رواية كسر القلب الفصل العاشر10الاخير بقلم داليا منصور الفرجاني
قومي يا خيتي ابوس يدك متسبنيش لحالي اهنيه بكفاياكي عاد مربوحه وقعت الخشبة من اديها وهي بتقول:
- مأذيتش حد واصل انا مجيتش يمها انا مجيتش يمها فجأة سمعت صوت شرطة سابت البيت وجري وفرح كانت بتصرخ وتقول:
- قومي يا خيتي متحرقيش قلبي عليكي اه يا حرقت قلبي لقت اللي بيحط اديه على كتفها بصت لقته نور وهو بيقول:
- قومي بسرعة نودي اختك المستشفى بسرعة...
فرح ببكاء:
- خيتي عتروح مني يا نور خيتي بتموت اه يا حرقت قلبي..
نور فهم انها مش في وعيها وخد منها البنت غصب وشالها وجرى بيها وهو بيقول:
- قومي نودي اختك المستشفى قومي..
فرح فاقت على نفسها وجريت ورى نور وشافت مربوحة البوليس ماسكها ومركبها البوكس بس مركزتش من كتر ما هيا مش في وعيها...
نور وهو بيجري وبيقول:
- حد يلحقنى دكتور يا عالم بسرعة...
الدكاترة جم وخدوها من ايد نور ودخلوا بسرعة الاوضة بتاعت الكشف وقعد هو على جنب وفرح كانت عماله تبكي وتقول:
- يا رب مليش غيرها دلوك معنديش والا ام والا أب هي دي اللي حيلتي احميها يارب هي ملهاش ذنب واصل في كل اللي بيحصل ده يارب..
وقعدت في اقرب مكان نور قرب عليها وهو بيقول:
- انتي قوية يا فرح وحاربي نفسك علشان اخنك اللي جوة ومتقلقيش اكيد مش هيحصلها حاجة انا متأكد..
فرح بصتله ورجعت تبكي نور كان لسه هيحط اديه على كتفها يواسيها بس بعد كإن لسعته كهربا وهو بيقول في باله:
- لاء يا نور فرح مش حلالك علشان تلمسها..
وبعد عنها ووقف على قصادها وهو قلبه بيتقطع..
فجأة الدكتور خرج فرح جريت عليه وهي بتقول:
- طمني كيفها خيتي..
الدكتور:
- متقلقوش عاد البنية بخير هي بس اثر الخبطة اتعورت واحنا خيطنالها الجرح وهتبقى زينة..
وسابهم ومشى فرح قعدت على اقرب كرسي وهي بتقول:
- الف حمد وشكر ليك يا رب الحمد لاه انك مخدتش مني خيتي واصل...
فرح خدت اختها بعد مفاقت ورجعت بيتها ونور رجع شقته اللي مأجرها في الصعيد...
بعد مرور 3 شهور كانت سناء قاعدة وهي بتقول:
- ولد عمدة ايه ده اللي انا انجوزته قولوا خدام وش فقر مش عيشت راجل غني كيف ما كنت شيفاه...
من وراها:
- انتي السبب يا وش الفقر وشك يقطع الخميرة من الدكان مبالك املاكي غوري اعمليلي وكل جعان قوي شغل الارض هد حيلي..
سناء وهي ماشية بكره:
- انا مخبرش معندكش دم واصل جتك قطع رقاب يا شيخ...
ودخلت وهي بتمتم وعابد بكره:
- مخبرش كيف مرة كيفك قاعدة معايا كل ده انا عقلي هيور مني من عمايلها اللي عتجنني البت متدراش بأي شغل للبيت لولا المايا بصنع ربي كان زماني خلصت من زمان بسببها الفاشلة دي...
نجمة من وراه:
- تستاهل يا ولد عمي طمعك وجبروتك وصلوك لهنيه..
عابد جرى على نجمة وهو بيقول:
- حبيبت قلبي يا نجمة اتوحشتك قوي يا حبيبت القلبي..
نجمة بكره:
- حبك برص يا بعيد ابعد عني مريداش اشوف وشك قدامي واصل..
سناء من وراهم:
- الله عاد ايه العشق الممنوع ده ايه اشغلكم حاجة تفرح القلب امال..
عابد بعد عن نجمة ونجمة بصت لسناء بكره وتكبر وهي بتقول:
- امك قتا، لة الق، تلة انحبست باقي انتي خطافة الرجالة لازم اعلمك الأدب..
ونزلت ضرب في سناء وسناء لا حول لها والا قوة وعابد واقف كيف النطع ملوش كلمة أبداً فجأة اتصدم من اللي شافه...
عابد بصدمة:
- يخربيتك البنية معتش بتتمفس واصل الا تكوني خلصتي عليها امال...
نجمة بخوف:
- انا معملتش حاجة واصل هي اللي اتخانقت معاي انا كنت بدافع عن نفسي صوح..
عابد بخوف:
- انا مش هروح في داهية بسببكم انا لازم اهرب من اهنيه وانتي كمان لازم تداري...
وفعلا نجمة وعابد سابوا سناء مرمية في الارض ومفيش منفس....
