_خرج بكر من بيته ومعاه خمس ثعابين وصفاء خرجت وراه وفضلت ماشيه وراه من غير ما يحس بيها لحد ما لقيته وقف جنب بيت ورمي الخمس ثعابين فيه؟
_وبعدين رجع على البيت وصفاء سبقته من طريق تاني عشان توصل قبله وما ياخدش باله إنها خرجت وراه وتاني يوم صاحب البيت جه لبكر عشان شاف أكتر من ثعبان ف بيته وجه ياخد بكر عشان يطلعهملو..بقلم..محمد طه
_وبكر راح معاه لكن ما طلعش حاجه من البيت وقال لصاحب البيت يبقي يعدي عليه ف بيته عشان الموضوع كبير وبالفعل راح صاحب البيت اللي فيه الثعابين لبكر عشان يفهم فيه إيه
_بكر بترحيب..أتفضل يا حاج عبدالعظيم..البيت بيتك..دا بيت بكر الحاوي نور بوجودك
_عبدالعظيم..تسلم يا بكر يا ولدي..ربنا يجعله عامر
_بكر بصوت عالي..الشاي يا صفاء للحاج عبدالعظيم
_تدخل صفاء بكل غضب وتقعد قدامهم..مفيش شاي ومفيش سكر ومفيش ف البيت أي حاجه لا تتشرب ولا تتاكل.. حتي الميه قاطعه
_بكر بإبتسامه..أحم.. معلش يا حاج ماتزعلش منها..
أصل إحنا لسه متخانقين..حضرتك عارف بقي البيوت ما بتخلاش من المشاكل..بقلم..محمد طه
_عبدالعظيم..لأ يا ولدي أنا مش زعلان..ربنا يهدي النفوس..وبعدين أنا لا جاي آكل ولا أشرب..خلينا ف اللي أنا جاي عشانه..قولتلي إن موضوع الثعابين اللي ف بيتي كبير..فهمني يا ولدي
_بكر بص لصفاء على أساس إنها تقوم وتدخل جوه وتسيبهم لكن صفاء بصتله بكل غضب وزي ما تكون بتقوله إنها مش هتقوم..واضطر بكر إنو يتكلم قدام صفاء
_بكر..شوف يا حاج عبدالعظيم..فيه ثعبان كبير موجود عندك ف البيت..والثعبان دا أنثي مش ذكر
الروايه حصري فقط على صفحه محمد الشاعر
_عبدالعظيم بإستفهام..وأنته عرفت كيف يا ولدي إنها أنثي..مش ذكر
_بكر..ما أنا جايلك ف الكلام يا حاج عبدالعظيم..الكام ثعبان اللي أنا وأنته شوفناهم عندك ف البيت دول..
دي ثعابين صغيره..معني كده إن الثعابين دي مولوده ف البيت.. يبقي الثعبان الكبير اللي موجود ف البيت أنثي..واللي حضرتك ما تعرفوش إن الثعابين دي بتبيض وف البطن الواحده بتبيض أكتر من خمسين بيضه..والله أعلم بقي الثعبان اللي بيتك دا باض كام بيضه وموجود ف بيتك كام ثعبان صغير..دا غير أمهم وأبوهم..أمال أنا بقولك الموضوع كبير ليه يا حاج عبدالعظيم
_عبدالعظيم..طيب يا ولدي هوا مش أنته حاوي..ودي شغلتك إنك تطلعهم
_بكر بهدوء ومكر..ما قولناش حاجه يا حاج..بس أنا حاوي على قدي.. يعني أطلع ثعبان أتنين تلاته.. إنما ف البيت عندك الله أعلم فيه كام ثعبان..وحضرتك طبعا عارف المثل اللي بيقول.. الكتره تغلب الشجاعه وأنا عندي بيت وعيال ومن خاف سلم
_عبدالعظيم..لا حول ولا قوة الا بالله..طيب والحل إيه يا ولدي..بقلم..محمد طه
_بكر بمكر ودهاء..والله يا حاج عبدالعظيم هوا مفيش غير حل واحد..وهوا إنك تبيع البيت..وخد بالك أنته لازم تبيع البيت ف أسرع وقت عشان تخلي نفسك من المسؤليه
_عبدالعظيم بعدم فهم..مسؤليه..مسؤليه إيه يا ولدي أنا مش فاهم حاجه
_بكر بهدوء..أنا هفهمك يا حاج..بيتك دلوقتي بقي يعتبر مزرعه ثعابين.. والثعابين هتخرج من بيتك هتدخل على البيوت اللي جنب بيتك.. وهتأذي الناس اللي فيه.. وأنته اللي هتشيل ذنبهم لأن الثعابين دي خارجه من بيتك..يبقي مفيش حل غير إنك تبيع البيت زي ما قولتلك وف أسرع وقت
_عبدالعظيم بقله حيله..طيب حتي لو أنا فكرت أبيع البيت..مين اللي هيرضي يشتريه بالبلاوي اللي فيه دي..مستحيل حد هيرضي يشتري بيت مليان بالثعابين
_بكر بهدوء ومكر..عندك حق يا حاج عبدالعظيم..
