ريم بذعر
أنا لازم الحق ابني وهران اتجنن خلاص لو مرحتش هيموتوه تعالي نروح قبل ما يعمله حاجه .
رابي
لا استني يمكن اللي حصل لصالحنا عامر عمل كده علشان قلبه الكره ماليه وعايز يضايقك باي طريقه ونقل كره وغله لابنه وبيطلعه ف غيث اعملي save للفيديوهات دي علشان بعد كده لما تحبي ترفعي عليه قضيه بضم ابنك هتكسبيها و هتمنعيه من أنه يشوفه .
ريم
ايوة بس انا خايفه اوي علي ابني خايفه يجراله حاجه بسببي لو مش انقذته منه .
رابي حضنها واتكلم بهدوء
اياكي تضعفي احنا بنعمل كده علشان نرجع كل حاجه لاصلها فاهماني ثقي فيا المرة دي و أنا اوعدك أن ابنك مش هيموت .
ريم
وهنعمل ايه ف اللي مرميه ع الأرض دي كده عندنا مصيبه هنتخلص منها ازاي .
رابي أمر حد من رجالته يدفنها ف اي مكان و ريم اتصلت ب روان وطلبت منها تتواصل مع عثمان البحيري بما انها رجعت مصر معاها .
تاني يوم عثمان البحيري كان ف شركه ريم و رابي معاها وبتقنعه بصفقه عمره بمقابل يلغي
شراكه الشغل مع عامر والنسب اللي بينهم ولأن عثمان مكانش مرتاح ل عامر وطلبه الغريب ف موضوع النسب بينهم وافق ع عرض ريم المربح بالنسباله و الصفقه تمت بينهم .
و رابي بطريقه ما خلي السكرتيرة اللي بعتها لشركه عامر تجيب الاوراق و العقود المطلوبه وعملت هي الصفقات دي وكسبت منها وخسرت عامر ملايين الملايين وعامر كان هيتجنن وحنانه بيطلعه سم ع ابنه وبيحرضه ضد الولد و ف يوم جاله اتصال من المدرسه ف ايطاليا .
عامر
خير يا مدام بتتصلي بيا ليه دلوقتي .
مديرة المدرسه
حضرتك مدفعتش الفلوس المطلوبه منك ده ميعاد دفعها و انت عارف بنهتم بالتفاصيل دي ازاي .
عامر
أنا مش دافع حاجه تاني حطوه ف دار ايتام أنا مش عايز اعرف الولد ده تاني غير اني عندي ازمه ف السيوله وياريت مش تتصلي تاني .
كان ناقصني ده كمان الغلطه اللي بسببها بدفع التمن عمري كله شكل الماضي مش هيسبني ف حالي وسمع صوت غيث بيبكي تاني اتعصب منه وراحله و فتح الباب ومسك بعنف .
اخرس بقي انت ايه مش بتبطل كان يوم اسود لما دخلت حياتنا بطل بكا والا هقتلك انت فاهم .
عند ريم و رابي كانت بتفكر هتعمل ايه مع وهران .
رابي
ها اي خطتك مع وهران بالظبط .
ريم
صفقه استحواذ ع شركه ف اليونان هنبعت ليه حد من عندنا ونقنعه أنه يشتري الشركه دي علشان ديونه و يمضي ع عقد بملايين وبعدين كل حاجه تختفي تماما ويغرق هو ف القضايا و الديون اكتر ايه رايك .
رابي
فكرة حلوة عجبتني بس خلي بالك اياكي تغلطي و لو حتي بجزء بسيط .
ريم
و الولد ايه أخباره مش المفروض يدفع فلوس المدرسه السنه دي .
رابي
للاسف عرفت أنه مش هيدفع حاجه و هيرميس الولد ف دار ايتام عامر مش يستحق أنه يكون اب ابدا .
ريم نفذت خطتها و وهران العرض اغراه ومضي من غير تفكير وبعد اسبوع بس العقود والمشتري اختفي و بقي عند وهران مشكله كبيرة وطلب مساعدة أبوه .
عامر
انت غبي حد يعمل حاجه زي كده انت اكيد مجنون .
وهران
عارف اني غلطت بس لازم تساعدني أنا محتاج فلوس ضروري .
عامر
انت تنسي اني اديك حاجه دي مشكلتك وانا مش شريك معاك اتفضل من هنا لاني مش فايقلك .
وهران اتصدم ف أبوه وراح الشركه يشوف حل أما عامر كان بيتصل ع ريكاردو علشان مدة تسليم السلاح بس مفيش رد .
