_الثعبان المؤذي اللي كان شايله بكر على أكتافه غضب وهاج على صفاء وبكر ما قدرش يسيطر عليه وعض صفاء وهيا مغمي عليها؟
_وبعد ما عض صفاء وسم الثعبان بدأ يجري ف دمها..بسرعه بكر مسك الثعبان ودخله جوه القفص وبدأ يتعامل مع عضه الثعبان..بقلم..محمد طه
_وبكر كان عامل حسابه كويس وعارف إزاي يتعامل مع عضه الثعبان لأنه عارف ومتأكد إنو ممكن يتعرض ف أي وقت وف أي لحظه للهجوم من الثعبان
_وساعد بكر إن صفاء مغمي عليها..لأن بعد عضه الثعبان لازم المصاب يكون هادي تماما..ومكان العضه يكون ثابت.. وبدأ بكر بتنضيف مكان العضه بالميه والصابون كويس جدا وكان محضر شنطه اسعافات أوليه وقام بتغطيه الجرح بضماده نضيفه وجافه
_وبعد كده فتح التلاجه وكان مجهز المصل المضاد..
وحضره بسرعه وعطاه لصفاء..وسابها نايمه مكانها وما رضيش يحركها لحد ما تفوق
_وأول ما صفاء بدأت تفوق..بكر بدأ يشيلها بالراحه وخرجها من الأوضه ودخلها أوضتها ونيمها على السرير والثعبان الهادي أول ما شافها غضب وثار ف القفص بتاعه وكان عمال يلف ف القفص زي المجنون وكان عايز يخرج من القفص
_وبعد ما صفاء بدأت تفوق..كانت لسه حاسه بتعب وإنها مش طبيعيه وبكر بسرعه كلم الدكتور اللي ف المستشفى اللي بيبيع ليه سم الثعبان والدكتور قاله إنو هيبعتله عربيه إسعاف بسرعه
_وجات عربيه الاسعاف أخدت صفاء..وف المستشفى عملوا لصفاء اللازم وفضلت تحت الرعايه يومين لأن سم الثعبان اللي عضها من النوع الخطر والمميت وف خلال اليومين اللي غابتهم صفاء ف المستشفى..
الثعبان الهادي كان رافض الأكل تماما وكان عمال يلف ف القفص بتاعه زي المجنون..بقلم..محمد طه
(بعد رجوع صفاء للبيت بالسلامه)
_بكر بنظره قلق على صفاء..حمدلله على السلامه..
حاسه بأي حاجه مش طبيعيه ف جسمك
_صفاء تبصله بغضب وما تردش عليه وبعدين تبص على الثعبان الهادي تلاقيه غضبان وعمال يلف ف القفص وأكنه عايز يطلع..وبدأت صفاء تقوم عشان تروح عند الثعبان وبكر يمنعها
_بكر..خليكي مرتاحه يا صفاء أنا هجبهولك
_وراح بكر عشان يجيب الثعبان الهادي لصفاء وأول ما فتح باب القفص.. الثعبان خرج بسرعه وراح عند صفاء وبدأ يقرب من مكان العضه وزي ما يكون بيشم فيها..وبعدين الثعبان ساب صفاء وخرج بسرعه من الأوضه وراح على الأوضه اللي فيها الثعبان المؤذي لكن ما عرفش يدخل وزي ما يكون عرف اللي حصل وعايز ينتقم لصفاء من الثعبان اللي عضها
_وصفاء وبكر طلعوا بسرعه ورا الثعبان وصفاء شالت الثعبان وأخدتو على أوضتها وحطته ف القفص بتاعه وقفلت عليه وبعدين راحت أخدت عيالها ف حضنها
_بكر..حمدلله على السلامه يا صفاء
_صفاء بغضب وكره..تهمك أوي سلامتي..ولما سلامتي تهمك..خليت الثعبان يعضني ليه
_بكر بهدوء..لأ يا صفاء أنا ما خلتش الثعبان يعضك..
إنتي أول ما أغمي عليكي..الثعبان كان أسرع مني..
