صباح يوم جديد .
فهد وحياه وصلو الشاليه اللى فى شرم الشيخ .
حياه:اخيرا وصلنا تعبت اوى .
فهد ضحك:طب يلا نغير ونرتاح شويا .
حياه:هدخل اخد شاور وننام .
فهد:وانا بردو هاخد شاور فى اى حمام تانى .
فهد وحياه اخدو شاور وغيرو ونامو بسرعه بسبب تعب السفر .
بقلم الكاتبة جنات
ــــــــــــــــ★ــــــــــــــ
فى القصر .
الفهد كان قاعد مع زين واسر فى المكتب .
زين:وحضرتك عرفت مين اللى بعت الورد لحياه .
الفهد:لا ... مافيش غير العامل اللى وصل البوكيه لراجل الامن .
اسر:ماحنا ممكن نعرف منه .
الفهد:وتفتكر انا معملتش كدا ... جبته وسالته قال ان فى رقم اتصل على محل الورد وطلب الاوردر واداهم العنوان .
زين:اكيد حضرتك اخدت الرقم عشان تعرف مين صاحبه .
الفهد:مش متسجل للاسف ... وكمان مقفول يعنى مش هنقدر نوصله .
اسر:انا مستغرب فهد انه عدى الموضوع كدا .... هو من طبعه غيور جداا وخصوصا على حياه .
الفهد:لا هو معداش الموضوع ولا حاجه .. فهد اتحرك قبلى وعمل نفس اللى انا عملته بس مقدرش يوصل لحاجه بردو ... النهايه كانت مقفوله ليا وليه .
زين:انا مستغرب مين ممكن يعمل حركه زى دى .
اسر:حركه غريبه وفى نفس تخلينا نخاف على حياه .
الفهد:متقلقوش ... هما بعيد عننا اه بس فى عيون عليهم وبعرف اخبارهم ثانيه بثانيه .
اسر:تمام يا عمى .
الفهد:يلا عشان نفطر وتروحو الشركه .
زين:حاضر .
الكل خرجو من المكتب واتجمعو على السفرة وفطرو سوا وبعدها كل واحد راح على شغله .
بقلم الكاتبة جنات
ــــــــــــــــ★ــــــــــــــ
فى ڤيلا ادهم .
اسيل:النهارده كلنا معزومين فى القصر .
ادهم:الفهد قالى .... تمام نخلص الشغل ونرجع كلنا على هناك .
ادم:هتروحى المستشفى النهارده يا حبيبتى .
ديما:ايوا يا ادم عندى عمليه واحده اخلصها ونروح على هناك .
ادم:خلاص هابقي اجى اخدك واخد ماما وحور ونروح القصر .
ادهم:كدا تمام ... يلا عشان منتاخرش يا ادم .
ادم:يلا يا ديما عشان اوصلك .
ديما باست حور من راسها وخرجت مع ادم .
بقلم الكاتبة جنات
ــــــــــــــــ★ــــــــــــــ
فى قصر الفهد .
تماارا ومريم ومروة وشروق كانو فى المطبخ بيجهزو الغدا عشان عيله ادهم جاين يتغدو معاهم وكمان مراد وسيلا .
مريم:كله تمام ... الاكل يستوى نطفى عليه ويبقي كله تم يا معلمين .
تماارا:لسه العصاير يا ختى .
مروة:والحلو يا ختى .
شروق ضحكت:يعنى مافيش راحه يا ختى .
كلهم ضحكو .
دخل عليهم جنه وزينه وجميله .
جميله:ده ايه الخيانه دى بتتضحكو من غيرنا .
زينه:ما ضحكونا معاكم .
جنه:مالكو فى ايه ؟!
تمارا:مافيش حاجه يا حبايبى .... خلصتو القاعده اللى برا .
جميله:اه يا توتا .
مروة:زينه يا حبيبتى اعملى انتى العصاير .
زينه:من عيونى يا مرمر .
شروق:ملكه الحلويات هااا هتعمليلنا ايه النهارده .
جنه:شوفو عايزين ايه .
مريم:ماينفعش عزومه من غير كيكه الشوكلت بتاعه جوجو .
شروق:وانا نفسي فى رز بلبن الحلو بتاعك يا جوجو.
