رواية لنا موعد اخر الفصل السادس والعشرون26 بقلم لولا
وعلي بص لحبيبه بس كانت غير عادتها مش بصاله خالص وبتمثل التجاهل وهي من جواها مرعوبه وبتدعي ربنا وعلي دموعه نزلت بندم ووجع من عدم لهفتها عليه زي كل مره
وقطع تقكيره دخول القاضي وقعد مكانه وكلهم بصوله وهما مرعوبين وقلبهم بيدق بعنف
فتابع القاضي : بعد الاطلاع على الدليل وسماع المرافعه قررت المحكمه باجماع الاراء ببراءه المتهم علي قاسم الجارحي
فعلي اتفاجئ بشده ودموعه نزلت بغزاره بفرح شديد وحبيبه غمضت عينيها وفضلت تعيط بفرح وهي مش مصدقه وحطت ايديها على بوقهاا من الذهول
فعلي سجد على الارض وتابع بدموع فرح ولهفه: الحمدلله يااارب الف حمد وشكرر ليك ياااارب ودموعه زادت وتابع اللهم لك الحمد كما ينبغي لجلال وجهك وعظيم سلطااانك
فحبيبه بصتله وهو ساجد وفضلت تعيط بفرحه وتابعت الحمدلله يارب وعيطت اكتر وتابعت الف حمد وشكر ليك ياارب
وجيه الامين ابتسم وتابع لعلي يلا تعالى علشان تترحل وتخلص ورقك
علي بفرح حااضر حالا وقام بص لحبيبه كان امجد رايح يقف معاها وبيبتسم فتابع بصوت مسموع حبيبه تعالي وراياا
فحبيبه بصتله وهزت راسها بماشي وعلي بالفعل طلع مع الامين وبمجرد طلوع علي حبيبه فضلت تزغررط بكل قوتها وهي دموعها عماله تزيد فامجد وفؤاد بصولها وضحكوا
فعيطت وتابعت بفرح مش قاادره اصدددق علي خررج .. علي خرررج وفضلت تتنطط ياااربي مش مصدقه الحمدلله يااارب وعياطها زاد وتابعت مهما اقول مش هعرف اشكر افضاالك حقيقي ياارب وحطت ايديها على بوقها وفضلت تعيط بفرح
فابتسم امجد وتابع بحب الفضل بعد ربنا يرجعلك
حبيبه بعياط وفرح: انا كنت مستعده اعمل علشاانه اي حاجه والحمدلله تعبي مراحش على الفاضي
امجد بضحك الحمدلله يحبيبتي بس اشمعنا الفرحه دي لما هو خرج يعني .. ليه مزغرطيش قدامه كان حس انك فرحانه
حبيبه ضحكت من بين دموعها وتابعت لا ميستاهلش يشوف فرحتي زعلانه منه
فكلهم فضلوا يضحكوا فتابع فؤاد بضحك لا بس بجد برافو جبتي الفيديو ده ازاي يا قرده انتي ؟؟
حبيبه اتوترت وتابعت بابتسامه سر المهنه بقى شوفت مين فينا اللي متر يا متر ؟؟
فؤاد بضحك يباشا ده مفيش متر بعدك والله بس عملتيها ازاي حقيقي عايز اعرف
حبيبه ضحكت بتوتر وتابعت ما يجيبها الا ستاتها بقى ان كيدهن عظيم دي اسرار
امجد بلهفه : مش وقته رغي يا فؤاد يلا ورا علي علشان تخلص الاجرائات
فؤاد بضحك يلا ياباشا حاضر وخرج
فحبيبه تنهدت بارتياح وبصت لامجد وتابعت شكراا يا امجددد بجد
امجد بابتسامه العفو بس حضري نفسك انك هتتسألي السؤال ده كده كده
حبيبه بخوف عارفه ربناا يستر والله وابتسمت بلهفه وتابعت المهم دلوقتي يلاا عايزه اشوف علي بسرعه
امجد بحب يلا وخدها ومشيوا بعربيته
فتابعت حبيبه: وعلى كده عملت ايه مع عزيز صح علشان نسيت اسألك؟ ؟
امجد بتنهيده خرج ابن الكلاب لما عملت المحضر تاني يوم وروحتله كان فهم الدنيا كلها وقال قدام النيابه وشي مش باين وفين الدليل ان ده انا .. او ان الفلاشه دي كانت في شقتي وحوارات كتير فافرجوا عنه
حبيبه نفخت بضيق وتابعت الواد ده لو كان وقع كان وقع عصاام معااه
امجد بصلها وتابع وانتي فكرك واحد زي عصام سهل يقع ؟ ما اللي حصل ده طبيعي جداا لواحد في مكانته
حبيبه بوجع ايوه بس علي اتظلم يا امجد واتبهدل من الحكومه بسبب عدم المساواه ده
امجد بتنهيده مش مسأله عدم مسااواه ومش علشان انا ظابط بقولك كده بس فعلا مكنش في دليل على براءته ولما لقينا الدليل خرج عادي بس الفكره ان عصام هنا في مصر مش سهل حد يتهموا ولا يمسك عليه دليل فمن سوء حظه اللي يعاديه
حبيبه بخوف ودموع ولا هنعاديه ولا نيله خلااص هخليه يبعد عنه مش ناقصين قرف تاني
امجد بابتسامه هيكون افضل بكتير بجد وطبطب عليها وتابع واهدي كفايه عياط بقى
حبيبه غمضت عينيها ودموعها نزلت وتابعت طلع عين اهلي وشوفت ايام سودا في غيابه والله
امجد بضحك بتحبيبه صح؟
حبيبه اتوترت وتابعت اييه لا طبعا بس كل الحكايه ان احنا جيران من زمان وهو زي ..
امجد بمقاطعه وضحك : حبيبههه
حبيبه بتوتر امممم ؟
امجد بضحك الكلام ده مش علياا هاا .. انا واثق انك بتحبيبه عينيكي قالت قبل لساانك
حبيبه ضحكت ومسحت دموعها وتابعت هتعمل شغل الظباط ده عليا يا امجد ؟؟
امجد بضحك دي حاجه يفهمها اي عيل صغير مش ظابط بس .. اصل ليه اخاطر المخاطره دي علشان حد غير لما اكون بعشقه ؟؟
حبيبه تنهدت بوجع وتابعت وياريته بيطمر والله
امجد باستغراب هو مش بيحبك؟
حبيبه ابتسمت بوجع وتابعت مش بيحب غير نفسه
امجد لا يشيخه متقوليش حد قدامه الجمال والحنيه الاهتمام دول كلهم ومينجذبش ليهم طب ازاي؟ ؟؟
حبيبه بصتله واتكسفت فضحك وتابع انا اسف مقصدش اعاكس بس مستغرب جداا بصراحه
حبيبه تنهدت وتابعت بابتسامه لا علي بنسباله كل ده في الهواا لانه ياما بنات حلوين حبووه
امجد بتنهيده بس معتقدش حد حبه قدك
حبيبه بوجع ده حقيقي .. بس خلاص انا فوقت وعرفت قيمه نفسي ومش هديله ريئ حلو تاني ابداا
امجد ابتسم بحزن وتابع ربنا يسعدك ويكتبلك الخير يا حبيبه انتي جميله وتستاهلي كل خير
حبيبه بابتسامه ميرسي بجد يا امجد يارب انا وانت
امجد بحب يارب
وبالفعل شويه ووصلوا وحبيبه نزلت من العربيه وسندت ضهرها على الباب بتبص على القسم منتظره خروجه بفارغ الصبر
عند علي كان واقف قدام الظابط في المكتب بقميص اسود وبنطلون چينز رمادي غامق وده اللبس اللي دخل بيه وبيستلم مفاتيحه وفونه وحاجته وهو مبسوط جدا ومش قادر يستوعب ازاي هيخرج عادي كده وكل اللي هو فيه ده كان كابوس وانتهى فهمس يحمد ربه كتيير وجواه امتنان وحب لكل حاجهه حبيبه عملتها علشانه ففاق من سرحانه وفرحته على صوت الظابط بيمدله ايديه بحاجته وتابع: امسك ياعلي
فعلي خدهم بفرح وتابع شكرا ياباشا يلا السلام عليكم
الظابط بابتسامه وعليكم السلام ورحمه الله وبركاته
فخرج علي وقفل الباب وراه وهو مبسوط ومش مستوعب انه ماشي من غير عسااكر ومش مقيد ورجع حر تاني فتابع بفرح وهو ماشي: عملتهاا ازااي بنت الجزمه دي !!! ده انا خريج الحقوق بامتياز دماغي وقفت معرفتش الاقي حل وضحك وتابع والله ده انا اللي ابن جزمه وابن كلب اني كنت هضيع الوتكه دي من ايدي علشان عالم زباله .. يارب تسامحني بس وبقى يطلع بسرعه وبيجري بخطواته عايز يشوفها
ودقايق وخرج ولمحها واقفه مع امجد قدام عربيته بيتكلموا فتابع بصوت مسموع : يا عليي
فحبيبه سمعت صوته بصتله بلهفه وشافته واقف على اول السلم بهدومه وخلاص خرج وبقى قدامها فمنعت دموعها باعجوبه وبقيت تمشي بخطوات بطيئه ناحيته وقلبها ممشيها تروحله من كتر فرحتها
فتابع علي بضحك وهو بينزل السلالم : ورحمه ابوكي يا شيخه ماتنكدي علياا وسبيني اخدك في حضني علشان هطير من فرحتي بيكي ونزل بسرعه وهو بيجري ناحيتها
فحبيبه اتفاجئت بطلبه وضحكت من بين دموعها وبتمشي زي ماهي وقبل ماتتكلم كان علي وصل وحضنها وشالها بين ايديه وايديه بقيت على ضهرها وهي ايديها حوالين رقبته واترفعت على الارض فلف بيهاا كتير وهو فرحان وهي بتضحك وامجد وفؤاد واقفين بيبصلهم وبيبتسموا وبعد لحظات نزلها وهو لسه حاضنها فحبيبه بردو مسابتهوش وايديها فضلت حوالين رقبته وسانده راسها على كتفه وغمضت عينيها وتنهدت بارتياح ودموعها فضلت تنزل بانهيار من فرحتها انه خرج وفي حضنها
فعلي دموعه نزلت وخبى وشه في كتفها وتابع حقيقي مش عارف اقولك ايه يحبيبه .. بس والله العظيم كل مره بتعملي معايا حاجه بحس اني بعجز اكتر من الاول عن تعبيري للي شايله ناحيتك ومهما اشكرك هحس اني مقصر
فحبيبه اخيرا قدرت تبعد عن حضنه وبصتله والدموع متجمعه في عينيها وحطت ايديها الاتنين على وشه ومسحت دموعه وهي بتبتسم وتابعت : انا معملتش حاجه تشكرني عليها .. انا عملت اللي قلبي دلني عليه وطلوعك من السجن ريح قلبي زيك بالظبط فمتقولش كده
علي لف وشه باس واحده من ايديها اللي خده وتابع بدموع: ربنا يخليكي ليا وميحرمنيش منك ابدا يا جدعه يا بنت الاصول
حبيبه ابتسمت والدموع في عينيها وتابعت ويخليك يعلي وضحكت وتابعت وهي بتقرص خده : روح جري على الحلاق حدد دقنك تااني بقى بدل ما انت بقيت شيخ بجد بكل الدقن دي
علي فضل يضحك وحط واحده من ايديه على خدها ورجع شعرها لورا ودنها وتابع بحب : هو اللي انتي في حياته يعرف يبقى شيخ ولا هيشوف جنه اصلا ؟؟!!