وما قدرتش أسيطر عليه..أنا كنت مستحيل يا صفاء أخليه يقرب منك..بقلم..محمد طه
_صفاء بغضب..أنته كداب يا بكر..أومال أنته طلعت الثعبان من قفصه ليه..أنا مش مصدقاك يا بكر
_بكر بنظره مظلوم..أنا لو كنت عايز الثعبان يعضك ما كونتيش هتبقي عايشه دلوقتي يا صفاء..ولو مش عايزه تصدقيني إنتي حره
_صفاء بغضب..عايزني أصدقك إزاي يا بكر وأنته إيديك غرقانه بالد،م..ذنبو إيه الراجل اللي كان طالع يشوف أكل عيشه ورزق عياله..ذنبو إيه..ذنب عياله إيه إنهم يتحرمو من أبوهم
_بكر..عالفكره دا لا كان عنده عيال ولا كان متجوز أصلا..وبعدين ما أنا قولتلك إن هوا كده كده كان رايح للمو،ت..ف مش هتفرق بقي يمو،ت هنا أو يمو،ت ف البحر
_صفاء بغضب..قوم من قدامي يا بكر..أنا مش طايقه أشوف وشك ولا طايقه أسمع صوتك..يا ريتك كنت سيبتني أمو،ت..يا ريتك كنت سيبتني أمو،ت
_وقام بكر من قدام صفاء وسابها وراح على أوضه الثعابين..وفضل يضر،ب ف الثعبان اللي عض صفاء بكل غضب وبعدين قعد وولع سيجاره وفضل باصص على الثعبان بكل غضب..بقلم..محمد طه
_بكر ف سره..صفاء كده كده مش هتقبل حاجه زي كده بين يوم وليله..بس ف الآخر لازم تقبل ومش تقبل وبس..دي لازم تقتنع وتساعدني كمان..وإن فضلت راكبه دماغها..يبقي مفيش غير حل واحد اللي هيخليها يا تساعدني يا تسكت وما تتكلمش
(عند صفاء)
_صفاء قامت تعمل أكل لأولادها وعماله تفكر هتعمل إيه وهتتصرف إزاي..وإيه اللي ف إيديها ممكن تعمله عشان ترجع بكر عن الطريق اللي هوا ماشي فيه ده
_وبعد ما أكلت صفاء أولادها..أخدت الثعبان على أكتافها وغطته بهدومها وأخدت عيالها وخرجت وقبل ما تخرج بكر نادي عليها وهيا ما ردتش عليه
_وفضلت صفاء ماشيه بأولادها والثعبان وتخرج من قريه تتدخل ف قريه لحد ما لقيت نفسها واقفه قدام قسم الشرطه؟؟
العشرون
_وفضلت صفاء ماشيه بأولادها والثعبان وتخرج من قريه تتدخل ف قريه لحد ما لقيت نفسها واقفه قدام قسم الشرطه؟
_وفضلت صفاء تقدم رجل وتأخر رجل وتبص على أولادها اللي لسه صغيرين ولو دخلت بلغت على أبوهم أكيد هياخد إعد،ام..بقلم..محمد طه
_ومن ناحيه تانيه بكر لسه عامل موقف كويس وأنقذها من المو،ت حتي لو كان هوا السبب ف إن الثعبان يعضها ف هيا شافت ف عنيه وحست من كلامه إن الثعبان عضها غصب عنو
_وبعد تفكير قررت صفاء إنها تتراجع وما تبلغش عنو وتحاول معاه تاني إنو يرجع عن الطريق اللي هوا ماشي فيه ده
_وقررت صفاء إنها ترجع على البيت وهيا راجعه عدت على المكان اللي عملت فيه الاستعراض بالثعبان لكن مكنش فيه تجمعات وقالت صفاء تقعد ترتاح شويه وقعدت وقعدت عيالها جنبها
_وعقلها عمال يفكر هتتصرف مع بكر إزاي وهتعمل معاه إيه وفضلت سرحانه وبتفكر لحد ما قطع سرحانها تسقيف الناس ف أنتبهت صفاء لقيت خالد إبنها بيلعب بالثعبان والناس بتسقفله
_وما خافتش صفاء على إبنها من الثعبان..بالعكس الثعبان دا بقي هوا مصدر الأمان ليها ولأولادها وبقي مصدر رزقها هيا وأولادها
_والناس بدأت تتجمع وتكتر ومنبهرين بالثعبان وهوا بيلعب مع طفل صغير وبدأو يرمولو فلوس كتير وجمعت صفاء فلوس تكفيها هيا وأولادها أسبوع وأكتر..وبعدين أخدت ولادها والثعبان ومشيت على بيتها وأول ما دخلت البيت..بقلم.. محمد طه
_بكر بغضب..الثعبان اللي معاكي فين يا صفاء
_صفاء بهدوء..خير يا بكر..بتسأل على الثعبان ليه
_بكر بغضب..بسأل عليه عشان عايزه..محتاجه..
