عند مراد في الشقه بتاعته
دخل هو ومليكه ومراد مضايق جدا ومتعصب من الموقف الي حصل
مليكه ماشيه معاه وخايفه جدا من شكله وعصبيته الي اول مره تشوفها
مراد دخل الاوضه ورمي الشنطه وجاكت البادله واخد شروال بيتي مريح وتشرت نص كم ودخل الحمام ياخد دش من غير ولا كلمه
مليكه بصت عليه بزعل وقلقانه من عدم كلامه
وقعدت علي السرير بقله حيله .تستناه لحد ما يخرج وتفهمه الموقف
مراد اخد دش بارد يهدي بيه النار الي جواه ولبس وخرج بس مفيش تغيير وقف قدام المرايه يسرح شعره
مليكه استجمعت شجاعتها
احم مراد الي حصل انهارده ...... ..
مراد بعصبيه .وكان هو عاوز حد يدوس علي الزرار وقال بصوت عالي جدا لدرجه ان مليكه ندمت انها اتكلمت
ايه يا مدام فهميني الي حصل وازاي الحيوان اتجرا واتكلم معاكي كده
مليكه .مانا وقفته عند حده وضربته
مراد .اه يا مدام مانت شكلك ما شاء الله متعوده وشكل دي مش اول مره
مليكه .مراد منفضلك خد بالك من كلامك ايه الي انت بتقوله ده
مراد بقول ايه يا هانم الي انا شفته ده تفسيره واحد ان الحيوان ده عمل كده بدل المره عشره وانت شكلك كان عجبك الي بيعمله علشان كده اتجرا ومد ايده والله اعلم دي اول مره ولا حصلت قبل كده
مليكه ومقدرتش تتحمل الاهانه من مراد وقالت بوجع وعيون مليانه دموع حاولت متنزلش
لو سمحت احترم الكلام بنا انا مسمحش حد يغلط في اخلاقي
ولو انت مش مطمن ان شرفك محفوظ معايا يا دكتر
وغلط انك اتجوزتني احنا فيها وممكن تصلح الغلط ده
وتطلقني وياريت بسرعه علشان متندمش اكتر من كده
مراد اتعصب من انها واقفه تجادل معاه وبتتحداه ولما قالت كلمه طلاق الدم غلي في عروقه واتعصب اكتر وزقها وقعها علي الكنبه وقال بعصبيه وهو خارج
ايه العيشه الي تطهق دي الواحد زهق وخرج ورزع الباب وراه
مليكه جريت علي الباب وقفلته بالمفتاح
ورجعت قعدت علي السرير وضمت رجليها لصدرها وعماله تعيط بصوت وافتكرت كل كلمه مراد قالها حتي لو مش قاصدها بس كل كلمه كانها كرباج نازل علي جسمها والكلمه من المحب بتدبح مش بتوجع
مليكه فضلت تعيط ومحستش بالوقت ونامن مكنها من التعب ..........
مراد خرج متعصب من كل حاجه من نفسه ومن مليكه ومن الحيوان الي عصبه ونسي كل الكلام الي قاله والكلام الي زي الحجاره الي كسر بيه مليكه ومش فاكر غير لمسه الحيوان لمراته وكلمه مراته وهي بتقول صلح غلطتك وطلقني ............وفضل يلف بالعربيه يمكن يهدي بس مفيش فايده بس سمع الاذان في مسجد قريب دخل اتوضي وصلا وكان المسجد زي زاويه صغيره بس مريح نفسيا وكان خارج بس سمع اتنين بيتكلمه عن درس صغير الامام بيقوله كل يوم بعد الصلاه فقرر يسمعه يمكن مجلس العلم يريح قلبه
وفعلا الامام طلع علي المنبر وقال ان النهارده الدرس هيكون عن الزوجه في الاسلام
(عارف احساس لما تكون قاعد بتفكر في موضوع وتلاقي فجاه حد بيكلمك فيه اوتفكر في مسلسل تلاقيه تاني يوم اشتغل في التليفزيون هو ده الي حصل بالضبط فحس ان ده تذكير من ربنا له )
الامام. بسم الله والصلات والسلام علي اشرف المرسلين
هنتكلم في درسنا انهارده مهم في حياتنا او كل حياتنا تقريبا
الزوجه دي ربنا خلقها علشان السكن والونس
اوع حد يفتكر انك لو دلعت مراتك وقلتلها كلمه حلوه ده يقلل منك ابدا دا بيزود من رجلتك وبتوجر عليه كمان
والعكس بالضبط لو هنتها وزعلتها ليك حساب عند ربنا
واحد منكم ييجي يقولي انا مراتي نكديه ومطلعه عيني
اقول لك انت جربت تعرف السبب جربت تقلها كلمه حلوه في وقت ضعفها جرب كده انها تكون تعبانه في شغل بيتك وعيالك وتدخل المطبخ لها تقولها تعال اشربي معايا كبايه شاي دانا عامل كبايه شاي تعدلك مزاجك ...
