العشاء انتهي ع خير وريم قعدت مع الستات تتعرف عليهم أما سفيان دخل مع أبوه وأخوه المكتب وريم كانت قلقانه بس نفت شعورها بسرعه وانتبهت للمسه ايد حنينه .
نهار والدة رابي و زوجه وادي
متخافيش الأمور تمام عارفه انك قلقانه وخايفه متخافيش مفيش اي نيه للغدر احنا بنتهم لأهلنا حتي لو كان مش من عالمنا احنا مختلفين أنا نهار زوجه عمك وادي و والدة رابي .
ريم استغربت من العربي بتاعها وسألتها .
ريم
انتي بتتكلمي عربي كويس غريبه يعني .
نهار بابتسامه
لانها كانت جزء من دراستي أنا محاميه سابقه والعربي كانت مادة جانبيه بس أنا اتعلمتها برغم من صعوبتها وكمان لأن وادي قلي ع اخوه اللي سابهم وراح مصر وهو كمان بيتكلم عربي كويس.
ريم بابتسامه
اه فهمت تشرفت بيكي
بصت قدامها لقته قاعد ومركز ف ملف ومش مركز معاهم .
هو ابنك صح .
نهار
قصدك رابي صح ابني الوحيد و بابتسامه وغير متزوج ع فكرة .
ريم فهمت قصدها
لو كنتي بتلمحي لحاجه ف أنا مطلقه يعني مش المناسبه لابنك ابدا .
نهار
وهو كمان مطلق بسبب الخلفه العيب منها مش منه يعني مناسبين لبعض وبعدين عمي متابعكم وكان عارف بموضوعك .
ريم ابتسمت ليها بتكلف بسيط وركزت مع ابنها و استئذنت تطلع الجنينه وفضلت تتمشي هي و غيث وكانوا بيلعبوا لفت نظرها اسطبل .
غيث
واو يا مامي تعالي نروح ارجوكي .
ريم
حبيبي عيب ندخل من غير استئذان ف وقت تاني ماشي اوعدك نروح مزرعه خيول ونقضي اليوم هناك موافق.
غيث بعند
لا خلينا هنا أنا عايز اجرب الحصان الغير ده ارجوكي تعالي .
ريم كانت بتحاول معاه بس هو عنيد بس بصت وراها لما سمعت صوته .
رابي
انتي ليه مش عايزة توديه الاسطبل عادي ممكن تروحي ف النهايه ده بيتكم .
ريم بهدوء
مش اتعودت اروح ناحيه حاجه مش بتاعتي وكمان مش مستئذنه صاحبها وبصت لغيث حبيبي هدور ع مزرعه خيول ونروح ماشي .
غيث زعل وكانوا هيدخلوا بس رابي مسك أيده .
رابي
مش انت عايز تركب المهر الصغير تعالي هخليك تركبه و اصورك كمان.
غيث بفرحه
بجد موافق عن اذنك يا مامي .
ريم استسلمت وقالتله يروح ورابي بصلها ؟
تعالي معانا هتنبسطي اوي مش هتخسري حاجه .
ريم راحت وهي مكسوفه دخلت الاسطبل وشافت فيه انواع كتيرة من الخيول وانبهرت بيهم لفت نظرها خيل هادي مزيج بين الأبيض والأسود وراحت ليه حطت أيدها والخيل تجاوب معاها .
رابي بص ليها وكان مبتسم ع ابتسامتها اللي سحرته ساب غيث مع حارس الخيول وراح عندها .
رابي
ده الفرس بتاعي سكون الليل سميته كده لانه هادي و بيتفاعل مع اللي بحبهم أو اللي بيرتاح ليهم والظاهر أنه ارتاح ليكي .
ريم بسعادة
فعلا أنا كمان حبيته اوي .
رابي باقتراح
تحبي اخدك جوله بيه .
ريم انتبهت ليه وانتبهت لنفسها .
لا شكرا أنا بس حبيت شكله وهدوءه غيث يلا بينا علشان مش نتأخر .
طلعت هي ابنها من الاسطبل متوترة ومش عارفه ارتاحت ف الكلام معاه كده ازاي هي خارجه من تجربه فاشله بالنسبه ليها وبعدين هي أول مرة تشوفه أما رابي لعن نفسه .
رابي
غبي مكانش لازم اقولها كده لازم ابقي حريص معاها .
