رواية ام العيون السود الجزء الثاني الاشتياق الحزين الفصل السادس 6 والاخير بقلم محمد منصور
بسم الله توكلت علي الله. وهو رب العرش العظيم
★وردة وهي بتمسح دموعها
في حاجه لازم تعرفها
ادم باستغراب
حاجه أيه
وردة
انت اسمك ادم وجيت من مصر لي الاردن عشان، ،،،،،،،،،
وفي نفس الوقت يسمعوا صوت ضراخ خديجة اللي بتصرخ وبتقول
ياسين اتقتل ياسين اتقتل
فيفتحوا باب الشقه بسرعه ويجروا الاثنين ناحية شقة ياسين علشان يلاقو ياسين واقع علي الارض ومضروب بالخنجر في بطنه صرخت ورده وشاله ادم بسرعه وجري بي علي عربيه وردة. وركبوا كلهم واتحركت وردة بالعربية وباقصي سرعه علي اقرب مستشفي، ،،،،،،،،
وبعديها بكام ساعه ومن جوة عربية جعفر يقعد جعفر مع الراجل اللي حاول يقتل ياسين وطبعا دة بتحريض من جعفر وقال له جعفر بعصبية
غبي.
الراجل
اعمل ايه طيب. انا طعنته لكن مراته شافتني وصرخت لمحت شاب وبنت نازلين جري علي السلم
جعفر بضيق
اكيد.دول ادم ووردة بنته.
الراجل
ماهو في المستشفي وبرضو حالته حرجة. يعني هيموت
جعفر
وممكن ما يموتش. انا كنت عايز يوصلو بي المستشفي بعد طلوع روحه
وبص جعفر لباب العربية وقال
ودلوقتي يلا غور
الراجل
وبقيت حقي
جعفر
مالكش فلوس عندي الا لما ياسين يموت
الراجل
اموته ازاي بس وهو في المستشفي
جعفر
تتصرف
الراجل
مش هقدر اقرب منه. انت كدة عايز توديني في داهية
ونزل الراجل من العربية وجعفر متعصب ومضايق جدا ان مخططه ما نجحش، ،،،،،،،،،
ومن جوة المستشفي وياسين في اوضة العمليات يخرج الدكتور ويبص ل ادم ووردة وخديجة ويقول
المريض نزف كتير و محتاجين نقل دم ضروري
ادم ومن غير تردد
خد مني كل اللي انت عايزه،،،،،،،،،،،
وبعدها بيومين ومن جوة شقة حلا تقعد حلا في البالكونة وكانت بتبص للسماء وعماله تفتكر كل اللي فات وهي حزينه جدا. ودموعها بتهرب شئ ف شيئا. وفي الوقت دة تعدي من تحت البالكونه جارة حلا تبص ل حلا وتقول وهي فرحانه
حلا. نورتي بيتك.
تبص لها حلا وتقول
ازيك محاسن. عامله ايه
محاسن
انتي اللي عامله ايه
حلا
انا بخير والحمد لله
محاسن
خرجتي امتي من المستشفي
حلا
من تلت ايام
محاسن
ووالدك ياسين خرج من المستشفي ولا لسه
فتنصدم حلا. وتقول باستغراب
مستشفي. في ايه ماله والدي
محاسن باستغراب
انتي ماتعرفيش اللي حصل له
حلا بخضة
ايه اللي حصل،،،،،،،،،،،
ومن جوة المستشفي المحجوز فيها ياسين تجري حلا اللي كان قلبها بيتقطع علي والدها وسألت كل اللي تقابله لغاية ماوصلت للاوضة المحجوز فيها والدها وفتحت باب الاوضة فلقت خديجه قاعدة جنب والدها اللي متعلق له اجهزة كتير وحالته لسة حرجة قامت خديجة وجريت ناحية بنتها وخدتها في حضنها وقالت حلا ودموعها علي خدها
واحشتيني أوي يا امي
خديجة
وانتي كمان يا قلب امك.
وتبص حلا لوالدها وتقول
مين اللي عمل كدة في والدي
خديجة
واحد ابن حرام طعن والدك وجري. ولولا ادم الله يجازيه خير. اللي اتبرع بدمه لي ابوكي. كان زمان والدك. ،،،،،،
حلا وهي بتحط أيدها علي بوق خديجه
ماتكمليش ربنا يدي له الصحة ويطلع منها سليم
خديجة
يارب
وتروح حلا وتنزل وتقعد قدام والدها وتمسك أيدة وتبوسها. ودموعها بتنزل علي أيدة وتقول له
الف سلامه عليك يا والدي
فيبص لها ياسين ويمسح دموعها بايدة ويقول بصعوبه
بعد كل اللي عملتة معاكي. ولسه خايفة عليا
حلا
أنت والدي ومهما حصل منك هاتفضل والدي وعمري ما ازعل منك
ياسين بصعوبة
طول عمري اعرف ان الاب هو اللي يربي عياله لكن انتي دلوقتي بتربيني. وبتردي قسوتي ليكي بحنيه قلبك.
