بكر بعد ما أتأكد إن صفاء مش هتساعده ومش هتسكت قالها بكل غضب..ناوي أخلص منك الأول يا صفاء..وإنتي اللي أخترتي
_وبدأ بكر يخنق صفاء عشان يمو،تها وصفاء مش قادره تدافع عن نفسها وبكر بدأ يضغط عليها لحد ما خلاص روحها هتطلع ف إيده..بقلم..محمد طه
_وهنا قامت صفاء من النوم وإن اللي فات دا كله كان كابوس وبصت على أولادها لقيتهم نايمين جنبها..
وبسرعه قامت صفاء قفلت باب الأوضه من جوه وبعدين راحت قدام المرايه تشوف رقبتها وما لقيتش أي أثار على رقبتها وأتأكدت إن اللي فات دا كله كان كابوس وفجأه سمعت خبط على الباب
_صفاء بخوف..مين اللي بيخبط
_بكر باستغراب..هيكون مين اللي بيخبط يا صفاء..
هوا إنتي قافله الباب ليه من جوه
_صفاء خوفها بدأ يقل وبدأت تهدي..عايز إيه يا بكر
_بكر بغضب..وهوا أنا هكلمك من ورا الباب كده يا صفاء..ما تفتحي الباب
_وقامت صفاء فتحت الباب ورجعت قعدت على السرير وأخدت أولادها ف حضنها
_بكر بعدم فهم..هوا إنتي خايفه مني يا صفاء.. ولا خايفه من الثعبان ولا فيه إيه بالظبط
_صفاء بهدوء..عايز إيه يا بكر
_بكر..عايز أعرف مالك يا صفاء..وبعدين لو كنتي خايفه من الثعبان المؤذي ده..بسيطه..ما تدخليش أوضه الثعابين دي خالص..وأعتبريه مش موجود ف البيت..الروايه حصري على صفحه محمد الشاعر
_صفاء بهدوء..أنته قولتلي إنك عايزني أساعدك ف حاجه..ولو ساعدتك هتد،بح الثعبان دا تحت رجليا..
عايزني أساعدك ف إيه يا بكر
_بكر بهدوء..يعني إنتي موافقه تساعديني يا صفاء
_صفاء..عايزني أساعدك ف إيه يا بكر
_بكر..لسه برتب الموضوع ف دماغي..وأول ما هبدأ التنفيذ هقولك (ومسك إيديها) بس عايزك تتأكدي يا صفاء إني بعمل كل دا عشانك إنتي والعيال
_صفاء بجديه (وسحبت إيديها) من بين إيديه..أي إن كان اللي عايزني أساعدك فيه يا بكر..أنا موافقه عليه..بس أنا ليا طلب وتنفذهولي دلوقتي
_بكر..هتتشرطي عليا يا صفاء..ومالوا..أنا تحت أمرك إيه هوا طلبك
_صفاء بغضب..قوم هات الثعبان المؤذي دا وأد،بحه قدامي دلوقتي..بقلم..محمد طه
_بكر بتردد..مش هينفع يا صفاء
_صفاء بغضب..ما أنا عارفه إنو مش هينفع..عشان عارفه إنك بتضحك عليا..وإنك عمرك ما هتستغني عن الثعبان ده..وأنا مش هساعدك ف أي حاجه غير لما الثعبان المؤذي دا يمو،ت..وقدام عنيا
_بكر بهدوء..يا صفاء أنا مش بضحك عليكي ولا حاجه..بس الموضوع اللي عايزك تساعديني فيه..
محتاج برضوا الثعبان دا فيه ولما نخلص المصلحه..
