رواية لنا موعد اخر الفصل الرابع والعشرون24 بقلم لولا
عند علي في السجن كان لسه مخلص الصلاه وبيوطي يشيل السجاده وقام اتفاجئ بحد ورا ضهره بيرفع على رقبته مطوه فاتخض وتابع ايه ده في ايه !!
الشاب بضحك : متخافش يغالي مفيش حاجه كل الحكايه انك متوصي عليك توصيه جامده اوي من ناس كبيره
علي بعصبيه ناس ايه وزفت ايه ابعد عني كده بس وبلاش هبل على المسااا ابعدد
الشاب بضحك وربنا ماهيحصل قبل مايتعلم عليك
علي اتعصب وضربه بالكوع بقوه زقه وخلاه صرخ بألم ورجع لورا وقع على الارض وتأوه بوجع واتعصب وتابع اه يا ابن الكلللب وقام ورايح يضرب علي بالمطوه فعلي ضربه وفضل يحاول ياخد منه المطوه فقام واحد تاني وشد المطوه وعور علي في دراعه فصرخ بألم وحط ايديه على دراعه وهو بيتوجع وبصلهم بغل واتعصب اوي وساب ايديه تنزف ورايح يضربه ومسك فيهم فنزل تلاته تانين
فتابع الشاب بضحك هو انت فاكرني لوحدي ولا ايه ده انت هيطلع عين اهلك علشان عملت فيها جامد وزقتني كده
علي بعصبيه ولا انتوا ولا عشره منكم يقدروا يعملوا معاايا حاجه ومسكه اداله بالراس وضربه وضرب بيه واحد تاني ووقعهم وفضل يتخانق مع التلاته وواحد منهم ضربه بالبوكس فعلي صرخ بألم وضربه بوكس اقوى وفضلوا يتخانقوا فدخل الظابط وتابع بعصبيه ايه ده في ايييه يحيواان منك لييه انت وهووو
فكلهم بعدوا عن بعض فتابع علي بحده وهو بيتوجع: الحيوانات دول يباشا كنت بصلي لقيت واحد فيهم رفع علياا مطوه وبزقه بعيد عني اتكاتروا علياا
واحد منهم بتمثيل الذهول : يشيخ اتقي الله هتستفيد ايه من الكدب ده هو والله يباشا اللي دخل بالمطوه وبيتطاول علينا عايز يعمل فيها شبح من اولها
علي اتصدم وتابع بعصبيه ااه يابنت الكلب يا زباااله ومسك فيه
فتابع التاني بخوف اااه يباشااا والله هو اللي دخل المطوه وافترى علينااا وبيضرب ماهر قدامك اهوو
فعلي بصلهم بذهول وتابع بعصبيه انا معملتش كدده بطلوااا كدب وافترى
فتابع الظابط بعصبيه ابعد عنه يحيواان وسيبه .. احترم اني وااقف
علي زق ماهر وتابع بعصبيه احترم نفسككك وانت بتتكلم انا مش مجررم عنددك ومش معنى انكم معرفتوش تعملوا دوركم وتدوروا كويس وتثبتواا حقي يبقى ده معناه اني مجرم وهسمحلك تهيني بالشكل ده
الظابط ابتسم بسخريه ومسك هدومه وتابع انت بقى بتقول لمين كده يا حــيـوان ؟
فعلي اتعصب وضربه بالراس وتابع ليك ياروح امك ايه فااكر نفسك ميين عني يعني انا معايا ليسانس حقوووق وكنت اقدر ابقى زيك يعني مش اقل منك علشاان تكلمني بالاسلوب دده
فالظابط اتوجع وحط ايديه على دماغه وتابع بعصبيه اااه يا ابن الكلب يا زباااله يعني مش كفاايه بتدخل مطوه وتهدد الرجااله لا كماان بتتطاول علياا ده انا هطلع عين اهلك
علي بعصبيه انا معملتش كدده انت صدقتهم وخلاااص من غير ما تحاول تجيب دليل على كلامهم
فرد واحد تالت وتابع حصل يباشااا علي هو اللي دخلها ده كدااب
وردد كذا حد ان علي هو اللي عمل كده فعلي اتصدم بشده فالظابط بصله بغل وتابع اممم دول كلهم كدابين مش كده؟ ومسكه زقه بعنف وتابع بعصبيه الحيوان ده يروح التأديب
فالعساكر عملوا التحيه ومسكوه فـعلي اتصدم وتابع بعصبيه والله ما ليا دعوه اقسم بالله ما عملت حاااجه ده هما اللي كانواا عايزين يضربووني بالمطوه والله العظييم
وفالظابط اتعصب وتابع خدووه يلاا
فعلي اتعصب بشده وتابع ياشيخ حسبي يالله ونعم الوكيل فيككم اقسم بالله ما دخلت حاجه ولا لياا دعووه
والعساكر شدته بالفعل ومشيوا بيه وعلي الدموع اتجمعت في عينيه من فرط الظلم اللي حس بيه فتابع العسكري بتنهيده يا ابني مكنتش تعمل كده
علي وهو ماشي معاه تابع بوجع : اقسم بالله العظيم مش بتاعتي ولا ليا دعوه ولا عارف بعمل ايه هنا اصلا
العسكري التاني بتنهيده هما عيال مؤذيه فانا مصدقك والله بس ردك على عامر بيه خرب الدنيا
علي تنهد بوجع وتابع مفرقتش هي كده كده خربانه خربانه
العسكري بتنهيده طب استنى اربطلك شاف على ايديك دي حقك علياا مش هعرف اتصرف في حاجه غير شاش وان شاء الله الدم يقف
علي بوجع ولا ميوقفش مش هتفرق والله
وبالفعل علي شمر الكم والعسكري لف حته شاش على دراعه وتابع بحزن يلا وفتح باب الحبس الانفرادي وكانت اوضه صغيره مليانه مايه على الارض علشان يفضل واقف وعلي دخل بقهر والدموع متجمعه في عينيه والعسكري قفل الباب فعلي رجع ضهره لورا وربع ايديه وغمض عينيه وتابع بقهر : اللهم لا اعتراض يارب .. فوضت امري ليك .. وحدك اللي عارف اني مظلوم ودموعه نزلت بصمت وهو بيفتكر كلام المساجين وانتبه وتابع بذهول انا ازاي مخدتش بالي اكيد رفيده بنت الكلاب راحت قالت لعصام فعلشان كده هو وصى عليا .. وكور ايديه بغضب شديد وغمض عينه وتابع اقسم بالله العظيم لهندمك انتي والكلب ده اشد ندم .. بس ربنا يجمعنا تاني ومهما طالت السنين مش هنسى اللي حصلي من تحت راسكم ده .. واتخنق جدا وراح وقف تحت اضاءه الشباك الصغير العالي اللي في الاوضه وبص للسما وتابع ارجوك يارب .. ارجوك هون عليا وصبر قلبي انا حقيقي تعبت
------------------
عند اسيا صحيت من النوم مجهده جدا وبتبص لقيت الساعه 8 فاتخضت واتعدلت في قاعدتها وسليم كان قاعد بيتشات جنبها
فبصتله وتابعت بذهول ايه برودك ده يسليم الساعه 8 قوم بسرعه نجهز والبت وراها حضانه وانا كفايه اجازه لحد كده
سليم بصلها ورجع حط عينيه في الفون وتابع والله ؟؟ وتنهد وتابع : ده على اساس انها 8 الصبح وانهارده يوم تاني غير الجمعه مش كده ؟؟
اسيا اتلغبطت وتابعت : لالا مش فااهمه في ايه هو انهارده ايه ولا الساعه كام ولا نمت قد ايه اناا
سليم بتنهيده انهارده الجمعه يعني اوريدي اجاازه فمقومتش ولا نزلت البنت الحضانه ده طبيعي انما انتي نمتي قد ايه فانتي نمتي كتير الساعه 8 بالليل يا اسيا
اسيا بصدمه سليم انت بتهزر صح ؟؟
سليم لا وانا ههزر ليه 8 بالليل فعلا
فاسيا حطت ايديها على دماغها بذهول بتحاول تفتكر وتابعت هو احنا سهرنا مع بعض ونمنا الصبح بدري صح ؟
سليم وهو باصص للفون تابع اممم
فوطت اسيا جابت الروب لبسته وقفلته كويس وقامت من جنبه وراحت عند البلكونه وفتحت الستاره فتابع سليم بعصبيه انتي يابنتيي تعالي هناا .. انتي اتجننتي ولا ايه متفتحيش البلكونه بمنظرك دده
اسيا : يا ابني مش هفتحهاا انا بشوف السمااا بس من الفتحات وبصت لقيت الدنيا ليل فعلا فتابعت بذهول ينهار ابيض انا ازاي نمت كل ددده بجد
سليم بتنهيده والله السؤال ده تسأليه لنفسك مش لياا لان انا مش مطالب مني ان اصحى افطر تولين واقعد معاها ونحل الهووم ورك اللي متحلش بتاع امبارح وحاجات كتيير جداا
اسيا قفلت الستاره وبصتله وتابعت بعصبيه ده على اساس ايييه !! على اساس ان انا كنت سهرانه بلعب كوتشينه منا كنت بنيلك اللي انت عاايزه
سليم بعصبيه انتي صوتك ميعلاااش علياااا علشان مقومش امد ايدي عليكي واللي نيلتيه ده ستات الدنياا كلها بتنيله انتي معملتيش جِميله يعنييي بس مفيش واحده بتتخمد لبعد المغرب وهي وراها شغل وبيت وعيله
اسيا بدموع وبحده : تعبانه يسليم ماتحس بيااا ده انا طلع عين اهلي في فتره ما علي كان في القسم والنيابه واعصابي مشدوده ولحد دلوقتي مقهوره ومع ذلك اديتك حقوقك ومقصرتش .. انت بتقول اييه بجدد انا في ايه وانت في اييه ده بدل ما تشيل عني كل حاجه الفتره دي
سليم بعصبيه اشيل عنك ايه هو انا هشتغل وهاجي اهتم بالبيت كمان اومال انا متنيل متجوزك ليه ؟؟؟
اسيا دموعها نزلت وتابعت ااه صحيح ما انت متجوزني علشان اخلفلك واخدمك واديك حقوقك لا حقك بردو
سليم بعصبيه اسياا انا مش ناقص نكدد ومش كل شويه خنااق معاكي انا حقيقي تعبت ماالك في ايه
اسيا قربت منه وتابعت بعياط انت اللي مالك في ايه متغير ليه يسليم فهمني انا عملت ايه مخليك مش طايقني كده وعيطت وتابعت هو مش انا اسيا حبيبتك ؟؟
سليم تنهد بعمق وتابع ااه طبعاا بس انا بجد مبقتش قادر اعمل كل حاجه حقيقي تعبت
اسيا بعياط خلاص هسيب شغلي واهتم بيك وببنتنا ولا تزعل نفسك انا كنت ناويه اسيبه من بدري اصلا بس كملت لحد ماتقف على رجليك بس
سليم بضيق اعملي اللي يريحك وقام ورايح يدخل الحمام فمسكت دراعه وتابعت بقهر انت اول مره متحضنيش في خناقه بينا وتمشي وتسبني كده مالك يسليم في ايه
سليم بضيق ده لاني مش معتبر اننا بنتخانق اصلاا انتي اللي بتعشقي النكد والخنااق ونزل ايديها ودخل الحمام وهي دموعها نزلت وراحت قعدت بقهر على السرير ومسكت فونها وبمجرد مافتحت فيس اتصدمت بصوره رفيده ودخلت على الاكونت لقيتها مسحت اسم علي وشالت الاكونت بتاعه من خانه متزوجه من فاتصدمت اكتر واتصلت بامها وثواني ورانيا ردت وتابعت ايوه يابنتي
اسيا بذهول ايه اللي بيحصل ده يا ماما ؟!! ايه اللي رفيده بتعمله ددده هي اتجننت !!!
