رواية بوابة الأحلام الفصل السادس عشر 16 بقلم رشا منصور
أول ما النهار طلع قررت أروح للعرافة بس بدأت البنات لجي وجودي يصحوا والزن أشتغل وأنا لسه مفوقتش من النوم أساساً ومحتاج قهوة وبكل تلقائية لقيت نفسي بنادي ع سوزان وبزعق. وبقول تعالي خدي عيالك واعمليلي قهوة…
واستغربت إني مش سامع صوت وخرجت من غرفتي علشان اتخا'نق. معاها بس اتفاجئت إني لوحدى 😔 واضح أن سوزان ارتاحت مني… هو أنا ازاى وحش، كدا ..
والبنات بدأت تخرج من الغرفة وطبعاً الحفاضات لازم تتغير ولازم الفطار يجهز واقعد أكلهم وفضلت طول ما أنا بجهز لهم كل حاجه أدعي أن سوزان تكون بخير وترجع لنا بالسلامة
فعلاً صدق اللي قال إن البيت ممكن يكون من غير راجل لكن صعب البيت يكون من غير ست…
وبعد ما خلصت كل حاجه كان فات ساعتين وكل ده لسه مشربتش القهوة وفكرت أخد حاجات معايا ل أهل القرية علشان ميقولوش من وقت ما سوزان اختفت وأنا بطلت اساعدهم..
وكمان أنا محتاج منهم يساعدوني يبقي المفروض أقدم أى حاجة..
وطلعت كام كيس رز وخضار ولحمة وطماطم ووووو….
وشغلت اليوتيوب وفضلت أكتب الخطوات واخدت الحاجات والورقة وناديت ع برك لكنه مظهرش 😐
وبعدين بقي مينفعش اسيب البنات لوحدهم وقررت اخدهم معايا وروحت ع قرية الأحلام….
العرافة رشامنصور….
صحيت بدري وفضلت منتظرة شريف لكنه أتأخر قررت أروح أشوف الزرع ولقيت أن حان وقت الحصاد..
وناديت ع أهل القرية يجمعوا الزرع وقسمنا نفسنا ع مجموعتين
مجموعه تحصد الزرع ومجموعه تكمل حفر،الخندق..
وفى وسط انشغالنا لقينا شريف وصل ومعاه بناته الصغيرين وشنطه كبيرة مش قادر يشيلها…
شاورت ل حراس، العمدة أنهم يشيلوا عنه الشنطة…
وجاء مبتسم وقالي أنا جيبت أكل لكم بس أنا ماليش في الطبخ بس جيبت لكم الطريقة اتفضلي…
قولت له شكراً لك وكتر خير سوزان كانت بتتعب علشان تجهز لنا الأكل… أنا شيفاك جيبت البنات مدام نويت تستغني عنهم ليه مجبتش ملابس كفايه لهم أنت شايف أن الطقس بارد هنا…
رد بأنفعال وقال أنا جايبهم معايا علشان مينفعش يفضلوا في البيت لوحدهم وكمان مش المفروض أنك العرافة ازاى مش عارفه هما معايا ليه!!!!؟…
ضحكت وقولت له أنت مش هتتغير ابدا اعتقد مهما كان حال سوزان ف هي مرتاحة بعيد عنك…
بص يا استاذ شريف محدش له أن يعرف نوايا القلوب أو خبايا عقلك غير اللي خلقك حتى الجنn ميقدرش يعرف عاوزني أنا بقي أعرف نوياك ازاى… ده أولا
وثانيا أنا مشغولة في حصاد الزرع وناديت ع خمس نساء وقولت لهم شريف هيفضل معاكم ويعرفكم ازاي تعملوا الأكل…
وشاورت له يروح معاهم ويترك البنات ليا…
وكالعادة شريف كان منفعل ومش طايقني🤣 وقالي قبل أى حاجة عاوز اعرف مكان سوزان…
قولت له ياريت تتكلم بصوت هادئ لأن أى حد يسمعك يفتكر أنك بتساومني واكيد أنت مش هتقصد ده ع ما اعتقد أنك اذكي من كدا
اتفضل نفذ اللي قولت عليه…
واخدت البنات منه وروحت ع بيتي وناديت ع برك وأول ما حضر قولت له خد البنات ل سوزان زمانها هتجنن عليهم….
