رواية لنا موعد اخر الفصل السابع والعشرون27 بقلم لولا
هاله بعياط وخوف : عارفه والله يابني بس الماضي صوته بدا يعلى فارجوك حتى جوز نيره بسرعه
كريم باستغراب مش فاهم ليه في ايه جديد حصل ؟؟
هاله بصت حواليها ملقيتش حد ولا حد في الصالون فبصت لكريم وتابعت بدموع وخوف : جدهم اتصل وعايز يشوفهم وبيقول ان علي تعبان
كريم اتصدم وتابع وهو وصلك ازااي وجاب رقمك منين ؟؟؟
هاله بدموع معرفش يكريم والله ماعرف حاجه بس انا خوفت اوي
كريم طبطب على كتفها وتابع بتنهيده لالا اهدي متخافيش انا هغيرلك رقمك ومترديش عليهم تااني ولا كأن حصل اي حاجه
هاله بدموع وخوف: اخاف بكره وبعده يعرفوا البيت هنا وييجوا وتبقى فضيحه
كريم بحده طب يبقوا يجوا ايه البجاحه دي هماا ليهم عيين مش كفاايه اللي حصل من تحت راس ابنهم
هاله بدموع المهم دلوقتي نعجل في موضوع نديم ونيره ابوس ايديك ياابني علشان لو اتعرف دول بنات مين حالهم هيقف
كريم تنهد وتابع اهدي والله حاضر واتعصب وتابع بحده بس صدقيني محدش فيهم يقدر يعمل حاجه يبقي حد يفكر يجي هنا وانا اهين كرامه اهله حبيبه ونيره ميخصوش العيله دي
هاله بدموع وخوف بس عيال ابنهم يا كرريم ومش هنقدر نعمل قصادهم حاجه وبناتي لو عرفوا هتبقى مصيبه سودا
كريم بحده عياال مين ؟!! هو ابوهم مش مسجون وقال ان دول مش بناته ؟؟
هاله بدموع علي يقول اللي يقوله ربنا يسامحه في كل اللي عمله وقاله علياا بس انا وانت عارفين ان دول بناته وللاسف متسجلين باسمه يعني وقت الجد جدهم يقدر يدور عليهم ويعرفهم كل حاجه
كريم بحده محدش هيهوب لحبيبه ونيرره دول مسئوليتي انا ليوم ما اموت ولو حد كلمك منهم تااني ابقى عرفيني
هاله دموعها نزلت وبصت لكريم بتوتر وتابعت الف بعيد الشر عنك يانور عيني ربنا يديمك لينا يارب بس كنت عايزه اطلب منك طلب
كريم مسح دموعها وباس جبينها وتابع اطلبي طبعا تحت امرك
هاله بصتله بتوتر وتابعت بدموع: ينفع تخلي اي حد من حبايبك في قنا يعرف علي ماله وتعب في السجن جراله ايه ؟
كريم بصلها برفعه حاجب وتابع لسه بتحبيه يا خالتي بعد كل اللي عمله فيكي ؟؟
هاله بدموع وتوتر: مش مساله حب على قد ما في بينا عشره وعيال فارجوك يا ابني لو تعرف تطمني ابقى طمني
كريم بتنهيده حاضر يا خالتي هشوف ولو عرفت حاجه هقولك
هاله رايحه تتكلم لقيوا نيره طالعه من الاوضه فمسحت دموعها بسرعه وكانت نيره لابسه بنطلون جينز سماوي وايد ليج وبلوزه نبيتي وفارده شعرها فتابعت بقلق مالك يا ماما في ايه ؟؟
هاله بتوتر ابدا ينورعين ماما مفيش حاجه ده انا اختلفت مع خالتك في حاجه كده وعيطت فكريم جه يطيب خاطري
نيره بقلق طب ليه حصل ايه ؟؟ وبصت لكريم وتابعت : في ايه يا كريم ؟؟
كريم متشغليش بالك موضوع عادي صغير وخلص وانا هصالحهم دلوقتي المهم انتي رايحه فين ؟؟
نيره بابتسامه رايحه مع سهيله المول نجيب حاجات
كريم بحب ماشي يحبيبتي شوفي عايزه كام
نيره بحب لا انا مش عايزه فلوس اللي انت اديتهاني لسه مخلصتش ربنا يخليك ليا يحبيبي وباست خده
فابتسم كريم وتابع طب تعالي انزل اوصلك
نيره بحب لالا متتعبش نفسك سهيله جاتلي تحت وطلبت اوبر
كريم بحب طيب خلي بالك من نفسك وانتي زي القمر كده ومتتأخريش وباس جبينها
نيره بحب حاضر يحبيبي وبصت لهاله وتابعت يلا باي يا ماما
هاله بتنهيده باي
وبالفعل نيره نزلت فتابعت هاله : اقرص على البنات دي في موضوع الحجاب يا كريم
كريم بتنهيده الحجاب فرض على كل مسلمه وهما عارفين الدين كويس بس زي ما هو فرض مينفعش يبقى اجبار يعني مينفعش اضربهم وازعقلهم علشان يلبسوه لازم هما يكونوا عايزين يرضوا ربنا وشايفين ان ده الصح اصبري عليهم شويه بكره وبعده يتجوزوا ورجالتهم ومش هتسيبهم كده
هاله بتنهيده ربنا يهدي يا ابني المهم متنساش اللي قولتلك عليه
كريم بحب : حاضر يلا هنزل انا عشان عندي شغل في الموقع
هاله بحب : ربنا معاك يحبيبي
وبالفعل كريم باس ايديها وراسها ونزل وهي تنهدت بوجع ودخلت قعدت في اوضتها
---------
عند لميا في عربيه انس كان وصلها لمكان عام
انس بابتسامه انا عارف ان مشوار بيتك لسه بعيد بس صدقيني مش هقدر اطلع في الشوارع الزحمه بشكلي ده فهطلبلك عربيه وهستنى معاكي لحد ما اجي
لميا بابتسامه لا كتر الف خيرك لحد كده انا هنزل وعارفه هعمل ايه
انس بابتسامه ياستي مجتش على الشويه اللي هتقعدي فيهم لحد ما تيجي العربيه استنى وفتح فون يطلب
فلميا ابتسمت وسكتت ورجعت ضهرها لورا سندت على الكرسي وغمضت عينيها فانس بصلها وتابع بقلق : مالك في ايه ؟
لميا بتنهيده وهي مغمضه : تعبانه شويه ورجلي واجعاني اوي
انس بتنهيده حقك عليا والله بس طبيعي من كترك الجري جسمك لما هتروحي هتحسي انك متكسره انا رايي خدي اجازه الكام يوم دول من الجريده وارتاحي
لميا بصتله وتابعت بابتسامه شكلي هعمل كده وتاوهت بوجع من رجليها
فتابع انس بضحك اهي رجلك دي بالذات ابتلاء من عند ربنا تقوليش حد قاصد ياذيكي بيه فرماه .. لان المسمار جديد حرفيا والحمدلله انه جديد طبعا .. بس مكنش يجي في رجلك احسن
لمياء بتعب اه والله واجعني اوي بس فعلا الحمد لله رسيت على واحد جديد .. القديم كان هيدمرني خالص ويعمل تسمم
انس بابتسامه الف بعيد الشر عنك الحمدلله محصلش سلامتك يا انسه لميا
لميا بابتسامه الله يسلمك يارب
انس بحب انا طلبتلك العربيه اول ما توصل طيران على البيت وخدي شاور وكلي وارتاحي وتابعي رجلك كويس وحطي من المضاد ده اللي انا جبتهولك لو لقيتي لونها اتغير او وجعتك اكتر انزلي للدكتور علطول
لميا بابتسامه اكيد حاضر هعمل كده ميرسي بجد تعبتك يا انس
انس بضحك لا العفو تعبك راحه
لميا بابتسامه الا انت عندك انستا ؟
انس بصلها وتابع بضحك اه عندي انستا خير
لميا بتمثيل براءه : ابدا كنت عايزه اعرف اسم الاكونت بتاعك علشان اعمللك فولو
انس فضل يضحك وتابع انا عندي 100 اكونت للانستا وولا واحد فيهم بنزل صوري عليه ولا باسمي الحقيقي فريحي دماغك
لميا بضحك يا ابني انت هربان من حكم مؤبد مش معقول بجد ؟؟!!
انس فضل يضحك وتابع مستغرب انك معرفتيش انا شغال ايه لحد دلوقتي رغم كل ذكائك ده
لميا بضحك لا مش عارفه فعلا حاساك حرامي وبتخبي عليا
انس فضل يضحك وتابع حرامي هيساعدك ليه ؟
لميا بضحك : وفيها ايه حرامي جدع هو الحراميه معندهمش انسانيه واخوات بنات ولا ايه
انس فضل يضحك بشده وتابع انتي مش معقوله بجد انا عمري ما ضحكت الضحك ده
لميا بضحك انا مش اراجوز قدامك اخرس يلا وقول اسمك ايه بجد ؟؟
انس بابتسامه كله باوانه والله بص للعربيه اللي جايه وتابع يلا انا هوطي وشي عشان محدش يستغرب القناع وانتي انزلي العربيه جات
لميا ضربته في كتفه بغيظ وتابعت بضحك مااشي يا عم سبايدرمان
فانس فضل يضحك ولميا خدت حاجتها ونزلت وركبت العربيه وشاورتله باي فابتسم وشاورلها باي ومشيت من قدامه فقلع القناع وتنهد بارتياح وتابع : اخيراا نحمد ربنا معرفتنيش كانت ولعت فيا والله وضحك ومشي بعربيته
-------
عند رانيا كانت قاعده مع سلمى في اوضتها بتتحايل عليها تاكل وسلمى قاعده على سرير علي مش بتتحرك ولا تتكلم ومش واعيه للواقع اصلا وكأن محدش بيتكلم
رانيا بدموع يا بنتي ردي عليا ولا بصيلي حرام عليكي .. طب حتى كلي معلقتين
سلمى فضلت زي ما هي فدموع رانيا زادت وتابعت : طب وغلاوه علي عندك لتاكلي يا سلمى وبصتلها بلهفه وتابعت : ولو عايزه حازم بنفسه يجي ياكلك هقوله ايه رايك ؟؟؟
فسلمى بردو متحركتش وعينيها حتى مش بترمش كأن روحها مش في جسدها فدموع رانيا نزلت بوجع وتابعت طب بلاش تاكلي ايه رايك اجيبلك رز باللبن من اللي البت حبيبه عملته امبارح والله طالع زي العسل ومليان قشطه
فسلمى فضلت زي ماهي
فرانيا سمعت صوت الباب فتابعت تعبتيني والله يابنتي وقامت طلعت من الاوضه وقفلت عليها لان سلمى بتطلب منهم كده علشان عايزه تفضل لوحدها وراحت فتحت كانت حبيبه فسابت الباب ودخلت وتابعت بدموع تعالي يابنتي ادخلي
حبيبه بصت بطرف عينيها لعلي الواقف على السلم وشاورتله يستنى دقيقه ودخلت وتابعت بابتسامه وهي بتمسح دموعها: اخص عليكي هو انا مش قولتك مش عايزه اشوف دموعك دي تاني ؟؟
رانيا بدموع ووجع : تعبت يا بنتي مش عارفه اعيش باسلوب الحياه دي نفسي ارجع اشوف عيالي كويسين وملمومين حواليا تاني
حبيبه الدموع اتجمعت في عينيها وتابعت هيحصل والله بس انا كنت محضرالك مفاجاه ولو فضلتي تعيطي كده مش هوريهالك
رانيا بدموع وحياتك عندي غصب عني يابنتي
حبيبه بحب اهدي طيب ومسحت دموعها وتابعت انتي قوليلي بس ايه يفرحك وانا هعمله علشان نغير مودك ده شويه
رانيا غمضت عينيها بقهر وتابعت اللي يفرحني رجوع علي يحبيبه مفيش حاجه في الدنيا كلها هتفرحني قد اني اخد ابني في حضني ويفضل قدام عيني بس ده مستحيل يحصل
علي دموعه نزلت بتأثير وكان عايز يدخل ياخدها في حضنه وحبيبه ضحكت وتابعت ومين قالك مستحيل مفيش مستحيل عند ربنا استني بس كده انا هخليكي تشوفي علي غمضي عينيكي بس
رانيا ضحكت من بين دموعها وتابعت يابت بطلي غَلبه بقى هتوريهوني في الحلم يعني ؟!!