رانيا بتنهيده اخوكي طلقها بالتلاته يابنتي ومبقيتش تخصنا تعمل اللي تعملوا يخش تولع حتى
اسيا شهقت وتابعت بدموع لييه ايه يوصلهم لكدده ينهاار اسود
رانيا بتنهيده ده اللي كان لاز يحصل يابنتي البت دي مش اصيله وعمرها ماكنت هتصون اخوكي ولا هتحبه واديكي شايفه مستنتش القسيمه تطلع وراحت اتخطبت
اسيا بحده ودموع اذا كان هي ولا ابن الكلاب الوسخ اللي معاهاا ده ... الاتنين ميعرفوش يعني ايه اصل ولا تربيه حقيقي عالم وسخه
رانيا بتنهيده اديهاا غارت وبكره اخوكي ربنا يعوضه بست ستهاا
اسيا بدموع حبيبه يا ماما انا نفسي اووي علي يشوف البت حبيبه باين عليها شارياه وبتحبه .. ومن زمان والله كان نفسي يخطبها بس قولت مينفعش اقول واتكلم على البت يمكن هي مش عايزااه بس بصراحه دي اللي بنشوفها مننا واختنا ومرات اخونا صح
رانيا ابتسمت بدموع وتابعت حبيبه دي القلب الوحيد اللي حب اخوكي ويستاهله ربنا يجعلها نصيبه يابنتي
اسيا بذهول بتهزري يعني هي بتحبه صح؟
رانيا بتنهيده دي بتموت فيه وعلى العياط والفرحه والتنطيط والزغرطه اللي عملتها لما عرفت انه طلق رفيده
اسيا اتأثرت وتابعت بدموع وحب : ينورعيني عليهاا شافت كتير والله ده كفايه كتب كتاب علي اللي كان قدام عينيها ..ربنا يجعلها نصيبه ياارب قادر يكريم ويعوضها بيه ويعوضه بيها عن بنت الكلاب الواطيه التانيه دي .. حقيقي مكنش ينفع تدخل عيله الجارحي ابداا بس اقول ايه عليك يا اخوياا ربنا يرجعك لينا بالف خير يحبيبي وعيطت
رانيا دموعها نزلت وتابعت اهدي يابنتي ومتنكديش على نفسك علشان جوزك وبنتك
اسيا بقهر ودموع حاضر يا ماما حاضر متشغليش بالك بياا المهم علي لما تيجوا تروحوا زياره خدوني معاكم الله يخليكي .. وطمنيني على لوما اخبارها ايه دلوقتي
رانيا بوجع زي ماهي يابنتي والله طمنيني انتي عليكي وعلى جوزك وبنتك عامله معاهم ايه وسليم زعل انك سبتيه كل ده ولا عادي
اسيا قلبها وجعها وتابعت بابتسامه مزيفه ودموع لا سليم مزعلش خاالص وقالي انا عارف غصب عنك بس انتي والبت واحشتوني وكده ومش عارف اكل من برا طول الوقت بس قدر الموقف يعني
رانيا بابتسامه ربنا يهدي سركم يابنتي ويخليكم لبعض
اسيا بقهر اللهم امين يارب وابوس ايدك طمنيني على سلمى كل شويه وعلي لو عرفتوا عنه حاجه
رانيا بحب حاضر ينورعيني
اسيا بتنهيده يلا باي
رانيا باي
واسيا قفلت معاها وسابت فونها على جنب وقامت فتحت الدولاب وطلعت شريط برشام ورايحه تفضي واحده في بوقها فخرج سليم وتابع : بتعملي ايه ؟
فاسيا اتخضت وتابعت ايه يسليم في ايه خضتني
سليم بحده اه بتهببي ايه وشد الشريط منها
اسيا بدموع انت مش قولتلي امباارح واحنا مع بعض تقومي الصبح انتظمي على برشامك تاني انا مش عايز اخلف دلوقتي ؟
سليم بحده اتنيلت بس خلاص رجعت في كلامي طلما هتقعدي من شغلك ماتحملي وتربي ايه المانع يعني
اسيا تنهدت بعمق وغمضت عينيها وتابعت يعني انت اللي خلاك مش عايزني احمل اني بشتغل يا سليم ؟
سليم بحده ااه طبعاا لان انتي مهمله من غير عيل فبعد ماقولتلك اخيراا وافقتي تحملي واتبسطت وسيبناها على الله جيت قولت لنفسي اما هي كده ومش معاها عيل هيبقى معاها عيل هتعمل ايه وتصحى ازاي دي .. فقولتلك خدي البرشام بس طلما هتتفرغي لا يحبيبتي هاتيلي ام الوااد اللي انا عايزو علشان يشيل اسمي
اسيا بصتله بقهر وتابعت وتولين مش شايله اسمك مش كده ؟؟؟
سليم بحده اسياا
اسيا بعصبيه ودموع بلا اسياا بلا زفت انت تلاقي قاعدتك مع امك اسبوعين في غيااابي غيرت فيك وسخنتك علياا
سليم بعصبيه اسياا احترمي نفسك ومتدخليش امي في الموضوع علشان مهزقكيش وامد ايديي عليكي امي ملهاش دعووه بس انا فعلا عايز ولد .. تولين كده كده بموت فيهاا طبعا دي بنتي بس عمرهاا ماهتكون شايله اسمي زي الولد فهاتيلي الولد
اسيا بعصبيه ودموع وانااا مااالي هووو ولد ولا بنـت منيي انااا ولا اييه !!!! لا يحبيبي انا زي الفل وبخلف فملكش عندي غير الطاعه وتطلبني تلااقيني وبسس .. وانا اكراما مني هكشف واعرفلك ايام التبويض بالظبط علشان اساعدك انما اشيل ولد ولا اشيل بنت .. طبطبت على كتفه جامد وتابعت فا ده منكك يااروحي
سليم بضيق لا انتي اتنيلي وملكيش دعوه وراح فتح الدولاب وبدا ياخد هدوم يلبسها ومسك الفون وكان بيتشات
اسيا بحده هتلبس ليه وبتكلم مين ؟
سليم بحده وانتي مالك
اسيا بذهول نعم !!! هو ايه اللي انا مالي دده !!
سليم بحده ااه انتي مالك اصل هكون بكلم مين يعني ما بكلم صحاابي
اسيا بحده ورايح فين ومن امتى وانت بتنزل يوم الجمعه اصلا ؟!!
سليم بدا يلبس وتابع بضيق هنزل بقى علشان قاعدتك بقيت تقصر العمر وقفل زراير قميصه وظبط اللايقه
فاسيا سكتت ودموعها نزلت بصمت وتابعت يعني مش هتقعد معايا انا وبنتك زي كل اسبوع يسليم ؟
سليم وهو بيرش برفيوم تابع بتنهيده معلش مانا مقعدتش جُمعتين قبل كده مجتش على التالته يعني ومسك الساعه يلبسها
اسيا بتنهيده رايح فين ؟
سليم قعد يلبس جزمته وتابع بحده انتي اخر مره تقوليلي رايح فين دي علشان مزعلكيش قولت غاير مع صحابي نغور مطرح مانغور ولا هناخد اذنك ؟؟؟ وبعدين ده انا كتر خيري اني استنيت سمو الاميره تصحى بالليل براحتها علشان البت بتلعب في اوضتها فمسبهاش لوحدها صاحيه في الشقه
اسيا بوجع لا يحبيبي كتر الف خيرك مش خير واحد .. روح انچوي وقعدت ورجعت ضهرها لورا ومسكت الفون بتجاهل
فسليم قام ولبس جاكت البدله وسرح شعره وخرج فتولين كانت دخلالهم فشافته ابتسمت وتابعت بفرح : بص يا بابي الرسمه دي
سليم بتجاهل : بعدين يا تولين بعدين وراح فتح الباب ونزل
فتولين زعلت جدا ودخلت لاسيا وتابعت بدموع هو بابي بيكرهني ؟؟
اسيا اتخضت من دموعها وقامت من على السرير وطت لمستواها وتابعت مالك يا تولين في اييه يحبيبتي حصل ايه علشان تقولي كده عملك ايه باابي ؟؟!!
