نور بصت ليها بعدم تصديق و ارتباك:- ب بتهزري صح ، التحليل متلخبطة ، حمل كاذب أو بتجبري بخاطري و
الدكتورة قطعت كلامها ببعض الحادة و الثبات:- انا اعرفك علشان بجبر بخاطرك مش انا الى بقول التحاليل الى بتقول و مفيش لخبطة لان كل العلامات دى بتقول انكي حامل و في توأم كمان
نور بصت ليها بذهول و حادة:- انتي بتقولي اي توأم اي و زفت اي اكيد التحاليل دى ملعوب فيها و بعدين عرفتي ازاى و منين انهم توام يا دكتورة
الدكتورة بابتسامة:- عيب يا بنتي انا في المهنة دى من زمان و عارفه بقول اي انتي باذن الله حامل في توام لو مش مصدقني بصي على نفسك يلا يا ماما من هنا و متنسيش المتابعة و ياريت تخدي الأدوية دى بانتظام
نور:- مش واخدة زفت و مش جاية هنا تاني انا غلطانة انى جيتي
الدكتورة بابتسامة و برود:- براحتك
نور بصت ليها بغيظ و اتجهت لباب فتحته
و خرجت جنة قامت:- الدكتورة قالتلك اي كله تمام مش كدا نور مالك انتي كويسة اي الدموع دى
نور مسحت دموعها بفرح و ابتسامة:- انا كويسة دى دموع فرح انا مبسوطة
جنة مسكت ايديها بفرح و ابتسامة دموع:- لااا بتهزري مش قولتلك ان ربنا ها يعوضكم خير شوفتي مفيش حاجة بعيدة عن ربنا
نور بتمسح دموعها ؛- انا معرفش ازاي من رغم ان الدكتورة قالت ان مفيش امل مهما عملت انا مش مصدقة نفسي حاسه اني بحلم يا جنة
جنة حضنت نور و هى بتمسح دموعها بفرح :- الف مبروك يا روحي هتبقي احلي ام في الدنيا
نور بعدت عنها:- و انتي هتبقي احلي خالتو في الدنيا كلها
جنة:- ها
نور:- انا مش هقول لياسين حاجة ههه هو فين ياسين اصلا خليها مفاجاه احسن
جنة:- تاني يا نور
نور:- تاني و الف كمان و بعدين كفاية رغي انتي مجوعتيش انا جوعت جدا
جنة باستغراب:- انتي مش ملاحظة ان بقلك فترة انكي بتاكلي كتير و كمان مبقتيش بتلبسي اكسسوارات حتي الخاتم اي الحكاية
نور:- و صوابعي تحسيها وارمة علشان كدا مش عارفه البس الخاتم انا مقلعتوش عياقة ولا زى ما دماغكم مصورة انا قلعته لان صباعي وارم يلا بقا
جنة بابتسامة:- يلا
نور و جنة مشيو من العيادة و ركبوا العربية و السواق اتحرك
....................
