رواية لنا موعد اخر الفصل الحادي والثلاثون31 بقلم لولا
فاسيا ابتسمت بوجع وتابعت في سرها : مش بس قدرت تخطف قلب امها لا .. حتى تولين مقدرتش متحبكش
وقاطع تفكيرها صوت مسدج على فونها ففتحت الفون واتصدمت بشده وقلبها وجعها لما شافت صوره سليم وفي حضنه بنت بصت للصوره بصدمه وهي مش مستوعبه وايديها ابتدت تترعش وهي ماسكه الفون
ففارس استغرب ريأكشانتها وتابع اسيا انتي كويسه ؟
اسيا دموعها نزلت بصدمه وتابعت كويسه كويسه وبصت لبنت واقفه في المحل وتابعت هو في حمام هنا لو سمحتي ؟؟
البنت بابتسامه اه طبعا اتفضلي
فاسيا عيطت وتابعت تمام فارس خلي بالك من البنت
فارس بقلق عيني حاضر بس مالك في ايه
اسيا مردتش عليه ودخلت وهو كان قلقان جدا
عند اسيا كانت عماله تعيط بهستريه وبتبص للصور ومصدومه لان واضح فيها ان سليم نايم من غير تيشرته والبنت دي في حضنه فعيطت بقهر وتابعت لالالا سليم ميعملش كدده سليم ميقدررش يخونيي ميقدررش لااا والله مايقدر وخرجت من الصوره واتصلت بيه وهي بتعيط وحاطه ايديها على جبينها بتحاول تستوعب وثواني ورد عليها وتابع الو
اسيا بعياط وبحده انت فين ياسلييم ؟؟
سليم باستغراب في البيت مالك يا اسيا في ايه
اسيا بعصبيه وعياط : انت تجيلي دلوقتي حاالا علشان اقسم بالله لو اللي شيفااه ده صح لهنروح دلوقتي حالاا اسقط اللي في بطني منك ونطلق ونفضهااا سيره لغايه كده
سليم اتصدم بشده وتابع اللي في بطنك !! اسيا انتي حامل ؟!!
فشيري كانت جنبه ومدياه ضهرها فاتصدمت بشده واتعدلت بصتله بلهفه وشاورتله بمعني " ايه حامل ولالا "
اسيا بعصبيه ودموع هو انا بكلمك في اييه وانت في اييه
سليم شاور لشيري تهدى وتابع بفرح : يحبيبتي جايلك والله وهشوف ايه مزعلك اهدي بس
اسيا بعياط وبحده ايووه اخلص انا براا مع تولين بس هروح البيت دلوقتي وتيجي تفهمني مين الحيواانه اللي نايمه في حضنك في الصور اللي اتبعتتلي ديي
سليم اتصدم بشده وتابع بخوف : ايه الهبل ده حيوانه مين وصور ايه ونايمه في حضني ازاي يعني !!!
اسيا بعصبيه ودموع والله !! هو انا اللي هعرف !!
سليم شك ان ميرنا تكون بعتت حاجه فسكت ثواني وتابع : طب اقفلي يا اسيا انا هلبس وجايلك نشوف الحوار ده
فاسيا قفلت بعصبيه وهي بتعيط ومنهاره
وعند سليم قام بسرعه يجيب هدوم علشان يلبس فوقفت شيري وتابعت بوجع: معني فرحتك دي كلها تبقى حامل مش كده ؟
سليم بتنهيده اه حاامل بس شكلي وقعت في مصيبه مش عارف هخرج منها ازااي
شيري بوجع اممم ربنا معاك انا ميخصنيش عن اذنك
فسليم مسك دراعها وتابع مالك يابت في ايه جرا لمخك حاجه ولا ايه
شيري الدموع اتجمعت في عينيها وتابعت سيبني يسليم
سليم بتنهيده انتي لسه زعلانه علشان الكلام اللي قولته في حقك على الخلفه ؟
شيري بدموع وبحده : لا مش زعلانه لان كده كده اخوك لو اخر راجل في الدنيا انا مش بحبه ولا عايزه اخلف منه بس كنت لازم احاول علشان نفسي ابقى ام انما انا سكاكين بتقطع فيا لما بيلمسنيي بس اعمل ايه مضطره اعيش ده وده وضع حياتي وكله بسببك علشان مستكتر علياا اطلق واعيش مع الراجل اللي محبتش غيره عمري كله
سليم غمض بضيق وتابع هو انتي عبيطه ولا بتسعبطيي !!! هو انا هقدر اتجوزك حتى لو زياد طلقك ؟؟!!
شيري بعصبيه : وفيهااا ايه
سليم بعصبيه شديده: فيها انه اخوياا يا شيرري .. جوزك اخوياا ازاي يطلق مرااته وانا اتجوزها وقدامه يعنيي !!!
شيري بصتله بسخريه وتابعت برفعه حاجب: بس مكنش اخوك وانت بتلمس مراته من وراه مش كده ؟؟؟
سليم مسك دراعها جامد وتابع بعصبيه : لمي نفسك لان اللي حصل بينا ده حصل بمزاجك وانتي اللي كنتي عايزه كده واستغليتي فتره غياب مراتي عني لما قعدت عند اهلها ساعه ازمه اخوهاا وفضلتي تحاولي لغايه ماحصل اللي في دماغك فمش انا لوحدي اللي اتلام
شيري بعصبيه ودموع وانا عملت كده ليه ؟؟؟ ما علشاان بحبك .. واتجوزت اخووك علشان تفضل قداام عيني علشان بحبك .. وكرهت اسيا وغيرت منها علشان بحبك .. وكرهت تولين علشان بنتك من واحده غيرري علشان بردوو بحبك واتعصبت اكتر بعياط وتابعت ياخيي ده انا حيااتي ادمرت علشاانك وفي لحظه تهور وغباء اتجوزت اخوك علشان كنت فاكره اني كده هبقى جنبك بس اتصدمت بواحد عايز حقوق وواجبات وانا بكرهه طالته عليااا اصلا وكل مره بيلمسني بغمض عيني وعيطت اكتر وتابعت عارف بغمض عيني لييه ؟؟ علشان اشوفك بدااله علشان بكرهه لمسته لياا وبحبك انتتت وانت بعد كل دده مستخصر تعيشني في حضنك في العلن !!! مستخصر تغليني يسلييم
سليم حس بزعل علشانها وحط ايديه الاتنين على خدها وباس جبينها وتابع اهدي طيب حقك عليا انا ينورعيني .. وانا والله العظيم بحبك بس صدقيني صعب ولو حصل واطلقتي من زياد واتجوزتك هيبقى بردو في السر ومش هعرف اخلف منك انما دلوقتي انا لازم ارجع اسيا يشيري .. اسيا حامل وشايله ابني اللي بتمناه
شيري حطيت ايديها فوق ايديه وتابعت بدموع : ارجوك يسليم متتخلاش عني علشان حملها وتوجعني كفايه اني موجوعه منك لتاني مره واشوفك بتخلف من غيري قدام عيني وبعدين ماهي ممكن تكون بنت مش ولد
سليم بتنهيده ولو بنت بردو لازم افضل اخلف من اسيا ولا منك ولا من ميرنا اللي شكلي هقتلها انهارده دي
شيري اتصدمت وتابعت ميرنا مين ؟؟ وايه تخلف منها دي انت اتجننت
سليم بحده احترمي نفسك وانتي بتتكلمي علشان مقلبش عليكي
شيري بعصبيبه ودموع ميرناا مين اخلص وانت لمستهاا اصلااا
سليم بتنهيده فاكره البنت اللي قولتلك معاايا في الشغل وبتقرب مني وشكلها عايزاني وكده
شيري بصدمه اه فاكراها
سليم حك دقنه وتابع بتنهيده عجبتني بصراحه فاتجوزتها عرفي
شيري اتصدمت وقلبها وجعها وتابعت اتجوزتها !!
سليم بتنهيده شيري ممكن تهدي ده جواز متعه ليه وقته وهيروح مش اكتر .. بس البت بنت بنوت ومكانتش هتوافق غير باقل حاجه جواز عرفي
شيري غمضت عينيها وتابعت اطلع برا ياسليم
سليم بتنهيده ممكن تسمعيني طيب ورايح يقرب منها فرجعت لورا وتابعت بعصبيبه شديده وعياط قولت اطلع براا
فسليم نفخ بضيق وتابع قرفتيني وبقيتي نكد زيك زيهاا قسماا بالله وراح جاب لبسه وتابع بعصبيه انا غاير اشووف اسياا و99% ميرنا بنت الجزمه بعتتلها صور وانا معاهااا فالو كلمتك قدام اسيا هتقولي اللي هبعتهولك واتس وانا في الطريق علشان مستعجل ومش فاضي افهمك دلوقتي فهمتي ؟
شيري بعصبيه وعياط مش هرد وماليش دعوه يخش تولع فيك وضربته في صدره جامد وتابعت بعصبيه ودموع رووح لاسيا وابنك رووح يلاا
فسليم مسك شعرها فصرخت بألم فتابع بعصبيه طب تبقي مترديش يا شيري وشوفي هعمل فيكي اييه قسماا بالله اخليكي تتمني الموت ومش هتطوليه وزقها وقعت على السرير وهي بتعيط وخرج وهو متعصب جدا وشيري فضلت تعيط وقامت لبست الكاش بتاعها وقعدت على السرير تاني وفونها رن فمسكته وهي بتعيط وردت كان زياد وحاولت تبان طبيعيه وتابعت الو
زياد بقلق شيري مالك في ايه يحبيبتي؟
شيري بوجع لالا مفيش حاجه يا زياد ده انا بطني واجعاني شويه بس
زياد بقلق طب شوفي امي وروحي اكشفي طلما متألمه كده يحبيبي
شيري بوجع لالا مش مستاهله لو تعبت اوي هكشف
زياد بتنهيده طب وطمنيني عليكي كل شويه يعمري
شيري بتنهيده اه اكيد حاضر
زياد بابتسامه واحشتيني اوي
شيري ابتسمت بوجع وتابعت وانت اكتر يحبيبي هتيجي امتى
زياد بحب لسه مش عارف هتأكد واقولك وافتكر وتابع بلهفه و اه صحيح جبتلك كل البرفيوم اللي طلبتيهم مني اخر مره
شيري بابتسامه تعيش وتجيب يعيوني
زياد بابتسامه يعيوني ده انا تحت امرك الا صحيح صبغتي شعرك ولالا لسه
شيري بوجع لاصبغته استنى هوريك وفتحت الكاميرا بتلقائيه فزياد استغرب وتابع انتي بتعملي ايه في اوضه اسيا بالكاش ده ازاي تنزلي كده !!!