... في القاهرة عند اهل نور كانت ماجدة قاعدة مع صحبتها وهي بتحكيلها وتقول:
- اسكتي انتي متعرفيش اللي حصل...
ماجدة باستغراب:
- مخبرش ايه اللي خصل قولي..
الست:
- مش البت سمر اللي كنت هتجوزيها ابنك نور اتجوزت والطلقت في نفس الاسبوع قال ايه اللهم مـ احفظنا وجوزها رماها برة بيته بسبب شك فيها، صعبت عليا بس اللي عملته في فرح تستاهل البت غلبانة واللي بيجي على ولاية ربنا عمره ميسيبه وكل شخص هياخد حقه في الدنيا دي...
ماجدة بتوتر وهي بتقول بخوف:
- ربنا يسترها على وليانا يارب المهم سيبك من المشاكل ده وقوليلي عاملة ايه مع مرات ابنك اللي كانت مطلقة...
الست بحزن:
- اخص عليكي يا ماجدة بنت الناس مش بتنعرف بجوازها وطلاقها بنت الناس تنعرف من معدنها والصراحة هي شيلاني انا وابني شيل مش مخلياني عايزة حاجة خالص ومريحانه وغير ان ولاد ابني حبينها خالص مش شبه البومة الاولى اولادها يا حبت عيني كانوا بيكرهوها قوي...
.
ماجدة وهي بتفكر:
- معقول نكون ظلمنا فرح البنت كانت طيبة بس انا غصب عني عقدتي هي السبب لنا لو نور رجع تاني هصلح كل حاجه ويارب يصلح خطايانا كلنا...
الست وهي بتنادي:
- مالك يا ماجدة روحتي فين..
ماجدة بابتسامة:
- سمعاكي يا حببتي انتي بس...
ولسه مكملتش الكلمة لقت الباب بيخبط قالت:
- عن اذنك يا ام ابرهيم هروح افتح..
وفتحت الباب اتصدمت ولقت اللي بيترمى في حضنها وهي بتقول:
- الحقيني يا ماما كريم وماني بره البيت وقال ايه عاوز يتجوز...
ماجده بخوف:
- ايه اللي بتقوليه دع هو اتهبل والا ايه بنتي متترماش بره في الشارع وحياة الغالين منا سيباه اللي بعمل كدا في بنتي...
سهى ببكاء وندم:
- انا حاسة ده ذنب مين انا غلط معاها ياما ربنا ببنتقم مني علشان ظلمتها بس ده كان وزت شطان وغصب عني والله..
امها وهي بتطبطب على كتفها وتقول:
- سبيها لربنا يا بنتي واحنى غلطنا وعرفنا غلطتنا صح..
سهى بحزن:
- بس نور مشفتهوش من يومها لولا يوم فرحي مكنش عبرني بس علشان الناس ووشه هو زعلان مننا قوي لاننا خزلناه...
ماجدة بحزن:
- عنده حق يا بنتي انه يزعل كان متوقع مننا نفرح لفرحته بس زعلنى بسبب انانيتنا..
.... عند فرح كانت قاعدة جنب صابرين وهي بتقول:
- انتي من حق يا خيتي عتتجوزي نور باشا..
فرح بكسوف:
- مخبرش والله بس قلبي بيقولي ان ده اللي ربنا بعته ليا كفاية وقت الشدة بلاقيه واقف جنبي ومش بيسبني واصل...
صابرين بفرحة:
- الصراحة يا خيتي انا ريداكي تتجوزي نور عابد ده كان راجل ميستاهلش واصل حبك ليه لانك بنت ناس ومتربية هو راجل ميعرفش ايه هي التربية...
فرح حضنت اختها وهي مبسوطة من جواها ورلضية بعقاب ربنا للي ظلموها هي مكنتش تتمنى ليهم الشر بس جواها فرحةبانتصار الحق وهي بتقول:
- حبل الخداع والكذب والمشاكل قصير قوي يا خيتي يعني اللي يتجه في الطريق ده معيرجعش واصل منيه غير وهو مدمر كليا صدقيني الحب افضل من الكره...
سمعوا حد بيخبط على الباب راحت فرح تفتح لقت شخص ماسك بوكيه ورد فرحت وهي بتقول:
- استاذ نور اتفضل بيتك ومطرحك عاد...
دخل نور وبعدين عرف فرح اللي امه واخته قلوه وانبسطت جدا وققرىوا فرحهم هيبقى بعد شهر....
اما عند عابد اكتشفوا انه هربان والشرطة جابته واعترف على نجمة واتحبسوا هما الاتمين.....
... عمر الظلم مبيميز الشخص اعرف ان كل واحد فينا ليه دور في الحياة، مش علشان دي مطلقة تبقى وحشة والا علشان جم عليها الناس تبقى مش بتعيش متخليش تفكيرك جاهل لدرجة تحكم على المجتمع من مجرد كلام من الناس بالعكس كل واحد فينا عنده عيوب ومميزات بلاش عيوبك تخليك تحكم على غيرك..
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو قناتنا👈علي التليجرام من هنا يصلك اشعار
بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله
لقراءة باقي الفصول اضغط هنا