حبيبه بضحك ياستي اسمعي كلامي بس ومش هتندمي الله
رانيا ضحكت من بين دموعها وتابعت حاضر وغمضت فحبيبه بصت وراها وشاورت لعلي فدخل وقف قدامها
فتابعت حبيبه بابتسامه كلها حماس مستعده ؟
رانيا بضحك مستعده يا مجنونه
حبيبه بعدت وتابعت بحب فتحي عينيكي
فرانيا فتحت عينيها اتفاجئت بشده ودموعها نزلوا مكانتش مصدقه انها شيفاه قدام عينيها وحست انها بتحلم
فتابع علي بدموع واحشتني اوي ياست الكل
فرانيا عيطت بانهيار وتابعت بلفهه: عليي .. عليي انت واقف قدامي بجد !! وفضلت تحط ايديها على خده وتابعت بعياط هستيري: انت جييت .. انت هنااا انا مش قادره اصدق وانهارت اكتر وتابعت مش قااادره اصدق ازاي واقف قدامي وفضلت تطبطب على دراعاته بايديها الاتنين عايزه تتاكد منه من فرط صدمتها انه قدامها
فعلي دموعه نزلت ومسك ايديها الاتنين باسهم وتابع جيت والله وخلاص مش هسيبكم تاني حقك عليا يانورعيني والله العظيم كان غصب عني وعلشان خاطري اهدي خلاص قلبي بيوجعني وانا شايفك كده وهو كابوس وانتهى خلاص وبقيت معاكي
فرانيا خدته في حضنها جاامد وفضلت تعيط بانهيار وتابعت بهستريه: اااه ياعليي ااه يقلب ونورعين امكك انت وفضلت تبوس خده وهي بتحضنه اكتر وتابعت بعياط هستيري : كسرت ضهرري وروحي رااحت ويااك وجعت قلب امك وقهرتهااا يعلي شوفنااا ايام سوداا في غياابك ينورعيني وعيطت بهستريه اكتر وتابعت عينيي مكانتش بتغمض من كتر تفكيري فيك ولا بينزل معدتي لقمه وانا معرفش انت جعان ولا شبعاان ولا بيجراالك ايه .. مووت بدل الموته الف مووته في بعادك عنيي يا ابني ده انت اللي ابوياا وسندي ضهري مش انا اللي امك لاا
علي دموعه نزلت اكتر وحضنها جامد وتابع ابوس ايدك اهدي حقك علياا انا والله ومسك ايديها يبوسها
فرانيا مسكت ايديه باستها كذا مره فعلي بيشدها فتابعت بعياط لالالا متبعدش ايدك عني ده ايدك دي اللي تعبت واشتغلت وشقت علشااناا وبسببنا وصلت لكل دده ايااك تحرمني من اني ابوسك تااني
علي بدموع يحبيبتي ده واجبي متقوليش كده وتزعليني منك وباس ايديها وتابع بدموع وانا اللي ابوس ايديكي ورجليكي كمان هو احنا لينا غيرك ورايح يوطى قدامها فمسكته بسرعه قومته وتابعت بعياط هستيري: وهي بتحط ايديها الاتنين على خده لالالا ايااك تعمل كده لا عااش ولا كاان اللي يخلي علي الجارحي يوطي قدامه حتى لو ليا انا .. راس ابني هتفضل مرفوعه العمرر كله وحضنته جاامد وفضلت تعيط وتابعت ومتبعدش عن حضنيي تااني خليك كدده وفضلت تبوس راسه وخده كذا مره متتاليه وهي بتطبطب على ضهره وبتضمه ليها اكتر وتابعت بعياط خليك جنبي لحد ما اشبع منك واعوض الاياام اللي عيني دبلت فيها من الدموع وانا مستنيه طلتك علياا زي كل يووم .. ده انا مكنتش بيغمضلي عين غير لما ترجع واتعشاا معااك واطمن انك بخير .. تقوم تسيبني كل الليالي دي لوحدي .. وعيطت اكتر وتابعت هونت علييك ياا علي .. هانت عليك امك توجعها كده ؟!!
علي باس خدها وراسها وهو حاضنها وتابع بدموع وغلاوتك عندي عمرك ماهونتي علياا بس انتي عارفه انه غصب عني انا لو علياا مقدرش اتخلى عنكم حتى لو دقيقه
رانيا بدموع ولهفه : مش مهم كل اللي فات خلااص .. المهم ان الحقيقه ظهرت ورجعت لحضني تاني وربنا محرمنيش منك العمر ده كله وعيطت وتابعت ده انا خوفت في خلال الـ 3 سنين دول اموت وانت بعيد عني يعلي
علي بصلها وتابع بدموع وحب الف بعيد الشر عنك ربنا يطولنا في عمرك ويخليكي لينا وياخد من عمري ويديكي يا غاليه
وحبيبه كانت فرحانه وبتتفرج عليهم بتأثر شديد ودموعها غرقوا وشها
فرانيا ضربته بالقلم بخفه وتابعت بضحك من بين دموعها: 100 مره اقولك متقولش الدعوه دي انا ست كبيره وعيشت كتير وعملت حاجات كتير انت لسه في عز شبابك وفي ناس محتاجينك ويموتوا لو جرالك حاجه وعينيها راحت لحبيبه ورجعلته تاني وتابعت بابتسامه وحب : فربنا يطول في عمرك ويحميك يحبيبي
علي باس ايديها وتابع بحب وعمرك ياست الكل وبص حواليه وتابع اومال البنات فين مش شايفهم؟
رانيا بابتسامه مليانه فرح: اسراء زمانها جاايه من الجامعه وسلمى جوه .. والدموع اتجمعت في عينيها وتابعت ادخل شوف اختك ابوس ايديك ياعلي ولا بتتكلم ولا بتتحرك ولا عايزه تاكل لقمه من امبارح
علي قلبه وجعه والدموع اتجمعت في عينيه وتابع هي قاعده فين؟
رانيا بدموع جوه في اوضتك
فعلي هز راسه بماشي واتجه يدخل فرانيا ابتسمت بفرح من بين دموعها وشاورت لحبيبه وخدتها ودخلوا وراه
فعلي فتح الباب كانت سلمى قاعده ومديه الباب ضهرها زي ما امها سابتها فعلي قلبه وجعه لما شافها ودموعه نزلت وتابع سلمى
فسلمى سمعت صوته اتصدمت وفتحت عينيها بتفاجئ شديد ولفت بسرعه بصت لقيته هو بالفعل فعيطت بانهيار وفرح وقامت تجري عليه فعلي ابتسم بدموع وفتح ايديه وشالها عن الارض وحضنها جامد وهي فضلت تعيط بانهيار وهي بتضمه ليهاا اكتر
فعلي نزلها على الارض وهو حاضنها وتابع بدموع: وجعتي قلبي عليكي ياسلمى وباس راسها بعمق ودموعه زادت وتابع حقك على عيني ينورعيني من جوه ومسك ايديها يبوسها وحضنها تاني جامد
وسلمى لسه بتعيط ودموعها بتزيد وخرجت من حضنه وبصتله وحطت ايديها على خده وهي بتتأمل ملامحه بدهشه مش قادره تصدق انه واقف قدامها فضحكت من بين دموعها ووقفت على اطراف صوابعها ولفت ايديها حوالين رقبته فاترفعت عن الارض فعلي حط ايديه على ضهرها وحضنها جامد وباست خده كذا مره متتاليه وحضنته وغمضت عينيها وتنهدت بارتياح وبصت لحبيبه من ورا علي بامتنان شديد لانها حققت وعدها معاها ودموعها عماله بتزيد فحبيبه باست كف ايديها ونفخت ناحيه سلمى وهي بتبتسم
فسلمى ضحكت من بين دموعها وفتحت بوقها وحاولت تنطق وتابعت وا....
