رواية لنا موعد اخر الفصل التاسع والعشرون29 بقلم لولا
وطلع فونه ورد وتابع ايوه ياشيري
شيري بحده وضيق: انت فين ياسليم مجتش ليه كل ده ؟
سليم فضل يضحك وتابع انا قولت والله محدش ليه مصلحه يطفش اسيا من البيت غيرك
شيري بحده لا يخويا مش انا بس المهم اديها غارت فينك كل ده بقى
سليم بتنهيده شويه وجاي حاضر ورايا شغل كتير
شيري بضيق طب اخلص يسليم مستنياك
سليم بابتسامه ماشي ياروحي باي دلوقتي
شيري باي
وقفلت معاه فبص لميرنا وابتسم وتابع كنا بنقول ايه بقى يعيون سليم وحط ايديه على خدها
فميرنا بصتله بحزن وتابعت هو انا لو سألتك مين دي يسليم هترد عليا ؟
سليم بابتسامه لا مش هرد لان شرط من شروط ارتباطي بيكي عدم تدخلك في حياتي لا من قريب ولا من بعيد ومشى ايديه ببطئ عليها بطول دراعها وهو باصص لعينيها وتابع بابتسامه: قولتلك وهقولك حاجه من ضمن الحاجات اللي مخلياني متمسك بيكي ومخلياني حابب ابقى معاكي علطول اني باجي افصل في حضنك من الوش والاسئله والقرف فهتبقي زيها هتخطاكي كأنك مدخلتيش حياتي عادي وشال ايديه من على دراعها وحطها على خدها وتابع بابتسامه فهماني يا ميرو ؟
ميرنا بابتسامه خلاص يحبيبي متضايقش نفسك وخدت منه فونه وداست على زرار الباور وفصلته وابتسمت وتابعت علشان مش هسمح لحد يشغلك عني تاني
سليم بضحك وماله ياستي ريحتيني منه والله
فميرنا ضحكت وحطته على جنب وقربت من سليم وباسته بعمق فسليم حط ايديه على ضهرها وشدها ليه اكتر وهي ايديها بتفك زراير قميصه وقلعته عنه ورمته فقرب منها اكتر .
وبعد شويه كان قاعد سليم ومرجع ضهره لورا وواخد ميرنا في حضنه فباس راسها بعمق
ميرنا ابتسمت بحب واتعدلت وهي ماسكه الملايه على صدرها وبصتله وتابعت هو انا ممكن اتكلم معاك في حاجه؟
سليم بابتسامه انا رايق ومش عايز حاجه تضايقني فهقولك اتكلمي بس بالله عليكي ماتعصبيني ها ورجع شعرها لورا ودنها وباسها برقه
ميرنا اتوترت وتابعت لا خلاص بعدين مش وقته
فسليم حط ايديه على وسطها وشدها ليه وتابع بحب قولي ياميرنا متخافيش
ميرنا بخوف لا وعلى ايه بدل ماتتعصب عليا صح
سليم فضل يضحك وتابع بابتسامه لا قولي وهحاول متعصبش وباسها جنب شفايفها بحب
فغمضت عينيها وخدت نفسها وبصتله وتابعت سليم انت عارف اني بحبك صح ؟
سليم بحب عرفت لما لمستك ولقيت اني اول راجل في حياتك لاني كنت متوقع ان اللي حركك حبك للفلوس بس لا وباسها بعمق وهمس فعلا بتحبيني زي ما انا بحبك وبحب وقتي معاكي
فميرنا ابتسمت وتابعت طب وطلما عارف كده ليه مش راضي تسمحلي احمل منك يسليم ؟
سليم غمض عينيه بعصبيه وحاول يهدي نفسه وتابع مش هينفع يا ميرنا
ميرنا بدموع مش هينفع ليه يسليم منا مراتك
سليم بعصبيه قولت مش هينفع يبقى مش هينفع مش عاايز رغي حرريم كتير ولا يكون الورقتين العرفي قوا قلبك للدرجه دي !
ميرنا قلبها وجعها وتابعت انا لما وافقتك نتجوز عرفي ده علشان انت مش عايز مراتك تعرف حاجه وانا احترمت حياتك الخاصه انما مش معناها اني رخيصه اوي كده اديك شوفت بنفسك انك فعلا كنت اول راجل في حياتي
سليم بعصبيه شوفت ومش بنكر. اتنيلت قولتلك بحبك وبحب وقتي معااكي انما خلفه وعيال لا الوحيده اللي هخلف منها اسياا وشكرا على كده انا مش هعك واروح اخلف من كل واحده شويه
ميرنا اتصدمت وتابعت كل واحده شويه !! ليه انت بتلمس مين غيري انا ومراتك يسليم ؟!
سليم نفخ بعصبيه وتابع مبنيلش حد وهتفضلي تهري في اسئله قسما بالله ماهتشوفي وشي تااني انا مش نااقص قررف
ورايح يقوم فمسكته ميرنا وتابعت بعياط ولهفه لالا خلاص يسليم انا اسفه والله بس ارجوك هسالك اخر سؤال وترد عليا
سليم نفخ بضيق وتايع اممم خيير ؟
ميرنا بدموع مش انت قولتلي انك مبقتش طايق اسيا ولا جوازك منها ؟
سليم بحده ااه اتنيلت قولت
ميرنا بدموع طب ليه سايبها على ذمتك لغايه دلوقتي
سليم تنهد وتابع بابتسامه لسببين الاول.. انها عجباني اوي .. عيون ملونه وبياض وحلاوه وجسمها مظبوط يعني من الاخر جامده ومستخصر اسيب الحلاوه دي لحد تاني لان اسيا لو اطلقت عارف مين هيتجوزها وانا مش هستحمل راجل غيري يلمسها ولا تبقى من حقه دي بتاعتي انا وليوم ما اموت
ميرنا بوجع اممم والتاني؟
سليم بضحك التاني المفروض عرفتيه .. هي مراتي الشرعيه قدام الدنيا كلها فعايز اخلف منها واجيب الولد اللي يشيل اسمي
ميرنا بدموع ووجع نفسي كنت تخليني اشيل حته منك والله من كتر ما بحبك هموت واحمل
سليم تنهد بعمق وتابع هو اللي هنعيده هنزيده يا ميرنا ؟
ميرنا بدموع طب انا ناقصني ايه يخليك متتجوزنيش رسمي وتخلف مني؟
سليم بعصبيه لا انتي شكلك اتجننتي وهتبقي نكد زيك زيهاا والله ووطي يجيب قميصه
فميرنا مسكت دراعه بلهفه وتابعت بدموع لالالا يسليم انا اسفه خلاص رايح فين
سليم جاب قميصه وبقى يلبسه وتابع غاير
ميرنا بدموع لا والله هسكت ومش هجيب سيره الحمل وحياتك خلاص خليك معايا شويه انت عارف مبعرفش اقعد هنا من غيرك
سليم بضيق البسي اوصلك بيتك انا كده كده ماشي واعملي حساابك يوم ماتحملي يوم ماجوزانا ينتهي وبردو هنزلهولك
ميرنا خافت وتابعت بدموع لالا خليك شويه انت واحشتني اوي بقالنا 3 ايام مقعدناش مع بعض ومش هحمل صدقني خلاص وقلعته القميص تاني ورمته على جنب ونامت على صدره تاني
سليم بتنهيده كده كده لازم همشي يميرنا مش هبات هنا خلاص
ميرنا بغيره ايه في مين عايزك تروحله يعني ؟
سليم قرص وسطها فاتخضت وتاوهت بخفه وضحكت وتابعت سليم اتربى بجدد وضربته في صدره
فسليم ضحك وتابع هتربى لما تبطلي تلميحات زباله ها وباسها برقه وتابع انا اصلا شطبت وجبت اخري وكله منك
فميرنا فضلت تضحك وتابعت وماله يارب كده علطول يارب
سليم بضحك مش سليم التهامي اللي يتدعي عليه دعوه زي دي يميرو هاا وبيقرب منها
فميرنا حطت ايديها على صدره تبعده وتابعت بضحك عارفه والله ان مش سليم التهامي اللي يتدعي عليه دعوه زي دي انا اسفه خلاص انت قد اي حاجه
سليم فضل يضحك وتابع ايوه كده بعشقك لما تجيبي ورا وباس رقبتها بعمق فتاوهت بوجع وتابعت سليم
سليم بصلها بحب وتابع عيونه
ميرنا بابتسامه اوعا اعملك حاجه تاكلها تسندك شويه
سليم برفعه حاجب ليه شيفاني هلكان ولا ايه ؟
ميرنا فضلت تضحك وحطت ايديها الاتنين على خده وتابعت لا يعمري محدش يقدر يقول كده بس انا نفسي اتفتحت نفسي اكل معاك هتقول لا؟
سليم بحب مقدرش طبعا وباس كتفها الظاهر وتابع قومي حضري يلا بس بسرعه وعندك حاجات كتير في التلاجه
ميرنا بابتسامه هوا اخد شاور بس
فسليم هز راسه بماشي وهي لفت الملايه حواليها وقامت فسليم فتح فونه يسكرول على فيسبوك شويه ولقي رناات من اسيا كتير فرن عليها وثواني وردت تولين وتابعت الو يابابي
سليم بتنهيده ايه ياتوتي مامي رنت كتير يعني ؟
تولين بفرح لا ده انا اللي عايزاك فبرن من فونها اخيرا رديت انت فين
سليم تنهد بضيق وتابع في شغلي يتولين خير يابابا في حاجه ؟
تولين بحماس واحشتني اوي وهتيجي من السفر تاخدنا امتى؟
فاسيا بصتلها بحده وهمست بحده: توليين متقوليش كددده
فسليم سمعها وتابع بحده ليه هي مامي المحترمه مفهماكي ان انا اللي مسافر كمان ؟؟
فاسيا سحبت الفون من تولين وكتمت الاسبيكر وتابعت بعصبيه لم نفسك وبطل عك في الكلام علشان البت ملهاش دعوه بكل اللي بيحصل دده
سليم بعصبيه انا اللي الم نفسي يابنت الكلب يا زباله ياللي مالكيش حاكم ؟ ده انا هربيكي من اول وجديد ولا انتي فاكره ان طلوع علي من السجن والنمره اللي جيه عملها عندي قوا قلبك ونططوكي علياا ! ده بعينك ان ده يحصل ولو مرجعتيش زي الكلبه برجليكي اللي هكسرهالك دي هرجعك بالمحاكم وانتي عاارفه اني حقي واقدر اعملها
اسيا قفلت في وشه السكه وحطت ايديها على بوقها وفضلت تعيط بانهيار ورمت الفون على السرير ودخلت الحمام وقفلت وتولين سكتت بحزن ودخلت البلكونه وقعدت على الارض وحضنت رجليها ودفنت وشها فيهم بحزن وعند اسيا كانت بتستفرغ وغسلت وشها وهي حاسه بتعب واجهاد شديد وتابعت بخوف يمصيبتي لو حامل ولطمت بانهيار وتابعت يمصيبتي لو حاامل
--
وعند سليم بيرص سطر بودره ومسك الورقه وبقى يشمه وهو مغمض عينيه فخرجت ميرنا وهي لابسه البورنص وشافته فنفخت بضيق وتابعت مش هتبطل القرف ده؟
