رواية عشق ابيض واسود الجزء الثالث الفصل الثالث 3 بقلم عائشة الكيلاني

الفصل الثالث 3 

بقلم عائشة الكيلاني 

يحيي بثبات و ثقة اسالها بنتك مراتي برضاكم أو غصب عنكم ولا اي يا موني صح نسيت انكي بتنسي بسرعة بس معلش 

يونس ابن ياسين و نور دخل و مسك ايد جاسمين 

يحيى بصلهم بتراقب و كمل ياريت الستات تسبنا لوحدنا شوية 

نور الام طالعت و الغضب في عينيها و بتتمني يكون كابوس كانت متوقعة المصيبة دى من جميلة من نور بناتها لكن منى لا اكيد في حاجة غلط كل واحدة طالعت اوضتها 

جاسمين واقفة 

ياسين بصلها بحادة و و غضب قال بزعيق:- هو مش قولنا الستات تسبنا لوحدنا 

جاسمين بصت ليونس بغضب و طالعت 

يحيى:- قسيمة الجواز حقيقة مية في المية بنتك مراتي على سنة الله ورسوله و طبعا كلنا عارفين موني بتنسا بسرعة بمجرد ما اليوم يعدي 

ياسين قعد بصدمة و اكنه اتشل مش مصدق الى بيسمعو 

نوح قرب من يحيي و لسه ها يضربه 

يحيى:- ياريت يا نسيب تبقا عارف ان اى حركة منك هزعلك على توامكم و انت عارف مجنون و اعملها 

  سامر مسك نوح بمعنى استني و هو مذل مصدوم 

يحيى:- يعلم ربنا انى بحبها و مش في نيتي انى اذيها و الا كنت استغلت دا من زمان 

يونس بشر و سخرية:- لا ابن اصول يا واد 

يحيى :- اتجوزنا ايام الكلية كانت مضغوطة و مستحلفة لحضرتك علشان منعتها انها تطلع الرحلة مع اصحابها البنات صحيح كانت موافقة بس مترددة فعلا اتجوزنا و بعدين طلاقتها بعد يوم او هى كانت فاكرة كدا انت عارف يا عمي زن الستات ف قولت اخدها على اد عقلها طبعا الا اي تابت و اتحجبت و قررت تبعد و انا احترامت دا جدا بس خلتني اتعلق بيها و اتمسك بيها اكتر بعدين الايام خدتنا و كل واحد مركز في مستقبله اول و اخر مرة شوفتها كان اول امبارح علشان اقولها انى هوفي بوعدي ليها ، بس الى مستغربه ازاي زوجتي العزيزة كانت فرحانة انى جاي لاختها هو في واحد بيتجوز اخت مراته 

يونس بقسوة ابن ياسين:- ادي الى خدنا من السهتانة انا قولت دى هتجيب لينا مصيبة محدش صدقيني جالك كلامي يا 

نوح بعصبية ابن ياسين:- قطع لسانك اخرس 

سامر الابن :- حتي لو معندناش بنات ليك اطلللع برااا و احب اقولك انها مكنتش في وعيها و انت استغلت دا لانك عارف انها بتنسي مولودة كدا 

يحيى قعد ببرود:- اهو اغير جو و اقعد معاكم ، انا مش ماشي من هنا غير و مراتي معايا بسيطة اتصلوا بى المأذون او نتجوز من جديد ولا اي يا عمي اى حركة منكم ها ضيعكم 

سامر الابن مسك يحيي من هدومه و بدا يضربه بغل :- بتهددنا يا حيوان يا واطي 

اما فوق كانت نور ( الام) رايحة جاية في اوضتها حطه ايديها على راسها و مش مستوعبة الى سمعته خرجت من اوضتها و دخلت اوضة منى 

منى كانت بتصلى نور قفلت الباب و بعد شوية دخلت تاني كانت منى خلصت صلاة 

نور بصت ليها بهدوء :- سامعكي 

منى:- مالك يا ماما 

نور ببعض الحادة مسكتها من دراعها :- كلام الواد دا صح اتكلمي 

منى:- واد منى 

نور مسكتها من دراعها:- لااا فوقي كدا و ركزي أو بلاش تمثلي لانى انا اكتر حد فاهمكي كويس و لو ما نطقتي هقتلك سااامعة بقااا على اخرر الزمان نتذل بسببكم لا عشتو ولا كنتوا 