تولين وشها احمر علشان بتعيط وتابعت بوريه الرسمه دي قالي بعدين ياتولين بعدين ومشي ومبصش عليها خاالص
اسيا اتقهرت من عياط بنتها وتجاهل سليم ليها بالشكل ده اللي عمره ماحصل فغمضت بقهر وحضنتها جامد وتابعت حقك عليا انا والله وفضلت تبوس خدها وتمسح دموعها وتابعت بلهفه : هو بس كل الحواار ان بابي عرف ان صاحبه عمل حادثه فجري عليه بسرعه للمستشفى فمكنش فاضي انما انتي عارفه بابي بيموت في توتي قد ايه حقك علياا انا والله ووريني رسمتك
تولين هديت شويه ووريتها الرسمه فاسيا اتفاجئت وتابعت ايه الشطاااره دي تحفههه مين دول بقى
تولين ضحكت من بين دموعها وتابعت دي انا وده بابي ودي انتي واحنا هنا في جاردن وحوالينا فلاورس كتير اوي
اسيا ابتسمت بوجع وتابعت تحفه ينورعيني بجد ايه الشطااره دي وباست ايديها وخدها وتابعت بجد يسلم الايدين الحلوين
فتولين فرحت وحضنت رقبتها فاسيا ضمتها اكتر وباست خدها وتابعت احلى واغلى حد عند مامي في الدنيا كلها هي انتي والله وتنهدت وتابعت انتي اللي مصبراني على كل حاجه وحشه بتحصل والله ياتولين
تولين بحزن عايزين نشوف خالو انتي زعلانه علشان وحشك صح؟
اسيا الدموع اتجمعت في عينيها وتابعت انا زعلانه علشان سيبت بيت خالو عامه
"" تولين مفهمتش بس اسيا تقصد انها اتجوزت ""
فتابعت تولين يعني ايه تقصدي نبات عند تيته تاني ؟
اسيا بوجع اه يعمري اقصد كده
تولين بحزن انا عايزه اشوف خالو يا مامي
اسيا بقهر حاضر يعمري قريب وباست خدها وتابعت دلوقتي هاخد شاور ونروح المطبخ اعملك كيكه وعصير ايه رايك؟
تولين بفرح ماشي موافقه اصلا قولت لبابي نعمل كيكه قالي لما مامي تصحى
اسيا تنهدت وتابعت بكدب: اه ماهو اللي قالي اعملي يا اسياا علشان توتي حبيبتي نفسهاا فيهاا
تولين سقفت بحماس فاسيا باست خدها وتابعت يلا تعالي اقعدي على السرير وخدي الفون شويه لحد مانا اخد شاور
تولين بفرح ماشي وطلعت قعدت ومسكت الفون واسيا راحت تفتح الدولاب تجيب حاجتها
فتابعت تولين باستغراب ايه الصوره دي يا مامي مش دي طنط رفيده هو مين الراجل ده
اسيا اتصدمت انها نسيت تلغي الفيس فبصتلها وتابعت بتوتر اااه هي
تولين باستغراب طب عمو ده معاها ليه مش هي كانت صورتها هي وخالو؟
اسيا تنهدت وتابعت بصي يا توتي انتي مش صغيره فهقولك حاجه .. طنط رفيده وخالو علي قرروا ميكملوش مع بعض وخلاص هي حره تتجوز تاني وهو حر يتجوز تااني
تولين بفرح حد غيرهاا يعني ؟
اسيا استغربت فرحتها وتابعت اه حد غيرهاا
تولين سقفت وتابعت بفرح يتجوز حبوووبه يتجوز حبوووبه وقامت وفضلت تتنطط على السرير
اسيا فضلت تضحك وتابعت ايه في اييه يخربيتك كل الفرحه دي علشان خالك ساب رفيدده ؟!!
تولين بفرح اااه دي رخمه مكنتش بحبها خالص
اسيا بصتلها بذهول وتابعت بضحك بس ياتولين اتلمي عيب كدده يعمري
تولين بفرح انا عايزه حبوبه تتجوز خالو علشان بحبها اوييي وجميله وقموره وشعرها طويل اويي اويي وحلوه اوي اويي بجددد
اسيا فضلت تضحك وتابعت وافرض حبيبه مش عايزه علي
تولين بفرح لا انا هخليها توافق هقولها خالو قمور وحلو اووييي اوييي زيك
فاسيا فضلت تضحك بشده وتابعت يخرابي منك بلسانيين
--------------
عند حبيبه كانت مشغله اغاني ولابسه جلابيه الرقص وكانت ضيقه عليها ومقسمه جسمها بشكل ممشوق ورابطه حزامها على وسطها اللي بيعمل صوت مع الحركه وفردت شعرها اللي معدي ضهرها وشغلت اغاني وعماله ترقص قدام مرايتها وهي فرحانه ومبسوطه اوي
حبيبه بفرح وهي بترقص تابعت بدلع مع الاغنيه : انت جااي منين ياعميي انت جااي من انهي حته .. نفسي احطك جوه قلبييي .. نفسي ابوسك حته حته ورفعت شعرها بايديها وهي بتتمايل وتابعت العيووون والنعمه طلقه انت زيك عمري ما الاقـــى
نيره دخلت وتابعت بضحك من الشفاايف نفسك تدوقي بقى يا تربيه ناقصه صح ؟؟؟!
فحبيبه وقفت وفضلت تضحك بشده وتابعت ااه اكدب يعني
فنيره فضلت تضحك وتاابعت طب والله العظيم هموت من فرحتي علشاانك
حبيبه فضلت تضحك وتابعت اللي فرحانلي صح يشاركني ومسكت ايديها ترقص معاها
ونيره رقصت معاها بعدين مسكت ايديها لفتها وهي بتزغرطلها
فدخلت هاله وتابعت بضحك يانااقصه منك ليهااا يعني الرااجل محبووس والناس هتموت على ابنهم وانتوا عاملينلي حنه هنااا
نيره بضحك يماما سيبيهااا تفرح يا ماما ماصدقنا البت قلبها دخلتله الفررحه
حبيبه بضحك لا وطلعت البدله بتاعت جهاازي كماان بذمتك ايه رايك
ففضلوا يضحكوا بشده فتابعت هاله بضحك كلمه حق غزاال وزي القمر وست البنات كمان فحبيبه فضلت تضحك وحضنتها وباست خدها وتابعت نورعيني انتي والله
نيره بضحك خطيرره بجد يبخته عامه بالحلويات دي بطل بطل يعني
حبيبه فضلت تضحك وحضنتها وتابعت حبيبه قلب اختك انتي والله
نيره بضحك انا عندي ظروف والله وبموت ومقدرتش مجيش ارقص معاكي بس طفي لكريم يجي يسمع ويولع فيناا
فحبيبه فضلت تضحك وتابعت من عيوني والله حاضر خمسه وهطفيه
هاله ضربت كف في كف وتابعت بذهول يابت اطفي يابت يخربيت اهلك اومال لو اتجوزك هتعملي فيناا ايه
حبيبه بفرح يخراابي ده انا هموت فيهاا دي
نيره بضحك خديها كلمه مني البت دي تتجوز علي ومش هنشوف وشها غير يوم في الشهر
حبيبه بضحك قصدك يوم في السنه ولو فضيت كمان
فكلهم فضلوا يضحكوا فتابعت نيره بضحك واطيه واطيه يعني
حبيبه بضحك طبعا يغاليه ده علي حب عمرري احنا هنهزر ولا اييه
هاله بابتسامه انا مشجعتكيش لاني مشوفتش فيه امل بس طلما طلق فـ علي احنا عارفين اخلاقه وتربيته يخرج ونشوف واللي فيه الخير يقدمه ربنا
فحبيبه دموعها نزلت بفرح وحضنت امها وتابعت ادعيله ارجوكي يا ماما والله هموت عليه
هاله باست راسها بعمق وتابعت ربنا يرجعه في وسطنا من تاني بالف خير ويجعله نصيبك يانورعيني
حبيبه بفرح ياارب يااارب اللهم امين الف مره واطلعوا براا بقى عايزه اكمل رقص وارجع لموهبتي
هاله بضحك كفاياكي رقص ياختي وانا هطلع لخالتك عايزاني فاقعدي انتي واختك اعملوا المحشي سواا واهي حاجه تنفعك علشان الواد علي بيحبه
حبيبه بضحك علي ياكله عند امه انا ماليش خلق للكلام دده روحي ينيره اسمعي كلام امك يحبيبتي
نيره بذهول يابت بلاش افترى حرام عليكي ده انا كنت برقص معاكي وانا تعبانه تسبيني ضهري يتقطم كدده في المحشي لوحددي
حبيبه فضلت تضحك وتابعت معلش يا نيره اخلص بقى وجيالك بعد شويه والله
نيره بضيق طب اخلصي واطفي بجد كريم لو جيه وسمع هيموتك
حبيبه بضحك حاضر والله
هاله بحب طب انا طالعه لخالتكم يا صافينار عصرك انزل تكوني خلصتي فقره الرقاصه وبدائي فقره ست البيت الشاطره بنتي حبيبتي اللي بتساعد امها ومش هتفضحنا قدام جوزها هاا
حبيبه فضلت تضحك وتابعت لا جوزي هيعجبه فقره الرقاصه اكترر وننزل لست البيت الشاطره حماتشيي كل حياتشيي تاكلني انا وهو
هاله بصتلها بذهول وتابعت انا هيدعي عليااا بسبب حبيبه والله العظيم ومش هتعمر في جوازه
نيره فضلت تضحك وتابعت مين دي حبيبه مش هتعمر !! ده مستحيل علي يلاقي الدلع ده كله ويفرط فيه وخالتي رانيا بنسبالها حبيبه تتجوز علي وينزلولها وتزغط الاتنين على قلبها زي العسل عادي
حبيبه بضحك شووفتي اناا عارفه حمااتي حبيبتي هتعمل اييه اطلعي انتي براها بس
هاله بضحك ربنا يسعدك ينورعيني يارب وابتسمت وتابعت يلا هطلع انا لخالتكم انزل الاقي الاكل خلصااان ها ومشيت
فتابعت حبيبه بحب كملي جميلك وروحي ابدائي وانا هجيلك بعد شويه والله
نيره بضحك طيب يخش يطمر وطلعت وقفلت وحبيبه شغلت الاغاني وفضلت ترقص تاني