شيري اتصدمت وتابعت بخوف ايه .. اه .. واتوترت وتابعت لا ده انا عارفه ان سليم هيطبق في شغله انهارده فنزلت بيه عادي مفيش غيري انا واسيا وبتعملنا كوفي في المطبخ وجايه المهم انت شوف شعري واقفل بسرعه علشان البت متجيش تفهمنا غلط انا بتكسف
فزياد ضحك وتابع حاضر يعيوني وفضل يبص لملامحها باعجاب وتابع قمر .. انا متجوز قمر اقسم بالله واللون عليكي خطير بجد
شيري بضحك شوفت بقى علشان تعرف اني بحب اجددلك علشان متخونيش برا
زياد فضل يضحك وتابع بحب لا متقوليش كده والله لو لبستي شواال القلب والعين مش شايف ولا هيشوف غيرك
شيري بابتسامه ربنا ميحرمنيش منك يعمري ومثلت كانها شافت اسيا وتابعت بلهفه : يلا هقفل معاك اسيا جايه
زياد بابتسامه ماشي روحي ولما تطلعي كلميني
شيري بابتسامه تمام باي وقفلت معاه ورمت الفون جنبها ونفخت بضيق
------
عند المحل تولين خرجت بدريس بينك مظبوط عليها وشكله رقيق وحلو اوي عكس كل اللي جربته وتابعت بحماس: ها ياعمو ايه رايك ؟
فارس بصلها باعجاب وتابع وااو ده تحفه جدا ده ايه رايك ناخده؟
تولين بفرح طب اوريه لمامي
فارس بص حواليه اسيا مكانتش لسه خرجت من الحمام فتابع بابتسامه مامي لسه مخرجتش بس انا شايفه تحفه بصراحه فرايي ناخده بس شوفي بردو انتي عايزه ايه
تولين بتردد يعني خلاص ده حلو اوي ولا ادور تاني؟
فارس وطى لمستواها وتابع بحب والله ده خطير وتحفه اوي عليكي عامله زي الاميرات بس عايزه تدوري تاني انا معاكي يخش للصبح
تولين حضنته جامد وهي لافه ايديها على رقبته وتابعت بابتسامه انا بحبك اوي يا عمو بجد
فارس اتفاجئ بحضنها فحط ايديه على ضهرها وضمها ليه اكتر وتابع بحب والدموع متجمعه في عينيه وعمو بيموت فيكي والله العظيم وباس خدها وضمها ليه اكتر وهو بيفتكر
فلاااش بااك لما اسيا كانت اولى ثانوي وطلعت من السنتر بعد ما درسها خلص وواقفه مستنيه علي فخرج فارس من مكان شغله جوه السنتر وتابع انتي ياهانم واقفه كده ليه ؟
اسيا اتخضت وتابعت بسم الله الرحمن الرحيم حرام عليك يا فارس خضتني
فارس بسخريه لا سلامتك من الخضه يقلبي .. متنيله واقفه كده ليه بردو
اسيا بابتسامه مستنيه علي واتلم واعدل وشك ده هاا
فارس بحده طول مانتي مش بتسمعي الكلام هيفضل ده اسلوبي
اسيا بضحك يا فارس انا مش محجبه هو بالعافيه ؟؟
فارس بحده اه بالعافيه لانه فرض عليكي ونفترض لسه ربنا مهدااكيش قولتلك 100 مره متفرديش شعرك وتمشي بيه بالشكل ده
اسيا بابتسامه خلاص ياروحي مش هقررها امشي انت بقى علشان علي لو جيه هيبعتك تقابل ربك
فارس بضيق انتي والله العظيم انسانه بارده وقله الكلام معاكي احسن
ورايح يمشي فمسكت دراعه وتابعت بضحك خلاص بجد والله بهزر معاك مش هتقرر تاني وحياتك وخرجت التوكه الاستك اللي لبساها في ايديها وربطت بيها شعرها وتابعت ها حاجه تاني يسيدي
فارس بضيق غوري كده جتك الارف
اسيا بضحك خلاص يافارس بقى متبقاش رخم لميته اهو والله
فارس برفعه حاجب ده انا يوم ماتبقى بنتنا زيك شحطه في اولى ثانوي مش محجبه اقتلها
اسيا فضلت تضحك وتابعت وانت مين قالك ان بنتي هي بنتك ايه بنتنا دي انا مش هتجوزك اصلا
فارس بضحك ده انا اقتلك فيهاا لو فكرتي تكوني لحد غيري
اسيا بضحك هكون طلما هتفضل تتقمص مني كده وتاخد دوري في العلاقه هروح اتجوز واحد غيرك واجيب بنوته ملبسهاش الحجاب واحرق دمك
فارس بضحك يابت همد ايدي عليكي قسما بالله
اسيا بضحك لالا خلاص بهزر والله بستفزك بس وربي
فارس بابتسامه عارف انك بتهزري لانك عمرك ماهتقدري تعمليهاا
اسيا بصتله بحب وتابعت وحياه حلاوه عينيك الرمادي دي اسيا مش هتعرف تكون لغيرك ولا تشوف عيالها من غيرك
فارس غنض عينيه وباس جبينها وتابع بابتسامه واثق من ده
اسيا بضحك طب افرض خلفت ثقتك بجد .. هو مستحيل بس بقول مثلا هيكون ايه رده فعلك ؟؟ طبعا هتاخدني وتاخد بنتي او ابني ترمينا في اقرب بحر جوه شوال مش كده؟
فارس فضل يضحك وتابع ليه بتحبي قتال قتله ولا اييه
اسيا بضحك بسال بجد يافارس جاوب وحياتي وابتسمت وتابعت افتراض 1% اني اتجوزت وجبت بنوته مثلا وانت شوفتها هتعمل ايه ؟
فارس قلبه وجعه وتابع مابلاش الكلام ده يا اسيا
اسيا بضحك يحبيبي ده مجرد افترااض مالك في ايه انا عمري ماهقدر اعمل كده
فارس ابتسم وتابع مش هاخدها بذنبك لان دي طفله ملهاش ذنب وهعاملها كانها بنتي بالظبط وبعدين دي بنت الغاليه وكفايه انها هتبقى حته منك فشوال ايه وبحر ايه ده انا ايدي تتقطع قبل ماتتمد عليكي وعليها
اسيا بحب ودموع بعيد الشر عنك يحبيبي ومسكت ايديه وتابعت ربنا ميحرمنيش منك ابدا يا فارس ويكتبلي ان عيالي يكونوا منك انت
فارس مسح دموعها وتابع بضحك ده كده كده ياروح امك هنهزر ولا ايه
باااك
فقلبه وجعه جدا مكانش قادر يتخيل ازاي واقف قصاد الافتراض اللي تخيلوا هو واسيا ونسبته 1% .. ازاي بقى هو الواقع ووجوده مع حبيبته بقى هو اللي مستحيل وحتي اسيا اتغيرت ومفضلتش هي البنت اللي بيحبها فدموعه نزلت فخرجت تولين من حضنه فشافت دموعه فمسحتها وتابعت بحزن مالك يا عمو في ايه
فارس فاق من سرحانه وبصلها بحب وتابع مفيش ينن عين عمو انا مضايق بس شويه
تولين بحزن من ايه ؟
فارس تنهد بوجع وتابع من نفسي .. علشان في حاجه كنت بحبها اوي وفي لحظه غضب قررت ابعد عنها فخسرتها خالص وانا مكنتش عايز غيرها
تولين بابتسامه حاول تاخدها تاني طلما عايزها وبتحبها
فارس ابتسم بوجع وتابع ياريت كان ينفع بس مش هقدر اكون اناني في ناس محتاجينها اكتر مني حد منهم موجود وحد لسه هيتولد فلازم انا افضل بعيد ( يقصد تولين والبيبي )
تولين بحزن طب انت هتبقى فرحان ازاي انا مش عايزاك تعيط
فارس ابتسم وباس خدها وتابع بوجع ادعي لربنا يريح قلب عمو
تولين بحب حاضر والله وحضنته وتابعت يارب عمو يفرح ويرتاح ارجوك
ففارس غمض عينيه ودموعه نزلت وقام وقف بيها ومسح دموعه وتابع يلا نخرج نحاسب على الدريس
تولين اه قول لمامي ويلا
فارس بابتسامه نشتريه ونخبط عليها
وخرج وتابع بابتسامه تمام احنا هناخد الدريس ده
البنت بابتسامه تمام يافندم هتغيره احطه في شنطه ولا هتاخده كده ؟
فارس بص لتولين وتابع ها هتعملي ايه؟
تولين بابتسامه اغيره علشان ميبوظش
فارس بابتسامه اتفقنا وباس خدها ونزلها وتابع بحب يلا بسرعه
تولين بفرح ماشي وطلع فارس الفيزا وحاسب على الدريس وثواني واسيا خرجت وعينيها وارمه وحمرا من الدموع وده قلق فارس اوي فتابع بخوف يابنتي مالك في ايه
اسيا بضيق قولت مفيش متشغلش بالك خدت ايه تولين وبكام؟
فارس بتنهيده حاسبت خلاص
اسيا بحده اه بكام بردو انت مالكش تدفعلها
فارس بضيق ودفعت .. اعتبري جبتلها حاجه هديه فاكيد مش عايز تمنها وتولين زي ملك الاتنين بناتي
اسيا بحده بس تولين مش
فارس بمقاطعه وعصبيه : عاارف انها مش بنتي وكفاياكي تقطميني وتوجعيني بالشكل ده .. وانا مش هقعد اكتر من كده احرق في دمي معاكي ورايح يمشي فخرجت تولين وتابعت بحزن عمو
ففارس وقف وهو مديها ضهره وغمض عينيه بوجع فاتجت تولين تروح ناحيته فتابعت اسيا بحده تولين .. انتي يابت بصتلها بحده بس بردو تولين راحت وقفت قدامه وتابعت بحزن : ممكن متمشيش
فارس ابتسم بوجع وتابع مش هينفع ينورعيني والله ووطى لمستواها وخدها في حضنه وتابع بحب وهو بيمشي ايديه على شعرها : بس اوعدك اني هشوفك تاني كتير وباس خدها وبصلها بحب وتابع اتفقنا ؟
تولين بابتسامه وعد؟