ورجعت تاني للأرض وفضل شريف كل شويه يبعتلي حد يقولي شوفي البنات لو جعانه او محتاجه تغيير الحفاضة..
وأنا ابعت الرد واقوله ركز في تحضير الأكل والبنات بخير..
سوزان….
مكنش عارفه أنام بفكر ياتري اللي أنا فيه ده هيفضل لحد أمتي شريف عمره ما هيتغير هفضل طول الوقت بعيد عن بناتي😔
طب لو اتغير وأنا رجعت له اقوله أنا كنت فين؟!!!
طب أهلي زمانهم اتصلوا عليا واكيد قلقانين عليا لما مردتش وبعدين بقي في الحيرة دى…
ما أنا لو رجعت واخدت الموبايل شريف هيعرف إني موجودة وهيطمن ومش بعيد هو اللي يسيب البنات ويطفش،.
ولو كلمت أهلي وتركت الموبايل مكانه يمكن أهلي يتصلوا وساعتها شريف هيعرف منهم إني كلمتهم… ارحمني يارب
وابتديت أنام من تعب التفكير وصحيت وأنا حاسة ب حاجه بتتحرك ع وشي فتحت عيني لقيت لجي وجودي فرحت أوي
وصابرينا قالتلي لقيتك قلقانه عليهم جبتهم لكي بس يلا بسرعه اكليهم وغيري لهم واى حاجه محتاجه لها قوليلي عليها.
قولت لها صابرينا هما أهلي مش بيتصلوا بيا ولقيتها بتقولي بيتصلوا وأنا بقلد صوتك وبرد عليهم اطمني 😵💫
شريف….
بعد ما الأكل خلص كنت بقيت ع أخري رجعت للعرافة ولقيتها عند الخندق. وبتقولي تقريباً قربنا نخلص فين الحاجات اللي قولت أنك هتفرش بها الخندق. ولا اختفاء سوزان هيخليك تسحب، كلامك معانا…
لأ لأ خالص ده أنا حتي بفكر اجيب الحاجات واعملها هنا وافضل معاكم لحد ما يتم تجهيزه تماماً…
وقررت اسألها عن سوزان وقالتلي تعالي معايا في كلام مينفعش حد يسمعه…
قلقت جدااا أكيد السا'حرات. محتجزين سوزان نظير إني مش اساعد قرية الأحلام وهى خافت،. تقولي قدام أبناء القرية علشان محدش يقلق..
العرافة رشامنصور…
أول ما وصلت البيت ولسه هتكلم لقيت شريف بيقولي ع اللي بيدور في باله وبعد ما خلص قولت له أنت كنت بتحكي حلم وصحيت ولا إيه….
مش المفروض أنك جاى معايا علشان تعرف مني اللي حصل.
ياريت تسكت تماما لحد ما اقولك كل اللي عندي..
بص يا شريف قرية الأحلام تعتبر مركز القري المجاورة اللي واخده شكل دائرة…
يعني في القري الشمالية والقرية الجنوبية وفي الغربية والشرقية وأحنا مركز كل القري دى وحلقه الوصل بينهم لأنهم بعاد عن بعض لدرجة ممكن النهار يكون في الشمال والليل يكون في الجنوب في نفس اللحظة…
وكل قري مؤمنه أن الغرباء هما اللي ممكن يساعدوهم سواء بالامكانيات أو لمواجهة السا'حرات…
والغريب إني لما سألت عن سوزان جالي الرد كالآتي
القري الشمالية والجنوبية قالوا إن سوزان عندهم!!! والقري الغربية والشرقية قالوا إحنا عارفين مكانها… وكلهم منتظرينكم!!
