بعد انتهاء الحفل
وكل عريس اخد عرسته علي جناحه
زين اخد شهد بعد مجادله طويله وواسطه ورشاوي
جلال وافق ان شهد تروح مع زين
زين اخدها في العربيه ومشي وكل العيله روحت بعد ما اطمنو علي العرسان
في العربيه بتاعه زين
شهد قاعده متوتره وزين مش عاوز يتكلم دلوقتي لانه مش هيقدر يسيطر علي مشاعره وقرر يصبر لحد ما يوصلو لوجهتهم
وشهد مستغربه وكمان من عارفه تبدا ....فقررت الصمت
بعد ربع ساعه وصل زين الي المطار ونزل شهد بعد ما ركن العربيه في جراش المطار
شهد وقفت مزهوله ومش عارفه تعمل ايه ولا زين بيفكر ازاي
فقررت تسال هي مش متعوده علي الطاعه العمياء
شهد . د .زين احنا هنا ليه
شهد بحب .اولا مفيش واحده بتقول لجوزها يا دكتر
اسمي زين بس
ثانيا .انا عاوزك تسبيلي نفسك وانا هبهرك
بس والنبي لحد مانوصل مش عاوزك تتكلمي وغمز لها
اصل انا حصوني ودفاعاتي بتنهار لما بسمع صوتك
فاجليه بس لحد ما نبقي لوحدنا ...........
شهد اتكسفت وحركت راسها بالموافقه
وبعد قليل ركبو الطياره وشهد فرحانه بالمغامره واول مره تكون بالسلام الداخلي ده
وزين جنبها بيطمنها بس بيجاهد علشان عاوز المفاجاه تبقي كامله
وبعد ساعه بالضبط كان زين واقف ورا شهد الي واقفه مصدومه وفرحانه وتايهه ومش فاهمه حاجه وكان الزمن وقف عند هذه اللحظه من جمال ما رات
وكان هذا المنظر ما هو الا فيلا غايه في الجمال والروعه مضاءه بانوار قلبت عتمه الليل الي قلب النهار
وكانت الفلا مزينه بالورد والبلالين الملونه وبلا لين الهيليم الضخمه التي تعلو الاسوار
نظرت شهد بحب الي زين الي واقف وراها
شهد .كل ده ليا
زين .كل ده ربع الي مستنيكي
شهد احنا فين
زين بهمس .في مدينه الحب والحياه والسلام
احنا في شرم
شهد بفرحت اطفال شرم الله انا كنت بحلم اجي هنا
زين .والفانوس موجود وبين ايدك ينفذ الي تؤمر بيه الاميره شهد
زين بحب واضح في صوته .مسك اديها يلا مش هتدخلي تكملي المفاجاه
شهد بفرح وتنطيط لا طبعا وبضحك هيا انطلق ههههه
زين اخدها من اديها ومشي بيها علي ممر من الورد والبالونات الملونه وكانت شهد بتتنطط بفرحه اطفال وبتلعب بالبالونات برجلها
ولكنها كانت غافله عن البنت الي بتصور الحدث منذ دخولهم من البوابه ودي كانت مفاجاه تانيه من زين
شهد بفرح شديد يظهر علي صوتها وملامحها
وكانت بتدور في الهوا وبتقول بصوت عالي انا فرحانه جدا انا وقالت بصوت عالي انا بحبببببببك يا زينيييييي
زين واقف في زهول عمره ما كان يتوقع في اقصي احلامه انها تعترف له بحبها
زين وشهد دخلو الجنينه وهم طيرين من الفرح
وزين قعدها علي طاوله بين الشموع وضوء القمر
زين .مبسوطه
شهد مبسوطه ايه دي كلمه صغيره جدا علي الي انا حاسه بيه دلوقتي
انا من السعاده قلبي هينط من مكانه
زين .طيب بما اني قدرت ابسطك ممكن تبسطيني انت كمان
شهد بدهشه .ودي تتعمل ازاي بقا فهمنا
زين بخبث انا هقولك
اولا انا عاوزك تطلعي تلبسي فستان من الي فوق
وتنزلليلي عشان انا مشفتكيش لحد دلوقني رويه شرعيه
والباقي هقلهولك لما تنزلي
شهد .باستغراب .تصدق صح انت لحد دلوقتي مشوفتش شكلي
زين .بصي هو انا شفتك بس حاولت اغض البصر علي قد ما قدرت فمحفظتش ملامحك بس انهارده انا هنحاتها مش هرسمها
شهد .امته ده
زين .لما اغمي عليكي في الحفله
شهد .اه اوك
زين .احم هو انا مش ممكن اشوف شعرك كمان
شهد .اجمد يا دكتور مش كله مره واحده خاف علي نفسك
زين .بس انا جوزك وعاوز اشوفه
شهد .عارفه بس انا مش مستعده لكل ده مع بعضه ارجوك قدر موقفي
زين براحتك ويلا اطلعي بسرعه علشان البروجرام طويل
شهد فعلا طلعت ولقت فساتين تحفه وكانت للمحجبات ومع كل فستان مستلزماته
فعلا جهزت ونزلت من غير النقاب
زين قاعد في الليفنج وسمع صوت اقدام علي السلم
لف بسرعه عليها واول ما شافها قلبه دقاته زادت وعينه كانت بطلع قلوب حمرا