فعلي حس بيها فبصلها وتابع بلهفه: ايوه يسلمي يلاا اتكلمي
سلمى بصتله بفرح ودموعها عماله تنزل وخدت نفسها بعمق علشان تحاول
فعلي مسك ايديها يشجعها وتابع بدموع ابوس ايديكي انطقي .. ارجوكي .. مش انتي فرحتي اني جيت ؟؟
سلمى هزت راسها بـ اه كذا مره بلهفه ودموع
علي بدموع يبقى تتكلمي علشان خاطرري وخدها في حضنه تاني ودفن وشه فيه ودموعه بتنزل وتابع ابوس ايديكي انطقي هموت عليكي يسلمى فسلمى لفت ايديها حوالين ورقبته وضمته ليها وغمضت عينيها ودموعها زادت وتابعت : واحشـ تني اوي يا علي
فحبيبه ورانيا اتفاجئو ودموعهم نزلت بفرح وفضلوا يزغرطوا بفرح شديد فعلي خرج من حضنها بفرح وبصلها بلهفه وتابع : ايه قولتي ايه ؟؟؟
سلمى بعياط هستيري: واحشتني اووي يااعلي .. واحشتنيي اووي ياعليي .. واحشتنيي اووي يااعلييي ..ضهري اتكسر في غيااابك ينورعينيي وحضنته وانهارت عيااط كأنها بتخرج كل اللي كتمته طول الفتره اللي فاتت وتابعت حسيت اني عايشه جسد من غير رووح وانا مش شيفااك قداامي ياعلي
فعلي ابتسم بفرح من بين دموعه وشدد من احتضانها وتابع وانتي واحشتيني اكتر يا نن عين علي خلاص والله العظيم وحياتك عندي مش هسيبكم تاني ومسك ايديها باسها وخدها في حضنه تاني وباس راسها بعمق
سلمى بعياط وجعت قلبي ياعلي ودموعها زادت وتابعت هو اناا لياا غييرك ؟!! بعدت عنيي ليه مكنتش عاارفه اعيش ولا اكل ولا اشررب .. حياتي وقفت عليك.. ده انت كل عمرري وحطت ايديها على خده وتابعت بعياط: ده سلمى مبتعرفش تشتري طقم غير لما انت توافق عليه .. ولا تروح مشوار انت مش عاارفه ولا تتجوز ومش انت اللي هتسلمها .. كنت عايزيني اعيش ازاي دقيقه انت مش فيهاا ؟!! وعيطيت اكتر وحضنته وتابعت اااه ياارب قلبي اتقهرر والله وموت بالحيااا مع قرار القااضي لما سمعته بيظلمك وبيتهمك تهمه زباله زي دي وانت ينورعيني متعرفش للغلط باب وعيطت بفرح شديد وتابعت بس اخيراا طليت علينا وردتلي روحي من تاني والله ماقادره اصدق انك قدامي وبصتله بفرح وهي حاطه ايديها على خده وتابعت بعياط: ورحمه ابوك كفاايه توجع قلبي انا معتش قاادره .. ورحمه ابوك ماتسيب سلمى تاني .. انا ماليش حد في غياابك
فعلي حضنها جامد فدموعها زادت بقهر في حضنه وتابعت بعياط هستيري : شوفت ايام سودا في غيابك يحبيبي والدنيا لمعتها اطفت في عيني طول ماعلي مش بيشاركني فيها وعيطت اكتر وتابعت كنت بنام خاايفه كأني نايمه في الشاارع عمري ماحسيت بعدم راحه وعدم امان قد الاايام اللي فاتت في غياابك عني
فعلي زود احتضانه ليها وتابع بدموع وحنان: بس بس يحبيبتي .. اهدي .. خلااص انا بقيت هناا وعمري ماهخليكي تحسي كده تاني طول ما فيا الروح وباس راسها بعمق وتابع بدموع علي هنا وواخدك في حضنه وكل الكابوس ده انتهى .. اهدي واطمني جوه حضني زي ما اتعودتي
سلمى بصتله وتابعت بعياط: عاارف ياعلي انا خسرت حاجات كتير في حياتي ومنهم بابا وحب الطفوله وحلمي اني اكون دكتوره صيدلانيه وحاجات تانيه كتير بس كل مره كنت بخسر حاجه فيهم كنت ببص عليك بلاقيك جنبي وواخدني في حضنك بقول لا يسلمى انت مخسرتيش حاجه .. علي موجود .. هو ابوكي وهو حبيبك وهو اللي شايفك اشطر من اشطر دكتوره .. وقدرت عادي اعيش بعد كل الخسارات دي علشان انت موجود .. ووجودك علمني حاجات كتير اوي .. ازاي اصلي .. ازاي احفظ قرآن .. ازاي اتعامل بحدود .. ازاي اعمل خير .. ازاي اكون مثمره في اي مكان ربنا يحطني فيه .. ازاي اعمل اللي يرضي ربنا فكل حاجه في حياتي .. ازاي اطور من الحجاب والبس خمار وابتسمت بدموع وتابعت وليلتها جبتلي السلسله اللي في رقبتي دي وقولتلي كنت بحوشلك علشان واثق انك هتعمليها يا لوما .. فانت علمتني حاجات كتير جدااا الا حاجه واحدده بس
علي ابتسم بحب من بين دموعه وحط واحده من ايديه على خدها وتابع ايه هي ؟؟
سلمى عيطت وتابعت ازاي اعيش من غيرك .. دي الحاجه الوحيده اللي معلمتهانيش لدرجه حتى جسمي معرفش يتحمل ومِرض في غياابك
فعلي خدها في حضنه جامد ففضلت تعيط وتابعت واحشتني اوي اوي ينورعين سلمى من جوه
علي بحب ودموع وانتي اكتر ياست البنات وباس راسها بعمق
فتابعت رانيا بحب ودموع خلاص يابت كفاياكي احضان سيبهولي شويه
سلمى بضحك ودموع لا ده حبيبي ده وباست خده وتابعت علي انا عايزاك تنيمني في حضنك انهارده
علي بضحك يخرااابي ده انا يبختي والله وباس ايديها وتابع عينيا الاتنين ليكي بس تقعدي تاكلي علشان زعلت من اللي سمعته وقعدها على السرير
فتابعت رانيا بضحك ايوه صح يا واد ياعلي اكلها لحسن قربت تختفي اكتر ماهي مختفيه الواد هيتجوز شويه عضم
فحبيبه فضلت تضحك وبقيت تمسح دموعها
فتابع علي بحب: والله احنا بنتنا ست البنات كلهم ومحدش يطول ياخدها اساسا وساكتين
فضحكت سلمى وحضنته وتابعت قلب ونورعيون اخته دده وباست خده
فعلي ابتسم بحب وباس خدها ومسك البانيه وتابع يلا كلي من ايدي لحد ما اقلبلك المكرونه
سلمى بفرح مااشي بس تاكل معاياا
علي بحب هاكل معاكي وهناكل كلنا دلوقتي من عيوني وبص لامه وتابع حطيلنا ناكل كلنا مع لوما
رانيا بفرح من عيني يعمري حالا اقعدي يلا يحبيبه
حبيبه بابتسامه لا انا مش جعانه هطلع برا استناكم لحد ماتاكلوا براحتكم ونشوف باقي العيله هتيجي ولا احنا هنروح
رانيا بفرح لا والله لتاكلي ونحلي بالرز بتاعك اقعدي بس يللا يابت
حبيبه رايحه تتكلم فعلي قاطعها وتابع حطيلها ياما سيبك منهاا هي هتاكل
رانيا بفرح ماشي يعمري وخرجت فتابعت حبيبه برفعه حاجب هو بالعافيه ولا ايه
علي بحب لا برضاكي .. وانتي اكيد ميرضكيش لوما تاكل لوحدها ولا ايه
حبيبه بضحك لوما دواها جيه خلااص مش مهم احنا كلنا اصلاا
علي فضل يضحك فتابعت سلمى بحماس لا والله انا هفرح اكتر لو كالنا كلنا سواا اقعدي بس يحبيبه بالله بطلي الحركات دي انتي مش غريبه
حبيبه بضحك يابنتي اقعد فين بجد مفيش مكان على السرير
علي بغمز على رجلي
فحبيبه شهقت وبصتله بتفاجئ فسلمى فضلت تضحك بشده فعلي فضل يضحك على ضحكها وضرب كفه في كفها
فتابعت حبيبه بحرج والله انت متربتش مش هقول غير كده
علي بضحك الحق علياا بقولك على المكان الفاضي يعني؟
حبيبه بحرج علي اتربى ميصحش كده وكمان اختك قااعده
علي بضحك خلاص اطلعي برا يسلمى خلينا نعرف نتكلم بمزاج
فسلمى فضلت تضحك وتابعت بس يعلي عيب يعمري متكسفهاش
علي بضحك خلاص علشان خاطرك انتي بس
حبيبه بحرج والله بجد انت قليل ادب وانا هشتكي لامك
علي وهو بياكل مخلل تابع بـ لامبالاه : اشتكي
فدخلت رانيا وتابعت بضحك تشتكي تقوليلي ايه عملك ايه الحيوان ده يابت يحبيبه
علي فضل يضحك وتابع انتي بتشتميني من قبل ما تسمعي اصلا !! يا حلاوه والله
رانيا بضحك علشان عارفه حبيبه عمرها ما هتتبلى عليك .. عملك ايه يابت
حبيبه بحرج ينفع يا خالتي اقول مفيش مكان اقعد يقولي تعالي اقعدي على رجلي ؟
رانيا شهقت وفضلت تضحك وعلي فضل يضحك اكتر فتابعت بضحك يخربيت اهلك بتقول ايه للبت هاا وضربته بخفه على راسه وتابعت بضحك زعلان لما قولت عليك حيوان ده انت حيوان ومتربتش صحيح
علي بضحك يا ماما بقى انا مقصدش حاجه الله
حبيبه بضيق متقصدش ااه .. انا هجيب حقي بنفسي علشان خاطر امك بتحسس عليك بما انك لسه راجع وكده وضربته جامد في كتفه فتاوه بوجع وفضل يضحك وتابع وماله كله مقبول منك يا بطتي عادي وبص لامه وتابع انا هاكل بانيه ومكرونه المره دي بس .. بس بعد كده عايز بطايه
رانيا بحب يخراابي ده انا اجبهالك حالا واعملهالك انت اؤمر بس
علي بضحك لا تعملي ايه انا اللي هعمل مينفعش حد تاني يعمل وبص على حبيبه بطرف عينيه وتابع بضحك البطايه اللي انا عايزها دي من نوع اخر متكسفيناش ياما مش بتطبخ دي
فرانيا فضلت تضحك بشده وضربت كفها في كفه وتابعت يخربيت اهلك يا واد اتلم
حبيبه وسلمى فهموا فسلمى فضلت تضحك بشده فتابعت حبيبه بحرج : ده انت ليله اهلك سودا بس مش قدامهم
علي بضحك شوفوا التلاكيك بقى طب حد جيه جنبها دي ؟!!