وبعد شويه قعدت وهي حاطه ايديها على صدرها وبتااخد نفسها ونامت على السرير وتابعت يخراابي نفسي اتقطع ومسكت فونها وفتحت فيسبوك شويه وبحثت عن اكونت عزيز ودخلت تتفرج عليه شويه بعدين فضلت تفكر وتنهدت بعمق وسرحت دقايق فجتلها فكره وخرجت من الاكونت بتاعها وعملت اكونت فيك وسميته تالا محمد بلانجليزي وحطت صوره بنت من على جوجل وبعتتله ادد واتوترت وتابعت مش عارفه انا صح ولا غلط بس هجرب وخلاص وقامت تغير البدله ولبست بيجامه عاديه وقعدت تاني بتوتر ودقايق وعزيز قبل طلب الصداقه وبعت هاي فحبيبه اتوترت وقلبها دق بعنف وتابعت لا قبل ما ارد اتصل بامجد اسأله انا بتصرف صح ولا بعك الدنيا ورنت على امجد تشوف تعمل ايه
-----
بعد شويه في بيت هاله كانت نيره قاعده على الارض وقدامها ترابيزه بتعمل المحشي وبتلفه وهي تعبانه اوي وامها عند خالتها
فطلع كريم وكان الباب مفتوح فتابع بابتسامه مساء الخير
نيره بابتسامه متعبه مساء النور يحبيبي
كريم دخل وتابع ايه قاعده لوحدك ليه ؟
نيره بتعب حبيبه مفروض هتطلع تساعدني وامي فوق عند امك عايزاها في حاجه فدبستني انا وحبيبه هانم في المحشي ده بس الواضح ان انا بس يعني
كريم قلع جاكت بدلته وقعد جنبها وربع رجليه وشمر اكمام قميصه وتابع طب وريني اساعدك ازاي انتي باين عليكي تعبانه
فنيره ضحكت وتابعت لا يعمري انت مش هتعرف خالص
كريم بضحك ياستي انا مهندس يعني كل حاجه بعرف اعملها ومظبوطه كمان وريني بس ومتقلقيش
نيره بضحك هنبتديهاا نرجسيه بقى
كريم فضل يضحك وتابع قبل النرجسيه وقبل ماتعلميني عايز اعرف مالك لونك اتخطف فاجاه وشكلك بقى مرهق كده ليه
نيره بحرج مفيش يكريم تعبانه شويه والله
كريم اه تعبانه مالك ونروح لدكتوره
نيره بابتسامه محرجه لا عادي مش مستاهله دكتوره وبصت على الترابيزه وبقيت تلف محشي بحرج
فكريم فهم وسكت مرضيش يحرجها وتابع طب ثواني جايلك وقام يعمل حاجه في المطبخ و10 دقايق ولقيته جيه ومعاه كوبايتين قرفه بالعسل وحطهم وتابع عملتلنا حاجه نشربهاا علشان نفوق كده واحنا بنلف المحشي
نيره ابتسمت بحب "وفهمت ان كريم فهم سبب تعبها وعمل كوبايتين علشان ميحرجهاش ان القصد هي يعني "" فتابعت بس انت مبتشريش القرفه يحبيبي وبتفوق بالقهوه سيبك من القرفه وانا هعملك قهوه
ورايحه تقوم فكريم تابع مين قالك كده لا بحبهااا عليا الطلاق بالتلاته مانتي قاايمه
نيره بضحك كرريم
كريم بضحك عيون كريم والله هشربها انا بالصدفه اصلا قريت الوصفه دي وعجبتني قولت ابقى اجربها مع البت نيرره
نيره برفعه حاجب وضحك لا يشيخ ؟
كريم بضحك اااه يشيخه دوقى بقى وقوليلي ايه رايك
نيره بحب تسلم ايدك من قبل ماادوق بس ريحني هقوم اعملك قهوه وجايه
كريم مسك ايديها وتابع قسما بالله ما انتي قاايمه اقعدي اشربي واخلصي
نيره بضحك يووه يكريم بقى
كريم برفعه حاجب انا حلفت اخلصي يلا
فنيره نفخت بضيق ومسكت الكوبايه وتابعت يباااي منك بجدد وداقت وتابعت بحب تسلم ايدك يحبيبي
كريم بحب الف هنا يعمري ومسك الكوبايه يشرب وغمض عينيه بضيق وحاول ميبينش
نيره فضلت تضحك بشده وتابعت طب لييه طيب حقك عليا .. والله سيبه وخلاص عاادي
كريم بحرج يابنتي انا عملتها لياا معاكي بجد
نيره فضلت تضحك وتابعت يكريم مش مبرر ومش هصدقك عملتها ليك ازاي يعني وانا كده اتكسفت اكتر بجددد لاني عارفه انك مش بتطيق ريحتهاا
كريم بحرج هو انا باين علياا اوي كده؟
نيره بضحك ااه اوي اصل الرجاله هتشربها لييه يعني وانت بالذات منا حفظااك
فكريم ابتسم وتابع لا بجد هشربها المره دي معاكي وخلاص ورايح يشربها تاني فنيره مسكت الكوبايه وتابعت والله ابداا مش هخليك تشرب حاجه انت مش بتحبها وخدتها وقامت
فتابع كريم طب يا نيره وربنا هزعل
نيره بضحك ازعل انا راضيه ودلقتها وبقيت تعمله قهوه وشويه وخلصتها وجات وتابعت بحب امسك دي تعدل دماغك صح
كريم بضحك بردو عملتيها
نيره قعدت جنبه وتابعت بضحك منا فهمت انت قومت عملت ليه فخلاص بجد حقك عليا اشرب الحاجه اللي انت بتحبها وانا بشرب اهو متقلقش
فكريم خدها في حضنه وباس راسها بعمق وتابع تسلملي ايديكي الحلوين ياست البنات
نيره بحب الف هنا يعيونهاا ومسكت معلقه الزر وتابعت دوق معلش عايز ملح ولالا
كريم بضيق لا طبعا مبحبوش ني مانتي عارفه مستحيل
نيره بضحك وحياتي يكريم دوق بطرف لسانك كده لان انا عندي برد مش حاسه
فكريم نفخ وتابع ياربي منك انتي
نيره بضحك معلش خليها عليك
فكريم داق بضيق وهز راسه بلايجاب وتابع حلو مظبوط
نيره بحب طب زي الفل وخرجت من حضنه وابتدت تلف المحشي
فكريم اتعدل ومسك الورق وبقى يقدلها ونيره بتضحك عليه وتابعت مش هتعرف بجد
كريم بضحك ياستي انتي ماالك الله مانا بحاول اهو بدل ما سايبينك لوحدك حرام
نيره بضحك طب متحطش الرز كتير كده حط زيي علشان يقفل معاك
كريم بص علي نيره وقلدها وتابع كده؟
نيره بضحك اشطر بشمهندس يخوااتي حتى صباع المحشي بتاعك ملفوف بالظبط وعلى المسطره
كريم بضحك شوفتي عيب عليكي اساعدك بقى
نيره بضحك طب يلا ايدك بايدي جدع والله يكريم حسيت بيا
فكريم ابتسم وتابع تحت امرك يعيون كريم وبقى يعمل زيها ويرص وشويه وتابعت نيره بتعب كريم استنى نريح شويه مش قادره بصراحه ضهري اتقطم
كريم بحب خلاص ماشي قومي وقومها وراحوا غسلوا ايديهم ورجعوا قعدوا على الكنبه فنيره نامت في حضنه وسندت راسها على صدره وتابعت بتعب لا مفتريين بجد سايبنلي كل ده الفه لوحدي ليه يعني
كريم كان بيمشي ايديه على شعرها وباس راسها بعمق وتابع لما تنزل خالتي هقولها تكمل بدالك خلاص حقك عليا
نيره صوتها ابتدى يهدى وتابعت حقيقي تعبانه ومرهقه اوي بجد وغمضت عينيها
كريم بحب عارف والله حقك عليا انا وفضل يطبطب عليها ودقايق ونامت في حضنه فتابع كريم : نيره .. انتي يابت وبيبص عليها لقاها نامت فضحك وتابع يخرابي حبه المحشي هدوا حيلها وضحك وباس راسها وطبطب عليها وشالها بين ايديه ودخلها اوضتها وغطاها وباس جبينها وطلع وقفل الباب وراح قعد يكمل فخرجت حبيبه وشافته فضحكت وتابعت الله الله بشمهندس كريم بنفسه يجدعاان بيعمل محشي عشناا وشوفناا
كريم ماعلشان انتي متربتيش فانا قاعد مكانك
حبيبه قعدت جنبه وقرصت خده وتابعت بضحك يخلاثي ياناس على الحنيه
كريم بضحك ده كده كده يابنت الجزمه
حبيبه بضحك كده كده اييه انت هتعملهم علياا ده علشان اكيد نيره صعبت عليك هنمثل ولا ايه
كريم بضحك ما لازم تصعب علياا مانتوا متفريين سايبنيها لوحدهاا
حبيبه بضحك ربنا يخليك انت ليها يحنين المهم عايزه اطلب منك طلب
كريم وهو بيلف تابع اممم معاكي
حبيبه بتنهيده ظبطلي زياره مع فؤاد عايزه اروح لعلي
كريم ساب اللي بيعملوا وبصلها وتابع برفعه حاجب وده ليه ان شاء الله ؟؟
حبيبه بلعت ريقها بتوتر وتابعت عادي يكريم اطمن عليه
كريم بعصبيه حبـــيــــبـــه
حبيبه بتوتر نعم يكريم
كريم بعصبيه مش معنى اني هزرت معااكي وسكت لما سمعت كل الكلام اللي حكيتيه ده فا ده يديكي حق تيجي بكل بجاااحه تطلبي مني تشووفيه احترمي نفسككك بقى وعززي نفسككك
حبيبه بدموع ليه انا عملت ايه يقلل مني علشان تقولي عززي نفسك انا عايزاه في حاجه مش رايحه اتأمل جماله يعني
كريم بعصبيه ليه ما كاان عادي يكررريم اطمن علييه دلوقتي عايزاااه في حاجه !! على العمووم ميهمش هتعملي ايه وعايزااه في ايه مينفعش تروحي اصلااا .. تروحي ليييه انتي ؟؟!! عايزااه يقول اييه عليكي لما يلاقيكي جياله ؟؟؟؟ اصل مين علي بنسبالك قداامه ؟؟ كفاياكي تقدميله بقى خليه لو عاايزك يعمل علشااانك شويه
حبيبه دموعها نزلت وتابعت بوجع طب المره دي بس يكريم
كريم بعصبيه ولا المره دي ولا اللي جاايه ولا فيها مرواح اصلااا وقام وتابع كملي الاكل ده انا ماشي بلا حرقه دم
وطلع وحبيبه دموعها نزلت وقامت دخلت البلكونه واتصلت بفؤاد فدقايق ورد عليها
فؤاد ايه يحبيبه
حبيبه بدموع ايه يا فؤاد عامل ايه
فؤاد الحمدلله انتي ايه اخبارك
حبيبه بدموع كويسه نشكر ربنا المهم انا عايزاك في حاجه واحلف متجيبش سيره لكريم ولا لاي حد
فؤاد بقلق :في ايه يحبيبه قلقتيني
حبيبه بدموع انا عايزة نرفع نقض على الحكم بتاع علي
فؤاد استغرب وتابع نقض على الحكم !! طب ده ليه مش فااهم ؟!!