حلا
كفايه كلام.
وفي نفس الوقت يتفتح باب الاوضة وتدخل وردة ومعها أدم فتبص لهم. حلا فيقول ادم لي وردة
مين دي
وردة بصوت حنون
دي حلا. أم العيون السود اللي حكيت لك عنها واحنا جائيين في الطريق
فيبص لها ادم بشدة ويحس بصداع في دماغه رهيب ويبدأ يفتكر اللوحه وكلامه مع حلا في الفيديو ولون عيونها وحلا وهي تطلب منه انها تلمس ايدة. والطيارة ومطار الاردن. ووقفته قدام المستشفي والحادثه. اللي حصلت له. فيدق قلبه بشدة رهيبه دقات غريبه يحس ان قلبه هيقف بعديها ويمسك دماغه ويصرخ وعيونه تدمع ومايحسش بنفسه الا وهو في احضان حلا اللي عيطت وسابت نفسها لحضنه وفضلت تضرب في كتفة بايدها وبكل حرقة وبكا العاشقان بشدة وسط نظرات استغراب من كل الموجودين ويبص ادم لعيون حلا ويقول
ازبك يا ام العيون السود. تعرفي انك انتي احلا من الصورة ميت مرة. دة انا ما طلعتش بعرف ارسم
حلا ببكاء شديد
اهون عليك اول مرة اشوفك تكون ايدك في احضان ايد واحدة غيري
ادم
لا عيشت ولا كنت يوم ما اخونك وانا في وعي. وردة حكيت لي كل الحكاية.
وردة فرحا ودموعها تنزل من عيونها وتقول
لو كنت اعرف ان الذاكرة هاترجع لك اول ما تشوف حلا. كنت،،،،،،
ياسين بغضب شديد وبصعوبة
وردة. اية اللي بيحصل هنا فهميني
وردة
دة ادم اللي رسم صورة لحلا. من غير ما يعرفها ومن غير مايكون في بينه وبينها اي علاقه وجه الاردن علشان عرف بس انها تعبانه ومحتاجه ليه.
خديجة بصدمة لا تقل عن صدمة ياسين
انت ادم.
وردة. وهي بتعيط بحرقة
هو ادم. وأهو انتم بنفسيكم عشرتوا وعرفتوا علي حقيقته. ربنا اراد انكم تعاشروا قبل ما تعرفوا انه دة ادم سبب كل المشاكل. واديكم شوفتو ازاي انه شاب يتمنا اي اب لبنته
وتبص ل ادم ودموعها لاتزال تنزل من عيونها
وتتمنا اي بنت. لانه يوم ماحب. كان كل حاجه لحبيبته ويوم ماشافها
وتعيط وردة بحرقة شديدة وتقول بشجن
نسي الدنيا وافتكرها
فيبص ياسين ل ادم ويقول
بقي انا فتحت بيتي لاكتر بني ادم كرهته في حياتي
ادم
عم ياسين. والله العظيم تلاته انا اول مرة اشوف فيها حلا. في الحقيقة هي دلوقتي. ووردة حكيت لي علي كل اللي حصل. لحلا بسببي
ياسين بصعوبه
بعد اللي شوفته منك ومنها بقيت مصدقك ومصدقها. مع انها حكاية اغرب من الخيال
ياسين لوردة
ولما انتي عارفة أن دة ادم ليه اتجوزتي
وردة
عشان احمي من جعفر اللي كان عايز يقتله واحمي منك لما تعرف حقيقة ادم
حلا فرحا
يعني انتي مخونتنيش يا وردة
وردة وهي تحضن حلا ودموعها تجري علي ملابس حلا
ولا اقدر اخونك. ادم جوزي اة. بس مالمسنيش. أدم لحلا. وحلا لأدم.
حلا فرحا وهي بتحط أيدها في أيد ادم وتضغط عليها بقوة. وتقول
طيب عايزا افهم بقي ايه اللي حصل من اول ما ادم جه الاردن لغاية دلوقتي
فحكيت لها وردة كل ما فاتها من أحداث فتنهدت حلا وبصت ل ادم بكل حب الدنيا. وقالت
كل دة حصل لك علشاني.