فرانيا فضلت تضحك وتابعت ايه رايك اجوزهالك يا واد يعلي ؟
علي بحماس: طيب هقوم احدد دقني والبس ونكتب الكتاب
فكلهم فضلوا يضحكوا بشده وحبيبه اتفاجئت وفضلت تضحك زيهم
فتابعت سلمى بفرح : يعني عايزها صح ؟
علي بحب اه والله عايزها
حبيبه بضحك ورفعه حاجب : وانا قولت مش موافقه موت بغيظك
على بضحك شايفه يا سلمى صاحبتك ؟
سلمى بضحك يا سيدي عروسه وبتدلع الله .. مش من حقها تدلع شويه يعني وتشوفك بتتحايل عليها يومين تلاته
علي بضحك معاكي شهرين تلاته بس خلي دماغها تلين
حبيبه بابتسامه مستفزه: سنتين تلاته ومش هلين
رانيا فضلت تضحك وتابعت: ليه يابومه بس ماتخلينا نفررح
علي وهو بياكل تابع سيبك منها انا مش عامل لكلامها اعتبار الشاطر اللي ينفذ رايه في الاخر
حبيبه بضحك واو ده انت بتتحداني؟
علي بابتسامه حاجه زي كده تعالي بقى علشان تاكلي يلا هقلبلك اهو ومسك طبقها يقلبلها المكرونه وقام من على السرير وشد الكرسي قعد عليه وتابع تعالي قدام لوما على السرير يلا
فحبيبه ابتسمت وراحت قعدت وعلي قلبلها الطبق واداهولها فخدته منه وبدات تاكل وتابعت تسلم ايديكي ياخالتي
رانيا بحب الف هنا ينورعين خالتك وعقبال متأكلينا في بيتك
علي بحب ياما ده بيت ابنك بردو يعني تطلعي تعملي معاها هو انتي غريبه علشان نضايفك ولا ايه
فسلمى ورانيا فضلوا يضحكوا بشده على ريأكشن حبيبه المتفاجئ
فتابعت حبيبه بضحك يا ابني انت مجنون بقولك مش هتجوزك ماالي ببيتك اناا .. بتحشر حيااتك معاايا لييه
علي بحب كلي بس واستهدي بالله يلا ومسك البانيه وقربه منها وتابع بحب: دوقي بجد هايل وتوابله مظبوطه عايزك تتعلمي من امي الحاجات دي
ففضلوا يضحكوا تاني فتابعت حبيبه بضحك وذهول : يحبيبييي انا مش هتجوزك انت فاهمني ؟؟ يعني احنا الاتنين مش نفس الحياه مستوعب كلامي ؟؟!!
علي بحب قلب حبيبك انتي والله امسكي من ايدي بس يلاا هفضل ماددها كده كتيير ؟
فحبيبه فضلت تضحك وتابعت انت مش معقول بجد
رانيا بضحك كلي من ايديه وابقي ضايقيه بعدين يلا
فحبيبه ضحكت وتابعت حاضر وقطمت من ايديه وتابعت اممم حلو جدا
فعلي قطم وراها وتابع بتمثيل ذهول : يجدعان مش معقول طعمه بقى احلى ازااي كده !!
فكلهم فضلوا يضحكوا فتابعت حبيبه بضحك لا والله ؟
علي بضحك لا متدخليش الحلفان بينا مفروض في ثقه
رانيا بضحك : استعبط زي ابوك استعبط هو كان شاطر في الكلام زيك كده
سلمى بضحك لا بس والله سكر وعجبتني
حبيبه بضحك عجبتك في ايه ده طمع في البانيه بتاعي وخدده
علي بضحك والله جاموسه وماتفهمي في الرومانسيه حاجه وخد بانيه من الطبق وحطه في طبقها وتابع بضحك كلي ياختي
فحبيبه فضلت تضحك وتابعت ميرسي يا قلب اختك
علي بضيق انا معنديش اخوات غير اسيا وسلمى واسراء
فكلهم فضلوا يضحكوا بشده فتابعت حبيبه بضحك خلاص انا معتبرك اخويا
علي بضحك : وماله مش عيب طول ما اسماء ابهاتنا وامهاتنا مختلفه ومش راضعين على بعض اعتبري اللي تعتبريه ما انا هبقى اخوكي وابوكي وحبيبك وصاحبك وجوزك وكله كده كده
حبيبه فضلت تضحك وتابعت ياابني بطل بروود متفرضش نفسك علياا انا مش موافقه
علي بضحك ياستي انا مواافق مش لازم رايك خالص على فكره مطلبتوش
رانيا بضحك هتتجوزها ازاي من غير ماتوافق يا بجح انت هاا
علي بضحك يجدعان محدش يتدخل بقي انا عارف هعمل ايه
حبيبه بابتسامه : سيبيه يحلم انا هتجوز امجد لانه قالي انه معجب بيا
علي اتعصب وتابع نعمم ؟!! امجد مين اللي تتجوزيه وقالك الكلام الفاااضي ده امتى ؟؟
حبيبه بابتسامه لسه قايلي وهتجوزه انت ايش دخلك اما هو راضي وانا رااضيه
علي بعصبيه ده عند امك الكلام ده .. ده اقتلك واقتله ونتحبس تااني مادخلناه مره فمش مشكله
حبيبه بضحك طب ايه رايك يعلي هتجوز امجد وهخلف منه 10 عيال وكلهم اسمهم امجد حتى لو بنات
علي مسك دراعها جامد فخافت وتابعت يا خاالتي ياخالتي الحقيني ابوس ايدك
رانيا فضلت تضحك وتابعت بس يعلي عيب يحبيبي سيبها
علي بعصبيه استني انتي بس ياما ثواني كده وبص لحبيبه وتابع بعصبيه تخلفي من ميين ؟؟!! انتي اتجننتي ولا جراا لمخك حااجه ؟؟! ده انتي عيشتي عمرك كله مبتاخديش خطوه لاجل ان ربناا شايلك ليااا اناا .. مين انتي علشااان عاايزه تغيري حاجه ربناا كاتبهاا ؟؟
حبيبه الدموع اتجمعت في عينيها وتابعت لا يحبيبي ربنا زي ما كاتب النصيب بردو سايبلنا حريه الاختيار.. وده كان اختياري اني افضل مستنياك .. بس خلاص ده كان زمان بقى انما دلوقتي هشوف حياتي ولو مرتاحتش مع امجد في هاني هرجعله وده بالذات مشوفتش منه غير كل خير
علي مسك دراعها جامد وتابع بعصبيه حبيبهه .. فوقي لنفسك واتعدلي لعدلك انا مبهزرش .. ولو جبتي سيرره اي رااجل تاني على لسااانك اقسم بالله العظيم هطلع عييين اهلك
حبيبه بعصبيه ودموع يسيدي انت ماالك بيااا روح شوف حيااتك .. مش خررجت روح اتجوز بقى وخلف وانا هعمل زيك وكفاايه نتعب بعض لحد كدده لاني مش هترااجع يعلي
فعلي مسك دراعها وبص لامه وتابع عن اذنكم خمس دقايق وشدها معاه وهي بتعيط وطلع بيها
فتابعت سلمى بحزن حبيبه منشفه دماغها اوي يا ماما ماخلاص علي واضح انه بجد شاريها وعرف قيمتها
رانيا بوجع سمعت منه بما فيه الكفايه يسلمي .. صدقيني حبيبه بتعشق اخوكي بس غصب عنها
عند علي وحبيبه شدها لاوضه سلمى وقفل الباب وتابع بحده ايه الهبل اللي كنتي بتقوليه قدامهم دده هاا ؟؟
حبيبه بدموع وبحده ليه هو انا قولت اييه ؟!! منا قولت نفس الكلام اللي قولتهولك ولا انت فاكر علشان بهزر وبضحك في وشك شويه فخلااص هوافق نتجوز ؟؟
علي بعصبيه مقصدش كلاامك لياا لاني مش عامله اي اعتباار اقصد امجدد ونظرته ليكي وبقى يقرب منها وهي بترجع لورا بخوف وتابع بعصبيه ابن الكلااب ده يعرفك منين علشاان العشم ياخده لكدده ويقولك انه معجب وازااي في بينكم علاقه تخليكي كنتي هتركبي معاه العربيه اصلاا وكل ده حصل امتيييي
فحبيبه ضهرها خبط في الحيط وبصتله برعب فعلي حط ايديه الاتنين حواليها وحاصرها وبصلها وتابع بحده: ماتررددي .. ايه اللي حصل في غياابي يحبيبه ؟؟
حبيبه بدموع مفيش حاجه حصلت انا روحت معااه مشوارك بس علشان كده ركبنا عربيته ومفيش بينا اكتر من كده
علي ااه ده اللي هو ايه مشواري ده؟ روحتوا فين وعملتوا ايه؟
حبيبه بصتله بتوتر وبلعت ريقها وتابعت بص يسيدي انا روحت للاماكن اللي انت قولت انك عديت عليها ووقفت فيها المهم ان هما صمموا ان الكاميرات اتمسحت زي ما عرفنا بس امجد علشان ظابط فا كل مكان روحناه كان بيهدد انه هيقفل المكان ده او هيبلغ وان لازم يتصرف ويرجعوا الفيديوهات وطبعا قدرنا نوصل للحقيقه وفعلا صاحب المحل كان شايل نسخه تانيه من التسجيلات .. ومسح الكاميرات نيابه عن طلب حد منه ميعرفوش اداله فلوس كتير وقاله يمسحها فمسحها وفضل معاه النسخه الاحتياطيه فخدنا منها الفيديو بس كده
علي ابتسم بسخريه وتابع وانتي فكرك اني هصدق اللي انتي بتقوليه ده ؟؟ يعني يوم ماتكدبي تكدبي على محامي يحبيبه ؟؟
حبيبه خافت جدا وتابعت بتوتر : ليه قولت ايه يعني صدقني دي الحقيقه
علي بحده واما دي الحقيقه معملتيش كده من البدايه ليه قبل الحكم ؟؟؟ وليه لما جيتيلي في الزياره حلفتيني مسالكيش هتعملي ايه ؟؟ ما هو لو كده صح ما تقولي عادي هو انا هقولك متروحيش المحلات ؟؟؟
حبيبه غمضت عينيها بخوف وبلعت ريقها بتوتر شديد وحست ان لسانها اتلجم بس لازم تدافع عن نفسها فتابعت عمري ما كنت هعز عليك فكره يا علي بس مجاش في بالي خالص ان توصل لحبس .. فمعرفتش افكر ايام ما كنت في النيابه والقسم انما لما الحكم اتنفذ بقيت بحاول ادور على اي حل فجاتلي الفكره دي وطلبت مساعده امجد
علي برفعه حاجب اممم ومقولتليش ليه عليها ؟؟؟
