نسرين : حرام كدا كتير هنفضل كدا لحد امتي انا تعبت
ياسمين : خلينا نحاول نكمل حياتنا طبيعي واكيد في حاجه هتتغير
وبدأت كل واحده فيهم تعيش حياه التانيه
نسرين : بقولك يا ياسو الواد التنح اللي بعتيله جواب حب قبل كدا مش عاتق اهلي كل يوم بيحاول يقرب مني وانا كرفاله اي النظام معاكي اظبطلك معاه ولا اي
ياسمين : احمد مبقاش في دماغي ولا فارق معايا ف براحتك بقولك انا نسيت ورق مهم في البيت والمخرج عايزه حالا ممكن تجيبيه
نسرين : اشطا عليكي مسافه السكه واكون عندك سلام
وصلت نسرين المكان : ياسمين التايهه النسايه دايما لازم اعمل ليها كل حاجه كدا بت يا ياسمين مش مركزه معايا خالص الورق واكل دماغها
لاحظت نسرين عربيه جايه اتجاه ياسمين جريت بسرعه بعدها
صحيو في المستشفى
واتصدمت ياسمين : نسرين الدكتور دي نفس الساحره ولا الجنيه اللي قابلتها وادتلي السلسله
الجنيه : دلوقتي بس اقدر اقول أنكم حققتم الشروط وجهين لنفس العمله وبما ان قلوبكم اتصلحت ورجعتم نفس الوجه مهمتي خلصت واتحققت امنيتكم واختفت
بصت نسرين لياسمين وحضنو بعض روحو البيت وكل واحده حاسه انها اتولدت من جديد نامو جنب بعض بصت نسرين علي اختها وابتسمت وبعت رساله
تاني يوم علي البحر
نسرين : اسفه انا مش بحبك ومش هقدر اكمل معاك وسابته ومشيت
فارس : استني عندك انا مش فاهم حاجه انا مش لعبه في ايدك شويه عايزه تكملي وشويه لا
كانت ياسمين ماشيه في المدرسه
احمد : انا اسف علي اللي كنت بقوله وبعمله معاكي وصدقيني عرفت غلطتي وبحبك اوي ممكن تديلي رقمك وفرصه تانيه اثبتلك فيها اني استاهل قلبك
ياسمين : اسفه انا بحب حد تاني ولسه قدامنا كليه وشغل كل اللي بتقوله ده لعب عيال مليش فيه عن اذنك
روحت ياسمين
نسرين : بقولك انا اشتركت ليكي في مسابقه غني وريني شطارتك هتتشهري اكتر مني بكرا المسابقه وهكون معاكي ها اجهزي بقا
ياسمين : انا بحبك اوي بس عايزه اقولك ان احمد حاول يكلمني وانا رفضت
نسرين : بصي انا معجبه بيه مع انه فاشل زيك وساقط كام سنه بس لسه مش عارفه اي حاجه فكك
تاني يوم دخلت ياسمين متحمسه للاداء الصوتي وابهرت الكل
قرب منها فارس : حاسس ان صوتك مش غريب عليا مش عارف ليه مرتاح ليكي اوي وحاسس اني اعرفك
ياسمين : انا اعرفك من زمان وكنت معجبه بيك وانا نفس الشخص اللي عامل برنامج صوتي علي التيك توك
فارس : جامد تعرفي ان انا من اشد المعجبين بيكي بس ليه مبتظهريش نفسك
ياسمين : عشان شكلي زي ما انت شايف منفعش اكون وجهه فشلت في كل حاجه بسبب الشكل مستغربه اني نجحت هنا اصلا
فارس بابتسامه : ده عشان انتي بجد تستاهلي خلي عندك ثقه في نفسك الشكل مش اهم حاجه بقولك اي تيجي تضربي معايا ورق العنب وصنيه بطاطس
ياسمين : هو مش المفروض هنكتب عقد وكدا هو انت بتعزم اي حد كدا علي الغدا
فارس : لا مش اي حد اللي بحبهم بس يعني الناس المميزه
ياسمين : كلامك حلو خلي بالك ممكن اتعشم واظن فيك حاجه كدا ياريت متكونش لطيف مع الكل
فارس : ومين قالك اصلا اني لطيف مع الكل وصدقي احساسك لو حاسيتي بحاجه
ياسمين : ممكن تتجوز بنت بالمنظر بتاعي ده تخينه و وحشه
فارس : انا شايفك جميله جدا وناجحه وقويه وانا بحب البنات دي اخر همي الشكل اه ممكن جدا احب بنت مليانه شويه ودي حاجه مش ممكن تعيبها تعرفي في الزمن ده لو هدور علي الجمال مش دائم وبعدين يا فرحتي ببنت جميله وأخلاقها وحشه الاحترام والشخصيه مهما كان افضل
ياسمين : حلو الكلام ده لو انت مقتنع بيه اصلا يعني مش ممكن تعايرها بده بعدين
فارس : بصي اللي بحبه هحبه عشان اخلاقه وشخصيته لو هي اللي عايزه تخس انا هفضل معاها وجنبها لحد ما توصل للي هي عايزاه مش عايزه انا بحبها في كل حالاتها يعني مثلا معظم البنات دلوقتي بتهتم بالولد المشهور الحلو والغني مجرد ما كل ده يروح مش هلاقي حد جنبي وانا مش هكمل