حبيبه بضحك نعم يعسلل لييه مالي اناا عملت ايه ما انت اللي متربتش وكل شويه تحضني
علي فضل يضحك وتابع بضعف طيب مش بمزاجي
حبيبه رفعت حاجبها وتابعت بسخريه : لا خليها بمزاجك سبق وكنت بتعرف تتحكم في نفسك كويس اوي مع مراتك
علي غمض عينيه بضيق وحبيبه رايحه تمشي فمسك دراعها وتابع بتنهيده : انا مش متجوز .. ومش عايز اسمع سيره حد وقولتلك انتي مش زيها يا حبيبه
حبيبه بصتله بوجع وتابعت بابتسامه عارفه ينورعين حبيبه ... لاني عمري ما كنت زيها كده كده وطبطبت على صدره وتابعت هي اللي خدت قلبك واسمك وحضنك وانا كنت واحده بتبص من بعيد فعمري ماكنت زيهاا ولا هكوون
علي غمض عينيه بعصبيه وفتح بصلها وتابع يحبيبه افهمي انا قولتلك لما اتكلمنا انتي ..
حبيبه بمقاطعه وبحده : انااا اختكك ياعلي ... وده اللي انت قولتهولي وياريت بلاش تجيب سيره كلامك لياا اكتر من كده انا حفظته خلااص .. انا اختك ومن مسئوليتك زي كريم وسمحتلك تحضني لانك زي اخوياا بالظبط ومسكت خصله من شعرها وتابعت لان مفيش رااجل خلقه ربنا يعرف يطول من حبيبه شعره واحده غير باذنها
علي ابتسم بوجع : وتابع عارف اني قسيت عليكي بس صدقيني خوفي على حياتك كان اكبر بكتير
حبيبه بابتسامه مليانه وجع : انت فوقتني مش قسيت علياا وكلامك فعلا صح وتنهدت وتابعت ومش هتفرق انت براا ولا جووه اديني هنفذ كلامك وهكون لغيرك
علي برفعه حاجب نعم يحبيبتي ؟!!
حبيبه بحده ايه اطررشت ؟!! بقولك هكون لغيرك زي ماطلبت
علي بعصبيه غيررري مين هو انتي ما صدقتي !!
حبيبه ضحكت وتابعت ما صدقت !!! واتعصبت وضربته بايديها الاتنين في صدره وتابعت يابني اادم انا ضيعت عمرري وانا مستنيااك ولما مرره تعبت وقررت اختاار نفسي تقولي ما صدقت !! لااا حقيقي يبجاحتك
علي مسك دراعاتها الاتنين وتابع بوجع حبيبه انا لسه مش قادر اصدق كميه الحاجات اللي مريت بيهاا ارجوكي اقفي جنبي الفتره دي انا محتاجلك
حبيبه بصتله والدموع متجمعه في عينيها وتابعت كان على عيني بس خلاص ياعلي هي جابت اخرها .. وياما وقفت معاك وعملت كتير ومخدتش غير الوجع والخذلان فحقيقي تعبت خلاص ... ويلا علشان نمشي كفايه واقفه هنا ومشيت من قدامه فتابع بصوت مسموع: ياما حاربتي علشاني .. المره دي دوري يحبيبه .. وانا مش هستسلم .. علشان انتي تستاهلي احارب الدنيا كلها علشانك
فحبيبه سمعته وهي مدياه ضهرها وغمضت عينيها بوجع ودموعها نزلت وكملت تمشي فامجد فتحلها الباب ورايحه تركب فعلي راح مسك دراعها جامد وبصلها برفعه حاجب وتابع بحده : انتي بتعملي ايه ؟؟
حبيبه بحده ايه مرووحه البيت
علي بعصبيه هو بيتك ده مش قدام بيتي ولا انا القاعده هنا فقدتني الذاكره ؟؟؟!!
حبيبه بضيق ااه هو يا خفيف خير يعني وفيها ايه لما امجد يروحني
علي بعصبيه امجددد يررروحك مين وانا واااقف متخلنييش اغيييب عليكي على الصبححح
فحبيبه بصت لامجد وكتمت ضحكتها وامجد كمان زيها هيموت ويضحك بعدين بصت لعلي بثبات وتابعت برفعه حاجب : وفيها ايه مش فاهمه ؟
علي بصلها بذهول وتابع بعصبيه : حبيبه همد ايدي عليكي وربناا هو ايه اللي فيهاا اييه !!! .. فيهاا كتيير وده الطبيعي ولا انتي تربيتك بااظت في غياابي ولا اييه ؟؟؟!!
حبيبه بابتسامه مستفزه : يووه انت معرفتش ؟؟! .. ااه بقيت رقاصه واشتغلت في شارع الهرم ومتربتش انت مالك بقى؟
علي مسك شعرها بخفه وتابع بعصبيه لااا ااارربيكييي يحبيبتي طلما متربتيييش ومااله مش عيب .. ونشوف راي كريم في الموضوع ده وبص لامجد وتابع عن اذنك ياباشا وبص لفؤاد وتابع وامشي انت كمان يغالي وهكلمك ومشي بيها فامجد ضحك وتابع اذنك معاك ولف يركب عربيته وتابع قال مش بيحبها قال
عند علي وحبيبه كانت ماشيه معاه وهي بتمثل انها بتتألم وتابعت ااااه .. عليي ... سيب شعرري مش قاادره
علي بعصبيه بطلي استعباط انا مش ضااغط اصلاا وصوتك ده مسمعوش علشان معصبااني
حبيبه كتمت ضحكتها وتابعت يسيدي ماالك بياا انا اروح مع امجد اروح مع الجن الازرق انا حرره الله
علي بصلها وتابع بعصبيه ده عند امك الحره دي عارفاهااا ؟؟
حبيبه رايحه تتكلم فـ علي غمض عينيه وتابع بعصبيه لو مش هترجعي حبيبه العااقله وتتكلمي بحكمه مسمعش صووتك تاني علشان مهزقكيش
فحبيبه حطت ايديها على بوقها وبصتله
فبصلها بذهول وضحك غصب عنه من الحركه وتابع ااه منا كنت حاسس بردو انك بقيتي مش طبيعيه والله العظيم وطلع فونه يطلب اوبر فصورته هو ورفيده كانت على الشاشه فحبيبه شافتها قلبها وجعها وعلي كمان اتقهر انه اتخدع فيها بالشكل ده فحبيبه رايحه تمشي علشان دموعها نزلت فمسك دراعها وتابع رايحه فين انا هطلب اوبر اهو
حبيبه حاولت متبينش انها بتعيط وتابعت لا حرام هيبقى غالي وفر الفلوس دي واانا هروح مواصلات
فعلي شدها وقفت جنبه ورفع وشها ليه وتابع بحب وانتي مين قالك هسيبك تتبهدلي في المواصلات المكان بعيد جدا وبقى يمسح دموعها بحنان
« لانه عارف سببهم بس محبش يخليها تاخد بالها انه فهم »
حبيبه بوجع عادي ياعلي مش مولودين بنركب اوبر يعني
فعلي ابتسم وتابع وماله يبقى اتعودي طلما حاجه هتريحك نعملها
وفتح فونه واول حاجه عملها شال صورته هو ورفيده اللي على شاشه القفل وحط صورته مع حبيبه في خطوبه سلمى وساب الرئيسيه هو وتولين زي ماهي فحبيبه اتفاجئت وشهقت وتابعت بضحك يخربيتك شيل كريم هيمووتك دي باااينه على القفل انت اتجننت !!!