حبيبه بتوتر مقولتش لاني كنت واثقه لما اقولك اني هلجأ لفكره المحلات تاني انت هترفض ترفع نقض لان فؤاد اكدلك ان خلاص كل حاجه اتمسحت فهتخاف تخاطر .. بس انا كنت واثقه ان في نسخ احتياطيه لان امجد راح قبل مااجيلك ووقع الراجل بالكلام كانه حد عادي ولو كنت قولتلك كده مكونتش هترضى ترفع بردو وهتقلق وهتقولي طب افرض الجزء بتاعي انا ممسوح من الاحتياطيه وكلام زي ده
علي بتنهيده ولو قولتلك اني مش مقتنع يحبيبه هتردي تقول ايه؟
حبيبه بلعت ريقها بتوتر وتابعت صدقني ده اللي حصل وفكر بعقلك هتلاقيها مش هتيجي غير كده اصل انا جبت التسجيل فعلا معملتش حاجه مش متوقعه يعني
علي بحده طب بعيداا عن الخراا ده نبقى نتكلم فيه تاني .. المهم دلوقتي موضوعنااا اناا عارف انك بتستفزيني بموضوع امجدد ده انما عمررك ماهتقدري تعملي كدده
حبيبه بحده ودموع لا هعمل يعلي زي مانت كنت هتعمل بالظبط عاادي ومش هوقف حيااتي وهتجوزه واخلف واعيش حياتي
علي بصلها بوجع وتابع طب لو انا عملتها يحبيبه .. هتقدري تستحملي المس بنت غيرك وتشيل ابني ويبقى ليها كل الحق فيا وانتي لا ؟؟
حبيبه الدموع اتجمعت في عينيها وحست قلبها بيتعصر من مجرد التخيل بس سكتت
فتابع علي وهو بيقرب جدا لوشها : ولو قدرتي تستحملي انا اعمل كده .. هتقدري تستحملي راجل غيري يكون ليه الحق فكل حته فيكي انتي ويلمسك وبص لعينيها وواحده من ايديه بتمشي على خدها وتابع هتتقبلي الموضوع ده عادي بعد ما كان عقده حياتك ؟؟
فغمضت حبيبه ودموعها نزلت بصمت وقُرب علي موترها ومخليها مش مركزه وهو خد باله
فابتسم وتابع ولو قدرتي وعملتي كده .. فكرك هو هيسمع صوت دقات قلبك وهو قريب منك زي منا سامعها دلوقتي كده ؟؟
حبيبه فتحت وبصت لعينيه وتابعت بدموع : ليه قالتلك ايه دقات قلبي ؟؟
علي ابتسم وتابع قالتلي انها بتموت فيا وفرحانه في قربي زي ماعينيكي بتقول بالظبط .. انتي بس بتكابري .. وعايزه تضيعي اللي جاي زي مانا ضيعت اللي فات
حبيبه بدموع ووجع : على الاقل بقى ليا فرصه اختار نفسي مره زي مانت عملت وزقته بعيد عنها وخرجت من الاوضه
وعلي اتخنق جدا ودخل البلكونه وطلع سجاره وولعها بالولاعه ونفخ دخانها في الهوا وتنهد بعمق وضيق عينيه وبيبص بتركيز شويه في الشارع لقى عربيه حسن داخله وثواني واسراء نزلت منها فاتصدم بشده وحسن نزل هو كمان ومسك واحده من ايديها يطبطب عليها وهو بيبتسملها ويتكلم معاها وهي بتضحك فعلي اتعصب جداا ورمى السجااره على الارض وداس عليهاا وطلع من اوضه سلمى للصالون زي الاعصار
فكلهم اتخضوا من شكله فتابعت رانيا بخووف ايه يا ابني ماالك في ايه
علي بعصبيه وهو نازل : دي اللي مفروض جاايه من الجامعه راجعاالي مع حسن وماسكلي ايديهااا !!! خبي عليهااا كويس يامااا خبيي
رانيا لطمت بخوف وتابعت بعياط يانهااار اسوود هيلم عليهم الشاارع وهيموتها روحيله يحبيبه الحقيه ده مجنوون يابنتي
حبيبه بخوف حااضر حااضر ونزلت ورااه وتابعت يعلليي استنى يعليي
سلمى بخوف هي مع حسن فعلا ؟
رانيا بعياط وخوف ااه استأذني وقولتله ماشي
سلمى بحده استأذنك ايه بس ياماما مينفعش الكلام ده
رانيا بحده ودموع : هششش اسكتي انا مش نقصااكي وفيا اللي مكفيني كفاايه اللي هسمعه لما يطلع
سلمى بحده حقه علشان دي قله ادب بصراحه
رانيا بعصبيه ودموع تسمحي لما اختك تطللع مسمعش حسككك ؟؟
سلمى بضيق انا مالي بلا هم
عند علي حبيبه نزلت وراه وتابعت بخوف يعلي استنى يعلي ابوس ايدك بلاش فضايح
علي بعصبيه اطلعي فووق يحبيبه انا هجيبها وجاي مش هتنيل اعمل فضاايح ومشي ناحيتهم
فحبيبه مسكت في دراعه وتابعت بدموع ولفهه: طب ابوس ايدك افهم هي كانت معااه بتعمل ايه علشاان خاطرري
علي بعصبيه تسمحييي تسكتي ومسمعش حسسك ؟؟؟
وراح عند اسراء وتابع بعصبيه انتي بتعملي ايه معااه يابنت الكلب ياحيواانه انتي
اسراء بصتله بصدمه والدموع اتجمعت في عينيها وتلقائي سحبت ايديها من ايد حسن وبصتله بفرحه ممزوجه بتفاجئ وصدمه وتابعت عليي !!! وبقيت تاخد نفسهاا بسرعه وهي مش مستوعبه وجواها مزيج من الفرح والخوف بس فرحتها مغطيه على كل مشاعرها فتابعت بعياط وفرح : يحبيبي انت جيت ازااي ؟؟
علي مسكها شدها من دراعها وهي اترعبت وتابع بعصبيه خديهاا واطلعي فوق وانا جاايلكم
حسن بتنهيده علي لو سمحت اسمعني
علي بعصبيه شديده : هششش انا مش عايز اسمع حسك نهاائي وبص لحبيبه وتابع بعصبيه خديهاا
فحبيبه اتخضت وهزت راسها بماشي كذا مره وتابعت بخوف يلا يا اسرااء وبتشدها
فتابعت اسراء بعياط وفرح لا سبيني معااه وانا هطلع لما يطلع والله ارجوكي سبيني معاه
حبيبه بحده ودموع يابنتي مينفعش دلوقتي اخلصي هيموتك يلااا وشدتها تمشيهاا
وعلي بص لحسن فتابع بتوتر: ورحمه ابويا ماتفهمني غلط يا صاحبي .. كل الحكايه ان ..
فعلي قاطعه لما ضربه بالبوكس بقوه خليته يتألم ومسكه من لياقه قميصه وتابع بعصبيه: صاااحبك !!! وبصله بسخريه وتابع بعصبيه شديده :هو انت عملت اعتبار للاخوه ولا الصحوبيه ؟!! ..بقى ساايب بنااات الدنياا كلهاا ورايح تتسرمح مع اخت صاااحبك في حبسته يا وسسخ ؟!!! وخبطه في عربيته وتابع بعصبيه : هو دده صوونك للامانه في غيااابي يا حسسن .. اختيييي !! اختييي ياااحسن !! واسراااء .. العيلله ؟!!
حسن بص للارض بحرج وتابع والله ما عاارف ابصلك وليك حق تزعل بس والله ياعلي وحياه العشره والاخوه اللي بيناا انا عمري ما خونت الامانه اللي سيبتهالنا وبحب اسراء فعلا وعايزها في الحلال ومفيش في نيتي اي لعب ولا تسليه .. انت عاارف صااحبك .. ومش يوم ما استعبط هعمل كده مع اسرااء .. دي بالذات مينفعش
علي بعصبيه : بتحب مين يازبااله يحيواان انت؟؟! يعني انا ادخلك بيتييي ومأمنلك حتى لو في غياابي واعتبرتك واحد من اهلي وانت تبص لاختييي ؟!! وااه اسرااء بالذات متنفعش ومتحلمش بيهااا مهما تعمل اللي يبدائها في الحراام ميجيش يطلب الحلااال هي خلصت خلاااص
حسن بحده ياعلي انا مغلطش بحبهااا وبقولك عاايزها ليه محسسني اني خونت ثقتك فياا كدده
علي بصله بوجع وتابع ما انت خونت ثقتي فيك هو انت لسه هتخون !! .. لما متغضش بصرك وتبص لبنت من بناتي وتاخدها والله واعلم تروحوا فين في غياابي ومن غير علمي يبقى خونت ثقتي فيك ياصاحبي ياللي سيبتك انت وكريم تسدواا مكاني .. وياالف خسااره على ثقتي فيك اللي راحت وعمرهااا ماهترجع تااني لانك لو عاارف يعني ايه اصول متغفلش صااحب عمرك ورفع صابعه بتحذير وتابع: ومش هحذرك تااني اسرااء تبعددد عنهااا.. اختي لااا يا حسن .. اختيييي لاااا .. انساهااا
حسن بحده مش هنساهاا ولو انت هيهون عليك العشره اللي بيناا انا مش هيهون علياا حب عمري
علي بصله بذهول وتابع حب عمرك !! كمان !! وضربه بالبوكس بقوه وقعه على الارض وتابع بعصبيه: من انهاارده تعتبر صاااحبك مااات ياحسن انت خذلتني في بنت من بناااتي وانا معنديش اغلى منهم فاحترم نفسك وابعد عنهاا واتعصب اكتر وتابع : وانا اللي لياا هعرررف اربيهااا كويس وهكسرهااا تحت رجلي لو فكرت تكلمك
ومشي وسابه وحسن قام وهو حاطط ايديه على وشه بألم ولقى شفايفه جابت دم فنفخ بعصبيه وهو مش طايق نفسه
في بيت رانيا كانوا قاعدين واسراء واقفه وبتعيط وتابعت طب والله انا معلمتش حاجه غلط يماما بالله عليكي فهميه وضحكت من بين دموعها وتابعت انا فرحانه بيه والله ونفسي احضنه بلاش يخوفني منه ابوس ايديكم كلموه
سلمى بحده معملتيش حاجه غلط ايه انتي عبيطه ؟!! في ايه بينك وبينه علشان تخرجي معااه في غيااب اخووكي
اسراء بحده ودموع ما ماما عارفه وبعدين حسن مش غريب
رانيا بخوف اخرسي خاالص بلا ماما بلا زفت متجبيش سيرتي
اسراء بحده ودموع والله !! يعني هبقى انا الغلطانه دلوقتييي !!