عامر
رد بقي السلاح مش هينفع يكون المدة دي ف الشركه ومش عارف اتصرف ازاي
من غضبه رمي الفون وفضل يكسر ف المكتب بعنف .
ريم عملت تحليل أبوه من تاني وطلعت النتيجه ايجابيه وخبته ف خزنتها مع فيديوهات ابنها اللي بيبعتها عامر ليها ك ادله علشان يكون موقفها قوي ف ضم ابنها ليها بالكامل .
واتصلت ع عامر وهو أول ما شاف نمرتها رد بعصبيه .
عامر
عايزة ايه مش كنت خلصت منكم و لا الظاهر اشتقتي للفيديوهات اللي ببعتها ليكي بس قريب قوي هبعتلك فيديو لجثه ابنك الغير شرعي .
ريم
انت صدقت كدبتك بقي مش مكسوف من نفسك بتنكر نسب حفيدك ليك طبعا ما انت عملتها مع ابنك المرمي ف مدرسه داخلي ف ايطاليا .
عامر بصدمه
انتي عرفتي الموضوع ده منين وازاي تفتشي ورايا أنا هاخد روحك .
ريم
مش هتقدر تعمل حاجه معايا ورق يثبت وجود ابنك ف المدرسه دي لو مش بطلت الاعيبك دي ورجعت ابني ليا هكون فاضحه سرك ده للصحافة والإعلام وشوف هتنفي ده ازاي فكر ف كلامي .
عامر بغضب وغل
أنا هوريكي تهدديني ازاي يا بنت سفيان مش انا اللي يتلوي دراعي وعارف من زمان أن السر ده لو اتعرف هتكون نهايتي بس مش هتلحقي تعملي حاجه .
ونادي ع حد من رجاله وفهمه يعمل ايه بالظبط
والراجل نفذ راح لبيت سفيان وعمل مهمته من غير ما حد يكشفه و بعدها ريم خرجت من البيت راحت شركتها تتابع الشغل شويه وهي سايقه ف نص الطريق اتصل عليها رابي وفضل يتكلم معاها جت تدوس فرامل لقتها مش شغاله والعربيه انحرفت و ريم خبطت ف عربيه نقل و رابي سمع صراخها و ركب عربيته يشوفها وصل المكان بتاعها لانه عملها تتبع لقي الناس ملمومه جري عليها لقتها متغرفه دم ومغمي عليها .
رابي بخوف
ريم لا فوقي انت هتكوني كويسه متخافيش .
16
رابي ساق باقصي سرعه ع المستشفي و الدكاترة اخدوها منه وقعدت اكتر من ست ساعات ف العمليات و هو كان قاعد منهار خايف يخسرها هو بيساعدها لانه بيحبها يمكن هي مش هتعرف تحبه بس هيفضل يحبها ومتمسك بيها الخبر وصل ل عامر اللي ابتسم بشر و كان بيتعشي بهدوء وراحه وبص لابنه يشوف هل باقي عليها ولا رماها بطول دراعه ع الآخر .
عامر بخبث
معرفتش اللي حصل و لا ايه .
وهران باستغراب
خير ف حاجه جديدة مع عثمان وبنته .
عامر
لا دول سيبك منهم مش محتاجينهم بس ف حاجه تاني تخص طليقتك .
وهران لوهله خاف بس رجع لبرودة وقال بعدم اهتمام .
مالها لبستنا مصيبه تانيه .
عامر بشماته واضحه
لا عملت حادثه وهي دلوقتي بين الحيا و الموت مش عارف بقي هتقوم منها ولا لا و كمان .
ملحقش يكمل لأن وهران جري بسرعه لبرة يشوفها ويطمن عليها وعامر اتاكد أنه مش اتغير بس مش هيلحق يشوفها اساسا وبص الطبق بتاعه وخد طبق اكل تاني وحط فيه حاجه و اخده و اداه لغيث .
عامر
كل علشان لما اسلمك لامك تكون كويس عايزك تاكل كويس .
غيث لانه كرهم ومش بيحبهم رمي الاكل و اتكب كله ع الأرض عامر حس أنه خطته بتفشل و من غير تفكير ضربه بالقلم جامد وغيث فصل يبكي ويصرخ عامر اكتفي من صراخه مسكه ورماه ودماغه جت ع الحديد اللي وراه و الولد أغمي عليه وعامر سابه ومش اهتم لأمره .