فارس بحب وعد وباس راسها وقام مشي من غير مايبص لاسيا فاسيا قلبها وجعها ودموعها نزلت ولما شافت اسلوبه مع تولين افتكرت جملته " مش هاخدها بذنبك لان دي طفله ملهاش ذنب وهعاملها كانها بنتي بالظبط وبعدين دي بنت الغاليه وكفايه انها هتبقى حته منك " فدموعها نزلت ومسكت ايد تولين والشنطه اللي فيها الدريس وتابعت يلا يا توتي
فتولين مشيت معاها وتابعت مامي هو عمو زعل منك ليه؟
اسيا بوجع عادي يا توتي علشان كنت عايزه ادفع انا تمن الدريس وهو قال ان جابه هديه ليكي وتنهدت وتابعت المهم بلاش خالو علي يعرف حاجه من اللي حصلت النهارده هاا وبلاش تقولي ان شوفنها عمو
تولين بابتسامه حاضر بس فيها ايه لو شوفناه
اسيا بتوتر : لا ما هو مش قايل لحد انه هنا يعني خالو علي فاكر ان عمو مسافر فاهمه ؟؟ فمش عايزين حد يزعل منه
تولين بحماس ماشي خلاص مش هقول
اسيا بحب انا عارفه كده كده انك مش بتنقلي اي حاجه بس بتكلم علشان ممكن تقولي اننا شوفناه من غير ماتقصدي
تولين بحب ااه بس خلاص ده سر والله
اسيا بوجع شاطره يقلب مامي
-----
في البلكونه عند علي وهناء كانوا بيتكلموا
علي بتنيهده اه كملي وقفتي ليه؟
هناء بوجع بس ده اللي حصل فلما شافني وسام واقفه مع نادر قولتله ان نادر كان بيسلم عليا عادي انما مقولتش اي حاجه عن اللي كان بينا وخايفه اوي من اللحظه دي ومش عارفه اعمل ايه
علي بتنهيده هناء انا فاهم موقفك وحقيقي حاجه غير متوقعه بالمره ان يوم مايجيلك عريس يطلع قريب نادر بس تضمني منين ان مش نادر اللي بيلعب معاه اللعبه دي ؟؟
هناء لا ياعلي لان اصلا نادر اتصدم جدا لما شافني زي ماقولتلك وفضل يتعصب عليا وهددني ابعد عن وسام فمستحيل
علي بتنهيده اه وغير الاسباب دي ؟؟ ما ممكن يكون كله حوار عليكي علشان تبلعي الطُعم
هناء هزت راسها بالنفي وتابعت لا مستحييل انا بثق في وسام اكتر من نفسي .. وسام بيحبني بجد ومستحيل يعمل كده
علي ابتسم وتابع انا كنت منتظر الاجابه دي علشان اجاوبك برايي .. لاني فكرت تمسكك بوسام لانه مجرد عريس كويس وميترفضش بس طلما بتثقي فيه الثقه دي تبقي بتحبيبه وعايزاه مش كده ؟
هناء بصت للارض بحرج وتابعت يعني اللي انت شايفه انا قولتلك وانت اتصرف لان ..
علي بمقاطعه وضحك بتحبيبه يهناء؟
هناء بتوتر وهي باصه للارض: اه ياعلي
علي بحب خلاص ابعتيلي رقمه وهقابله واقعد معاه لاجل عيونك
هناء فرحت وحضنته وتابعت يحبببي يعلي ودموعها نزلت وتابعت ربنا ميحرمنيش منك ابدا يااارب
علي فضل يضحك وتابع يابنت الجزمه كل ده علشان وافقت اشوفه ؟!!
هناء بصتله وتابعت بدموع وحب انا عايزاه فعلا ياعلي .. وسام الراجل الوحيد اللي حسسني بلامان وان ليا ضهر وسند وخرجني من اصعب فتره مريت بيها في حياتي فانا فعلا عايزاه العمر كله انت فاهمني؟
علي مسح دموعها وابتسم بحب وتابع فاهمك .. ومش هعوزلك اكتر من كده بس انا بردو حقي اطمن خصوصا موضوع انه قريب نادر ده فعايز اقابله اشوف دماغه وشخصيته وايه دنيته علشان احددلك تصارحيه امتى وازاي ونعمل ايه مع كريم لانه مستحيل يوافق بحد من عيله نادر
هناء بدموع وخوف بس وسام مالوش دعوه والله وصدقني هو غير نادر خالص
علي بتنهيده انا فاهم كل ده بس كريم حقه يقلق وانا كمان مش مطمن انما ثقتك فيه هتخليني اجرب لاجل انك فعلا بتحبيبه .. بالك لو عريس عادي متعرفيش عنه حاجه من طرف نادر هقولك لا يعني لا وهرفض انما حبك ليه هيخليني اجرب يا هناء
هناء بحب ودموع ربنا ميحرمنيش منك ابدا يارب يحبيبي بجد انا حقيقي مغلطش لما جيت قولتلك
علي رفع ايديها باسها بحب وحطها بين ايديه وطبطب عليها وتابع هفضل سندك واخوكي العمر كله يحبيبه قلبي متشليش هم وتنهد وتابع وخدي بالك انا احترمت صراحتك وسكت لما حكتيلي وممدتش ايدي عليكي رغم غلطاتك الكتير وخروجك معاه كذا مره وعمال اسمعك بس اقسم بالله يهناء لو اتقررت تاني وروحتي معااه اي مكاان لهيبقي مصييرك زي حبيبه روحي شوفي وشهاا عامل ازااي
هناء بخوف لالا مش هتقرر والله انا اصلا كنت بنزل لانه دكتوري وعلاقتنا كانت محدوده و
علي بمقاطعه انتي سمعتي انا قولت ايه ؟؟
هناء بتوتر حاضر يحبيبي مش هروح في اي حته تاني
علي بتنهيده تمام سبيني لوحدي بقى وطلع سجاره وولعها ونفخ دخانها
هناء بتوتر حاضر طالعه بس تسمحلي اسالك سؤال
علي بص للشارع ونفخ الدخان من غير مايبصلها وتابع اللي بيني وبين حبيبه مينفعش حد يعرفه .. ادعي ربنا يهدي ويصلح الامور وبس
هناء بحزن مش قصدي ادخل والله بس صدقني انا قلقانه عليكم ده انت حتى بتقول ضاربها طب ليه كل ده يعني
علي بتنهيده : غلطت وخدت عقابها ليه ده بقى مش هيفيد بحاجه روحي انتي ذاكري ومتنسيش تبعتيلي الرقم
هناء بتنهيده حاضر يا علي وطبطب على كفه وتابعت ربنا يحل بينكم يحبيبي
وطلعت وسابته وعلي سرح ونفخ دخان سجارته وسمع صوت عربيات داخله البيت فبيبص كانت عربيه عصام ووراها عربيات كتير وصوت زغاريط وشماريخ ونزل عصام وهو ماسك ايد رفيده فرفعت عينيها وهي بتبتسم فعينيها جات في عين علي فبص بعيد وكمل سجارته بلا مبالاه وهي اضايقت شويه وبصت لعصام وابتسمت بوجع وفضلوا يزفوها ودخلوا العماره بتاعتهم اللي جنب بيت كريم فتنهد علي بعمق وتابع سبحان الله .. اللي تفتكره ليك يطلع مكتوب لغيرك ...وابعد حد عنك بيطلع اكتر حد حبك ويستاهلك .. صدق اللي قال النصيب غلاب بس اللي غاوي مفيش حاجه في الدنيا تقدر توقفه ياخد اللي بيحبه... وبُعد رفيده كان اختيارها وبص على بلكونه حبيبه وتابع وانا كمان المره دي اختارت .. وهربيها بس خلاص جوازي منها ده قرار مش نصيب .. وانا عايزك ومش هسيبك لغيري يحبيبه
-----
وعند حبيبه كانت نايمه على السرير وسلمي ماسكه كيس التلج وبتحطه على خدودها كل خد شويه
حبيبه بدموع خلاص يسلمي مش مستحمله وشي وجعني وكده ممكن يتحرق
سلمى بحزن اهدي انا حاطه التلج في كيس مش لزقاه في وشك علطول مش هيعمل حاجه بس اقللك التورم ده شويه
حبيبه بضيق بالعكس وشي احمر ووضحت وكريم هياخد باله كده
سلمى لا ده علشان لسه بنعمل نخلص وبشرتك ترتاح شويه وقبل ماكريم يجي حطي فاونديشن ولا حاجه
حبيبه بدموع طب والنبي خلاص معتش قادره وشي وجعني بجد سبيها عادي
سلمى بحزن ربنا يسامحك ياعلي ليه كل الضرب ده بس .. اقسم بالله مصدقتش لما امي قالتلي
حبيبه بدموع ضرب بس !! ده اخوكي مسح بيا بلاط شقته بلاطه بلاطه
سلمى بحزن طلعت وشوفت ماتريحيني يحبيبه وتقوليلي حصل ايه .. علي بيمد ايديه عند الغلط اه بس عمره ما كان غبي في ضربه كده
حبيبه تنهدت بوجع وتابعت مش هقدر اتكلم يسلمى وحياتك عندي مش هقدر بس اه انا غلطت وغلط كبير بس اضطريت طيب وعيطت اكتر وتابعت مكنش قدامي حل غير اللي عملته
سلمى باستغراب حل ايه وتقصدي اي مش فاهمه
حبيبه مسحت دموعها وتابعت سيبك بقى خلاص اللي فات مات بس ورحمه ابويا يا ابن قاسم ماهتشوف مني ريئ عدل بعض كده على وشي اللي ورم ده ومدت ايديها تاكل من السندوتشات اللي قدامها
فضحكت سلمى وتابعت كله كلام والله ماتقدري تعيشي من غيره يوم
حبيبه وهي بتاكل تابعت بحزن وحياتك مقدرش على ساعه بس بجد لازم اتقمص جامد يا سلمى ده موتني ضرب وانتي تسااعديني متخلنيش قلبي يبقى اهبل كده
سلمى فضلت تضحك وتابعت شكلك يموت من الضحك بجد وانتي بتعيطي شويه وتسكتي شويه ووشك مورم وبتاكلي عادي كده
حبيبه ضحكت وتابعت اومال اوقف اكل علشان اخوكي !! عليكي وعلى اخوكي .. ده حب علي الحب التاني بعد الاكل