وجري عليها ومسك كف ايدها ونزل بيها زي الاميرات
وزين من الفرحه نسي انه متفق مع فوتوجرافر تعمل فيديو لهم بكل الرياكشنات والاحداث بتاعه اليوم
والبنت الي بتصور كانت عاجبها ردود افعال زين علي كل فعل شهد تعمله لانها كانت تلقائيه منهم الاتنين
زين نزل شهد من علي السلم ووقف قصادها وسكت شويه وكمل بحب
زين .شهد انا بعشقك بكل تفاصيلك حبيتك من قبل ما اشوفك عشقتك لما اتعاملت معاكي
بتوه لما اسمع صوتك
انا مش عارف لو مكنتش شفتك كنت هكون عامل ازاي او حياتي هتبقي ازاي
شهد بتسمعه .وهي تايهه في كلامه ومش مصدقه ان ربنا جبر خاطرها بعد عذاب سنين وفعلا بعد الصبر جبر
زين .شهد اتكلمي عاوز اسمع صوتك
شهد .والدموع في عنها .عاوز تسمع ايه يا زين
انا في احلا احلامي عمري ما كنت اتخيل ربع الي انا فيه دلوقتي
انت مش عارف انا حاسه بايه ولا عشت ايه ولا تعرف طعم الشهد بعد دمووع كتيير
كنت دايما حاسه ان ربنا هيعوضني بس افتكرت العوض في الكليه الي دخلتها او في ماما سميره ونور
بس الخير طلع اكتر منما نتخيل
عمري ما تخيلت انك انت عوضي الكبير بحبك اوي يا زين وهفضل احبك طول عمري بس عاوزه منك وعد
انك عمرك ما تجرحني ولا تاذي مشاعري ولا تييجي علي كرامتي علشان الوجع منك هيبقي مر اوييييي
زين .انت روحي يا شهد ووعد مني اني عمري ما افكر مجرد تفكير اني ااذيكي او اجرحك ........
وزين كمل
علشان كده كنتي رفضاني
شهد .انا بخاف من الجرح ومن الاهانه وعلي فكره لولا تغير الظروف وان لاقيت اهلي عمري ما كنت هوافق علي الارتباط لان الجرج من الي بتحبهم بيتفتح ومبيلمش وانا بحبك ومش عاوزه جرح منك حتي ولو صغير
شهد انت زين الرجال بالنسبه ليا
زين .سارح في جمالها وكلامها وعنيها وشفايفها الي هيموت ويدوقهم
شهد .زين انت معايا
زين .انتبه احم اه طبعا لو مش معاكي هكون فين
يلا بقا للمفاجاه التانيه
شهد لسه في مفاجات تاني
زين كتير رررررررر
زين اخدها وخرجو بره
وطلب البنت وقال لشهد انهم هيعملو فوتوسشن خاصه بيهم وكمان قلها علي الفيديو الي اتصور من ساعه ما بدؤ
وشهد فرحت جدا بالصور
والبنت كانت محترفه وفنانه وعملت لهم صور بوضعيات كلها حب علي جنون علي شقاوه والبنت خلت شهد وزين يغيرو هضومهم اكتر من مره شهد بدلت تلت فساتين وزين كمان لبس تلت بدل مختلفه وكانت شهد زي الطفله الصغيره وزين شبه المراهق الي بيحب جديد
والمناظر في الفيلا كانت تحفه بجد والبنت استاذنت ومشيت بعد ما خلصت
وزين اخد شهد من ايدها وقعدو عند حمام السباحه الي كان مليان بلاليت وورد وشموع
وكانت في طاوله عشاء علي ضوء الشموع بس بشكل مختلف
كانت الطاوله مش عاليه وكانو الاتنين قاعدين علي كنيه وزين واخد شهد في حصنه وقدامه علي استاند كبير شاشه علشان لو شهد عاوزه تتفرج علي حاجه
وفعلا قعدو واتعشو وزين واخدها في حضنه وبياكلها
شهد .زين احكيلي عن نفسك وعن حياتك
زين .انا يا ستي حياتي عاديه جدا ..................
شهد يعني عمرك ما حبيت
زين .عمري ولا حتي بنت جذبت انتباهي غيرك
شهد .زين انا عاوزه احكيلك عن حياتي ...
زين كان نفسه يسمع حياتها بس مش حابب يدايقها
لو الحكي هيدايقك مش عاوز اسمعه
شهد بالعكس انا فرحانه وعاوزه اعيد حياتي كلها علشان اعرف فضل ربنا عليا وافهم كل موقف صعب كان تاثيره ايه عليا
زين شدها في حضنه وقالها بضحك احكي يا شهرزاد
شهد بدات تحكي له بالتفصيل حياتها من اول يوم لحد ما كتبو الكتاب
وزين مع كل قصه من شهد كان بيتعصب من الشخصيات الي ازوها وضروها بس شهد وضحكتها في وشه كانت بتنسيه كل حاجه
شهد بعد ما خلصت حكي زين ......
زين عيوني
شهد .انا عاوزه اصلي ركعتين شكر وانت تكون امامي
زين باس راسها بس كدا يلا بينا وفعلا اتوضو وصلي زين بشهد وبعد كده قاعدو يتكلمو لحد ما شهد نامت في حضنه ............وسابها لحد معاد الطياره
...............................