في النادي جميلة بتبص لسيف و زوجته و الدموع اتجمعت في عينيها بوجع و خوف غيرة و دا اكيد سيف فاق بعد زوجته عنه و ضرب كف على وشها صوته كان مسموع
سالي بدموع:- سيف انت ااااااع
سيف كان مسكها من شعرها:- اخرسي يا زبالة انا اي هاا انا فوقت سيف بتاع زمان مات و شبع موت جاية ليه يا سالي علشان الفلوس الفلوس خلصت بقيت على الحديدية جاية تخلصي على الى باقي من عمري ولا حبيب القلب سبك قولتي ارجع لمغفل الى كان بيحبني
سالي بوجع:- ااااع
سيف ضغط على شعرها اكتر بكره و احتقار:- ا انا مش عايزك ولا عايز اشوف وشك تاني فاااهمة روحي لى الى سبتني علشانه يا خاينة زقها على الارض و مسك ايد جميلة قبلها بحب :- نسيت اعرفك جميلة خطيبتي شهرين و هتبقا مراتي سلام يلا يا جميلة
سالي بصتله بصدمة و دموع جميلة بصت لسيف و سرحانة سيف شدها:- يلاا
سالي:- سيييف
جميلة بصت وراها و افتكرت لم كانت بتترجاء قاسم
سيف:- اوعي تبصي وراكي محدش يستاهل
خرجوا من النادي
سيف:- مالك يا جميلة
جميلة بهدوء و ثبات:- هو انت عايز مني اي ليه عملت كدا
سيف:- علشان تعرف انى نسيتها
جميلة ربعت ايديها:- تقوم تستخدمني علشان تذلها قولت اه دى مدلوقة عليك ف اعملها كوبري و اعمل الى عايزاه صح
قالتها ببعض الحادة و وجع:- حتي انت ليه عملت كدا اشحال انك جربت وجعي و شوفت معاناتي ليه ليه مصمم تكسرني اانت مش بنادم انت شيطان انا مش عايزة اشوفك تاني
سيف:- جميلة اسمعني
جميلة:- كفااية بقا
جميلة بعدت عنه و جريت على عربيتها و اتحركت سيف حط ايديه في شعره و ضرب عربيته برجليه بعصبية:- غبي غبيييي
بعد شوية في الفيلا نور رجعت نزلت من العربية و الجزمة في ايديها و مشيت كام خطوة و خبطت على الباب الشغالة فتحت و دخلت بهدوء
اسر كان قعد بيشرب قهوة:- حمدالله على السلامة
نور اتجهت له و قعدت على الكرسي:- الله يسلمك يا عمي
اسر عينيه وقعت على الجزمة الى في ايديها:- بتعمل اي في ايدك
نور :- ااه دى احم رجلي وجعتنى منها ف قولت بلاها جزم و كدا كدا في العربية مين هيلاحظ انى من غير جزمة
اسر:- اتاخرتي ليه و الدكتورة قالت اي
نور بتردد:- قالت ان حبة برد و القولون حاجة بسيطة و بعدين روحت انا و جنة نتغد
اسر ضيق عينيه بشك و عدم تصديق:- متأكدة
نور:- ايوة يا عمي و انا هكدب على حضرتك ليه
سكتت شوية:- هو مفيش اخبار عن ياسين قافل تلفونه ومش في الشركة هيكون راح فين انا مفيش مكان بيروحو مدورتش فيه حتي اصحابه ميعرفوش عنه حاجة عمي انت عارف مكانه و بتضحك عليا صح بتعقبني ف مخبيه
اسر ساب ايديها:- يا بنتي و انا هخبيه ليه و اقلق امو و اعاقبك بالطريقة دى ازاي انتي مالك يا نور دماغك بتفكر ازاى انا والله العظيم ما اعرف مكانه ولا بيعمل اي زى ما هو ابني انتي بنتي حتي لو كنت زعلان منك و حتي لو قليلة ادب و لسانك طويل و مجنونة زى ابوكي انا ميهونش عليا حزن حد منكم غلطتي و عرفتي غلطك و اتعقبتي عليه
نور:- يعني حضرتك مش زعلان مني
اسر:- مستحيل ازعل من بنتي مهما حصل عارفة يا نور اول ايد شالتك بعد الدكتورة كانت مين
نور بتركيز و ابتسامة:- مين يا عمي
اسر:- انا كنتي صغيرة ابوكي خاف يشيلك و امي كمان كانت خايفة تشيلك لانكى صغيرة اوى كنتي اول فرحة في العيلة اخدتي الدلع كله خصوصا من هنا
نور بعفوية:- معرفش ليه سمر كانت كل ما تتعصب او تتقمص مني تصر ان تقص شعري
اسر:- ما تلمي نفسك يا ماما عيب كدا اسمها تيته و بعدين ما هو اتقص اصلا
نور:- لانه وقع
اسر:- قومي يا بت المجانين من قدامي قومي
نور قامت و هى مسكة الجزمة و جريت على اوضتها دخلت غرفة الملابس شافت هدومه و حاجاته رفعت ايديها و بقيت بتمرر ايديها على حاجاته دموعها نزلت بوجع و اشتياق ندم :- انا اسفة يا حبيبي وحشتني اوى يا ياسين
....................