حبيبه تنهدت بعمق وتابعت انا عرفت الدليل اللي هيثبت براءه علي فين وهجيبه كل اللي عليك ارفع القضيه وانا هعمل الباقي
فؤاد بتنهيده تقدري تقوليلي هتجيبيه منين ودليل ايه ؟؟؟
حبيبه بتنهيده مش هقول على حاجه غير لما اتاكد هعمل ايه بس ارجوك انت ارفعها بس
فؤاد بتنهيده اولا انا مقدرش اعمل حاجه زي دي من غير ماعلي يعرف ويوافق ثانيا مقدرش اخااطر وارفع القضيه وبعدهاا متلاقيش دليل ولا حاجه وقدام القاضي موقفنا يبقى اسوء ثالثاا النقض اصلا ممكن يترفض لان القضيه مفيهاش ادله ومقفوله بالضبه والمفتاح
حبيبه خافت وتابعت يا فؤاد فاال الله ولا فاالك يسيدي جرب ونسيبها على الله يمكن يتقبل متقبلش خلاص ولو اتقبل والدليل مكنش كافي بردو خلاص حبسه بحبسه وهي هي بس نحااول
فؤاد بحده مش هقدر يحبيبه اخاطر من ورااه لازم يعرف وموافقته دي اجراء قانوني وشرط اساسي في النقض اصلا
حبيبه حطت ايديها على جبينها بتوتر وتابعت بدموع : طب حاول اقنعه يا فؤاد بالله عليك وانا والله هبذل كل جهدي وهجيب الدليل انا شبه خططت هعمل ايه بس مش هينفع اتكلم في حاجه دلوقتي والله
فؤاد بتنهيده مش هقدر يحبيبه والله
حبيبه بدموع طب يسيدي رتبلي زيااره بكره وانا هروح واقنعه اخرج انت براها خالص
فؤاد بتنهيده تمام مفيش مشكله وكريم بردو عايزني ارتبله فهشوف الدنيا وهقولك
حبيبه بخوف لالا والنبي خلي باالك لكريم يعررف انا مش عايزه حد يعرف خالص وهروح من ورااه
فؤاد تمام والله متقلقيش بس بردو خلي بالك لان كريم ممكن بكره يجي قبلك يجي بعدك مش ضامن فحاولي ميشوفكيش انتي بقى دي بتاعتك
حبيبه بتنهيده تمام انا هتصرف ...باي يا فؤاد
فؤاد باي
وقفلت معاه وتنهدت بعمق وراحت تكمل الاكل زي ما كريم قالها
--------------------
عند لميا كانت قاعده في اوضتها هي وهناء وبيتكلموا فمنير رن عليها وبقى بيتكلم معاها
لميا بتنهيده والله يا استاذ منير انا مش هقدر ارجع ارجوك سامحني
منير بحزن كده يا لميا هونا عليكي طب ده اانا حتى بعت جبت زين واتحايلت عليه لان من يوم ما مشيتوا انتوا الاتنين الجريده في ترااجع فارجوكي اعمليلي خاطر وارجعي
لميا اتصدمت وتابعت هو زين رجع الجريده؟
منير بحزن ااه وقاعد قدامي اهو تعاالي يابنتي وسيبك من القضيه دي احنا خايفين عليكي
لميا بضيق انتوا اللي هما مين ؟؟
زين كان سامعها فخد الفون من منير وقام وقف ودخل البلكونه وقفل الاسبيكر وتابع االلي هو انا واستاذ منير يا لميا .. احنا معندناش اغلى منك نخاف عليه وعلشان خاطر العشره اللي بينا لو لسه في 1% تقدير ليها سيبي القضيه دي
لميا الدموع اتجمعت في عينيها وهناء لاحظت وشاورتلها بمالك فهزت راسها بـ لا "" اللي هو مفيش حاجه "" وثواني ووسام رن على هناء فورتها الفون فلميا هزت راسها بماشي فهناء دخلت البلكونه
فتابعت لميا بوجع: لو سمحت انا لسه عند قراري وكلام استاذ منير فوق راسي بس انا مش هسيب القضيه
زين بحده يابنتي بطلي عِند والله خايفين عليكي
لميا بحده ودموع محدش لييه حق يخااف علياا خليك في نفسسك وحيااتك يا زييين ومتدخلش في حيااتي علشان مسمعكش كلام يضااايقك
زين اتوجع من كلامها وتابع لميا انا لسه بحبك
لميا بدموع وانا مشفقه عليك .. علشان خلاص لميا خفت منك ..فضلت كتيير بحذرك من يوم زي ده بس انت عمرك ماتغيرت ومكنش بتصدق انه ممكن يجي واديه جيه
زين بوجع طب اديني فرصه تانيه انا والله ندمت
لميا بدموع ندمك ميفرقليش لانه مجاش في وقته واي حاجه بتيجي بعد مايفوت وقتها بتبقى ماسخه وبايخه فالو سمحت خلي عندك دم ومتكلمنيش تااني ولا تحااول تخليني اتراجع عن القضيه لاني مقرره هكمل
زين بدموع بس انا مش عارف انسى ايامي معاكي .. قوليلي انتي عملتيها ازاي
لميا بقسوه: تخيلني في حضن غييرك وكنت قبلهاا بقولك انا تعبانه وفي البيت عاادي وساعتها هيبقى سهل عليك تكرهني
زين بعصبيه انتي اتجننتي ؟!! ازاي تقولي الوسااخه دي على نفسك ؟؟!!
لميا بعصبيه ودموع الوسااخه دي انت عملتهااا وانا شوفتك بعيني فكرهتك انما انت يا زين هتعيش عمرك كله ندمان وبتحاول تلاقي سبب تكرهني علشانه ومش هتلاقيي .. مش هتلاقي غير الندم اللي هياكل فيك كل لحظه
زين بحده يابنتي ملمستهاش والله العظيم ملمستهاا
لميا بوجع خونتني بفكرك ومشاعرك .. الخيانه ليها اشكال كتيير اوي احقرهم انك تلمس واحده انما مش هي الشرط الوحيد
زين بوجع يعني ده اخر كلام عندك يا لمياا
لميا بحده ومعنديش غيره وقفلت في وشه ودموعها فضلت تنزل بوجع
في البلكونه عند هناء كانت بتتكلم مع وسام
هناء بتنهيده يحبيبي والله دلوقتي صعب انت ليه محسسني اني مش عايزاك في حياتي زي مانت عايزني بالظبط
وسام بتنهيده انا مبحبش جو التليفونات ده بصراحه انا عايزك بجد وعايز ادخل البيت من بابه بس مقدر الظروف اللي انتي فيها فعلشان كده بقولك اقل حاجه تعالي اعرفك على اهلي في النادي علشان يعرفوا اني هخطبك
هناء بتنهيده لا يا وسام مش دلوقتي اولا موضوع علي لسه مبقالوش يومين ومش وقته خالص ونفسيتي مش سامحه ثانيا مامتك اكيد مش هتحبني علشان موضوع بنت خالتك ده فلما تحس انك قفلت الموضوع ده معاها خالص هوافق اقابلها انما قبل كده هتضايق وانا متضايقه لوحدي فمش عايزه كمان اشيل من مامتك لان دي هتبقى ام جوزي فلاازم علاقتنا تكون كويسه
وسام بتنهيده انتي بتتكلمي صح انا عارف بس حتى مره
هناء بحزن معلش ينورعيني مش الايام دي انا والله مش هقدر خالص ومش عايزه اول لقاء بيني وبين مامتك يبقى فيه مواقف مش لطيفه او ان دي اللي هتاخد ابني من بنت اختي والجو ده
وسام بحده يابنتي سيبك من الهري دده انا مش عايزهااا وعاايزك انتي
هناء بحب واثقه من كده ومش حطاها هي في دماغي نهاائي لاني عارفه اني ماليه عينك بس بردو مش هعرف الايام دي اواجه مامتك
فوسام تنهد وتابع تمام يا هناء هظبطها مع ماما انها تقفل موضوع بنت خالتي ده بعدين نتقابل كلنا
هناء بحب كده تمام ماشي من عيوني
وسام بحب تسلملي عيونك يارب
فهناء ابتسمت بحب وبصت على الاوضه وتابعت يلا هسيبك انا دلوقتي لحسن لميا خلصت مكالمه شغلها وقاعده لوحدهاا
وسام بحب ماشي يعمري ابقي كلميني لما تفضي
هناء بحب ماشي باي
وسام بحب باي
ودخلت لقيت لميا دموعها على خدها فتابعت بخوف مالك في ايه
لميا بتنهيده لا مفيش ومسحت دموعها وتابعت زعلانه بس شويه اني زعلت استاذ منير
فهناء قعدت جنبها وتابعت بحزن معلش انتي قولتي بقالك شويه مش بترتاحي في الجريده عنده فالمهم راحتك بردو واتوترت وتابعت انا مش قصدي ارخم عليكي بس انا سمعت اسم زين فكده ..