ولقيوا علي داخل وتابع لا انا اللي غلطان هو انتي بتغلطي !! فاسراء خافت منه جدا فمسك دراعها جامد واتعصب وتابع انا اللي غلطان علشان معرفتش اربيكي وضربها بالقلم بقوه فصرخت وعيطت بألم فتابع بعصبيه شديده كنتي بتعملي اييه مع حسن في عربيته يا تررربيه نااقصه .. في ايييه بينك وبينه يخليكيي تركبييي معاااه وتسيبيه يمسك اييددك
رانيا بدموع وخوف ابوس ايديك ياابني سيبها .. وغلاوتي عندك ماتمد ايدك عليها خلااص
علي بعصبيه محدش يتدخللل علشاان مزعلللش حدد وانتي بالذات يااماا ليكي حسااب معاايا بعدين لانها اكيد قالتلك غااايره فين
فرانيا عيطت وسكتت فوقفت حبيبه في النص وتابعت بدموع طب علشان خاطري انا سيبهاا يعلي ارجوك اختك فرحانه برجوعك خدهاا في حضنك ونتكلم في المشاكل دي لما تهدى
علي بعصبيه اوعي انتي يحبيبه علشان منزعلش من بعض
حبيبه بدموع طب علشان خاطري يعلي ارجوك
علي بعصبيه بقولك اوعييي يحبيبه علشان اقسم بالله العظيم كل ماهتقفوا قصادي همد ايدي عليها اكترر
فاسراء مسكت في حبيبه وعيطت وتابعت متسبنيش الله يخليكي ارجوكي خليه يسبني
فحبيبه عيطت وتابعت يعلي ابوس ايدك خلااص البت خاايفه منكك
علي بعصبيه هي الحيواانه دي بتخااف ولا تعرف الخووف دي لو بتخااف من ربنا مش مني متعملش اللي عملته ده فاوعي انتي كددده علشان انا جاايب اخررري وشد حبيبه بعدها عنها فاسراء عيطت بخوف وتابعت والله العظيم حقك عليا بس ارجوك اهدى دلوقتي وبعدين هنتكلم انا والله فرحانه برجوعك ونفسي اخدك في حضني فمتخوفنيش منك يا علي
علي بعصبيه : فرحاانه برجوعي ااه وتفرحي برجوعي لييه ده انا كدده هكتم على نفسك انتي والبيه المحترررم .. صاااحبي وعشره عمررري اللى امنتله على بيتي واهليي يسيب بنات الدنيااا كلهاا وينزل معااكي انتي وشد شعرهاا بقوه وضربها بالقلم فعيطت وصرخت بألم فتابع علي بعصبيه : انطقييي واخلصصصي في ايييه بينك وبييينه
اسراء بعياط ووجع من ماسكه ايديه: بيحبني وسافر علشان يكون نفسه ويرجع يتقدملي وعيطت اكتر وتابعت انما والله العظيم تلاته يعلي مفيش بيني وبينه كلام ولا حاجات من دي وطول ماهو مساافر مكناش بنتكلم اصلا ولسه متكلمين الفتره دي
على بصلها بذهول وتابع يعني من قبل ما يساافر الحوار ده وسنتين بحالهم مغفلاني مش كده ؟؟
اسراء بعياط وحياااتك عندي مفيش حاجه من الكلام ده والله العظيم ..كنا بنحب بعض بس مش مرتبطين وهو حكى لماما كل حاجه
فعلي بص لرانيا بحده فبصت للارض بحرج فرجع بص لاسراء وتابع هاتي فونك
اسراء خافت وبلعت ريقها بتوتر وتابعت ايه ؟
علي بعصبيه بقوولك هاااتي فوونك ايه اطررشتي ؟؟
فاسراء بلعت ريقها برعب وطلعته من شنطتها واديتهوله
فتابع علي بحده افتحيه
فاسراء خافت جدا وبصت لحبيبه نظره كلها ترجي انها تيجي تلحقها
فحبيبه فهمت نظرتها وراحت مسكت دراع علي وتابعت بتوتر: حبيبي بلاش الطريقه دي علشان خصوصيه اختك هي اكيد مش بتعمل حاجه غلط بس اسلوبك ده هيحسسها انك شكيت فيها
علي بصلها برفعه حاجب وتابع بصوت حاد : حبيبه
حبيبه بتوتر ايوه
علي غمض عينيه وتابع بهدوء مخيف : ابعدي عني ومتدخليش في الموضوع ده .. علشان اقسم بالله العظيم يا حبيبه .. لو تعرفي حاجه ومخبيه على اسراء هخسرك للابد حتى لو اللي بينا مجرد صحوبيه
اسراء بدموع وخوف : اوعي انتي يحبيبه خلاص سيبيه
فحبيبه بصتله بوجع وتابعت يعني هتكسفني ياعلي ؟؟
علي بعصبيه اه هكسفكك علشان انا شايفها بعيني مش شاكك فيها زي ما بتقولي لااا ده انا متاكد .. ومعنى طريقتك دي يبقى انتي عايزه تستغفليني معااهاا وعاجبك اللي بيحصل .. ليييه شايفيني بقروون انتي وهيي
حبيبه بدموع وخوف: لا يحبيبي لاعاش ولا كان اللي يقول عليك كده انت سيد الرجال كلهم بس انا مش عايزه
علي بمقاطعه وبحده :ابعدددي انتيي يحبيبه قووولت
فاسراء هزت راسها بلايجاب انها تبعد وهي بتعيط فحبيبه بعدت بحزن فتابع علي بعصبيه وانتي اخلصيي افتحي الخراا دده
فاسراء اتخضت ومسكت الفون منه فتحته
فعلي مسكه ودخل على الواتساب واتصدم وضحك بسخريه وتابع: اممم ده اول البشاير هلت اهو وحسن اول شات ومسمياه حبيبي
فاسراء خافت ورايحه تمشي فعلي مسك دراعها وتابع بعصبيه غايرره فين غايرره فين بس استني ده احنا لينا حساب مع بعضينا وفضل يقرا في الشات وهي مرعوبه ودقات قلبها سريعه وقرا حاجات كتير بينهم وكمان اليوم اللي كانوا راجعين فيه من المستشفى ساعه سلمى وكذا يوم تاني ومع كل شاات كان بيقرا بيغلي اكتر من جواه لدرجه حس ان الدم سخن في عروقه فبصلها وتابع هو ده اللي مفيش بينكم كلام هاا ؟؟؟
اسراء بعياط وخوف والله هقولك بس اديني فرصه و
علي قاطعها وضربها بالقلم بقوه وتابع بعصبيه : تقولييي ايه ؟؟!! تقولي ايييه يازبااله .. عاايزه تقهريني وتقوليلي اني معرررفتش اربيكي بعد العمر دده كله ؟!! بتستغلي حبسه اخووكي وتروحي تتسرمحي مع حسن في غياابي يا اسرااء
اسراء بعياط والله قال لماما واستأذنها لانه كلمها في موضوعنا يعني في حكم خطيبي
علي بعصبيه خطيبك ايييه وزفت ايييه هو ميين في الشاارع يعرف عنه غير انه صاااحبي ؟؟!! يقولوا عليكي ايه لما يشوفوكي راايحه جايه معاه وعمال يمسك في ايديكي اللي يخش تتكسر دي وضربها بالقلم بقوه اكبر ومسك شعرها فعيطت وصرخت بألم شديد فتابع بعصبيبه هي دي تربيتي لييكي يا اسراااء بقى هو ده اللي حصدته بعد كل التعبببب ده ودموعه نزلت وتابع بعصبيه شديده :ده انا طلع عين اهلييي علشاان اصررف عليككم واعلمككم واربيكم ترربيه صاالحه ترضيي ربنااا واتحبست واتهااانت واتمرمطت وكل ده علشااانكم وعلشاان احافظ عليكم واغليييكم وانتييي ترخصيي نفسك بالشكللل دده ؟!!!