ادم
ولو حصل اكتر من كدة قليل عليكي
ضحكت حلا. وفجاة ماتت ضحكتها. لما افتكرت. ان جعفر رجعها لعصمته فقال لها ادم.
مالك
حلا بخنقه
جعفر رجعني تاني لعصمته.
فينصدم كل الحاضرين ويقول ادم
ازاي توافقي ترجعي تاني لعصمته
وردة
انتي مجنونه يا حلا ترضي ازاي وتقبلي ان الانسان اللي فضحك يكون جوزك تاني
حلا
اعمل ايه. اول ما فوقت من الغيبوبه لقيته بيتعامل معايا بمنتهي الحنيه وخلاني احضر فرح وردة وادم وشوفتكم انتو الاتنين مع بعض لقيت نفسي بسلم لي ورجعني لعصمته
خديجة
ازاي تعملي كدة
وردة
مش دة المهم ايه اللي خلي جعفر يتعامل معها بمنتهي الحنيه دي وكمان يرجعها لعصمته بعد الفضيحة اللي حصلت في البلد
ادم
ودي عايزا سؤال اكيد. علشان ياخد فلوسها
فبص جميع الحاضرين لي ادم فقال ادم
بالعقل كدة. ولو ربطنا الاحداث ببعضيها. جعفر رجع حلا لعصمته مع انها بالنسبه لي خاينه. لا وكمان خلاها تحضر فرحنا عشان تشوفني مع وردة ويبقي بالنسبه ليها خيانه من وردة ليها وانا كمان ابقي خونتها. وفي نفس الليلة حد يحاول يقتل عم ياسين علشان يموت وتورث حلا. وطبعا بما ان الحضن الحنين عليها هو جعفر. فلوسها هاتبقي فلوسه وبكدة يطلع كسبان من كل النواحي وبعد ماياخد فلوس حلا يقتلني. ويسيب حلا تموت بحسرتها
وردة
طيب والعمل. ازاي حلا تخلص من جعفر جوزها
ادم وهو بيبص ل ياسين
الحل عند عم ياسين
ياسين باستغراب
ازاي بس
ادم بمكر التعالب
هاقول لك ،،،،،،،،
وبعدها بيوم ومن جوة شقه حلا. تقعد حلا. فيدخل عليها جعفر وهو غاضبان جدا ويقول لها
ممكن أعرف ايه اللي عمله ياسين دة
حلا
عمل ايه
جعفر
كتب كل حاجه باسم ادم جوز اختك
حلا
وانت عرفت ازاي
جعفر
البلد كلها بتتكلم قال ايه ياسين بعد محاوله القتل دي خاف علي نفسه وخاف علي بنته وردة وعشان كدة كتب كل ما يملك باسم ادم جوز اختك
حلا بلامبالاة
طيب وانا مالي
جعفر بعصبيه
هو ايه اللي انتي مالك. انتي مش ليكي في الفلوس دي
حلا
انا مش عايزا حاجه منهم. كفايه ان والدي رماني. وماسالش فيه وانا تعبانه
جعفر
انتي مجنونه. بقي اللي اسمه ادم دة يجي ياخد كل اللي حيلتكم علي الجاهز كدة.
حلا
جعفر. انا مش عايزا اتكلم في الموضوع دة.
جعفر
لا. والف لا. لو انتي مش عايزا فلوس انا عايز فلوس. ومش هاسكت
حلا
جعفر دي فلوسي وانا مش عايزها
جعفر
مش انتي اللي تقولي. انا اللي اقول
حلا
ايوة كدة بان علي حقيقتك علشان وش الطيب والحنين ماكنش لايق عليك
جعفر
هو انتي كنت فاكرة اني انا رجعتك لعصمتي عشان سواد عيونك. لا. انا بس محتاج فلوس وكان لازم ارجعك.
حلا
وانا مش عايزا فلوس
جعفر
يبقي خلاص انا هاعرف اخد الفلوس دي من ادم ازاي، ،،،،،،،
ومن جوة محل العطور يقعد جعفر قدام ادم ويقول له
قولت ايه. هاسيب لك حلا حبيبتك والثمن فلوس ياسين
ادم
جاي تبيع لي مراتك. بقي انت راجل انت
جعفر بتهديد
اسمع. وافهمني كويس انت ادم السني وجاي من مصر علشان مراتي وحصلت لك حادثه وخليتك تفقد الذاكرة
أدم
مش مهم كل دة عندي المهم اني عرفت اوصل لقلب وعقل ياسين وخليته يكتب كل حاجه حيلته باسمي لئم مصريين بقي.