من غير ما تقولها شكلك وعيالك ومصاريف و........
وكرر الموضوع ده اكتر من مره
هتلاقيها هي بتحاول تردهالك وهي اكرم منك بكتير
هتلاقي الرد اضعاف
جرب في ايام تعابها ونفسيتها وحشه تقول كلمه حلوه وتتغزل فيها هتلاقيها ولله اتبدلت وفكرالك كل كلمه حلوه وبتردهالك حتي لو بتحكي عنك لاهلها هتلاقيها مخلياك قدامهم ملاك نازل من السما
اوعا تيجي في يوم وتقول في حقها كلمه وحشه قدام حد ولو بهزار لان ده بيكسر في الست اكتر منما تتخيل
لكن انت فكر ايام تعبها الشهري فكر معايا كده هتلاقيق ممكن الاسبوع ده كله مكلمتهاش ولا حتي كلمه واحده
وتيجي تشتكي بعدها انها نكديه ومعككنه عليك
الرسول عليه الصلات والسلام كان احن واحد علي زوجاته وكان بيقعد يتكلم معاهم وياخد رايهم في امور مهمه وكان بيهزر وسعات كانو بيتسابق معاهم كمان
وانت تيجي تقولي انا راجل حمش يا اخي اتلهي واتنيل علي عينك
وتبجي تقولها الملايكه بتلعنك لو انا غضبان عليكي
داانت تتوكس بوكسه دا هي لو الي زعلانه منك الملايكه هتلعنك انت
واوعي في يوم تهنيها بكلامك سواء هنتها بكلمه او فعل
واتاكد ان حتي لو الحياه رجعت بينك وبنها بس هي عمرها ما هتنسي انك غلط فيها
فحاسب علي كلامك معاها وارفقو بيهم بكلمه حسنه
تؤجرون عليها عند الله ولو غلطت عاملها زي بنتك او
افتكر ان اختك مكانها وشوف انت عاوز زوج بنتك او اختك يعاملها ازاي في الموقف ده واتصرف علي الاساس ده .. ............................ وفضل يحكي عن مواقف لرسولنا الكريم مع زوجاته
وكان كلام الامام بسيط ويدخل القلب
ومراد قاعد في ركن المسجد وسامع كل كلمه الامام قالها وكانه الامام بيكلمه هو بس وحس بكميه الجرح الي وجهه لمليكه والاهانه الي وصلهالها من غير ما يحس وحجته انه غضبان ومدايق
(عذر اقبح من ذنب )
وبعد ما الامام خلص مراد خرج من المسجد ومش عارف يصلح العك الي عمله ازاي ...
.........................
في المستشفي
عمر وهنا وحنين طلعين عند يوسف وفعلا دخلو العياده بتاعته وبلغو الممرضه انهم عاوزين يدخلو
بس كان في كشف مع يوسف واول ما خلصت الممرضه دخلت بلغت يوسف الي خرج لهم بنفسه لان دي اول مره تحصل
يوسف خرج وشاف عمر وسلم عليه واخد حنين تحت دراعه وباس علي راسها وسال بتوتر انت كويسه
حنين .الحمد لله يا حبيبي انا زي الفل بس هنا تعبت شويه
يوسف بص لهنا .الف سلامه طيب اتفضلو جوه
في المكتب الكل قعد
ويوسف بعمليه خير الف سلامه يا مدام هنا
عمر .احنا كنا في الجامعه وهنا اغم عليها وجينا هنا الاستقبال وزين كشف عليها واطمن ان الضغط مظبوط
وفوقها وقالنا نطلع ليك
يوسف فهم زين بعتهم ليه
يوسف بعمليه طب تمام انا هطلب المعمل يعمل شويه تحاليل قبل ما نتكلم وان شاء الله خير
هنا بقلق .تحليل دم
عمر حس بقلق هنا وحاول يطمنها
وفعلا يوسف طلب المعمل وجت ممرضه اخدت العينه بعد عذاب من هنا ومنتظرين النتيجه
يوسف حس بحرج هنا وحب يقلل الموضوع شويه
طلب الممرضه وطلب منها تملا الاستماره بتاعه المتابعه ل هنا
وفعلا الممرضه اخدت هنا غرفت الكشف وهنا طلبت حنين معاها وفعلا راحو معاها
والممرضه بدات تاخد من هنا المعلومات الي مطلوبه وقاست لها الضغط والوزن وسجلت كل حاجه في الاستماره ......