جميله:وياسلام بقا لو صنيه مكرونه بلبن يا حلاوة يا ولاد
تمارا:انتو بتحققو احلامكو على قفا الغلبانه دى ... بصي يا جوجو انتى هتعملى الكيك ده اكيد ورز بلبن عشان الرجاله كلهم بيحبوه ... بس كدا .
جنه:من عيونى يا توتا .
جميله:طب زينه هتعمل العصاير وجنه الحلويات انا هاهبب ايه فى اليوم ده !
شروق:جيبى الاطباق من الاوضه المخزن يا ميلا .
جميله:اوكى .
الكل بدا يقوم بمهمته وبعد وقت طويل خلصو الاكل وكل حاجه بقت جاهزة وقعدو يستنو الرجاله والشباب يجو من الشركه .
بعد وقت طويل الكل رجعو من شغلهم .
واسيل وحور وسيلا ويزن .
الكل اتجمعو واتغدو سوا فى الجنينه الخلفيه للقصر .
وبعد ما خلصو اكل قعدو كلهم سوا بيتكلمو وبيضحكو ويهزرو .
سيلا:القاعده دى ناقصها البت حياه .
حنين:ونبي يا ختى اتنيلى ... ده تلاقيها عماله تتفسح وهايصه ولا بتفكر فى امنا اصلا ..... والله ده ظلم ناس تروح شرم وناس مقضياها تصاميم .
الفهد:زين فى تصميم لحضانه مش كدا ؟!
زين:ايوا يا بابا .
الفهد:سلم حنين المشروع ده خليها تجهز التصميم .
حنين:لا والله ده ظلم بقااا .... يرضيكى كدا يا توتا !!
تمارا:لا طبعا يا حبيبتى .... فى ايه يا فهد مالك مستقصد بنوتى كدا ليه .... بعدين دى حفيدتك .
كنان:الفهد فى شغله ميعرفش امه يا تمارا .
سيلا:بصراحه بقا معاها حق .... ماحنا كمان من حقنا نسافر .
الفهد:اعملى حسابك يا سيلا هانم هتجهزى ميزانيه الحضانه اللى هتصممها حنين .
مراد ضحك:حد قالك تتكلمى .
اسيل:يووووه بقااا احنا بقالنا فترة مسافرناش سوا .
ادهم:فترة ايه يا اسيل يا حبيبتى اومال لما روحنا الغردقه من شهر ده كان اسمه ايه .
جميله:معلش خدونا على اد عقلنا وسافرونا ونبي .
حنين:ونبي يا جدو انشالله تدوينا جمصه انا موافقه .
كلهم ضحكو على كلام حنين .
الفهد:انا كنت ناوى اخليها مفاجاه بس يلا .... جهزو نفسكو هنروحلهم كمان اسبوع .
حنين:هنروح لمين .
حسن:لفهد وحياه .
حنين:يعيش الفهد يعيش يعيش يعيش .
ديما:بس انا مش هقدر اكون معاكو يا جدو .
الفهد:ليه يا ديما ؟
ديما:لان فى حاله جديده جت المستشفى وانا المسؤله عنها ومش هينفع اسيبه وخصوصا انه هيعمل عمليه فى قلب والحاله مش مستقرة .
ادم:اى حد يمسك الحاله على ما نيجى يا ديما .
اسر:ده اسبوع واحد يا حبيبتى .
الفهد:انا هكلم دكتور رفعت يمسكها على ما تيجى متقلقيش يا ديما .
ديما:حاضر يا جدو .
ايان:يارب بس تكون نفسيتك ارتاحت يا حنين هانم .
حنين:مرتاحه جدا جدا جدا .... مانتو لو مكنتوش سفرتونى كنت هفضل اقر على حياه وفهد .
ريان:هو انتى كل ده مقرتيش عليهم يابنتى .... ده انا حاسس ان احتمال الشاليه يولع بيهم .
كلهم ضحكو .
بقلم الكاتبة جنات
ــــــــــــــــ★ــــــــــــــ
بليل فى شرم الشيخ عند فهد وحياه .
فهد صحى ودخل الحمام ولما خرج كانت حياه صاحيه وقاعده على السرير .
فهد:صباح الجمال يا حياتى .
حياه:صباح النور يا حبيبي .
فهد:هو احنا جاين عشان ننام ..... يلا عشان نخرج .
حياه:هغير بسرعه ونخرج .
فهد:يلا .
