وبعدين صفاء مسكت الثعبان وخرجته من القفص وكانت جايبه أكل معاها وبدأت تأكله والثعبان بقي زي ما يكون إبنها التالت؟
_وبدأت صفاء تدرب فيه وتعلمه شويه حركات والثعبان متجاوب معاها بطريقه غريبه جدا.. وزي ما يكون فاهم هيا عايزه إيه.. وصفاء بدأ خوفها من الثعبان يتلاشي نهائيا وبقت بتتعامل معاه أكنو عيل من عيالها.
_الموضوع دا أخد مع صفاء حوالي يومين تلاته لحد ما دربت الثعبان وأخدت عليه والثعبان أخد عليها وبعدين صفاء قررت إنها تخرج تشتغل بالثعبان وتروح ف أماكن التجمعات وتعمل استعراضات بالثعبان..وشالت صفاء الثعبان على أكتافها وغطته بهدومها وأخدت عيالها وقصدت باب رزق
_وطبعا بكر ما أعترضش على شغل صفاء لأن دا ف مصلحته..بقلم..محمد طه
_بكر بهدوء..رايحه فين يا صفاء
_صفاء بنظره غضب..أنته شايف إيه
_بكر وهوا باصص على هدوم صفاء..أنا شايف إن ديل الثعبان ظاهر من هدومك..وشايف إني لازم أفكرك بكلامك وأقولك خلي بالك من نفسك عشان دا ثعبان وممكن يغدر بيكي ف أي وقت
_صفاء بغضب..وأنا شايفه يا بكر إني كنت غلطانه..
وإن الغدر دا بيجري ف دم البني آدميين مش الثعابين
_بكر بهدوء وغضب..قصدك إيه يا صفاء
_صفاء بغضب..ما قصديش يا بكر..أنا طالعه أشتغل ف النور وبالحلال..عندك إعتراض
_بكر..هتشتغلي إيه يا صفاء..وهتشتغلي إزاي بالعيال
_صفاء..هشتغل اللي هشتغله يا بكر..والعيال لو أنته شايف إنك هتاخد بالك منهم هسيبهملك
(بكر ما ردش عليها وسابها ودخل أوضه الثعابين وصفاء أخدت العيال وخرجت)..بقلم..محمد طه
(ف غرفه الثعابين)
_بدأ بكر ينضف الأوضه من التراب بتاع الحفره وخرج التراب كله برا الأوضه وبعدين فرش حسيره على الحفره عشان يداريها..وبدأ ينظم ترتيب الأوضه
_بكر بهدوء وصوت واطي..كده تمام أوي يا بكر..
والمكان بقي جاهز لإسقبال الضيوف..وموضوع شغل صفاء دا جالك على الطبطاب وف مصلحتك..يعني طول النهار هتكون برا البيت وهتيجي آخر النهار مقتو،له من التعب وهتنام طول الليل ولا هتدري بحاجه ولا هتحس بحاجه
_وأنته يا بكر أهم حاجه تاخد بالك وتركز عشان كل خطوه لازم تكون بحساب ومدروسه كويس (وبعدين ولع سيجاره وقرب من قفص الثعابين) هوا مين فيكم الدكر ومين فيكم ال نتايه..طيب ال نتايه اللي فيكم تقولي.. هتولدي أمتي ولا هتبيضي أمتي..وفيه حاجه كمان عايزكم تقولولي عليها..ولا أقولكم هخلهالكم مفاجأه وأنا متأكد إنها هتعجبكم..(وأخد نفس من السيجاره ويطفيها) دي لازم تعجبكم
(عند صفاء)
_صفاء خرجت من القريه اللي عايشه فيها وراحت قريه محدش يعرفها فيها وأختارت مكان فيه تجمعات كتير وناس رايحه وجايه
_وقعدت صفاء وعيالها جنبها وبدأت صفاء تطلع الثعبان وتلعب بيه والناس بدأت تشوفها وكانوا خايفين منها والكل كانوا بيقولوا إنها مجنونه وفيه ناس كانوا عايزين يطلبولها الحكومه
_وبعد كده فيه ناس بدأو يقربوا منها ويتفرجو على الثعبان وبدأت الناس تتلم حواليها وصفاء بدأت تسيب الثعبان على الأرض وتشاور ليه إنو يروح بعيد ويرجعلها تاني والثعبان ينفذ اللي هيا عيزاه وبدأ يبعد عنها ويرجعلها تاني..بقلم..محمد طه
_وبعدين بدأت صفاء تشاورله إنو يطلع فوق ف الهوا ويلف نفسه ف الهوا وينزل.. وبالفعل الثعبان يستجيب وينفذ اللي صفاء عيزاه والناس بدأت تتجمع وتكتر والناس مستغربين إزاي الثعبان بيسمع كلامها وإزاي بيعمل الحركات دي ومع كل عرض صفاء بتعمله هيا والثعبان الناس يسقفولها ومبسوطين جدا وبدأو يطلعوا فلوس ويرموها ل صفاء
_وبدأت صفاء تقوم تقف عشان تعمل عرض بالثعبان وهيا واقفه وسابت عيالها قاعدين والناس بدأو يعملوا دايره كبيره وصفاء والثعبان ف نص الدايره
_وبدأت صفاء تعمل عرض بالثعبان مخيف..وخلت الثعبان يلف حواليها..وبدأ الثعبان يلف حوالين جسمها وصفاء بدأت تتظاهر بالخوف وإن الثعبان بيعصرها وهيمو،تها..