فسلمى فضلت تضحك بشده وتابعت لا الف هنا يعمري صحتك فوق كل شئ طبعا الله وانتي فعلا نِفسك بتيجي على الزعل خلصتي الطبق كله ما شاء الله
حبيبه بضيق متقرفنيش بقى ماقولتلك كلي معايا
سلمى بضحك طلما انتي كالتي كأني كالت خلاص يسلام هي دي فيها كلام
حبيبه بضحك حبيبه قلبي والله وقطمت من الاكل وتابعت اعملي حسابك بقى هتروحي بكره الكليه تسلمي البروجكتس والشيتات لوحدك
سلمى برفعه حاجب ليه ان شاء الله ماتداري ام وشك بالميكاب وانزلي معاايا فيكي ايه يعني
حبيبه ضحكت وتابعت لا يعمري انتي فاهمه غلط انا مهنزلش تاني خلاص
سلمى باستغراب لا مش فاهمه مش هتنزلي فين
حبيبه بتنهيده اخوكي القادر اللي مايقدر عليه الا ربنا حالف عليا ما انزل من البيت اصلا
سلمى بصدمه لا بتهزري
حبيبه بضحك لا والله مش بهزر اهو عندك واساليه
سلمى بضيق يوه بقى يحبيبه مش بحب اروح لوحدي بتخنق وكمان ورايا بكره مشوار مع حازم فاصلا كنت هقولك وديهم انتي
حبيبه بضحك كان بودي والله يحبيبتي بس انا مش مستغنيه عن رجلي بقى المره دي
سلمى فضلت تضحك وتابعت سيبك منه يا بت وانزلي ولو كلمك قوليله انا مش لابسه دبله في ايدي
حبيبه تمام موافقه هتتهاني معايا بعد الجمله دي بقى ولا هتقفي عضو صامت زي ساعه اسراء ؟؟
سلمى بضحك عضو صامت طبعا وابتسمت وتابعت لالا هتكلم جد هو قال لكريم والكل بقى عارف انه عايزك يعني هو خلاص بقى في حكم خطيبك فمش فاهمه بصراحه المفروض يمشي كلامه عليكي ولا لا
حبيبه بضحك سلمى فوقي اخوكي بيمشي كلامه عليا من وانا في اعدادي اصل معلش ليا مين غيره هو وكريم ؟؟ وده بعيدا عن علاقتنا
سلمى نفخت بضيق وتابعت طب والعمل ؟
حبيبه بتنهيده حاولي اقنعيه بجد لو اقتنع كلميني
سلمي بتنهيده تمام هشوف
حبيبه بابتسامه تمام هقوم انا اكلم شمس علشان اعرفها اني مش نازله ولو في اي تغيير هبلغها
سلمى بابتسامه تمام بس حاسبي وانتي بتفتحي البلكونه علشان لو علي فاتح بلكونه اوضته وشافك هيزعقلك
حبيبه بضيق طز فيه هو هيمنعني ادخل بلكونتي ولا ايه ده اللي ناقص والله
وبتفتح البلكونه لقيت علي واقف قدامها بيشرب سجاير فلما شافته اتخضت وقفلت تاني بسرعه فسلمى فضلت تضحك عليها بشده لانها فهمت ان حبيبه اكيد شافته وعلي اتعصب جدا ونفخ بعصبيه ومسك فونه واتصل بسلمى
فردت وهي بتضحك وتابعت ايوه ياعلي
علي بعصبيه بنت الكلاب اللي عندك دي قوليلها لو البلكونه اتفتحت تاني بالبچايم الخراا اللي بتلبسها دي هاجي افتح نفوخهااا
فحبيبه بصت لسلمى بخوف بمعنى في ايه؟
فسلمى ضحكت وتابعت حاضر يحبيبي هقولها
علي بحده وابعدي عنها يا سلمى عايز اسالك على حاجه
سلمى حاضر يحبيبي ورايحه تقوم فحبيبه مسكت دراعها وتابعت رايحه فين
فسلمى همستلها بسرعه: عايز يكلمني بعيد عنك اوعي
حبيبه بلهفه وهمس: لا شغلي الاسبيكر وحياه حازم علشان خاطري
سلمى بضحك وهمس : لا هيموتني اوعي
فحبيبه طبطبت على صدرها بلهفه وتابعت بهمس علشان خاطري يسلمى والله ماهنطق
فسلمى نفخت بضيق وقعدت تاني وشغلت الاسبيكر وتابعت ها يحبيبي انا بعيد اهو دخلت اوضه طنط
علي بتنهيده حبيبه كالت قدامك؟
فحبيبه اتفاجئت والدموع اتجمعت في عينيها
وسلمى رايحه تنطق همست حبيبه في ودنها بلهفه: لالا وحياه حازم اياكي تقولي حاجه ارجوكي
سلمى بصتلها باستغراب لانها مش فاهمه
فتابع علي : انتي يابنتي
سلمى بلهفه ايه يحبيبي
علي بحده حبيبه كالت ولا مكالتش؟
حبيبه همست لسلمى: يارب يفرح قلبك قوليله لا ومش واكله حاجه بقالها يوم
فسلمى مسكت ضحكتها بالعافيه على طبق الاكل اللي خلص وتابعت: لا يا علي مكالتش مش راضيه خالص ومش واكله بقالها يوم
فعلي نفخ بضيق وتابع طب اكليها يا سلمى بالله عليكي ماتسيبيها كده
حبيبه ابتسمت بدموع وهمست لسلمى قوليله :اعملها ايه ياعلي هي رافضه خالص
فسلمى منعت ضحكتها باعجوبه وتابعت اعملها ايه ياعلي هي رافضه خالص
علي بتنهيده بصي انتي اتحايلي عليها ولو مرضيتش قوليلها يارب تعدمي علي لتاكلي
سلمى شهقت وتابعت بعيد الشر عنك متقولش كده يحبيبي
فحبيبه ابتسمت بوجع وقعدت وسكتت فتابع علي بتنهيده يسلمى اعملي زي مابقولك لاني اتغابيت عليها جامد وممكن متاكلش خالص من الزعل وده مش هينفع فانتي قوليها كده هتاكل
سلمى مسكت ضحكتها بالعافيه وتابعت طب وانت فكرك لما اقولها تعدمي علي هتاكل وانت السبب في عياطها ده؟
علي تنهد وتابع اه هتاكل .. مفيش حاجه عرفت تمسح حب علي من جوه حبيبه علشان خلاف بينا يمسحه
حبيبه دموعها نزلت بقهر فابتسمت سلمى بحزن وتابعت حاضر يحبيبي هعمل كده
علي بتحذير: تاكل يسلمى هااا
سلمى بابتسامه حاضر والله
علي بتنهيده وحطي على وشها اي تلج ولا مرهم يهديه شويه
سلمى بضحك طب لزمته ايه طيب مانت اللي ضاربها
علي بحده اعملي زي ماابقولك واخرسي علشان مش ناقصك
سلمى بتوتر خلاص حاضر اهدى
علي بحده يلا باي
سلمي بتوتر ينفع اطلب منك طلب طيب ؟
علي بتنهيده خير يسلمى ؟
سلمى بتوتر ينفع حبيبه تروح معايا بكره تسلم الحاجات اللي اطلبت مننا ؟
علي بعصبيه لاا وقولت ملهااش نزول روحي انتي وسلميهم
سلمى بضيق ياعلي مانا عايزاها معاياا وكمان لازم هي تسلم بنفسها
علي بعصبيبه : سلمى
سلمى بحزن نعم
علي بعصبيه قصري علشان انا جايب اخري وماصدقت اهدى شويه .. انا دخلت جامعات وفاهم ومفيهاش حاجه لما تسلمي حاجتها بدالها انما نزول لحبيبه مش هيحصل .. وعلشان طوله اللسان لو قالت قدامك هو مالوش حكم عليا فاهي خطيبتي وطلبتها من كرريم ومن قبل ماتبقى خطيبتي فانا تاني حد مسئول منها بعد كريم وهو مش هيراجع وراياا لو منعت بنت من بناته تنزل مابالك بحبيبه !!
وحبيبه كانت سامعه الكلام ودموعها بتنزل بصمت
سلمى بحزن لا والله العظيم كلمه حق هي قالت زيك بالظبط ولما انا بقولها غريبه وكده فقالتلي فوقي يسلمى علي بيمشي كلامه عليا من وانا في اعدادي
علي بحده لا وعلي بيعرف يمشي كلامه اوي الصراحه .. سلام يا سلمى سلام وقفل
فنفخت سلمى بضيق وتابعت يا خرابي منك يا علي وبصت لحبيبه وتابعت حقك عليا والله
حبيبه دموعها كانت مغرقه وشها وتابعت لالا عادي انا كده كده قولت مش هنزل اختصارا للمشاكل
فدخلت نيره وتابعت بت يحبيبه
حبيبه بصتلها وتابعت ايه ينيره
نيره اتصدمت وتابعت ايه اللي في وشك ده .. ده انا مصدقتش امك لما قالتلي مضروبه
حبيبه بحده ودموع : ياربي بقي ماقولتلها محدش ضربني ده ايه القررف ده
هاله دخلت وتابعت بحده: ليه متخلفين ولا مش بنشووف انا دخلت اختك تفهم منك قولت بنات زي بعض وهتفتحيلها قلبك وبلاش اضغط عليكي انما هتصممي ان محصلش حاجه اقسم بالله لهقول لكريم يتصرف معااكي بقى
سلمى بخوف لا يخالتي بلاش هي هتهدى وتفهمكم والله
حبيبه بعصبيه ودموع مش هفهم حد حاجه ومحدش ليه دعوه واطلعوا كلكم براا يلا
نيره بحده يابنتي حصل ايه احنا قلقانين عليكي انتي مش شايفه منظر وشك !!
حبيبه بحده ودموع انا وقعت فعمل كده خلاص كفايه رغي
هاله بعصبيه ليه وقعتي في طاسه واتقليتي بالزيت ولا ايه ده وشك احمر ولا اللي واخده اقلام تكفي لسنه
حبيبه بعصبيه ودموع يووه بقى ارجوكم كفايه تضغطوا علياا انا مش هتكلم
نيره بحده طب مين ضرربك ماهو مش معقوله بجد منظرك كده
حبيبه بعياط علي ..عرفتوا .. خلاص اسكتوا بقى علشان والله مش طايقه نفسي
فنيره وهاله شهقوا بصدمه فتابعت هاله بعصبيه وعلي يمد ايديه عليكي لييه ان شاء الله هي من اولهاا ضرب واهاانه لييه فاكرك مالكيش اهل ولا اييه
نيره بصدمه وعلي ضربك ليه يحبيبه ؟؟!