(ويطلع سيجاره ويولعها وعنيه رايحه على صفاء وصفاء قاعده مركزه ف اللي بيحصل ومش مقتنعه ب ولا كلمه من اللي بتتقال لأنها عارف إن بكر هوا اللي مخطط لكل ده)بقلم..محمد طه
_بكر بهدوء..أنا هخدمك يا حاج عبدالعظيم وهعمل معاك واجب وهشتري أنا منك البيت
_عبدالعظيم بإستعجال..وأنا بايع يا ولدي..عدي عليا بكره نشوف حد يتمن البيت ومش هنختلف
_بكر بذكاء ونبرة تهديد..لأ الموضوع مش مستاهل يا حاج إننا نجيب حد يتمن..وبعدين اللي هييجي يتمن هنضطر نقوله على عيوب البيت.. وإن عرف إن البيت مسكون بالثعابين هياخد ديله ف أسنانه وهيجري.. غير كده كمان هينشر الموضوع ف القريه كلها
_عبدالعظيم..طيب والحل إيه يا ولدي
_بكر بهدوء وبرود..أنا كل اللي معايا عشرين ألف..
نقول مبروك ونقرأ الفاتحه
_عبدالعظيم بعدم إستيعاب..مبروك إيه وفاتحه إيه يا ولدي..البيت يعدي ال200 ألف..وأنته تقولي عشرين
_بكر بهدوء ياخد آخر نفس من السيجاره ويطفيها..
يا حاج عبدالعظيم أنته لسه قايل من شويه إن مستحيل حد هيرضي يشتري البيت بالبلاوي اللي فيه..بقلم..محمد طه
_عبدالعظيم بحزن..أيوه بس يا ولدي
_بكر يقاطعه..يا حاج دا أنا بنقذك من بلاوي ممكن تحصلك بسبب البيت دا..والقريه كلها ممكن تتأذي من الثعابين دي..يعني حضرتك الكسبان (وطلع سيجاره تانيه وولعها وبصله) ها نقول مبروك ونقرأ الفاتحه
_عبدالعظيم بحزن وقله حيله..لا حول ولا قوة إلا بالله.. لله الأمر من قبل ومن بعد..عدي عليا بكره الصبح عشان نروح الشهر العقاري (وقام مشي)
_صفاء بغضب..أنته شيطان يا بكر..لأ أنته ألعن من الشيطان
_بكر بهدوء وبرود..فيه إيه يا صفاء..ما الراجل دخل على رجليه وخرج على رجليه
_صفاء بغضب..خرج على رجليه وهيترمي ف الشارع بعد ما نصبت عليه وأخدت منو البيت
_بكر بهدوء وبرود بعد ما أخد نفس من السيجاره..أنا مش وحش أوي كده يا صفاء..أنا عارف إن هوا عندو بيت تاني..هوا أنا غبي عشان أعمل اللفه دي كلها مع واحد عندو بيت واحد بس..اللي عندو بيت واحد بس يا صفاء مستحيل هيسيبه حتي لو هيمو،ت فيه
_صفاء بغضب..إن شاءالله يا بكر ربنا هيوقعك ف شر أعمالك واللي بتعمله ف الناس هيتعمل فيك
_بكر بإبتسامه سخريه..مفيش حد من الناس عندو اللي عند بكر الحاوي (ويشاور على أوضه الثعابين) أنا عندي يا صفاء ف الأوضه دي جيش ثعابين.. لو طلقته ف القريه دي.. بكره الصبح مش هيبقي فيها جنس مخلوق؟
السادس والعشرين
_بكر بإبتسامه سخريه..مفيش حد من الناس عندو اللي عند بكر الحاوي (ويشاور على أوضه الثعابين) أنا عندي يا صفاء ف الأوضه دي جيش ثعابين.. لو طلقته ف القريه دي.. بكره الصبح مش هيبقي فيها جنس مخلوق؟
_صفاء بغضب وكره..وبعد ما الناس تطفش من بيوتها هتعيش فيها لوحدك
_بكر بإبتسامه..هعيش فيها لوحدي إزاي يا صفاء..أنا هعيش فيها أنا وجيش الثعابين بتاعي ده..وبمناسبه ذكر الجيش..ف أنا فيه موضوع كنت عايز أفاتحك فيه..بقلم..محمد طه
_صفاء بغضب..مفيش مواضيع بيني وبينك يا بكر..أنا بريئه منك ومن اللي بتعمله..وعمري ما هسامحك ف إنك أتسغلتني ف ق،تل أتنين ملهمش ذنب