علي برفعه حاجب : عليكي وعليه انتي فكرك هخاف منه ؟؟؟ طب ايه رايك هحط انتي لوحدك قال كريم قال ودخل على الاستوديو تاني وجاب صوره لحبيبه واقفه قريبه فيها للكاميرا وبتضحك وشعرها طاير في الجو وشكلها تحفه
فحبيبه شهقت وتابعت بضحك لا يعلي علشان خاطري لااا كريم والله هيخرب بيتنااا وبعدين جبتها من الفيس دي صح ؟
فعلي ضحك وتابع قولتلك طز فيه وااه من الفيس نزلتيها ساعه عيد ميلاادك
حبيبه ربعت ايديها وتابعت بابتسامه وخدتها ليه ينورعيني مش مفروض انك كنت خاطب ؟
علي بضحك وايه المشكله منا بنزلك صوره كل عيد ميلاد وكنت باخدهم فبيفضلوا عندي
حبيبه بضيق ااه قولتلي طب انا مش عايزه صورتي تبقى على فون حد
علي بضحك مش بمزاجك هحطها بردو انا قررت خلاص وحطها بالفعل بس المره دي الصوره الرئيسيه اللي من جوه وحط صورته هو وتولين والفون مقفول ( بدل يعني)
فحبيبه فضلت تضحك وتابعت ما انت خوفت منه اهو وحطيتها في الفون من جوه اومال ايه طز فيه طز فيه دي ؟!!
علي ابتسم وهو باصص للفون بيطلب اوبر وتابع : ده بالعكس كده دي الرئيسيه وهتبان طول منا فاتح الفون ومش كريم السبب فاني احطها جوه اصلا
حبيبه بضحك ايوه بس التانيه دي بتبان اسهل والفون مقفول انما لو مفتوح ما انت اللي ماسكه محدش هيشوفه كده كده
علي بضحك طب وغلاوه اخواتي مش بسبب كريم خالص انا فعلا مش خايف منه علشان انا مش عيل صغير وفاهم عايز اعمل ايه بالظبط
حبيبه بضحك اومال ايه السبب طيب؟
علي اداها الفون مقفول وتابع افتحيه كده
فحبيبه داست على الزرار لقيت صورته هو وتولين فتابعت اه مالها منا شوفتك وانت بتحطها ؟؟؟
فعلي خده منها وفتحه كانت صورتها هي على الشاشه وحبيبه متنكرش حست انها هتطير من المنظر وعينيها اتملت دموع بس مبينتش
فعلي ابتسم وتابع يعني انا لو مكنتش بدلت مكان صورتك وسيبتها على القفل وسايب الفون في اي حته وحد داس على الباور كان هيشوف الجمال ده كله وخصوصا صورتك دي وشك فيها قريب وشعرك تحفه فالو حد شافها هتضايق من نفسي فحطيتها جوه احسن وامان
حبيبه دموعها نزلت وابتسمت وبصت للارض وسكتت فعلي رفع وشها وابتسم وتابع مش مستني منك رد لانك ياما اتكلمتي وانا سمعت المره دي اسمعي لحد ماترضي عليا
حبيبه بوجع ودموع عمره السمع ماهيشفي حاجه جوايا ... انا سمعت وشوفت حلو من ناس كتير غيرك .. بس لو اللي انت بتقوله ده كاان في وقت غير دلوقتي كان وارد يغير حاااجات كتير
علي ابتسم وتابع ووارد ليه ؟؟ منا اهو وانتي اهو مش كفايه نضيع وقت يحبيبه ؟؟
حبيبه بدموع انا كنت بضيع وقت طول السنين اللي فاتت بس دلوقتي فوقت ياعلي وارجوك متضغطش علياا في الموضوع ده علشان خاطري لو ليا غلاوه عندك وعيطت
علي ابتسم بوجع وتابع تمام على راحتك حقك بردو وطلع مناديل من جيبه وادهالها
فحبيبه خدت واحد ومسحت دموعها وتابعت شكرا
علي بتنهيده لا العفو على ايه وشال الباقي في جيبه
فحبيبه تنهدت وسكتت وثواني والاوبر جيه فعلي فتحلها ركبت وركب جنبها وقفل وتابع اطلع ياحج
السواق: حاضر يا ابني
وبالفعل اتحركوا وعلي بص عليها لقاها متجهلاه وماسكه الفون فعمل زيها وفتح الاكونت بتاعه وابتدى يمسح كل حاجه نزلها لرفيده وعينيه جات على رجل حبيبه فاتصدم انها لابسه بنطلون في قطعه عند الركبه فتابع بحده ايه اللي انتي لابسااه ده انتي اتجننتي ؟؟؟!!
حبيبه اتخضت وبصتله وتابعت بحده ايه ماله لبسى فيه ايه ؟؟!!
علي بعصبيه فيه خراا على دماااغك ايه المنظرر ده
حبيبه بحده هو موضته كدده البسه ازاي يعني ؟؟؟
علي بعصبيه وتلبسيه لييه اصلاا .. وطلع المناديل من جيبه وتابع بنفس العصبيه بت انتي بقولك اييه انا مش نااقص قررف لمي شعررك ده وحطي من المناديل جوه البنطلون داري الفاتحه دي يلاااا ورماها على رجليها
فحبيبه بصتله بذهول وسكتت فتابع علي بعصبيه في ايه هو انتي هتصوريني ؟!!
حبيبه بذهول : مناديل ايه اللي احط منها في البنطلون ياعلي ازاي ده يحبيبي ؟!!
علي بعصبيه والله معرررفش اتصرررفي بس المنظررر ابن الكلاااب ده مش هتنزلي بيه من العربيه وقولت لمي شعركككك دده
فحبيبه رفعت شعرها لفوق بتلمه في شكل كحكه فوضاويه وهي لسه بصاله بذهول وتابعت لا حقيقي مش هعرف احط مناديل اول مره اسمع باللي انت بتقوله ده
علي بعصبيه وانا اول مره اشوفك لابسه المسخره دي .. ده انتي حسابك تقل قسما بالله وهقول لكريم و
حبيبه بمقاطعه وخوف :خلاص خلاص اسكت هعمله ونفخت بضيق وسحبت منديل من الباكت وابتدت تحطه جوه الفتحه لجوه وبتداري بيه رجليها
فتابع علي بضيق ايوه كده جتك القرف في استفزازك وبص لفونه تاني وكمل يمسح لحد ما مسحهم كلهم وشال صورتها معاه من البروفايل
وحبيبه بالفعل دارت رجليها وقعدت مش طايقه شكلها بالمنديل فنفخت بضيق شديد ومسكت فونها رنت على فؤاد وثواني ورد عليها وتابع الو يحبيبه
حبيبه بتنهيده ايوه يا فؤاد بقولك معلش هطلب منك طلب
فعلي بصلها برفعه حاجب وتابع فؤاد مين ؟؟؟
فؤاد قولي طبعا
فشاورتله يستنى وتابعت كنت عايزاك ترفعلي قضيه رد شرف لعلي علشان حقه يجي من المحكمه والحكم ينزل من على الكمبيوتر خالص وصفحته ترجع بيضه يعني ولا دخل ولا خرج
فؤاد بابتسامه فكرت فيها فعلا وكنت هفاتح علي في الموضوع ده
حبيبه بابتسامه خلاص يبقى اتفقنا كلمه على الاجرائات وشوفوا هتعملوا ايه
علي بصلها مستغرب وتابع وعلى ايه رد الشرف هو انا فاضي لحوارات الحكومه دي ياحبيبه ؟!! فكك مش المهم اني خرجت وهتتكتب جنبها براءه خلاص
حبيبه بحده لا طبعاا ده حقك وصفحتك ترجع بيضه زي ما اتحط فيهاا تهمه تتشال خاالص دي مش خناقه علشان مكتوب جنبهاا براءه حتى لو طلعت منها بس دي تهمه خطيره وهتفضل مكتوبه في الكمبيوتر
فؤاد بتنهيده حبيبه معاها حق ياعلي احنا نشوف الاجرائات ونبدا فيها
حبيبه بابتسامه خلاص تمام اتفقنا وعلي كمان وافق
فؤاد بابتسامه تمام .. باي
حبيبه بابتسامه باي وقفلت معاه فتابع علي بحده انتي بتكلميه في الفون ليه انتي اتجننتي ؟؟!!
حبيبه بضحك وفيها ايه هو انا بحب فيه ؟!!
علي بعصبيه حبيبه اتظبطي علشان قسما بالله اسلوبك كله مبقاش عاجبني .. ده صاحبي يعني تعرفيني انا وانا اقوله مش تتصلي بيه انتي !! .. انتي عبيطه ولا اتجننتي ولا جرالك ايه علشان افهم بس ؟؟!!
حبيبه بضحك خلاص اهدى مش هكلم حد تااني خلصناا خلاااص واديك طلعت
علي افتكر وتابع ااه وخرجتيني ازاي بقى ؟؟؟
حبيبه حست الدم هرب من جسمها وتابعت بابتسامه اعترف اني كوين
علي بحده اه خرجتيني ازااي بردو ؟؟؟؟
حبيبه بابتسامه ربنا والله عالم الحقيقه وانك اتظلمت فدلني على الطريقه والحمدلله خرجتك اهو
علي بعصبيه ااه ده اللي هو دلك ازاي يعني ؟؟?؟ هببتي ايه بالظبط ماتفهميني هو سرر ؟؟؟؟
فحبيبه خافت وبصتله وسكتت فتابع علي بعصبيه ماتخلصي وتنطقي هو انا لاززم اتعصب ؟؟؟؟؟؟
حبيبه غمضت عينيها بتوتر وتنهدت بعمق وتابعت عادي بطريقه سهله مش سر ولا حواار اصلا وهقولكم كلكم سواا علشان محكيش 100 مره ومسكت واحده من ايديه وتابعت بتنهيده حزينه : المهم سيبك من كل ده دلوقتي في حاجه لازم تعرفها انا خبيتها عليك عن سلمى
علي قلبه اتقبض وتابع بخوف مالها سلمى فيهاا ايه ؟؟؟
حبيبه بحزن اهدى .. كل الحكايه ان يوم تنفيذ الحكم سلمى اغمى عليها قدامك زي ماشوفت وحازم جري بيها على المستشفى والدكتور قال ان هي جالها انهيار عصبي ودخلت في صدمه ومبقيتش تتكلم ولو سيبناها اسبوعين كده هتدخل في انتكاسه صعب تخرج منها
علي اتصدم بشده وقلبه وجعه ودموعه نزلت بصمت وتابع سلمى مبقيتش بتتكلم !!! انتي بتهزري صح ؟!!