ياسمين : نعم مش هتكمل ازاي مش ده حلمك من زمان ان الناس تسمعك
فارس : كانت رغبه جوايا نفسي احققها وطيش شباب وكدا الغني حرام وممكن يدخلني في حاجات تانيه وانا مش ناقص ذنوب انا ناوي اشتغل في شركه والدي همسكها واكون اسره بسيطه مع بنت الحلال
ياسمين بفرحه : حلو اوي اي مواصفات بنت الحلال بقا
فارس : اممم تكون متفوقه في دراستها لأنها هي اللي هتربي وتعلم الاولاد يعني هخلي مراتي ست بيت مش ههينها في شغل
ياسمين : اممم مفيش اي صفه فيا طيب بالتوفيق دقيقه واحده أنت عندك كام سنه اصلا
فارس بابتسامه : انا عندي 24 سنه خريج اداره اعمال ادعيلي بقا عشان هخطب النهار ده سلام لازم اجهز بالتوفيق ليكي
ابتسمت ياسمين بحزن : هييح مش دايما الأحلام بتتحقق روحت البيت
نسرين : كويس انك جيتي عايزه اتكلم معاكي في حوار مهم بسبب تفوقي في الجامعه جاتلي منحه بره مصر هستفاد منها كتير اوي ف قررت اسافر
ياسمين : والمنتجين والأفلام والمسلسلات والإعلانات وبرامج الرقص كل ده راح فين هتضيعي تعب سنين عشان منحه
نسرين بابتسامه حب : طلعت كل ده بجري وري سراب وهم كنت عايزه احس بالاهتمام من اللي حواليا فعملت كدا دلوقتي انا اكتفيت بيكي انتي اهلي وصاحبتي ودنيتي وفكرت في المستقبل هقول اي لربنا لما أقف قدامه او لعيالي بدل ما يلاقو امهم دكتوره محترمه الكل بيحترمها وبتعمل عمل نبيل بتساب عليه ولا لما يلاقوها حاجه تانيه اتعلمت كتير اوي من التجربه اللي مرينا بيها عشان كدا انا هقبل المنحه وهبقا دكتوره تفتخرو بيها وانتي كفايه سقوط بقا وانجحي فرحي اهلك يا شيخه
اه صح في ناس جايين النهار ده لبابا وماما
ياسمين : اه اي عايزاني استخبي بردو ولا اي يعني
نسرين : لا يا جزمه بقولك عشان نرتب البيت ونجهز للضيوف يلا هنبدأ الشغل
بدأو ينضفو ويضحكو ويهزرو لحد ما الباب خبط فتحت ياسمين الباب واتصدمت
ياسمين : فارس انت انت اي الي جابك هنا وازاي وليه
رندا : اي يا بنتي هتخلينا واقفين كتير ولا اي
ياسمين : لا لا طبعا يا طنط اتفضلو نورتو
ودخلت جوه مسكت دموعها وقالت : يا بختك يا نسرين يلا ربنا يسعدك
نسرين : اي يا بنتي قاعده عندك بتعملي اي ماما بتنادي علينا اخلصي
طلعت ياسمين معاها بحزن
الاب : اي يا ياسمين الجماعه جايين يطلبو ايدك موافقه ولا لا
ابتسمت ياسمين بفرحه وسكتت
الاب : علي بركه الله هنعمل خطوبه بس مفيش جواز الا بعد ما تخلص دراسه نسيب العرسان يقعدو لوحدهم ولا اي يا جماعه
ياسمين : انت انت بجد طب ازاي انا مش فاهمه حاجه
فارس : نسرين حكتلي كل حاجه مع ان الحوار ميدخلش العقل بس لما كلمتك حاسيت أن في فرق فعلا واكتشفت اني بحبك اوي
فرحت ياسمين وعدت الايام وسافرت نسرين
وكل سنه بتمر كان فارس بيتعب جدا مع ياسمين
فارس : ابوكي لو اجل الفرح يوم واحد هدخل فيكم السجن انتي فاهمه ده انا باجي كل يوم اذاكرلك واوديكي الجامعه واجيبك لو نقصتي ولا شلتي حاجه هطلع عينك
ياسمين : طيب طيب اهدي شويه وهدي أعصابك اي يعني هنجح متتعصبش
عدت السنين وجه يوم الفرح ونزلت نسرين
ودخلت ياسمين وفارس وكانو حلوين اوي
قرب شخص من نسرين وقال : هاي انا احمد ممكن رقمك ونتعرف
نسرين بابتسامه : يخربيتك يا شيخ امشي قدامي اطلبني من بابا اخلص مش عايزه كلام كتير
اتكتب الكتاب وشالها فارس ولف بيها
فارس : اخيرا مش مصدق بعد معاناه سنين اتجوزنا خلاص
حضنته ياسمين بفرح : فارس اوعدني مش هتتريق علي اني تخينه ابدا ولا تكرهني
فارس : بحبك زي ما انتي يا قلبوظه قلبي انا بقول كفايه كدا حفله تعالي اخطفك وطلع علي بيتنا
ابتسمت ياسمين وجريو هما الاتنين علي بيتهم وعاشو بحب وسعاده
تمت بحمد الله