_وبعدين بدأت تعمل إشاره للثعبان بشفايفها إنو يبوسها..وبالفعل الثعبان قفل بوقه وباس صفاء وبعدين فك نفسه من عليها والناس مبسوطه وعمالين يرمو لصفاء فلوس وفضلت صفاء تعمل أكتر من عرض بالثعبان
_وفجأه وصفاء بتعمل عرض بالثعبان..الثعبان يفاجئها ويهرب منها ويجري من بين الناس ف الزحمه والناس اللي واقفين كلهم يخافوا.. وبعد ما الثعبان هرب منها الناس بدأت تاخد فلوسها من صفاء
_وفضلت صفاء حزينه ومستغربه ومش فاهمه إيه اللي حصل للثعبان وليه غدر بيها وهرب منها وبعدين راحت لعياله وقلبها وقف من الصدمه والخوف لما شافت ندي بنتها بس اللي قاعده ف مكانها وأخوها مش جنبها
_وف لحظه صفاء خسرت إبنها والثعبان والفلوس؟
السادس عشر
_وف لحظه صفاء خسرت إبنها والثعبان والفلوس؟
(قبل هروب الثعبان)
_صفاء كانت مشغوله مع الثعبان والكل كان مبسوط وبيسقفولها وبيرمو عليها فلوس وكانت فلوس كتير
وكان فيه أتنين شباب كانوا واقفين ف وسط الناس وكانوا حاضرين المشهد من البدايه من أول ما صفاء قعدت وقعدت أولادها جنبها وبدأت تطلع الثعبان وتلعب معاه..
_الأتنين الشباب دول أول ما شافو الفلوس الكتير اللي بتترمي لصفاء قرروا إنهم يخطفو إبنها عشان ياخدوا منها الفلوس..وبالفعل خلوها مشغوله بالثعبان وسحبوا إبنها وجريو.. وسبحان الله قبل ما يبعدوا الثعبان شاف خالد.. وبسرعه الثعبان غضب وهاج وجري من صفاء ومن بين الناس وراح ورا خالد
(عند صفاء)
_صفاء بدموع..أخوكي فين يا ندي..فين أخوكي بتسيبيه يمشي من جنبك ليه
_وبدأت تصرخ وتنادي على إبنها..يا خالد..خاااااااااالد
أنته فين يا خالد..بقلم..محمد طه
_وفضلت تلف حوالين نفسها ومش عارفه تروح فين ولا تعمل إيه ولا هتقول لجوزها إيه.. وفجأه ياجي واحد من الناس اللي كانوا بيتفرجوا على الاستعراض اللي صفاء كانت بتعمله بالثعبان ويكلمها بكل غضب
_تعالي يا ست يا مجنونه إنتي شوفي الثعبان بتاعك محاوط عيل صغير ومحدش عارف يقرب منو
_وجريت صفاء بسرعه مع الراجل ده وأخدها عند الثعبان..وراحت صفاء لقيت ناس كتير حوالين الثعبان والثعبان كان لافف نفسه على الأرض وعامل دايره وخالد كان واقف ف النص وجريت صفاء بسرعه على الثعبان وحضنته قبل ما تحضن إبنها وبعدين أخدت إبنها وبنتها والثعبان ف حضنها وفضلت تعيط.. والناس حواليها بيسقفو وبدأو يدولها فلوس وجمعت فلوس ضعف اللي أتاخدت منها
_وبعد كده روحت صفاء على بيتها ولما وصلت البيت ما لقيتش بكر ف البيت..وحاولت تدخل أوضه الثعابين لكن ما عرفتش لأن بكر كان قافلها
_وفضلت مستنيه بكر لحد ما يرجع عشان تحكيله اللي حصل وتحاول تقنعه بشغلانه الاستعراض بالثعبان.. لكن بكر ما رجعش وصفاء غلبها النعس ف حطت الثعبان ف القفص بتاعه وخلته عندها ف أوضتها وأخدت عيالها ف حضنها وراحت ف النوم
_وبعد منتصف الليل باب البيت أتفتح ودخل بكر وكان فيه واحد معاه وصفاء حست بيه وصحيت وقامت عشان تخرج تشوف مين اللي جاي مع بكر
ف وقت زي ده وقبل ما تفتح باب أوضتها وتخرج سمعت بكر وهوا بيتكلم مع الضيف اللي معاه
_أنا عملت كل اللي قولتلي عليه يا عم بكر..وما عرفتش أي مخلوق إنك هتسفرني على إيطاليا
_بكر بهدوء وصوت واطي..المهم جبت الفلوس كلها ولا ناقصه..بقلم..محمد طه
_أتفضل يا عم بكر..25 ألف أهم وربنا يعلم أنا جمعتهم إزاي
_بكر..لما هتوصل إيطاليا هتجمعهم ف 10 أيام..