عند يوسف طلب قهوه ليه هو وعمر وطلب لحنين وهنا
عصير وخلا الممرضه تدخله
وهنا مكنتش عاوزه بس الممرضه قالت لها ان العصير هيسهل الكشف
يوسف بهزار .والله منورني يا هندسه بس انت طلعت علي زين ولا هو الي شافك
عمر .لا انا لاقيتو في الاستقبال كان مستني ادهم ..
يوسف بقلق وخضه .ادهم خير ايه الي حصل
عمر يا عم متقلقش بيقول ان مريم رجليها اتجزعت وادهم جايبها وجاي
يوسف بسرعه مسك الفون ورن علي ادهم يطمن علي مريم وفعلا ادهم طمنه وقاله انهم علي وصول للمستشفي
يوسف اطمن وقرر انه هيطمن علي هنا وينزلو كلهم لمريم .....
وشويه والتحليل ظهرت وكانت الممرضه خلصت الاستماره وهنا وحنين خرجو ليوسف وعمر
يوسف اخد الاستماره و وتصفحها ومسك التحليل وبص فيه والضحكه ظهرت علي وشه
عمر ايه يا يوسف طمني ..
يوسف اطمن يا بابا .....
عمر بفرحه .بجد يعني هنا حامل وقام حضن هنا مع كسوف هنا وفرح يوسف وحنين
ويوسف طمنهم علي التحاليل وطلب الممرضه تجهز هنا للسونار علشان يطمنو علي البيبي ...
وفعلا هنا دخلت وكانت عاوزه حنين بس حنين رفضت وقالت لها عمر الي لازم يكون معاكي
وفعلا عمر دخل مع هنا ويوسف طمنهم علي البيبي
وكتب لهنا علي مقويات وحقن تثبيت علشان الحمل
يوسف .الفولك ده قرص يوميا بعد الغدا
والحقن دي مرتين في الاسبوع
هنا بخوف .انا مش عاوزه حقن
يوسف للاسف لازم علشان الحمل يثبت لانه لسه في الاول وطبعا ممنوع المجهود الزياده الفتره دي
وبص لعمر .همس له .وانت ريح نفسك وخف في العلاقه علي قد ماتقدر الفتره دي
عمر .احم تمام
تمام هستاكي الشهر الجاي متابعه انت دلوقتي في الاسبوع الخامس يعني بدايه الشهر التاني
ويوسف نزل معاهم لتحت علشان يشوفو مريم والبنات زعلت اوي لما عرفو الي حصل لمريم
...................
تحت في الاستقبال
بعد ما الكل نزل وجدو ان الاسعاف لسه واصله وبينقلو مريم لغرفه الاشاعه في الاستقبال وزين طلب دكتور عظام علشان يتابع مريم
والهام كانت كلمت عصام ويسرا كلمت حامد وماجد كان موجود معاه وكلهم سابو الشركه وراحو علي المستشفي والشباب كانت عاوزه تروح بس حامد منعهم وخصوصا ان عمر وعلي مش موجودين
والهام حاولت تكلم مراد بس الفون بتاعه مغلق كلمت مليكه تسالها علي مراد فمليكه منغير ما تحسسها بحاجه قالتلها انه في الجامعه وقفلت من غير ما تسالها عن سبب انها عاوزه مراد
وبعد شويه الدكتور اطمن علي مريم انه الحمد لله الكسر بسيط ومفيش مضاعفات وقال ان مريم هتفضل في الجبس اسبوعين ونشوف هتكمل فيه بعدها ولا وطبعا منع ان رجليها تلمس الارض وكتب لها علي علاج هتمشي عليه اسبوعين بس الدكتور كتب لها انتيبايوتك ١٠٠٠ كبسول بناء علي رغبتها لانها مش عاوزه حقن وكتب لها برشام مسكن وحقن وقت اللزوم
وبرشام مضاد للالتهبات والتورم ...