ويضحك ادم بخبث
وعلي فكرة انا لا فاقد الذاكرة ولا حاجه انا فاكر كل حاجه. وخصوصا الراجل اللي بعته يقتلني. انما صحيح. ازاي انت كنت عايز تنتقم لشرفك وجاي لي دلوقتي تبيعه
جعفر
انا حلا بالنسبه لي كنز بسحب منه وقت لما حب عشان كدة اتجوزتها. بس برافو عرفت تلعب علينا كلنا
ادم
طبعا. وقعت حلا ووردة وياسين. اصل انا اللي يشوفني يحبني اوي. وخلاص هانت وفاضل علي الحلو دقه بكرة الصبح ياسين هايخرج من المستشفي ويمضي علي اوراق بيع الملكيه ويبقي كل حاجه رسمي
جعفر بشر
من هنا لبكرة حاجات كتير ممكن تتغير يا مصري،،،،،،،
وبعد نص الليل ومن جوة المستشفي المحجوز فيها ياسين يدخل الرجل اللي حاول قتل ياسين قبل كدة بعد ما جعفر خلاه يرجع في كلامه. ووعده بفلوس اكتر
وفتح باب الاوضة المحجوز فيها ياسين ودخل بشويش وخرج الخنجر الخاص بتاعه وقبل ما يطعن ياسين يهجم عليه ادم ومعه رجال من الشرطه الاردنيه ،،،،،،،،
وبعد التحريات واعتراف الراجل علي جعفر تم القبض علي جعفر وتوجيه له قضيه الشروع في قتل وسجن جعفر وعدت الايام وتم طلاق حلا من جعفر بامر من كبير عائلة جعفر. واصبحت حلا حرة ،،،،،،،،،،
ومن القاهرة يرن التيلفون الارضي لشقة ادم وامه فريدة تروح ترد وتقول
الو
صوت ادم
وحشتيني اوي يا امي
فريدة بعياط شديد
امك. انت لسة فاكر امك والله قطعت قلبي عليك
صوت ادم
والله كان غصب عني.
فريدة
اية منعتك تكلم امك
ضحك ادم وقال
لو بتتكلمي عن حلا. انا لسة شايفها من يومين بس
استغربت فريدة وقالت
بقالك كام شهر مسافر ولسة شايفها
ادم
مش بقولك لك. غصب عني،،،،،،،،،،
وبعدها بتلت شهور ومن جوة مطار الاردن يقف ادم ومعه حلا ويشوف فريدة وهاله ومعهم اولادة الاثنين. فيجري عليهم وياخذهم في حضنه وتعيط فريدة اوي وحال هاله لا يختلف كثيرا عن حال فريدة وتقول له فريدة
عارف انا ما كنتش هاسامحك. لولا الظروف اللي حصلت لك. واللي انت حكيت لي عنها
وتبص فريدة لحلا. وتقول
عارفه يا بت انتي قبل ما اشوفك كنت عايزا اقطعك بسناني عشان خدتي مني ابني.
فتضحك حلا من قلبها وتقول
للدرجه دي.
فيضمها ادم الي حضنه ويقول
طيب ودلوقتي بعد ماشوفتيها بذمتك مش تتحب
فريدة وهي تاخذ حلا في حضنها. تقول
لا تتحب. وبصراحه احسن من النكديه اللي اسمها سناء
هاله
خلاص بقي يا ماما. ادعي لها بالرحمه. خديت ضربه من جوزها الجديد ماتت فيها
ادم وهو يحضن اولادة يقول
الله يرحمها. ويسامحها
فريدة
وبعدين صحيح. انت بجد ناوي ما ترجعش. مصر تاني
ادم
مستحيل استغني عن مصر. بس دلوقتي عم ياسين تعبان ولازم افضل جنبه واراعي أملاكه. وماينفعش فرحي علي حلا يتم من غير ماتكونو انتم موجودين
فريدة
صبرت ونولت يا ابن بطني
ادم ضاحكا وهو بيبص لحلا
دة احلي صبر دة ولا اية
فتضحك حلا بشدة وعيونها تفرح بعد ايام الشقي، ،،،،
واتعمل احلي فرح لادم وحلا. وابدت قصه الحب المستحيل. بأول ليله أتجمع فيها العاشقان تحت سقف بيت واحد. ويفضل الحب في كل القلوب هو سر الفرحه ولكن مش اي حب. ★الحب الحلاط
تمت بحمد الله
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