وبعدين أي حد بيسافر إيطاليا دلوقتي مش أقل من 50 ألف جنيه وأنا هسفرك بنص المبلغ وكمان هأمنك لما المركب هتنزلك ف البحر ومجهزلك بدله غصس وأكل يكفيك يومين ف البحر
_الله يباركلك يا عم بكر ويسترها معاك..دا أنا هدعيلك لحد ما أمو،ت
_بكر..لأ تمو،ت إيه بعد الشر عليك..بس أنا بأكد عليك لتاني مره..فيه حد يعرف إن أنا هسفرك إيطاليا
_أقسم بالله يا عم بكر ما فيه مخلوق يعرف..هوا أنا صغير..ما أنا عارف إن الموضوع كله تهريب ف تهريب ولازم يكون ف السر عشان السفريه ما تتعقربش
_بكر بهدوء..إن شاءالله كل حاجه هتمشي ف هدوء ومفيش حاجه هتعقرب..يلا تعالا أدخل الأوضه دي عشان العربيه اللي هتاخدك للمركب قدامها ساعه وتوصل وخد خلي فلوسك معاك عشان تبقي مطمن
(وبعد ما دخل الضيف الأوضه) ما تخافش من الثعابين دي هما ف القفص وما بيعملوش حاجه..أنته أقعد هنا كده وما تتحركش وأنا هروح أعملك كوبايه شاي
_وخرج بكر عشان يعمل الشاي للضيف ودخل المطبخ وصفاء خرجت من أوضتها بهدوء وراحت ورا بكر المطبخ وشافت بكر وهوا بيحط حاجه غريبه ف كوبايه الشاي حاجه كده زي القطره لكن صفاء عملت نفسها مش واخده بالها وأول ما بكر حس بيها وشافها وراه أرتبك وأتوتر..بقلم..محمد طه
_بكر بتوتر..ص ص صفاء..إنتي إيه اللي صحاكي دلوقتي..وجايه تتسحبي ليه كده مش تكحي..ولا تعملي أي صوت وإنتي داخله
_صفاء بهدوء..هوا أنته مش على بعضك ليه يا بكر زي ما يكون شوفت عفريت..(وبصت على كوبايه الشاي) هوا أنته بتعمل إيه
_بكر بدأ يسيطر على توتره وبدأ يبقي هادي..بعملي كوبايه شاي..أعملك معايا
_صفاء خوفها بدأ يذيد من بكر..وهيا ما عرفتوش إنها عارفه إن فيه ضيف ف البيت وموجود ف أوضه الثعابين لكن برضوا قالت يمكن فعلا هيسفرو وعايز الموضوع يبقي سر ومفيش حد يعرف
_بكر بعد ما خلص كوبايه الشاي..أنا داخل أشرب كوبايه الشاي ف أوضه الثعابين وإنتي إدخلي نامي..
إنتي بقيتي بتشتغلي ولازم تبقي فايقه الصبح
_وسابها بكر ودخل أوضه الثعابين وقفل الباب وراه وصفاء قررت إنها مش هتنام ولا هتنزل شغل بكره غير لما تعرف إيه اللي بيحصل بالظبط وفضلت سهرانه طول الليل لحد ما النهار طلع ومفيش حد خرج من الأوضه..لا بكر ولا الضيف اللي معاه؟