بعد شويا فهد وحياه كانو لبسو وخرجو .
راحو اتعشو فى مطعم وبعدها راحو يتمشو على البحر .
فهد وحياه كانو ماشين وفهد كان ماسك ايدها بحب .
حياه حطت راسها على كتفه وهما ماشين وفهد حاوط خصرها بدراعه .
حياه:فاكر ايام شهر العسل بتاعنا يا فهد .
فهد:وانا اقدر انسي احلى ايام فى حياتى يا حياه .
حياه:انا بحبك اوى يا فهد اوى .
فهد:وانا بعشقك يا حياه الفهد .
حياه بعدت عنه وجرت قدامه .
فهد:هى بقت كدا .
حياه هزت راسها باه وجرت وفهد جرى وراها وكانو مبسوطين .
فهد وصل عندها وحاوطها من ضهرها ورفعها من على الارض ولف بيها ودخل بيها ووقف فى البحر ونزل حياه قدامه .
فهد:ربنا يخليك ليا يا حياه .
حياه:ويخليك ليا يا فهد .
فهد وحياه قضو وقت جميل سوا وبعدها رجعو على الشاليه .
حياه دخلت اخدت شاور وخرجت كان فهد واقف فى البلكونه بعد ما غير هدوم مريحه لنوم .
حياه وقفت قدام المرايا ومسكت الفرشه وبدات تسرح شعرها الطويل .
فهد خرج من البلكونه وقرب منها وحاوطها من ضهرها وسند دقنه على كتفها .
حياه ابتسمت بحب وهى بتبص على انعكاسهم فى المرايا.
فهد اخد منها الفرشه ولفها ليه وقرب من وشها اوى .
حياه بكسوف:فهد .
فهد بحب:روح وقلب فهد .
وقرب منها واخدها لعالم خالص بعشقهم .
بعد وقت طويل كانت حياه نايمه فى حضن فهد اللى صاحي بيتأمل ملامحهم بعشق وفاق على صوت مسدج وصلت لفونه .
فهد مد ايده اخد الفون من على الكمود ..... وفتح المسدج وعينيه فتحت على اخرهم من الصدمه .
وهو شايف صور لحياه لما كانت معاه فى المطعم وكمان وهى بتجرى على البحر وهى بتضحك وكل حركه ليها .
وبعدها وصله مسدج من نفس الرقم " كان نفسي اقولك تتهنو سوا .... بس للاسف حياه هتكون ليا انا لوحدى وقريبا جدااا "
فهد اتعصب جدااا وقام من جمب حياه وخرج البلكونه ورن على الرقم بس للاسف كان مغلق وكان هيتجنن .
فهد رن على ادم اللى رد عليه:وانا قولت انك هتنسانا اصلا اليومين دول .
فهد بعصبيه:ادم هبعتلك رقم عايزك تعرفلى ده بتاع مين .
ادم:مالك يا بنى انت كويس ؟
فهد:اعرفلى بس ده رقم مين وانا هابقي افهمك بعدين .... المهم محدش يعرف بالموضوع ده غيرك فاهم .
ادم:حاضر يا عم ابعت .
فهد:ماشي هقفل معاك وابعته ... سلام .
ادم:سلام .
فهد قفل مع ادم وفضل واقف فى البلكونه وكان هيتجنن مين اللى ممكن يتجرأ ويصور مراته .... مش متخيل ان فى حد معاه صور لحياه وهى بالجمال ده وبيتأمل فيها .
وفضل قاعد فى البلكونه طول الليل وعينيه ماشافتش النوم .
بقلم الكاتبة جنات
ــــــــــــــــ★ــــــــــــــ
صباح يوم جديد .
فى شركه الفهد .
ادم:انا عرفت حضرتك لانك قولتلى لو حد من العيله طلب منى حاجه لازم الفهد يعرف قبل ما اعملها .
الفهد:تمام يا ادم ... المهم عرفت حاجه عن الرقم اللى طلبه .
ادم:لا للاسف مش متسجل وكمان مقفول يعنى مش هنقدر نوصل لاى حاجه عن صاحبه .
الفهد:تمام روح مكتبك يا ادم .
ادم خرج من المكتب والفهد كان متاكد ان ده تبع اللى بعت الورد طالما ادم قاله ان فهد كان متعصب جداا .
الفهد رن على حسن عشان يجيله .