فكلهم اتأثروا بشده من كلامه ودموعهم نزلت
واسراء عيطت بانهيار وتابعت انا اسفه يعلي ابوس ايديك حقك علياا ومسكت ايديه باستها وحطتها على خدها وتابعت بعياط هستيري : عقابني زي مانت عاايز بس ارجوك متشيلش مني والله مش هقدر
علي بعصبيه ابعدي عني ومالكيش علااقه بيااا علشان انتي تربيتك بقيييت وسخهه بس الحق مش عليكي الحق عليااا انا اني اديتك ثقه وعاارف بتخرجي فين وبتيجي منين فمستحيل اشك فيكي
اسراء حضنته وتابعت بعياط هستيري : انا اسفه والله ابوس ايديك متزعلش مني علشاان خاطري يعلي ارجووك
علي بعدها عنه وتابع بحده ادخلي اوضتك يا اسرااء واعملي حساابك الحيوان ده انا عملتله بلوك وعاايزه يتفك وخبط الفون في ايديها وتابع يلا مش عايز اشوفك قدامي
اسراء بصتله بوجع وتابعت بعياط غمض عينيك انما بالله ماهقدر اسيبك انا ماصدقت شوفتك قدامي
علي حاول ميضعفش وتابع بعصبيه انا قوولت ادخلي اووضتك
فاسراء عيطت بانهيار ودخلت وقفلت الباب فتابعت رانيا بدموع ليه كده يحبيبي حرام عليك اختك كانت هتموت عليك
علي بعصبيه هشششش انا مش عاايز اسمع صوت حد فيكم وارجوكي يامااا انا محترم اني مينفعش ازود كلام معااكي وعمري ماهعملهاا في يوم من الايام كده كده فـ بالله عليكي ساعديني في ده واختصريني وسبيني في حاالي علشان انا مش متخيل ازااي انتي تسمحيلهاا تعمل كدده
رانيا رايحه تتكلم فتابع علي بحده خلاص ياما ابوس ايدك الموضوع خلص وقعد وولع سجاره ونفخ دخانها بعصبيه
حبيبه بضيق مش كل ماحد يضايقك هتشرب الزفت ده
علي بعصبيه تسمحي انتي كمان مسمعش صووتك علشان كنتي عايزه تطبليلهااا شوفتي الهاانم بتعملل اييه يعني انا مكنتش غلطاان ياست حبيبه وانتوا االاتنين محدش فيكم يكلمني لاني حقيقي شايل منكم وبالجامد
فحبيبه سكتت بحزن فسلمى بصتله بتوتر وتابعت انا هدخل جوه لحسن تخاصمني انا كمان
فعلي ابتسم غصب عنه وخدها في حضنه وباس راسها وتابع بحب مقدرش انتي مطبلتيش للغلط فمقدرش ازعل منك
وحبيبه جالها مسدج فتابعت بضيق عن اذنك ياخالتي هنزل علشان هقابل شمس احد منها حاجات للكليه
رانيا بحزن اذنك معاكي يابنتي
علي قام وقف وتابع استني اخلص السجاره دي وهنزل معاكي اوصلك لشمس وارجعك واروح لاسيا بس مبداائيا خشي غيري الزفت ده
سلمى بابتسامه مش هتشوف كريم اكلمهولك؟
علي لالا محدش يتصل بيه كريم عنده شغل هشوفه بالليل المهم دلوقتي انتي اخلصي روحي البسي حاجه او غيرري من سلمى
حبيبه بضيق وانت مالك انت مش خااصمتني اناا وخالتي ولا محصلشش ؟؟؟
علي غمض بعصبيبه وتابع بهدوء مخيف : اقسم بالله يحبيبه لو فتحت عيني ولاقيتك واقفه قدامي بالبنطلون المهزق ده هزعلك مني اوي قدامك لحد 3 وبدا يعد على ايديه 1 فرانيا شاورتلها تدخل بسرعه مع سلمى فبالفعل حبيبه طلعت تجري على الاوضه فاكمل علي: 2--3 وفتح عينيه ملقهاش فقعد وتابع بتنهيده: يارب صبرني على ما ابتلتني ياارب ونفخ دخان السجاره
فتابعت رانيا بدموع علي متزعلش مني يا ابني
علي بتنهيده ماما علشان خاطر ربنا انا مش قادر اتكلم هروح اغير هدومي دي واخد شاور لحد ما حبيبه تخلص عن اذنك ودخل اوضته
فتنهدت رانيا بحزن ودخلت لسلمى وحبيبه فحبيبه اتخضت لانها كانت لابسه كارينا كب بس من فوق وجيبه بليسيه ستان بيج فحطت ايديها على صدرها وتنهدت بارتياح وتابعت ياخالتي حرام عليكي خضتيني
رانيا بضيق على اساس علي هيدخل عليكي وهو عارف انك بتغيري ياختي
حبيبه بضحك والله بعد اللي شوفته منه انهارده ده اتوقع منه اي حاجه ابنك باظ يحجه
رانيا بحزن والنبي يحبيبه لتسبيني في حالي قلبي واجعني اني مزعلاه
حبيبه بضحك طب ده بالله محتاره اداوي جرح مين فيناا ماهو قالب علياا انا كمان علشان ست چوليت هاانم
سلمى بتنهيده بصراحه انتوا غلطتوا ياماما واللي عملتوا اسراء ميصحش
رانيا بدموع يابنتي الواد طلبهاا مني وكان مستني بس يفاتح اخوكي رسمي
سلمى بتنهيده حتى لو مينفعش لان الشارع كله عارف انه صاحب علي وجارنا في الشارع مش اكتر من كده الناس تقول ايه اخوها محبوس وهي رايحه جايه مع صاحبه ؟
حبيبه بحزن سلمى انتي صح بس مكنش يدقق ما معلش اديه هينزل يوصلني اشمعنا انا اروح واجي معاه ؟
سلمى بحده يمتخلفه انتي في مقاام بنت عمناا لان عم حاتم الله يرحمه رباكي انتي ونيره مع كريم واخواته فانتوا كبرتوا سوا والكل عاارف انكم زي الاخوات فوجود علي مع واحده فيكم مش ازمه ووارد لو كريم غاب علي يسد مكانه وكان بيحصل كده زمان لما كريم بيسافر انما دي تروح وتيجي مع حسن لييه هو من باقيه اهلناا ؟!!
رانيا بحزن هما صح يحبيبه بس انا محسبتهاش كده انا قولت البت نفسيتها زفت افرحها شويه بس عكت مني على الاخر
حبيبه بتنهيده حزينه: اهدي ياخالتي ده وقت غضب انما انتي عمرك ماتهوني على علي انا واثقه
سلمى بضحك ده كده كده هو ديتها بس تبوس خده وتحضنه هيستسلم علطول
حبيبه بضحك علي بيضعف قدامها فعلا انا عارفه
رانيا بحب ودموع والله علي ابني مفيش احن منه وبيضعف قدام اي حد مننا انا واخواته بس المره دي انا زعلته جامد
حبيبه حضنتها وباست خدها ومسحت دموعها وتابعت بحب والله هيرجع من عند اسيا يكلمك هتشوفي سيبك من الوش اللي مركبه ده
رانيا بدموع يارب يابنتي والله
سلمى بضحك وغمز لا ياماما بس سيبك من جو النكد ده وبصي على الحلويات اللي بانت لما التوب اتزحلق دي
فحبيبه شهقت ورفعته بسرعه فرانيا فضلت تضحك بشده
فتابعت حبيبه بضحك والله انتي ماتربيتي وبعدين انا بس اللي اتحرش محدش يبص عليااا
سلمى بضحك مش مرات اخوياا وبنطمن فيك ولا طبيعي علشان مستقبل الواد
حبيبه بضحك طز فيكي وفي اخوكي يا روحي ومشت ايديها بدلال على طول جسمها وتابعت بثقه: خسااره فيه القوام دده اصلاا
رانيا بضحك ما قالك بطايه ومعترف الواد حني بقى
حبيبه بضحك بعينه
رانيا بحب يابت حني وهاتيلي حتت عيل الحق اشوف عيالكم وبالي يرتااح واحقق امنيه عمري دي بقى
حبيبه ابتسمت والدموع اتجمعت في عينيها وتابعت يارب اللهم امين بس بردو مش بسهوله بصوا انا بحب علي ومستحيل احب غيره وامجد مقاليش معجب اصلا وعارف اني بحب علي بس ارجوكم سيبوني اعزز نفسي المره دي
سلمى بحب طلما كدده معااكي بس بسرعه والنبيي
حبيبه بضحك هو وشطارته بقى لما نشوف هيتعب قد ايه
رانيا بحب وانا معاكي لان كلامك صح وربنا يفرحني بيكم ينورعيني ياارب
حبيبه بحب يارب اللهم امين ومسكت البلوزه السودا بتاعت سلمى ولبستها فوق الجيبه وشكلها كان رقيق جدا وكله جذابيه رغم ان اللبس محتشم وسرحت شعرها ورفعته في شكل كحكه فوضاويه ونزلت خصل قدام عينيها وحطت ميكاب رقيق وبصتلهم وتابعت هاا ايه رايكم
رانيا بحب بسم الله عليكي زي القمر
سلمى بحب تحفه بجد وتسريحه شعرك وااو
حبيبه بضحك علشان واثقه هيقولي لميه فقولت محرقش بنزين كتيير هي جاايبه اخرهاا معانا اصلا
فكلهم فضلوا يضحكوا فتابعت سلمى بضحك ايوه كده جدعه انتي عارفه علي اكتر مننا شخصيا كده كده
فحبيبه ضحكت وتابعت ده حقيقي وخرجت وتابعت هو فين ؟
رانيا بابتسامه بياخد شاور زمانه خلص اقعدي استنيه
فحبيبه قعدت تستناه وبعتت لشمس انها متنزلش دلوقتي وتستني شويه
وعند علي كان خرج من الشاور لافف فوطه على وسطه والتانيه بينشف بيها شعره وحلق دقنه وخلاها متحدده ورجعتله شكله الوسيم تاني اكتر ماهو وسيم وقطرات المايه كانت نازله على صدره وعضلات دراعاته فنشف نفسه كويس ورجع شعره لورا وفتح دولابه وجاب قميص بيج وبنطلون اسود ولبسهم وشمر الاكمام لنص دراعه ولبس ساعته ورش برفيوم وقعد يلبس جزمته وثواني وقام شرح شعره ورايح يخرج لفت نظره دبلته اللي استلمها في القسم مع حاجته بتاعت خطوبته فتنهد بعمق وخدها وحطها في جيبه وخرج وتابع يلا يا حبيـ .. وسكت بذهوله من حلاوتها في لبس سلمى وابتسم باعجاب واضح
وحبيبه كمان وقفت بتبصله باعجاب شديد وذهول وشه منور دقنه متحدده حاطط البرفيوم المفضل ليها واللي بتعرفوا بيه في اي مكان ولابس شيك ورجع تاني علي اللي هي تعرفه
فبصوا لبعض باعجاب وابتسموا وقالوا في نفس واحد : ايه الجمال ده !!!
فالكل فضل يضحك بشده فتابعت سلمى بضحك لا وعاملين ماتشي كماان بس بالعكس
حبيبه بضحك وتفاجئ تصدقي صح ولا المقصودده
علي بضحك علشان زوقنا في الالوان قريب اوي لبعض انا قولت لسلمى حاجه زي دي قبل كده
سلمى بضحك اه حصل
رانيا بحب ربنا يحميكم ويحرسكم ويديمكم لبعض ويفرحنا بيكم اللهم امين ياارب
على مبصش ناحيه مامته وتابع بتنهيده اللهم امين يارب يلا يحبيبه اخلصي كفايه تعطيل ونزل
فتابعت حبيبه بذهول: هو مش كان بيهزر ويضحك دلوقتي دده !!
سلمى بضحك يا ماما فتحتي بوقك ليه فكرتيييه
رانيا بصتلهم بحزن ودخلت اوضتها وقفلت فحبيبه ضحكت وتابعت مش معقوله بجد عسل بصي مقموصه ازاي
سلمى بضحك ده هي بتبقى كده علطول لما علي يزعل منها
فحبيبه فضلت تضحك وسمعت صوت علي من تحت بينده يلا ياهاانم اخلصي
فاتخضت وتابعت طب هنزل انا لابو لهب بااي دلوقتي
سلمى فضلت تضحك وتابعت باي
ونزلت حبيبه بسرعه على السلم فعلي بصلها برفعه حاجب وتابع اخلصي يلا قدامي
حبيبه بضيق يلاا وخرجت بتمشي بسرعه من الحوش ومبصتش فكان فيه موتوسيكل بيعدي سريع فحبيبه اتخضت وعلي شدها لورا بسرعه فخبطت في صدره فتابع بعصبيه انتي متخلفه مش تبصي حواليكي قبل ماتطلعي الاااول ؟!!
