رواية عشق ابيض واسود الجزء الثالث الفصل التاسع 9 بقلم عائشة الكيلاني

الفصل التاسع 9 

بقلم عائشة الكيلاني

الدكتورة :- واضح ان السكر عالي جدا

ياسين بصدمة و عدم فهم:- قولتي اي ، هو اي الى عالي

الدكتورة بصت ليهم بهدوء:- ممكن تروق يا استاذ ياسين نور واضح انها بتعني من ضغوطات نفسية و صدامات  

الدكتورة اتنهدت بهدوء:- واضح إن السكر ارتفع جدًا من الضغط العصبي… وده غالبًا بداية سكر نوع تاني، الأدوية دى لازم لازم تاخدها و لازم تتابع السكر اذا كان عالي أو واطي و ياريت ابعدوها عن اي مشاكل او ضغوطات انا علقت ليها محاليل لو اتكرر الاغماء أو لا قدر الله حصل غيبوبة على طول روحو المستشفى هى حاليا هتبقا كويسة انا هقيس السكر و هنشوفه كام

الكل من الصدمة محدش عارف يقول اي الكلام طار منهم

الدكتورة بصت على قياس السكر و قالت بتوتر و غضب:: زى ما توقعت 350 

رحمة بتعيط في حضن خديجة طبعا عيال نور كل واحد جواه مرعوب و خوف الدكتورة مشيت 

ياسين قعد جانبها قال بحادة:- كل واحد يروح لحاله مش عايز اشوف وشوشكم فاهمين 

نوح بعصبية و قلق على امه:- لا بقاا كدا كتير حضرتك بتمنعنا من امى و بعدين انت بتعقبنا ليه احنا معملناش حاجة اه مراتك بس هى امنا و من حقنا نكون جانبها 

نسمة حطت ايديها على راسها برعب ليحصل خناقه بين نوح و ياسين مسكت ايد نوح:- حالا يا عمي هنمشي من هنا يلا يا نوح 

نوح نفض ايديها بعصبية:- ابعدي عني و انت مش متحرك من مكاني غير لم امى تفوق و اطمن انها بخير 

سامر مسك ايد نوح و شده على برا 

و الباقي معاه واقفين قدام باب الاوضة 

سامر بعصبية:- اتجننت هاا اتجننت انت بتعلي صوتك على ابوك يا نوح من امتي و انت كدا 

نوح بعصبية:- نزل ايدك يا سامر و بعدين كفاية بقا تعمل فيها العاقل المثالي كفاية تمثيل 

نسمة:- نوح ميصحش كدا 

نوح بحادة:- انتي تخرسي حاجة متخصكيش و ملكيش الحق تدخلي بينا مشاكل عائلية انتي ملكيش دعوة بيها 

نسمة بصت له حست بغصة بقلبها قالت بهدوء:- لا فعلا معاك حق 

نسمة دخلت اوضتها و ليل و شروق وراها اما عند مليكة 

منة:- حاسبي يا حبيبتي 

مليكة بصت ليها بدموع:- خالتو انتي رجعتي امتي 

منة:- سيبك مني و قوليلي مالك اي الى عمل فيكي كدا 

عائشة بصت ليها:- امك جرلها حاجة 

مليكة بدموع :- م ماما اتخنقت معايا و بابا طردني من البيت 

عائشة بعصبية:- لااا دا اتجنن و امك ازاى تسكوتلو هما ازاي كدا 

حياة بشك:- طب اركبي اركبي خلينا نشوف هنعمل اي و اهو تظبطي نفسك 

منة طبطبت على كتفها:- اركبي يا حبيبتي 

مليكة بصت ليهم و ركبت و عائشة بقت بتسوق بجنون كالعادة 

حياة:- هى مش بترد ليه 

منة:- اكيد مش جانب التليفون اي الغباء دا 

حياة:- عائشة زى ما اتفقنا هنروح لنور 

مليكة:- لا مش هينفع بابا ممكن يقتلني 

منة:- اي الهبل دا اهدي يا حبيبتي مفيش حاجة هما زعلانين شوية منك 

حياة:- ياريت قبل ما نطبطب و نلوم الطرف الاخر نسمع الحكاية 

بعد وقت اخيرا وصلوا البيت و كان طبعا سليم و جميلة و جنة و عيالهم موجودين لان خديجة قالت لي لبنى الى اتصلت بى اسر و حكت له على طول و بالصدفة كان سليم جانبه الشغالة فتحت الباب كانوا اصحاب نور 

لبنى بصت ليهم و قالت لنفسها:- مش هنخلص من الصداع هما مش كبرو و عيالهم اتجوزو ما يحلو عنها بجنانهم دا 

فاقت من سرحانها:- اهلا اهلا بالشلة الى المجانين الى ميعرفوش حاجة عن العاقل و الادب 