حبيبه بعصبيه وعياط السبب ميخصش حد غيرناا فارجوكم لو سمحتوا محدش يضغط عليا افتح بوقي
وسمعوا الباب بيخبط فتابعت هاله بعصبيه: سبب ايه اللي ميخصش غيركم ميكونش كتب كتاابه عليكي من وراناا ولا حااجه ورايحه تفتح الباب
فتابعت نيره بصدمه هببتي ايه علشان يضربك كده يحبيبه ؟؟!!
حبيبه بعياط مهببتش سبوني لوحدي خديها واطلعي يسلمى
ورايحه تمشي فنيره مسكت ايديها وتابعت بعصبيه هببتي اييه منا واثقه علي مستحيل يبهدلك كده من فرااغ وسكوتك معناه انك غلطانه
حبيبه بعياط لا انا ساكته لاني مش عايزاه يتخانق مع كريم فالو سمحتوا اخرجوا يلا
سلمى بتوتر وانتي فكرك امك مش هتقول لكريم ؟!! ده زمانه عرف خلاص
وفعلا سمعوا هاله بتتكلم بعصبيه وبتقول: يعني انا يكريم اوافقك واكبرك وابعت بنتي مع ابن عمك يقوم يضربهالي ؟؟! ليه فاكرنا علشان قاعدين وسطكم ملنااش اهل ولا اييه
فحبييه لطمت على وشها بصدمه فكريم اتصدم وتابع انتي بتقولي ايه علي ضرب حبيبه !!!
هاله بعصبيه ودموع ااه ادخل شوف منظر اختك يرضي مين ده يكريم
فكريم اتصدم جدا ودخل بسرعه لاوضه حبيبه واتصدم لما شاف شكلها وعينيها المورمه الحمرا وحبيبه قلبها دق بعنف وخوف لما شافته
فتابع بصدمه ينهاار اسود !! واتعصب وتابع علي اللي ضربك كدده ؟!!
نيره بحزن اهدى يحبيبي وافهم الاول انا والله دمي محروق من منظرها بس انت عارف ابن عمك عقله سابق ايديه وبيسمع الاول يعني اكيد في حاجه حصلت
كريم بعصبيه عقل اييه وزفت اييه على دمااغه ودماغ اللي خلفوه ده تتقطع ايديه وايد اي حد يفكر يمد ايديه على بنت من بنااتي
ورايح يمشي فحبيبه مسكت ايديه وتابعت بعياط وخوف لالا متروحش لعلي خلاص موضوع واتقفل ده مجرد خلاف بينا والله
كريم بعصبيه خلااف ايه اللي يخليه يمد ايديه عليكي كده انتي اتجننتي يابت انتي ولا اييه ؟!! وبعدين ده حتى المفروض يحترمني هي دي جزااتي علشان مأمن عليكي معااه يستقوى عليكي في غيااابي وفاكرني هسكتله !!
حبيبه بعياط وخوف والله يكريم هو خلاف بسيط واصلا وشي حساس فباين كده انما هو اتعصب فضربني بالقلم مره صدقني ومسكت ايديه بلهفه وتابعت بعياط ارجوك متروحش لعلي ولا تخسر اخوك وتتخانق معاه علشااني
كريم نزل ايديها عنه وتابع بعصبيه سبق وقولتله ان ده هيكون السبب اللي يخليني ارفض جوازه منك .. لاني في اقرب خلااف هختارك انتي عليه وعلى اي حد .. انتي بنتي ومن مسئوليتي وهو وافق فخلاص ميرجعش يلوم غير نفسه
ومشي وهاله طلعت من الاوضه وهي متعصبه جدا فحبيبه عيطت بانهيار وتابعت ينهاار اسود ينهاار اسود علي لو فتح بوقه بالسبب كريم هيجي يدفني بالحياا
سلمى ونيره اتصدموا فتابعت نيره يعني طلعتي غلطانه اهو
حبيبه بعياط وعصبيه ااه اللي عملته غلط وميصحش وعييب بس والله مكنش قداامي حل تااني ومحدش منكم كلكم هيفهمني ولا هيفهم نااري اللي وجهتني اعمل كده علشان تهدي وتطفي شويه
نيره بوجع عملتي ايه يحبيبه والله قلقتينا
حبيبه بعياط مش هنطق ولا هتكلم وروحي يسلمى بالله عليكي لو علي اتكلم عرفيني علشان اعرف هعمل ايه
سلمى بخوف حاضر عيني ومشيت بسرعه فبصت نيره لحبيبه وتابعت بوجع: ايه اللي يخلي علي يبهدلك وتخافي كريم يعرفه للدرجه دي يحبيبه ؟؟
حبيبه بعياط ووجع حاجه عكس بيتنا واصولنا وتربيتنا ودينا بس خلاص انا عرفت غلطي ومستحيل اقررها تاني
---
عند علي كريم كان طالع متعصب جداا وباب الشقه كان مفتوح
فدخل وتابع بحده علي فين يامرات عمي
رانيا بقلق جوه في اوضته ياا ابني خير في ايه
كريم وهو داخل تابع بحده لا خير متقلقيش وفتح الباب وخبطه بعصبيه وتابع علي
فعلي سمع صوته اتفاجئ من اسلوبه وخرج لانه كان في الحمام فخرج وهو بينشف وشه بالفوطه وتابع بهدوء: خير ياكريم في ايه ؟
كريم مسك تشيرته جامد وتابع بعصبيه في انك حيوان وزبااله وحذرتك من اللي حصل ده قبل مايحصل ومع ذلك اختارت تدوس على الحتت اللي بتوجعني بس العيب مش منك انا اللي ابن ستين كلب علشان وافقت اديك فرصه وسيبت البت معااك تبهدلها بالشكل ده
علي بصله وتابع خلصت؟
كريم اتفاجئ من بروده وتابع بعصبيه انت ايه جنس ملتك ياالا !! وضربه بالبوكس ومسك تيشرته خبطه في الحيط وتابع بعصبيه ايه جنس ملللتك انت اييه مبتحسش !!! يعني ضربت بنت من بناتي ونسيت وعدك معايا وخلفته بدري اوي ووجعتني وكل ده وبتتكلم ببرود عادي ومفيش دم خاالص ومش فارق معاك زعلي !!!
فسلمى دخلت الاوضه وعيطت من شكل ماسكه كريم لعلي
فتابع علي : انا لو مش موجوع علشان وجعتك مش هسيبك تضربني بس انا ساكت وسايبك تقول كل اللي جواك لانه من الظاهر ليك فاهو حقك .. وكده كده مقدرش اردهالك انت اخويا الكبير وبحترمك غصب عني بس حتى مردتش اخد اي رده فعل لاني مقدر حُرقتك على اختك .. بس انا منسيتش وعدي معاك يكريم .. انت اللي نسيت ان اختك دي هتبقى مرااتي فبديهيًا لما الاقيها بتغلط اربيها
كريم بعصبيه لا بديهيًاا ترجعلي انا هي لسه متخصكش في حااجه
علي بابتسامه وده من امتى ده !! هو مش انا طول عمري مكانك فكل حاجه ولو واحده غلطت وانا بهدلتها مش بتتكلم ؟؟!! مبالك دي في حكم خطيبتي بقى ؟؟ فايه اللي اتغير مش فاهم
كريم بعصبيه اللي اتغير انك اول مرره تمد ايديك بالشكل ده ويوم ماتمدهااا تمدهاا على حبيبه اللي عملت علشاانك اللي مفيش بنت عملته ومتستاهلش منك القسوه دي ابداا
علي بعصبيه ووجع : وانت مين قاالك اني مش زعلان ومقهوور اني عملت كدده ؟؟ بس هي اللي اضطرتني لده انما انا اقسم بالله العظيم ورحمه ابوياا قلبي واجعني ومش مسامح نفسي على اللي عملتوا فيهاا بس هي تستااهل لانها غلطت
كريم بصله وتابع اممم وعملت ايه حبيبه علشان تمد ايديك عليها كده ؟!!
علي لا عملت اللي عملته خلاص موضوع وخلص
كريم بعصبيه يعني ايه موضوع وخلص انا لازم اعرف انت اتجننت ولا اييه
علي بعصبيه وانا مش هقول يكريم
كريم بحده يعني ايه مش هتقول ؟!!
