وفضلت صفاء سهرانه طول الليل لحد ما النهار طلع ومفيش حد خرج من الأوضه..لا بكر ولا الضيف اللي معاه؟
_وصفاء خوفها بدأ يذيد وبدأت تفكر ف أكتر من سيناريو وتخمن إيه اللي ممكن يكون بيحصل جوه
وطبعا تخميناتها كلها مش خير وقلبها مش مطمن وحاسه إن بكر بيعمل مصيبه كبيره
_المهم فضلت صفاء قاعده قصاد الأوضه وخايفه إنها تقرب منها..لكن بدأت تستجمع قوتها وتركيزها وقررت إنها تروح تفتح الأوضه وتشوف إيه اللي بيحصل بالظبط..بقلم..محمد طه
_وبالفعل راحت عشان تدخل وقبل ما تقرب من الأوضه كان باب الأوضه بيتفتح وبيخرج بكر.. وأتصدم بكر أول ما شاف صفاء قدامه وتعبيرات وشه كلها بتقول إنو عامل مصيبه وبسرعه قفل الباب وراه وبدأ يتحكم ف أعصابه وبدأ يهدي
الروايه حصري فقط على صفحه محمد الشاعر وموجود بارت هديه
_بكر بهدوء وصوت متقطع..صص صصفاء..إنتي ما طلعتيش على شغلك ليه..دي ساعه الصبحيه دي بيبقي فيها الرزق كله
_صفاء بتجاهل لكلام بكر وتوتره اللي واضح جدا على وشه وكلامه..هوا أنته قفلت الأوضه وراك ليه يا بكر
_بكر بكل هدوء راح قعد على كرسي ف الصاله..
وإنتي عايزه إيه من الأوضه يا صفاء
_صفاء بغضب لكن بهدوء..أنا مش عايزه حاجه من الأوضه يا بكر..بس عايزه أعرف إيه اللي بيحصل ف الأوضه يا بكر من ورايا
_بكر بهدوء..فيه إيه يا صفاء..هيكون بيحصل إيه يعني..أنا قافل الأوضه لمصلحتك..هوا مش فيه عداوه بينك وبين الثعبان المؤذي وكل ما بيشوفك بيبخ عليكي سم..بقلم.. محمد طه
_صفاء لتاني مره تتجاهل كلام بكر وتسأله..الضيف اللي جه معاك إمبارح ف نص الليل راح فين يا بكر
_بكر قام من على الكرسي وعطالها ضهره عشان يداري توتره وتعبيرات وشه اللي قلبت ألوان..ضيف إيه يا صفاء..إنتي بتخطرفي ولا إيه..معلش هوا تأثير أول يوم شغل بيبقي كوابيس وخطرفه
_صفاء بغضب..أنا مش بخطرف يا بكر..كان فيه ضيف معاك إمبارح بالليل وأنا سمعتكم وانتوا بتتكلموا ف موضوع السفر لإيطاليا وبعدين دخلته الأوضه وبعد كده أنته دخلت المطبخ وعملتله شاي وأنا شوفتك وأنته بتحط حاجه غريبه ف كوبايه الشاي..ومن إمبارح لحد دلوقتي الضيف دا ما خرجش من الأوضه.. إيه اللي بيحصل يا بكر
_بكر بهدوء..كل دا حصل إمبارح..صدقيني يا صفاء إنتي كنتي بتحلمي..ومفيش أي حاجه من دا كله حصل..وأنا لا كان معايا ضيف ولا عملتله شاي ولا أعرف حاجه عن السفر لإيطاليا
_صفاء بهدوء..وأنا مصدقاك يا بكر..وأنا فعلا كنت بحلم..ولا أقولك دا ما كنش حلم..دا كان كابوس..أنا آسفه يا بكر..أنا فعلا تعبت إمبارح ف اللف ف الشوارع..بقلم..محمد طه
_وبكر بدأ يهدي وياخد نفسه وبلع ريقه وقال الحمد لله إنو قدر يقنع صفاء باللي هوا عايزه وفجأه صفاء تصدمه
_صفاء بدهاء ومكر..تعالا بقي يا بكر أفتحلي الأوضه عشان أدخل أجيب أكل للثعبان اللي معايا
_بكر بهدوء..أنا هدخل أجبلك الأكل اللي إنتي عيزاه يا صفاء