منة لعائشة:- ليش نور انا مكنتش جيت 

حياة بابتسامة:- الله يسلمك يا خالتي بس السافرية كانت نقصكي بشكل 

لبنى:- هو اي خالتي انا اعرف امك بتتريقي عليا يا حياة يا دكاترة المجانين 

عائشة طالعت مليكة الى مستخبيه وراها:- احنا لقينا دى فى الطريق كونا هنخبطها 

منة:- اومال فين نور 

لبنى بصت لمليكة بغضب و احتقار 

جميلة و جنة سلمو على اصحاب نور و رحبو بيهم جدا 

مليكة جريت على اوضة امها فتحت بصت ليها بدموع قالت بصوت مرتعش و مكسور:- امى 

دموعها نزلت جريت على نور قعدت جانبها على السرير و قبلت ايديها بندم و قهرة:- انا اسفة حقك عليا يا ماما انا والله ما هعمل كدا تاني بس قومي ماما انا محتاجلك اوى 

ملك دخلت بصت ليها بغضب و حادة 

مليكة بصت ليها بدموع:- خليني معاها شوية اطمن عليها و امشي على طول ارجوكي قولي لبابا يسامحني 

ملك بصت ليها و خرجت نور فتحت عينيها بصت حواليها عينيها جت على مليكة الى ابتسمت بين دموعها و نامت في حضن نور و بقت بتعيط بانهيار و هستيري نور رفعت ايديها رغم تعبها و حضنتها 

مليكة:- ا انا اسفة يا ماما انا معرفش عملت كدا ازاى ، شيطاني ضحك عليا و غلبني ا انا كنت هضيع بسبب غبائى جاسمين طالعت بتضحك عليا مثلت دور الاخت و الصحبة علشان تدمرني انا مش عارفة ازاى صاحبة ولا اخت تزق واحد على اختها بهدف الفضيحة 

نور اتسعت عينيها بصدمة لكن سكتت و اظهرت انها هادية لم جنة و جميلة دخلوا 

جميلة بمرح:- تررر 

جنة :- حمدالله على السلامة يا حماتي الصغننة 

جميلة:- عارفة مين معانا دلوقتي 

نور بعدت جميلة:- ابعدي بقا يا رخمة 

نور قعدت بصت على ايديها الى فيها المحاليل جنة قربت منها و شالتهم ليها لانهم خلصو 

جميلة:- المجانين 

نور:- مين

عائشة:- ياختي ابعدي كدا نووور 

منة:- راجعنا تاني 

حياة دخلت:- والله انتوا الاتنين لا تطقوو وسعو كدا 

نور قامت بفرح سلمت عليهم و قعدو هما الخمسة يتكلموا و يضحكوا  على الرحلة الى قلبت نكد على دماغهم في الاخر 

حياة بدموع:- بقا لا يطاق يا نور انا مش مصدقة ابنى سليم   يبقا كدا يجي مع مراته عليا و تقوله يانا يا امك انا الغلطانة المفروض كنت صممت يعيش معايا في الفيلا 

منة:- يبختك يا نونو عيالك في حضنك 

نور بوجع و ابتسامة:- ياريتني ما خلفتهم ياختي ياريتني ما كنت اتجوزت ما كنت عايشه مرتاحة 

عائشة:- عمر بقا صعب و كله من هاندا الكلب 

منة :- انا ساكته بس احترام لنور و البنات كلمة كمان هقوم اجيبك من شعرك انتي و ابنك انا بنتي معملتش حاجة هو الى غلطان و قريب جدا هطلقها منه ابن امو 

عائشة قامت:- لاااا انا مسمحلكيششش جرا اي يا منة 

نور بتبص لمنة شوية و عائشة شوية فجأة صرختت:- بسسس اخرسي منك ليها عليكم و على عيالكم اترزعو 

قالت بحزن:- فينك يا عمار تلحقني من الجنان دا 

حياة ابتسمت بمرارة :- مشي و سبني اكمل المشوار لوحدي عارفين من رغم خلافاتنا مع بعض الا انه عمروا ما قسي عليا ولا قال كلمة تزعلني حتي خناقة الرحلة انا مش لحد دلوقتي مش قادرة اصدق انه مات و سبني وحيدة في الدنيا دى انا مبقتش انا من ساعة ما سبني عارفه انها سنة الحياة بس مش قادرة على غيبه انا بشوفه في كل مكان اروحو بسمع صوته عمار راح و الدنيا باظت من حواليا حتي شغلي الى حبيته بسببه مبقتش عايزها نفسي يرجع لو ثواني 

قالتها بدموع و انهيار نور حضنتها و كل واحدة منهم بتعيط على الى حصل ليها و مشاكل الحياة و بقوا بيحكو همومهم لبعض بعد وقت طويل الكل مشي 

سليم و جنة في اوضة مليكة 

سليم:- امك لو جرلها حاجة قسما بالله يا مليكة ما هرحمك لا انتي ولا اخوكي انا معنديش استعد اتحرم من اختي الوحيدة بسببكم 

مليكة بدموع و رجاءا:- خالو انا بحكيلك علشان تخلي بابا يسماحني مش علشان تقطم فيا انا والله العظيم ندمانة كنت غبية حيوانية بس ارجوك خليهم يسامحوني 

