رواية لنا موعد اخر الفصل الخامس والعشرون25 بقلم لولا
وحاولت تتماسك وبصت لعينيه بقهر وتابعت بدموع ولو قولتلك هتخرج ياعلي ؟
علي بوجع ده مستحيل يحصل
حبيبه بعياط وعصبيه شديده : اللي مستحييل يحصل صحح هو انك تخرررج تلاقيني حبيبه اللي واقفه قدااامك دي .. خلاااص يعلي انا مكنتش لاقيه سبب اكرهك علشااانه بس دلوقتي لاقيت واوعدك عمررري ماهفكررر اتدخل في حياااتك تاني واللي بيني وبينك لاجل اهلك الحكم وبس .. انت عليك ترفع القضيه واانا علياا اخرجكك ومش هبقي في حياااتك تاااني خلاااص
علي بدموع حبيبه ورايح يمسك ايديها فزقته ونزلت النقاااب على وشها ومشيت وهي بتعيط وعلي غمض عينيه بوجع شديد وتابع حقك على عيني عارف اني قسيت عليكي بس صدقيني ده الصح .. مش هقدر اظلمك واجي عليكي اكتر من كده يحبيبه .. انتي حقيقي متستاهليش ده وخرج ونزل تاني السجن بس المره دي دخلوه تاني زي ما كان لان العقاب كان لمده يوم فدخل ومبصش لحد فيهم وفرد ضهره على السرير وفضل يتاوه بوجع من جسمه ورجليه وغمض عينيه بوجع وضميره مأنبه لانه وجع حبيبه بالشكل وافتكر ايام تالته ثانويه عامه لما كان بيحبها وتابع بوجع ياريتني كنت فضلت مصمم على حبي ليكي يحبيبه .. ياريتني ماخطبت رفيده ولا اتجوزتها ولا حبيتها اصلاا .. كل اللي حصلي ده اكيد من تحت راسها هي والكلب بتاعهااا انما معاكي عمره ماحد كان هيفكر يعاديني وتنهد بوجع وتابع انا اذيت نفسي وخسرت مستقبلي وخسرت انسانه حبتني بجد من كل قلبها علشان واحده متستاهلش اي حاجه حلوه في الدنيا والدموع اتجمعت في عينيه وتابع ياريتني سمعت كلام يا امي ياما حذرتني
-------
عند حبيبه خرجت للشارع وماشيه وهي بتعيط
حبيبه بعياط هستيري: انا اللي استاهل وريته انا بحبه قد ايه وخليته ضمن وجودي علشان كده جيه عليا وقهرني ولسه بتكمل كلام لقيت نفسها خبطت في واحد
فبصتله اتصدمت فتابع كريم بحرج انا اسف جدا جدا يا فندم بجد حقك عليا مخدتش بالي
فحبيبه خافت بشده وهزت راسها بماشي كتير ومشيت بسرعه
فكريم استغربها وبص لفؤاد وتابع باستغراب مالها دي؟
فؤاد بتوتر عادي ياعم مش شايفها منتقبه اكيد مش بتتكلم مع رجاله يعني
كريم بضحك يمكن .. المهم ايه مش يلا ندخل؟
فؤاد هشوف الدنيا بس مش اكيد هينفع تزوره انهارده عامه
كريم بتنهيده طب ادخل شوف الدنيا وبلغني يا فؤاد
فؤاد بتنهيده تمام ماشي
------
عند حبيبه فتحت باب عربيه امجد وركبت جنبه وتابعت اطلع خلاص
امجد بصلها باستغراب من صوتها اللي باين متأثر وتابع مالك في ايه ؟
حبيبه بدموع مفيش يا امجد انا بخير
امجد اتعدل في قاعدته وبصلها ومسك ايديها وتابع : حبيبه بصيلي
حبيبه بصتله من ورا النقاب والدموع متجمعه في عينيها وتابعت نعم
امجد ابتسم بحزن ورايح يرفع النقاب فحبيبه بعدت لورا شويه براسها وتابعت لالا كريم هنا اخااف يشوفني اطلع يلا بسرعه