في بيت ابتهال
ابتهال:- و هي عاملة اي دلوقتي
لبنى :- حقيقي الاتنين مجنني معرفش مالهم طب قولي نور متجوزة و عارفه سبب حزنها لكن جميلة والله العظيم يا امي مبقتش فاهمها شوية تشغل اغاني و ترقص شوية تعيط و تكسر كل الى في اوضتها شوية تزغرط بجد بقيت اخاف عليها بس مش عارفه اساعدها ازاي
ابتهال بصت ليها:- حاولي اتكلمي معاها صحبيها يا لبنى
لبنى:- جميلة على اد جنانها و عفويتها الا انها كتومة صعب جدا تعرفي بتفكر في اي الا لو قالت هى البت مش مظبوطة يا امي هو ممكن في
ابتهال:- لا الحكاية مش قاسم خالص الحكاية اكبر من كل دا بنتك بتحب تاني يا لبنى و دا باين عليها بصي في عينيها و انتي تفهمي
لبنى:- نهار اسود العدة لسه مخلصتش تحب ازاي و هى لسه مطلق مكملتش شهرين دى مصيبة
ابتهال:- والله ما في مصيبة غيرك ما تعقلي شوية يا بنتي الموضوع مش مستاهل كل دا البت صغيرة من حقها تحب و
لبنى:- دى كلها في الناس يا امي جميلة طيبة جدا انا مش عايزة تعيش الى عشته مع قاسم الى دمرها و مخلش فيها عقل
ابتهال:- سبي عليا الموضوع دا انا هعرف و منها بس بطريقتي الخاصه
لبنى:- ربنا يستر
...................................
عد يومين و كانوا سنين بالنسبة نور جميلة قفلت تلفونها و بطلت تخرج جنة مشوشة مش عارفه تعمل اي في حياتها بتحب سليم بس خايفة يسيبها زى ما سبها قبل كدا خايفة متطلعش حبه الوحيد زى ما هو بيقول ضمة رجليها و مغمضة عينيها
نورا:- و بعدين معاكي يا حبيبتي مالك
جنة فتحت عيونها بهدوء:- امى اي رايك في سليم شايفه ازاي
نورا:- شايفه محترم و طيب اهم من ما دا معندوش ام تنكد عليك و بالنسبة اخته ف مش فاضيه من همها مع ان امو الله يرحمها كانت سلطانة ست الستات بس هو الطيب كدا بينداس عليه عارفه كانت كل ما تشيلك تقول عروسة ابني
جنة باستغراب:- دى عسولة خالص
نورا بابتسامة حزن:- فعلا بس الزمن مرحمهاش يلا ربنا يرحمها و يصبر عيالها جنة هو انتي بتحبي سليم
جنة بصت ليها بتوتر و ارتباك
.......................