حبيبه بدموع انا مش بقولك كده علشان تتعب ابوس ايدك اهدى ومسحت دموعه وتابعت انا بعرفك علشان تروح تساعدها ومتتصدمش لما توصل ان حصل كده ووالله متقلقش كلنا واثقين انها هتنطق لما تشوفك والله العظيم
علي حس انه مصدوم وتابع بعصبيه تنطق اييه وزفت اييه !!! انتي بتقولي اييه اصلاا !! وازاي متعرفنيش ؟؟!! وازاي تتعب بالشكل ده وكلكم تخبواا عني وسايبني قلبي محرروق عليهاا ؟؟؟!!!
حبيبه بدموع يحبيبي مكنتش عايزه احسسك بقله الحيله اكتر مانت حاسس .. اصل كنت هتعمل اييه يعني ؟؟ هتخرج لا مش هتخرج ؟؟ هتفضل جنبها ؟؟ بردو لاا فمرضتش اعيشك مابين اربع حيطان قلقان عليها ومش بايدك تتصرف ولا تشوفها
علي بدموع ووجع تمام انتي صح في الحته دي بس انا بجددد مش قادر اتخيل ان سلمى تعبت بالشكل ده ... انا حقيقي تعبت ومش عارف الاقيها من ايه ولا ايه وحط راسه مابين ايديه وتابع بدموع : حياتي كلها خربت
فحبيبه قلبها وجعها علشانه وكانت عايزه تطبطب عليه بس اتراجعت وبصت ناحيه شباكها وتابعت بوجع : ربنا قادر يعوضك ويردلك كل اللي راح اضعاف ياعلي متقلقش وسيب همك عليه اديك خرجت وابدء من جديد وهيعونك
علي بصلها بوجع وتابع لوحدي ؟
حبيبه بصتله وتابعت بتنهيده يعني ايه؟
علي بوجع يعني عايزك معايا
حبيبه تنهدت وبصت للشباك تاني ومردتش عليه فعلي هز راسه بلايجاب وتابع تمام يحبيبه وطلع علبه السجاير بتاعته وولع واحده وبقى يشربها وينفخ دخانها بعصبيه من كتر الضيق اللي جواه
فحبيبه اتخنقت وبقيت تهوي بايديها وتابعت بحده انت كل ده جوه ومبطلتهااش ؟؟؟
علي بحده كانت بتدخلي ومالكيش دعوه خايفه على صحتي اوي اصله
حبيبه بضيق لا ماليش دعوه بحد ومش خايفه انت حر اللي ياكل على ضرسه ينفع نفسه وبصت للشباك وعلي بص للشباك التاني وافتكر ايام زمان
فلاش باااك
سلمى دخلت الاوضه وهي شايله صنيه عليها اكل وعصير وتابعت بابتسامه علي يلا علشان تاكل
فعلي شافها قام بسرعه خد الصنيه منها وتابع بلهفه : هاتي هاتي عنك وشالها منها وتابع مقولتليش ليه اجي اجيبها انا تقيله عليكي دي
سلمى ابتسمت وتابعت لا عادي عرفت اشيلها فجبتها وبعدين انت ثانويه عامه يعني لازم ندلعك علشان تجيب مجموع
فعلي فضل يضحك وتابع ااه انتي هتقوليلي وحط الصنيه على المكتب وتابع بضحك اتكلي على الله يلا عايز اذاكر لحسن انتي لو فضلتي دققتين هفضل ارغي معاكي وهسيب المذاكره
سلمى بحب طب هقولك كلمه صغنونه خالص وهمشي
علي قعد وتابع بابتسامه قولي ياستي
سلمى هي ثانويه عامه دي صعبه زي اولى اعدادي ؟
علي فضل يضحك وتابع وهي اولى اعدادي صعبه اصلا ؟
سلمى بضيق ااه يعلي انا تعبت من الرياضه بجد ومش فاهمه فيها حاجه وحبيبه كمان مش فاهمه حااجه وشكلنا هنسقط
علي بصلها بتفاجئ وتابع بضحك تسقطي مين يا بنت الجزمه منك ليها ده انتوا اولى اعدادي يعني لسه بنقول يا هاادي
سلمى بضيق مش بنحب الرياضه نعمل ايه طيب ؟
علي وهو بياكل السندوتش تابع خلوا كريم يشرحلكم بيحبها
سلمى قال هيشرحلنا بس الكليه واخده وقته ومش فاضي
علي بابتسامه معلش هندسه مش سهله بردو اصبروا عليه وهو اكيد هيشرحلكم لما يرتب وقته
سلمى بحب تمام ماشي
علي بابتسامه الا قوليلي صح يا لوما
سلمى بحب ايه يحبيبي
علي بابتسامه البت حبيبه اخبارها ايه في المذاكره ؟
سلمى ابتسمت بخبث وتابعت ااه قولتلي وانت عايز تعرف ليه
علي بضحك انتي هتعملي فيها عبيطه مانا قايلك كل حاجه
سلمى بضحك الحمدلله زي الفل هي الرياضه بس اللي عملالنا عقده
علي بحب لا لو على الرياضه متقلقوش انا هخلي كيمو يهتم بيكم بس يظبط دنيته الفتره دي الاول
سلمى بضحك علي انت بجد هتتجوز حبيبه لما نكبر؟
علي تنهد وتابع بابتسامه والله يا لوما علي مش فاهم ازاي حب عيله صغيره بس هي بسم الله ماشاء الله عليها زي القمر وحلوه وكلها مميزات مبالك لما تكبر فمستحرم الحلاوه دي تخرج برا بصراحه
فسلمى فضلت تضحك وتابعت انا مبسوطه من ساعه ماقولتلي بجد
علي وهو بيشرب العصير وبيبص للكتاب تابع بضحك : بطلي رغي كتير بس اهم حاجه علشان ربك يكملها على خير
سلمى بحب يارب يحبيبي وباست خده وتابعت هسيبك بقى كمل مذاكرتك
علي بحب ماشي ينورعيني وخرجت سلمى وعلي رجع يذاكر ودقايق وسمع حبيبه بتتكلم في البلكونه فقام فتح نص فاتحه وبص عليها لقاها واقفه ببجامه نص كم وبرموده وسايبه شعرها وبتضحك في الفون فتابع بضيق نفسي امسكها اكسرها والله العظيم وطلع فحبيبه شافته وابتسمت وكملت كلامها عادي
فعلي تابع بضيق ادخلي ارغي جوه
فحبيبه استغربت وتابعت نعم ؟
علي بحده ماتتنيلي تدخلي تتكلمي جووه واقفه في البلكونه بهدوم البيت كده ازاي
حبيبه بضحك اكلمك بعدين يشمس .. باي وقفلت ومعاها وبصتله وتابعت بضحك انا لسه صغيره فيها ايه لما اطلع بالبيجامه ياعلي مش فاهمه
علي غمض عينيه بضيق وتابع استغفر الله العظيم يارب وفتح وتابع بحده يا بني ادمه انتي ميبانش عليكي عيله صغيره يعني انتي .. وسكت وتابع بحده هقول ايه ماهو مينفعش اقول اتنيلي ادخلي جووه وااسمعي الكلام بس
حبيبه اتكسفت لانها فهمت قصده ان جسمها حلو ومظبوط رغم صغر سنها فتابعت على فكره انت قليل الادب
علي بحده وانتي متربتيش وضرب واحده من ايديه على سور البلكونه وتابع بعصبيه قولت غوري جوه يلاا
فحبيبه اتخضت ودخلت وقفلت وراها وعلي نفخ بضيق شديد وتابع حاجه تقرف والله العظيم قاال صغيره قال اصل ده جسم عيله صغيره ودخل وتابع مش عارف انا ايه اللي عملته في نفسي ده يارب حاسس عايز اتجوز رقااصه وقعد على مكتبه وتنهد وتابع يتاارا البت دي هتعقل لما تكبر ولا هتفضل تتعبني كده
بااااك
فنفخ دخان السجاره وبص للمنديل اللي على رجليها اللي بتداري بيه الفاتحه وتابع بضيق هو انا كده المرار ورايا ورايا واضح العقل
حبيبه باستغراب افندم ؟
علي بحده هشش بكلم نفسي مش بكلمك
حبيبه بحده احسن بردو ومسكت فونها تسكرول عليه وتجاهلته اوي وده عصبه جداا بس سكت
-------
عند وسام في شقه مامته كان بيطمن عليها وقاعد في الصالون بيتكلم مع هناء
وسام بتنهيده طب خلاص علشان منكدش عليكي
هناء بضحك يا ابني في ايه متبقاش اوفر بقى
وسام بهمس حاد اتنيلتي قولتي لمين انك هتنزلي ببنطلون مش فاهم ومن امتى وده استايلك اصلااا هااا ؟؟؟
هناء بضحك والله ولا ليك ولا لكريم انا لاقيته في وشي فلبسته ونزلت كنت متاخره وبعدين ده واسع بلبسهم عاادي بس عمرها ماصدفت تشوفني بيهم ولو انا شيفاه وحش مش هوريك الصور اللي اتصورتها في المرايا
وسام غمض بضيق وتابع طب اقفلي علشان مجيش اطلع عين اهلك انا جايب اخري