لميا بمقاطعه زين رجع الجريده بس مش ده اللي خلاني اعيط وارجوكي اقفلي على سيرته
ورايحه تقوم فهناء مسكت ايديها وتابعت بحزن لسه بتحبيه وبتتوجعي من سيرته يا لمياا ؟
لميا نزلت ايديها وتابعت بوجع كنت بحبه .. انما دلوقتي مش موجوعه غير على نفسي ودخلت الحمام وقفلت وراها وهناء تنهدت بحزن عليها
--------------------
تاني يوم الصبح حبيبه صحيت وجهزت وطلعت من اوضتها لابسه نقاب
فهاله اتخضت وتابعت بسم الله الرحمن الرحيم يخربيت اهلك يشيخه خضتيني
حبيبه بضحك اخلصي مش وقته باين ان انااا ؟
نيره بضحك لا خاالص فنانه عرفتي تفكررري بجد بس هنقوله فين يا فاالحه ؟
حبيبه بتوتر راحت تسلم شيتاات بتاعتها هي وسلمى للكليه وانا مش هتأخر
نيره بتوتر طب روحي ربنا يستر
هاله بتنهيده اطلعي من العماره بسرعه بس علشان لو شافك ميقولش مين طلعت منتقبه من عمارتنا ماهي مفيهاش حد غيرنا واللي مكسنهم عاارفهم ومفيهومش حد منتقب
حبيبه بتوتر حاضر رايحه اهو هاتي يا نيره الاكل اللي عملته
نيره بحب امسكي حطتهولك في الشنطه
حبيبه بحب تسلميلي يعمري يارب وخدت الشنطه ونزلت
فتابعت هاله بتنهيده مش عارفه احنا صح فاننا بنطاوعها ولا غلطنا
نيره بتنهيده بتقول جاتلها فكره تساعد بيها علي سيبيها تقوله يعالم يمكن يحصل حاجه فعلا
هاله تنهدت وتابعت ياارب يابنتي والله
------------
بعد شويه عند حبيبه فضلت قاعده متوتره اوي وبتفرك في ايديها ودقات قلبها سريعه مستنيه علي يجيلها بفارغ الصبر حاسه ان بقالها سنين مشافتهوش مش يومين ودقايق وبالفعل دخل فلما شافته قامت وقفت والدموع اتجمعت في عينيها من شكله المجهد ووشه المضروب
وعلي استغرب اوي وتابع انتي مين ؟
فحبيبه راحت حطت ايديها على خده وتابعت بعياط : ايه ده مين عمل فيك كدده ؟؟!!
فعلي عرف صوتها وبصلها بوجع وتابع حبيبه !!
فحبيبه رفعت النقاب وتابعت بعياط اه يعيون حبيبه مالك يعلي مين عملك فيك كده فهمني
علي اتفاجئ بشكلها وتابع انتي لابسه كده ليه ؟؟!!
حبيبه غمضت بتوتر وتابعت بدموع سيبك مني خالص المهم انت ومسكته قعدته على المقعد وقعدت قدامه وتابعت بعياط حصل كده ازاي فهمني وبصت لدراعه المتشمر وملفوف عليه شاش وتابعت وايه ده كمااان في ايييه فهمني ابوس ايدك
فعلي غمض بوجع وتابع مش قبل ما تفهميني انتي لابسه نقاب ليه .. ايه يحبيبه مش عايزه حد يشوفك بتزوريني بتستعري من معرفتي ؟
حبيبه بصتله بوجع وتابعت بدموع انا !!! انا يعلي استعر من معرفتك !! ده لو الدنيا كلها استعرت منك انا هقف افتخر بيك ودموعها نزلت وتابعت ده انت بنسبالي اقوى وانجح واحد في الدنياا كلها ومش وجودك هناا اللي هيغير نظرتي ليك ايااك تقول كده تااني ده انت عشره عمري هو انا عارفاك امبارح ولا اول
علي ابتسم بوجع وحط ايديه على خدها ومسح دموعها وتابع اومال لابسه كده ليه ؟؟؟
حبيبه بصتله بتوتر وتابعت بدموع بصراحه كريم بهدلني ومرضيش يسبني اجيلك وسمعت انه هيرتب لزياره علشان يشوفك فخوفت يقابلني برا ولا يشوفني في الشارع يبهدلني فلبست النقاب وجيت بيه
علي ابتسم بوجع وتابع كريم عنده حق المكان هنا وحش اوي ومينفعش تيجي تاني
حبيبه بدموع ماهو علشان وحش عايزه اخدك منه انت متستحقش تفضل هنا يعلي
علي افتكر اخته فتابع بدموع ولهفه : سيبك مني طمنيني على سلمى ابوس ايدك عامله ايه دلوقتي هموت عليهاا
حبيبه بلعت ريقها بتوتر وتابعت بابتسامه سلمى زي الفل وهتموت وتجيلك وهيرتبوا وهنيجي ان شاء الله كلنا
علي بصلها بشك وتابع بدموع انتي بتكدبي صح ؟؟ قلبي حاسس انها مش بخير ودموعه زادت
حبيبه مسحت دموعه بحنان وتابعت بوجع بخير يحبيبي بخير بس ابوس ايدك متعيطش مبحبش اشوفك دموعك وصدقني اللي واجع سلمى وواجعنا كلنا وهو بعدك عننا انما هي بخير وزي الفل وهتشوف بعينك
علي غمض عينيه بوجع وتابع جيتي ليه يحبيبه ؟؟
حبيبه بصتله بوجع وتابعت اخص عليك يعلي انت زعلت اني جيت ؟؟؟
علي ابتسم بوجع وتابع بالعكس طبعاا بس هتبهدلي نفسك مع كريم بسببي علشان لو عرف انك مش في البيت فيها مشكله كبيره ليكي
حبيبه بدموع مش مشكله يسيدي انا رااضيه بس مكنتش هقدر مجيش انا جيبالك تاكل وعايزاك في موضوع مهم
علي مسح دموعها وتابع بوجع طب قبل اي حاجه كفاياكي عياط
حبيبه بعياط مش هبطل عياط طول ما انت هناا يعليي .. انا هفضل مقهوره وبعيط الناس دي مش شبهك ولا عمرهم هيكونوا شبهك ولا هتكون شبهم انت مش شايف عاملين في وشك ودراعك ايه وفضلت تعيط
فعلي خدها في حضنه يهديها وتابع بدموع حقك علياا اهدي ارجوكي
حبيبه بعياط فهمني ده حصلك ازاي انا مش قاادره استحمل ابصلك وانت متعور كده ينورعيني عليك
علي ضحك من بين دموعه وتابع قرفانه من الدم اللي في دراعي ؟؟
حبيبه بحده ودموع اقرف من مين انت اتجننت انا موجوعه علي شكل دراعك وورم وشك ده انما مقدرش اقرف منك
علي بضحك اصل انا عارف انك بتقرفي
حبيبه بصتله بحب وتابعت بدموع من اي حد الا انت
علي تنهد بعمق وتابع جيتي ليه يحبيبه ؟؟
حبيبه بدموع مش قبل ماتقولي مين عمل فيك كده
علي اتنهد بوجع وتابع عيال معرفش يعرفوني منين لقيتهم عاملين رباطيه علياا وبيضربوني فضربتهم وواحد منهم عورني والتاني بيضرب وانا فضلت اضربهم بس لما الموضوع وصل للظابط وجيه كلهم اتفقوا ان انا اللي دخلت المطوه فا الظابط بهدلني وشتمته فخدني للتأديب
حبيبه بعياط وخوف ايه ده يعني ايه مش فااهمه
علي بوجع يعني اوضه كده فيها مايه لوحدي علشان مقعدش وافضل واقف انا منمتش من امبارح وفضلت واقف طول الليل اما رجلي اتكسرت والله
حبيبه فضلت تعيط بهستريه وحطت ايديها على بوقها فعلي قام وقف وتابع لالالا اهدي حقك علياا اهدي وخدها في حضنه وهي فضلت ماسكه في هدومه وبتعيط بهستريه وتابعت ليه يعلي ليه يعملوا فيك كده منهم لله حسبي يالله ونعم الوكيل فيهم .. ليه كميه الاذي دي !! انا مقهوره عليك ابوس ايدك امشي معاياا
علي بوجع يعني هو بمزاجي يحبيبه وابتسم حاول يهديها وتابع بلتقائيه: اهدي ينورعيني اهدي وباس راسها بعمق وابتسم وتابع انتي عارفه ان شكلك قمر بالحجاب؟
حبيبه ضحكت من بين دموعها وتابعت انت فايق ورايق والله يعلي
علي ابتسم ومسح دموعها وتابع لازم افوق واروق مش شوفت الابتسامه الحلوه دي
حبيبه ضحكت من بين دموعها وتابعت قولي يحبيبي انت كالت ولالا ومتكدبش عليا وحياه اخواتك عندك
علي تنهد بوجع وتابع لا مكالتش بصراحه وماليش نفس
حبيبه قعدته وتابعت بدموع طب والله لا تاكل من الاكل اللي انا عملته وماتكسف ايدي يعلي
علي بوجع : حبيبه متجبرنيش ارجوكي حقيقي ماليش نفس
حبيبه فتحت العلب وتابعت وهي بتملى المعلقه والله ابدا هتاكل بردو وقربت منه وتابعت يلا امسك
فعلي تنهد وتابع قولت مش عايز والله
حبيبه بحب لو ليا خاطر عندك يعلي
فعلي تنهد بعمق وقرب كل منها فابتسمت بفرح وتابعت ايوه كده وفضلت تأكله شويه
علي وهو بياكل تابع انتي بتعملي كل ده ليه يحبيبه ؟
حبيبه اتوترت وتابعت هو ايه بالظبط ؟
علي تنهد وتابع كل ده بمعنى كلمه كل ده .. من اول ما اضربت بالنار ورهنك لدهبك وتبرع الدم وخوفك علياا وجريك في الشوارع تدوري على حل لما اتحبست وزياراتك وتدخليلي اكل ودلوقتي تطبخي تاني وتيجي بنقاب من ورا كريم ومراعيتك لاهلي وتيجي ورايا الاقسام .. كل ده بتعمليه ليه ؟
حبيبه الدموع اتجمعت في عينيها وتابعت انت فكرك ليه ؟
علي مسك ايديها وتابع بوجع حبيبه انتي بتحبيني ؟؟
حبيبه سابت الاكل على جنب وتنهدت بوجع وتابعت بعيدا عن سؤالك خالص .. انا جايه اطلب منك طلب
علي بوجع طب ريحيني وجاوبي علشان انا كمان اريحك
حبيبه ابتسمت بدموع وتابعت هقولك يعلي بس الاول توعدني توافق على طلبي
علي باستغراب مش لما اعرف ايه هو الاول ؟
حبيبه بصتله بوجع وتابعت اوعدني يعلي ارجوك وانا هقولك ومتخافش حاجه كويسه
علي تنهد وتابع اوعدك يحبيبه
حبيبه ابتسمت من بين دموعها وتابعت تمام يبقى تروح حالا لفؤاد وتقولوا يرفع قضيه نقض
علي باستغراب نقض !! نقض على ايه ؟!!