حبيبه اتوترت ان ايديها على صدره وهو ايديه على ضهرها فغمضت وبلعت ريقها بتوتر وتابعت اسفه هبقى ابص بعد كده
علي رايح يتكلم اتصدم ان رفيده خرجت من العماره اللي جنب كريم واللي تحديدا ساكن فيها عصام ومعاها شنطه سفر كبيره فشافته اتصدمت بشدده ويمكن صدمتها ضعف صدمه علي بكتيير انه ازاي خرج وازاي حاضن حبيبه كده حست قلبها وجعها ومبقيتش فاهمه حاجه من فرط الصدمه لدرجه فكرت انها بتحلم
فاستغربت حبيبه نظرته وتابعت في ايه ياعلي؟
فعلي انتبه لحبيبه وبصلها بحب وتابع مفيش حاجه ينورعيني وباس جبينها وحط ايديه على كتفها وتابع يلا علشان منتأخرش
فحبيبه مكانتش مصدقاه وبالفعل اتاكدت من شكوكها لانها لما خرجت من حضنه ومشيت جنبه وهو حاطط ايديه على كتفها شافت رفيده بصالهم بغل وعينيها بتاكلهم فغمضت بضيق ورايحه تمشي وتسيبه فعلي ايديه كانت اقوى منها فثبتتها مكانها جنبه وهمس: ولا كانك شوفتي حاجه كبري دماغك وابتسم وتابع وعلشان تصدقيني هوريكي حاجه وطلع دبلته بتاعت رفيده وورهالها وتابع عارفه دي ايه
حبيبه بضيق ااه عارفاها
علي بضحك بس بس في ايه ولا تضايقي نفسك ورماها وراه في الشارع وهما ماشين ففضلت تمشي وثبتت في مكان قدام عين رفيده وكانت شايفاه وهو ماشي جنبها وحاطط ايديها على كتفها وبيرميها وبيضحك معاها وعينيها كانت هتطق من الغل من شكلهم مع بعض والماتشي اللي عاملينه في اللبس فبصت للدبله بقهر وتابعت بعياط علي خرج ازااي !! ازاي يخررج ازااي !! ونفخت بعصبيه شديده وطلعت لفوق تاني
عند علي وحبيبه
علي بحب لا بس بسم الله ما شاء الله بجد شكلك في الاستايل بتاع سلمى تحفه جدا اللهم بارك
حبيبه بابتسامه شكرا يا علي
علي بحب لا العفو يحبيبي وعقبال ما يبقى ده الاستايل بتاعك يارب
حبيبه بتنهيده يااارب .. وعلي فكره مكنش لازم ترمي الدبله عشان تراضيني انا بنسباالي موضوع جوازنا ده منتهي
علي وقف علشان مستنين تاكسي وبصلها ومسك دقنها وتابع بحب مين قالك اني عملت كده علشان اراضيكي ؟؟ انا عارف انك مش هترضي عني بسهوله بس انا اصلا خدتها علشان كنت ناوي فعلا ارميها جبتها بفلوسي ورميتها ومش عايزها عشان لبستها لواحده غلط وده ندم جوايا بره عن اللي انتي بتقوليه خالص انا لو كنت عايز اوريكي حاجه فهي اني متهزتش لما شوفتها انا بس اتصدمت هي بتعمل ايه هناك لاني متوقعتش اشوفها بتخرج فاجاه كده وبعدين افتكرت ان ده بيت عصام
حبيبه بصتله وتابعت بتنهيده: تؤ مش عصام بس
علي باستغراب يعنى ايه مش فاهم ؟
حبيبه بتنهيده يعني فرح عصام ورفيده بكره يا علي وشقتهم في نفس العماره وهي كانت بتنقل هدومها علشان كده كانت ماسكه الشنطه دي
علي اتصدم وتابع بكره !!
حبيبه بصتله بسخريه وتابعت ايه قلبك وجعك ؟!!
علي بحده حبيبه
حبيبه بعصبيه بلا حبيبه بلا زفت عرفت انا ليه مش عايزااك ؟؟ لاني مستحقش ابداا احس اني مع راجل ممكن يحن لخطيبته القديمه في اي لحظه
علي بصلها بوجع وتابع اول مره متفهمنيش يحبيبه
وسابها ووقف تاكسي وبصلها وشاورلها تيجي تركب جنبه فنفخت بضيق وركبت وعلي ولع سجاره ونفخ دخانها من الشباك من غير مايقول ولا كلمه تانيه حاسس ان الدنيا كلها مش فهماه ومفيش حد واحد عارف يشرحله هو حاسس بايه من كل اللي بيجراله ده
-----
بعد شويه عند اسيا كانت قاعده بتعيط وشيري جنبها
شيري بحزن طب اهدي طيب حقك علياا
اسيا بعياط تعبت يا شيري والله تعبت انا من كتر ما جوايا طاقه عياط نزلت البنت عند ستها عشان متشوفنيش بالمنظر ده وعماله تقولي مال وشك يا مامي احمر ليه ارد اقول ايه بجد ياربي ؟!! وعيطت اكتر
شيري بحزن اقولك رايي اسيا وتعملي بيه ؟
اسيا بدموع اكيد طبعا انتي اختي يهبله
شيري بتنهيده انا رايي تسيبي البيت لسليم وتربيه شويه مش معقوله كل شويه يعاملك زي الحيوانه كده
اسيا بعياط والله العظيم عايزه اعملها انتي بتقولي فيها انا جبت اخري خلاص فعلا مع انه حالف عليا لو نزلت هيعمل ويسوي
شيري بحده ميقدرش يعمل حاجه يا ماما هو انتي ماكيش اهل ولا ايه روحي لبيت ابوكي وابن عمك موجود بدل علي ويسد
اسيا بدموع ووجع :هشوف فعلا والله العظيم كريم لو عرف ليفلقه نصين
شيري بابتسامه حزينه : شوفي يحبيبتي وحقك عليا هطلع اشوف الاكل عشان سايباه على النار
اسيا بابتسامه ودموع : لا عادي ولا يهمك روحي يحبيبتي
فشيري ابتسمتلها وطلعت بالفعل وقفلت واسيا فضلت تعيط بهستريه وحست بتعب وقامت تاني استفرغت وغسلت بوقها ووشها وخرجت ودموعها زادت تاني وشها كان واجعها جدا والاحمرار باين بطريقه صعبه لان اسيا بشرتها بيضه جدا فراحت جابت تلج من الفريزر وحطته في الكيس المخصص للتلج وبقيت تحطه على خدها بس مش بطريقه مباشره وتاوهت بوجع ودموعها فضلت تزيد وتابعت بعياط: الله يسامحك يسليم حرام عليك منظري ده والله وسمعت الباب بيخبط فسابت الكيس وراحت تفتح وبتمسح دموعها اتصدمت بشده ان اللي واقف قدامها علي وحست ان روحها اتردت وعينيها انهمرت بالدموع من فرط الصدمه .. وفي المقابل علي بردو كان مصدوم بشده بس بشكل عيون اخته المتورمه من كتر العياط ووشها الغرقان بالدموع واحمرار خدوها
-------
عند هناء كانت خرجت من الجامعه وراكبه اوبر وبتتصل بوسام مش بيرد فنفخت بضيق
رنا بضحك خليكي وراه هيرد بس هو مش كان قايلك انه نازلين هو واهله يتغدوا بره النهارده في المطعم اللي عزمك فيه قبل كده ؟؟
هناء بحده : اه قاالي .. اييه عجبته القاعده مع ست هانم بنت خالته ولا اييه ؟؟
رنا بضحك لا يمتخلفه مقصدش كده اقصد تلاقيه مشغول في الكلام مع اهله واتسحل ومش واخد باله من الفون
هناء بعصبيه والله العظيم وسام لو مردش عليا هعمله كبسه وكده كده هنعدي على المطعم وهدخل ادور عليه
فرنا فضلت تضحك بشده وتابعت مجنونه والله العظيم
فهناء اتعصبت جدا والغيره كانت بتاكلها من تخيلها هو بيعمل ايه دلوقتي ورنت عليه تاني واخيرا قام بعيد عنهم ورد وتابع خير
هناء بحده لا خير انت .. لسه فاكر ترد علياا ولا اتسحلت مع الحلوه ؟؟
وسام بهمس حاد : طب احترمي نفسك وبطلي قله ادب انتي عارفه اللي فيها وانا مش عارف اتكلم دلوقتي
هناء بحده والله العظيم يا وسام كنت ناويه اجيلك اعملك كبسه لو مردتش علياا علشان مش من صباحيه ربنا بحاول ارن عليك اراضيك وبنت الكلاب دي تلاهيك عني
عصام فضل يضحك وتابع انا مش برد بمزاجي لاني زعلان منك ومش عارفه اتكلم قدامهم بس عامه تعالي واهو تشوفيهم بالمره
هناء بتنهيده قولتلك لما مامتك تطلع من دماغها الموضوع بنت خالتك ده
وسام بابتسامه صدقيني اقتنعت اني هتجوزك انتي خلاص تعالي بقى وحياتي
فهناء ابتسمت وتابعت حاضر هفوت عليكم وربنا يستر
وسام بابتسامه تمام مستنيكي ونتصفى لما تيجي على جنب مع نفسنا
هناء بحب ماشي يحبيبي يلا باي
وسام بحب باي وقفل معاها وابتسم بخبث وراح قعد مكانه
عند هناء رنا بصتلها وتابعت بضحك ها عملتي ايه معاه ؟
هناء بضحك هفوت عليهم خمس دقايق روحي انتي بقى
رنا بضحك واطيه والله هتسبيني اروح لوحدي مش ده اللي مكنتيش طايقاه من دقيقتين بس فعلا من لقي احبابه نسي اصحابه
هناء فضلت تضحك وتابعت معلش خليها عليكي ابو العيال بقى وكده يا رنونتي
رنا بضحك وماله يستي نستحمله ده جوز اختي بردو
هناء بضحك قلب اختك والله
وبالفعل دقايق ووصلت واتصلت بوسام فخرج يجيبها وبمجرد ماشافها ابتسم وتابع بعيدا عن اني لسه زعلان منك بس ايه الحلاوه دي كلها
هناء ضحكت وتابعت يحبيبي دي عينيك والله
وسام مسك ايديها وتابع بحب طب يلا تعالي
هناء اتوترت وتابعت : وسام انا خايفه اوي بجد
وسام طبطب على ايديها وتابع بحب : طول مانا جنبك مفيش
حاجه في الدنيا كلها تخوفك ورفع ايديها باسها بحب وتابع يلا
فهناء بصتله وابتسمت بحب ودخلت وراه وهو ماسك ايديها وكلها مش باينه وراه اصلا وبمجرد ما راحوا عند المكان المتجمع فيه عيلته تابع وسام بحب : بعد اذنكم يا جماعه بصولي لحظه عايزه اعرفكم على اجمل واحلى بنت في الدنيا كلها مدام وسام العامري المستقبليه
فكلهم بصوا باستغراب شديد فوسام خد جنب وهو ماسك ايد هناء وتابع بحب : هناء الجارحي حبيبتي ومراتي المستقبليه
فنادر ويارا قاموا وقفوا واتصدموا بشده وهناء رفعت وشها وهي مبتسمه بس ابتسامتها اختفت في لحظه لما شافتهم وقلبها دق بعنف من الخوف والصدمه ومبقيتش عارفه تستوعب