وزين اقنع ادهم بالعافيه انهم يقضو الليله هنا في المستشفي وبكره تروح
وهو وافق بصعوبه ...
وبعد ما اطمنو علي مريم عمر فرحهم بخبر حمل هنا ومريم والكل فرحو لها وباركولها
ويسرا وحامد كانو طيريين من السعاده
وعمر وهنا سلمو علي ادهم ومريم واستاذنو اهم هيروحو لاهل هنا يفرحوهم بالخبر
والكل استاذن و روح ما عدا ادهم والهام كانت عاوزه تفضل بس ادهم رفض وزين قلهم ان العلاج هينيمها ومش هتحس بحد .......
............ ............
في مكتب زين
زين بعد ارهاق طول اليوم اول ما دخل المكتب ومسك الفون ورن علي شهد الي كانت نايمه من ساعه ما رجعت
شهد بنوم .الو
زين .شهد حياتي
شهد بنوم ..زيني
زين .ايه نايمه وانا صحيتك
شهد .ولا يهمك انا هلكت انهارده اليوم كان نقصك
بس انا زعلانه منك رنيت عليك كتير علشان تشاركني احداث اليوم ده بس الفون مغلق
زين .بقلق حقك عليا والله اليوم كان طويل ومرهق لدرجت ان الفون فصل وماختش بالي
بس ايه الي حصل مهم كده
شهد بدات تحكي لزين الي حصل بتلتفاصيل
زين كان جواه احاسيس متلخبطه
فرحان وزعلان وقلقان وخايف بس فرحه صوت شهد
حولت كل الاحاسيس الي جواه لفرحه لان قلب حببته مبسوط
وزين شاركها سعادتها وبعد كلام حب كتير بينهم
شهد .حبيبي انت صوتك مرهق اوي كان عندك عمليات كتير
زين .حكالها علي هنا وعمر ومريم وتعبها
زين بخبث .وياعيني مريم محجوزه هنا في المستشفي وممعهاش غير ادهم بس
وشهد فرحت جدا لهنا وصممت انها تروح لمريم ولازم تكون جنبها في تعبها
زين فرح جدا وهو اصلا قالها علشان عارف انها مش هتسيب مريم لوحدها وهتروح تقضي معاه الوقت وخصوصا انه نبطشيه
(مش سهل انت يا زين الرجال )
وزين ما صدق انه هيشوفها وقالها تقول لجلال وتجهز وهو هييجي يا خدها
وهي فعلا نزلت بلغت جلال الي كان متغاظ من زين بس ميقدرش يتاخر علي مريم بس حب يضايق زين
قال لشهد تكلم زين تقوله ان جلال الي هيوصلها علشان يسلم هو علي مريم
وفعلا شهد بلغت زين الي اتغاظ من جلال بس قال هانت ........... وقال في سره والله لهطلعه عليك يا جل جل
وشهد جهزت وجلال اخدها وراح علي المستشفي
......................................... ....
مراد رجع من بره وجواه متلخبط مش عارف يعمل ايه
هو راجع الموقف تاني بنظره اخ واب حس ان مليكه مغلطتش خالص بس هو غلط فيها ومتاكد انه جرحها وان الجرح هياخد كتير علي ما يلم
بس هو هيصالحها باي طريقه وهيخليها تسامحه
مراد طلع يفتح الباب علي مريم بس اتفاجي من الي حصل .......
الشهد والدموع الفصل ٣٢
بقلمي هدير احمد
اللهم انت ربي .خلقتني وانا عبدك وانا علي عهدك ووعدك ما استطعت اعوذ بك من شر ما صنعت وابوء بذنبي فاغفر لي فانه لا يغفر الذنوب الا انت
...................
اللهم صلي علي سيدنا محمد في الاوليين والاخريين
....................
عند مراد في بيته
مراد راجع من بره ومقرر انه لازم يصالح مليكه لانه غلط فيها وجه عليها ولازم تسامحه باي تمن
مراد وصل علي الباب وحاول يفتح الباب بس اتفاجئ انه مقفول من جوه ولسه مراد هيخبط بس الفون بتاعه رن وكانت مامته
مراد حاول يسيطر علي نفسه .احم الو يا ست الكل
الهام .........
مراد بخضه .ايه ومحدش كلمني ليه
الهام ...........
مراد .مليكه قالتلك اني في الكليه اه صح انا لسه راجع اهو
الهام .........
مراد .لا طبعا هروح اطمن عليها بنفسي ...