حبيبه ابتسمت بدموع وتابعت انا هجيب دليل يخرجك من هناا بس تقوله يرفع النقض لان انا قولتله قالي لما علي يقول بنفسه ودموعها زادت وتابعت ابوس ايدك يحبيبي قوله موافق
علي باستغراب مواافق على ايه انتي مجنوونه دي حكووومه مينفعش نهزر معاهم يعني لو نقضت والقاضي ملقاش دليل مش بعيد يضاعفلي المده
حبيبه خافت للحظه بس قررت تكمل وتابعت بعياط وغلاوتك عندي هجيبلك الدليل لو على موتي بس ترفع القضيه
علي بحده دليل اييه وهتجيبيه منين ومسك دراعها جامد وتابع حبيبههه انتي نااويه تعملي ايييه هاا ؟؟؟
حبيبه بعياط ولهفه: هجيب حاجه تثبت برائتك بس وغلاوتي عندي متعرفش حد خالص ان انا اللي بدور وصدقني امجد الظابط هيسااعدني انا مش لوحدي بس وافق
علي استغرب كلامها بشده وتابع بحده انا مش هوافق غير لما اعرف هتعملي ايه
حبيبه بحده ودموع انا خليتك وعدتني علشان متسالش ياعلي فارجوك نفذ وعدك
علي بحده مش هنفذ حاجه ايش عرفني هتعملي ايه ولا هيجرالك ايه انتي عبيطه ولا ايه ؟؟؟
حبيبه بحده وعياط يسيدي انا مش مهممم
علي بعصبيه يعني اييه انتي مش مهم انتي عبيطه ولا اتجننتي
حبيبه بعياط وعصبيه ااه انا مش مهمم بس انت لازم تخررج اهلك هيموتوااا من غييرك .. انما انا عمرره ما حاجه هتحصلي هتساوي اللي انت فيه .. ولا هكسر حد زي ماشوفت اهلك مكسورين بسبب حبستك دي فاانا لو غورت في دااهيه مش مهمه عند حد قد مانت مهم عند اهلك ياا عليي افهم بقى
علي بعصبيه لا مهمه عندددي ومش هسمحلك تدخلي اي مخااطره بسببي غير لما افهم هتعملي ايه
حبيبه دموعها نزلت وابتسمت وتابعت انا مهمه عندك بجد ؟؟
علي بحده : اااه يحبيبه ومش هسمحلك بأي تضحيه تاني خلااص كفاياكي جدعنه معاياا
حبيبه قربت منه وتابعت بعياط لو انا مهمه عندك بجد يبقى توافق لان انا واهلك هنموت من غييرك ..دي مش جدعنه انا بريح نفسي معااك لان قاعدتك هناا قهرااني ..وافق ياعلي ابوس ايدك ووالله انا مش هروح لوحدي
علي بعصبيه تروحي فين وتعملي ايه فهمينييي انا خلااص مستقبلي ضااع بس انتي مينفعش اخااطر بيكيي وبسُمعتك تحت اي سبب من الاسباب وفي قضيه زباله زي دي
حبيبه بدموع وغلاوتك عندي انا عارفه هعمل ايه كويس بس ارجوك توافق
علي بوجع بتعملي كل دده ليه انا هتجنن منك يحبيبه !!!
حبيبه تنهدت بوجع وتابعت عايز تعررف بعمل كل ده ليه ؟؟
علي بوجع اه عايز اعرف
حبيبه قربت منه وبصت لعنيه وتابعت بدموع علشان من يوم ما وعيت على الدنيا وانا قلبي عمره ما دق لغيرك ياعلي
علي اتصدم بشده والدموع اتجمعت في عينيه فعيطت حبيبه وتابعت وانت السبب فرفضي لكل العرسان علشان انا عمري ما تخيلت راجل غيرك يلمسني وضربته في صدره وتابعت بعياط هستيري : وانت روحت اتجوزت رفيده قداام عيني وقهرتني
علي اتصدم اكتر وقلبه وجعه اوي ندم انه ضيعها زمان وندم انه عمره مابين اعجابه وحبه ليها زمان وندم انه مرضيش يتقدم ظننا منه انها عمرها ماهتحبه وشيفاه اخوها زي كريم بالظبط فغمض عينيه بوجع ودموعه نزلت وتابع ليه يحبيبه ؟؟؟
حبيبه مسحت دموعه وتابعت بعياط ليه ايه ينورعين حبيبه ؟؟
علي فتح عينيه وتابع بدموع ليه انا ؟؟؟ ليه تبصيلي ؟؟؟ انا محلتيش حااجه وعلى قدي ومفيش مستقبل من قبل ما اتحبس كماان
حبيبه بصتله وعينها بتلمع وتابعت بعياط علشان انت سيد الرجال كلهم في نظري ياعلي .. انا حبيتك من جوه ومن برا .. وشيفاك احسن واجمل واحن راجل في الدنيا كلهاا .. ومش فارقلي انت ايه وشغلك ايه .. وعايزاك كلك على بعضك ومكتفيه بيك .. وعمري ماشوفت فيك عيوب ويكفيني بس اشيل اسمك واصونه العمر كله
علي دموعه زادت وتابع ياريتني عرفت قيمتك قبل دلوقتي كان يمكن حاجات كتير اتغيرت
حبيبه فرحت بكلامه وتابعت بعياط ولهفه : وفيها ايه يحبيبي ما انت هتخرج والله وهنبدا مع بعض وانا هستناك
علي هز راسه بوجع بـ لا وتابع لا يحبيبه انا مش هتجوزك ومش هخرج
فحبيبه اتصدمت وتابعت انت بتقول ايه يعلي ؟!!
علي غمض عينيه بقهر وتابع بدموع بقول اللي سمعتيه
حبيبه قلبها وجعها وتابعت بقهر ودموع: انت بتحب رفيده انا عارفه ولسه متخطتش وحقك بس ..
علي بمقاطعه لالا مش مسأله رفيده خاالص انا اه لسه بحبها طبعا منا متخطتهاش بالسهوله دي بس خلاص ايقنت انها لازم تتنسي ومكنش ينفع اكمل معاهاا فمش هي اللي معطلاني
حبيبه حست بقهر وتابعت اومال ايه اللي معطلك يا علي ؟؟ وابتسمت بسخريه ودموع وتابعت : لا بجد كان مفروض ايه ناقص اعمله ومعملتوش علشان احس زيي زي اي واحده اني مستحقش حد يتردد في اختيااره ليااا ؟؟؟!!