امجد بحزن طب مالك علي قالك حاجه ضايقتك طيب ؟؟
حبيبه بكدب: لا بس لقيته متخانق مع ناس جوه ومتعور فصعب عليا وعيطت لان علي مش شبه الناس دي
امجد تنهد بحزن وتابع خير باذن الله انا واثق ان ربنا معانا وهيساعدنا وهنقدر نطلعه
حبيبه بدموع ياارب بجد .. اطلع بقى
فامجد ابتسم وتابع هطلع بس اهدي متعيطيش وساب ايديها واتعدل في قاعدته وبدا يسوق
وحبيبه سندت راسها على الشباك وغمضت بألم ودموعها نزلت وكلام علي فضل يتردد في دماغها
فلااش بااك
فتابع بعصبيه شديده: وانا قولت اللي عندي يحبيبه مش عااايزك تبقي شريكه حياااتي .. مش عاايزك تبقي معااياا مش عاايز اتجووزك فووقي بقى وافهمي الحقيييقه دديييي انا مش بحبببك ولو انتي كانت مشااعرك صادقه فانا اااه حبيتك قبل رفيده وحسيت معاكي اكتر منها بس انا هعتبرها مرااهقه وهنسى واعيش عاادي فاعملي انتي كمان زيي لاني خلاص مش هخرج ومش عااايز حدد في حيااتي خاالص
بااااك
فدموعها اتملت في عينيها بغزاره وحاولت جاهده تمنع نزولهم بس مقدرتش ودموعها نزلوا فغمضت عينيها بقهر وتابعت في سرها: دي غلطتي انا من البدايه لما فكرت احب حد مدانيش ربع حبي ليه ولا عمل اي حاجه علشاني .. وقلبها وجعها بشده وكملت: قللت من نفسي اوي بحبي ليك ياعلي
-------
في بيت سليم واسيا
اسيا كانت بتاخد شاور وسليم بيلبس علشان يجهز يروح شغله وبيدور على قميصه الاسود ومش لاقيه
فنفخ بضيق وتابع رااح فين دده وفضل يقلب في الدولاب بس بردو مكنش لاقيه فاتعصب وتابع اسيااا .. انتي يا هااانم
اسيا من جوه الحمام: اييه في اييه يسليم
سليم بعصبيه تعالي اتنيلي شوفي قميصي الاسود غاار فين
اسيا بحده ماهتلاقيه عندك في الدولاب يا سليم هيكون راح فين اكيد مكالتوش يعني !!
سليم بعصبيه بلاش طوله لساان واطلعي هااتيه واخلصي هتاخر على الميتينج
اسيا بحده ثواني طالعه وشغلت الدش نزلت الريم عن جسمها وغسلت شعرها ومسكت الفوطه نشفت شعرها بسرعه وسابته مفرود على ضهرها ولبست البورنص وخرجت وهي متعصبه جدا فتابع سليم بعصبيه : اتنيلي شوفيه واخلصي هتأخر
فاسيا فتحت الدولاب وبقيت تدور بعصبيه وهي مش طايقه نفسها وملقيتهوش فنفخت بضيق
فتابع سليم بعصبيه: هاا ملقتكيش طلعتيه يعني ؟؟
اسيا بعصبيه اصل صح هيروح فين برا الدولاب يعني ياسليم منا مش عارفه زيك غار فين بجد
سليم بحده يعني ايه مش عاارفه ؟!! اومال مين اللي هيعرف امي ؟؟!! واتعصب وتابع انا بجد نفسي افهم انتي لازمه اهلك ايه في البيت دده
اسيا بعصبيه ودموع : انا مش جاريه عندك علشااان كل حياتي تبقى اكلك وشربك ولبسك وحقك فيااا
سليم بصلها برفعه حاجب وابتسم وتابع ليه بتعملي ايه تاني غير كده علشان افهم بس؟
اسيا اتصدمت وتابعت سليم انت بتقول ايه !! انت اتجننت صح ؟؟ هو للدرجه دي شايفني زي الناس دي !!