أفتحيلي تحقيق بقي يا صفاء
_صفاء بغضب وكره..مش هتلمس الثعبان غير لما تقولي عايزه ليه ومحتاجه ف إيه
_بكر بغضب..عايزه عشان هد،بحه يا صفاء..عندك إعتراض ولا حاجه
_صفاء بغضب..المفروض إنك تد،بح الثعبان المؤذي اللي جوه ده..إنما دا عمل إيه عشان تد،بحه
_بكر بغضب..ما أنا هد،بحه عشان ما بيعملش حاجه..
والثعبان المؤذي اللي جوه ده أنا بستفاد منو..ومن بعد اللي حصل معاكي أنا مش عارف أسيطر عليه.. ومش هعرف أسيطر عليه غير لما أد،بح ثعبان قدامه ومفيش غير الثعبان اللي معاكي لأنو مفيش منو أي فايده ولا ليه أي لازمه
_صفاء كانت شايله الثعبان على أكتافها ومغطياه بهدومها وبدأت تحضن الثعبان وهيا بتكلم بكر وزي ما يكون الثعبان إبنها ومستحيل هتفرط فيه
_صفاء بغضب..بس الثعبان دا ليه لازمه عندي وعند أولادك يا بكر..الثعبان دا بيأكلنا اللقمه الحلال اللي أنته مش عارف تأكلهالنا يا بكر..الثعبان دا أنقذ إبنك مره وأتنين وتلاته..الثعبان دا هوا اللي بيحمينا بعد ربنا منك ومن ثعابينك المؤذيين اللي جوه دول.. الثعبان دا مش هتلمسه طول ما أنا عايشه يا بكر
_بكر بهدوء ومكر..ماشي يا صفاء أنا موافق..بس زي ما إنتي مش عيزاني أقرب من الثعبان ده..أنا كمان مش عايزك تقربي من اللي أنا بعمله..والأوضه دي ما تقربيش منها ولا ليكي دعوه باللي بيحصل فيها..
قولتي إيه يا صفاء..بقلم..محمد طه
_صفاء بغضب..قولت ربنا يهديك يا بكر..وينصرك على شيطانك وتقدر تهزمه قبل ما يغرقك ويخلص عليك
_بكر بهدوء..ماشي يا صفاء ربنا يهديني ويتقبل دعاكي..بس أنا عايز أسمع منك رد دلوقتي..عشان نقفل الكلام ف الموضوع دا نهائيا
_صفاء بهدوء..ترضي يا بكر إن يتعمل ف إبنك اللي أنته بتعمله دا لما يكبر
_بكر بغضب..أنا اللي بعمله دا عشان إبني لما يكبر ما يبقاش محتاج حاجه.. ويبقي عندو اللي يكفيه هوا وعياله وأحفاده..اللي بعمله دا عشان ما أخليش حد يضحك عليه ولا أخلي حد يبقي أحسن منو
_صفاء بهدوء..يبقي تعمله بالحلال يا بكر..مش من الحرام والق،تل والنصب..وأنا طول ما أنا عايشه مفيش جنيه من فلوسك هيتصرف على عيالي
_بكر بغضب وهدوء..برضوا ما جاوبتنيش على سؤالي يا صفاء
_صفاء بهدوء وهيا سيباه وداخله أوضتها..جاوبتك يا بكر بس أنته اللي مش عايز تفهم..وعشان أريحك وأجبلك من الآخر يا بكر..لو هتمشي ف الطريق بتاعك ده ومش هترجع عنو..ييقي أخلص مني يا بكر عشان أنا مش هسيبك تكمل ف الطريق ده (ودخلت أوضتها وقفلت الباب وراها)..بقلم..محمد طه
_بكر بصوت واطي..هحاول معاكي محاوله تانيه يا صفاء.. وبعد كده بقي ما تلومنيش على اللي هعمله (وراح قفل أوضه الثعابين وخرج من البيت راح مشوار)
_وصفاء لما دخلت أوضتها حطت الثعبان الهادي ف القفص بتاعه ونسيت تقفل باب القفص وقعدت على السرير وأخدت أولادها ف حضنها وفضلت تفكر هتعمل إيه مع بكر.. وبعد تفكير قررت إنها تتخلص من الجوز الثعابين اللي ف الأوضه الأول
_وقامت صفاء بكل غضب عشان تخرج من الأوضه وقبل ما تخرج أتفاجئت بالثعبان الهادي بيلف على رجليها جامد لدرجه إنها ما قدرتش تتحكم ف نفسها ووقعت على الأرض والثعبان ما زال لافف حوالين رجليها؟