سليم من غير مايتهز تابع وانتي مال اهلك ؟
ميرنا بحده يسلييم انا خايفه عليك الحيوان اللي اداك المخدرات دي مجاامله في الحفله على اساس بيحبك وبيهاديك قاصد يدمرك لان شركتك عدت شركته بكتيرر فعايزك تضيع وتدمن
سليم مردش عليها وفضل مغمض وبيستنشق اللي ماسكه بتركيز فنفخت بضيق وتابعت بعصبيه ودموع متخلف ولا كأني بتكلم اصلااا وراحت شدت الورقه منه وتابعت بعصبيه ودموع فوق لنفسسك عاامر قاصد يدمرك متعملش زي ماهو عاايز الزفت ده مش هيريحك
سليم بعصبيه شديده انتي ايه اللي عملتيه ده انتي اتجننتي ؟
ميرنا بعصبيه ودموع طبعاا ما لازم تبقى زي هولاكو وتتعصب علياا بعد الزفت دده مانت كل ما بتاخده بتبقى مش طبيعي وزقت ايديه وتابعت بعصبيه ربنا يهديك يسليم بجدد قرفتني وطلعت وسابته في الاوضه وسليم مسك راسه بألم شديد
وميرنا راحت حضرت الاكل ودخلت وهي شايله الصنيه ولقيته قاعد زي ماهو بيتألم من دماغه فتابعت بحزن مانا قولتلك يحبيبي بلاش تعود نفسك على القرف ده
سليم بتعب مش قاادر ياميرنا والله ما قاادر وبيفتح الدرج فميرنا راحت قفلته وتابعت بعصبيه كفاياك كده انهارده هو مش حلويات
سليم بعصبيه ياميرناا دماغي هتتفرتك حسي بيااا
ميرنا بحب والله حاسه بيك وعلشان حاسه بيك هلاهيك لحد ما تنسى شويه وقربت باسته بعمق وهي حاطه ايديها حوالين رقبته وسليم قرب منها وايديه بتفك رباط البورنص
فضحكت ميرنا وبعدت وتابعت لا انا لسه واخده شاور اتربى اديني لاهيتك اهو يلا تاكل بقى عملتلك حبه اكل هتاكل صوابعك وراهم
سليم شد وسطها ليه وتابع بضحك بقيتي شقيه وبتلعبي باعصابي ياميرناا
ميرنا بضحك اهو بنتعلم يعيون ميرنا وباست شفايفه برقه وتابعت بابتسامه ها يلا الاكل هيبرد
سليم بحب يلا
وقعدت جنبه وبقيت تاخد من الفراح وتاكله وتاكل وقامت لبست كاش قبل الركبه حمالات وقعدت تاكل معاه تاني وفونه رن تاني فاستغربت وتابعت ايه ده هو مش انا قفلت فونك ؟
سليم وهو بياكل تابع اممم منا فتحته وانتي بتاخدي شاور وبص على الفون لقاها شيري فتنهد ومسكه ورد
شيري بحده يسليم فينك كل ده ؟؟!!
سليم بضحك جاي يابابا مش هطير
شيري بضيق هنام والله العظيم
سليم بضحك بذمتك هتقدري تعمليها؟
شيري بضحك لا بس اخلص
ميرنا همست سليم خليك معايا انهارده علشان خاطري
فسليم بصلها وابتسم وتابع طب بقولك يعمري
شيري بابتسامه قول ينورعيون عمرك
سليم بابتسامه هسهر انهارده في الشغل وبص لميرنا من فوق لتحت باعجاب وتابع علشان ورايا حاجات كتير اوي وهاجي بكره
فميرنا حطت ايديها على بوقها وضحكت
شيري بحده هو انا لو ملقتهاش من الحيوانه اللي انت متجوزها الاقيها من شغلك ؟! مالك ياسليم في ايه
سليم بضحك والله ياعمري غصب عني هعوضهالك متقلقيش
شيري بضيق اقفل يسليم بااي
سليم بضحك طب من غير زعل يعيون سليم ها
شيري بحزن خلاص بجد مش متنيله باي
سليم بحب وحياتي ماتزعلي ها
شيري بحزن يسليم انت واحشتني اوي والله وانا اتعشمت انك جاي
سليم بحب والله وانتي واحشاني اكتر بس فعلا غصب عني هجيلك بكره بدري واليوم كله هيبقى ليكي
شيري بضيق وامك دي اللي قاعده على نفسنا ؟
سليم بضحك لا متشيليش هم امي ..المهم هقفل معاكي دلوقتي علشان مشغول وهكلمك لما افضى
شيري بابتسامه ماشي يعمري يلا باي
سليم بحب باي وقفل معاها وساب الفون على جنب
فتنهدت ميرنا بضيق وسكتت فسليم ضرب على دراعها كذا ضربه بخفه وتابع اعدلي وشك اديني قاعد معاكي ومش غاير في حته
ميرنا تنهدت وتابعت هي البنت دي مراتك ؟
سليم فضل يضحك وتابع ليه هو انا همشي اتجوز كل الناس ولا ايه ؟؟
ميرنا بحده رد علياا يسليم البنت دي مرااتك ؟؟؟
سليم بابتسامه اظن اجابتي واضحه .. لا مش مراتي انا مش متجوز غيرك انتي واسيا .. انتي عرفي وهي رسمي وخلصنا على كده
ميرنا تنهدت بعمق وتابعت تمام ورايحه تقوم فمسك دراعها وتابع لا هتنكدي اقسم بالله اسيبك وانزل انا معنديش طاقه للحياال وقولتي خليك خليتني
فميرنا ابتسمت بحزن وتابعت هغسل ايدي وجيالك يسليم
سليم باستغراب انتي لحقتي كالتي؟
ميرنا بابتسامه ااه الحمدلله كمل انت وقامت تغسل ايديها وسليم كمل انه ياكل ودقايق وخرجت وهي بتنشف ايديها ورمت الفوطه وراحتله وتابعت ايه ده خلصت ولا ايه ؟
سليم بحب اه الحمدلله وقام وهو شايل الصنيه فقامت ميرنا وتابعت بحب لالا خليك انت يعمري وخدتها منه ودخلت المطبخ وبقيت تغسل الاطباق فسليم جيه حضنها من ضهرها وتابع داخل البلكونه اعمليلي كوبايه قهوه والبسي جلابيه بيتي وتعالي ورايا اياكي تفتحي كده ها
ميرنا ضحكت بدلع وتابعت حاضر يحبيبي فسليم ابتسم وخرج وهي بصت قدامها وكملت تغسل وتابعت بخبث ااما خليتك ليا لوحدي مبقاش انا ميرنا ياسليم .. الصبر بس
--
عند علي قاعد على القهوه مع فارس وبيولع سجاره
فارس بتنهيده وانا قولتلك الحقيقيه وحياه العشره اللي بيني وبينك يا علي انا مفيش في نيتي اني اخرب بيتها ولا الكلام ده
علي نفخ دخان السجاره وبصله وتابع تمام وانا علشان لسه بااقي عليك وحط تحت كلمه باقي عليك دي مليون خط .. فجبتك وعاتبتك راجل لراجل بعيد عن شغل الحريم انما هتكلم اسيا تاني اقسم بالله يا فارس انا ماعندي اغلى من اختي ومش هخاف على حد قدهاا فساعتها هيبقى جزائك زي سليم وهخسرك
فارس بتنهيده لا انا مش هكلمها تاني متقلقش بس ينفع افضفض معاك كاصحاب وتفكك شويه من وش اخو اسيا اللس مركبه علياا من ساعه ماجيت ده ؟
علي بحده ماهو اتكلم براحتك بس من غير ماتشيل من دماغك فكره اني اخو اسياا لان ده حقيقي وغصب عن اي حد ولو كلمه اتقالت مستحملتهاش هخسرك فعلا فبلاش تطلعنا من الداايره دي
فارس تنهد وتابع هحاول مستفزكش والله بس انا فعلا عايز اتكلم
علي بتنهيده تمام قول ونفخ دخان سجارته
ففارس تنهد وتابع انت شايف سليم زي الاول معاها؟
علي بسخريه وهو الصح احكيلك مشاكل اختي مع جوزها؟
فارس : لا مش تحكي بس انا عارف ان في مشااكل كده كده وانت اتصلت بيا روحتك من قدام شركته وحكيت انك ضربته وهو استفزك يعني في احدااث قولتها بنفسك انت مش صغير ياعلي علشان اسلب الكلام منك عيب عليك بس انا بتكلم بجد انت شاايفه زي الاول ؟؟
علي بحده لا مش زي الاول ووسخ وحيوان بس هي بتحبه اعملها ايه ؟
فارس تنهد بحزن وتابع يعني لو قولتلك خليها تطلق وانا والله هتجوزها مجرد ماعدتها تخلص مش هتوافق بردو؟
علي بصله بذهول وتابع بحده يا فاارس انت بنقول ايه يا فاارس !..يافارس انت عايز تشلني وتنقطني ؟! يعني اقولك متستفزنيش وحط قدامك اني اخوهاا تقوم تقولي تطلق واتجوزهاا هو انت كده مش عاايز تخرب بيتهاا يعني ؟
فارس بحده ياعلي اسيا بيتهاا خرب ماتفوق واعرف الواقع اللي احنا فيه انا عايز اصلحه وابنيه معاها من الاول
علي بحده لا اسيا صح جوزها يتربى وترجع لجوزها ابو بنتها وتلم شمل عيلتها مش اسيا اللي تعمل اللي انت بتقولوا ده ابداا فياريت انت كمان تطلعها من دماغك
فارس بسخريه كنت عرفت انت تنسى حبيبه اللي سايبك من سنين بتحبها ورجعت لقيتك خطبت وكتبت وطلقت ولسه بتحبهاا
علي تنهد بعمق وتابع انا حبيت رفيده فعلا يا فارس بس ابقى كداب لو قولت قد حبيبه انما والله حبيتها ومقهور اوي على نفسي والدموع اتجمعت في عينيه وتابع بيتها اللي قدام القهوه ده وبص لفوق وتابع والانوار المتعلقه والهيصه كل ده علشان هتتزف بكره لراجل غيري .. فكرك ان كل ده بنسبالي عادي ؟! انا مش بحبها على قد ما مقهور علي نفسي ازاي صدقت انها بتحبني بجد وعايزاني فعلا واصيله وهي وقت الجد باعت وراحت رمت نفسها في حضن عصام علشان الفلوس .. ياخي يلعن ابوها الفلوس اللي تشوها في عيني بالشكل ده
فارس بتنهيده مين كانت توجعك اكتر زفه حبيبه لغيرك ولا رفيده بكره ؟
علي ابتسم بوجع وبصله وتابع انا مش فارقلي جواز رفيده بكره علشان حبيبه قدام عيني يا فارس
فارس بتنهيده عرفت بقى بتحب مين؟
علي بوجع لا انا عارف وعاارف اني مهما حبيت رفيده فانا كنت بعشق حبيبه فمتعبتش بعد طلاقنا وحسيت ان دوايا قدام عيني وحقيقي بحمد ربنا عليها ليل نهار
فارس بابتسامه لسه متمسك بحبها ليه رغم ان فات سنين ومفروض حبيت بعدها؟