علي بلهفه ودموع لاالا متقوليش كده انتي عملتي اكتر من المفروض على فكره وجدعه واصيله وانا لو لافيت الدنيا كلها مش هلاقي زيك وخساره فيا وفي اي حد وابتسم بوجع وتابع وانتي اول حب على فكره
حبيبه دموعها نزلت بقهر وتابعت عشت عمري كله بتمني اسمع كلمه بحبك منك .. ومكنش عندي مانع استني فوق عمري عمرين علشان بس تحس بياا وانت بكل برود جااي تقولي انا مش عاايزك بس ااه يحبيبه انتي كنتي اول حب وضحكت بوجع وتابعت يسيدي شكراا على الترتيب
علي قلبه وجعه وتابع بدموع انا حبيت رفيده اه بس محبتهاش قدك انا كنت متعلق بيكي وعايزك بس خوفت افاتح كريم وقولت عمرك ماهتفكري فياا كدده وبص للارض وتابع ورغم اني ملتزم دينيا وكنت بمنع رفيده تقرب مني او اقرب منهاا بس كل مره بشوفك كنت بضعف ومبعرفش امنع نفسي من حضنك واقربها دلوقتي بردو حضنتك وبرتاح معاكي وبحس نفسي بتكلم قدام مرايا عارفاني وحفظاني اكتر من نفسي وبفضل ابصلك باعجاب وعلشان اتلاشى النظر ليكي كنت بتجنب اكلمك اصلاا واحيانا كنت اقولك البسي قدامي اسدال بلاش تفضلي بالبجايم واقربهم لما لبستي بيجامه سلمى وكانت ضيقه عليكي بردو قومتك تلبسي اسدال ومفيش مره كلمتك غير وتجاوزت حدودي الطبيعيه اللي بعملها مع كل الناس عاادي وكل ده علشان انا فعلا معاكي غير معاهاا وغير اي حد حتي وهي مرااتي انتي عندي كنتي مختلفه بس كنت بوقف نفسي وبقول لنفسي لا يعلي ده مينفعش دي اختك وشيفاك اخوها اتقي الله ومتخونش الامانه يلعلي ودموعه زادت وتابع بس والله لو كنت اعرف انك موقفه حياتك بسببي ماكنت اترددت اجي اطلبك من كريم واحارب علشانك انا فعلا حبيتك يحبيبه
حبيبه دموعها نزلت بوجع وتابعت انت عمرك ماحبيتني ولا عمرك كنت هتحاارب سبق وسبت الحرب بدري ومدافعتش عن حب طفولتك ودلوقتي بتسيبه تاااني .. انا بس اللي مش قادره اسامح نفسي لاني كنت ارجل من 100 راجل وانا بدافع عن حبي ليك رغم انك ساايبني ورايح ترمي نفسك في حضن غيري وعيطت وتابعت بعصبيه استنيت عمرريي كله اليوم اللي اكون واقفه قدامك فيه واقولك اااه يمتخلف انا بحبككك انتتت .. وبغييير علشان بحبك انتتت .. ومقهوره علشان بحبك انتتت .. وهعنس علشاان بحبببك انتت .. انما انت علشان متخسرش كريم خسرتني انا عادي يا علييي ودلوقتي بتخسرنيي تاااني
علي دموعه نزلت بقهر وتابع حبيبه افهمي انا عاايز اضمن مستقبلك مع حد من قميتك انا بقيت مسجون وحياتي ادمرت انتي مستوعبه ولا الحب عاميكي
حبيبه بعياط وعصبيه مستوعببههه .. مستوعببههه كل حااجه الا انك لحد دلوووقتي بتتخلي عني وعااادي بنسببالك اكون مع غيييرك وانا لسه ماااسكه فيك وبقووولك عاايزاك وشيفااك احسن واحد في الدنيااا هو انا للدرجه دي بحبك !!!!! واتعصبت بعياط وتابعت يااخي ينعل ابوووه الحب لو هيقلل مني كددده وهدوس علييه بالجزم لو هيكسرني قدامك .. قدام علي اللي كنت بهررب من الدنيا كلها ومشاكلها واستخبي وراا ضهره بس انهاارده بالذات وجعي منه مخليني مش عاارفه هروح فيين
علي بعصبيه ودموع مين قاالك مكنتش بتقطع لما بيجيلك عرسااان ؟؟؟؟ ومين قااالك كنت فرحاان وانا قاعد بقنعك بهاااني ؟؟؟؟ ومين قااالك اني مكنتش بمووت وانا بقرا فاتحتك علي غيرري ؟؟؟ اتعصب اكتر وتابع : بس انا خاااطب وبعدهاا متجووز فكنت بجااهد شعوري ده علشاان اصوون اللي معايااا وبقول ده شيطااان وبيحاول يوقعني لان حبيبه شيفاااني اخوهاا فمينفعش انا ابصلها بالنظره ددي انما والله مكنتش مرتااح وكنت بتلكك علشان عرسانك يترفضواا وقولت لكريم لسه صغييره وسيبوهااا برااحتها وبحااول اوري نفسي ان فكل مره انا مش فاارقلي بس مش عاارف ليه بردو كنت بتضايق ودموعه نزلت وتابع بس لما امك طلبت مني مقدرتش اقول لا وكل مره كنت بعترض كانت بتزعل مني وتقولي اعتبرها اختك ياعلي وشجعها تعيش حيااتها فقولتلك جربي يحبيبه روحتي وافقتي علطول بس انا طول الوقت كان جوايا الاحساس وعكسه بحبك ولا بحب رفيده بس الاكيد اني اخلصتلها وهي مرااتي لاني مش وحش
حبيبه اتقددمت قدامه وبصت لعنيه وتابعت بقهر انت محبتش غير نفسك ياعلي وعلشان تريح بالك وتكسب اخوك ومتخسروش بسببي قولت رفيده اهي وحلوه وشكرا على كده وقاومت احساسك االلي كان بيشدك ناحيتي وقدرت تعيش عاادي مع واحده تانيه وحبيتها حتى لو شويه بس انا لا وهزت راسها بالنفي وتابعت بعياط وعصبيه: انااا مكنش بيجيلي نوووم وانااا بتخيل اللحظه اللي هيتقفل عليكم بااااب واااحد وهتلمسهاااا فيهاا واتعصبت اكتر بعياط وتابعت اناااا شوفتك دنيتي بس انت شووفتنيي محطه وااحده في دنيييتك وعدت وخلصنااا منهااا وضربته في صدره جامد وتابعت بعياط هستيري: انا مواافقتش على هااني غير لما جييت بنفسسك تسلمنييي لراااجل غيييرررك ...اناااا عشت بخلصلك حياااتي كلهااا وسمعت بسببك ازبل الكلااام وكملللت لحد دلووقتي بس انت ضعييف ياااعلييي واتخليت عنييي مره واتنين ومش عاارف بتحب مييين فينااا اصللاا
علي دموعه نزلت وبص للارض وتابع انا فعلا جيت عليكي لما محاولتش علشانك وظلمتك لما فكرتك شيفاني زي كريم وخوفت هو كمان يزعل مني .. بس دلوقتي تحديدا هي خلاص خلصت ومستحيل اربطك بواحد زيي اتحكم على حياته بالموت وهيطلع منبوذ من المجتمع فانسيني احسنلك يحبيبه
حبيبه بصتله بقهر وتابعت انساك !!!! بلبساطه دي !!!! وضحكت من بين دموعها وتابعت بسخريه تصدق كنت مستنيه منك تقولي انسيني علشان ادوس على الزرار لان كل السنين دي كنت مكسله ؟!! ودموعها نزلت وتابعت ده انا علشان انساك لازم انسي عمري كله بكل لحظه فيه من اول بلكونتي اللي بفتحها وبلاقي وشك اول حاجه في يومي ..واتعصبت بعياط وتابعت ده انت عملت فيااا اللي ميتعملش واتجوزت غيري ومعرفتش انسااك هنسااك دلوقتي لما انت طلبت ؟؟؟!!
علي غمض عينيه بألم شديد ولف ضهره علشان ميبصلهاش وتابع بعصبيه يحبيبه افهمييي انا منفعكيييش بكره وبعددده السنين مسيرها تعدي وهخرج بس مش زي ما دخلت .. هبقي رد سجووون ومش هعيش طبيعي في المجتمع والكل نظرته ليااا هتتغير ومش هبقى علي المحااامي هبقي مجرد واحد عاادي معهوش جنيه وعنده في السجل قضيه وكان مسجوون ومش عاارف يعيش منييين ولا يقنع المجتمع ازااي انه مش وحشش كده .. فا دي الصوره اللي انتي مش عاايزه تشوفيهاا بس انا شااايفها من دلوقتي فمش هوعدك اني اتجووزك لاني مستحيل اربطك بوااحد زيي ولا ارضى لسلمى واسرااء واسيااا ان يبقوا متجوزين حد زييي فاروحي واختااري رااجل صحح مرره واحده بقى في حياااتك بعيدااا عن كل اللي رفضتيه ابداائي من جديد وفكرري كويس واختااري راجل صح يعيشك ويعيش عيالك في مستوى راقي لانك حقيقي تستاهلي كل الحلو اللي في الدنياا فاعقلييي وانضجييي ومتبصيش لشوويه مشاعر من مراهقتك هيضيعوا عمرك كللله
حبيبه اتقهرت من كلامه وتابعت بوجع ودموع بس انا اختارت الراجل صح ياعلي .. ودول مش شويه مشاعر ولا مراهقه لا خالص .. اللي انت مسميها مراهقه دي انا عيشت عليها عمري كله وشوفتها حلم عمري كمان .. واني اشيل اسمك وتبقى جوزي ده كان ولازال حلم عمري .. كنت كفايه عليا اقف ابصلك بس من بلكونتي كل يوم ودي كانت كفيله تصبرني لحد ما اعيش اليوم اللي ابقى معااك فيه تحت سقف بيت واحد واشيل عيالك .. حتى بعد ماتجوزت غيري معرفتش اكرهك ومعتقدش في اسوء من كده كنت ممكن احسه وعيطت وتابعت كنت بموت بدل الموته الف مووته وهي في حضنك وبردوو مقدرتش اقسى عليك ولا اكرهك فا لو انت شوفت نفسك قليل بعد اللي حصلك انا عمري ماشوفتك ولا هشوفك غير حلم عمري وهفضل شايفه نفسي بحب احسن راجل في الدنياا كلها ووالله العظيم انا اختارت راجل صح ساند عيله بحالها وادب واخلاق وحنين ولسه مؤمن بقضاء ربنا وواقف على رجليه رغم كل حاجه حواليه بتوقعه
علي كان مديها ضهره زي ماهو ودموعه بتنزل بقهر ندمان ندم عمره انه ضيعها ومحسش بيها بس مدرك انه هيبقى اناني جداا لو ربطها بيه لان فعلا مستقبله ضااع وهي متستاهلش تضيع الباقي من عمرها كمان بسببه كفايه اللي راح من عمرها بسبب حبها ليه فتابع بعصبيه شديده: وانا قولت اللي عندي يحبيبه مش عااايزك تبقي شريكه حياااتي .. مش عاايزك تبقي معااياا مش عاايز اتجووزك فووقي بقى وافهمي الحقيييقه دديييي انا مش بحبببك ولو انتي كانت مشااعرك صادقه فانا اااه حبيتك قبل رفيده وحسيت معاكي اكتر منها بس انا هعتبرها مرااهقه وهنسى واعيش عاادي فاعملي انتي كمان زيي لاني خلاص مش هخرج ومش عااايز حدد في حيااتي خاالص
حبيبه قلبها اتقسم نصين من كلامه متوقعتش يقهرها كده ندمت انها بينت حبها ليه حست كل فرحتها بخبر طلاقه لرفيده واملها انه يكون معاها وكلامها وفرحتها وسط اهلها كل حاجه جواها اتكسرت وللابد لان المره دي الكلام خارج من علي بنفسه وهي مش هتفرض نفسها عليه .. علي قدر يرفض حبها ويقهرها رغم كل اللي عملته علشانه ورغم عقلها قالها كفاايه كده قلبها قالها معقوله هنضيعه بعد ماوصلنا لهنا يحبيبه ؟!! فسمعت لقلبها وقررت تسأله اخر سؤال ولفت وقفت قدامه لانه كان مديها ضهره زي ماهو وحاولت تتماسك وبصت لعينيه بقهر وتابعت بدموع ولو قولتلك هتخرج ياعلي ؟
علي بوجع ده مستحيل يحصل
حبيبه بعياط وعصبيه شديده : اللي مستحييل يحصل صحح هو انك تخرررج تلاقيني حبيبه اللي واقفه قدااامك دي .. خلاااص يعلي انا مكنتش لاقيه سبب اكرهك علشااانه بس دلوقتي لاقيت واوعدك عمررري ماهفكررر اتدخل في حياااتك تاني واللي بيني وبينك لاجل اهلك الحكم وبس .. انت عليك ترفع القضيه واانا علياا اخرجكك ومش هبقي في حياااتك تاااني خلاااص
علي بدموع حبيبه ورايح يمسك ايديها فزقته ونزلت النقاااب على وشها ومشيت وهي بتعيط