بالليل نور خرجت من التواليت وقفت قدام المرايا بتجفف شعرها اكنها في دنيا تانية مش مركزة ولا سامعة غير صوت وجعها رمشت عينيها بعدم تصديق و تمسح المرايا بايديها:- المرايا مش مظبوطة ولا انا بحلم
ياسين قعد وراها:- اي كنتي فاكرني مش راجع
نور لفت وشها اتجهت له بخطوات ثابت ياسين قام وقف قدامها :- انا رجعت ، كنتي عاملة ازاى سمعت انكي بدوري عليا زى المجنونة مش عارفه اذا كنت عايش ولا مسجون ولا ميت اهو دا كان نفسي احساسي لم سافرتي و معرفش حاجة عنك بتوجع مش كدا
نور دموعها نزلت حضنته بفرح و قوة :- انا اسفة انا غلطت في حقك كتير بس والله العظيم مكنتش اقصد ولا العظيم معرفش عملت كدا ازاى و اعرف حتي الى جاه هنا
ياسين بعدها عنه مسك الختام و قعدها على الكرسي و قعد قدامها على الارض مسح دموعها :- كفاية عياط يا نور انا عارف و متاكد انكي متعرفيش حازم بس كنتي عايزني اعمل اي لم واحد بكل بجحة و قلت ادب ببوصف مراتي بيوصفك يا نور انتي مدرجة كنتي عايزني اتصرف ازاي
نور:- انت ضربتني
ياسين:- شديد شعرك معلقتش المشانق يعني و بعدين ما. الهانم و تتصرف بالعقل و تلبس الخاتم مكنش كل دا حصل
نور بصت له بتوتر و تهرب:- هو انت زعلان علشان سافرت من وراك ولا علشان الزفت
ياسين:- الاتنين و اسمه اوعي يجي على لسانك بصي يا نور انا عايز نفتح صفحة جديدة مع بعض من غير شغلك و جنانك دا
نور بابتسامة:- موافقة
ياسين:- انتي حاسك متغيرة ليه هو فيه حد يدخل التواليت من غير شبشب
نور:: والله انا مش مستحملة البس شباشب ولا اكسسوارات هو كدا مجنونة بقا
ياسين:؛ حتي لو ف انتي احلي مجنونة
قبل راسها بحب بصت في عيونه:- وحشتني
ياسين حضنها:- انتي اكتر يا حبيبي
نور كانت بتفكر قلقانة متلخبطة فرحانة ان حب عمرها رجع حتي لو كانوا يومين بالنسبة ليها اكنهم سنين
بعد شوية نزلوا علشان يتناولو الطعام مع اهلهم
على السفرة
لبنى:- و يا تري بقا الصايع كان فين
ياسين:- كنت في اليخت قولت افصل يومين و ابعد عن الدوشة
جميلة:- يبختك مخدنيش معاك ليه
ياسين:- بقول افصل مش اتصدع منك
اسر :- المهم اننا نلم نفسنا الكلام لجميع
ياسين بص لنور الى مسكة كوبية فيها ماية مخلل بصلها باستغراب:- دا مشروب جديد بخصوص الدايت
لبنى:- والله ما انا عارفه اي الى صابك ما كنتي عاقلة
جميلة بضحك ؛- اوى الصراحة
نور:- و لم ارنك علقة محترمة دلوقتي
جميلة:- مش هتعرفي صحيح هى الدكتورة قالت اي
لبنى:- ياختي يا حبيبتي سبيها في حالها ما قولنا برد
ياسين بص لنور بقلق:- بررد انتي تعبانة و محدش يقولي
نور ؛- مفيش حاجة يا حبيبي شوية برد و راحوا لحالهم
جميلة :- اه بس في حاجة مخليها مجنونة على جنانها
جميلة حطت ايديها في جيب الجاكيت بتاعها و ضمت ايديها :- اااه من العند يا ولاد
جميلة رفعت ايديها قصاد عينيه :- ان ان ان
اسر:- اي دا
لبنى:- البت دا بيعمل اي
جميلة بابتسامة:- بتاع نور يا مامي نور جابته و بعدين راحت لدكتورة و قالت ان نور الشاذلي و ياسين الشاذلي هيبقا عندهم طفل قريبا كدا يا نونو تبقي حامل و متقوليش ليا طب والله عيب في حقي ان ابقا عمتو من غير ما اعرف و لولا البت جنة مكنتش عرفت من اصلو
ياسين بصلها :- الكلام دا صح
نور بصت له بتردد:- صح انا حامل و عارفه من يومين ووووووو