علي ابتسم بحب وتابع علشان الناس بتختار السهل .. محدش بيختار يتعب .. لكن هي كانت مؤمنه بيا واختارت تتعب معايا في عز ما انا مش مبهر وباهت ومستقبلي ضايع ومعنديش اي ميزه ووسط كل العك والقرف والضياع ده طلعتني من قضيه صعبه وساعدتني اقوم واضحك وارجع منور من تاني .. فانا مدين لحبيبه بكل حاجه حلوه .. ومفيش لحظه حلوه عدت عليا واثرت فيا غير وهي سببها .. فقولي مين غيرها اخرج برا بيتي وعارف هتصونه وهتحافظ على اسمي في غيابي قبل وجودي وهتكون اول حد يأكلني بايديه لو عجزت ويشيلني على كفوف الراحه لما اتعب وتنهد وتابع بابتسامه حبيبه هي الحب اللي عشت عمري كله بتمناه بس كان على قد عشقي ليها على قد ماشوفتها صعبه وكتير علياا بس ورحمه ابويا واللي خلقني وخلقك مافي راجل هياخدها غيري خلاص .. انا فوقت
فارس ابتسم وتابع هي بنت اصول فعلا وتستاهلك والله وضحك وخبط على كتفه وتابع يعني ايه هنفرح قريب بيكم ولا ايه الدنيا ؟؟
علي بضحك هو انا الاقي شغل وهي ترضى عني وساعتها مستعد من تاني يوم نتجوز والله
فارس بضحك جبت اخرك انت يا علوه خلاص
علي فضل يضحك وتابع ان جيت للحق اه فعلا
فارس ابتسم وتابع الوجع اللي انت خوفت تعيشه مع حبيبه انا عشته .. علشان كده كان نفسي اتكلم معاك برا منظور انك اخو اسيا بس معلش تتعوض وضحك وتابع اروح امسك الواد حسن ونرغي انا وهو ونعمل جروب نسميه المصفوعين من علي الجارحي
فعلي فضل يضحك وتابع لالا انت احكي براحتك بس تخلي بالك بردو وبالنسبه لحسن .. ملامحه اتغيرت وتابع متقارنش نفسك بيه انت من اول يوم حب لاسيا عرفتني بس هو خاني
فارس بتنهيده بص يا علي اكيد نيته كانت ان ..
علي رفع ايديه بمقاطعه وتابع فاارس انا متعود منك على الصراحه تطبيل مش عايز .. هي خلصت مع حسن خلاص .. ورمي السجاره لانها خلصت وداس عليها
فارس تنهد بحزن وتابع ربنا يحل ما بينكم ده صاحب عمرك بردو مش هيتعوض تاني اصل العمر فيه كام سنه كمان فمتخسروش بعض ياعلي
علي بوجع اللي واجعني فعلا انه صاحب عمري .. تخيلت تيجي من كل الناس وعادي اي حد يضحك على بناتي بكلمتين من شباب اليومين دول .. الا حسن .. وبص قدامه بذهول وتابع اصل ازاي حسن اللي يشجع اخت صاحبه انها تخرج معااه في عز ما اخوها مسجون ؟!! هو انا علشان مكنتش هشوفه يعني !! طب الناس تقول عليها ايه ؟!! لو بيحبها صح مش هيعمل كده لان ابسط كلمه هتتقال ماصدقت اخوها اتحبس ورايحه جايه مع صاحبه وتنهد بوجع وتابع انا بردو معرفتش اربي اسراء بس وماله تتربى وبالنسبه لصاحبي فانا معايا كريم بالدنيا عمره ما طعني في ضهري ولا يسمح يضحك علياا ولو كان شاف اسرااء كان قطم رقبتها ومكنتش هلومه وكنت هاجي اكمل عليها فهو صاحبي واخويا سيبك انت من اللي عامل فيها صاحبي وباصص لاختي من ورايا ده
فارس تنهد بحزن وطبطب على كتفه ورايح يتكلم اتفاجئ برفيده نزلت من بيتها وبتشاور لعلي فضغط على كتفه فعلي بصله بمعنى في ايه ؟ ففارس شاور بعينه على رفيده فعلي بصلها اتفاجئ وتابع عايزه ايه دي ؟؟
فارس باستغراب مش عارف قوم شوفها وتعالى
فعلي تنهد بعمق وقام راح عندها كانت واقفه قدام بيتها وابتسمت لما شافته فتابع علي بضيق خير عايزه حاجه
رفيده بابتسامه لا مش عايزه حاجه انا عايزه بس اقولك حمدلله على سلامتك يحبيبي
علي رفع حواجبه بدهشه وفضل يضحك وتابع حبيبك مين لمؤاخده ؟! مين بس علشان مش واخد بالي ؟
رفيده بصتله برفعه حاجب وتابعت ليه متعرفش انا مين ولا حاجه .. ده انا اللي هتنام تشوفها في احلامك ياعلي
علي بضحك اللهم احفظنا لا متقلقيش انا بصلي قبل ما انام مش هشوفك ولا حاجه
رفيده الدموع اتجمعت في عينيها وتابعت انت بتضحك عليا ولا على نفسك ؟؟ لا انا ولا انت مرتاحين ياعلي واتعصبت بعياط وتابعت ماترد وتقولي حاسس بايه في غيابي عنك وحاسس بايه وانا هتزف بكره لغيرك متحسسنيش اني كنت مخدوعه فيك اوي كده
علي طلع سجاره وولعها ونفخ دخان سجارته قدامها فغمضت عينيها فابتسم وتابع " انا مبقولش اللي مش حاسه .. ومش حاسس اللي انتي بتقوليه " .. ولو حد كان مخدوع صح فاهو انا بس الحمدلله اني مكنتش بموت فيكي ولا حاجه فعرفت اقوم عادي ومش حاسس بحاجه نحمد ربنا وبتمنالك تعيشي مبسوطه مع ان اللي عملتيه فياا هيفضل يطاردك العمر كله .. وبالنسبه لاحساسك انتي بقى .. خد نفس من السجاره وتابع بابتسامه فاهو نفس احساس اي بنت شمال خدت فلوس مقابل جسمها وانتي خدتي سلطه ونفوذ مش فلوس بس واديها البيعه هتم بكره .. مبروك يحياتي
رفيده دموعها نزلت بوجع وتابع انت شايف رفيده كده ياعلي ؟؟ بذمتك انا وحشه اوي كده؟
علي بضحك واوحش بكتير لانك حتى محترمتيش انك يعتبر على ذمه راجل وجايه تقفلي تتكلمي معايا
رفيده بدموع علي انا بحبك
علي بابتسامه وانا بحب حبيبه
رفيده اتعصبت وتابعت حبيبه !!! يعني كنت بتخوني معاهاا فعلا اهوو
علي فضل يضحك وتابع المصطلحات القذره دي انتي اللي تعرفيهاا مش انا سبق وشوفت بعيني مره واتنين علامات خيانتك لياا انما حبيبه دي ست البنات وحاجه اكبر من طموحي وطموح اي راجل فروحي انتي الله يسهلك شوفي ليلتك عندك دخله بكره وضحك وتابع مع انها مش اول مره بس يلا معلش علشان الناس وكده
رفيده بعصبيه ودموع احترم نفسك يعلي انا بنت واشرف من اي حد
علي بابتسامه وبنسبالي ارخص من اي حد .. ومتسويش في الحريم 3 جنيه لان اللي فهمك ان الشرف بالدم خدعك يا دكتوره.. الرقاصه محدش بيلمسها بس متعرفش حاجه عن الشرف وانتي بنسبالي اقذر منها بكتير لان هي على الاقل مش مستخبيه وطالعه ترقص قدام الكل انما انتي حربايه واتلونتي عليا وباس ايديه وش وضهر وتابع ونحمد ربنا اللي قال كلمته ونجاني ده انا عايز اشكر اللي حط المخدرات في عربيتي والله
رفيده بدموع وبحده بكره تندم وتشوفني تبكي بدل الدموع دم انك ضيعتني
علي فضل يضحك وتابع صدق اللي قال يقتلوا القتيل ويمشوا في جنازته والله .. تعشق دور الضحيه وعملت اسكيب ليوم ماجاتلي تطلب الطلاق والكلام اللي قالته وابتسم وتابع بصي يا رفيده لو حد هيندم صح فاهو انتي انما انا عرفت عايز ايه خلاص ومبسووط جدا زي مانتي شاايفه
فرفيده اتعصبت وعلي رايح يتكلم استغرب دخول تولين لسوبر ماركت جنب بيت رفيده فتابع بصوت مسموع تولين .. انتي ياابت
فخرجت بصتله واتفاجئت بيه وتابعت خالو وجريت عليه وتابعت نعم يحبيبي
علي بحده انتي ايه نزلك دلوقتي وازاي تنزلي لوحدك يعني
تولين بحماس لا انا منزلتش لوحدي حبوبه واقفه هناك اهي وشاورت بايديها فعلي وفارس بصوا لمكان ما شاورت اتصدموا بحبيبه واقفه بصاله بوجع وعينيها فيها دموع فغمض عينيه بضيق شديد وفتح بصلها وتابع حبيبه تعالي و
فحبيبه سابته ومشيت تروح البيت فعلي ضرب بايديه على جبينه ونزل بايديه يمسح بيها على وشه بضيق فضحكت رفيده وتابعت برفعه حاجب مبتثقش فيك الحلوه اهي
علي بعصبيه تسمحي تخرسي خاالص ده هي مش عاجبها واقفتي معااكي انما مستحيل تشك فياا وهي اللي خرجتني الدور والباقي على اللي ماصدقت وراحت رمت نفسها في حضن واحد علشان فلوسه ووطي شال تولين وراح بيها على القهوه تاني ورمي السجاره وبقى يتصل بحبيبه ورفيده اتعصبت وطلعت شقتها
فتابع فارس بابتسامه مليانه فرح: حبيبه قلب عموو واحشااني
تولين بصتله وتابعت بتذكر هو انت الدكتور بتاع رجلي صح؟
فارس فضل يضحك وتابع ااه صح يخرابي يناس على الذكيه زي مامتها وخدها من علي وفضل يبوس خدها
فتولين ضحكت فتابع فارس بضحك جميله يناس هي وضحكتها وعيونها وكل حاجه فيها
تولين بضحك وانت كمان جميل وعينيك جميله
فارس بضحك يخراابي ده انا يبختي كده وبص لعلي اللي بيحاول يكلم حبيبه ومتعصب وتابع انا هجيب حاجه انا وتوتي وجاي ها
فعلي هز راسه بماشي
فراح فارس للسوبر ماركت وتابع بابتسامه ها نفسك في ايه بقى؟
تولين بكسوف لالا انا مش عايزه حاجه خالص والله
فارس بضحك شوف اللي بيتكسف خدوده بتحمر يا ناس وابتسم وتابع طالعه لامك فكل حاجه ياتولين
تولين ضحكت وحطت ايديها على وشها بكسوف ففارس فضل يضحك وتابع طب كفايه حلاوه وقولي نفسك في ايه يلا
تولين بابتسامه ماما جيبالي كل حاجه مش عايزه والله
فارس بضحك طب وعمو عايز يجبلك تكسفيني؟
تولين بكسوف لا بس والله مش هينفع
