رواية شبح الليل الحزين الفصل الحادي عشر 11 بقلم رشا منصور
بصيت للشيخ وقولت له تمام يا راجل يا طيب
أنا هنام بقي علشان الشغل بدري أن شاء الله ونمت وحلمت اني واقف في عند الترعه والظلال بتلف حواليا وحسن معاهم وبيقولي الحق راجع يا دكتور
جيت اشده من وسط الظلال وقعت ولقيت نفسي ماسك حبل في ايدي صحيت من النوم مخضوض واتفاجت أنى في آثار حبل ع ايدي مكان ما كنت بشد حسن في الحلم يعني ايه وازاى أصلا يمكن حسن يكون جري له حاجه
أنا من وقت ما رجعت من بره مشوفتوش ببص في الساعه لقيتها 3 قبل الفجر نزلت عند الترعه وناديت ع حسن بن عتمان وفضلت واقف وأنا قلقان عليه ولقيته جاي من عند الشجرة
قولت له أنت كويس أنا قلقت عليك ومعلش يا صاحبي أنى رجعت من بره ومعرفتش اشوفك
حسن.... ولا يهمك يا دكتور ومتخافش عليا أنا بخير
دكتور ممدوح.....
بص الشيخ قال للعمدة ان الميعاد هيكون يوم الجمعه بعد العصر والكل يبقي موجود حتى المأمور
حسن....
اة عارف وهكون موجود في الميعاد
دكتور ممدوح.... هو أنت تعرف الشيخ ده منين
حسن...
بعدين يا دكتور كل حاجه هتعرفها في وقتها كل اللى اقدر اقوله لك أنك تطمن له هو عاوز يساعدنى ارجع حقي
دكتور ممدوح....
تمام يلا اسيبك أنا بقي مع أنى عاوز افضل معاك بس الفجر هيأذن واهل البلد هيصحوا ومش عاوز حد يشوفك
حسن.....
سلام يا دكتور وهتلاقيني وقت ما تحتاجني
دكتور ممدوح....
سيبته وببص لفوق لقيت الشيخ واقف في الشباك طلعت بسرعه له وببص لقيته نايم على السرير صحيته وبقوله ايه لحقت نمت ما أنت لسه كنت واقف في الشباك
الشيخ.....
يابني وانا اقف في الشباك أعمل إيه ع العموم كويس انك صحتني علشان صلاة الفجر
دكتور ممدوح...
ايه ده بقي أومال خيال مين اللى كان واقف هنا لأ لأ أكيد هو ومحرج يقول انه كان بيبص عليا
صليت الفجر وجهزت ونزلت علشان ابدء الكشوفات ومكنش في مرضي كتير ونزلت وروحت جبت فطار وفطرنا أنا والشيخ بقلم رشا منصوروهو نزل وراح اقعد جنب الشجرة اللى عند الترعه ومعاه مصحف وفضل يقرأ والناس شافته ..
وقالوا الشيخ المغازي باين عليه مبروك بجد من يوم وصوله ومظهرتش النداهه ولا سمعنا أى حاجة ده غير أنه قاعد عند الترعه ومش خايف شويه وبعد يومين لقيت الغفير وصل المستشفى وقال يا دكتور ممدوح عم الشيخ المغازي فين
قولت له قاعد عند الترعه بيتشمس روح له
الغفير... .
لا أنا اروح برجلي عند الترعه استحاله
دكتور ممدوح...... وأنت هتخاف وهو موجود .
الغفير....
من خاف سلم يا دكتور معلش أنت واخد البركه منه نادى عليه أنت وبلغه أن العمدة عاوزة دلوقتي وأنا جاى علشان اوصله
دكتور ممدوح....
حاضر ولا يهمك روحت للشيخ قولت له العمدة باعت الغفير عوزك تفتكر كشف حاجه أنا مش مطمن أنا جي معاك يمكن اقدر اعمل حاجه
الشيخ....
خايف عليا يا دكتور ولا خايف ع حق صاحبك حسن
دكتور ممدوح....
بصراحه أنا عملت كل ده علشان ارجع حق حسن مع أنى بصراحه معرفوش بس أنا مقبلش الظلم
الشيخ...
طب يلا بينا ومتخافش العمدة وضب البيت وفرشه كله بعفش جديد وبقي جاهز ل عريس مش لواحد عجوز زيي
دكتور ممدوح....
وانت عرفت منين الكلام ده إذا كان الغفير مقالش حاجه وأنت متنقلتش من المستشفى
الشيخ ....