هناء بضحك يحبيبي متكبرش الموضوع بقى الله
وسام بعصبيه طب قولت اقفليي
هناء بضحك طب اسمعني بس قبل ما الدكتور يدخل انا في المحاضره والدنيا وش وبحايل فيك يا وسام والله
وسام بعصبيه انتي لو مقفلتيش انا هقفل في وشك
فهناء فضلت تضحك وتابعت اهون عليك ؟؟
وسام بعصبيه شديده : متضحكيش وتعصبيني اكترر منا متعصب هتقفلي ولا اقفل انااا ؟؟
هناء بضحك مش هتهون عليا اعمل فيك كده بجدد
وسام بعصبيه خلاص انا بنسبالي عاادي وقفل السكه
فهناء اتصدمت وبصت للفون لقيته قفل ففضلت تضحك وتابعت الحقي ده قفل في وشي صح !! اخص عليك بجد يا وسام
فـ رنا فضلت تضحك وتابعت اومال فاكره الكاريزما ده هيهددك وخلاص ولا ايه
فهناء فضلت تضحك وتابعت صبره عليا ده انا هوريه على الحركه دي
عند وسام كان قاعد مخنوق ومش طايق نفسه فتابع ليناا اعمليلي كوبايه قهووه
فجات امه وقعدت جنبه وتابعت بتنهيده مالك يا وسام في ايه ؟؟
وسام بتنهيده مفيش يا زوزا كويس
عزه بابتسامه على ماما الكلام ده بردو؟
وسام بضيق يا ماما مفيش حاجه صدقيني انا مخنوق شويتين بس
عزه رايحه تتكلم فلفت نظرها رنه فون وسام ومكتوب "" نور عيني 🫀 "" فتنهدت وتابعت مين نورعينك دي كمان ؟
فوسام مسك الفون وقفل وتابع بتنهيده اظن انتي عارفه كويس هي مين وسبق وقولتلك عليهاا
عزه بتنهيده طب انا ميرضنيش تاخد واحده مش بتحبها ولا يرضيني اشوفك بتفارق اللي حبيتها بس بنت خالتك دي اعمل فيها ايه يا وسام ؟؟
وسام بحده والله انا معرفش انا معشمتش حد انتي اللي عشمتيها فـ دي مشكلتك انتي .. زي ماعشمتيها قوليلها ان مفيش نصيب
عزه بحزن يا ابني متقساش عليها بردو .. دي يحبه عيني سمعتك وانت بتطلب من لينا قهوه راحت هي تعملها لان لينا بتذاكر ومش سمعاك فحرام نكسر بقلبها
وسام بحده ماما انا تعبت من الاسلوب ده ولو كل ما اجيلك هلاقيها هناا لان طبعا عندها عِلم منك اني جاي يبقى بلاها اجي احسن
عزه بحزن طب انا مش هعارض جوازك من البنت اللي بتحبها بس بردو اتجوز بنت خالتك ده شرع ربنا وميزعلش حد ولو على يارا انا هقنعهاا
وسام بصلها بذهول وتابع ياارا ايه وزفت اييه !!! هي ياراا كمان اللي لازم تقتنع !! ده ايه الكلام الفااضي اللي بتقولييه ده ؟!! هو انتي ترضي بكده على ليناا ؟!!
عزه بحزن لا بس ..
وسام بمقاطعه وعصبيه مبسش اناا مش هكمل بعد لاا دي لان ده الصح واللي اي ام تتمناه لبنتها انما انا مش رايح اجيب واحده من الشاارع علشان من اولها اقولها اتجوز عليكي ومفروض توافقي وبعدين انا مش هعرف احب ولا المس ست غيرهاا اصلا ..فريحي دماغك انا مش عاايز اتنين ولا اربعه انا عايزهاا هي وبس
فخرجت يارا بحزن وحطت القهوه وتابعت اتفضل يا وسام
وسام بحده مش طاافح وقام ودخل البلكونه فيارا بصتله بحزن فتابعت عزه بحزن معلش يابنتي حقك عليا انا
يارا بوجع لا عادي اتعودت على اسلوبه
-----------
عند سليم واسيا
سليم صحي وبيدعك في عينيه وبيبص للساعه لقاها 11 فاتعدل في قاعدته وتابع يانهار اسود الله يخربيت اهلك يا اسيا متنفعيش في حاجه خالص وبص جنبه لقاها نايمه فهزها وتابع بحده اسياا .. انتي يابنتيي .. اسيااا
فاسيا صحيت وهي مخضوضه وتابعت ايه ياسليم في ايه حد يصحي حد كده !!
سليم بحده هو انا مش قايلك تظبطي المنبه وتصحيني انهارده الساعه 10 ؟؟
اسيا تنهدت وتابعت اممم سوري ياروحي نسيت اصل من امتى بظبطه الخميس بالليل يعني ؟؟ علشان معروفه الجمعه كلنا مش بننزل
سليم بحده وانتي مين قاال لاهلك مش ناازل منا ورايا مواعيد ومعررفك
اسيا بعصبيه انت لو شتمتني تااني انا مش هسكتلك علشان خلااص انا جبت اخرري بجدددد
سليم بعصبيه ليه هتعملي اييه يعني تعالي خديني قلمين ياابت ربيني من جديد يلااا
اسيا بعصبيه ودموع : بالله لو ينفع اربيك ما هتأخر علشان انت زودتهاا اوي بجدد ومن امتي بتنزل الجمعه وعاايز تغور فين اصلا ؟؟؟
سليم ضربها بالقلم بقوه فصرخت بألم وعيطت فمسك درااعها وتابع بعصبيه شديده : هو ايه اللي ينفع يحيوانه يابنت الكلب انتي !!! انتي اتجننتي ولا اييه !! ده انا اللي هربيكي من جديد جراا لمخك اييه هااا ؟؟
اسيا بعياط اوعاا يسليم سيبني
فسليم زق دراعها وقام من على السرير وتابع بعصبيه وهو بيفتح الدولاب : اديني سيبهالك وغااير بردو وعايز المنبه ميتظبطش من يوم الخميس تااني وشوفي هعمل فيكي اييه علشان اناا عاارف انك قصداهاا ... حقيقي مالكيش ستين لازمه في الحياااه
اسيا بعصبيه انا مش قعدالك فيهاا اصلااا اظبط لنفسك وطفح نفسك واعمل كل حاجتك لوحدك وعيش في نفس الزريبه اللي كنت فيهاا علشاان تعرف قيمتي ولازمتي في الحياه كويس اووي
سليم لفلها وتابع بهدوء مخيف: ليه هتسيبي البيت وتروحي فين علشان افهم بس ؟؟ وبيمشي ناحيتها
اسيا بعصبيه ودموع وانت ماااالك ؟؟
سليم مسك شعرها وتابع بعصبيه ماال مين يابت الكلب انتي ؟؟ ده ادفنك حيه لو فكرتي تخطي رجلك في حته وانا معرفش انتي عبيطه ولا اييه ؟؟!!!
اسيا مسكت ايديه من كتر ماشعرها وجعها وتابعت بعياط ووجع : هروح لماما سيبني بقى مش قاادره ااه
سليم بعصبيه مفيش مروااح لحد خالص ورجلك لو خطت برا الباب هكسرهاالك ورماها على السرير
فاسيا عيطت وتابعت طب هروح يسليم وهتشوف
سليم بعصبيه طب انا ولا هقفل عليكي ولا هعمل حاجه بس ابقى اراجع ملاقكيش يا اسياا
اسيا بصتله بوجع وتابعت اممم منا عارفه السبب اللي انت مخليني علشاانه بس والله العظيم ياا سليم ماهتطولني تاني
سليم ضحك وتابع ليه هو انا بقالي اسبوع بشوف منك حاجه علشان ده السبب اللي مخليكي علشانه ؟!!
اسيا بحده ولا اسبوع ولا اسبوعين ولا سنه حتى ولا هتلمسني تااني انا خلاص حتى قربك مبقتش اطيقه وكرهته
سليم بقى يقرب عليها وهي خافت وبقيت ترجع بضهرها لورا على السرير فتنى رجل على السرير ورجل على الارض وقرب منها ومسك شعرها بقوه فصرخت بألم فتابع بابتسامه : ويتارا كرهتي قربي ليكي قبل ما تقعدي مع فارس في عربيته ولا بعد ؟?؟
فاسيا اتصدمت وبصتله برعب وبلعت ريقها بتوتر شديد فابتسم وهز راسه بلايجاب كذا مره وتابع ااه ااه عارف وضربها بلقلم بقوه فصرخت وعيطت فتابع بعصبيه عااارف انك تربيه ناااقصه وعمرك ما احترمتيني في غيااابي وفاالحه بس تتكلمى عن الصح والغلللط وجاايه تديني دررس في الاخلاااق وازااي اكون اب وزوج طب وانتي يا قدووه عاادي اللي بتعمليه دده ؟؟!!
اسيا بعياط وعصبيه انت لو سمعت اللي قولته لفاارس هتتكسف من اللي انت بتعملوا فيااا
سليم بعصبيه وتقعدي معااه ليه في عربيته اصلاااا انتي اتجننتي ؟؟؟!!