فارس بحب خلاص انا هجبلك متختاريش انتي وفضل يختارلها حاجات كتير وشكولاتات وزبادو وبيبسي وحط ايديه على شكولاته بابلي الكبيره بطعم الاوريو مختلف عن اللي جابهم لتولين وابتسم وتابع دي بالذات ابقي اديها لمامي ها
فتولين سكتت بكسوف وخبت وشها في حضنه ( لانها مش هتاخدهم يعني ) ففارس فضل يضحك وخد الحاجه وراح حاسب وطلع بيها وراح لعلي تاني لقاه زي ماهو فتابع بابتسامه علي قول لتولين تاخد الحاجه اللي جبتهالها علشان مش راضيه
علي وهو مشغول في الفون تابع ده اسلوب تولين يا فارس لو قولتلي انك هتجيب حاجه مكنتش قومتك
فارس بضحك طب اخلص طيب ما اكيد مش هرجعهم قولها تاخدهم المره دي بس
علي بص لتولين وتابع خديها وقولي لعمو شكرا يا توتي
تولين بكسوف لا مامي هتزعقلي واصلا عيب
علي بحده طب تبقى تيجي جنبك وانا اكسر رقبتها هي التاانيه خديهم وقولي لعمو شكرا يلا انا اللي بقولك فمش عيب
فتولين ابتسمت بحماس وخدتهم وباست خده وتابعت شكراا ياعمو
ففارس فضل يضحك وتابع يخرابي ياناس سكر وباس خدها بعمق وحضنها وباس راسها وتابع ربنا يحميكي ويحفظك يارب يقلب عمو
وبص لعلي لقاه متعصب جدا وبيهمس بيشتم فتابع بتنهيده هي مش هتعديها على خير عامه
علي بتوتر اممم منا عارف ونفخ بتوتر شديد
فارس بضحك عمري ماشوفتك عامل لواحده اعتبار بالشكل ده مالك ياعلي في ايه يغالي
علي بضيق ده لاني مبغلطش انما المره دي غلطت وهي شاكه فياا اصلا اني متخطتش رفيده وقالتلي انا مستاهلش افضل خايفه تحن لخطيبتك فتخيل المنظر بقى
فارس بضحك البس يمعلم
علي بحده يا فارس متعصبنيش كفايه هي بارده ومش بترد
فارس بضحك ولا هترد
علي بحده لا هترد متقدرش متردش ده انا اروح اقتلهاا
فارس بضحك ياابني ماهي مضاايقه فحقها متردش
علي بحده لا وهي عارفه علي كويس اوي
وبالفعل حبيبه ردت وتابعت بعياط خير عاايز ايه
فعلي غمض عينيه وتنهد بوجع وتابع طب كفاياكي عياط طيب وغلاوتك عندي مفيش اي حاجه من اللي في بالك
حبيبه بعياط في ولا مفيش ميخصنيش ياعلي عادي
علي بتنهيده طب تعالي اديكي البت روحيها معاكي ونتكلم بعدين علشان قاعد مع الراجل
حبيبه بعياط هرجعلها وخليها تجيلي نفس المكان باي
علي بتنهيده حبيبه كفاياكي عياط طيب
حبيبه بعياط باي ياعلي خلاص بجد ماليش دعوه اصلا
وقفلت معاه فنفخ بضيق وتابع ياريتني ماقومت ولا اتنيلت دي ايام سوداا والله
وبالفعل حبيبه جاات وعلي لمحها فتابع لتولين اهو يلا يا توتي روحي مع حبوبه البيت واقفالك اهي
فتولين نزلت من على رجل فارس وتابعت بحماس ماشي باي ياخالو وبصت لفارس وتابعت بااي ياعمو
فارس بضحك باي يعيون عمو
فراحت تولين ومسكت ايد حبيبه فعلي شاورلها تمشي خلاص فمشيوا فبص لفارس وتابع غريبه انك بتحب توتي يعني
فارس بابتسامه ولا غريبه ولا حاجه دي اسيا الصغيره حاسس نفسي شايف امها في طفولتها فيها
علي اممم ده حقيقي بس نحترم نفسنا هاا
فارس بضحك ياعم انت هتطلع خقنتك من اللي حبيبه بتعمله فيك عليا ولا ايه
فعلي هز راسه بيأس وتنهد وتابع تعبت والله يا فارس
وقعدوا يكلموا قاعدتهم وكلامهم
--
في بيت علي كان الكل متجمع وعرفوا ان علي خرج الا كريم وهاله كلمته تطمن عليه وعلى نيره قالها انها معاه بيجيبوا حاجه ومرضيش يقلقها
لميا بابتسامه طب فينه البارد مش يجي نسلم عليه
رانيا بضحك والله يابنتي من ساعه ماجيه وهو طالع نازل مقعدش بس زمانه جاي هيروح فين
ابتسام بفرح يجي وقت مايجي المهم خرجلنا بالف سلامه
هناء بفرح ده انا مصدقتش نفسي لما عرفت والله
سلمى بابتسامه الحمدلله حقيقي
هاله باستغراب مالك يا بت يا اسيا قالبه وشك كده ليه ؟
اسيا انتبهت وتابعت ها لا ولا اي حاجه يخالتي والله انا كويسه
فرانيا تنهدت وتابعت قومي ارتاحي شويه يا اسيا تلاقيكي عايزه تنامي انتي بتصحي بدري
اسيا بتوتر اه منا داخله بس تولين تيجي الاول واخدها وندخل
وبالفعل لقيوا تولين طالعه مع حبيبه وحبيبه وشها مقلوب ودخلت على البلكونه فتابعت هاله باستغراب خير اللهم اجعله خير في ايه
فقامت اسيا وتابعت انا هشوفها ودخلتها وتابعت مالك يا بت في ايه
حبيبه بدموع مفيش وامسكي اللي طلبتيه اهو وادتها حاجه في ايديها
فاسيا خدتها وتابعت بتنهيده طب مالك يحبيبه مش هعيدها تاني
حبيبه بعياط مفيش يا اسيا واتعصبت وتابعت سبوني في حالي بقى وخرجت من البلكونه وراحت اوضه سلمى وقفلت فكلهم اتخضوا من الباب
فتابعت هاله بحده مانتي تربيه وسخه اقول ايه
رانيا بتنهيده حزينه بس يا هاله تلاقيي معاها حاجه حصل ايه زعل حبوبه يا تولين
تولين بتوتر لا انا مش هقول مامي قالتلي عيب اشوف حاجه واقول
فكلهم فضلوا يضحكوا فتابعت اسيا بابتسامه جدعه يحبيبه مامي بس احنا قلقانين عليها فعرفينا مين زعلها طيب؟
تولين بتوتر لا مش هقول عيب هو خالو يقولكم
فكلهم فضلوا يضحكوا بشده فتابعت سلمى بضحك يعني خالو اللي زعلها
فتولين اتفاجئت وحطت ايديها على بوقها انها قالت فكلهم فضلوا يضحكوا فتابعت لميا بضحك متربيه 10 مرات البت دي
اسيا بضحك اه اومال انتي فاكره ايه وشالتها وتابعت هحاول انيمها ولو منمتش هجيلكم
رانيا بحب ماشي يابنتي روحي
وبالفعل اسيا دخلت بتولين الاوضه وقفلت وتابعت بابتسامه ايه الشنطه دي بقى
تولين قعدت على السرير وربعت رجليها وتابعت بفرح وهي بتشد الشنطه ليها : ده عمو جبهالي مليانه حاجات وااو بحبها وفضلت تفتش فيها وطلعت الشكولاته وتابعت بضحك ودي ليكي انتيي
فاسيا شافت الشكولاته اتصدمت وقلبها وجعها وتابعت عمو مين يا تولين؟
تولين بفرح عمو الدكتور بتاع رجلي وشاورت على مكان وقعتها
فاسيا الدموع اتجمعت في عينيها وتابعت فارس ! انتي شوفتي فارس ! هو قاعد مع علي ؟
تولين بفرح اه وقالي ادي دي لمامي والباقي كله بتاعي وحضنت الشنطه بفرح
فابتسمت اسيا بوجع ودموعها نزلت وتابعت اممم طب قولتي لعمو شكرا ؟
تولين بحماس ااه اصلا مكنتش عايزه اخدهم بس خالو قالي خديهم يا تولين
اسيا ابتسمت بوجع وتابعت اه كويس مكسفتيش خالو هو زيه زي بابي بالظبط فتسمعي كلامه وتنهدت وتابعت يلا هروح انا الحمام وجيالك ننام ها
تولين بفرح ماشي وكلي الشكولاته ومسكتها ادتهالها
فاسيا ابتسمت بوجع وتابعت حاضر يعيوني وخدت الشكولاته وقامت وادت تولين ضهرها ودموعها زادت بقهر وحطت الشكولاته على جنب ودخلت الحمام ودقايق ومسكت التيست وهي مستنيه تشوف حامل ولالا ومتوتره جدا ودقات قلبها عاليه اوي وبالفعل اللي خافت منه لقيته وهو ظهور علامتين حُمر دليل على حملها فاتصدمت وعيطت بهستريه وحطت ايديها على بوقها وفضلت تعيط بانهيار والتيست وقع منها على الارض وفضلت تعيط بشده
----
برا في الصالون علي دخل والكل متجمع فابتسم وتابع يامرحب يا مرحب بالغاليين
فالبنات لما شافوه زغرطوا بفرح شديد
فعلي ضحك وفتح ايديه وتابع تعالي يا كلبه انتي وهي واحشتونيي
فهناء ولميا جريوا عليه فعلي حضنهم جامد وباس راس الاتنين وتابع طمنوني عليكم اخباركم ايه
لميا بدموع فرح بقينا بخير لما شوفناك يا نورعيني الف الف مليون مبرووك رجوعك وسطنا من تاني
علي بحب الله يبارك فيكي يغاليه وباس جبينها
فتابعت هناء بدموع فرح واحشتنا ووجعت قلوبنا عليك والله ياعلي مباارك علينا رجوعك يعمري
علي بصلها بحب وتابع الله يبارك فيكي ياست البنات وانتوا واحشتوني اكتر والله وباس جبينها وتابع بتنهيده اهو كابوس وخلص الحمدلله
ابتسام فضلت تزغرط وتابعت بدموع فرح فرح : يقلب مرات عمك تعالى يا واد في حضني تعالى
فعلي فضل يضحك وراح حضنها جامد ومسك ايديها باسها وتابع واحشتيني اوي ياست الكل والله
ابتسام بعياط وفرح وانت اكتر ين عيني والله الف بركه رجوك يابا وحضنته جامد وفضلت تعيط
فعلي ابتسم بحب وتابع والله ماتعيطي خلاص وخرج من حضنها مسح دموعها وتابع دموعك غاليه عليا والله اهدي
ابتسام بفرح فرحتي مش سيعاني والله يعلي
علي بضحك حبيبه علي انتي والله وباس ايديها
هاله بدموع فرح مليون مبروك يا ابني فرحتنا وشيلت من على قلوبنا اوجاع الدنيا كلها بطلتك
علي بضحك حماتي حبيبه قلبي وراح حضنها
فكلهم فضلوا يضحكوا بشده فتابعت هاله بضحك الله لتكون بنت الكلب فضحت نفسها قدامك
علي فضل يضحك وتابع فضحت نفسها ايه بس ده انا بتحايل عليها وهي مش راضيه
هاله بذهول لا متقولش .. حبيبه بتعمل كده !!