هخلصلك على الثعبان..ومش الثعبان دا بس..دا أنا هخلصلك على ال3 ثعابين اللي جوه دول مره واحده..لأن هيبقي خلاص مش هنبقي محتاجين ليهم
_صفاء بقلق وتوتر..هوا أنته ناوي على إيه يا بكر
_بكر..ما قولتلك لسه برتب الموضوع ف دماغي..يلا بقي قومي أعمليلنا حاجه ناكلها (وقام سابها وخرج وقبل ما يخرج من الأوضه) آه صحيح الثعبان الهادي حطتله أكل ومش راضي ياكل..يبقي تعالي إنتي كده حطيلو أكل يمكن ياكل من إيديكي
_صفاء مكنتش ناويه تدخل أوضه الثعابين دي نهائي لكن أول ما عرفت إن الثعبان الهادي ممتنع عن الأكل قامت بسرعه وراحت عشان تأكله وف نفس الوقت كانت خايفه جدا من الثعبان المؤذي أحسن يبخ عليها سم تاني..بقلم..محمد طه
_ودخلت صفاء الأوضه وكانت عنيها رايحه ومركزه على قفص الثعبان الموذي ومن حظها إن الثعبان الموذي والثعبان الثاني كانوا ف وضعيه تزاوج
_وبكل هدوء صفاء بدأت تأكل الثعبان الهادي وبالفعل الثعبان يستجيب معاها وياكل.. وصفاء مركزه على قفص الثعبان المؤذي والثعبان اللي معاه وفاهمه اللي بيحصل.. وبعد ما أكلت الثعبان الهادي خرجت بكل هدوء وراحت لبكر اللي كان قاعد ف الصاله
_صفاء..هوا الثعبان اللي أنته جيبته الآخر دا نوعه إيه
_بكر بتفكير..يا كوبرا يا أفعي يا أناكوندا..وبعدين أنا هعرف أنواعهم منين ولا هعمل بأساميهم إيه أصلا
_أنا ما بسألش على اسمه..أنا بسأل على نوعه..ذكر ولا أنثى
_بكر بعدم فهم واستغراب..وأنا هعرف إزاي يا صفاء حاجه زي كده..وبعدين إنتي عايزه تعرفي ليه
_صفاء بقلق وتوتر..الجوز الثعابين اللي أنته حاططهم
ف قفص واحد دول فيهم واحد ذكر والتاني أنثي
_بكر بإبتسامه..ما شاءالله يا صفاء بقيتي بتعرفي ف أنواع الثعابين..طيب ما تعلميني وعرفيني عرفتي إزاي
_صفاء بقرف..لما دخلت أكل الثعبان..كانوا ف وضعيه مش كويسه..بقلم..محمد طه
_بكر بسعاده..يعني هيجيبولنا ثعابين صغيره ويملو علينا البيت..طيب وربنا أنا ما فكرت ف الموضوع ده
_صفاء بغضب..موضوع إيه اللي تفكر فيه..وأنته مالك فرحان أوي ليه كده..وإيه هيملو علينا البيت دي..أنته عايز تملا علينا البيت ثعابين يا بكر
_بكر بدهاء ومكر..خلاص يا صفاء بهزر معاكي..
وبعدين هما تلاقيهم لفو على بعض وإنتي فهمتي الموضوع غلط..وأنا كده كده هجيب قفص تالت وهحط كل ثعبان ف قفص لوحده (وقام بكر دخل أوضه الثعابين)
_بكر بسعاده..شكلنا كده هنبيع سم وثعابين..بس يا ريت يكونوا زي الأرانب..البطن تكون بالعشره والخمستاشر
_وكانت صفاء واقفه ورا الباب وسمعته؟
الفصل الرابع عشر14
بكر بسعاده..شكلنا كده هنبيع سم وثعابين..بس يا ريت يكونوا زي الأرانب..البطن تكون بالعشره والخمستاشر
(وصفاء كانت واقفه ورا الباب وسمعت)
_بكر بإبتسامه وقرب على قفص الثعابين..يا تري بقي إنتو بتولدو ولا بتبيضو ولا إيه حكايتكم بالظبط..دي شكلها كده هتلعب معاك يا بكر وهيبقي عندك مزرعه ثعابين..ومزرعه الثعابين دي هتغطي على اللي أنا ناوي عليه..ومفيش حد هيشك ف أي حاجه..متسهله معاك يا بكر وماشيه حلاوه..ربنا بس يهدي علينا صفاء وما تبوظلناش كل حاجه (وقرب وشه من قفص الثعابين) خدو راحتكم يا حلوين عالآخر..وما تقلقوش مش هبعدكم عن بعض أبدا..بقلم..محمد طه
_كل دا وصفاء لسه واقفه ورا الباب وسامعه كلام بكر واللي ناوي عليه..وبعدين دخلت أوضتها من غير ما بكر يحس بيها أو يعرف إنها سمعت حاجه
_صفاء ف سرها..عايز تعمل مزرعه ثعابين يا بكر عشان تغطي على اللي هتعمله..شكلك كده يا بكر ناوي على مصيبه كبيره..وإنتي يا صفاء لو وقفتي قصاده..يبقي الكابوس هيتحقق وبكر مش هيسمي عليكي..بكر خلاص ما بقاش شايف ولا سامع غير شيطانه..
هتعملي إيه يا صفاء وهتتصرفي إزاي..أنا مستحيل أسيبه يقلبلي البيت مزرعه ثعابين..طب أعمل إيه..