سليم بعصبيه انا مقولتش كده .. انتي اللي قولتي ..انا بس نفسي اعرف في ايه اسيا هانم بتعمله غير الحاجات دي
اسيا بصتله بقهر وتابعت هو للدرجه دي كل اللي عملته علشانك اتنسى ؟؟
سليم بعصبيه ليه عملتي ايه علشااني ؟؟!! عيشتي ايام صعبه شويه ؟؟ وفيها ايه منا ياماا عيشتك حلو كتيير وبعدين مجبتكيش من الكومباوند يعني فعيشي عيشه اهلك واسكتي احسنلك
اسيا بعصبيه شديده : انا اهليي دوول عمره ماحد منهمم بيعني خااتم في ايدي مهما ظروفنا كانت صعبه انا عيشت معااك وحش كتيير اووي ومع امك اكتررر ومع ذلك كنت بنت اصول وحطيت جزمه في بوقي وسكت وعمري ماطلعت سر بيتي لحد فمش ده جزااتي يتقاالي الكلام دده بعد كل اللي عملتواا
سليم بصلها بسخريه وتابع دهبي وخدته ولو على الحاجه اللي اخوكي جبهالك فابقى اجبلك غيرها على الجزمه القديمه لا عاش ولا كان اللي يذلني
اسيا بصتله بذهول وتابعت بدموع سليم انت بتقول ايه !! في ايه حصل يوصلناا لكده ؟! منا سيبت شغلي علشانك اهو وصحيت قبلك وحضرتلك الفطار ليه مهما اعمل تحسسني اني مقصره ؟؟ انت مكنتش كده وعيطت وتابعت طب لو بطلت تحبني عرفني ارجووك بس متسبنيش مش فاهمه حاجه كدده
سليم نفخ بضيق وتابع بعصبيه: كل ماتعطل تقولي بطلت تحبني فاكره نفسها لسه عيله صغيره في ايام الجامعه ومسح على وشه بضيق وتابع اسيااا اصطبحي وقولي يا صبح وشوفي القميص فين واخلصيي انا متاخر
اسيا بعصبيه ودموع انا ااه مش لسه في الجامعه بس عندي 23 سنه وصغييرره فعلا انت اللي ليه مصمم تكبرني عن اوااني وتعجزني بددري ؟؟؟
سليم بعصبيه انتي اللي مكبره نفسك هو انا اللي عامل فيناا كده ؟؟ ماهي تصرفااتك اللي بتثبت دده .. عدم اهتمام بمظهرك ونوم لبعد المغرب وسيباني اسبوعين ويومين تطبخي وعشره لا واهم حاجه عندك اهلك اما خلاص الواحد اتخنق وجاب اخره ودخل الحمام وسابها
ودموعها نزلت بوجع وفضلت تدور على القميص بس ملقيتهوش فنفخت بعصبيه ودموعها بتنزل ومش طايقه نفسها وثواني وافتكرت انها لسه مغسلتش الاسود وراحت عند سبت الغسيل ودورت لحد ما لقيته وتنهدت بعمق وتابعت يااربي هسمعلي كلمتين منه وخدت القميص وراحت الاوضه وثواني وسليم طلع وهو بيمسح وشه بالفوطه وتابع هاا لقيتيه؟
اسيا مدت ايديها بيه وتابعت بتوتر اه اهو بس انا لسه مغسلتش الاسود
فسليم اتعصب وشده منها ورماه في وشها وتابع بعصبيه وانا اعمل بييه اييه طلما متغسلش انتي عبيطه ولا ايييه
اسيا اتعصبت ورايحه تتكلم اتصدمت بتولين داخله عليهم الاوضه وبتدعك في عينيها وتابعت في ايه يا مامي مالكم
اسيا بصتلها واتوترت وتابعت لالا مفيش يقلب مامي يلا بس البسك علشان عندنا حضانه وتلحقي تنزلي مع بابي