تعالى معايا وانت تتأكد بنفسك
دكتور ممدوح...
روحنا مع الغفير اللى وصلنا لبيت عم عتمان ولقيت طبل ومزمار والعمدة والمأمور وكل أهل البلد واقفين بقيت ابص للشيخ وأنا مش فاهم حاجه وبصيت ع البيت من بره مدهون والبوابه متغيرة وسلالم جديده هو كل ده حصل امتى
العمدة....
أهلا بالشيخ المغازي الراجل البركه وأهلا يا دكتور ممدوح ولولاك مكناش عرفنا الشيخ ولا نولنا بركه وجوده معانا هنا وحبيت قدام أهل البلد اعبر عن مدى سعادتي بوجود الشيخ معانا واسلمه البيت بنفسي
اتفضل يا عم الشيخ ادخل برجلك اليمين علشان البركه تدخل البيت
دكتور ممدوح....
كنت مذهول من كل اللى بيحصل ده ودخلت البيت لقيته متوضب وفيه مفروشات واثاث غالي وفخم جدا وع أد ما أنا فرحت أن حسن واخواته هيعيشوا فيه ع اد ما كنت خايف أن لما الحقيقة تنكشف العمدة يظلمو'ا تانى ومش بعيد يتقبض عليا أنا كمان ده المأمور هنا وحاضر كل حاجه يا تري ايه اللي هيحصل يارب سترك..
الشيخ....
حسيت بكل اللي بيفكر فيه الدكتور ممدوح وبصيت له وقولت اللى جى كله خير وطبعاً العمدة كان مبسوط بكلامي ده معذور اصله مش فاهم ايه هيجري لهم
دكتور ممدوح....
مش عارف ليه حسيت أن الشيخ ده قادر يقرأ افكارى ده غير أن كلامه طلع حقيقة والعمدة فعلاً وضب له البيت لولا أن أنا اللى مخطط للموضوع كله كنت افتكرته راجل مبروك بجد بس الاكيد أنه يعرف حسن وكمان هناء ظهرت له وهو شافها وابتسم لها أنا مش قادر استوعب كل ده
(2)
الشيخ.....
تمام يا عمده أنا مقدر كرمك وقابل هديتك بس أن شاء الله هعيش هنا بعد ما اخلص المهمه اللى جاى علشانها لكن حالياً يفضل أني أفضل قريب من الترعه والمدافن هفضل في الاستراحه مع الدكتور ممدوح
العمده....
مدام أنت شايف كدا يبقي واجب الضيافة يوصلك من بيتي كل يوم ده كفايه أنك هضحي' براحتك علشانا
اتفضل الغفير هيوصلك وبعدين هيجيب الغداء ويحصلك ع طول
الشيخ.....
يدوم الكرم يا عمده ربنا يقدرني وأرد لك واجب الضيافة
ومشيت أنا والدكتور ممدوح وأنا حاسس أن دماغه مليانه اسئله وبقي كل شويه يبصلي وكأنه عاوز يسأل بس مش عارف يبتدي منين وطبعاً مكنش ينفع اجاوب ع أى حاجة دلوقتي خالص مش لازم حد يعرف حاجه حتى لو كان الدكتور ممدوح
دكتورممدوح......
وصلنا المستشفى بعد ما الغفير وصلنا ونفسي اسأل الشيخ بس أنا عارف أنه مش هيجاوبني
لقيتها أنا هسأل محمد الممرض واعرف منه الراجل ده مين ويعرف حسن منين
محمد الممرض..... خير يا دكتور كنت طلبتني
دكتور ممدوح.....
مش العمدة جدد بيت الحج عتمان وفرشه من جديد وعطاه هديه للشيخ إلا بصحيح هو اسمه ايه
محمد الممرض.....
سلامتك يا دكتور إسمه الشيخ المغازي إزاى تنسي إسم الراجل البركه ده يا سلام يا دكتور لو عمل المعجزة دى ورجعنا تاني نخرج بالليل
دكتور ممدوح.....
بركه ايه أنت هتجنني بقولك بقلم رشا منصور أنه خد البيت بتاع حسن واخواته أنت جايب واحد ومتفق معاه تطلعوا بمصلحه بس أنا عمري ما اسمح بكدا أنت فاهم
محمد الممرض.....