علي بضحك اه وربنا شوفتي بنتك بقى
سلمى انت عملتلها ايه اصلا ياعلي طالعه عماله تعيط
علي بتنهيده داخلها دلوقتي خلاص سوء تفاهم وراح لحاله عن اذنكم؛ هجيلكم تاني
هناء بتوتر علي انا عايزه ابقى اتكلم معاك في حاجه
فعلي ابتسم وشاور على عينيه الاتنين وتابع من عيوني هجيلك حاضر وبص حواليه وتابع فينها حبيبه في انهي اوضه يسلمى؟
سلمى بابتسامه في اوضتي انا يحبيبي
فرانيا تنهدت بحزن انه مكلمهاش وعلي راح اوضه سلمى وخبط فسمع صوتها بتسمحله بالدخول فدخل وساب الباب مفتوح وتابع بابتسامه على راي الشاعر عمرو حسن ازيك ياللي مفيش في العالم زيك
فحبيبه شافته اتعصبت وتابعت بعياط وعصبيه: اطلع برا
علي بضحك استني بس اسمعيني ليه العنف ده انا داخل برومانسيه حتى
حبيبه بعياط قولت مش هسمع حد اطلع برا يلا
علي بضحك استني استني بس قلبك ابيض انا ملحقتش امسي عليكي اصلا وساب الشنطه اللي في ايديه على السرير وقعد على ركبته قدامها ومسك ايديها حطها بين ايديه الاتنين وباسها بعمق وبصلها بحب وتابع يابنتي ياحبيبتي من امتى بتصدقي عليا حاجه غير لما تسأليني فيها ومن غير ماتسألي بتثقي فيا حصل ايه دلوقتي
حبيبه بعياط وعصبيه حصل انك مش قاادر على البعد وواقف في نص الشارع تتكلم معااها بكل بجاحه ماهو فعلا محدش بيتغير انا اللي هبله وكل اللي حسبته لقيته
علي بابتسامه طب والله العظيم يحبيبه ومد ايديه يمسح دموعها وتابع وحياه مابقول يارب يهديكي عليا ويجعلك حلالي وام عيالي محصلش حاجه من اللي بتقوليها دي نهائي
حبيبه بوجع حصل ولا محصلش انا ميخصنيش ياعلي انا مفيش بيني وبينك حاجه كده كده
علي بابتسامه عارف بس بطمح ان يكون في بينا اكتر من مجرد مشاعر حبيبه انا مش شايف زوجه وام لعيالي غيرك .. فبراحتك اتقلي وازعلي واتقمصي هفضل مستنيكي
حبيبه الدموع اتجمعت في عينيها ومردتش عليه فابتسم وتابع وعلشان تصدقيني ياستي انا رايح فرح رفيده وعصام وهستأذن كريم وهاخدك معايا
حبيبه بصتله باستغراب وتابعت رايح !
علي بحب اه رايح وهتشوفي بعينيكي اني مش فارقلي اي حاجه غير انول رضاكي
حبيبه بدموع حبيبي مش لازم توجع نفسك علشان تراضيني
علي ابتسم بفرح وبصلها بحب وتابع بابتسامه ده حبيبك تكفيه الكلمه دي منك علشان تراضيه العمر كله وحط واحده من ايديه على خدها وتابع وجع ايه وكلام فاضي ايه اما انا معايا ستهم كلهم ومهما تتقلي وتبعدي قلبك جنبي وحاسس بيه
حبيبه بدموع ووجع نفسي ابطل اخاف توجعني ياعلي ودموعها زادت وتابعت اللي عيشتوا بسببك مش قليل ابداا
علي بابتسامه حزينه: عارف والله بس انا طالب فرصه تانيه اثبتلك فيها اني فعلا عايزك انتي وشاريكي فمتقسيش عليا زي ما الدنيا كلها قست عليا يحبيبه
حبيبه بصتله بوجع وتابعت بدموع هو انا لو سألتك كنت واقف معاها بتقولوا ايه هتقولي؟
علي بابتسامه هقولك طبعا حقك .. انا لقيتها قدام فارس من نفسها نزلت ندهت عليا فروحتلها كفضول بشوفها عايزة ايه فادلعت في الكلام روحت اديتها فوق دماغها وتقولي انا بحبك قولتلها وانا بحب حبيبه وعصبتها وضايقتها انما وحياه حبي ليكي مفيش اي حاجه حصلت تخليكي تزعلي مني بالعكس
حبيبه بدموع انا مش مسمحاك بردو بس عامه متقفش معاها تاني
علي بضحك ياستي وماله متسامحيش واحنا تحت امرك ومش هقف معاها تاني بس انا كنت جايبلك حاجه كده
حبيبه وهي بتمسح دموعها تابعت بضيق حاجه ايه؟
علي قام جاب الشنطه وتابع بضحك تخيلي جبتلك ايه
حبيبه بضحك ايه؟
علي بضحك انا عارف انك مش من نوعيه البنات اللي بيتصالحوا بالورد دول اصل الورد شويه كده هيترمي فجبتلك اللي يعجبك
حبيبه فضلت تضحك وتابعت ايووه ايه هو بقى وريني وشدت الشنطه وبصت فيها وتابعت بفرح لا متقولش انت جبتلي جمبرري !!