حسن دخل المكتب:مالك يا فهد ؟
الفهد:سلم كل الشغل لحسين ... وعرف العيله كلهم اننا هنسافر النهارده وهنفضل هناك اسبوع ونرجع .
حسن:ليه يا فهد ايه اللى حصل ؟!
الفهد:فاكر موضوع الورد اللى جه لحياه .
حسن:ايوا ... حد بعتلها حاجه تانى ؟
الفهد:مش عارف بس فهد كلم ادم بليل وقاله انه هيبعتله رقم وعايز يعرف مين صاحبه وكان متعصب جدا .... لازم نروح ونبقي معاهم يا حسن .
حسن:خلاص هفهم حسين كل حاجه وهو اد المسؤليه .... وهخلى مروة تعرفهم فى البيت يجهزو كل حاجه .
الفهد:يكون احسن يلا نتحرك .
حسن:تمام .
بقلم الكاتبة جنات
ــــــــــــــــ★ــــــــــــــ
فى شرم الشيخ .
حياه صحت وماكنش فهد جمبها .
قامت من على السرير وشافته واقف فى البلكونه .
حياه:فهد انت صاحي من بدرى .
فهد لف وبصلها اوى ومردش عليها .
حياه باستغراب:فهد مالك ... انت ما نمتش طول الليل عينيك حمرة كدا ليه ؟!
فهد دخل الاوضه وقعد على السرير .
حياه قعدت جمبه:مالك يا حبيبى انت كويس ؟!
فهد:كويس يا حبيبتى .... قومى غيرى عشان ننزل نفطر ونروح موقع المنتجع عشان نتمم على كل حاجه .
حياه:حاضر يا فهد .
حياه دخلت الحمام وفهد قرر انه ميعرفهاش حاجه عن الصور اللى جيتله .
بعد وقت طويل كانو واقفين فى الموقع بعد ما فطرو فى المطعم .
حياه:ماشاء الله المنتجع يجنن .
فهد:على ما يوصلو العيله هيكون خلص والفهد هيفرح جدااا .
حياه:هما جايين ؟!!
فهد:ايوا جدو قال بعد اسبوع .
حياه بفرحه:حلو اوى انا فرحانه انهم جايين هيبقي اسبوع حلو اوى .
فهد:اكيد .
حياه بصتله:مالك يا فهد من وقت ما صحيت وانت متغير .... انا عملت حاجه زعلتك منى !
فهد ابتسم:عمرى ما اقدر ازعل منك يا حياتى .... انا بس راسي مصدعه شويا .
حياه:سلامتك يا حبيبى .... طب كنت خد برشامه عشان الصداع .
فهد:لما نرجع الشاليه هابقي اخد يا حياتى .
حياه:هنعمل ايه الوقت ؟!
فهد ضمها لحضنه:حياتى عايزة تعمل ايه ؟
حياه:نفسي انزل البحر .
فهد:يبقي نحقق لحياتى اللى نفسها فيه ... هنروح الشاليه وننزل البيسين .
حياه:انا بقولك البحر يا فهد مش البيسين .
فهد:عبيط انا عشان انزلك البحر قدام كل الناس دى .... يلا يا حياتى احنا ننزل البيسين براحتى .
حياه:حاضر .
بقلم الكاتبة جنات
ــــــــــــــــ★ــــــــــــــ
فى قصر الفهد .
الكل كانو بيجهزو شنطهم عشان السفر .
تمارا:مش فاهمه ايه اللى غير رايهم .
مريم:مش عارفه والله .
شروق:طب كنا نسافر بكرة بدل اللبخه دى .
مروة:معرفش بقا وانا كلمت اسيل عرفتها تجهز وسيلا كمان .
الرجاله وصلو القصر .
الفهد:جهزتو الشنط .
تمارا:ايوا يا فهد .... فهمنى بس انت غيرت رايك ليه ؟!
الفهد:عادى يا تمارا ... مش انتو حابيين تسافر .
حنين دخلت القصر وجرت على الفهد حضنته:حبيبي يا احلى جدو .
الفهد ضحك:يلا اطلعو حضرو الشنط بتاعتكو على ما ادهم ومراد يوصلو مع عيلتهم .
حنين:هوااا يا جدو .
بعد وقت طويل الكل كانو فى عربياتهم واتحركو على شرم الشيخ .......