سليم تعرفي انى زمان و انا صغير 

جنة بصت له بعصبية و غيرة 

سليم:- مش وقت غيرة عيالنا كبار واحدة اتجوزت و التاني خاطب ف نهدا شوية 

سليم رجع بص لمليكة:- كنت معجب لواحدة سنة فضلت عارفها بس تعرفي عملت اي كانت كل ما تشوفني لازم تشيلني من اختي كانت معاها في نفس الكلية المهم كانت كل شوية لازم تقولي اختك انانية اختك متحكمة فيك مستصغرك شايفك عيل 

مليكة بدموع:- حضرتك صدقت طبعا 

سليم:- اموت و اعرف طالعة غبية و بنص عقل لمين ، لا طبعا مصدقتش ولا سمعت لكلام البت دى عارفه ليه 

جنة:- يارب نخلص من حالة العشق دى طالما ميت عليها كنت اتجوزتها 

سليم:- ولا لم اتصل باخوكي علشان ياخد العزاء فيكي هيبقا حلو 

جنة:- يييه 

سليم اتنهد:- انا عيشت عمري كله مع اختي كبرت مكنش قدامي غيرها صحيح خوفها اوقات بيخنقني لكن دا مش انانية ولا متحكمة أو مش بتحبني بالعكس عارفه يا مليكة امي ذات نفسها لو كانت عايشة مكنتش حبتني أو خافت عليا ربع الخوف و الحب الى شوفتهم مع امك طبعا مصدقتش البت دى لان انا معشتش مع اختي عمرا و واحدة لسه عارفها من كام يوم او سنة توقع بينا و تخسرني اختي انتي غلطتي انتي و اخوكي غلطكم ميتغفرش و انتي عارفه دا كويس على كل حال هحاول اهدي ابوكي و يمكن يسامحكم كفاية ان امكم جالها السكر بسببكم الاحسن تعتذري من كل اخواتك 

يلا يا جنة ولا هتباتي 

جنة و سليم مشيو أما في اوضة نوح 

نسمة قعدة بتشرب القهوة في صمت 

نوح:- نسمو حبيبي 

نسمة بصت له بتجاهل و مردتش عليه 

نوح قام بعصبية:- لا دى مبقتش عايشة هو انتي بتعملي فيا ليه كدا كنت في لحظة غضب خلاص مش حكاية هى 

نسمة قامت بعصبية:- هو انت عايزني تهين فيا قدام الكل و تعلي صوتك و بعدين تتكلم معايا عادي انت الى اي حكايتك ولا تكنش اشترتني 

نوح اخد الجاكيت بتاعه:- انتي فعلا نكد اشبعي بيها 

نسمة:- انت رايح فين 

نوح:- رايح فى داهية 

نوح خرج و نسمة رزعت الباب وراه بغضب و عصبية 

اما في اوضة سامر 

شروق بابتسامة:- طنط اهي بقت كويسة ممكن تروق بقا باذن الله كل حاجة هتتحل 

سامر بحزن:- مش باين يا شروق الموضوع بيتعقد انا مش خايف الا من مليكة انا مش عارف اي الى حصل حياتنا كانت ماشية كويس لحد ما ظهرت ست جزمة 

شروق:- هى مش اسمها جاسمين 

سامر:- لا من اول ما شافت سحنتها و انا بقول ليها جزمة 

شروق ضحكت و سندت راسها عليه :- انا مش عارفه اتعاطف معاك على فكرة يعني لسه من ثانية كنت هعيط لكن خلتني اضحك من غير ما تحس 

سامر قبل راسها:- علشان تعرفي جوزك مش بيحب النكد خدي بالك هتنكدي عليا هتجوز 

شروق اتسعت عينيها بعدت عنه:- ابقا اعملها يا روحي و انا كمان هسيبك و اتجوزك غيرك ااااع اعقل يابن 

سامر بحادة و غيرة:- لسانك هااا انتي عايزة تتجوزي غيري 

شروق بوجع:- يا حبيبي انا بهزر معاك و بعدين مانت زى ما هتعمل هعمل هتستفزني هستفزك 

سامر:- يا بنتي ما تخلنيش اتغبا عليكي 

شروق حطت ايديها على خصرها بدلال ؛- يا سوسو 

سامر و هو بيقلد شروق:- يا شوشو 

بص لبعض هما الاتنين و بقا يضحكوا سامر حضنها بحب شروق حضنته بقوة و حب و هى بتحمد ربها على سامر و حبه ليها 

تاني يوم ياسين اخيرا وافق ان يونس يشوف امه 

في يونس 

يونس:- انتي كويسة يا ليل 

ليل بفرح:- انا عمري ما كنت كويسة زى دلوقتي يونس انا فرحانة اوى 

يونس:- طب ممكن تفهمني سبب فرحتك 

ليل بابتسامة:- يونس انا حامل 

يونس وقف مكانه بصدمة ووو 

                    الفصل العاشر من هنا 

لقراءه باقي الفصول من هنا