أما سفيان ف كان مع والده ف المكتب بتاعه بيقولهم حاجه .
الكسندر بخوف وعدم تصديق .
ازاي الكلام ده من امتي وانت مريض يا غفران
لازم اقولك تيجي علشان تبلغني؟
غفران
أنا آسف يا والدي بس كنت برتب اموري وبحمي بنتي من عامر وشره عايز احميها باي تمن مش هي قويه بس فراقي هيكسرها وانا مش عايز كده ف لبيت دعوتك علشان تشور عليا .
وادي
وليه مش بلغتني انا ليه سايب نفسك ومحملها السر ده انت هتتعالج وهتبقي كويس فاهمني .
غفران
مفيش وقت يا وادي خلاص انا ف المرحله الأخيرة بوصيكم بس ع بنتي عايزكم تخلوا بالكم منها .
الكسندر بهدوء
عندي الحل عندي حل لخوفك ده بس اياك اسمعك تقول هموت تاني أنا هعالجك هنا فاهم .
وادي
وايه الحل يا والدي البنت مش هترضي تعيش معانا .
الكسندر
تقبل أنها تكون زوجه ابنك أنا عارف انها مطلقه بس مفيش حل ده مؤقتا .
وادي
يا والدي ده مش تفكيري ما رابي مطلق برضه بس هما هيرضوا .
الكسندر
نادي ابنك وانا هقنعه بالموضوع .
وادي بعت ل رابي وهو دخل ليهم بهدوء
رابي
خير يا جدي طلبتني.
الكسندر
رابي أنا عارف اني ممكن اكون بدمر حياتك و بغصبك ع حاجه مش عايزها بس ده الحل الوحيد .
رابي
ف ايه يا جدي قلقتني اي معني كلامك ده ؟
غفران
أنا بحتضر يا رابي وريم مش تعرف حاجه عن مرضي وخايف اموت واسيبها وخصوصا أن طليقها بيحاول يرجعها تاني هي تبان قويه بس لو انا موت هي هتنهار وتتكسر .
وادي : جدك اقترح انك تتجوزها ف المحكمه من غير ما تعرف بس يكون جواز مؤقت رايك ايه وأيا كان رايك احنا موافقين .
رابي قرب من عمه ومسك أيده
بوعدك اني هحافظ عليها وحمايه جوازنا مش هخبيها تعرفها غير ف الوقت المناسب وهحميها حتي لو من بعيد أنا موافق بس اوعدني انك تحارب مرضك و تتعالج .
غفران بتأثر ودموع
شكرا مش هنسي معروفك ده ابدا وانت يا وادي شكرا ليك انك هتقبلها ف عيلتك بس خلي مراتك تكون عارفه ويبقي سر بينا موافق .
وادي حضنه وهو بيبكي ومش عايز يتخيل أنه خسر اخوه الكبير حضنوا بعض و خرجوا من المكتب و وادي بلغ نهار بالموضوع وهي وافقت لأنها حبتها و تاني يوم كانوا ف المحكمه بيخلصوا الإجراءات وبقت ريم زوجه رابي .
ع الجانب التاني عامر كان خلاص اخد قراره واتصل ع الشخص اللي حاله اول مرة من فون خاص .
عامر
أنا جاهز عايز بس كميه كبيرة بحيث ياخد اعدام ع طول فاهمني .
المجهول بضحك
فاهمك هنفذ بسريه تامه بحيث لما يرجع من إجازته يتفاجئ باللي حصل ليه و يتقبض عليه ف المطار .
عامر باستغراب
إجازة مش فاهم .
المجهول
هو ف اسبانيا مع بنته و حفيده مبسوطين باجازتهم هما مبسوطين وابنك بيعاني الأمرين من بنته .
المجهول قفل وبعت صورهم ل عامر وهو كان مش مبسوط ولفت نظره صورة الولد ومحسش بمشاعر تجاهه بيفكر بعد سفيان يكون هدفه اللي جاي الولد ويحسر ريم ع اللي عملته ف ابنه .
دخل لابنه الاوضه اللي كان مش مهتم بحاجه ورمي قدامه الصور .