نروح عند العرسان
عند يوسف وحنين
يوسف صحي الصبح واخد حنين في حضنه وباس علي جبينها
حنين صحيت وفضله مسهمه علي ما استوعبت الي حصل سكتت
يوسف .صباحيه مباركه علي اجمل تلميذه مجتهده في الدنيا وغمز لها
حنين .............
يوسف .انا بقول كده بردو ان الفصل السابع كان صعب واكيد معرفتيش تفهميه كويس وقبل ما تتكلم خطف شفايفها في قبله طويله وقال بهمس جنب ودنها بسم الله نبدا اول فقره
وحنين ضحكت بصوت عالي علي افعال يوسف الي جننتها اكتر مهي مجنونه
يوسف برق وقال حلال الله اكبر
ونسبهم بقا في جنانهم
..............................
عمر وهنا
ده الثنائي الهادي
عمر واخد هنا في حضنه وباس خدها
هنا صحيت في هدوء وكسوف
عمر مبروك يا اجمل حوريه
هنا بكسوف الله يبارك فيك
عمر عامله ايه دلوقتي حاسه بتعب او حاجه
هنا .تعب بسيط متقلقش وكملت
هي الساعه وكام دلوقت
عمر الساعه ١١ يا قلبي
هنا .طب انا عاوزه اكلم مامي اطمنها
عمر .اكيد بس متقلقيش بابا كلمني بليل وطمنته عليكي
وهم مستنين تكلميهم
هنا .اوك يا ......
عمر يا ايه
هنا .يا حبيبي
عمر .لا انا كده هتهور انا هقوم اطلب الفطار واجهز الحمام لاجمل عروسه لحد ما تخلصي كلام مامتك براحتك
وقال بخبث علشان بعد كده لا في مامي ولا بابي في عموري بس
في ايه
هنا. عموري بس
عمر .اه يالهوي علي الرقه الي هتموتني وباسها في خدها وقام علشان تاخد راحتها
........
........
ادهم ومريم
ادهم صاحي وقاعد علي السرير وباصص لمريم بحب
اول ما مريم بدات تفوق ادهم عمل نفسه نايم
مريم فاقت وتاملت في ادهم وجماله ورجولته
مريم بحركه تلقائه منها باسته في خده
وادهم بقي جسمه نار ومش عاوز يتهور وعاوز يحافظ علي وعده لمريم
ادهم حاول يبين لها انو صحي وبيفوق
ادهم صباح الخير علي اجمل عيون في الدنيا
مريم بكسوف .صباح النور
ادهم .احسن النهارده
مريم تمام الحمد لله
ادهم طيب تعالي ندخل نتوضي ونصلي ونفطر علشان نجهز للسفر وفعلا دخلو اتوضو وقام بيها الصلا
مريم بفضول ادهم احنا هنسافر فين
ادهم .تركيا ان شاء الله
مريم من فرحتها نطت في حضن ادهم وباسته من خده
ادهم مقدرش يمسك نفسه حب سنين بين ايده باس مريم بحنيه وهمس في ودنها بكلام خلاها تتوه وتتجاوب معاه
ادهم بهمس حبيبتي انت مستعده انا مش عاوز اعمل حاجه انت مش عوزاها
مريم تايهه وشبه مغيبه وادهم بدا يبث كل الحب والشوق والحنيه لمريم وكان في قمه الرقه معاها وهي كانت شبه البومبوني الي بيدوب وبعد فتره تم اثبات ملكيه ادهم لقلب مريم واصبحت زوجته قولا وفعلا
وادهم من سعادته وفرحته واخد مريم كلها جوه حضنه
كانها طفله خايف عليها
ومريم كانت في قمه السعاده والحب والكسوف
وكانت متخيله ان بدايه حياتها مع ادهم هتبقي غايه في الصعوبه بس الحب يصنع المعجزات...........
.............
............
مراد ومليكه
مراد قاعد علي نار وعمال يفرك
مليكه صحيت .مالك يا مراد مش علي بعضك ليه
مراد شاف مليكه وهي بتفرك في عنيها شبه الاطفال اتجنن وقام واخدها في حضنه وفضل يبوس كل شبر في وشها
ومليكه كانت بتموت من الكسوف ومش عارفه توقفه ازاي هو الحب باين في عينه
وهي خايفه وقلقانه من الي هيحصل
مليكه .مراد ماما كلمتني الصبح وانت نايم
مراد .وهو واخدها في حضنه .اه وبعدين
مليكه .فضلت تسالني علي حجات غريبه مفهمتهاش
مراد اتعدل وانت قلتلها ايه
مليكه معرفتش ارد فقلتها زي ما انت قلت ان كله تمام
وان احنا مبسوطين
مراد باسها من خدها شاطره يا قلبي
مليكه بكسوف .بس هي سالتني عن حجات مفهمتهاش
مراد بخبث .طيب يا قلبي ايه الي انت مش فهماه وانا افهمهولك
مليكه فضلت تسال مراد علي حجات تخص العلاقه بنهم
ومراد كان فرحان بحببته انها ورقه بيضه هو هيرسمها براحته وفعلا جاوبلها علي كل اسالتها بوضوح
وهي كانت مكسوفه جدا بس مع تجاوب مراد فكت شويه وبعد فتره قامو يجهزو للسفر الي باريس
........ .