اسيا بعياط كان جاي صدفه بيسأل عن التقديم لقريبته وشافني وقالي اقعد علشان يسألني حصل لعلي كده ازاي ولما سال عن اخباري قولت اني بحب جوزي والكلام كان بحدود ومشيت
سليم بضحك : عبيط انا علشان اصدق الكلمتين دول مش كده ؟؟؟
اسيا بعياط صدقني دده اللي حصل واصلا مين اللي قالك ؟؟؟
سليم بعصبيه اللي قالي قاالي ميخصكيش اهو حد وخلاص شااافك وبنته في الحضااانه مع تولين وقاالي
اسيا بصتله بخوف وتابعت ااه قالك اني قاعده مع حد بس مقالش مين ليه شكيت في فاارس ؟؟
سليم بعصبيه علشاان انا عاارف ان الزباله هيفضل زباااله وعمرك ما هتتغيري ولسه بتضعفي قدامه وجاايه في نفس اليوم بلطف معاكي الجو تقوليلي لاا مش هتلمسني انتي فكرااني عبيط ولا ايييه ؟؟!!
اسيا اتصدمت من كلامه وتابعت بعصبيه وعياط : اخرررس قطع لساانك وايااك تجيب سيرره شرفي بكلمه تاانيه علشان اقسم بربي ماهعديهاالك على خييير وضربته في صدره تبعده عنها وتابعت بعياط وعصبيه فووق لنفسك وكفيااك قررف انا مرااتك وعررضك وشرفك مينفعش تقول عني الكلااام ده .. ده انا اسيااا يسليم وانت عاارف اسيااا وتربيتهاا كويس اووي وعارف اني بحترمك في غيابك قبل وجودك ولو انا زباله كدده صح فانت مش رااجل علشاان تقبلها على نفسك تتجوزني وتشيلني اسمكك
فسليم مسك شعرها جامد وتابع بعصبيه راجل غصب عنك انتي واهلك كلهمم وعلشان عارف اسياا صح فعديتهاا بمزاجي ومعملتش معاكي مشكله من ساعتها انما هنشتغل في شغل العبط ده وجايه من مقابلته متغيره يبقى طبيعي اشك فيكي واطلع عين اهللك
اسيااا بعصبيبه ودموع : يشهد عليااا ربنا وغلاوه بنتي اقسم بالله العظيم .. اقسم بالله العظيم كمان مره .. عمري ما خونتك حتى بنظره عيني ولا قدامك ولا من وراك ورغم قسوتك علياا قولتله بحب سليم ده جوززي وابو بنتي وعيطت اكتر وتابعت بعصبيه رغم ان سليم مرر عيشتي معااه وزقته وتابعت انت لوحدك اللي كرهتني في قربك ولا فاارس ولا حد ليه دخل
سليم ضحك بسخريه وراح جاب قميص وقلع التيشرت رماه وابتدى يلبس القميص وتابع وانتي فكرك ان انا هقعد اعيطلك واقولك لا يا اسيا والنبي ارضي عنى ؟؟ وبدا يقفل الزراير وتابع ده واحده رخيصه بـ 500 جنيه تعمل المهمه دي عاادي بس ده مش اسلوبي
اسيا اتصدمت بشده وقامت وقفت وتابعت للدرجه دي !!!! ومسترخص اوي كده ليه يسليم بيه ده حتى مش مقاامك ؟!!
سليم بضحك مش هتفرق كتير بقى كلكم زي بعض وابتسم وتابع بس الفكره ان انا كسليم بقرف ومبحبش الجو ده ومش شهبي
اسيا قلبها اتقهر وتابعت يعني مش علشان حراام ؟!! هو للدرجه دي الكلام ده بقينا نهزر فيه عاادي !!! لا انت مش اتغيرت انت اتبدلت ودموعها نزلت وتابعت انت عمرك ماشوفتني بالطريقه دي !! ازاي بعد العمر ده كله تحسسني انك اتجوزتني علشان كده ؟؟!! وعياطها زاد وتابعت ياشيخ ده انا قرفت من جسمي بسببك
سليم بحده انا مش كل ما اكلمك تقضيهاا درااما .. انتي اللي فااكره نفسك بتعاقبيني لما تمنعي نفسك عني وانا بقولك لو عاايز اعمل كده هعمل حتى لو مش بالحرام اقدر اتجوز واهو شرع ربنا بس انا مبحبش الجو دده
اسيا راحتله ومسكت قميصه وتابعت بعياط انت مكنتش بتحب غير اسيااا جراالك ايه يسليم ؟؟!! ..ابوس ايدك كفايااك قسوه عليااا علشان انا حاسه هنام في مره مش هصحى من القهر اللي جواايا والله العظيم
سليم بضيق انا بحبك بس انتي اللي قفلتيني منك يا اسيا ورايح يخرج فمسكت دراعه لانها حست بدوخه وتابعت بتعب : لا خليك متنزلش وتسيبني انا وبنتك مش كل جمعه على كده استنى اصحيها ونقعد مع بعض
سليم بضيق قولتلك اتعودت انزل مبقتش احب قاعده البيت
اسيا بحده ودموع خلاص همشي من البيت
سليم خرج وتابع وهو ماشي : ابقي امشي يا اسياا انا عايزك تمشي كده وشوفي هعمل فيكي ايه
ونزل وقفل الباب جامد وهي فضلت تعيط وحست انها قرفانه فدخلت الحمام جري واستفرغت وفضلت تكح وغسلت وشها وبوقها وبصت للمرايا وتنهدت بوجع وفضلت تعيط وحطت ايديها على بوقها تكتم عياطها
----------------
عند لميا كانت واقفه جنب مستشفى الشامي اللي هي ملگ لعدلي الشامي اللي بتجمع ضده معلومات وشافتهم بينقلوا صناديق مجهوله بيحطوها في صناديق اكبر بتاعت ادويه وبيخبوها كويس وبينقولها في عربيات ففضلت تصور فيهم وبتخلي بالها لحد يشوفها
فبعدين الكاميرا ابتدت تعلق فتابعت بتوتر لا ابوس ايدك مش وقته كملي معايا اليوم وصورت بيها وشوش الناس بوضوح وعمليه النقل بعدين الكاميرا فصلت فنفخت بضيق وتابعت ياااربي بقى ده انتي باارده كل شويه عايزه تتصلح اما الواحد قرف وشالتها في شنطتها وطلعت فونها وبتصور فعمل فلااش وصوت فاتصدمت وواحد من الشباب خد باله ولمح ان في نور عند الشجره فتابع بحده الحقوواا في حد بيصور هنااك
فالميا اتصدمت بشده واتخضت وبقيت تجرري بسرعه وتابعت يانهاار اسود يااانهار اسوود ومنيلل يااارب استرهاا معايااا ياارب كان مالي انا ومال الصحافه والاخبار وحقوق النااس والمرار الطافح ده
فسمعت واحد من بعيد بيقول بعصبيه يلااا اهي هاتوهاا بسرعه
فعيطت وتابعت بخوف وهي بتجري بكل قوتها وبتنهج ارجووك يااارب ارجوك نجيني يااارب هو انا اجي جنب دوول ايه هيطولوني دلوقتي وبتجري اكتر ورجليها ابتدت توجعهاا جامد وواحده من الجزم اتقلعت فموقفتش تجيبها لانهم وراها وفضلت تجري بخوف ورعب شديد وتابعت ااه ياارب نجيني ارجووك ياارب وعيطت اكتر
فتابع واحد منهم بعصبيه اخلص انت وهوو حد يروح يجيب عربيه او موتوسيكل ويجي علشان نلحقهاا
فالميا خافت اوي وفضلت تجري اكتر ووقعت على رجليها وعيطت بالم بس بردو قامت وفضلت تجري ومسمار دخل كعب رجليها الحافيه فصرخت بألم وعيطت وكملت تجرري بس مقدرتش تستحمل وبقيت يعتبر بتجري على رجل واحده وبتحرك التانيه بالعافيه وفاجاه قطع الطريق عربيه نص نقل راكبها واحد ملصم وتابع بحده اركبي يلاا
فلميا اتخضت وخافت وتابعت انت ميين ؟؟
الملصم بعصبيه يابنتي اركبي لو مسكوكي هيصفوا دمك
لميا بصت لقيتهم قربوا يوصلوا فتابعت بعياط وخوف: انا مش عارفه هثق فيك لييه بس مش قدامي حل تاني وطلعت في الجزء المفتوح من العربيه ورا ونامت بضهرها وفضلت تاخد نفسها بتعب واضح والشخص ده مشي بيها بسرعه رهيبه
فتابع احد رجاله عدلي بعصبيه: الله يخربيتكم هرربت ده البيه لو عرف فيها قطع رقاااب لينا كلناا
التاني وهو بينهج من الجري تابع بخوف مش هنقوله حااجه ولو نزلت اي حاجه من اللي صورتها كأننا منعرفش ومشوفنهاش
الاول بعصبيه هو فعلا مفيش حل غير كدده ونفخ وتابع مصايب سودا وبتحل على دماغنا
عند لميا كانت عماله تعيط من وجع رجليها من كتر الجري والمسمار وحاسه ان جسمها متكسر فتابع الشخص بصوت مسموع اهدي خلاص احنا يعتبر هربناا منهم
لميا بعيااط مش عليهم انا مش قاادره بموت من رجلي
الراجل بقلق اهدي طيب هشوف فيكي ايه بس اروح حته هاديه واقف على جنب
لميا بعياط ماشي
وبالفعل دقايق والراجل وقف في حته هدوء ومفيهاش حد ونزل شافها لقاها بتعيط وماسكه رجليها فاتخض عليها وتابع اهدي اهدي وتعالي وقرب يشيلها
فلميا اتوترت وتابعت بعياط لالا هنزل انا .. انا كويسه
الراجل بضحك ياستي والله ماهأذيكي لو عايز اذيتك كنت سيبتك ليهم
لميا بعياط عارفه بس مينفعش تشيلني ارجوك ابعد انت
الراجل بابتسامه متقلقيش والله انا في نيتي اساعدك بس وربنا عالم وقرب شالها بين ايديه فلميا ايديها بقيت على صدره واتوترت اوي وخافت ومشي بيها راح قعدها علي مقعد في الشارع وتابع بابتسامه استريحي ووطى يشوف رجلها فتابعت لميا بلهفه لالا والله ماهينفع واتعدلت في قاعدتها تمنعه
الراجل بضحك لا عادي والله مافيها حاجه استني انتي بس ورجعها تنسد بضهرها ووطى يشوفها ورفع رجليها حطها على رجليه وهي بتعيط بألم فتابع بصدمه يانهار ازرق دي فيها مسماار !!
