اللهم صل وسلم على سيدنا محمد
في صباح اليوم التالي
في الملجأ
المديره: في التاريخ اللي حضرتك قولت عليه دا في ٣ بنات دخلوا الملجأ في يوم واحد والتلاته خرجوا من هنا من ٧ سنين تقريبا
فتحي: كان في حادثه قريبه من الملجأ اهنه من ٢٥ سنه كان فيها اب وام ومعاهم بنتهم الاب والام ماتوا والبنت قالوا انها جات اهنه
المديره: انا مش هقدر أفيدك انا بشتغل هنا من ١٠ سنين بس ولما راجعت الارشيف لقيت ٣ بنات دخلوا الملجأ في اليوم دا
فتحي :طيب انا أقدر اوصلهم كيف
المديره :انت لو وصلت لواحده هتوصل للباقي لأنهم كانوا صحاب جدا وكانوا في كليه واحده كمان
فتحي: طيب ممكن معلومات عنهم لو سمحتي
المديره: حاضر دقيقه واحده
فتحي: اتفضلي
المديره :الملف دا فيه كل حاجه المفروض تعرفها عنهم انا ساعدتك عشان قولتلي أن الموضوع انساني وانك عايز ترجع البنت لأهلها بتمني تكون صادق
فتحي: مش عارف اشكرك كيف عن اذنك
المديره: اتفضل
خرج فتحي من الملجأ
ثم أخرج هاتفه كى يخبر فهد بما توصل إليه
فتحي: ايوا يا فهد
فهد :ها وصلت لحاجه
فتحي :ايوا المديره قالت في اليوم ده كان في ٣ بنات في نفس العمر دخلوا الملجأ بس حاليا هما خرجوا من هناك يجي من ٧ سنين
فهد: صوح طيب طيب هما فين
فتحي: اخدت منها ملف فيه معلومات عنهم وهروح ادور عليهم دلوقت
فهد: طيب يا فتحي طمني ها
فتحي :حاضر يا صاحبى
اغلق معه الخط
في المستشفي في القاهره
يارا :انا البت وعد وحشتني اوى
مريم: معاكي حق انا بفكر نروحلها
يارا :ازاى يعني والشغل
مريم: نقدم علي اجازه ونروح نقعد معاها يومين
يارا :والله فكره وبالمره نغير جو
في المستشفي في قنا
منيره: هنا يا ستي عجبتك قنا ولا لا
وعد: المكان هنا جميل كنت فاكره اني مش هعرف اقعد يومين علي بعض بس بصراحه حبيت المكان جدا والناس هنا طيبين اوى
منيره :وانا مبسوطه اوى أنك معايا هنا بصراحه ارتاحتلك اوى
وعد وانا كمان والله
في القصر
فهد بفرحه : صباح الفل يا حجه
بدريه: صباح الخير يا ولدى ربنا يفرحك يا ولدى اول مره اشوفك مبسوط أكده
فهد :طبعا يا حجه مبسوط وهبقى مبسوط اكتر لو اللي بالي اتحقق
بدريه: وايه اللي بالك يا حبه عيني
فهد: هتعرفي يا حجه بس مش دلوقت خليها مفاجاه
بدريه :صابره اهو لما نشوف صحيح كلم الدكتوره خليها تيجي تتغدى معانا
فهد :والله شكلي هغير من الدكتوره دى من يوم جات أهنه وانا مركون علي الرف
بدريه :كيف ده انتي قلبي انت ثم اكملت قائله يلا روح هاتها وتعالي
فهد :هههههههههه بردو حاضر يا حجه بدريه حاضر
في القاهره
يارا :مش هنكلم وعد ونقولها أننا رايحين لها
مريم :لا طبعا احنا هنعمل لها مفاجاه
يارا :بس احنا منعرفش هي ساكنه فين في قنا
مريم :متقلقيش كله تحت السيطره
يارا :انتي متاكده