علي بعصبيه يعني مش هقوول ولو هتموتني مش هقول ولو هتزعل مني بردو مش هقوول حتى لو هي اختك فاهي بكره وبعده هتبقى مراتي وموقف سخيف زي اللي عملتواا ده محبش حد يعرفه انا عاقبتها وخلاص خلصت مالوش لازمه اللت والعجن
كريم بصلها بذهول وتابع بعصبيه جراا لمخك اييه ياعلي ؟!! حبيبه دي مسئوليتي يعني ولا كونهاا هتبقى مراتك ولاا غيرره هيمنعني من التحكم فيهاا ولا اني اعرف بتهبب ايه من وراايا
علي غمض وتنهد بعمق وتابع عارف والله بس احترم رغبه اخوك انا فعلا مش هقدر اقول اي حاجه خلاص فمش عايزين نكبر المواضيع ولا نفتحه تاني بعد ما اتقفل انا قولتلك كل الكلام ده لاجل حاجه واحده وهي انك عارف اخوك كويس اوي ميعملش الهوليله دي غير على موقف يستاهل وارجع واقول موضوع وخلص وابوس ايديك اقفله خلاص
كريم بصله بحده ومشي فنفخ علي بضيق ومسح بايديه على وشه
فتابعت سلمى بخوف كويس مفتحتش بوقك حبيبه كانت مرعوبه تقول لكريم حاجه
علي برفعه حاجب هي قالتلك السبب ؟؟
سلمى بخوف لا والله ابدا بس قالتلي ان خايفه كريم يعرف حصل ايه
علي بتنهيده تمام يا سلمى روحي انتي خلاص
فسلمى ابتسمت وراحت بعتت لحبيبه " متقلقيش علي مفتحش بوقه بحاجه وصمم انك غلطي وهو رباكي وخلاص " فحبيبه شافت المسدج ودموعها نزلت بفرح وتابعت موقف يطلع منك عادي ياعلي وبصت لفوق وتابعت بدموع الحمد والشكر ليك ياارب .. يارب ارجوك استرني في الموضوع ده نفسي انسااه والله
---
وعند اسيا في اوضتها علي راحلها وخبط فتابعت اسيا ادخل
فدخل وتابع اسيا فاضيه اتكلم معاكي شويه؟
اسيا مسحت دموعها وتابعت ايوه يحبيبي اتفضل طبعا
علي باستغراب مالك في ايه؟
اسيا بتوتر لا مفيش يحبيبي ده شويه تعب في معدتي بس
علي بتنهيده عليا انا الكلام ده يا اسيا ؟؟
اسيا بدموع بصراحه زعلانه ان تولين بتتعلق بفارس عن ابوها وكل شويه تجيبلي سيرته وتتعبني
علي بتنهيده وهو ده السبب اللي جايلك علشانه وكويس تولين نامت علشان نعرف نتكلم
اسيا بوجع ودموع ادخل تعالى
فعلي دخل وقفل الباب وقعد قدامها وتابع بتنهيده مبدائيا حقك عليا اني انشغلت عنك جامد الفتره اللي فاتت بس والله الواحد بيخرج من بلاوي لبلاوي انما انا شايل همك والله ومش بعرف انام
اسيا ابتسمت بوجع وتابعت عارفه من غير ماتقول يحبيبي والله
علي بتنهيده طب انا الاول عايز اسمعك .. انتي ناويه على ايه مع جوزك ؟؟
اسيا بوجع مش عارفه ياعلي بس انا كده كده مش هقدر اطلق فهنوي على ايه خناق وزعيق وهقعد هنا شويه بس مسيري هرجع بيتي
علي برفعه حاجب ده علشان تولين ولا علشان بتحبيه؟
اسيا بقهر منكرش اني بحبه بس هي مش تولين بس ودموعها زادت وتابعت انا حامل ياعلي يعني حتى لو عايزه اطلق مش هعرف وتولين واللي في بطني ملهمش ذنب بكل اللي بيحصل ده
علي اتصدم بشده وتابع حامل !! وعرفتي ازاي
اسيا بعياط عرفت من امبارح لما بعت حبيبه مع تولين تجيبلي تيست
علي بصدمه طب وبعدين ايه العمل كده
اسيا بقهر ودموع انا بعتله يجي علشان في حوار سمعته كده لو طلع صح هروح انزل اللي في بطني ونطلق لو مظلوم هرجع بيتي بس مش دلوقتي
علي بعصبيه حوار ايه وتنزلي اييه انتي اتجننتي ولا اتبهلتي وذنبهاا ايه الروح اللي جواكي اللي ربنا هيسالك عنهاا دي
اسيا بعصبيه ودموع ذنبها انهاا من سلييم .. وسلييم كل يوم بيكرهني فيه اكتر من الاول
علي وكرهتيه يا اسيا ؟؟
اسيا بقيت تفتكر كل ايامها معاه وتابعت مش عارفه اقول ايه .. انا لو كرهته يبقى كرهت عمري .. لان سليم عارفاه من خمس سنين يعني يادوبك لما ابتديت اكبرر هو اللي كان حبيبي وبقى جوزي وابو بنتي .. ساعات بحس اني لازم ابعد وساعات بقول طب والعشره
علي بتنهيده طب وفارس يا اسيا ؟؟
اسيا قلبها وجعها وتابعت فارس صوت الماضي اللي بخاف يعلى انما مستحيل يكون في بينا اكتر من كده انا مش واجعني غير ان بنتي بتموت فيه
علي بتنهيده بنتك بتموت فيه علشان هو حنين عليهاا ولانها اتحرمت من حنيه ابوها ودي طفله طبيعي تميل للي يدلعهاا بس مش معناه انك تقعدي تعيطي لانك يوم ماتقرري ترجعي بيتك تولين هتنسى فارس وهترجع حياتها الطبيعيه مع ابوها عادي
اسيا بعياط انت عايز ايه ياعلي
علي بتنهيده عايز اعرف انتي اللي عاايزه ايه
اسيا بعياط مش عاارفه والله مش عاارفه بس فعلا مقداميش اي حل تااني غير ارجع لسليم انت رايك ايه
علي بتنهيده انا رايي زي رايك بالظبط بس مش دلوقتي لان فعلا سليم لازم يتربى وطلع ما يستاهلكيش .. يمكن داخل كنت هعرض عليكي فكره الطلاق وتعيشي انتي وبنتك جوه عنيا ولا انكوا تكونوا مع واحد اناني زي ده بس لما قولتيلي انك حامل فكده مش قدامنا حل تاني غير ترجعيله بس بردو مش دلوقتي
اسيا بدموع ووجع وطالما انت عارف كده بتجيب سيره فارس ليه ؟؟
علي بتنهيده لاني عايز اعرف هو فين جوه اسيا .. لان انا اختي مينفعش تكون بتخون جوزها حتى بمشاعرها فالو شايفه نفسك هتحبي راجل غير جوزك تطلقي احسن
اسيا غمضت بقهر وتابعت بدموع لا متقلقش هرجعله بس مش دلوقتي فعلا ولما اشوف هيقول ايه لما يجي
علي بتنهيده تمام هطلع استناه ولما يجي هقولك وقام باس راسها بعمق
فابتسمت اسيا بوجع وتابعت ماشي يحبيبي
وخرج علي وهي فضلت تعيط وقامت تاخد شاور لانها حاسه باجهاد شديد وشويه وخرجت من الشاور ونشفت نفسها كويس وبدات تدهن المرطبات بتاعتها ورشت بادي سبلاش ولبست بيجامه ستان ضيقه عليها بالظبط نص كم وبنطلون ولونها احمر ووقفت قدام المرايا تسرح شعرها اللي مفرود ورا ضهرها بطريقه مموجه ومديها شكل جذاب وابتسمت وتابعت لنفسها بقهر منا حلوه اهو ومن غير ميكاب ليه سليم علطول كان بيحسسني اني وحشه وافتكرت
فلااش بااك
سليم بحده انا نفسيتي تعبت من من قالبه خلقتك دي ليل نهار حتى لما كنت بكلمك كول فخلاص اللي حصل مش هيتغير غيريي من نفسك وشوفي الستات بتلبس وتهتم بنفسها ازااي مش تبقي 23 سنه وعامله زي العجوزه اللي في الـ 60 !!!
اسيا اتصدمت من كلامه وتابعت من امتى بتشوفني وحشه في اي شكل يا سليم؟
سليم نفخ بعصبيه وتابع انا مقولتش بشوفك وحشه بس انتي فعلا مكبره نفسك بالهم اللي شيلاااه ده مااديكي شايفه شيري من سنك ومهتمه بنفسها ازاي ولا كأنها عيله صغيره
باااك
فقلبها وجعها اوي والدموع اتجمعت في عينيها ومسكت زبده الكاكو حطت منها على شفايفها وحطت تنت خفيف على خدودها وكانت جميله جدا بطبيعتها وعيونها الزرق ورموشها وحواجبيها الكثيفين فدموعها نزلت وتابعت حامل وطالع عيني وشكلي كده وبردو مش عاجب ورايح يخوني وعيطت بقهر وهي بتتخيل هتعمل ايه وهتحس بايه لو ده حقيقي
---
وعند علي كان قاعد برا في الصالون واسراء بتذاكر جنبه وسلمى بتتكلم مع حازم في اوضتها فابتسم وتابع ايوه كده شدي حيلك جدعه
اسراء بحب عيوني انت والله وباست خده
فعلي طبطب على ضهرها وتابع ربنا يحميكي يقلب اخوكي يارب
فتابعت رانيا بحزن هتروح تتطايب بخاطر البت امتى ياعلي ؟؟
علي خد نفسه بعمق وتابع ممكن محدش يدخل في الموضوع ده ؟؟
رانيا بحزن ايوه يعني هتصالحها امتى بردو
علي بحده لما يجيلي مزااج وبعدين انا مغلطتش علشان اصالح حد اصلا
رانيا بحزن معلش يا ابني علشان خاطر امك متعوده البت بتطلع وتدخل عليا لو فضلت حارمها تنزل انا مش هعرف اروح اشوفها بعد اللي انت عملته في بنتهم ده
علي بحده خلاص متشوفيهاش الفتره دي مش هيحصل حاجه انما مراضيه انا مش هرااضي حد وحلوا عن دمااغي اليومين دول علشان بفكر في 100 موضوع ومش عارف الاقيها من اسيا ولا حسن ولا كريم اللي زعل ولا قله ادب حبيبه ولا جواز سلمى اللي قرب ولا اني مش لاقي شغل ولا من ايه بالظبط
اسراء قلبها وجعها لما جاب سيره حسن وحاولت متبينش فتابعت رانيا بتنهيده حزينه: ربنا يعينك ويهديكم على بعض يا ابني
ولقيوا سليم بيخبط على الباب وهو مفتوح وتابع مساء الخير
علي بضيق مساء النور ادخل يا ابو تولين نورت وبص لاسراء وتابع قومي انتي ذاكري جوه
اسراء بابتسامه حاضر وقامت بالفعل فدخل سليم فعلي قام وقف وسلم عليه برسميه وقعد فسليم قعد قدامه وتابع بتنهيده فينها اسيا؟
علي بضيق في اوضتها روحلها بس مبدائيا هي كده كده مش هتروح علشان يكون في علمك بس
سليم بتنهيده ماتخليك محضر خير ياعلي وتعقل اختك وترجعها لبيتها وجوزهاا لان انا مش شاايف سبب لخراب البيوت ده وهي كده كده حامل وهترجع
رانيا اتفاجئت وتابعت حامل .. اختك حامل ياعلي ؟!!