الهام .......
مراد .الله يسلمك تصبحي علي خير
ومراد خبر تعب مريم صدمه ونسي زعل مليكه منه وانه جاي يصالحها
وقرر يروح الاول يطمن علي مريم وبعد كده يرجع يصالح مليكه وكان معاه بوكيه ورد اشتراه في طريقه لمليكه
بس من صدمته لما عرف ان مريم تعبانه الورد وقع منه علي الارض ومخدش باله انه داس عليه وباظ
وفعلا نزل وركب عربيته وخرج
بس كانت مليكه للاسف واقفه في البلكونه وشافته وهو جاي وحست بفرحه انه راجع يصالحها وكمان معاه الورد الي بتحبه فدخلت تغسل وشها وتزيل اثار البكاء علشان تستقبله
فمهما عمل فمراد عشق مليكه
بس تاتي الرياح بما لا تشتهي السفن
وطال الانتظار ومراد مطلعش ومليكه بدات تقلق
راحت فتحت باب الاوضه وتشوفه بس شافت
محدش موجود وبوكيه الورد مرمي علي الارض وبايظ
وهنا جريت تاني للبلكونه لما سمعت ان عربيته اشتغلت تاني وشافت مراد راكب العربيه وخارج
مليكه حست بكسره يمكن اكتر من كلامه لها
هي اول ما شافته راجع حطت له عذر انه كان مخنوق والموقف دايقه ولما هدي رجع يطيب بخاطرها
بس احلامها كلها انهدمت واطحطمت اول ما شافته خارج من القصر
مليكه بحزن وكسره .ياه يا مراد للدرجه دي مش فارق معاك زعلي للدرجادي هنت عليك وفضلت تعيط بقلب مكسور لان العشم بيزيد في الحبيب ولما العشم بيبقي في غير محله بيوجع زياده ....... وبيجرح اوي
والي كسر مليكه اكتر لما شافت الورد الي في الارض
وهنا مليكه بقت علي اعتاب الانهيار ومقدرتش تستحمل والف فكره جت في بالها وبعد ما تعبت وموصلتش لسبب يبرر لمراد الي عمله
دخلت تنام علشان متواجهش مراد لان هي في قمه ضعفها وكسرتها
واي كلمه منه هتزود الوجع مهما كانت اسبابه الي تخليه يتجاهلها ويجرحها كده
وبعد ماكان هيصالحها يرجع في كلامه ويرمي هديتها بالشكل المهين ده
.....................................
في المستشفي .
في غرفت عدي
مروه .ها ايه رايك في الي انا قلته
عدي .بتفكير .بصي هو تفكير شيطاني بس اشمعنا انهارده
مروه .بسهوله لان مراد ويوسف مش موجودين
مراد اجازه ويوسف مشي من شويه
وكمان .الزفت شهد مش موجوده اجازتها انهارده
وزين نبطشيه لوحده وده مش بيتكرر كتير
عدي ..طيب تمام هتحطيله الحبوب ازاي
مروه ..دي سهله انت متشغلش بالك انا هتصرف بحيث منظهرش في الصوره خالص
عدي طيب لحد هنا كويس اوي
طيب .وبعدين
مروه .هفهمك بس مش دلوقتي واحنا مروحيين
وفعلا نفذو الخطه وحطو لزين الحبوب ...... .
وعلي ااساعه ٥ كل الاطباء الي مش نبطشيه روحو
والباقي الي عنده نبطشيه بس الي موجود
...................................
