وخلاص صفاء بدأت تنعس وتروح ف النوم وعنيها بدأت تقفل وفجأه تتحقق المعجزه وتلاقي الثعبان داخل من الشباك ومكنتش مصدقه وفاكره إنها بتحلم لكن مكنش حلم وبالفعل الثعبان رجع ومكنش فيه أي أصابات لأن لما صرخ مكنش فيه حاجه دايسه عليه هوا صرخ عشان يخوف الثعابين الصغيره ويبعدهم بعيد عن البهايم
_تاني يوم الصبح بدري ف البيت اللي لسه موجود فيه الثعبان الخامس..بدأ الثعبان يتحرك من المكان اللي كان مستخبي فيه وفضل يسحف ف البيت ومحدش أخد باله منو لحد ما دخل أوضه.. والأوضه دي كان فيها أطفال نايمين.. وعض طفله منهم؟