علي بحده اه متينله بس بردو مفيش رجوع دلوقتي محدش قال لاهلك هنطلقكم من بعض بس هتفضل هنا لحد ماهي تحب ترجع وانت احسك اتغيرت وبقيت تقدرهاا لاني مش هنسى ابداا كلاامك الزباله في حقهاا
سليم بتنهيده غلطت يسيدي ولحظه شيطان وفهمتك موقفي وانا راجل ومستحملتش ولو انت مكاني هتعمل كده واكتر ولا ايه ؟
علي بعصبيه انا قولتلك انت مغلطش في الموقف ده انما غلطت باسلوبك بعد كده وكلامك في حقهاا والمفروض ان دي عرضك وشرفك بس رخص هنقول ايه
سليم بحده محدش ملاك يا عم علي انا غلطت واختك غلطت بس مش معناهاا هسيبها هنا وهي شاايله ابني لو اطبقت السما على الارض عايزه تتقمص تترزع في بيتهاا وكل واحد في حاله
علي بعصبيه تترزع ايه يحيواان يا ابن الكلب انت !!! طب قسما بالله ماهي مرووحه معاك يسليم ووريني هترزعهاا ازاي .. وانا كل ده اصلا لسه ممعرفش حواار ايه اللي سمعته عنك وعايزااك فيه ما انت ما شاء الله بقيت تاخد نوبل في المصايب
رانيا بخوف بس يعلي بس اهدى ياابني عيب ميصحش كده وانت قوم يسليم قوم روح لمراتك يلا وقومته وبتمشيه ناحيه اوضتها فتابع بعصبيه انا يعلم الله ما عايز ادخل القانون يرجعلي مرااتي لحد دلوقتي ومحترم العشره والعيش والملح
علي بعصبيه لا دخله ياروح امك .. دخله ووريني اخرك ايه
رانيا بتوتر يعلي بس .. بس يااابني
سليم وصل عند اوضه اسيا وتابع بحده لا سيبيه انا سايبه برااحته على الاخر ويوريني كده مين هيبقي ليه حق في الاخر وفتح الباب
فاسيا بصتله فسليم اتفاجئ بشكلها كانت حلوه جدا وريحتها الحلوه كالعاده ماليه الاوضه زي ماكنت بتملى اوضتهم فدخل وقفل الباب وهو لسه مبهور بشكلها وتابع بهيام: معلش يا سوسا اتاخرت عليكي بس عديت على الشركه خلصت كام حاجه وجيتلك
فقامت وقفت وتابعت بحده انت كنت بتزعق مع مين ؟؟
سليم بضيق ده علي علشان ..
اسيا بحده ومقاطعه اياا كان السبب متزعقش قصااد علي
سليم بحده انتي عبيطه ولا ايه ده مش عايزك تروحي بيتك
اسيا بعصبيه منا كده كده مش هروح وعلي ابوياا واخويا وسندي الوحيد في الدنيا وكلمته تمشي علياا وعليك وعلى اي حدد
سليم بعصبيه لا منا ممكن اروح ارفع قضيه وهيجبوكي لحد عندي انتي مخك تعبان ولا اييه
اسيا بصتله بقهر وتابعت وانا هرفع قصادها خلع واقول مش عايزاه
سليم بسخريه وبالنسبه لحبيب بابي اللي جيه علشان يهديكي عليا ده وقرب منها وحط ايديه على بطنها
فاسيا نزلت ايديه بعصبيه وتابعت لو كان عائق قداامي هنزله يسليم انا مش طيقااه علشان ابنك اصلا
سليم بصلها بصدمه وتابع انتي اتجنتتي صح !! واتعصب وتابع تنزلي ميين انتي بجد جراا لمخك اييه ؟؟
اسيا بعياط وعصبيه ااه اتجننت وبقيت مريضه وكله بسببك ومسكت فونها وفتحت الصور وتابعت بعصبيه وعيااط اييه القرف دده هاا ازاي قدرت تعمل كدده قولييي
سليم شاف الصوره اتصدم وافتكر اليوم اللي اتلقطت فيه لما كان مع ميرنا فعلا واتوعدلها في سره
فتابعت بعصبيه وعيااط اييه ساكت ليه مااترد ايه القررف دده ؟!! وصلت بيك تخووني وتلمس ست غييري ياسليم ؟!!
سليم بحده انتي مصدقه نفسك ؟!! لا بجدد مصدقه اللي انتي بتقولييه ؟!!
اسيا بعصبيه وعياط متجاوبش على سؤالي بسؤاال انا بسالك دلوقتي اييه دده ومين دي فتررد علياا
سليم بعصبيه انا مش هرد عليكي لاني معنديش رد للقرف دده ومصدوم زيي زيك بمنظر الصوره بس هخلي صاحبتك اللي معانا في البيت ترد عليكي
اسيا باستغراب ودموع وشيري تعرف الكلام ده ازاي يعني مش فااهمه
سليم بحده استني بقى مش عايزة تفهمي استني
اسيا بصتله بوجع وتابعت بعياط ااه عايزه افهم وجبتك علشان افهم وعياطها زاد تابعت لاني رغم وجعي منك الا ان قلبي الغبي بيقولي لا يا اسياا لا سليم ميعرفش يلمس واحده غيرررك ولا قلبه يدق لغييرك سليم بتاعك انتي وبس وابو عياالك وحبيبك وده اللي خلاني طلبت اكلمك رغم ان الصوره بتشرح نفسهاا واحد مش لابس هدومه ومتغطي بملايه وست في حضنه هيكوون بيعمل اييه يعني
سليم وهو رافع الفون على ودنه تابع لا ماهو الصراحه اللي بيتعمل في المنظر ده معروف للكل بس مش بتاعي ولا اسلوبي واظن انك تتصلي تسأليني ده كفاايه لانك واثقه اني معملش حاجه زي دي
اسيا بعياط وقهر ااه ماهو المشكله اني واثقه بس اللي عيني شيفاه ده يتسمى ايه بقى
سليم بتنهيده انا هقولك دلوقتي وردت شيري وتابعت الو
سليم بتنهيده ايه يشيري عامله ايه
شيري : الحمدلله يا ابو تولين بخير
سليم بتنهيده عايز اسالك على حاجه يا شيري علشان خربان بيتي متوقف على كلامك ده
شيري لالا بعيد الشر متقولش كده ايه في ايه
سليم بتنهيده مين اللي جاتلي البيت ساعه لما اسيا كانت عند اهلها في مشكله علي وقاالت ايه
شيري اااه البت الهبله دي الموظفه اللي عندك في الشركه وكانت عايزاك تتجوزها وكده لانها قالت بتحبك ولما انت اتعصبت عليها وطردتها قالتلك طب والله العظيم لهعملك صور تخرب بيتك وطلاق مراتك هيكون على ايدي وكلام متخلف كده
اسيا اتصدمت وبصتله فتابع بتنهيده طب تمام يا شيري تعبتك سلام انتي دلوقتي
شيري ليه هي عملت كده البت المجنونه دي ولا ايه
سليم بحده تخيلي ااه والصور كانها حقيقه بالظبط حسبي يالله ونعم الوكيل فيها ده اانا هوديها في ستين داهيه
شيري بحده ايه الهبل ده ياعم اسيا اكيد مش هتصدق دي بت مخها تعبان والله انا من علو صوتكم نزلت اشوف مين دي اتصدمت انها موظفه عندك واتصدمت من كلامها البجح اصلاا
فسليم بص لاسيا فاسيا زعلت وبصت للارض فتابع بتنهيده اه هي اكيد مصدقتش طبعا بس سألتني وحقها لان الصوره وحشه بصراحه ياشيري
شيري ربنا ينتقم منها بت والله وانت بعد كده يسليم اي ورق تنساه خلي شاب يجبهولك علشان مجيتها بيتك دي كانت ممكن تعمل مشاكل اصلا
سليم بتنهيده اه اكيد حاضر يلا باي انتي دلوقتي
شيري باي وربنا يهديكم يارب ويصلح بينكم وانا هبقى اكلم اسيا اعقلها
سليم بتنهيده تسلمي يا شيري باي وقفل معاها وبص لاسيا وتابع حلو اللي عملتيه ده ؟؟
اسيا بعياط يسليم انا حقي بص منظر الصوره كانها حقيقه والله
سليم بتنهيده مفروض في ثقه بيناا ماهي حصلت مره مع هناء بنت عمك ومكانتش هي عايزه نعرض الصوره على خبير علشان تصدقي زي ماهما عملوا نعرضها
اسيا بعياط لالا طبعاا انا سالتك وانت جاوبت وصدقتك طبعا لاني كنت واثقه انت مستحيل تلمس غيري
سليم شدها لحضنه وتابع بخبث: واحشتيني يابنت الجزمه
اسيا بعياط وانت اكتر وعلى قد وجعي منك على قد حبي ليك يسليم والله
سليم بتنهيده وانا عارف اني غلطت في حقك وقولت كلام مكنش ينفع يتقال فحقك عليا وباس راسها بعمق وتابع وفعلا غلطتي التانيه لما وظفت البنت دي مع اني خدت بالها من نظراتها ليا
اسيا بوجع وعياط اللي حصل منك قبل كده مش هقدر اتخطاه بسهوله انما دلوقتي خلاص فهمت موقفك وفهمت من كلام شيري انك نسيت ورق وطلبته منها كموظفه عندك بس هي نيتها راحت حته تانيه
سليم بابتسامه بالظبط والله فضلت تتقرب مني وتقول كلام مينفعش فطردتها وبهدلتها فاتعصبت وقالت الكلام اللي قالته شيري ده بس متخيلتش تنفذه البجحه
اسيا بعياط اطردها من الشركه يسليم كفايه بجد كده
سليم حط ايديه على خدها يمسح دموعها وتابع بحب طردتها طبعا من زمان يا قلب سليم ده هي اكيد من حرقتها عملت الصور دي وحضنها جامد وتابع مليون مبروك يحبيبتي
اسيا تنهدت وتابعت الله يبارك فيك يارب
سليم وهو حاضنها تابع بهيام :قمر يخربيت اهلك هو انتي تغيبي شويه تحلوي كده
اسيا بحرج سليم ابعد واحترم نفسك
سليم بضحك ابعد ايه بس ده انا هموت عليكي والله
اسيا بحرج لالا مفيش منه الكلام ده امشي يلا كفايه كده
سليم بتمثيل حزن بردو هتسبيني امشي من غيرك يا اسيا؟
اسيا بوجع معلش علشان علي مش هيهدى بسهوله بس شويه وهرجع صدقني
فسليم ضمها ليه وغمض عينيه بارتياح ووطى يبوس رقبتها وهمس طب خليكي قريبه مني شويه واحشتيني وريحتك واحشتني وباسها