أحطلهم سم ف الأكل..سم إيه يا صفاء بس..لما دا هما اللي بينتجو السم هيمو،تو بيه إزاي..ومش هينفع أدفنهم..أنا أصلا مش هقدر أقرب من القفص اللي هما فيه..هتعملي إيه يا صفاء ف المصيبه دي
(تاني يوم)
_صفاء بجديه..بقولك إيه يا بكر..أنا عايزه أشتغل
_بكر باستغراب..هتشتغلي إيه يا صفاء..وبعدين هوا إنتو ناقصكم حاجه..بقلم..محمد طه
_صفاء بغضب..ناقصنا اللقمه الحلال يا بكر
_بكر بغضب بعد ما ضر،بها بالقلم..هوا أنا بأكلكم حرام يا صفاء..ما أنا دلوقتي شغال بما يرضي الله..
ومصاريفنا كلها من بيع السم اللي ببيعه..ولا دي إنتي شيفاها إني بنصب على الثعبان ولا يكونش بسرق منو السم بالإكراه
_صفاء بدموع وخوف..أنا سمعتك إمبارح وأنته بتكلم نفسك ف أوضه الثعابين
_بكر بغضب..بتتصنتي عليا يا صفاء..وسمعتي إيه بقي إن شاءالله
_صفاء..سمعتك وأنته بتقول إنك ناوي تعمل مزرعه ثعابين عشان تغطي على المصيبه اللي أنته ناوي عليها وعايزني أساعدك فيها..وأنا مش هساعدك يا بكر
_بكر بتوتر وعطالها ضهره عشان يداري تعبيرات وشه..مصيبه إيه يا صفاء اللي أنا ناوي عليها..هوا إنتي دماغك راحت لفين..أنا المصلحه اللي كنت عايزك تساعديني فيها (ولف وبصلها) تبقي موضوع الحفر على الآثار..بقلم..محمد طه
_صفاء بغضب..أنته كداب يا بكر..أنته ناوي على مصيبه أكبر من كده..وأنا مش هساعدك
_بكر..وأنا قولتلك قبل كده يا صفاء إني مش هجبرك على إنك تساعديني..بس كل اللي مطلوب منك إنك تبقي خرسا وعميا وطرشا
_صفاء بغضب بعد ما أتأكدت إن بكر ناوي على مصيبه..وأنا من بكره هنزل أشتغل ومن اللحظه دي مفيش جنيه من فلوسك هيتصرف على عيالي (وسابته وراحت عشان تدخل أوضه الثعابين لقيتها مقفوله وبكر مغير القفل)
_صفاء بغضب..أنته غيرت قفل الأوضه دي ليه
_بكر بهدوء..وإنتي عايزه إيه من الأوضه دي
_صفاء..عايزه الثعبان الهادي
_بكر بإبتسامه مكر..وعايزه الثعبان الهادي ليه..ناويه تشتغلي حاوي وتنصبي على الناس
_صفاء بغضب..أفتح الأوضه يا بكر وما لكش دعوه باللي أنا ناويه عليه..بقلم..محمد طه
(وراح بكر فتحلها الأوضه ودخلت صفاء أخدت الثعبان الهادي بالقفص بتاعه وراحت على أوضتها وقفلت على نفسها وسابت بكر يضرب أخماس ف أسداس وبيسأل نفسه هيا هتعمل إيه بالثعبان ده)
_قعدت صفاء ف أوضتها قصاد الثعبان وفضلت تبصله والثعبان عمال يروح وياجي ف القفص قدامها وزي ما يكون الثعبان فرحان إنو خرج من الأوضه اللي كان فيها
_وبدأت صفاء تحط إيدها على القفص وأول ما الثعبان يقرب من إيدها تشيل إيدها بسرعه لأنها برضوا خايفه من الثعبان أحسن يغدر بيها..لكن واحده واحده خوفها بدأ يقل تدريجيا وبدأت تتشجع وتحط إيدها على القفص وبدأ الثعبان يقرب من إيدها ويلمسها وزي ما يكون بيبوس إيدها وهيا خايفه وف نفس الوقت مش مصدقه إستجابه الثعبان معاها
_وبدأت صفاء تتشجع أكتر وفتحت باب القفص ودخلت إيدها جوه القفص وبدأت تلمس الثعبان والثعبان عمال يلف ف القفص وأكنه طاير من الفرحه وما حاولش إنو يخرج من القفص اللي بابه مفتوح وممكن يخرج منو بكل سهوله
_وبعدين صفاء مسكت الثعبان وخرجته من القفص وكانت جايبه أكل معاها وبدأت تأكله والثعبان بقي زي ما يكون إبنها التالت؟