علي بصلها بدهشه وفضل يضحك وتابع هششش يخربيت اهلك فضحتيناا اول مره تشوفي جمبري ولا ايه
حبيبه فضلت تضحك بفرح وتابعت علي انا بعشقه بجدد وكمان المطعم ده تحفه ومعروف جداا تعبت نفسك والله
علي بحب فرحتك دي بالدنيا كلها ولا تعب ولا اي حاجه
فحبيبه ضحكت ودموعها نزلوا وحضنته وتابعت شكرا يحبيبي تعيش وتجيب بجد
علي غمض عينيه بتأثر وتابع العفو يعمري بس متشكرنيش ومتحضننيش الاتنين
فحبيبه بعدت وضربته في صدره وتابعت بضحك غور مش هحضن حد تاني يلا اطلع برا
علي فضل يضحك وتابع وربنا ما على حاجه ده انا قلبي كان بيزغرط دلوقتي بس مش وغمض وسكت وفضل يضحك وتابع خلاص يحبيبه
حبيبه وهي بتفتح الاكل تابعت باستغراب لا قول هو ايه اللي مش وسكت ده مش فااهمه
علي بضحك مش وخلاص اخرسي انتي بقى
ورايح يقوم فمسكت ايديه وتابعت تعالى بس فهمني مش هسيبك والله
فعلي فضل يضحك وتابع ما معروف هحس بايه يعني يحبيبه متتعبيناش بقى
حبيبه بحرج ااه كنت رايح تقول ايه بردوو
علي بضحك مش بقدر اتحكم في نفسي فهطلع انا ها
حبيبه وشها احمر وتابعت تاكل معايا وتغور علشان انت متربتش
فعلي فضل يضحك بشده وتابع اغور يعني اخص عليكي يحبيبه
حبيبه فضلت تضحك وتابعت بعيد الشر يعيون حبيبه بس مانت متضمنش طيب نعمل ايه
علي بضحك لا ياستي حقك طبعا
فحبيبه كالت من الجمبري وغمضت عينيها باستمتاع وتابعت امممم يااربي على الحلاوه والطعامه بجد كل كده يعلي
فعلي ابتسم وتابع كلي انتي يعمري الف هنا
حبيبه بضحك ياابني كتير اوي اكيد مش هاكله لوحدي يعني اخلص ومدت ايديها
فعلي كل منها وتابع بضحك وانا مش ناقص طاقه فوق طاقتي والله فاتلمي كده وكلي انتي بس
فحبيبه فضلت تضحك وتابعت لا كل معاايا وربك هيسترها بس بجد خطيير اوي اوي وبقيت تاكل منه بفرح وتابعت قال ورد قال لا ده كده زي الفل
فعلي فضل يضحك وتابع انا عارف والله مفتاح قلبك
حبيبه بضحك برافو عليكي يا علولي شاطر ومدت ايديها تاكله فكل معاها
فابتسمت وتابعت بس ده غالي اوي يعلي مش حرام عليك يحبيبي تصرف الفلوس اللي اتفضلت معاك وانت لسه مش شغال؟
علي بابتسامه ممكن مالكيش دعوه بالكلام ده
حبيبه بحزن لا يعلي ازاي ماليش دعوه يعني لما يكون فلوسك محكومه وانت لسه مشتغلتش وتصرف كل ده في اكلي يبقى حرام
علي بحب ولو اخر جنيه في جيبي طلما عارف هتبقي فرحانه زي كده بردو هصرفه فخلاص بطلي عبط بقى ومتسمميش اللقمه على نفسك وكلي براحتك
حبيبه بضحك علي سد ودانك علشان عايزه اقول اني بحبك ومسمعكش
فعلي فضل يضحك بشده وتابع هطلع اهو وقولي ومش هسمع خالص
وقام ورايح يمشي فحبيبه مسكت كف ايديه رفعته لشفايفها وباسته وتابعت بابتسامه تعيش وتجيب يابابا
فعلي ابتسم بحب ووطي باس ايديها بعمق وتابع تعيشي انتي وفلوسي تحت رجلك ويارب يقدرني اجبلك كل اللي تتمنيه
حبيبه بصتله بحب والدموع اتجمعت في عينيها وتابعت انت كل اللي بتنمناه ياعلي .. بس مش قادره اخد الخطوه
علي ابتسم بحب وغمض عينيه وباس ايديها تاني بعمق بعدين فتح بصلها وتابع بحب وهو بيرجع خصله ورا ودنها: وانا معاكي العمر كله لغايه ماتطمني وتاخديها وباس راسها وطلع برا ودخل على اوضته علشان يغير فاتفاجئ باسراء جوه وماسكه بوكيه ورد وباصه للارض بحزن
فتنهد واتقدم ناحيتها وتابع المفروض كده اسامحك وانسى اللي حصل مش كده؟
اسراء بدموع ووجع وهي باصه للارض: حقك متسامحش وحقك كل اللي عملتيه فيا وانا هسكت ومش هفتح بوقي بس مش من حقك تحرمني من حضني لابويا واخويا والراجل اللي انا عايشه في خيره ومستخبيه ورا ضهره
علي بوجع : وانتي عملتي ايه للراجل ده غير صغرتيه وكسرتيه قدام الناس ؟
اسراء عيطت وتابعت انا اسفه والله العظيم حقك عليا ابوس ايدك متزعلش مني والله زعلك بيموتني بالبطئ ده انا ماليش غيرك
علي بجمود: ارفعي وشك يا اسراء
اسراء بعياط وخوف : لا انا معنديش الجراءه اني ابص لعينيك وانا مزعلاك بالشكل ده
علي بتنهيده طب انا اللي قولتلك ارفعي وشك
فاسراء بدات ترفع وشها ببطئ وبصتله بوجع وهي بتحاول تبص فكل حته الا عينيه وتابعت بعياط انا اسفه يعلي .. والله العظيم كان مستأذن ماما وطلبني منها ومستني يفاتحك وكل كلامنا سوا لسه من ساعه ما رجع اهو لانه بيحاول يفهمني انه لسه عايزني وشاريني بس المره دي قادر يجي يتقدم بقلب جامد انما والله العظيم يعلي وغلاوتك في قلبي عمري ماتعديت حدودي معاه ولا ارتبطنا والجو ده
علي بتنهيده عارفه يا اسراء رغم انك اكتر واحده فيهم متحرره ومش بتعملي باصول الدين وسايبك بمزاجي لحد ماتعقلي الا اني عمري ماتخيلت الوضع يوصل بيكي انك توافقي تخدعيني بالشكل ده .. حقيقي دي اللي واجعتني اكتر حاجه مش الموقف على قد ما مين اللي عمل الموقف .. اصل حتى لو حسن قدر يخون ثقتي فيه تمام بتحصل انما انتي يا اسرااء ! تيجي منك !! من بنتي !
فاسراء فضلت تعيط ووقفت على اطراف صوابعها وحضنته جامد وتابعت بعياط حقك عليا يا نن عين اسراء من جوه .. انا اسفه يا علي والله العظيم غلطانه واستاهل قطم رقبتي بس مش قادره على زعلك مني بالشكل ده والله وهرجع واقولك الموضوع مش بالشكل اللي انت شايفه ده
علي بتنهيده انا هسمع منك القصه كامله بس مش وقته لاني تعبان اوي واتهلكت جدا انهارده
اسراء بلهفه ودموع ليه يحبيبي مالك في ايه
علي بتنهيده ضهري كله واجعني اوي يا اسراء ومنمتش بقالي كتير فمش قادر
اسراء بعياط وفرح هعملك مساج بس ارجوك تسامحني والله ما عارفه اغمض عيني وانت زعلان مني يعلي ومسكت ايديها باستها بحب وهي بتعيط
فعلي رفع ايديها الاتنين وباسهم وخدها في حضنه ففضلت تعيط فباس راسها بعمق وتابع اهدي طيب خلاص
اسراء بعياط حقك عليا والله ومبارك رجوعك وسطنا تاني ينورعيني
علي بحب الله يبارك فيكي يعمري وباس راسها وفضل يطبطب على ضهرها وتابع خلاص بقى اهدي كفايه عياط
فاسراء خرجت من حضنه وبصتله وتابعت بدموع وحب امسك
فعلي بص للورد وتابع برفعه حاجب جبتيه ازاي بقى ؟ هي رجلك اللي شكلي هكسرهالك دي اتحركت من ورايا؟
فاسراء ضحكت من بين دموعها وتابعت والله ماحصل طلبته اون لاين من بيدج وحيااتك وجالي لحد هنا وده ستان هاند ميد علشان يفضل معاك العمر كله وكده
فعلي بص عليه باعجاب وابتسم وتابع تسلملي ايديكي الاتنين تحفه والله ورفع ايديها باسها بحب وخد منها البوكيه وحطه وسط الكتب في المكتبه اللي فيها كل كتبه وبصلها وتابع بتنهيده: انا هسامحك على اللي فات وهبدا معاكي صفحه جديده بس حسن صفحه واتقطعت من حياتك يا اسراء ها
اسراء بصتله بوجع وبصت للارض ومنعت دموعها باعجوبه وتابعت اللي تشوفه يا اخويا
علي بتنهيده تمام خلاص روحي
اسراء بصتله وابتسمت بحزن وتابعت لا ضهرك وجعك قولتلك هعملهولك تعالى وراحت مسكته قعدت على السرير وقعدت وراه وبقيت تعمله كتفه وضهره
فغمض علي عينيه بارتياح وتابع وانتي عرفتي الحاجات دي منين يا قرده اااه مش قاادر
اسراء بخوف ايه وجعتك؟
علي باس ايديها اللي على كتفه وتابع بضحك لا يعمري كملي ده انا اللي عضمي متكسر وكل شويه ادي حد شكل عقله اولهم حسن واخرهم جوز اختك وفارس جاي في الطريق مانتوا هتخسروني صحابي كلهم انتي واختك
فاسراء فضلت تضحك بشده وتابعت انت ضربت سليم ليه همووت بجد وليه فارس بردو هو رجع اصلا ؟
علي وهو مغمض تابع ضربته علشان امه مربتهوش وفارس اه رجع وفي حوارات قد كده والله يا اسراء انا جبت اخري
اسراء بضحك انا لو منك انام ويخش الدنيا كلها تولع
علي تنهد وتابع هعملها فعلا تعبان اوي بس مسئوليتكم انتوا ومشاكلكم انتوا حتى لو نايم بفكر فيها .. انتوا بالذات مبعرفش اكبر دماغي واسيبها تولع
اسراء ابتسمت بحب ووطت باست خده وتابعت ربنا ميحرمناش منك ابدا يارب
علي بحب ولا منك يعيوني قربي هاتي بوسه
فاسراء ابتسمت بفرح ومدت وشها فعلي باسها بحب وتابع كما كنتي بقى علشان ضهري مموتني مش قادر
فاسراء فضلت تضحك وتابعت عيوني وفضلت تعمله ضهره
فشويه ودخلت رانيا وتابعت بحزن علي
علي بتنهيده خير ياما في ايه ؟
رانيا بوجع كده يقلب امك هونت عليك تكلمني كده ياعلي ؟!
علي بضيق زي مانا هونت عليكي تركبيلي قرون
رانيا بعياط يعلي والله وغلاوتك عندي حسن جيه طلبها مني يا ابني وكان ناقص يكلمك انت بس
علي بحده ولسه مخطبهاش في ايه بينهم علشان ينزلوا يخرجواا سوا بقى ؟!