.........
عادل ونور
نور صحيت ملاقتش عادل جنبها
نور بقلق هو راح فين ده هرب ولا ايه
عادل .بضحك لا مهربتش انا وانت لحد الاعدام ان شاء الله
نور .الملافظ سعد
عادل . سعد مات في الحرب احبك وانت بلدي يا بلدي
ونط جنبها علي السرير ليبدا جوله من الحب قبل التجهير للسفر الي اقنع نور انهم هيقضو شهر العسل في المزرعه في المنصوره ونور وافقت بعد اقناع طويل
ومناقشات طول الليل وكل ما تزعل عادل يقنعها بطريقته الخاصه التي لا تقاوم
وبعد فتره طويله قامو صلو وفطرو وجهزو حجاتهم للسفر
بس كل الشباب علي الساعه اتنين اتجمعو تحت في الكافيه علي ما البنات تجهز ويطلعو يخدوهم
عادل بضحك
مبروك يا شباب
واضح عليكم ان راس مصر من كتر الرافعه بقت زرافه
الكل .تلامذتك يا بوص
وفضلو يتكلمو شويه ويهزرو لحد ما البنات رنت عليهم وكل واحد طلع اخد مراته وانطلقو الي المطار فجميع الرحلات علي اختلاف الوجهه في وقت متقارب
ماعدا عادل الي طلب شاهين يجي بالعربيه ياخدهم للمزرعه وبعد كده يرجع هو ويسيب العربيه لعادل يمكن يحتاجها
الشباب وصلو المطار وكل عريس اخد طيارته انطلاقا لشهر عسل لعله يدوم طول العمر .........
..........................
في القصر
كل ام اتصلت علي بنتها اطمنت عليها واتاكدو انهم هيسفرو كمان شويه لشهر العسل
والحياه في القصر كانت كلها سعاده علي كل الي فيه
بفرح الاولاد والاحفاد ودعوه لباقي الشباب بالاستقرار والحب
في قصر جلال خصوصا
جلال واخد شهد في حضنه الي طايره من الفرح
جلال بحده مصطنعه .اتاخرت ليه يا دكتور مش قلت هتيجو الصبح
زين . باستهبال ماحنا الصبح اهو
جلال .وحيات ابوك ماشي بتلعب عليا
زين .متفكها يا جلجل مراتي وكنت بدلعها
علي .جه من وراه ارزقنا يارب وراح علي اخته وغمز لها دلعك ياختي
شهد بفرحه .اخر دلع
زين الله اكبر غلطش في حاجه ظهر الحق
جلال بحده شويه .فرحانه يختي
شهد سكتت ........
جلال اخدها تاني في حضنه وغمز لها وقال بحنيه وهو ده الي يهمني فرحه شهدي
علي .لا بت يا شهد انت سرك باتع
شهد بتعجب ليه
انت خليتي جلال باشا واحد تاني خالص
شهد باسته من خده بابتي حبيبي
ربنا يادرنا علي فعل الخير
زين .بغيظ لما شهد باست جلال
ماشي هقوم انا اروح واسبكم تحبو في بعض
وهفوت عليكي بكره اخدك معايا المستشفي علشان التدريب
شهد بكسوف حاضر
وفضل شهد وزين متنحين لبعض
علي بصوت عالي .وهو بيوجه نظره ناحيتهم الاتنين
مالسه بدري يا دكتره اقعد اتعشا معانا كلها ساعتين والعشا ينزل
شهد ضحكت بكسوف
زين .احم لا هستاذن انا
وفعلا سابهم وخرج
وجلال وعلي عمالين يضحكو علي حال زين الي اتشقلب وبقي واحد تاني علي ايد شهد جلال المهدي
يا ترا المستقبل مخبي ايه تاني ...............
Dida
اللهم صلي علي سيدنا محمد في الاوليين والاخرين
سبحان الله وبحمده سبحان الله العظيم
الشهد والدموع هديى احمد
الفصل ٢٨
وانهارده يكون عدا شهر علي حبايبنا
نقول احداث سريعه كده
الاجداد رجعو تاني البلد بعد ما اطمنو علي احفادهم واولادهم
وحامد وعاصم واحمد وابراهيم وايمن وعلي ومازن وجاسر وحسام مسكين الشركه والمصانع والمشروعات الجديده بايد من حديد وكل فتره اتنين يسافرو يطمنو علي الفروع الي في الخارج
زين هو الي ماسك اداره المستشفي لوحده
بس عايش هو وجلال في نقار متواصل والسبب طبعا معروف الدكتوره شهد جلال
جلال ماسك المكتب بدل عادل
حمزه طلع كام مهمه كانو سهلين بس حاسس ان في حاجه نقصاه وطبعا الي ناقص نصه التاني ادهم وكان في مهمه منهم حصل معاه موقف هنعرفه بعدين
خالد التزم بحياته ودراسته وبعد عن الطريق الي كان فيه وسعات بينزل الشركه معاهم
شهد عايشه اجمل ايام عمرها ما بين جلال وحنانه وحبه وبيعمل كل حاجه لها من قبل ما تطلبها ولو طال يقعدها قدامه يبص لها بس
وبين حنان الاخ والسند الي عمرها ماحست بيه وكانت بتتمني تدوق طعمه
وبين زين وجنونه معاها وجنانه قصاد جلال وكل شويه جلال يطرده بس زين من بنها ولا كان حد بيكلمه
زين بيفوت علي شهد يوميا وياخدها معاه المستشفي وتفضل مرافقاه لحد ما يرجعو القصر تاني
وده مدايق بعض الحاقدين في المستشفي وبيعملو كل حاجه علشان الضحكه تتغير وتبقي دموووووع
......................