عامر
اتفضل شوف هي مبسوطه ازاي وانت بقي شكلك كده فوق بقي هي رمتك عملت مؤامرتي أو لا كانت هتعمل كده برضه وبعدين مش ليك ابن المفروض يكون معاك والا هيجي اليوم و هتخليك تكتب تنازل عن ابنك طول حياتك طالب بحقك فوق يا وهران والا هتبقي خسران كل حاجه ده الوقت اللي تفوق وتشوف الدنيا من حواليك .
وهران كلام أبوه فوقه ازاي هي كانت عايش حياتها مبسوطه وهو ف جحيم حتي منعته من ابنه ست سنين لازم يندمها ع ده .
قام وخرج من الاوضه وظاهر ع ملامحه الغضب هو لازم يندمها بسببها دمر شركته وحياته كلم المحامي وطلب يجيله فورا من غير تفكير قرر ياخد اغبي قرار ف حياته .
عامر كان متابعه من فوق وهمس بكره
عامر
ماشي يا بنت العزازي أنا هندمك ع ابنك و ابوكي ف يوم واحد عايز اشوفك انتي و بتطلبي مننا ابنك وبتتذللي علشان ابوكي وعايز اشوفك مكسورة ة حدش بيساعدك .
مر اسبوع ع قعدتهم ف اسبانيا رابي ملتزم بوعده و بيتابعها من بعيد و ابوها بياخد مسكنات وريم حست براحه شديدة معاهم بس كان لازم ترجع علشان الشركه بعدها بيومين رجعوا بس رابي كان معاهم بحجه أنه عايز يشوف مصر أول مرة وعامر عرف ميعاد رجوعهم وبلغ ع سفيان .
يدوب دخلوا الفيلا وبعد شويه البوليس كان عندهم ريم اتصدمت من وجودهم .
ريم
خير حضرتك ف ايه .
الظابط
معانا أمر بالقبض ع سفيان العزازي بتهمه تجارة الاسلحه .
ريم بصدمه
نعم اكيد فيه سوء تفاهم ابويا مش هيعمل كده اكيد.
الظابط
مش سوء تفاهم يا مدام احنا فتشنا مخازن الشركه ولقينا فيها كميه كبيرة سفيان اتاكد أن المؤامرة اللي كانت ضده اتنفذت وبص ل رابي وهو فهمه .
الظابط
اتفضل معانا لو سمحت بهدوء ومن غير انفعال .
ريم بصراخ
لا مش هروح ف حته اكيد حد عمل كده فيه بابا مش تخاف هجيب المحامي وهاجي وراك .
ملحقتش تتصل لان ف ظابط تاني جه و صدمها .
ريم
خير انتوا اخدتوا ابويا بتهمه كذب عايزين ايه تاني
الظابط
احنا هنا علشان ابنك يا مدام والده وهران الغرباوي رافع قضيه ضم حضانه ابنه ليه واتهمك انك حرمتيه منه عن عمد واحنا بنفذ الأوامر ادخلوا هاتوا الولد .
ريم كانت بتمنعهم و رابي بيهديها بس اخدوا ابنها وهي بتصرخ فيها مسكوها ورموها ع الأرض و اخدوا الولد بالقوة وهي كانت بتصرخ وتبكي ورابي حضنها و بيوعدها أنه هيخل المشاكل دي .
10
رابي
اهدي كل حاجه هتبقي تمام ؛ عمي هيخرج منها وهيبات ف بيته النهاردة ممكن تهدي علشان نعرف نفكر .
ريم بانهيار
اهدي مش هعرف اهدي أنا ماينفعش اتخيل حياتي من غير ابويا وبعدين دي تهمه تؤدي لاعدام ، وانا مش هسمح بده وبعدين وهران اخد ابني و بتقولي اهدي .
رابي
ايوة اهدي لأن الأمور مش بتتحل كده ؛ بوعدك أني هرجع عمي وابنك لحضنك بس ممكن تثقي فيا .
ريم بعدم وعي
بس أنا مش هعرف اثق فيكم ، مش يمكن انتوا اللي عملتوا كده ف ابويا .
رابي بعصبيه انتي بتقولي ايه انتي واعيه للي بتقوليه احنا مش ممكن نعمل ف حد من دمنا كده .
ريم
لا اكيد انتوا وهمتوه انكم مسامحينه وجبتونا لإسبانيا علشان تثبته حسن نيتكم ، وانتوا اساسا مدبرين ليه مصيبه ؛ يعني ليه البوليس قبض عليه النهاردة اتضح انكم غدرتم بيه .