كنت مبسوط من جوايا أن الدكتور خايف ع حق حسن واخواته البنات بس مكنش ينفع أنطق ممنوع أفهمه أو اعرفه أى حاجة لان أصلا عقله مش هيقدر يستوعب الحقيقه
الشيخ.....
كنت واقف في بلكونه الاستراحه وعارف أن الدكتور ممدوح اكيد نزل يتكلم مع محمد ولقيت هناء قاعدة ع طرف الترعه بملابس خفيفة عرفت أنها ناويه تضحي بحد جديد نزلت لها بسرعه مينفعش حد يشوفها ولا تعمل أى حاجة احسن بعدين كل حاجه تبوظ وينكشف أمري ولقيت فجأة 😲
الشيخ.....
ولقيت فجأة 😲 الدكتور ممدوح قدامى بيقولى نازل تجري رايح ع فين يا عم الشيخ
قولت له مش وقتك خالص سيبني قبل كل اللي بنعمله يتهد' وخرجت بره المستشفى وشاورت ل هناء تنزل الترعه نزلت وقربت عليا مكان ما أنا واقف وبصتلي وبصت ناحية المستشفى بصيت لقيت الدكتور ممدوح واقف…
قولت لها يا هناء مينفعش حد يشوفك اصبري بعد بكره اليوم الموعود ولحد ما يحصل أوعى تظهري أو تعملي أى حاجة هزت رأسها واختفت في الميه
ومشيت علشان ادخل المستشفى لقيت
دكتور ممدوح......
أنت ازاى شايفها وبتكلمها أنت تعرفها منين ما تقولي أنت مين
الشيخ....
فات الكتير ما بقي إلا القليل وهتعرف أنت وكل أهل البلد كل حاجه
دكتور ممدوح.....
ع فكره اوعي تكون متخيل أني هسيبك تنصب عليهم وتاخد البيت منهم ده حق أيتام أنا بس ساكت لحد ما يوم الجمعه يعدى عارف ليه لأن أكيد هتتعرف الحقيقة وهيعرفوا أنت مين واكيد البيت هيتاخد منك استحاله العمده هيسيبك تتهني بالبيت بعد ما ضحكت عليه
الشيخ.....
بس أنا مش ضحكت ع حد أنا جاي علشان اخلص البلد من النداهه وده اللى هعمله غير كدا مش مطالب منى أنى اشرحلك أى حاجة وسيبته وطلعت الاستراحه وبصيت من الشباك وقولت في سري يا حسن يابن عتمان اظهر وبان ورد ع سؤال الحيران
حسن.....
سمعت نداء الشيخ وظهرت بقلم رشا منصورعند الترعه وناديت ع الدكتور ممدوح مالك يا دكتور حيران ليه متفكرش كتير هانت خلاص وهتعرف اجابة كل سؤال
دكتور ممدوح.....
هو سؤال واحد عاوز اعرف اجابته منك أنت واثق في الشيخ ده يعني تعرفه كويس ولا هو دجال
حسن.....
ضحكت ما أنا فاهم الدكتور قلقان ع البيت خايف أن حقي يضيع مرة تانية بصيت له وقولتله أنا مطمن لأنى واثق أنك هتعمل كل اللى هتقدر عليه علشان ترجع ليا حقي علشان كده
بقولها لك يا دكتور اطلع نام واطمن بقلم رشا منصور البيت كان ملك أبويا لكن بعد ما مات بقي له مالك جديد هو بس اللى من حقه يعيش فيه
دكتور ممدوح....
ع العموم أنا هعمل كل اللى هقدر عليه خلي بالك من نفسك يا حسن أنا معرفش بعد ما الحقيقة تظهر ايه هيحصل معايا ده مش بعيد يحبسونى بتهمه النصب' والاحتيا'ل واكيد هخسر وظيفتي ك طبيب أنا مش زعلان ع نفسي أنا زعلان لأن ده كان حلم أبويا
وغصب عني نزلت دمعه من عيني
حسن.....
أنا واثق أن ابوك فخور بك أنت نعم الإبن ونعم التربيه عارف لو كنت جيت البلد من زمان يمكن مكنش كل ده حصل ويمكن كان زمان هناء عايشه بينا وكنت وقتها خطبتهالك ولا كنت هتقولى انتوا مش أد المقام
دكتور ممدوح.....
مقام ايه يا حسن اللى بتقول عليه أنا إنسان ع أد حالي زيك وأبويا راجل بسيط ويمكن لو كنت اتقدمت لك كنت أنت اللي رفضتني أنا معنديش شقه ده غير ......!!!