_بكر بهدوء..طيب مش تعرفي أنا عايزك ف إيه الأول.. اللي أنا عايزك فيه حلال ومفيش فيه أي حاجه حرام
_صفاء بغضب ونظره كره..عايز إيه يا بكر..وأي إن كان اللي أنته عايزه سواء حلال أو حرام ف أنا مش موافقه
_بكر قرب ومسك إيديها وبسرعه صفاء سحبت إيديها من بين إيديه..بما إني بقي عندي جيش ثعابين..ف أنا عايز يبقي عندي جيش عيال..أنا عايز
_صفاء تقاطعه بغضب..مش هيحصل يا بكر..دا أنا لو بإيدي أرجع العيلين دول لبطني هرجعهم..إنسي يا بكر اللي ف دماغك ده..وإنسي إن عيل من الاتنين دول ياكلو لقمه من فلوسك أو يتصرف عليهم جنيه من فلوسك الحرام
_بكر بغضب قام عشان يضربها لكن فجأه الباب يخبط وراح بكر يفتح الباب وكانت بنت ف الثلاثينات
_السلام عليكم..حضرتك تبقي عم بكر الحاوي
الروايه حصري فقط على صفحه محمد الشاعر
_بكر بنظره توتر وحرص..خير..عايزه بكر الحاوي ليه
شوفتي ثعبان ف بيتكم ولا حاجه
_بصت يمين وشمال وبدأت تتوتر..طيب ممكن أدخل عشان مش هينفع نتكلم على الباب كده
_بكر يذيد توتره بعد ما لاحظ على وش البنت التوتر لكن وافق إنها تدخل وخصوصا إن صفاء موجوده ف البيت ودخلت البنت وبكر قفل الباب
_البنت بهدوء..أنا أبقي أخت محمد فرج
_بكر بعدم فهم واستغراب..مين محمد فرج..وإيه المشكله اللي عندك ف البيت
_البنت بهدوء..لأ أنا معنديش مشاكل ف البيت..أنا جايه لحضرتك ف حاجه تانيه خالص
_صفاء بغضب وعصبيه..خير يا أستاذه عايزه إيه وترتينا..بقلم..محمد طه
_البنت بنبره حزن..أنا أبقي أخت محمد فرج اللي حضرتك سفرته لإيطاليا
_بكر قطع النفس وريقه نشف من الصدمه والخوف وصفاء كانت قاعده قامت وقفت وبكر زي ما يكون فقد النطق والحركه وما بقاش قادر يسيطر على ملامحه لحد ما البنت كملت كلامها
_البنت بهدوء وحزن..أنا عارفه كل حاجه يا عم بكر.. عارفه إن أخويا كان رايح يواجه المو،ت..وعارفه إن حضرتك ملكش ذنب ف أي حاجه..بس أنا كنت عايزه حضرتك ف خدمه وأتمني إن حضرتك تساعدني
_بكر بدأ يهدى وياخد نفسه..أنا معرفش مين أخوكي ومعرفش حاجه عن السفر لإيطاليا..أنا معرفش إنتي بتتكلمي عن إيه
_البنت بهدوء..يا عم بكر أنا قولتلك إن حضرتك ملكش ذنب ف حاجه..وبعدين محمد أخويا قالي وحلفني على المصحف إن محدش يعرف إن حضرتك اللي سفرته إيطاليا
_صفاء بغضب وهدوء..إنتي قولتي إنك عارفه إن أخوكي رايح يواجه المو،ت..ما منعتيهوش ليه..ليه سبتيه يروح للمو،ت..قصدي يعني ليه سبتيه يسافر
_البنت ودموعها بدأت تنزل..أخويا سافر مخصوص عشاني..شاف إني عديت التلاتين سنه ولسه ما أتجوزتش..وكل عريس ياجي نرفضو عشان مش هعرف أجهز نفسي..ولما قولتلو إني مش عايزه أتجوز ولا أتنيل جبهالي من ناحيه تانيه وقالي لو إنتي مش عايزه تتجوزي أنا عايز اتجوز وأجهز نفسي..وربنا اللي يعلم إحنا جمعنا العشرين ألف اللي سافر بيهم إزاي
_بكر بهدوء ومكر..أيوه بس العشرين ألف دول مش أنا اللي أخدتهم..أنا كنت مجرد وسيط وأخدت عمولتي..بقلم..محمد طه
_البنت بدموع..أنا مش جايه عايزه فلوس
_صفاء بعدم فهم..أومال جايه عايزه إيه