رابي
مش هرد ع اتهامك ده دلوقتي ، واحنا مش ممكن نعمل كده انا هبلغ جدي باللي حصل وانتي اتصلي بالمحامي.
رابي بلغهم باللي حصل والكسندر اخد طيارة خاصه وراح ليهم ؛ هو و وادي وريم راحت لابوها ف النيابه ومعاها المحامي .
ريم
حبيبي انت كويس حد عملك حاجه .
سفيان بتعب
لا متخافيش أنا كويس المهم ، خلي بالك من غيث وانا المحامي هيشوف شغله .
ريم ببكاء
وهران اخد ابني بعد ما اخدوك ، ملحقتش افوق من صدمتك جم ظباط وقالوا إن وهران رفع عليا ؛ قضيه ضم حضانه وقال إني حرمته من ابنه .
سفيان بصدمه
ازاي ده مينفعش ده غير قانوني متخافيش أنا وابنك هيرجع ، ما دام معاكي رابي ثقي فيه .
ريم
اثق فيه ازاي وانا شاكه ، أن هما السبب ف انك هنا دي مش يمكن جدي مش سامحك .
سفيان بعصبيه
ريم اياكي تفكري كده تاني ابويا مش كان عنده نيه أنه يغدر بيا ده اكيد الشخص اللي اتفق عامر معاه ؛ و وادي جه يحذرني منه اياكي تفكري بالشكل ده ،رابي معاكي أنا واثق فيه انتي كمان ثقي فيه ممكن .
ريم
حاضر هثق فيه ، بس اوعدني تخلي بالك من نفسك و هنعرف اللي عمل كده فيك.
بعد اسبوع سفيان كان لسه محبوس ؛ وريم كانت منهارة ورابي بيطمنها ولسوء حظها أن جلسه ضم الحضانه كانت بدأت .
ف المحكمه كانت قاعدة وجنبها رابي ماسك أيدها بيحاول يطمنها ، وهي مرعوبه وصل عامر وقعد ف مكان تاني وبصلها وهي مرعوبه وكان مبتسم ع خوفها ؛ دخل وهران وغيث معاه واول لما شاف أمه جري عليها .
غيث بخوف
ماما الحقيني الراجل الوحش ده ، عايز ياخدك مني وكل ما اطلبك كان بيحبسني أنا عايز امشي معاكي .
ريم بدموع
اهدي حبيبي هتروح معايا ؛ وكل حاجه هتبقي تمام ماشي ثق فيا .
رابي بابتسامه
مش تخاف يا بطل انت قوي وهتروح معانا .
ريم راحت ل وهران واتكلمت .
ريم بغضب
اللي عملته ده مش قانوني ؛ مفيش حاجه تخليك تاخد ابني مني هو ف حضانتي انت فاهم .
وهران بغضب منها
بس انتي حرمتيني منه مشيتي فجاه من غير خبر و خلتيني اخسر كل حاجه ، وحرمتيني من ابني بس هحسرك عليه فاهمه ؛ وبتحدي مش هسيبه ليكي انتي حرمتيني منه وانا هندمك .
ريم بثبات
انت مش ليك حق ف ده، الحضانه ليا والقانون ف صفي انت فاهم .
وهران
انتي هنتيني ف اليوم هجرتيني فيه ، وخليتي ابوكي طلقنا بالعافية وانا لسه باقي عليكي بس انتي ادتيني قلم ف اليوم ده ؛ وانا هرده ليكي الضعف و هخليكي تندمي ع اليوم اللي اتجوزتيني فيه .
ريم بقلق وخوف
انت بتتكلم عن ايه؟
وهران بثقه
هاخد ابني منك وهخليه ينسي انك أمه ، وهكره فيكي لغايه ما يصدق ده فعلا.
ريم
و ازاي هتعمل ده ابني مستحيل يصدقك .
وهران
هتعرفي دلوقتي وهندمك ع منعك من حقي اني اعرف بيه كل المده دي ، وهدعي انك مش امينه ع ده و هقدم ادله وورق تثبت ده .
رابي بغضب
تراجع عن اللي بتعمله ،علشان انت اللي هتندم بعدين لو نفذت خطتك .
وهران بغيرة خفيه .
مين ده وبصفته ايه يتكلم عن موضوع مش يخصه .