رانيا بعياط غلطانه بس مقدرش ازعلك مني والله ده انت عارفني اموت فيها
فعلي قلبه وجعه وتابع بحزن طب خلاص اهدي بعيد الشر عنك وقام وراح مسك ايديها باسها بعمق وتابع اهدي خلاص
رانيا بعياط حقك عليا يحبيبي دي غلطتي انا مش غلطه اختك لوحدها متزعلش مني ورحمه ابوك
فعلي مسح دموعها وخدها في حضنه وتابع بحب طب خلاص كفاياكي عياط انا مش زعلان والله
رانيا بصتله بلهفه وتابعت بحب ودموع يعني مش هتاخد جنب مني ؟
علي بحب هو انا اقدر ولا ليا بركه غيرك يا رنوشه ياقمر انتي
فرانيا ضحكت من بين دموعها وتابعت قلب رنوشه والله وباست خده وحضنته وتابعت بضحك بس شوف المفجوعه اللي هتدخلها علينا مش راضيه تدي اختك حته جمبري
فعلي فضل يضحك بشده وتابع دي اختياراتكم بقى طب التانيه كنت انا لوحدي ضدكم كلكم انما دي تربيتك واختيارك اعمل ايه تاني؟
رانيا بضحك عواقب افعالنا صحيح هرد اقول ايه ما كلنا بنموت فيها وعايزينها
فعلي فضل يضحك بشده وتابع سيبوها تاكل علشان تفضل محافظه على نفسها وكيرفي وبطل كده وسلمى انا هجيبلها بكره
رانيا بضحك دي كده هتبقى بقره مش بطل من كتر الاكل
فعلي فضل يضحك بشده وتابع ياما قولي الف هنا ياما
رانيا بضحك الف هنا يحبيبي تعيش وتجيبلها كل اللي نفسها فيه هو انا اكره ده يوم المنى
علي بضحك حبيبه قلبي انتي والله
رانيا بحزن بس بعيدا عن الهزار ياعلي مالها اسيا اختك هي وجوزها قلبي واجعني عليها اوي
علي بضيق جوزها ده ناقص في بينهم مشاكل قد كده فهتفضل في بيت ابوها لحد ما يتربى ويعرف قيمتها
رانيا بحزن ليكون حاجه بسيطه وانت مستحملتش يعلي وجبتها اصل انا عارفاك مبتستحملش فيهم الهوا
علي بحده ياما انا اه مش بستحمل فيهم الهوا بس مش هخرب بيتها يعني هو يستاهل اللي حصل
رانيا بتنهيده حزينه ربنا يهديهم يا ابني
ولقي حبيبه داخله عليه ماسكه طبق رز بلبن متابعه بابتسامه انا عملت ده امبارح علشان عارفه انك هتطلع النهارده فدوق وقولي ايه رايك
علي بصلها وابتسم وتابع ده خبر عاجل والله المهلبيه ماسكه رز بلبن
فحبيبه فضلت تضحك فتابعت رانيا بضحك احترم نفسك ياللي مشوفتش رباايه انت
علي بضحك الله حاجه حسيتها قولتها اكتمها جوايا يعني ؟
حبيبه بضحك لا ازاي ميصحش وراحت ملت المعلقه ومدتها قدامه
فعلي قرب كل منها وتابع بابتسامه اممم تسلم ايدك يا ست البنات تحفه بجد
حبيبه بفرح والله بتتكلم جد ؟
علي باعجاب والله جميل هشوف بس كريم فين ولما ارجع هخلصلك عليه
اسراء بخوف لا انت تعبان خليك وهو اكيد جاي
علي لا هموت وانام فهروح اشوفه علشان مش عايزه افوت النهارده ماشوفهوش اتاخر اوي
رانيا بابتسامه طب متتاخرش يا حبيبي وكلمه اعرف هو فين
علي بحب عيني حاضر وفينها اسيا نامت ؟
حبيبه بابتسامه اه نامت خبطت على اوضتها مفيش صوت ومحدش فتح
علي بحب طب كويس انها نامت يلا هنزل انا وبص لحبيبه وتابع وحياه علي عندك ذاكرتي النهارده ؟
فكلهم فضلوا يضحكوا فتابعت اسراء بضحك ربنا ما يحط حد مكانها ابدا ده خضها بالسؤال
فحبيبه فضلت تضحك وتابعت وحياه علي ذاكرت والحمد لله اني اتنيلت لاني مكنتش هعرف اكدب
علي بضحك ذاكرتي ذاكرتي ولا اي دلع ؟
حبيبه بضحك لا والله ذاكرت حلو
علي بابتسامه ماشي يلا روحي نامي بقى كفاياكي سهر
فحبيبه هزت راسها بماشي وعلي خرج من اوضته ونزل الشارع
--
عند نيره وكريم
نيره قاعده في حضنه وسانده راسها على صدره وتابعت يعني ماما صدقت ان احنا سوا بنجيب حاجات عادي ؟
كريم بحب اه متقلقيش وباس راسها بعمق وبص للساعه وتابع داخله على 1 اهي
نيره بتعب كريم انا عايزه امشي بجد خلاص تعبت من المستشفى
كريم بحب هنمشي يعمري حاضر 1 بالظبط هنتحرك
نيره بتعب عايزه اشرب يا كريم
فكريم اتعدل بلهفه وجاب الكوبايه من على الكومود وتابع يسلام امسكي يعيون كريم وبقى يشربها
فنيره شربت ورجعت نامت في حضنه تاني بوجع واحشني اوي
كريم باستغراب هو مين اللي وحشك ؟
نيره تنهدت بوجع وتابعت بابا
فكريم قلبه وجعه وغمض عينيه فتابعت نيره بوجع كان نفسي اشوفه واكبر معاه ويكون جنبي ويسلمني لعريسي انا فاهمه انك موجود والله وبتعمل كل الادوار في حياتي بس الفكره انا كنت محتاجه انطق الكلمه دي لما كنت ببص لاصحابي في صغري والاقيهم كلهم معاهم ابهاتهم في حفلات المدرسه كنت بغير اوي وعمو حاتم كان دايما يقول انا بابا بس طول الوقت كنت متاكده وواثقه ان كلمه بابا دي من حقك انت ولميا وهناء بس انا وحبيبه لا .. فكره انك تبقى يتيم بتوجع بس فكره انك اصلا عمرك ما حسيت يعني ايه بابا موجود بتقهر .. وبصتله والدموع متجمعه في عينيها وتابعت: كريم انا ساعات بشتاق اني احس الاحساس اللي عمري ما حسيته ده انت فاهمني ؟
كريم منع دموعه بالعافيه وتابع فاهمك طبعا وانتي عارفه ان كريم اكتر حد يفهمك بس ده امر ربنا وانا ربيتك على الحمد لله على كل شيء تقوليها في اي وضع وده نصيبك واختبار من ربنا تقيل ليكي لازم تنجحي فيه يا نيره فهماني ؟
نيره بدموع فاهماك والله ويا رب يجعل نديم الاب والزوج والحبيب ليا ولعيالي ويعوضني عن اللي معشتوش مع بابا
كريم قلبه وجعه جدا وجواه صراع بس ابتسم عكس كل حاجه جواه وتابع : يارب يعمري وباس جبينها بعمق وتابع وبردو كريم هنا وهو بابا واخوكي وصاحبك وحبيبك وكل حاجه ليكي ها
نيره بحب عارفه طبعا ربنا يديمك ليا وميحرمنيش منك ابدا
كريم بحب ويديمك ليا ينورعيني ورفع ايديها باسها بحب
وفونه رن فاتعدل يبص في الفون اتفاجئ انه رقم علي وتابع باستغراب : ايه ده ؟!! مين هيرن من فون علي وازاي !!
نيره بلهفه عادي يمكن هو استأذن في مكالمه رد عليه بسرعه
فكريم رد وتابع السلام عليكم ومستني يسمع مين بيتكلم
علي بضحك وعليكم السلام ورحمه الله وبركاته يا حج كريم ايه يا غالي هتيجي من الحجاز ولا ايه كل ده مستنيك ترجع من الشغل؟!
كريم اتصدم واتفاجئ وتابع علي !انت بتهزر صح تستناني ازاي يعني ؟!
علي بضحك ده والله انت انسان بارد ده الشارع كله عرف الخبر والعيله كلها عرفت متفضلش غيرك
كريم دموعه نزلت بفرح وتابع بتفاجئ وضحك : لا متهزررش انت خرجت ازااي يخرب عقلك
نيره بفرح : بتهزر عليي خررج والله !!!
كريم بضحك وفرح ااه شكله كده فنيره زغرطت بفرح فكريم فضل يضحك وتابع تعلالي بسررعه مستنيك انا في مستشفى النهاار
علي كان بيضحك اتصدم وتابع نعممم وبتعمل ايه هنااك انا كل ده فاكراك في الشغل
كريم بضحك لالا متقلقش تعالى بس ونبقى نحكي ونشوف الموضوع ده
علي بحب تمام اتفقنا وقفل معاه فنيره ضحكت وتابعت ده يافرحه قلب حبيبه بجد
كريم بضحك اكيد عرفت يحبيبتي ده بيقولك الشارع كله عرف
نيره بفرح طب ازاي انا مش قادره استوعب
كريم بضحك هنعرف لما يجي بس المهم خرج الف حمد وشكر ليك يارب ووطى يسجد ربنا شاكر وفضل يهمس بادعيه شكر وعينيه بتنزل دموع من كتر فرحته
فابتسمت نيره بتأثر وتابعت حقك عليا والله اهدى
فكريم قام وقف وحط ايديه عند مدمع العين وتابع بدموع فرح اهدى ايه بس يا نيره ده انا حاسس الدنيا كلها مش سيعاني .. انا مبعرفش اعيش من غير علي ولا اخطي مشوار في غيابه ده اخويا وصاحب مشواري
نيره بدموع وحب ربنا يديمكم لبعض يحبيبي يارب
كريم بفرح ياارب اللهم امين ياارب
وبعد شويه علي جيه واتصل بيه فرد كريم وتابع ايوه يا علوه معاك
علي انزلي بقى انا تحت اهو
كريم بفرح تمام ماشي وبص لنيره وتابع هجيبه وجاي هاا
نيره بحب ماشي
وبالفعل كريم نزل بيتسابق مع السلالم وشافه واقف برا فضحك بفرح ومكنش مصدق نفسه وخرج بسرعه وتابع بفرح وهو بينزل على سلالم المستشفى الخارجيه : يحيوان واحشتنيي
فعلي فضل يضحك وراح حضنه بقوه وطبطب على ضهره جامد وتابع بفرح وانت واحشتني اكتر ياقلب اخوك والله
كريم بصله بفرح وحط ايديه على وشه وتابع طب ازاي يخربيت اهلك يشيخ عملتهاا ازاي دي فهمني
فعلي فضل يضحك وتابع هفهمك والله بس انا معملتش حاجه ده هو صاحب الكاميرا كان واخد فلوس علشان يمسح التسجيلات وفي ظابط معايا اللي هو تبع اللوا ابو صاحبه حبيبه ده راح عرض عليه مبلغ اكتر فطلع التسجيلات وبقالي شويه مقدم على نقض وكده بس مقولتش لحد عشان محدش يعشم
كريم بدموع فرح منهم لله والله العظيم بس مش مهم المهم انك بقيت واقف قدامي وخرجت الحمد لله يا رب اللهم لك الحمد حمدا كثيرا وحضنه جامد وتابع انا مكنتش اعرف ان روحي فيك بالشكل ده يا حيوان مره توقع قلبي بالرصاصه وبعدين تسيبلي الدنيا كلها وتتحبس والله ياعلي الواحد حس ان ضهره اتقطم والاحساس ده اخر مره حسيته ساعه وفاه ابوك وابويا