عامر
علشان تتعلم تاني مرة تعصي اوامري وترمي الاكل عيل غبي كل ما اشوفك افتكر جدك .
وهران وصل المستشفي بعد ما عرف هي فين من واحد من رجالته وصل ولقاه قاعد ع الأرض و اوضه العمليات مشغوله .
وهران بلهفه
طمني عليها هي كويسه صح قولي انها بخير .
رابي
وبصفتك ايه تسال السؤال ده أخرج من هنا ولو شفتك قريب منها هقتلك فاهم .
وهران
انت باي حق تكلمني حدوته انك جوزها مش هتخيل عليا اه عاقبتها بابنها بس لسه بحبها أنا عايز اعرف هي كويسه ولا لا .
رابي قرب منه بهدوء و وهران حس بحاجه تقيله بص ع نفسه لقاه مسدس ومتصوب ناحيته ورابي بيبصله بنظرات مريبه .
رابي
اسمع الكلام و الا هحسرك ع خالك انت فاهم وحضر نفسك لمعركه داميه آخرها سجنكم و اه روح اتكلم مع ابوك وقوله هي هتكون بخير وحركاته مش هتنفع وكمان اطمن ع ع اخوك اللي راميه ف دار ايتام روح من هنا .
وهران كان عايز يفهم هو بيتكلم عن ايه بس الدكتور خرج ورابي خبي مسدسه وقرب من الدكتور بلهفه .
رابي
طمني هي كويسه ولا لا.
الدكتور
الحادثه كانت شديدة وحصولها مضاعفات كسور ف اضلاعها وكدمات ونزيف داخلي لازم نستني اربعه وعشرين ساعة لغايه ما تعدي مرحله الخطر .
رابي و وهران ف لحظه واحدة
ممكن اشوفها .
الاتنين بصوا لبعض و الدكتور باستفهام؟
مين فيكم جوزها .
رابي من غير نقاش
أنا أما هو محدش يعرفه أنا هدخل ليها .
الدكتور
مش تطول لأنها لازم ترتاح هننقلها العنايه و تقدر تشوفها .
ريم طلعت من اوضه العمليات والكدمات ملياها و رابي مشي جنبها لغايه اوضتها و فضل باصص عليها من برة وهران جه من وراه و لمحها كان عايز يخش وفعلا عمل كده بس رابي منعه .
رابي
اطلع من هنا فاهم ملكش حق حتي تشوف أيدها ولا اي جزء منها هي شخصيا .
رابي نتر أيده بقوة وزقه و وهران مشي من غير حتي ما يطمن عليها أما ريم كانت ف عالم تاني وشريط حياتها بيمر قدامها حبها ل وهران معامله عامر ليها كسرتها من وهران حملها و ولادتها موت ابوها و رابي اللي اقتحم حياتها فجاه خلاها تحبها بعد ما اتكسرت و اتغدرت من عيله الغرباوي بس فجاه سمعت صوت ابنها بيستنجد بيها وبيبكي كابوس عدي عليها و شافت نفسها بتجري ع ابنها وهو بيبعد بس بيستنجد بيها و يقولها الحقيني وهي بتصرخ عليه وفجاه فتحت عينيها وشهقت بصوت عالي وكانت بتنهج بصت جنبها لقته ماسك أيدها و نايم ريم حركت أيدها و رابي صحي ع حركتها .
رابي بلهفه
حبيبتي انتي كويسه حاسه بوجع و لاحاجه .
ريم بتالم
أنا موجوعه اوي حاسه اني متكسرة ه هو ايه اللي حصل .
رابي
ارتاحي هنده للدكتور يشوفك .
رابي نده الدكتور و فحصها وبلغ رابي أنها تجاوزت مرحله الخطر بس هتفضل ف المستشفي لغايه ما تتحسن الدكتور مشي وهو فضل جنبها .
ريم بوجع
هو ايه اللي حصل أنا كنت بكلمك وفجاه العربيه فاتت و مش حسيت بنفسي .
رابي
حادثه مدبرة الفرامل كانت مفكوكه تقريبا عامر كان عايز يتخلص منك انتي قولتيله حاجه .
ريم حكتله وهو عاتبها بس محبش يتقل عليها وكانت حاسه بوجع ف اضلاعها ورابي طلب من الممرضه مسكن وعطته ليها .
عامر عرف انها لسه عايشه من وهران وهو سكت بس كان بيخطط لحاجه تاني كلم حد وعرفه يعمل ايه بالليل حد دخل اوضه ريم وكان معاه حقنه قرب من المحلول وحطه .