في عرفه مريم
ادهم قاعد علي الكرسي الي جنب السرير الي مريم نايمه عليه
مريم لابسه دريس طويل لونه ابيض في زهري ولافه حجاب ابيض كانت ملاك وسانده ضهرها علي المخدات الي ادهم حاططهم وراها ورجليها في الجبس ورفعاها علي مخده .وباصه ناحيه ادهم
ادهم قرب الكرسي للسرير وقاعد ماسك ايد مريم وبيبوسها
ادهم بحنيه .الف سلامه عليكي يا نور عيوني
ياريت كنت انا وانت لا
مريم بسرعه بعد الشر عليك يا حبيبي
ادهم خايفه عليا
مريم لو مش هخاف عليكي هخاف علي مين
ادهم .انت مش عارفه انا حسيت بايه لما شفتك واقعه علي الارض
مريم .اتخضيت عليا
ادهم .اتخضيت ! دي كلمه صفر علي الشمال من الي انا حسيت بيه
انا قلبي وقف عن الخفقان لان انت دقاته يا مريم
انا شفت مواقف اصعب من كده بكتير وابشع الف مره
بس انت حاجه تانيه برجع معاكي طفل خايف علي امه
انا كنت زي الي ماسك سكينه بتقطع في جسمي وانت بتتوجعي وانا مش عارف اعملك ايه
مريم انت الوجع الي بتحسيه انا بحسه اكتر اضعاف
انت لو شوكه دخلت في صبعك كان رصاصه جت في قلبي
انت الهوا الي عايش بيه يا مريم
مريم .بكسوف انا مش متخيله ان الكلام ده منك ليا يا ادهم يا ده كرم ربنا كبييير يارتني كنت وقعت من زمان علشان اشوف نظرت الحب الي في عيونك دي
مريم انت مش متخيل انا دعيت اد ايه في صلاتي انك بس تبصلي بصه كويسه اني اسمع منك كلمه شكر حتي لو بقدملك القهوه يااااااااه
ادهم باس ايدها تاني وقرب عليها وهمس في ودنها
حقك عليا والله مش هتسمعي مني الي يفرح قلبك
وهعوضك عن كل حاجه اتعشمتي فيا ومحصلتش
انت احسن حاجه حصلتلي في حياتي اقولك علي سر
مريم قول سمعاك
ادهم .باس ايديها بحب انت الي كنت بهون علي نفسي بيها وانا في اي مهمه لما افكر فيكي
وكل ما المهمه تصعب وتقفل افتكرك واحارب واعمل المستحيل علشان اخلصها وارجعلك تاني
بس كان عقلي غايب والحمد لله ربنا هداه وهيغرقك حب وعشق وشوق بس وباسها بوسه وكل الشوق الي جواه خرج فيها ومريم كانت دابت بين ايده
ادهم معرفش يبعد عن مريم
مريم بقت عامله زي الهروين لادهم ادمان مش قادر يبعد عنه
بس الباب بتاع الغرفه خبط وادهم اضطر يبعد عن مريم الي بقت شبه الطماطم والنفس بتعها مش منتظم
بس ادهم سيطر علي نفسه بسرعه واذن للي علي الباب بالدخول
وكان مراد وزين
ومراد جري علي مريم بلهفه يطمن عليها ...
مراد .الف سلامه عليكي يا قلبي انشالله الي في بالي
وبص لادهم
مريم بكسوف .بعد الشر
ادهم بضحك وبلهجه لبناني .يسلملي هالقلب وغمز بعينه وتسلملي هالعيون
وبعت لها بوسه عالهوا
مراد بشك .انما انت وشك احمر ليه يا مريم لتكوني سخنه او تعبانه
مريم .شرقت وفضلت تكح وادهم جبلها مايه وشربها وهمس في ودنها اخوكي ده عديم الاحساس ومتبلد المشاعر .......
مريم .بهمس . حرام عليك مراد ده عسل
ادهم بغيظ عسل هجيب لك معلقه منه ولا هجبلك النحل يقرص في لسانك لو متظبطيش
مراد بخنقه . ايه كل ده وشوشه مشبعتوش ...
ادهم بغيظ الله اما طولك يا روح وبص لزين متقول حاجه للحلوف ده ......
زين بصوت هادي الحلوف ده لولا انا كنت معاه كان فتح عليك الباب من غير ما يخبط هههههههههه
انا الي منعته
كنت زمانك ممسوك متلبس ههههههه
ادهم .كان عملها كده وانا كنت خليته يرقد علي السرير في الاوضه الي جنب اخته شهر علي الاقل ههههههههههه
مراد .ايه هو انت لاما بتتوشوش مع مريم لاما زين
اعتق شويه
ادهم بغيظ .ولا انت مش اطمنت علي اختك يلا روح شوف وراك ايه وبطل قرف
مراد .لا مش هسيب اختي لوحدها
ادهم .لوحدها مين يا دكتور الغفله انت هو انا هوا قدامك
مراد .هقعد معاك ...
ادهم .واحد ومراته انت ايش حشرك بنهم
مريم بتتفرج عليهم باستمتاع .بس فونها رن و كانت شهد فردت بسرعه
مريم حبيبتي
شهد ............
مريم . الحمد لله انا كويسه والله
شهد ............
