دكتور ممدوح.....
نطقت الشهاده وولقيتها بتقول أهلا بك يا دكتور ممدوح أخويا حسن بيشكر فيك وادانا من الفطير واضح أنك ابن أصول أعرفك بنفسي أنا هناء بنت عتمان أخت حسن ومن اللحظه دى أقولك لك الأمان تمشي صبح وليل ولو معاك حد هو في أمان لحد ما أنت تسيبه أنت في أمان الله وحمايه منى ومن أخويا قولت لها كتر خيركم
حسن.....
أطمنت دلوقتي يا دكتور خد نفسك بقي واهدي علشان عاوز منك خدمة تقدر تعتبرها جميل ودين في رقبتي
دكتور ممدوح.....
خدمة إيه هو في حد عندكم تعبان أنا تحت أمرك ده واجب عليا بصلي بقلم رشا منصور وابتسم وبص ل أخته وشاور لقيتها نزلت في الميه ولقيت كل الظلال اللى كانت موجودة اختفت بصيت له وأنا حاسس أن الموضوع كبير
حسن....
أنت ايه رأيك في كل اللي حكيته لك
دكتور ممدوح....
بصراحه انتوا كلكم اتظلمتوا بس أنا لحد دلوقتي مش عارف ايه اللى حصل معاك بعد ما كنت مربوط في الشجرة
حسن...
هتعرف بعدين أنا كل اللى طلبه منك أنى ابرئ ذمة أبويا وأختى قدام أهل البلد واعرفهم الحقيقة كلها بس ده لا يمكن يحصل إلا لو قدرت تجمعهم كلهم هنا وبالليل
دكتور ممدوح....
اجمعهم بالليل أنت بتطلب المستحيل ده الناس بتختفي من العصر ده أنا لو مشترتش أكل الصبح بفضل لتاني يوم عاوزنى اجمعهم إزاى وتفتكر هما هيسمعوا كلام واحد غريب زيي
حسن....
أنت قدرت انهاردة تصمم وخليت إبن العمدة والمأمور وناس كتير كانت موجودة يعني هتقدر تعملها تاني أنت ذكي ومتعلم وأهل البلد هيصدقوا أى حاجة أنت تقولها ولو محتاج مساعده اطلبها من محمد التمرجي قوله بس حسن بن عتمان بيقولك وغلاوة إبن اسماء ساعدنى ومن ناحيتنا لو في حاجه بقلم رشا منصور نساعدك فيها اطلبها وأحنا ننفذ
قولت ايه يا دكتور ممدوح
دكتور ممدوح.....
بص يا حسن أنا أوعدك أنى أفكر في حل وهبلغك به ولو عجبك انفذه بس ده مش علشان خايف منكم ده علشان أنا كمان عندى أخت ومرداش يحصل لها نفس اللى حصل ل أختك ولازم يتحط حد للظلم ده
حسن.....
لحد ما ده يحصل مش عاوز حد يعرف أى حاجة من اللى سمعتها أو اللى شوفتها تقولها لحد ولا ل محمد الممرض أنت لو احتاجته تقوله ع المطلوب منه وبس من غير أى تفاصيل مش هأكد عليك تاني محدش يعرف نهائي
دكتور ممدوح....
تمام والله حاضر أنا هقوم بقي الحق انام ليا ساعتين ما تيجي تنام معايا فوق الجو هنا ساقعه عليك
حسن.....
ابتسمت ل كلام الدكتور ممدوح وقولت له أحب افضل قريب من أختى وأبويا
دكتور ممدوح.....
لقيت حسن بيشاور ليا ناحية المقابر وببص لقيت راجل واقف بجلابيه بيضاء ورافع يده اليمني يلقي التحيه لي قولت له بصوت عالي ازيك يا عم الحج تعالي اتفضل وبشاور له ع المستشفي أشار لي بيده كأنه يشكرني وأختفي ايه ده أنا بكلم شبح إني شكلي اتهبلت وببص ورايا لقيت حسن بيبصلي وبيضحك عرفت أنه سمعني لما الحق أطلع المستشفى قبل ما حد يسمعني ويطلب لي مستشفى المجانين .....
طلعت المستشفى ودماغي مشغوله في كل الكلام اللي سمعته وعاوز الاقي فكره تخلي كل أهل البلد يقتنعوا بكلامي ويجمعوا بالليل بس ازاى ده المأمور نفسه مكنش عاوز يحضر يبقي أهل البلد هيحضروا الموضوع ده محتاج فنجان قهوه وتركيز عالي بس الاكيد أنى هحتاج مساعده من محمد الممرض هو اللى عارف أهل البلد كلهم واظاهر محمد ده مامته إسمها أسماء ولان أنا معرفش حد في البلد يبقي ساعتها هيصدق أن حسن اللي قالي ممممم ع العموم أنا مش محتاج غير طرف الخيط اللى ابدء منه الفكرة ونمت وصحيت تاني يوم الصبح ونزلت ل حجرة الكشف
واتفاجأت بوجود أبو محمود واقف في وسط الناس قولت له ايه اللى جابك أنا كنت ناوي اعدى عليك انهاردة بالليل لقيت الناس كلها بتبصلي ولقيت أبو محمود بيقولى والله يا دكتور أنا مش مصدق أنك واقف قدامي بعد ما مشيت من بيتي في نص الليل
وهنا لقيت محمد الممرض بيقول بصوت عالي يا جماعه الدكتور ممدوح راجل مبروك بقلم رشا منصور ده كل يوم بيخرج بالليل وبيقعد كمان قدام باب المستشفى ده إحنا اظاهر ربنا باعتك ناجده لنا ويمكن ع إيدك تخلصنا من النداهه كنت باصص ل محمد
الممرض وحاسس كأنه بيحاول يوصل رساله للناس وبعدين بصلي وضحك قولت لهم يلا يا جماعه علشان نبتدي الكشف وهنا الفكرة كبرت في دماغي وقولت لازم ابلغها ل حسن بالليل .....
وبعد ما خلصت كشوفات واللى كانت اغلبها اسئله ودهشة من أنى بخرج فعلاً بالليل واذا كنت شوفت النداهه ولا لأ
نديت ع محمد الممرض.....
قولت له أنت ايه اللي قولته للناس ده إذا كنت أنت بتروح من قبل العصر يبقي عرفت منين أنى بخرج بالليل وبقعد قدام المستشفى بصلي وقالي بقلم رشا منصور وغلاوة إبن اسماء أنا معرفش أنا قولت اللى اطلب منى اقوله وبس
أول ما قال كدا فهمت أن حسن هو اللى كلمه وطلب منه قولت له تمام يلا علشان تلحق تروح مع أنك تقدر تقعد ل بالليل ولا ايه
قالي أنا واحد متجوز وعندى عيال وشقتي في المركز مش هنا وع ما بوصل لهم ونتغدى والعب مع العيال شويه والحق أنام علشان اكون هنا قبل الساعه 6 الصبح قولت له ما كنت قعدت هنا أحسن مدام أهلك هنا قالي أن شاء الله فرج ربنا قريب سلام يا دكتور....
حسيت أن في حاجه مخبيها عليا بس مش مهم الأهم دلوقتي الفكرة تتنفذ امتى وازاى..... يتبع