فاسيا غمضت عينيها بضيق وتابعت سليم
سليم بصلها وتابع عيونه
اسيا بوجع امشي دلوقتي من فضلك
سليم بضحك هو انا علشان مش هقدر اشوف ست غيرك بتعاقبيني يعني
اسيا بوجع لا مش كده بس مش وقته ولا مكانه
سليم بابتسامه خلاص هستناكي تعقلي وتوافقي ترجعي ها وخدها في حضنه واستنشق ريحه شعرها باعجاب شديد وتابع ولو مش علشاني علشان تولين وابنك يا اسيا
اسيا بوجع اممم اكيد حاضر
فابتسم وتابع يلا انا همشي وهكلمك كل شويه اطمن عليكي وعايزين نتابع مع دكتور
اسيا بوجع تمام وبالفعل سليم مشي وهوو بيبتسم بانتصار واسيا راحت نامت جنب تولين خدتها في حضنها ودموعها بتنزل بصمت
----
في احد الاماكن وتحديدا بيت مصطفى صاحب الشخص المجهول كان قاعد مصطفى في البلكونه بيشرب قهوه ودخل الشخص المجهول وتابع على اساس لما تقفل فونك انا مش هعرف اجيبك يعني؟
مصطفى بتنهيده معلش كنت عايز ابقى لوحدي شويه
الشخص بابتسامه من امتى بنسيب بعض حتى لو اصعب اللحظات يعني ؟
مصطفى بوجع انا حقيقي مش قادر اتكلم فوحياه ربنا سيبني لوحدي
الشخص بتنهيده هتفضل لغايه امتى رافض الجواز وامك لسانها تعب من الحيال عليك يا مصطفى
مصطفى بعصبيه انا مش بنت بنوت علشان كلكم عايزين تجوزوني وخايفين ابوور انا مش عايز ومش حابب كفايه بقي كلام في الموضوع ده
الشخص تنهد بوجع وتابع وانت فكرك نورسين هتبقى مبسوطه كده؟
مصطفى دموعه نزلت وتابع ااه هتبقى مبسووطه لاني مش هقدر احب ولا المس بنت غيرهاا فهفضل كده واطلبها من ربنا في الاخرى انما انسى اني اتجوز مفيش حد هيجي بعد حب عمري
الشخص بوجع وامك ذنبها ايه تتحرم من خلفتك يا مصطفى ؟
مصطفي بقهر ذنبها ان نصيب ابنها كده .. ماتت ام عيالي وسابتني لوحدي وليا معاد تاني معاها ومش هسيبها بس امتى ربك اللي يعلم
الشخص بوجع كفاياك تحميل نفسك فوق طاقتها انت كده مش بتعيش انت كده ميت معاها
مصطفي بقهر طب منا ميت معاها ودموعه نزلت وتابع انا مشوفتش عيالي غير من اختك .. انا محبتش ولا عشقت غير اختك .. كان كفايه عليا البصة قي وشها بس تخليني انحت في الصخر علشان اوصلها واتجوزها ومش قادر اسامح نفسي اني وصلتها لكل ده
الشخص بوجع انت مالكش ذنب يا مصطفى هي اللي من اول خلاف بينكم بعدت عنك وراحت مشيت ورا كلام عيل وسخ ضحك عليها بكلمتين علشان عجبته واللي يقهر ويكسر الضهر انه وصلها وشالت ابنه وزعلت مني اوي لما مديت ايدي عليها فراحت انتحرت
مصطفى قلبه وجعه اوي ودموعه ونزلت وتابع نورسين عيله يا صاحبي وربنا قادر يغفرلها ويسامحها ومش عايزك تنسى ان اللي حصلها ده كان غصب عنها والحيوان ده خطفها واغتصبها
الشخص كور ايديه بغل وتابع لا منا مش نااسي والعين بالعين والسن بالسن وزي ما بهدل بشرفي الارض هبهدل بشرفه الارض
مصطفى بوجع هتندم على فكره لان انت مش زي حاازم
الشخص بعصبيه ودموع لا مش هندم .. انا هندم لو سيبته يعيش مع مراته في سلاام واختي انا اللي ماتت منتحره بسببه ودموعه زادت وتابع ليه يعمل كده في عيله 18 سنه صدقت انه بيحبها ليه يخطفها ويأذيها بالشكل ده وحس بقهر وتابع ليه اتحرم من اختي علشان واحد ابن ستين كلب مترباااش زي ده
مصطفى بدموع اختك دي كانت ملاك على الارض علشان كده صدقته وانا مزعلتش انها حبته ودموعه زادت وتابع انا زعلت انها فكرت حازم حبها اكتر مني وماتت ومسمعتنيش وانا بقول موافق اتجوزها ولسه شااري لان نورسين دي ست البنات وكانت ضحيه من كتر طيبتها انما عمري ما احكم عليها بسبب حاجه زي دي كانت غصب عنها وبص للسما وتابع بدموع ربنا يرحمك ويغفرلك ويسامحك يا نن عيني
الشخص قلبه وجعه جدا ودموعه نزلت بقهر وتابع وحياه وجعي ووجعك يا مصطفى لهدوق حازم نفس النار اللي حسينا بيها مفيش نار بالنسبه للراجل قد ان حد يدوس على عرضه وشرفه
----
وعند كريم هاني خبط على باب شقته ففتحت ابتسام وتابعت هاني اهلاا يحبيبي تعالي ادخل
هاني بابتسامه تسلميلي يا امي بس ممكن تناديلي كريم ثواني ؟
ابتسام ادخل يواد لحد ما اناديه هو انت غريب الله
فابتسم هاني ودخل بالفعل قعد في الصالون ودقايق وكريم طلع وتابع حبيبي نورت
فهاني قام سلم عليه وتابع تسلم يغالي ده نورك
كريم بابتسامه اقعد وبص لامه وتابع اعمليله قهوه ياما
هاني لالا ولا اي حاجه انا جاي اقولك كلمتين وماشي بسرعه لان فونك بيدي غير متاح
كريم ضرب على جبينه وتابع ايوه نسيت اشحنه فعلا
فدخلت ابتسام وسابتهم فتابع هاني لا ابدا ولا يهمك يغالي المهم انت تعرف حد اسمه مروان ؟
كريم اتصدم وتابع اه اعرفه انت اللي تعرفه منين؟
هاني بتنهيده انا بعتذر علي التدخل بس حسيت لازم تعرف
كريم بحده اخلص يهاني حصل اييه
هاني بتنهيده انا شوفت الواد نديم اللي جه الموقع يتقدم لنيره ده قاعد مع مروان ده في الكافيه اللي جنب شغلنا ونديم بيقوله هسلملك نيره بس مش دلوقتي وانه اصلا مصاحب بنت من فرنسا وحامل منه
كريم اتصدم بشده وتابع نعمم انت بتقول ايه
هاني اقسم بالله زي مابقولك كده بالظبط
فكريم حس بذهول واتعصب جدا ان معقول كل ده ملعوب ضد نيره فقام مسك فونه بيتصل بنديم بس مش بيرد فتابع بعصبيه ده انا هطلع عين اهله عن اذنك معلش ياهاني ونزل بسرعه على شقه خالتو وخبط جامد ففتحت نيره وتابعت بخوف ايه يكريم في ايه خضتني
كريم بحده اخر مره كلمتني نديم امتى
نيره باستغراب من شويه كده اشمعنا
كريم بعصبيه لو معاكي ليه ارقام تانيه رني عليه حالا
نيره باستغراب ليه مش فاهمه
كريم بعصبيه اسمعي الكلام يلا
فنيره اتخضت واتصلت بالفعل بس كانوا مقفولين فتابعت مقفولين
فاتعصب كريم وتابع تمام مسيره هيفتح هيروح فين يعني بس خطوبتك منه انسيهاا وللابد
نيره برفعه حاجب نعم ليه ان شاء الله عمل ايه نديم؟
كريم بعصبيه عمل عمل اسود على دماغه ودماغ اهله وطلع متفق مع مروان عليكي ومصاحب بنت فرنسيه وحامل منه
فهاله شهقت بصدمه وتابعت مين مروان ده وبنت ايه اللي حامل منه دي
نيره بصدمه كريم انت بتقول ايه ؟!
كريم بعصبيه بقول الحقيقه واقسم بالله لهطلع عين اهله
نيره هزت راسها بالنفي وتابعت بعياط وعصبيه لالا نديم ميعملش كده انت اكيد كدااب وبتعمل كل ده علشان عجبااك قااعدتي جنبك مش اكتر
------
عند علي الباب خبط ففتحت اسراء كان حسن فاتصدمت وبصتله بوجع وعينيها مليانه دموع
فتابع حسن بوجع ازيك يا اسراء
فاسراء مردتش عليه ودخلت وهي بتحاول تمسك دموعها وخبطت في علي وهو خارج فتابع مالك يابت في ايه ؟
اسراء بخوف لالا ابدا مفيش يحبيبي ودخلت اوضتها وهي بتمنع دموعها تنزل فعلي استغرب وخرج اتفاجئ بامه بتتكلم مع حسن ففهم ليه اسراء بتعيط وبتجري
رانيا بحب يحبيبي ادخل بس هناديهولك
حسن رايح يتكلم فتابع علي بحده انت ايه اللي جابك ومتصلتش ليه
رانيا بحده بس يعلي عيب كده اتلم ده اخوك
علي بحده لو سمحتي انتي ياما متدخليش
حسن بحرج اتصلت بس مكنتش بترد وجيت اقولك اني وفيت بوعدي معاك وجبتلك العنوان
علي اتفاجئ وتابع بتهزر
حسن بابتسامه حزينه لا والله معايا خلاص
علي بلهفه طب مستني ايه يلا وصلني بسرعه
رانيا بقلق عنوان ايه يا ابني مش فاهمه
علي وهو نازل تابع بلهفه مش وقته يا امي هفهمك بعدين وركب العربيه وحسن لف ركب جنبه فتابع علي بحده تاني مره متطلعش فوق ولو انا مردتش انده من الشارع
حسن بوجع تمام
وبالفعل شويه ووصلوا عند بيت عزيز فحسن مسك ايديه وتابع بتحذير ايا كان عملك ايه بالهداوه ها
علي بسخريه هداوه مين ده انا هكسر على اهله العفش .. الساعه ساعه رد الحق يا صاحبي ونزل ايديه عنه وتابع خليك هنا واياك تيجي ورايا وطلع بكل سرعته على السلالم ووصل عند الشقه وخبط جامد كذا مره
ففتح عزيز وهو بيقول بعصبيه : ايه في ايه مين بيخبط بالشكل ده واتصدم لما شاف علي فبصله علي بغل وتابع بابتسامه عملك الاسود في الدنيا