مريم .طيب تمام
زين شهد مالها
مريم مفيش بتقول جايه علي هنا
ادهم .مرحتش جبتها ليه يا زين
زين .والنبي سيب زين في حاله
مراد بضحك .شكل جلال عامل الصح
زين بضيق باين . عامل الصح وزياده حبتين
ادهم بضحكه دوبت مريم الي منزلتش عنها من عليه
وهو ملاحظ وعاجبه نظرتها له
ده شكل جلال عامل معاك الصح والغلط بجد مش كلام
داانت معبي من جلال
وهنا الباب اتفتح فجاه ودخل جلال
بتجيبو في سرتي ليه يا حيوان منك ليه
زين .يا رتنا افتكرنا مليون جنيه
جلال وضربه علي كتفه بهزار انا احسن من المليون ولا ايه رايك
زين .وانا هقدر اتكلم اصلا
وزين بيتكلم وهو عينه علي شهد الي خلت قلبه طلع من مكانه من اول ما نظره جه عليها
شهد وجلال اطمنو علي مريم وقعدو معاها شويه
وجلال كان عاوز ياخد شهد تروح معاه وده دايق زين جدا .... بس مقدش يتكلم
ادهم .معلش يا عمي هستاذنك شهد تبات مع مريم لو ده مش هيدايقك علشان حمزه جايب اوراق مهمه ليه وهنسهر عليها لان عاوزنها ضروري بكره ....
جلال ملقاش حجه .اه طبعا مريم تؤمر واحنا منقدرش نتاخر عليها ويارب تقوم بالسلامه
وجلال سلم علي شهد ومريم واخد مراد ومشيو وهو هيفرقع من ادهم وزين
جلال بعد ما خرج كلم حمزه علشان يتاكد من كلام ادهم وفعلا حمزه اكدله انه هيجيب ورق مهم لادهم
عوزينه في الشغل ضروري
ادهم بيكلم زين ايه رايك ردتلك الجدعنه بتاعه اارصاصه
زين .تسلم يا وحش هاخد مراتي وهفضيلك الجو
ولو احتجتو حاجه رن عليا
ادهم .مش هلحق الساعه دلوقتي ٦.٥ وحمزه جاي علي ٧.٥
زين .هو جاي بجد
ادهم .ايوه طبعا هو انت حماك سهل زمانه كلمه واتاكد
زين المهم يادوبك اسيبك مع مراتك قبل ما حمزه ييجي وابقي سلملي عليه ......وغمز لادهم واخد شهد ومشي من غير ما يتكلم ..........
......................................
في العربيه عد عدي ومروه
عدي كان بيوصلها لما طلبت منه لانها طلبت من السواق بتاعها يروح هو
عدي .انا مش فاهم احنا دلوقتي روحنا هنعرف الي حصل ولا هنستفاد ازاي
مروه .اهدي معايا كده وانا هفهمك
عدي .ياريت
مروه بص الحبوب بتبدا تاثرها كمان تلت او اربع ساعات
وانا وانت المفروض نكون روحنا لاننا مش نبطشيه
وانا اتفقت مع واحد من الصحافه الصفره جبت رقمه وكلمته من رقم غريب وقلتله لو عاوز سبق صحفي تعالا المستشفي الساعه ٦ علشان يحضر الحدث من الاول
وفهمته اللي هيحصل والمفروض يكون موجود فين
عدي وبعدين
مروه .ولا قبلين سيب الباقي علي الحبوب والصحافه ولا من شاف ولا من دري ....
عدي باعجاب تسلم الدماغ المتكلفه ان كيدهن عظيم
.................................
عند هنا وعمر
راجعيين من عند اهل هنا طيررين من السعاده
وهنا اهلها فرحو جدا بخبر حمل هنا ومحسن قام من فرحته مش عارف يعمل ايه قام بدموع واخد هنا بالحضن وداخ بيها وهنا فريده مامتها زعقت
فريده .براحه علي البنت دي لسه في الاول
محسن باس هنا وسابها وراح واخد عمر بالحضن
والكل كان مبسوط وفريده ومحسن كلمو يسرا وحامد وبركلهم والكل كان سعيد ومبسوط
هنا .دخلت اخدت دش وغيرت وخرجت لقت عمر خلص صلاه وبيلم السجاده
هنا باستغراب .تقبل الله بس انت بتصلي ايه
انت مش صليت العشا مع بابا في المسجد
عمر .راح اخد هنا في حضنه وباس خدها وهمس جنب ودنها
عمر بحب . بحبك يا هنايا يا سعدي يا ام عيالي
انا كنت بصلي و بشكر ربنا عليكي انتي يا اجمل نعمه في حياتي
كنت بشكر ربنا عشان ربنا يديمك في حياتي
ويبارك لنا في حياتنا وفي البيبي الي جاي
هنا .تسلملي انت هديه من ربنا ليا انا الي المفروض اشكر ربنا ليل ونهار عليك
هنا .مقولتليش عاوز بنت ولا ولد
عمر .نفسي في بنوته تكون شبهك بس مش عارف هحبها ايه تاني وانا دايب في امها ........
