واحدة من المساجين قربت منها و بصتلها ببرود وكانت بتقيمها .
فوزيه : و الحلوة جايه ف ايه بقي فكي كده انتي مشوارك طويل معانا اتكلمي .
ملك ببكاء وعصبيه
انا جايه ظلم فاهمه وبعدي عني اللي هيقرب مني أو يحاول يضربني هرتكب ف جنايه فاهمين خلاص مبقتش باقيه علي حاجه .
فوزيه بصتلها ببرود وهي بتقول اي كلام
تعرفي لو متي محدش فينا هيشوفك اساسا خدي السرير اللي هناك ده وخليكي مطيعه معانا والا وشك الجميل ده مش هتشوفيه كويس تاني فاهمه غوري .
ملك راحت مكانها من غير كلمه زيادة وقعدت مع حالها تفكر ف أيامها والحال اللي وصلت ليه معقول تكون دي النهايه الحبس هي مش مسامحه منال و لا اواب و تاليا التلاته دمروا حياتها بس هما لازم يدوقوا العذاب زيها .
أما ف فيلا اواب بعد ما رجع اترمي ع سريره بإهمال لسه ف دماغه بيفكر فيها برغم أنه سجنها لسه بيحبها هو مش عارف اللي عمله ده بدافع الغيرة ولا وسوسه تاليا هي السبب .
أما ف بيت وليد تاليا كانت مشغله اغاني و بتتمايل معاها وفرحانه و وليد قاعد قدامها بيمثل أنه فرحان معاها .
تاليا بسعادة كبيرة
اخيرا اتخلصت من مجايب الشوارع للابد فكرتك الجهنميه نجحت و بامتياز خلصت منها ورجعت اواب تحت سيطرتي تاني .
وليد
لا بس حركه ذكيه منك انك بعد ما نخلي منال دي تفوق وتبقي كويسه تخليها تشهد ضدها و تلبسها تهمه ف شرفها لا برافو انتي طلعتي خبيثه اكتر مني .
تاليا
اكيد يا حبيبي هي حبت تلعب معايا وانا بس عرفتها مقامها حتي الحمل خلصت منه هو كان اللي مقربهم من بعض واللي يكون مصدر تهديد انسفه .
وليد
و دلوقتي ناويه ع ايه هتقنعي اواب بالشحنه الكبيرة صح تاليا الشحنه دي فيها فلوس كتير و مش عايز اخسرها ودي مش مخد*ارت دي أعض*اء الشحنه اللي هتجيب لجوزك الإعد*ام و يفضي علينا الجو .
تاليا
مش تشغل بالك اديني تلات ايام وهقنعه بأنها صفقه شغل عاديه منك وهيمضي وهو مغمض .
وليد قرب منها بخبث ومسكها بحب مزيف
و انا واثق فيكي يا روحي تعالي انتي وحشاني كفايا تمايل وتعالي معايا .
تاليا ضحكت ليه وراحت معاه كل اللي حصل كان متصور صوت وصورة حذيفه قدر يدخل بيت وليد ويحط كاميرا ف كل مكان وهو دلوقتي شايفهم .
تاني يوم ف الشركه اواب دخل الشركه علشان كان في ميتنج مهم بس لما دخل حس أن الجو مشحون مش عارف اي السبب دخل مكتبه و اتفاجئ ب حذيفه قاعد مع الشركاء واصحاب صفقه الادويه .
اواب
انت بتعمل ايه هنا وقاعد مع الضيوف ليه .
فوزي
استاذ اواب اهدي اخو حضرتك كان ليتابع العقود وبصراحه دماغه هايله و ندمانين انتا مش تعرفنا عليه من زمان .
حذيفه بهدوء
اقعد يا اواب الشغل مش هيستني و لا احنا كمان نسنتني نطلع من صدمتك بيا هنا .
اواب اضطر يقعد من غير شوشرة وبعد تلات ساعات الاجتماع خلص وحذيفه قام قعد مكتب اواب .
اواب
ممكن تفهمني ايه اللي بيحصل انت بتعمل ايه ف شركتي لا و بتقود الاجتماع انت مالكش اي حاجه هنا .
حذيفه
لا ليا من النهاردة انا هكون ف الشركه دي وهغير النظام بتاعها بالمناسبه انا لغيت العقد مع وليد شريكك فاهم احنا مش محتاجينه .
اواب كان بيتكلم دخل عليهم وليد وهو متعصب .
وليد بغضب
انت باي حق تلغي عقدك معايا يا اواب ها فاكر نفسك مين انت مش عارف ان لغي العقود معايا هتضطر تدفع تعويض بس يا تري هتعرف تدفعه ولا نمشيها محاكم.
اواب
ممكن تهدي مش انا السبب اخويا اللي عمل كده انا بعتذرلك جدا انا هصلح ده .
حذيفه
و نصلحه ليه انا دلوقتي ف الشركه دي و هساعدك وانا مش عايزه هنا اتفضل احنا مستغنيين عن خدماتك برة .
وليد
هتندموا فاهمين مش انا اللي يحصل معايا كده .
أما ف السجن ملك كانت بتتعامل بسوء بس كانت ساكته بطلت تبكي كأنها استسلمت جت مسجونه معاها وقربت منها .
تحيه
انتي المستجدة صح .
ملك بدموع مش نازله .
انا هي خير ناويه تعملي معايا مشكله .
تحيه
و انا اعمل معاكي ليه يا غندورة تعالي ورايا في حد عايز يشوفك ومن غير كلام اتحركي .
ملك سابت جردل الميه و مشيت وراها من غير كلام فضلت ماشيه ف الطرقه لغايه ما وصلوا زنزانه ولما دخلت لقيت ست كبيرة قاعدة و بصت ليها .