عند ادهم ومريم
ادهموحاول بكل الطرق انه يعوض مريم وفعلا قبل ما مريم تطلب كا ن ادهم بينفذ وغير فكره مريم تماما
ومريم بقت جريئه نوعا ما وبدات تستمتع بحياتها وتستمتع بحنيه ادهم والامان الي بتحس بيه
كان طول النهار فسح وخروج وهدايا ومريم منطلقه وادهم عاش معاها الجنون والحب وبليل يحتفلو بطريقتهم ومريم تفضل تتكلم وتحكي لادهم وهو بيسمع بسعاده وكان بيحكلها عن مغامراته بطلب منها وكان ده بيخليها هتتجنن اكتر عليه كانها اتجوزت بطل خارق
وادهم في قمه السعاده لانه حس انه امتلك قلب الجوهره
ومريم طايره من الفرح لانها امتلكت قلب الصقر
كانو كل فتره يكلمو العيله يطمنو عليهم
وخلاص الشهر عدا والاجازه خلصت وهيرجعو بكره علي القاهره
...........................
عند هنا وعمر
دول بقا عيشين الحياه بهدوء في حب ورومانسيه والقليل من الجنون بس هدوء ورقه هنا مجننه عمر
وعمر عايش الدور وبيستغل سزاجتها احسن استغلال
كل شويه يزعل ويخلي هنا تصالحه
بس ابتكر طريقه جديده
وكانت عباره عن طقم نوم لا تعليق عليه هو الي يختارو لها ولازم تلبسه علشان تصالحه
وهي غلبانه مش عاوزه يزعل وفلازم تصالحه
مكار الواد ده وكل مره ينبهر بجمالها اكتر ويدوب في رقتها وبعد يوم خروج وفسح ياتي الليل بسكونه علي العشاق
وكان احلا شهر عليهم الاتنين ومر بسعاده
وهنا كل فتره تكلم مامتها تطمنها وتحكلها علي خروجاتهم وحب عمر ليها وحنيته والسعاده الي هي عيشاها ............
وخلاص بكره موعد العوده للقاهره
................................
عند يوسف وحنين
حنين مجننه يوسف بافعالها وحركاتها وسعات تحسها طفله عندها عشر سنين وسعات تبقي عندها اربعين سنه
يوسف فاضل برج في دماغه وحنين هطيره قريب
والحياه ماشيه كلها حب وجنون وعشق وفرح و في يوم حنين سمعت يوسف بيكلم مريضه عنده
وحنين بتغير علي يوسف جدا خصوصا ان في يوم فون يوسف رن وكانت واحده من المرضي بتوعه وحنين صممت ان يوسف يفتح الاسبيكر
بس طبعا يوسف رفض
وهي زعلت بس ركزت معاه في الكلام وسمعت كلام يوسف الجريئ من وجهه نظرها ووشها جاب الوان
وبعد ما يوسف قفل المكالمه بص لها لقاها فاتحه بوقها علي الاخر ومتنحه ومبتردش
يوسف عجبه شكلها وراح مصورها وهي هنا اتخضت
وفاقت من الي هي فيه
حنين بزعيق بسيط .انت قليل الادب ايه الكلام الي انت قلته دا
يوسف .كشر حواجبه وبصلها بحده انت بتزعقي كمان وبتقوليلي قليل الادب ....
حنين .اه قليل الادب انت مسمعتش كلامك
يوسف .اتعدلي يا حنين بدل ما اعدلك
حنين .انا معدوله يا دكتر وانت بقا كل المرضي بتوعك بييسالوك كدا وانت تجاوب عادي وبالجراءه دي
يوسف .كان هيتعصب عليها بس مسك نفسه
يوسف بهدوء ده شغلي يا حنين ولازم تتعودي علي كده
حنين ..بس.........