لميا بعياط اه الجزمه اتقلعت مني وانا بجري ومش قادره بجد
الراجل بحزن حقك علياا اهدي انا هشليهولك ربنا يستر ميكونش مصدي ولا حاجه
لميا بلهفه ودموع لالا والله كتر الف خيرك لحد كده متعملش حاجه تاني
الراجل بابتسامه ممكن تهدي لان انا مستحيل اسيبك تمشي كده وحط ايديه عند طرف المسمار فلميا عيطت بوجع شديد
فتابع بلهفه بس بس اهدي حقك علياا والله بس لازم اشيله مينفعش يفضل اكتر من كده
لميا بعياط ووجع شيله بسرعه ومره واحده والنبيي
الراجل بخوف حاضر والله وسمى وحط ايديه عند المسمار ومسكه وابتدى يشده فلميا عيطت فبايديه التانيه مسك ايديها يشدد عليها وبدا يشده فعيطت وشددت على ايديه فشد المسمار كامل فصرخت بألم فتابع بلفهه بس بس والله خلاص اديه براا اهو طلعته خلااص اهدي وطبطب عليها وطلع مناديل مسح الدم من المسمار وتابع كويس مسمار جديد نحمد ربنا بس بردو لازم اهتمام راقبي رجلك كويس
لميا هزت راسها بماشي وهي بتعيط بوجع فالراجل ده بص في رجليها التانيه يشوف المقاس وبعت مسدج لواحد من رجالته فيها طلبات
فتابعت لميا بدموع انت بتعمل ايه ؟
الراجل بضحك لا ولا حاجه حمدلله على سلامتك يا انسه لميا
لميا استغربت وتابعت بدموع انت تعرفني ؟؟
الراجل بضحك وانتي فكرك لو معرفكيش هساعدك ليه ؟؟؟ مالك يا لولو ده انا بقول عليكي ذكيه
لميا باستغراب شديد : انت مين وساعدتني ليه وتعرفني منين ؟
الراجل بضحك حيلك حيلك اهدي علياا في ايه احنا دخلنا قسم ولا ايه ؟؟ بس على العموم هريحك ياستي .. انا مين فمش لازم تعرفي كل حاجه .. ساعدتك ليه لان هدفي زيك بالظبط اوقع عدلي الشامي .. وعرفتك منين فانا ورجاله عدلي والدنيا كلهاا عارفين ان انتي اللي بتسربي معلومات ضده
لميا بتنهيده هموت واعرف مين قاله بجدد
الراجل بضحك واحد اسمه رمزي من الجريده بتاعتك القديمه خد الفلوس وبعت الاسم والصوره بكل بساطه
لميا اتصدمت وتابعت رمزي !!! ازاي يعمل كده انا مش قادره اصدق !! وبعدين انت عرفت منيين كل ددده !!!
الراجل بضحك قولتلك مش لازم تعرفي كل حاجه وبالنسبه لرمزي اهو واطي وعملها علشان الفلوس بقى .. فانا رايي خليهم ياخدوا حذرهم منه بس ميمشيش من الجريده استغلوه فانكم توصلوا عن طريقه معلومات مغلوطه مثلا
لميا بابتسامه فكره حلوه جدا هقولهم وبصتله بتركيز وتابعت بس انا ممكن اسألك سؤال ؟
الراجل بابتسامه لابس كده لاني مش عايز حد يعرفني ومش هقدر اكشفلك عن وشي صدقيني
لميا بضحك عرفت منين اني هسألك السؤال ده ؟؟؟
الراجل بضحك لا عيب عليكي انا اعرف حاجات كتير زيك بالظبط ووريني صورتي ايه انهارده بقى ؟؟؟
فلميا ابتسمت بحماس وفتحت الكاميرا وريته فابتسم باعجاب وتابع عااش بجد برافو عليكي ياريت تبعتيهوملي بس متخافيش انا مش صحفي ومش هنزل حاجه قبلك ولا الجو ده
لميا بضحك لالا متقلقش تمام هبعتهملك وياريت نتواصل اكتر بما اننا هدفنا واحد واللي يعرف حاجه يبلغ التاني
الراجل بابتسامه تمام اتفقنا هاتي فونك اسجلك رقمي
فلميا اديته الفون فكتب الرقم واداهولها فابتسمت وتابعت اسمك ايه ؟
الراجل بابتسامه سميني زي ماتحبي
لميا بضحك هو في ايه ليه الغموض ده كله ؟!!
الراجل بضحك لا والله فين الغموض ده بس ؟!!
لميا بضحك تيجي زي الابطال فاجاه بعربيه وتقولي اركبي بسرعه وملصم مش مبين وشك ولا معرفني اسمك وتعرف معلومات كتير عني وعن عدلي ومش صحفي ايه في ايه هو انا هكتشفك ولا اكتشف القضيه ؟!!
فالراجل فضل يضحك بشده وتابع لالا هتعرفي متقلقيش بس كله بوقته
لميا بضحك اه ولحد ما اعرف اسمك ايه بقى دلوقتي ؟؟
الراجل بضحك والله سميني زي ماتحبي شوفي بتحبي اسم ايه وسميهوني
لميا بضحك ايه رايك في انس بعشقه
الراجل بذهول انس !! وفضل يضحك بشده
لميا بضحك ايه ماله انس في ايه ده تحفه
الراجل بضحك ده انتي اللي تحفه .. يعني بعد كل الاكشن اللي عملته معاكي دده وحركات احمد السقا واحمد عز اللي حصلت دي وطولي وهيبتي يتقالي انس !!! طب ولله عيب على شنبي
لميا بضحك منا مشوفتش شنبك وشك كله متغطي الله
فالراجل فضل يضحك بشده فلميا ضحكت على ضحكه وتابعت بالله متبقاش بايخ ما حلو انس
الراجل بضحك ياستي ياريتني وريتك شنبي طلما هيفرق في التسميه اوي كده بالنسبالك .. بس مش مهم انس انس اي حاجه تيجي منك حلوه
لميا بضحك ايوه كده شاطر وابتسمت وتابعت ايه رايك توصفلي وشك ؟؟
الراجل بضحك عايزه تجاريني وكده صح ؟؟
لميا بضحك لا والله ابدا بس اهو دردشه زي اي دردشه
الراجل بابتسامه انا ياستي ولا ابيض ولا اسمر قمحاوي كده
وعيني خضرا اظن دي واضحه ودقني متحدده
لميا بابتسامه حمستني اشوفك يا ولا
فالراجل فضل يضحك بشده فتابعت بضحك لا بجد حمستني اشوفك مع اني مش برتاح لاي راجل عينيه خضراا بس ارتحتلك
الراجل بضحك سمعتنا زي الزفت انا عاارف بس والله انا مختلف
لميا بضحك : لا ما باين الاختلاف انا اصلا حتى لو كنت ناويه اكرفلك ومعتمدش عليك اوي واكمل القضيه لوحدي مستحيل اعملها خلاص علشان بقى عندي فضول اعرفك وما ادراك بقى لما صحفيه شاطره زيي يكون عندها فضول يعني هسلب منك المعلومات كده كده
فالراجل فضل يضحك بشده وتابع ماشي ياستي وانا موافق
لميا بضحك مش عارفه ليه حاسه اني شوفتك قبل كده
الراجل بضحك بتحاولي تكوني رومانسيه وكده ؟؟؟
لميا بضحك لا والله ابدا انا بتكلم جد الصوت نفسه
الراجل بضحك جايز
لميا بضحك : ده لو حقيقي هتمنى ارجع لليوم اللي سمعت فيه الصوت ده عشان الف اشوفك وافتكر شكلك
الراجل بضحك يابنتي متخلنيش اضعف بقى قولتلك مش هينفع دلوقتي بالله
لميا بضحك ياسيدي خلاص ماشي بس توعدني هيجي يوم اشوفك يا انس ؟
الراجل فضل يضحك وتابع وعد
وجيه احد رجاله وتابع اتفضل يا فندم فانس بصله وتابع تمام روح انت فهز راسه بماشي ومشي
فتابعت لميا باستغراب ايه ده يا انس ؟
انس بابتسامه جبتلك مرهم مضاد حيوي علشان رجلك دي وجزمه جديده شوفت مقاس رجلك علشان كده
فلميا اتفاجئت وتابعت لا بجد تعبت نفسك ليه كتيير كدده ؟؟!!