رابي
لا يخصني كل اللي يخص ريم يخصني ومش هسمحلك تقرب منها فاهم .
ريم
انت مش هتعرف تعمل ده وهثبت للكل ؛ اني اكتر واحدة امينه علي ابني وانتوا اللي ناس مؤذيه .
وهران بابتسامه خبيثه
هنشوف اللعبه لسه هتبدا .
القاضي دخل وقعد وبص ل وهران بعد ما نادي ع قضيته .
القاضي
سيد وهران انت ليه عايز حضانه ابنك ، برغم أنه هو حاليا وقانونا ف حضانه والدته .
وهران بثقه
لانها غير امينه وغير مؤهله نفسيا يا حضرة القاضي هي بتعاني من ازمات ،وغيرة كده ابوها تاجر سلاح هل ينفع أأمن ع ابني معاهم .
القاضي
معاك دليل ع كلامك ده .
محامي وهران قدم كل الادله اللي تثبت ده ولأنهم ادله مزورة ،المحامي حرص أنهم يبانوا حقيقيين باقصي درجه القاضي بص ف الورق .
القاضي
الحكم بعد المزاوله
بعد ساعه القاضي دخل وقعد ع كرسيه
وقف القاضي في قاعة المحكمة، عينيه تنظران لوهران وطليقته. "بعد ما شفت التقارير النفسيه اللي اتقدمت عنك، يا مدام، ، حكمت المحكمة بحضانة الطفل لصالح الأب."
اتصدمت ريم ودموعها نزلت على خدها. "إزاي؟ ده ظلم!" صرخت.
"التقارير النفسيه أثبتت إنك مش مؤهلة نفسيا لرعاية الطفل" قال القاضي بجمود. "والأب هو الأحق بحضانته."
وهران حس بالانتصار، وابتسم بفرحة. "أخيرًا، ابني هيكون معايا" أنا هعرفك ازاي تحرميني منه.
"بس ده مش عدل" قالت ريم بانهيار. "أنا أمينة على ابني، وهعمل كل حاجة عشان أثبت ده."
"الحكم نهائي" قال القاضي. "والأب هو المسؤول عن الطفل من دلوقتي."
القاضي مشي وريم كانت بتبكي وعامر كان شايفها و اتشفي فيها و ف نفسه دلوقتي جه وقت الصدمه التانيه .
خرجت من القاعه ورابي معاها ومش كانت قادرة تصلب طولها و بتبص ع ابنها وهو بيروح منها وجه محامي ابوها .
المحامي
مدام ريم انتي كنتي فين ف مصيبه حصلت .
ريم بخضه
خير قلقتني ابويا جراله حاجه .
المحامي
ف قضيه جديدة اتحركت ضد والدك والتهمه مش اتجار وبس دي اتجار وتهريب .
ريم اتصدمت ورابي مش مصدق أنه ده يحصل واتكلم.
رابي
مش المفروض جلسته بعد اسبوعين ايه اللي خلاهم يحكموا فيها دلوقتي .
المحامي
ف شخص ورا اللي حصل واللي خلاه القاضي يكون ف جلسه النهاردة .
ريم كانت بتسمعهم وهي مصدومه وكان الأرض انشقت من تحت رجليها معقول تخسر الاتنين ف يوم واحد .
فجاه وقعت ع الأرض مغمي عليها ورابي صرخ باسمها و وهران انتبه لاسمها.
رابي بخوف
ريم ردي عليا فوقي ارجوكي .
وهران جري عليها بخوف وكان هيلمسها بس ايد رابي منعته.
رابي بغضب وتهديد
ايدك مش تعتمد عليها ولا تلمسها والا هكسرها فاهم مش نفذت اللي انت عايزة غور من هنا .
وهران
وبصفتك ايه بتكلمني كده اه .
رابي بهمس غاضب وتوعد
بنت عمي ومراتي وانا هندمك ع اللي عملته انت و ابوك انت فاهم .
نتر أيده بقوة وشال ريم وقال للمحامي يتصل بالاسعاف و ساب وهران ف صدمه من اللي سمعه .
أما عامر اتصل عليه وبلغه.
عامر بكره وتشفي
اللي خططنا ليه حصل وهي دلوقتي بتعاني واغمي عليها و الدور ع سفيان لما يموت .
المجهول قفل معاه وضحك بخبث وشر كبير .