ع الرغم اني بسأل كل قري لوحدها ومافيش ما بينهم اداءة للتواصل غير عن طريقي أنا. وده اكدلي أنهم بيكذ'بوا. وعاوزينك تروح لهم وفي الغالب هيستغلوك،. وبعدها هتموت،. ع يد السا'حرات….
وشوفت خيبة الأمل فى نظرات شريف وساعتها قولت له أنا جاتلي فكرة ويمكن ده السبب اللي خلاني قولتلك مش عاوزة حد يسمع..
أنا مينفعش أخرج من قرية الأحلام لأن أنا الوسيلة الوحيدة في معرفة أخبار السا'حرات. وأخبار القري المجاورة ومن غيري مش هيعرفوا هجوم،. السا'حرات. هيكون أمتي…
وللأسف محدش غيري هيقدر يساعدك أنا الوحيدة اللي تقدر تسافر القري دى وأرجع بالحقيقه واكشف وجود سوزان..
علشان كدا عوزاك متعرفش حد نهائي إني هسافر بس أنا مضمنش رجوعي لأن السا'حرات. عاوزة تقضي، عليا..
لذلك عوزاك توعدني زى ما أنا مستعدة إني اضحي، بنفسي علشان أساعدك أنت كمان تساعد جميع أبناء القرية سواء في تخزين الزرع أو تجهيز الخندق.او الإنفاق..
وأنا كل ما أروح قري هرجع ابلغك اللي حصل كله قولت اية!!
شريف….
كنت مش لاقي رد اقوله واحدة هتضحي بنفسها علشان تنقذ. واحده متعرفهاش… قولت لها أوعدك وصدقيني عمري ما هنسي وقوفك معايا وإذا جري لكي حاجه أنا هفضل في القرية وهراعيهم بالقدر المستطاع…
العرافة رشامنصور..
تمام دلوقتي أرجع ل أهل القرية وأنا هجهز حالي للسفر ومهما حصل متقولش إني مسافرة…
وبعد ما خرج شريف ناديت ع برك وقولت له هات البنات وأول ما جابلي البنات عرفته أنه يظهر ل شريف ويساعده…
وخرجت من البيت وقولت ل شريف اطمن هما اكلوا وشربوا ودلوقتي هيناموا…
وناديت ع أهل القرية وقولت لهم شريف هيجيب كل الحاجات اللازمة لفرش الخندق. ياريت تساعدوا بعض لأن السا'حرات في القري الشرقيه… وأنا هلتزم البيت مش هخرج منه إلا لما أعرف أنهم ع وصول ومهما حصل محدش يجيلي البيت أنا محتاجه اركز علشان اوصل لحل معاهم…
وبصيت ل شريف وقولت له روح البيت هتلاقي برك اترك له البنات وجهز حاجتك وتعالي وأنا هنتظر وقت الأكل كلهم بيكونوا مشغولين علشان محدش يشوفني وأنا خارجه من القرية..
شريف…
أخدت البنات ورجعت البيت وناديت ع برك وأول ما ظهر قولت له خلي البنات معاك الفترة دى واخدت شنطة وجمعت فيها شويه معجنات وفاكهة وساندوتشات وازازة مية كبيرة ورجعت ع القرية وروحت ل العرافة وقولت لها خدى الحاجات دي علشان متتعبيش في الطريق وان شاء الله ترجعي بالسلامه أنتي وسوزان ورجعت ع البيت بسرعة…
العرافة رشامنصور…
برافو يا شريف ابتديت تفكر في غيرك ودخلت المضيفة بتاعتي ودى بابها مخفي كان الجنn عاملها لنا علشان لما نحتاجهم ندخل فيها من غير ما أهل القرية يشوفونا ولا يسمعونا لكن إحنا نقدر نشوف كل اللي بيحصل…
وقعدت بقي أكل في الفاكهة 🤣🤣🤣