_صفاء بغضب وتهديد..أفتح الأوضه يا بكر عشان اليوم يعدي على خير..وأنا هدخل الأوضه دي دلوقتي يعني هدخل الأوضه دي..أفتح الباب يا بكر
_بكر بغضب..حاضر يا صفاء هفتحلك الأوضه..لما أشوف أخرتها معاكي
_وفتح بكر الأوضه ودخلت صفاء بكل هدوء وكانت خايفه جدا..كانت خايفه من الثعبان المؤذي وكانت خايفه من الضيف اللي جوه ويا تري إيه اللي حصل فيه وكانت خايفه ل بكر يغدر بيها
_لكن صفاء خلت بكر يدخل الأوضه قدامها عشان تبقي مأمنه نفسها ودخل بكر قدامها وهيا وقفت على باب الأوضه وشافت كل حاجه طبيعيه ومفيش حد ف الأوضه والحفره اللي كانت محفوره متغطيه بحسيره والجوز الثعابين مع بعض ف القفص ومفيش أي حاجه غريبه ف الأوضه وبدأت تشك إنها فعلا ممكن تكون كانت بتحلم لكن عينها جات على التلاجه ولاحظت حاجه غريبه؟
البارت الثامن عشر
_وبدأت تشك صفاء إنها فعلا ممكن تكون كانت بتحلم لكن عينها جات على التلاجه ولاحظت حاجه غريبه
_صفاء باستغراب..هوا أنته حاطط قفل على باب التلاجه ليه يا بكر..بقلم..محمد طه
_بكر بهدوء وأخد وقت لحد ما رد على صفاء عشان كان بيفكر هيقولها إيه عشان تقتنع وما تشكش ف حاجه..عادي يا صفاء..حاطط عليها قفل عشان محدش يفتحها..وبعدين التلاجه أنا حاطط فيها سم مش ميه للشرب يعني..وأنا قولتلك قبل كده إني جايب التلاجه دي للثاعبين مش لينا
_وبعد كده صفاء بصت على الحسيره اللي مفروشه مكان الحفره..هوا أنته ردمت الحفره ولا مداريها بالحسيره
_بكر بغضب..هوا إنتي عايزه أكل للثعبان ولا هتحققي معايا..وبعدين أردمها أدرايها مش شغلك..ويلا بقي أخرجي من الأوضه عشان الثعابين عايزين ياخدوا راحتهم وإنتي عملالهم إزعاج.
_صفاء ف سرها وعنيها رايحه ف كل مكان ف الأوضه..هوا أنا كنت بحلم بجد ولا إيه..مفيش أي حاجه غريبه ف الأوضه..لأ يا صفاء إنتي مكنتيش بتحلمي..أنا سهرانه طول الليل وعيني ما داقتش النوم..إيه هحلم وأنا صاحيه..لأ فيه حاجه غلط..
لازم يكون فيه حاجه غلط
_بكر يقطع سرحانها..أنا بقول تطلعي تكملي سرحانك دا بره..قبل الثعبان المؤذي ما ياخد باله منك
_بصت صفاء لبكر وهيا حاسه إن بكر مش على بعضه ومتوتر وقلقان وكل ما بتبص ف عنيه تلاقيه بيتهرب من نظراتها وبعد كده صفاء عنيها راحت على التلاجه وفضلت بصالها وبكر لاحظ تركيز صفاء على التلاجه
_بكر بسخريه..إيه يا صفاء..تحبي أجبلك شويه سم من التلاجه
_صفاء بغضب وهيا ما زالت باصه على التلاجه..آه يا بكر..هاتلي شويه سم من التلاجه أغير بيهم ريقي
_بكر بإبتسامه خوف..تغيري بيهم ريقك..إنتي عشان طلعتي يوم تشتغليه بالثعبان..بقيتي بتغيري ريقك بالسم يا صفاء (وقرب من صفاء عشان يخرجها من الأوضه) يلا يا صفاء بلاش هبل..بقلم..محمد طه
_صفاء ترفض الخروج من الأوضه وبكل إصرار..يلا أنته يا بكر وأفتح التلاجه وهاتلي منها أكل للثعبان
_بكر بغضب وهدوء..مفيش أكل ف التلاجه يا صفاء..