سليم بحده حضانه ايه اللي الساعه 11 دي؟
اسيا بتنهيده اليوم انهارده ترفيهي مش دراسي فهتروح متأخر شويه فاستنى البسهالك وخدها معاك
سليم شد قميص ابيض من الدولاب وتابع بحده هو بيلبسه: لا انا مش فاضي استنى حد انزلي وديها انتي زي الشاطره كده بدل مانتي قاعده فاضيه مبتعمليش حاجه
فاسيا غمضت عينيها بوجع وخدت نفسها بعمق ومرضيتش ترد عليه علشان تولين واقفه وشالتها وخرجت بيها وراحت اوضتها ووقفتها على السرير
فتابعت تولين بحزن مامي هو بابي مزعلك؟
اسيا بدموع لا ينورعيني هو متضايق شويه بس علشان اتأخر على شغله وبدات تلبسها
تولين مسحت دموعها بحزن وتابعت طب متزعليش يا مامي حقك عليا والله
اسيا ابتسمت بوجع وتابعت مش زعلانه ياروح قلب مامي من جوه وباست خدها وكملت تلبسها بعدين قعدت تسرحلها شعرها ومسكت ايديها وخرجوا من الاوضه وشافت سليم معدي من قدامها من غير ولا كلمه ونزل وقفل الباب ودخلت اوضتهم لقيته سايب فلوس على الكومود فتنهدت بوجع وتابعت للدرجه دي يعني وصلنا لكده يا سليم !! وهزت راسها بلايجاب بحزن وراحت لبست چيبه سودا وبلوزه بيضه على الوسط وطرحه سودا وحطت ميكاب رقيق وكحل ازرق لايق جدا على لون عينيها فتولين بصتلها وابتسمت وتابعت وااو شكلك تحفه
فاسيا ضحكت وتابعت ده عيونك انتي التحفه والله
تولين بفرح لا حقيقي جميله اوي يا مامي
اسيا بحب نورعيون مامي انتي والله يلا بينا علشان منتاخرش
تولين بفرح يلا
وبالفعل اسيا مسكت ايديها وخدت شنطتها وطلعوا وقفلوا الباب ونزلوا فحماتها كانت فاتحه الباب فتابعت اسيا وهي باصه للارض وبتنزل: صباح الخير يا ماما
نعمه خرجت وتابعت برفعه حاجب صباح الخير يا نن عين امك على فين كده
اسيا بتنهيده رايحه اودي تولين الحضانه وجايه
نعمه بضيق اه بسرعه بس متتاخريش لحسن الشقه على بعضها وعايزه تتروق
اسيا بضيق وهو معلش ايه اللي خلى الشقه على بعضها مانتي عايشه فيها لوحدك يعني
نعمه بحده ناس بتيجي تقعد معاايا وتزورني وتمشي فبتتكركب ياختي .. هتشااركيني كمان ادخل الناس بيتي ولالا ولا اييه
اسيا بتنهيده ولا اشاركك ولا تشاركيني هوصل البت واجي اعملهالك
نعمه بضيق وامسكي الورقه دي هاتيلي الطلبات اللي فيها من السوق
اسيا تنهدت بعمق ومسكت الورقه منها وتابعت طب انا مش معايا كاش يكمل كل ده
نعمه بضيق والله مباخدش من جيبك شوفي الفيزا بتاعت ابني فين وهاتي منها كل حاجه
اسيا برفعه حاجب وهي فيزا ابنك دي هتشيل ايه ولا اييه؟
نعمه بحده وانتي ماال اهلك مانا امه واطلب زي مناا عاايزه هو حراام ابني يجبلي طلبااتي ولا اييه ولا انتي فااكره علشان اتجوزك فخدتيه لحساابك انتي وبنتك ؟؟