انس بابتسامه مفيش حاجه تكتر عليكي انتي تستاهلي كل خير وحابب احييكي بجد على تعبك طول الفتره اللي فاتت
لميا ابتسمت بامتنان وتابعت : حقيقي شكراا مش عارفه اقولك ايه بس يمكن انت لحد الوحيد اللي بتشجعني
انس بابتسامه لو اهلك او صحابك المقربين ضدك ده طبيعي لانهم خايفين عليكي ..يمكن انا مبهور بشجاعتك علشان كده بشجعك انما اللي انتي بتعمليه غلط لان دي دايره خطر فعلا وانتي بنت
لميا برفعه حاجب يعني ايه بنت هو احنا مش بنعرف نعمل كل حاجه زينا زيكم بالظبط ؟؟ واصلا مقولتش لاهلي عشان اكمل اللي بدأته لاني مقرره محدش هيوقفني عن اللي في دماغي
انس بضحك لا هتبدائي محاضره حقوق المراه ليه انا بتكلم عادي والله
لميا بضيق اصل ايه انتي بنت دي !!
انس بتنهيده اقصد ان عندك االلي تخافي عليه يعني افترضي مسكوكي الله اعلم كانوا عملوا فيكي ايه لان عدلي الشامي هيطق منك انما انا مثلا هيعملوا فيا ايه ؟؟ مفيش حاجه اخسرها فاهماني ؟؟
لميا بقلق فهمتك بس ربنا يستر والله انا مينفعش اقف
انس بابتسامه انا فاهمك ومعاكي متقلقيش ومسك رجليها رفعها على رجله وفتح انبوبه المرهم يدهن على رجليها
لميا بلهفه : لا والله عيب كفايه كده تعبتك
انس بابتسامه معلش سيبيني اكمل للاخر وحطلها براحه وهي غمضت بألم وتاوهت بوجع فتابع بحزن بس بس حقك علياا والله استني بس شويه بعدين البسي الجزمه ووطى عند رجليها التانيه قلعها الجزمه ومسك الجديده
فتابعت لميا : طب استنى طيب هلبسها انا والله
انس بضحك يابنتي كفاياكي زن بقى ولبسها الجزمه وتابع هاا مريحاكي ولا ابعت اقتل الواد اللي جابها ؟؟
لميا بضحك لا والله جميله وشكلها جميل اوي تسلم
انس بحب طب الحمدلله نستنى المرهم شويه بقى بعدين تلبسي التانيه واوديكي حته تعرفي تروحي منها
لميا بحب حقيقي مش عارفه اقولك ايه
انس بحب متقوليش حاجه خالص وبطلي هبل
فلميا بصتله وابتسمت وبعدين ابتسامتها اختفت وتابعت بس على فكره مش عدل ان انت تشوف شكلي وانا لا .. جو توليت اللي انت فيه ده مش جاي معاياا سكه فابعد عني كده علشان الفضول هيخليني اقوم اقطع اللي انت لابسه ده
فانس فضل يضحك بشده
-------
عند اسراء في جامعتها كانت خلصت وطالعه من البوابه سمعت صوت عربيه فتبص كان حسن فشاورلها تيجي
فتنهدت وراحت عند العربيه وتابعت خير
حسن بابتسامه اركبي عازمك على الغدا
اسراء بسخريه مبتغداش دلوقتي لسه بدري شكراا
ورايحه تمشي فحسن مسك ايديها بسرعه وتابع اسراء بالله عليكي لتركبي انا مستأذن امك اننا هنتغدا برا والله العظيم
اسراء بضيق مش عايزه اطفح ياحسن الله
حسن بضحك طب اركبي علشان عايزك وشوفي عايزه ايه وعينيا الاتنين ليكي
فاسراء لفت فتحت الباب وركبت جنبه وقفلت وتابعت هاا ارغي
حسن بذهول ارغي !! ينعل ابو تربيتك وضربها بخفه على راسها وتابع في واحده محترمه تقول كده
اسراء بحده الواحده المحترمه متركبش عربيه مع واحد اجنبي عنهاا كويس انك فكرتني بالاخلاق يلا عن اذنك ورايحه تنزل فمسك دراعها وتابع بضحك الله يخربيت اهلك يا شيخه .. ايه قطرر ماتهدي شويه .. خلاص اخطبك ومبقاش اجنبي والله مستعد بس انتي ترضي
اسراء بصتله برفعه حاجب وتابعت على راي الهضبه عمرو دياب لما قال يا خساره بتيجي الحاجه لما الواحد مايعوزهاش
حسن بضحك قولي والله كده ؟ ؟
اسراء كتمت ضحكتها بالعافيه وتابعت مبحلفش
فحسن فضل يضحك على ريأكشن وشها وتابع بص هتموت وتضحك
فاسراء فضلت تضحك وتابعت عاايز ايه يا حسن يوه بطل رخامه بجد
حسن بابتسامه عايز ربنا يهديكي وتوافقي نحلل كلامنا وحضني ليكي وقاعدتنا دي دلوقتي وحاجات كتير اوي
اسراء برفعه حاجب ليه مش كنت مستأذن ماما ؟؟
حسن باابتسامه والله مستاذنها واتصلي اساليها لو مش مصدقه بس الفكره انا نفسي امشي بيكي قدام الدنيا كلها من غير مااخاف ولا اعمل حساب لحد وعلشان مقدر الظروف فاهروح استاذن علي
وهنلبس الدهب وبس عند بتاع الدهب بس وافقي ابوس ايدك
اسراء بوجع واما بتحبني الحب ده كله قهرتني ليه زمان يا حسن ؟؟؟
حسن بتنهيده حزينه انا معترف اني وجعتك بس انا لو كنت اختارتك بدل السفر مكنتش هقدر اقولك دلوقتي اني قادر اتقدملك .. صدقيني السفر ضاف ليا كتير اوي وطول ما انا هناك عمرك ما غبتي عن بالي لحظه ودايما بفضل اكلم نفسي واقول يا ترى اسراء بتعمل ايه دلوقتي وموجوع من بعدك عني بس حسيت اني عملت الصح لما بطلت اكلمك علشان انتي مش عايزه الكلام من ورا اهلك وبردو عارف نفسي بعشقك ففضلت اتعب وانا حاطط قدامي صورتك كهدف عايز اوصله واديني وصلت فمتحرمنيش منك يا اسراء
اسراء بوجع بس انت قدرت تقول انك محبتنيش يا حسن
حسن بحزن والله بحبك ومقدرش العب بيكي ولا استغنى عنك وساعتها الكلمه طلعت بتلقائيه جدا لما قولتي ده كده مش حب قولتلك ااه مش حب انا مش بحبك وكنت بلعب بيكي انما والله مش قصدي كده بجد .. وادي النيه باينه اهو انا فعلا عايزك في الحلال ومش شايف بنت غيرك تكون ام لعيالي يا اسراء
اسراء دموعها نزلت وسكتت فحسن وجه وشها ليه وحط ايديه الاتنين على وشها مسح دموعها وتابع انا فاهم اني وجعتك وجرحتك ويوم عيد ميلادك وعيطتي كتير بسببي بس والله راجع ماددلك ايدي اني مستعد اعوضك عن كل ده اضعاف وعمري ما هسيبك لوحدك تاني ولا هحسسك الاحساس ده ولو لقيتي نفسك لوحدك يبقى انا مت غير كده مستحيل
فاسراء عيطت وتابعت بعيد الشر عنك وحضنته فحسن ابتسم بحب وطبطب على ضهرها بحنان وباس راسها بعمق وتابع حقك على عيني وقلبي والله
اسراء بعياط خلاص يا حسن مسمحاك وموافقه نبدا من جديد
حسن بفرح انتي بتتكلمي جد !!
اسراء بدموع وحب جد والله بس لو عملت حاجه تاني المره دي فيهاا قتلك
فحسن مسح دموعها وتابع بضحك يباشا والله مقدرش خلاص
فاسراء ابتسمت بحب ونامت على كتفه فباس راسها بعمق وهو حاضنها وتابع بضحك نشفتي ريئ اهلي يا اسراء
اسراء بضحك احسن تستاهل
حسن بحب هو انتي اللي تستاهلي اتعب علشانك كده والله
اسراء ابتسمت بحب وتابعت بحبك اوي يا حسن
حسن فرح بالكلمه وابتسم بحب وباس راسها بعمق وتابع وانا بموت فيكي يا نورعين حسن وابتسم وتابع هاا نتغدا فين
اسراء بابتسامه اي حته على ذوقك
حسن بحب خلاص تمام اتفقنا واتعدل في قاعدته وبدا يسوق
-------------
عند هاله كانت واقفه في البلكونه ونيره في اوضتها بتاخد شاور
فدخل كريم وتابع بقلق هاا يخالتي في ايه طلبتي تشوفيني بسرعه ليه ؟؟
هاله بتوتر انت عملت ايه في موضوع عريس بنت خالتك نديم ده ؟؟
كريم بتنهيده ما تهدي يا خالتي مستعجله على ايه الواحد مبيلحقش يرتاح حرفيا وانا مش فاضي خالص الفتره
هاله الدموع اتجمعت في عينيها وتابعت بتوتر : انت عارف انا مستعجله على جواز بناتي ليه يكريم .. وعيطت وتابعت ده حبيبه على يدك فكرتني مش طايقاها في البيت وعايزه امشيها من كتر ما بزن عليها وبجيبلها كل شويه عرساان بس لو يعرفوا اللي انا فيه ويبقوا مكاني هيقدروا الموقف
كريم بتنهيده حزينه : عارف والله بس مش كده مش هنرميهم علشان خاطر خايفين حد يعرف .. التأني في المواضيع دي مطلوب
هاله بعياط وخوف : عارفه والله يابني بس الماضي صوته بدا يعلى فارجوك حتى جوز نيره بسرعه
كريم باستغراب مش فاهم ليه في ايه جديد حصل
هاله بصت حواليها ملقيتش حد ولا حد في الصالون فبصت لكريم وتابعت بدموع وخوف : جدهم اتصل وعايز يشوفهم وبيقول ان علي تعبان