الأكل خلص والتلاجه مفيهاش غير سم
_صفاء بإصرار..وأنا عايزه أتأكد يا بكر إن التلاجه مفيهاش أكل..عشان أنا متأكده إن فيها أكل
_بكر بعد ما اتأكد إن صفاء مصره إنها تشوف التلاجه..قال خلاص ما بدهاش بقي ما هيا كده كده هييجي يوم وهتعرف كل حاجه وقرر بكر إنو يواجه صفاء واللي يحصل يحصل
_وقام مطلع بكر مفتاح قفل التلاجه ومد إيده بيه لصفاء وصفاء خوفها بدأ يذيد وسرعه دقات قلبها بدأت تذيد
_بكر بغضب..خدي يا صفاء المفتاح أهو وروحي أتأكدي بنفسك
_صفاء بحرص..وأنته ما تروحش تفتحها أنته ليه
_بكر بهدوء..عشان أنا عارف اللي فيها..وقولتلك على اللي فيها..وإنتي مش مصدقه..يبقي إنتي اللي تروحي تفتحيها وتتأكدي بنفسك يا صفاء
_صفاء مدت إيدها عشان تاخد المفتاح من بكر وكانت خايفه وحاولت إنها ما تبينش خوفها قدام بكر وبكل هدوء أخدت المفتاح وبخطوات بطيئه جدا راحت ناحيه التلاجه..بقلم..محمد طه
_وقبل ما تفتح التلاجه بصت بطرف عينها وراها على بكر لقيتوا قفل باب الأوضه بهدوء وراح عند قفص الجوز الثعابين وفتح باب القفص وطلع الثعبان المؤذي وشاله على كتفه
_وبسرعه صفاء أفتكرت الكابوس اللي حلمته وإن بكر هيخلي الثعبان يلف عليها ويمو،تها
_صفاء لفت وشها بسرعه لبكر وبلعت ريقها من الخوف وبكل قلق وتوتر..أنته بتعمل إيه
_بكر بهدوء وهوا بيلعب مع الثعبان..إنتي شايفه إيه يا صفاء (وبصلها بنظره شر) أنا قولتلك يا صفاء يا تساعديني يا إما تبقي عميا وطرشا وخرسا..وأنا ما بعملش حاجه غصب عن حد
_صفاء المفتاح وقع من إيدها على الأرض وبكل خوف.. أنته عملت إيه ف الراجل اللي كان معاك..
قولي يا بكر إن أنا بحلم وإن كل دا مش حقيقي
_بكر بغضب..إنتي اللي المفروض تقولي لنفسك يا صفاء.. مش أنا اللي أقولك..إنتي ف إيدك تخرجي من الأوضه دي وتروحي تنامي ولما تصحي تقولي لنفسك إنك كنتي بتحلمي..وإنك لا شوفتي ولا عرفتي ولا سمعتي
_صفاء بخوف..أنته إيه اللي وصلك لكده..إيه اللي يخليك تعمل كده أصلا..أنته شايف إنها كده نصاحه وتشغيل دماغ..هتروح من ربنا فين يا بكر
_بكر بغضب..أنا ما بضربش حد على إيده..وبعدين هما اللي طماعين وعايزين يهاجرو على إيطاليا عشان يغرفو منها..والطماع غيرو بيطمع فيه..وهيا الدنيا كده يا صفاء كلنا طمعانين ف بعض
_صفاء بخوف..صح يا بكر إحنا طمعانين ف بعض..
لكن ما توصلش لدرجه إننا نخلص على بعض..لو كل واحد طمعان ف التاني راح خلص عليه مش هتبقي دنيا.. دي هتبقي مجزره وغابه..بقلم..محمد طه
_بكر بغضب..هيا فعلا مجزره وغابه..والشاطر اللي فيها اللي يشغل دماغه..وبعدين أنا بختار الناس اللي كده كده بيكونوا أمو،ات..الناس دي فيه ناس بياخدوا منهم بالخمسين ألف جنيه وبيرموهم ف عرض البحر وبيسيبوهم..يبقي فيها إيه لما آخد من البحر واحد ولا أتنين وبنص التمن. وآكل وأكل عيالي والثعابين
_صفاء بخوف وذهول..يا نهارك أسود..أنته كمان هتأكل الثعابين جث،ثهم..أنته مش طبيعي..أنته أكيد أتجننت
_بكر بغضب..أنا فعلا مش طبيعي وأتجننت..بلاش بقي تقفي ف طريقي.. وهقولهالك للمره المليون..يا تساعديني..يا إما تبقي عميا وطرشا وخرسا
_وفجأه صفاء من كتر الخوف والرعب أغمي عليها ووقعت على الأرض وأول ما وقعت على الأرض..
الثعبان المؤذي اللى كان شايله بكر على أكتافه غضب وهاج على صفاء وبكر ما قدرش يسيطر عليه وعض صفاء وهيا مغمي عليها؟