يوسف بزعل خفيف .مبسش ومش عاوز اسمع كلمه زياده والكلام الي انت قلتيه دلوقتي لازم تتعاقبي عليه
حنين بضيق .اتعاقب ليه عيله ولا عيله ناقص تضربني كمان
يوسف بخبث .انا مش هضربك انا هعاملك زي العيال
حنين .نعم انت اتجنت
يوسف انا بقا هوريكي الجنان الي علي اصوله وراح فجاه ماسكها من وسطها ومنيمها علي رجليه وضربها علي اسفل ظهرها جامد
حنين .اه انت بتعمل ايه يا قليل الادب سبني وبترفص جامد
يوسف .ضربها تاني اغلطي اكتر علشان حسابك معايا يتقل وضربها اكتر من مره وهي بتقاوم لحد ما حس ان صوتها بدا يتخنق من العياط
صعبت عليه وقومها واخدها في حضنه وهمس في ودنها انا قليل الادب يا حنين
حنين بعياط وصوت متقطع ...لا ب س ان ت ك لا مك جر يء
يوسف وهو بيطبطب عليها مكان الضرب وبنفس الهمس كنتي قلتي انك غيرانه عليا بدل طوله اللسان ده
حنين بوجع .اسفه بس انت ضربتني جامد
يوسف بخبث وكل ما تغلطي هتتعاقبي كده لحد ما تكبري وتعقلي فاهمه
حنين .حركت راسها بزعل
ويوسف طريقت كلامه وهمسه ونبره صوته في ودنها بتدوبها وتنسيها العالم كله
يوسف واخدها في حضنه وجاي يقعد بيها علي السرير حنين اتالمت جامد وقامت منطوره ووقفت حطت اديها علي مكان الوجع وواقفه تتطنطط
يوسف شكلها جننه وحركتها الطفوليه بتخلي عقله يغيب
قام وقف جري عليها واخد بوسه دابو الاتنين فيها واخدها علي السرير نيمها علي بطنها وراح جاب كريم مسكن ودهن لها بيه مكان الوجع ومع كل لمسه منه هي كانت بدوب
وبعد شويه هدي الوجع وعاشو اجمل قصه حب وكانت مسك الختام لاخر ليله من ليالي شهر العسل
ومن ساعتها ويوسف بيتمني حنين تغلط علشان يعاقبها
وهي ما شاء الله الغلط عندها بالكيلو ..........
نسيب العرسان شويه
ونروح عند جلال في فلته
زين واقف في نص الفلا .وبينادي بصوت عالي
شهد .شهودي .شهد مكرر.......
يخرج جلال ويديله علي قفاه فجاه
زين يحط ايده علي راسه تسلم ايدك يا معلم
ويبص لجلال بس ليه يعني دا انا بحبك وبحب بنتك
جلال بضيق مانت حلوف ومبتحسش وجبله يابني انا مش عارف اعمل فيك ايه
ليلي وابراهيم داخلين من بره
ابراهيم .متخف عالواد شويه ليطفش يا جلال
جلال .يارب يطفش ده مبيحسش
ليلي .ليه كده يا ابو شهد هو في حد يطول راجل زي زين يحب بنته
زين يسلم بؤك سا سكر وبعت لها بوسه في الهوا
ابراهيم مسك زين من قفاه .والله هتغابه عليك لم نفسك وخلي يومك يعدي
ليلي هتموت من الضحك ........
شهد نزلت وسلمت علي الي موجودين
وراحت علي ليلي سلمت عليها واستاذنت بباها انها هتفوت تطمن علي سميره
وفعلا زين وشهد راحو لسميره واطمنو عليها وركبو العربيه وماشيين
شهد عماله تضحك علي زين الي متعصب
زين .بطلي ضحك بدل ما اطلع الي ابوكي بيعملو علي جتتك
شهد وانا مالي يا لمبي انت وعمك حريين مع بعض
زين .ماشي براحتك بس نتجوز وتبقي في بيتي ويبقي جلال يوريني هيعمل ايه
شهد .يا حمش
زين .بضحك طبعا حمش امال ايه
ووصلو المستشفي تحت عيون كل الي شغالين فيها في منهم الي فرحانين وفي الي نفسه يكون مكانهم
وفي عيون كره وحقد متبعاهم وبتتمنالهم الاذي
هنشوفهم بعدين
في مكتب زين قاعد هو وشهد بيفطرو ويشربو الشاي قبل بدايه الشغل
وشهد عماله تضحك عليه وهو بياكلها شبه البط
وخلصو وقامو علي شغلهم لان زين هو الي شايل الشغل كله ............
في مكتب د عدي قاعد سرحان وباصص في الفون بتاعه ومش قادر يشيل عينه من علي الفون ........
تدخل عليه مروه وهي متنرفزه .....
مروه .انا خلاص هطق مش عارفه عاجبو فيها ايه الي لابسه شوال ومش باين منها حاجه دي
عدي .انتبه علي كلامها وانت مالك واحد ومراته
ليه مزعله نفسك
مروه .متغظنيش انت كمان وزي ما انا عاوزه افرق بينهم انت كمان عاوز ولا ايه
عدي بغل .اه ياما نفسي اشوف زين ده مزلول قدامي
انا اشطر منه ميت مره وفي الاخر انا الي بشتغل عنده
مروه .ههههههه لا ده انت معبي علي الاخر بس طالما مصلحتنا واحده لازم نحط ايدينا في ايد بعض ......
عدي وانا معاكي اي حاجه تفرق بينهم انا معاكي
مروه بغل .اوك ان شاء الله هيقعو قريب اوي
عدي .ايه البصه دي انا خفت
ومروه سابته وخرجت وهو فضل باصص علي الصوره الي في الفون ...
يا ترا الصوره دي صوره مين ووصلت له ازاي
عدي لنفسه بغل واضح .قريب قوي هتبقي بتاعتي انا سواء برضا او بالغصب
ونسيبه مع شره .................
.................................