_البنت وهيا بتنشف دموعها..عايزه أسافر إيطاليا..أنا جايه عايزه عم بكر يتوسطلي للراجل اللي بيسفر الشباب إيطاليا..(ودموعها تنزل تاني) عايزه أروح عند أخويا أدور عليه وأشوفه هوا عايش ولا....(وتسكت ودموعها تذيد)
_صفاء بدأت تبص بغضب لبكر وقامت أخدت البنت ف حضنها وفضلت تهديها وتطمنا على أخوها وف نفس الوقت بكر بدأ يفكر إنو يخلص عليها لأنها عرفت إنو ليه يد ف سفر أخوها ولسه بكر هيتكلم لكن صفاء تقاطعه لأنها عارفه إن بكر مفيش ف دماغه غير النصب والق،تل
_صفاء..شوفي يا إسمك إيه..عمك بكر ساب الشغلانه دي خالص..لأنه حس بتأنيب ضمير لأن الشباب اللي بيسافرو دول فيه منهم كتير ما بيوصلش..ما تزعليش من كلامي بس هيا دي الحقيقه..والشباب اللي بيسافرو بيبقوا عارفين إنهم رايحين عن طريق مركب والمركب بينزلهم ف البحر وهما بيكملو وفيهم اللي بيوصل وفيهم اللي بيغرق..وعمك بكر أخد عهد على نفسه إنو مش هيكرر الموضوع دا تاني (وطلبت صفاء من بكر يجيبلها خمس آلاف جنيه وقالتلها إن دي العموله اللي بكر أخدها من سفريه أخوكي)
(وبعد ما البنت مشيت)
_بكر بغضب..إنتي إيه اللي عملتيه دا يا صفاء..إنتي من إمتي بتتدخلي ف شغلي..وبعدين البت عرفت طريقي ومكنش لازم أسيبها تخرج
_صفاء بغضب..أنا بحميك من نفسك يا بكر (وسابته وقامت دخلت أوضتها عند أولادها)
_وبكر فضل متعصب ومتضايق من تصرف صفاء..
وفضل يفكر إزاي يوصل للبنت دي وبدأ يفتكر مين من التلاته اللي قت،لهم أسمه محمد فرج..لحد ما أتأكد إن محمد فرج دا يبقي الضحيه الأولي وطبعا بكر كان عارف بيته وتاني يوم بكر راح عند البيت وبدأ يراقب البيت لحد ما البنت خرجت وبكر مشي وراها وبعد كده خلاها تشوفو أكنها شافته بالصدفه وتعمد إنها تشوفه ف شارع مفيش حد فيه عشان محدش يشوفها واقفه معاه..بقلم..محمد طه
_البنت أول ما شافته جريت عليه وبكل لهفه..عم بكر..عم بكر
_بكر بهدوء..خير يا بنتي إنتي مين
_البنت..أنا أخت محمد فرج اللي كنت عندك إمبارح
_بكر بهدوء..آه أفتكرت..إنتي اللي عايزه تسافري إيطاليا
_البنت بتوسل..أيوه والنبي يا عم بكر..والنبي ساعدني أنا معرفش حد غيرك
_بكر بهدوء ومكر..والله إنتي صعبانه عليا..بس زي ما قالتلك مراتي أنا بطلت الشغلانه دي
_البنت بتوسل..يا عم بكر أبوس إيدك..والفلوس اللي أنته عايزها هحاول أتصرفلك فيها..وأنا والله بعرف أعوم وإن شاءالله هوصل
_بكر بهدوء..طيب خلاص هساعدك..بس مفيش مخلوق يعرف إني بساعدك ف المشوار ده حتي مراتي..دا لو عيزاني أساعدك
_البنت..وربنا ما فيه مخلوق هيعرف
_بكر بهدوء..جهزي 10 ألاف جنيه وبعد أسبوع زي النهارده بالظبط تجيني البيت الساعه 2 بالليل ومفيش مخلوق يشوفك وإنتي جايه (ويسيبها ويمشي وبعدين يبصلها)آه ما تنسيش تجيبي فوق ال10 ألاف ال 5 ألاف اللي أخدتيهم
_وفات الأسبوع وجا اليوم اللي بكر اتفق فيه مع البنت وقبل معاد البنت ما ييجي بساعه..بكر كان ف اليوم شايل مفتاح أوضه صفاء من الباب ومخليه معاه وقبل ما البنت ما تيجي راح بكر قفل على صفاء بالمفتاح عشان ما تخرجش وتبوظلو الدنيا؟