هنا ركذت في عمر وهو بيتكلم وسرحت فيه والصوت انفصل عن الشكل
هنا بجراه واغراء لاول مره .عمر
عمر .سكت باستغراب .عيوني
هنا . بوسني
عمر تنح . وفاتح بقه من المفاجاه .ها
هنا . ايه عاوزه بوسه ايه الغريب في كده
هنا بضحك وصوت عالي .بوسني يلا عاوزه بوووووووسه
عمر ......................... نسيب عمر في صدمته
ربنا يسهل لهم الحال
................... ............
في المستشفي في مكتب زين
واخد شهد في ايده ولما وصل المكتب سمح للممرضه تروح ترتاح ولو في حاجه الاستقبال هيستدعيه
واللممرضه كانت تعبانه جدا فمصدقت ومشيت
زين دخل هو وشهد واول ما دخل
قفل الباب ولف شهد له ورفع لها النقاب
واخدها في نظره طويله تاهت العيون فيها كل واحد
داب في التاتي
زين .اخد شهد في حضنه واخد بوسه طويله
وشهد استسلمت لزين وتاهت معاه
زين .وحشتيني
شهد .بتوهان حاولت تسيطر علي نفسها
لو سمحت ابعد يا زين
زين وهو بيبوس خدها مش قادر وحشتيني طول اليوم بعيده عني وهموت عليكي
شهد بدات تتوتر ونفسها يعلي لو سمحت يا زين بلاش كده
زين حس بشهد وانها بدات دقات قلبها تزيد من التوتر والقلق فاتمالك نفسه وبعد شويه
زين بهزار . ايه يا شهد بتستغلي ضعفي وعاوزه تستغليني وبصوت دلع شويه وبيمثل حركات كان شهد هي الي بتستدرجه ...
بقلمي هدير احمد
شهد بضحكه عاليه مقدرتش تسيطر عليها
زين .يارب صبرنا يا رب طيب انا بعد الضحكه دي مش المفروض اروح اهدد ابوكي واعمل الفرح غصب عنه
شهد .الصبر هانت
زين .هو في في ايدي حاجه غير الصبر
شهد . بدلع ربنا يصبرك يا زيني
زين .اخد شهد وقعدو علي الركنه الي في المكتب وراح للتلاجه الصغيره الي في المكتب وجاب عصير الي شهد بتحبه وجاب شكولاته لها وحطهم قدامهم
وفضل يحب في شهد ويحكلها عن يومه وهي تحكيله
وشهد بتحكيله ونايمه علي كتفه .....
فجاه زين بدا يعرق وجسمه يسخن ونفسه يعلا وحس بحجات غريبه اول مره يحسها بس هو كدكتور فهم ايه بيحصل ...
شهد .بخضه .زين مالك يا حبيبي انت كويس
زين بتعب .شهد قومي اخرجي وابعتيلي ادهم واقفلي الباب بالمفتاح من بره
شهد بخوف .زين انت كويس لايمكن اسيبك في الحاله دي
وانت تعبان كدا
زين بزعيق جامد وتعب بيزيد ونفسه بيعلا اعملي الي بقولك عليه اخلصييي
شهد اتخضت وخافت من نبرت صوته وفعلا نفذت كلامه
وخرجت وقفلت الباب بالمفتاح وجريت علي اوضه مريم
شهد اول ما دخلت راحت علي ادهم وكان حمزه معاه قاعدين جنب الاوضه بتاعه مريم
في الركنه الي في الرسبشن الي ملحق بالاوضه بعد ما ادهم اطمن علي مريم انها نامت بعد الدوا
ادهم وحمزه اتخضو من شكل شهد لما دخلت فجاه
شهد بخوف و فزع .الحقو زين بسرعه مش عارفه ماله
ادهم وحمزه وشهد جريو علي مكتب زين من غير ما تكمل كلامها .....
واول ما فتحو الباب انصدمو من الي شافوه ........