الباب اتفتح و كانت لبنى الى اول ما رحمة كلمتها جت جري هى و اسر جوزها 

لبنى بعدت نور زوجة ابنهاعن منى بالعافية:- بسس اهدي و خلينا نفهم 

لبنى بصت لى منى ( ابنة ياسين) :- موني قولينا الحقيقة 

منى اتوتر حطت ايديها على راسها:- انا مش فاكرة حاجة مش فاكرة ارحموني بقا 

نور:- كمان بترفعي صوتك علينا 

لبنى حضنت منى:- اتهدي بقا 

نور بعصبية:- يا امى بتقولي اي بنتي ضيعت نفسها و كرامتها و بتقولي اهدي 

لبنى:- مفيش حاجة ضاعت ممكن تهدي بقا ولا اخدها تعيش معايا و مخلكيش تشوفيها تاني اعقلي و خلين نشوف اخرتها مع الواد دا 

اما في بيت نسمة كانوا اخواتها بيعيطو كانوا جيرانهم معاهم نسمة من رغم ثباتها لكن كانت زى التايهة مش قادرة تعيط ولا تكون قوية اكن كل حاجة بنسبة ليها ماتت بالليل كان العزاء خلص 

نيرة بدموع :- اشمعنا احنا يا نسمة بابا و بعدين ماما و طبعا انتي هتتجوزي و هتسبينا 

نورهان:- مكنش دا وعدها لينا ليه انا مموتش معاها 

نسمة فاقت على كلامها حضنتها بصت لفراغ:- بعد الشر عليكي ، هى في مكان احسن كفاية انها اتعذبت اوى مكنتش قادرة تتحرك ولا تاكل او تشرب هى ارتاحت من كل دا احنا مكنش حاسين الى هى حساه أو بى معاناتها عارفين يعني اي تبقوا عايزين تاكلو أو تقومو و مش قادرين عارفين يعني اي بتتكلمو بالعافية هى عانت كتير اوى ربنا يرحمها يارب 

نيرة بدموع:- مصطفى هترجعي ليه صح

نسمة بابتسامة بوجع و حزن:- حكايتي مع مصطفى خلصت لحد هنا ، بس وعدكم ليا و لتعبي انكم تكملوا دراستكم انا معملتش كل دا علشان تقولوا مش عايزين فاهمين ، يلا روحو نامو 

نيرة:- و انتي 

نسمة بهدوء:- انا كمان هروح انام 

نورهان:- تصبحي على خير 

نسمة:- و انتي من اهلو 

كل واحدة راحت على اوضتها نسمة قفلت الباب كويس و حطت التربيرة وراه دخلت اوضة امها حضنت المخدة بتاعتها و قعدت تعيط بوجع و صوت مكتوم 

اما في بيت ياسين في اوضة جميلة 

جاسمين رايحة جاية في الاوضة:- تو بجد انا مش مصدقة اختك تعمل كدا ازاى فيكي هى عايزة توصل لاي 

مليكة الابنة حطة راسها بين ايديها:- اخرسي و اطلعي برا 

جاسمين بخبثة:- تو تو تو ليكي حق تتعصبي ما هى اختك و مهما كان مستحيل تصدقي حاجة عليها بس انتي منتظرة منها اي تاني يعني كدبت عليكم و طالعت متجوزة من وراكم الواد الى انتي بتحبيها و هو بيحبك سرقة منك كتير حب ابوكي و امك و اخرهم حب يحيى انا متاكدة انها فاكرة و بتستهبل علشان متعاطف معاها مع ان الى عملته مفيش فيه تعاطف ولا اي اختك متاكدة انه جاي ليها هى قاصدة توجعك لم تخليكي تسمعي بنفسك رفض يحيى ليكي 

قالت بحزن مصطنع:- مش قصدي اقلبك عليها مليكة انتي اختي و يعلم ربنا بحبك اد اي بس بجد اختك يليق عليها مثل ياما تحت الساهي دواهي منى مش زر مانتوا فاكرين اكيد سحرلو انا هقوم بقا لاننا لازم نمشي دلوقتي بس امانة عليكي براحة عليها 

جاسمين خرجت من اوضة مليكة و هى فرحانة انها كسبتها روحت هى و يونس اما في بيت سيف و جميلة 

 جميلة قعدة بتتفرج على التلفزيون 

رفيف قعدت جانبها:- هو انتوا مش موافقين على يوسف ليه يا ماما 

جميلة:- سبق و قولنا السبب 

رفيف:- اه بس دا مش سبب مقنع و بعدين انا عايزاه و مش هتجوز ولا عايزة غيرو 

اانتي بتقولي اي انتي اتجننتي 

قالتها و هى بتقوم بعصبية و جنون 

رفيف بدموع:- يا مامي يوسف شخص كويس جدا و محترم 

جميلة حطت ايديها على شعرها بعصبية و جنون:- انتي بتقولي اااي انتي ملقتيش غير ابن اكتر راجل اذني و تقولي محترم طب بصي انسيه يوسف و لو ما تعدلتي يا رفيف صدقيني 