اما عند مراد ومليكه
مراد بعد ما وصلو الفندق بيومين
صحي الصبح خرج يكلم العيله واتاخر بره ورجع علي الضهر
مراد رجع وجايب هدايا لمليكه وشوكلاته وورد واول ما دخل اتخض وكل الي كان في ايده وقع علي الارض
مليكه اتخضت وبصت عليه وقامت مفزوعه مالك يا مراد وانت فين من الصبح قلقت عليك لما اتاخرت
مراد واقف متنح .انت كنتي بتعملي ايه دلوقني
مليكه .ايه يا مراد مالك كنت بصلي الضهر
مراد .كنتي بتصلي يعني انت دلوقتي بتصلي
مليكه باستغراب .مالك يا حبيبي هو في حاجه غلط
مراد .قام فجاه اخدها في حضنه وشالها من علي الارض وراح منيمها علي السرير وبدا يبوس فيها
وقلعها اسدال الصلاه وبدا يعيشها الحب كما يجب ان يكون وهمس في ودنها هو انت قلبي بتعملي حاجه غلط انت صح بس لكن الغلط انا الي هعملو معاكي دلوقتي
وبدا مراد يعيش مع مليكه لحظات عشق كان مستنيها علي نار وكان عايش في عذاب ان حلم عمره بين ايده ومش قادر يقرب له بس هي دلوقتي بين ايده
ومليكه بدات تدوب وسط لمساته وحنيته وبقت تحت ايده شبه العروسه بيعمل فيها الي هو عاوزه وبعد فتره طويله من الشوق والحب والعشق و.......
تم نقل ملكيه مليكه لمراد وتصبح ملكه قلبه قولا وفعلا
مليكه قاعده في حضن مراد بتعيط وهو واخدها في حضنه وبيبوس فيها برقه وبيحاول يهديها وهي عماله تعيط
مراد .مليكه يا قلبي انت تعبانه
مليكه .شويه وبتعيط مش اوي
مراد .امال مالك يا قلبي
مليكه بعياط .انت ضحكت عليا ومفهمتنيش ان هيحصل كده و..............
مراد بضحكه رجوله .عاوزه تقولي اني غفلتك يا قلبي وباسها من خدها
مليكه .اه انت ختني علي خوانه اصلا ومكنتش مستعده
مراد .انت ليه يا قلبي محسساني اني اغتصبتك دا انا حتي حنين ورقيق ولا ايه رايك
مليكه .بشبح ابتسامه . انت فظيع علي فكره
مراد بحبث .طب ما تيجي اثبت لكي اني حنين واهو انتي بقيتي خبره ومش هتتغفلي المره دي
مليكه لسه هتتكلم بس هو كان اسرع واخدها في عالم خاص بيهم وعاشو طول الشهر ناقر ونقير وهي بقت بتستمتع بقربه لها ولو غاب شويه بتبقي هتتجنن عليه
بس مراد كان مقضي شهر العسل في الفندق ومكانوش بيخرجو للفسح كتير
وفي يوم
مراد واخد مليكه في حضنه وعمال يبوس فيها
مليكه .مراد انا زهقانه احنا هنا بقالنا اسبوعين مخرجناس غير مرتين بس انا زهقت من القعده في الفندق
مراد .وهو في حد يزهق من الحب يا قلبي
مليكه بجراه باسته من شفايفه خلت جسمه قاد نار
وكملت بسهوكه .لا يا حبي مزهقتش من الحب بس بقول نغير جو ونشتري هدايا للجماعه
وبصراحه عاوزه اتفرج عالبلد واتصور فيها وكل كلمه طالعه منها مراد بيولع اكتر ومركذ مع شفايفها وهي بتتكلم وفجاه هجم عليها لتدفع تمن جراتها الي جننته
وبعد كده ياخدها علي الحمام ياخدو شاور وهي كانت في الاول بترفض وتتكسف لكن مع مراد مفيش مستحيل دلوقتي هي الي بتطلب انه يساعدها في الشور ..........سره باتع مراد ده
وبعد كده اخدها وفسحها واشترو هدايا كتيير واتصورو كتير صور تحفه في اماكن تجنن ومليكه حكمت علي مراد انه يشيلها علي ظهره ويجري بيها وهو فعلا عملها الي هي عوزاه وكانو في قمه السعاده ............
وعاشو الفتره كلها علي نفس المنوال ....
وها قد حان موعد العوده غدا بازن الله
................... .. .........
اما في مزرعه المنصوره كان الوضع مختلف تماما
عادل ونور ثنائي استثنائي بالمعني الحرفي
عادل ونور اول ما وصلو المزرعه
اكرامي وهنيه ودول الي مسولين عن الفلا والجنينه رحبو بيهم جدا واكرامي راح يشوف شغله
هنيه .اهلا وسهلا يالف مرحب الف مبروك وزغريييييط كتير
عادل .اهدي يا هنيه
هنيه .ايه يابيه فرحانه بيك وبالعسل الي جنبك دي
وراحت تسلم علي نور
نور تسلمي يا هنيه
عادل . هنيا دي يا نور في مقام اختي الكبيره
هنيه .الله يجبر بخطرك يا سي عادل
وميلت علي عادل وقالت ايوه كده اتعدلت اهو وعرفت تختار المرادي بدل كناسه البطن الي شبه خله السنان الي كنت متجوزها
نور سمعه كلامها بس ماسكه نفسها من الضحك
عادل .انا جاي مصدع وانت مبتفصليش يا هنيه
عملتي الي قلتلك عليه
هنيه .كله تمام واكرامي بيظبط الجنينه بره وانتو اطلعو استريحو
واحنا هنخلص ونمشي والاكل جاهز في المطبخ
عادل .تسلم ايدك واستاذن وطلع هو ونور
في الاوضه بتاعتهم
نور باستغراب . مشاء الله انت حنين اوي معاهم وشخصيتك اتغيرت كتير عن القاهره
عادل .انا ماشي بمبدا .خاطبو الناس علي قدر عقولهم
والناس دي كل ما تعمليهم بحب يدوكي حب دي اللغه الوحيده الي بيفهموها
نور .احم ....ماشي
عادل .عاوزه تقولي ايه انا عارف ان جوازنا جه فجاه وملحقتيش تتعرفي عليا
وانا بقولك اهو الي عاوزه تعرفيه اساليني وانا هبقي كتاب مفتوح ...