مريم :عيب يا بت انتي معاكي مريم خليكي مطمنه
يارا :اه ماهو دا اللي مخوفني
مريم :بقى كده طب قومي بقي حضرى الغدا يا حجه لوحدك
يارا: ايه دا انتي بتقلبي ليه انا بهزر معاكي وكمان انتي عارفه اني مش بعرف اطبخ
مريم: يبقي تسمعى الكلام وانتي ساكته
يارا :في ضهرك يا كبير
مريم: ايوا كده ناس مش بتيجي غير بالعين الحمرا قدامى يا اختي نجهز الغدا
يارا بهمس: فينك يا وعد ترحميني من البت دى
مريم: سمعتك علي فكره
في قنا
في المستشفي
فهد بابتسامه: كيفك يا دكتوره
وعد :اهلا وسهلا يا فهد بيه اتفضل
فهد :لاا انتي هتيجي معايا الحجه عزماكي علي الغدا
وعد بابتسامه :مش هينفع يا فهد بيه عندى شغل كتير خليها مرة تانيه
فهد :انتي عايزه الحجه تحرمني من الوكل النهاردة ولا ايه
وعد: هههههههه وانا ميرضنيش دا طلبات الحجه أوامر
فهد هههههه طب يلا الحجه مستنيه
فى منزل فهد
بدريه بابتسامه: يا اهلا يا اهلا كيفك يا بتي
وعد: الحمد لله يا خاله انتي عامله ايه
بدريه: في نعمه يا بتي يلا يلا الوكل جاهز
علي الغداء
فهد :مرتاح في البيتيا دكتوره مش محتاجه حاجه ؟
وعد: الحمدلله مش ناقصيني حاجه
بدريه :والله ما عارفه ايه لازمتها البيت ما كنتي قاعده معانا أهنه وماليا عليا البيت
وعد: ازاى دا يا خاله انا تقلت عليكم اوى الفتره اللي فاتت
بدريه؛ تقلي براحتك كنت اشتكيت انا
وعد: هههههههه
في القاهره
يارا :احنا هنمشى دلوقتي ليه
مريم: يا بنتي هما يومين اجازه اللي اخدناهم خلينا نلحق نقعد مع وعد شويه
يارا :معاكي حق
مريم بغرور: مش عارفه والله من غيرى كنتوا عملتوا
يارا :تبا لتواضعك
مريم: يلا يا حجه بلاش رغى كتير
يارا: الصبر يا رب
في اليوم التالي
باب بيت وعد يدق
تفتح وعد الباب
مريم ويارا في صوت واحد: مفاجاااااااه
وعد :عااااااااااا انتو جيتوا ازاى
مريم :اتخضيت يا حج كامل صوح
وعد :هههههههه وحشتونى اوى اوى
يارا :خش في حضن اخوك يا فواز
وعد :هههههه ادخلوا ادخلوا
مريم: الله البيت حلو اوى
يارا :البلد كلها حلوة اصلا
مريم: معاكي حق
وعد: بس ايه المفاجاه الحلوة
يارا: فكره مريم قولنا نيجي نزورك ونغير جو شويه
وعد: فكره حلوة ارتاحوا دلوقتى وبعدين ننزل نتمشى شويه ونتفرج علي البلد
مريم ويارا في صوت واحد: اشطاااا
في مكتب فهد
فهد :الو ايه يا فتحي عرفت حاجه
فتحى :فهد هي الدكتوره اللي كانت عندينا في البلد اسمها وعد ايه
فهد :دكتوره وعد رأفت بتسال ليه
فتحى :واحده من البنات اللي دخلوا الملجأ اسمها وعد رأفت وهى دكتوره وقالوا إنها نقلت شغلها في قنا والبنتين الباقين اصحابها اسمهم مريم ويارا كانوا مع بعض في الملجأ
فهد :قصدك ايه
فتحي :قصدى أن ممكن تكون الدكتوره وعد هى نفسها ورده ابن عمك أو واحده من أصحابها دول
فهد بصدمه: معقول ده