رفيف بعصبية قطعت كلامها:- ها تعملي اي ها تضربني مثلا طب انا بحبه يا امي بحبه بحبههه 

جميلة صفعتها رفيف حطت ايديها على خدها بصدمة 

جميلة ايديها بتترعش بتبصلها بحزن و خذلان 

رفيف بعصبية:- انتي بى تضربني يا مامييي بتضربني تمام 

رفيف طالعت دخلت غرفة الملابس لمت هدومها و قفلت الشنطة و نزلت من اوضتها وقفت قدام جميلة شوية و بعدين فتحت الباب و خرجت جميلة حطت ايديها على وشها و قعدت تعيط بوجع و قهرة على بنتها مسكت الفون و اتصلت بسيف:- اسمع بقا انت لوو مجتش دلوقتي انا ها سيبلكم الدنيا و ارتاح 

سيف:- طب اهدي و قوليلي حصل اي 

جميلة بعصبية:- انا مش مجنونة علشان اهد يا سيف رفيف ضاعت رفيف وقفتي في وشي علشان ابن قااسم و انت لازم تتصرف في الموضوع دا 

سيف قفل الفون في وشها و هى مش عارفه تعمل اي 

رفيف جريت على اوضتها و هى بتعيط 

سيف قعد جانبها:- انا بقول أننا دنيه فرصة خصوصا ان يوسف غير ابوه 

جميلة بصتله:- صحيح و يا تري بقا هيعمل في بنتي اي يصورها و يهددها 

سيف:- صووووتك و بعدين انتي بدل ما تحتويها و تفهميها براحة تقومي تضربيها و لو كان حصلها حاجة دا هيبقى حلو ااانتي بتفكري ازاى 

جميلة:- لقيتها فين 

سيف:- خالتي اتصلت بيا و قالت ان رفيف عندها 

سيف قام و قال بعصبية:- لاخر مرة اقولك بلاش تندفعي و تتصرفي من دماغك تمام 

سيف طالع لاوضة رفيف 

رفيف بصتله و الدموع في عينيها سيف قعد جانبها:- ناوية تقتليني صح 

رفيف هزت راسها بنفي دموعها نزلت :- يا بابي انا بحبكم بس انتو محدش فاهمني خصوصا مامي منين بدافع عن الحورية و منين عايزني اعمل حاجة مش عايزاها ، يوسف شخص محترم و بعدين ما هو ابن ابن عمها يعني قريبها ليه مصممين تقفوق في طريق سعادي حضرتك لم اتجوزت مامي كان باردك و هى نفس الكلام كل واحد اختار شريك حياته اشمعنا انا 

سيف بابتسامة:- كبرتي يا رفيف و بقا ليكي رايى و بقيت بدفعي عنه ، بس انا و مامي قبل ما نكون مع بعض كل واحد مننا دفع تمن اختياره الغلط كونا متجوزين هى كانت متجوزة قبلي و انا كمان 

رفيف بصت له بهدوء و عدم فهم:- مش فاهمه دا اي الى دخلو في رفضها ليوسف 

سيف:- لانها كانت متجوزة ابوه قاسم عاصم الشاذلي مش هقدر اقول غير انه اذاها اوى سبب رفضها ليوسف في دا من خوفها عليكي لانها مش عايزك تعيشي الى عشيته ولا تشوفي الى شافته و انا نفس الكلام ، رفيف انتي اغلي حاجة عندنا و مش مستعدين اننا نرميك في النار بايدينا الواد كويس بس الماضي هيفضل مخوف امك و مهددها 

رفيف:- بس يوسف غير باباه يا بابي لو مكنش عايزني مكنش حاول مرة في التانية لحد دلوقتي صوابعك مش زى بعضها انا واثقه في ربنا ثم في يوسف لو عايزني اكون مبسوطة وافق عليه ارجوك يا بابي 

سيف قام قال بهدوء عكس العصبية:- ياريت الى حصل من شوية ميحصلش و ياريت تنسي يوسف دا مفهوم يا رفيف 

سيف رزع الباب رفيف انفضت و قعدت تعيط و هى ضمة رجليها قامت اتوضت و بعدين صلت قيام الليل و بعدين صلت صلاة استخارة خلصت صلاة و دعاء قامت اخدت المصحف و بقت بتقرا القران 

تاني يوم في بيت يونس 

جاسمين مسكة تحليل في ايديها بابتسامة سخرية:- لاا يا بيبي مش معنى انى مش بخلف يبقا هسيبك انا هاخد روحك الاول روحك و فلوسك 