علي بحب ودموع : ماعاش ولا كان اللي يقطم ضهرك ياخويا انا معاك وهفضل معاك العمر كله وحضنه جامد
فكريم دموعه نزلت في حضنه وضمه ليه اكتر وتابع واحشتني يا ابن الجزمه غيابك موتنا كلنا
فعلي ضحك من بين دموعه وتابع وانت واحشتني اكتر والله وبص للمستشفى وتابع بس طمني انت بتعمل ايه هنا
كريم بتنهيده كلام ليك نيره تعبانه شويتين والمحلول هيخلص وهناخدها ونمشي فمرضتش اقلق حد
علي بضحك بصراحه انت عملت الصح دي عيله تعشق النواح
كريم بضحك من بين دموعه اه انت هتقولي مانا عارفهم وابتسم وتابع بس والله العظيم فرحتنا انهارده بالدنيا برجوعك وافتكر وتابع بلهفه وسلمى صح اخبارها ايه دلوقتي و
علي بمقاطعه وحب متقلقش زي الفل وبقيت تتكلم وكلنا بخير
كريم بحب الحمد لله والله وحزن وطبطب على ضهره وباس راسه بعمق فعلي بصله وتابع عايز اطلب منك طلب ياكيمو
كريم بحب اطلب طبعا
--
تاني يوم قرب المغرب كانت حبيبه واقفه قدام مرايتها مبسوطه جدا ولابسه دريس بيبي بلو كم شفاف ماسك على الصدر وواسع لتحت وطوله لحد الركبه بالظبط وسايبه شعرها مموج حبه قدام والباقي مفرود ورا معدي ضهرها وحاطه ميكاب كشمير رقيق وروج كشمير غامق شويه وشكلها يسحر وقعدت تلبس الجزمه
فسمعت صوت علي وكان جيه وجهز ولابس قميص بيبي بلو تنى اكمامه لنص دراعه وبنطلون ابيض وساعه وتاعه ولابس كوتش ابيض وتابع ادخل يحبيبه فابتسمت وتابعت ادخل
فدخل وتابع اتاخرنا يا وسكت بذهوله من جمالها وبص عليها من فوق لتحت وتابع بضحك يخربيت امك ايه الحلاوه دي
هاله من برا بضحك تشكر يا تربيه ناقصه
فعلي فضل يضحك وتابع اركني انتي يا خالتي دلوقتي بقى ده كده ورايحه فرح رفيده اومال لو فرحنا هتعملي ايه
حبيبه بضحك بعينك فرحنا دي ووطت تلبس الجزمه ولونها ابيض فعلي شافها تاابع استني استني انتي ووطى يلبسهالها
فحبيبه اتوترت وتابعت لالا قوم انا هلبسها متتعبش نفسك
علي بحب بطلي عبط ولا اي تعب ولبسها الاولى ومسك التانيه يلبسهالها وتابع بابتسامه حقيقي شكلك زي القمر ويسحر
حبيبه بابتسامه بس مش غريبه الماتشي ده .. سبحان الله يامحاسن الصدف انت لابس قميص بيبي بلو وبنطلون ابيض
فعلي فضل يضحك وتابع لا مش محاسن ولا حاجه قصدك مخابث لاني إتخابثت وبعت سلمى شافت لون هدومك وقالتلي
حبيبه فضلت تضحك وتابعت انا كنت واثقه والله
فعلي لبسها التانيه وقام وقف وتابع بضحك ماخلاص يا بيبه قلبك ابيض الله ومسك كف ايديها قومها ولفها وتابع بابنهار: حقيقي جميله يخربيت حلاوتك يشيخه خليتي الواحد لو مات مكانه في جهنم معروف
حبيبه بضحك طب ماتتلم وتبطل تعااكس
علي بضحك طب ماتجوزيني انتي ولميني بالحلال
حبيبه بضحك بردو بعينك وطلعت فتنهد وتابع بضحك قويني على ما ابتلتني يارب وطلع وراها فشافتهم هاله فابتسمت باعجاب وتابعت يخواتي عليكم ربنا يحرسكم من العين قمرات
حبيبه بضحك بتجمعي ليه انا مالي بيه ده
علي بضحك يحبيبه ههزقك
هاله بضحك سيبك منها علشان خاطري انا ويلا روحوا وخلوا بالكم من بعض بلاش مشاكل ها
حبيبه بضحك امي بتوصي اتنين في حضاانه ايه ده يلا ياعلي يلا دي فضايح
فعلي فضل يضحك بشده وتابع نفس كلام امي مالهم دول انهارده وفتح الباب فحبيبه خرجت
فتابعت هاله بضحك معلش هما اللي انتوا رايحنلهم اشكال زباله بتاعت مشاكل فخدوا بالكم بردو
علي بضحك من عيني ياست الكل حاضر وخرج هو كمان ومسك ايد حبيبه ونزل فرانيا واخواته البنات كانوا باصين عليهم من البلكونه الا اسيا لان فارس واقف بعربيته علشان يوصلهم فتابعت سلمي باعجاب شديد: بسم الله ما شاء الله قمراات بجد
رانيا بفرح هي دي الثنئيات اللي تفتح النفس يناس والله
فعلي وحبيبه فضلوا يضحكوا بشده فتابعت اسراء بضحك استنوا نزلالكم بالمبخرره مينفعش تروحوا للصفراا من غير ماتتبخروا ودخلت بسرعه
ففضلوا يضحكوا اكتر فتابعت حبيبه بضحك مش هتجوزه خليهولكم يا خالتي مش عايزاه
رانيا بضحك شوف البت عيني فيه واقول إخيه
حبيبه فتحت عينيها جامد وتابعت بضحك يخالتي يخالتيي منا قيلاالك
رانيا افتكرت وتابعت بضحك يووه نسيت ايوه صح هي مبقيتش عايزاك ياعلي
علي بضحك اه منا مصدقكم انتوا هتقولولي
وخرجت اسراء وتابعت بفرح تعالوا قربوا يلا
فعلي فضل يضحك وتابع استر يارب مش برتاحلك والله كل ماتبخريني يحصلي مشكله
فكلهم فضلوا يضحكوا فتابعت اسراء بضحك طب اركن انت كده على جنب انا هبخر مرات اخويا الاول وفضلت تبخر حبيبه وتدعيلها وحبيبه بتضحك وهي وعلي وبعدين بخرت علي وابتسمت وتابعت خير المره دي باذن الله
علي بضحك اتمنى والله يلا يا بيبه
حبيبه بضحك يلا وراحت ركبت جنب علي ورا وفارس ساق بيهم للقاعه وبالفعل شويه ووصلوا ودخلوا كان المأذون بيقول كلمته الشهيره بارك الله لكما وبارك عليكما وجمع بينكما في خير والكل زغرط وعصام قام وخد رفيده في حضنه وكانت لابسه فستانها الابيض فعلي بص عليهم باشمئزاز وزعل من نفسه اوي انه سمح لنفسه يدخلها حياته في ويوم وحبيبه عماله تراقب ريأكشناته فبصلها وابتسم وتابع يلا نقعد خمس دقايق ونقوم نبارك ونمشي
فحبيبه ابتسمت وتابعت تمام وراحت بالفعل قعدت مع علي وطلعت فونها وتابعت بفرح علي تعالى نتصور
فعلي ابتسم وتابع يلا يعمري وبص معاها في الصوره وهي حطت الفون على الترابيزه وسندته وفضلوا يتصوروا بعدين اشتغلت اغنيه قول ايامي معاك وناس كانت بترقص كابل معاهم فحبيبه بصت عليهم وللحظه سرحت وابتسمت فعلي همس جنب ودنها عقبالنا يا حبوبه
فحبيبه فاقت من سرحانها وبصتله وتابعت تفتكر ؟
علي بضحك افتكر جدا ومسك ايديها وتابع تعالي وقاموا
حبيبه بلهفه ايه في ايه ؟؟
علي بحب هنرقص زي الناس انتي مش شايفه ان محدش قاعد غيرنا ولا ايه
فحبيبه ضحكت وحطت ايديها حوالين رقبته وعلي حط ايديها على وسطها وشدها ليه وتابع بحب بذمتك مش كفايانا عذاب وخلينا ندخل زي الناس دي بقى
فحبيبه فضلت تضحك وتابعت علي احترم نفسك بجد
علي بضحك والله جبت اخري وغلاوتك عندي حسي بيا يحس بيكي ربنا
فحبيبه ضحكت وبصت لرفيده لقيتها بصالها مش طيقاها فبصت لعلي وتابعت بهمس رفيده مش طالعه حلوه على فكره الميكاب اوفر
علي بحب تصدقي وتأمني بالله ؟
حبيبه بحب لا اله الا الله
علي بحب والله ماباصص على بنت غيرك
فحبيبه ضحكت بفرح وتابعت انت جايبني تاخد المواقفه على جوازنا ولا ايه
علي بضحك شوفتي ابتديتي ترضي عني اهو
حبيبه بضحك يعني مش اوي
فعلي مسك كف ايديها ولفها لما الاغنيه قالت " ايامي معاك انا عايش علشان بهواك انا عاشق وبموت في هواك انا ناسي في حضنك انا مين" ورجعها تاني قريبه منه وناس كتير خدت بالها منهم وفي اللي ميعرفهمش ابتسم واللي يعرفهم بصلهم بكرهه شديد ومنهم رفيده فعصام بصلها وتابع ركزي معايا ومالكيش دعوه بيهم ها
رفيده بغيظ انت ازاي تعزمهم ياعصام انا دمي بيتحرق يوم فرحي وبسببك
عصام برفعه حاجب: انتي اللي شاغله بالك بيهم في عز ما مفروض تشغلي بالك بيا ومتبصيش على حد
رفيده بتوتر لا طبعا مقصدش انا معاك اهو وبصتله فالاغنيه اتغيرت لتامر حسني والكل كان بيرقص عليها مع بعض الا حبيبه وعلي كانوا في عالم موازي وعلي حاطط ايديه على وسطها وهي ايديها حوالين رقبته فتابع مع الاغنيه بحماس: لو عشت احلف طول حيااتي كلها مش هقدر اوصف بحبك قد ايه ورفعوا ايديهم يعدوا سوا بحماس : هحتاج حياه اتنين تلاته على حياتي علشان اوصف يا حياتي بحبك قد ايه وفضلوا يضحكوا بشده فرفيده بصت لعصام بضيق ودموعها نزلت فابتسم وتابع استني بس انتي مش قولتي انك سمعتي ان حبيبه اللي خرجت علي
رفيده بدموع اه
عصام بخبث استني ثواني بقى وراح لعلي وتابع بابتسامه لا نورتني
علي بضحك ميرسي يغالي ولتاني مره بقولك مبروك على الخازوق
عصام بابتسامه وانا لتاني مره هقولك مبروك على خروجك بس مش عيب عليك تشغلوا حريمكم في البارات علشان تخرج من السجن
فعلي اتصدم بشده وحبيبه اتصدمت وحست قلبها وقع في رجليها فعلي مسك قميصه واتعصب بشده وتابع انت بتقول ايه يا ابن الكلب يا زباله انتتتت
عصام بعصبيه بقول اللي حصل حبيبه هانم بتاعتك راحت مع واحد شقته علشان تجيب دليل خروجك لان انا اللي عملت فيك كده واللي حكالي الشريط الراجل بتاعي
فعلي اتصدم بشده وبص لحبيبه اللي ماتت من رعبها وحست انها هيغمى عليها من كتر خوفها من علي