نور .هو انت جبت طلقتك هنا قبل كده
عادل بسلاسه ووضوح .جبتها بمعنا زياره لا
لكن مره كنت في اسكندريه معاها واتصلو بيا هنا كان في مشكله معينه وحودت عليهم واحنا رجعين القاهره
وهي كانت معايا
نور .اه هو انت طلقتها ليه
عادل .ايه هي اساله برئه ولا تحقيق
نور بزعل مش انت قلتلي اسالي براحتك
عادل بضحكه رجوليه .يا ستي براحتك وعلي العموم احنا اطلقنا علشان كانت طماعه وكدبت عليا
وانا اكتر حاجه اكرها ان حد يخبي عني حاجه وغمز لنور او يكدب عليا
نور .يعني ايه
بصي يا نور انا هقولك كلمتين خوديهم مبدا في حياتنا
لو حاجه تخصك انت لوحدك لازم اعرفها
ولو حاجه تخصني بس لازم تعرفيها
لكن لو في طرف تاني في الموضوع من اهلي او اهلك ومش عاوزه تقولي تمام
عاوزه استشاره انا في الخدمه
وانا فيا طبع للاسف مقدرتش اغيره
لو حد عمل حاجه غلط مهما كانت كبيره لو جه وقلي
ممكن ازعل او اخاصم بس بسامح و مش هجرح
لكن لو عرفتها من بره مهما كانت تافه وصغيره الوجع بيبقي كبير وممكن تزعلي من رد فعلي لانه هيبقي غير متوقع
نور .انت بتخوفني ليه
عادل .يا قلبي انا مش بخوفك بس انا في السوق وليا اعداء وممكن حاجه بسيطه حصلت انت خوفتي تحكيلي عليها تبقي وراها كارثه
نور طب افرض بقا حاجه حصلت وانا مجاش في دماغي احكيها هيبقي ايه الحل
عادل بغمزه .طالما مش متعمده انك تخبي يبقي خلاص ياروحي جلا من لا يسهو
نور .ولسه هتتكلم ...
عادل راح شالها من علي الارض بحركه سريعه
وهمس في ودنها احنا هنقضيها كلام ولا ايه يلا في حجات كتير عاوز اعملها
وباسها في خدها بوسه دوبتها واخدها ودخل الحمام ياخدو شور
وعاشو شهر تحفه في المزرعه وعادل جنن نور لانها لقت عادل تاني خالص كانه اتبدل اول ما جه المنصوره
وعادل عارف انها بتحب الحيوانات وده الي خلاها تدخل طب بيطري مش اي مجال تاني
وعادل قلع البدله ولبس الجلابيه وكان شكله يهبل فيها
كان وسيم جدا واتجنن وجنن نور معاه
ونور كانت عاوزه تركب خيل وهو محرمهاش من حاجه
وفي يوم وهما يبلفو في المزرعه
الحارس بتاع الخيل جري عليه وقاله ان ريحانه بتولد ومش عارفين يوصلو للدكتور
عادل اتعصب وفضل يشتم فيهم واستحلف لدكتور الغبره الي شغال عندهم
ونور طلبت من عادل انها تروح تشوفها يمكن تقدر تساعدها
وفعلا راحت هي وعادل جر علي الاسطبل وشافت فرسه ايه في الجمال سبحان من صور وفعلا ساعدتها وولدت وجابت مهره شبها بالضبط
وهنا عادل باس نور واخدها في حضنه وقالها انه هيسميها نور علشان تبقي شاهده علي حبهم الي اتولد مع ولادتها هنا في المزرعه
ونور فرحت جدا بحب عادل الي ربنا عوضها بيه عن حياتها الي فاتت
وعدت الايام
وكانو غرقانين في الحب والسعاده وكان كل فتره ياخدها ويخرجو يتفسحو في المنصوره واسكندريه
وفي اخر يوم لهم في المزرعه نور قررت تعمل مفاجاه لعادل
العصر عادل نزل يلف في المزرعه زي كل يوم بس نور قالت له انها عاوزه تنام
وفعلا سابها وخرج ولما رجع فتح باب الفلا ملقاش حد
طلع للاوضه وفتح الباب وهو بينادي
عادل نوووووووووور
واول ما شاف الي قدامه تنح ومعرفش ينطق ورجليه اتثبتت في الارض وبقه مفتوح علي الاخر .....