بصت لتحليل بسخرية مسكت الولعة بتاعتها و ولعت في التحليل بتاعها بغل:- مش انا لوحدي الى اتحرم ولا انا لوحدي الى يبقا اهلي افلاسو قريبا جدا افلاس الشاذلي هيبقا على ايدي و ايد ابنهم الغبي ههه كل فلوس الشاذلي لازم تكون ملكي لوحدي 

رمت التحليل في الارض و بقت بتتفرج عليها بعد ما بقت رماد 

اما عند نوح في العربية نزل من العربية و سند عليها و هو بيبص لساعة 

نوح:- معرفش اي البرود دا ميكنوش عينيها على الملف 

مكملش كلامه كانت نسمة نزلت من عربيتها و في ايديها الملف قفلت الباب و اتجهت ليه:- انا متاسفة اوى 

نوح:- حصل خير 

نوح اخد منها الملف لكن قال بفضول:- هو انتي لبسه اسود ليه 

نسمة بحازم:- و انت مالك 

نوح:- ما تفوقي يا بنتي و اعرفي بتتكلمي مع مين 

نسمة ربعت ايديها:- هتكون مين يعني بقولك الملف معاك اهو مش عايزة اشوف وشك تاني و لو بالصدفة 

نوح:- على اساس انى ميت عليكي 

نسمة بصت من فوق لتحت و اتجهت لعربيتها 

نوح بص ليها باستغراب:- اي البت دى حاسس ان بتكلم مع صاحبي يخربيت نكدها 

ركب عربيته و اتحرك على الشركة طبعا البيت بقا حزين نور و ياسين بين نارين مش طيقين بنتهم بس برضو خايفين عليها 

في فيلا ياسين 

مليكة بنت ياسين خرجت من اوضتها و هى واخدة قرارها راحت المطبخ كانت بتبص حواليها بتراقب و توتر طالعت ازازة صغيرة حطت منها قطرات و خرجت جري على اوضتها 

و هى بتترعش نامت و غطت نفسها كويس جدا 

اما في اوضة منى بنت ياسين صحيت على صوت الشغالة الى حطت العصير على التربيزة و خرجت 

منى مسحت وشها بضيقة و حزن الفون رن 

يحيى:- صباح الخير زوجتي العزيزة 

منى:- طب شوف بقا النمرة الى عملتها امبارح دى مش هعديها ولا ها سيبك يا يحيي علشان تستغل نسيني و تعمل القرف دا هو بالعافية انا مش عايزك 

يحيى :- هجي انا و اهلي نتقدم تاني عايزك بقا تهدي و تقولي لاخواتك يهدو شوية خصوصا حماتي الصغيرة ملاك هانم بحبك 

منى:- حبيتك عقربة تكون سمة و اخلص منك ، هو انت قولت لى اهلك 

قالتها بخوف الصمت بينهم لثواني بص لسما بألم لكن ملامحه تحولت في ثانية لم حس انها مش واثقه فيه 

يحيى بثبات و حادة:- طبعاً لاا 

منى قفلت الفون في وشه اخدت العصير شربته و دخلت التواليت اخدت شور و غيرت هدومها اتوضت علشان تصلي خلصت صلاة رفعت ايديها و بقت بتعيط بانهيار و شهقات:- يارب سامحني ا انا عارفة انى غلطت و انى عقابي ان اهلي يكرهوني ب بس انا والله العظيم توبت انا مش فاكره ولا عارفه عملت كدا ازاى ولا كان فين عقلي ا انا اتجوزته علشان بحبه بس انت وحدك علم ان مفيش حاجة بينا و انى سبته في وقتها بس برضو معرفتش ابعده عني لو رجع ولا اقصد اكون سبب في وجع اختي ا انا خسرت كل حاجة من غير ما احس او فاكرة عملت كدا ازاى. 

بعد شوية كان يحيي و اهلو جوم 

معتصم:- انا بعتذر عن سوء التفاهم الى حصل 

ياسين بنفذ صبر و ضيقة:- و بعدين 

معتصم:- يحيي اكيدلي انكم موافقين و دا شرف لينا و انا مش ها لقي لابني احسن من الانسة منى ولا في ادبها و اخلاقها هدوها و عقلها الى يوزن بلد 

قروا الفاتحة 

خديجة دخلت بسرعة:- باابا الحقني منى واقعة على الارض و مش بترد عليا 

اسر:- بتقولي اي 

ياسين و نور في ثانية كانوا خرجوا من الصالون طالعو لاوضة بنتهم كانت منى وقعة على الارض ووووووو

              الفصل الرابع من هنا

لقراءه باقي الفصول من هنا