اسيا بضحك لا ازاي انه جوزي ده مش مبرر بصراحه علشان فلوسه تبقى تخصني انا وبنته
نعمه بحده وابني قبل مايعرف اشكالك اصلا فاتلمي كده واصرفي ومالكيش دعووه يلااا مش ناقصه صدااع على الصبح
فاسيا غمضت بضيق ونزلت هي وتولين ودموعها بتزيد ووقفت تاكسي وركبت وتولين جنبها فتابعت تولين بحزن متزعليش من تيته علشان خاطري
اسيا بدموع لا عادي يحبيبتي ومسحت دموعها وخدت نفس بعمق وتابعت عادي انا اتعودت على اسلوب تيته ومش بزعل منها
تولين بحزن قولي لبابي انها زعلتك
اسيا بصت للطريق وابتسمت بسخريه ووجع وتابعت: لو عملت كده المشكله هتكبر وبابي عمره ماهيزعل تيته بسببي فعلى ايه بلاش احسن انا كده كده اتعودت فعلا وبصت لتولين وابتسمت وتابعت فمتشغليش بالك انتي احنا كل شويه كده بس بنتراضى وباست راسها بعمق
فتولين دخلت في حضنها وباست خدها وحضنتها تاني فاسيا ضمتها اكتر وغمضت عينيها
وشويه ووصلوا ودفعت للتاكسي ونزلت ووطت لمستواها وباست خدها وتابعت بحب يلا روحي انچوي وخلي بالك من نفسك
تولين باست خدها وتابعت بفرح حاضر باااي
اسيا بحب باي يعمري وقامت وقفت وفضلت تشاورلها زي ما تولين بتشاور لحد مااختفت من قدام عينيها وبتلف وبتمشي اتخبطت في حد فبتبص اتصدمت بشده وتابعت فارس !!
فارس بتنهيده لحد امتى هتفضلي تتهربي مني ومترديش عليا ؟؟؟
اسيا الدموع اتجمعت في عينيها وبصت بعيد وتابعت ده لان مينفعش يبقى في بينا كلام اصلا ورايحه تمشي فمسك دراعها وتابع مالك يا اسياا فيكي ايه ؟؟
اسيا بدموع مفيش حاجه سيبني لو سمحت
فارس بحده مش قبل ما اقعد معاكي فا لو سمحتي اركبي العربيه اقولك الكلمتين وانزلي
اسيا بحده ودموع يسيدي انا مش عايزه اقعد معاك ولا عاايزه كلامك ابوس ايدك ابعد عني ومتجبليش المشاااكل كفايه اللي انا فيه فارجوك اعتبرني اختك وسيبني في حاالي
فارس بصلها والدموع اتجمعت في عينيه وتابع عمري ما هعرف اشوفك غير حبيبتي .. ومن يوم ماعرفتك لحد انهارده عمري ماشوفتك اختي
اسيا بدموع عرفت بقى مينفعش اقعد معااك ليه ؟
فارس بوجع اه بس ده ظلم لياا لان مشاعري مش بايدي ولا عارف ابطل احبك ..فمش ذنبي اني معرفتش اعمل زيك واحب حد تاني فبردي ناري يا اسيا ولو لخمس دقايق واقعدي معايا وانا هطمن عليكي بس ومش هضغط في اي حاجه تاني .. لاني عرفت اللي حصل لعلي
اسيا دموعها نزلوا بقهر وتابعت والله علي صاحبك تقدر تروح تطمن عليه بنفسك بعيد عني خالص وغمضت عينيها وفضلت تعيط
فتابع فارس بلفهه لالا اهدي ابوس ايدك حقك عليا والله
اسيا بعياط لو علي كان هناا مكنش حصلي كل اللي بيحصل ده بس هو بيستقوى علياا علشان عارف اني ماليش حد
فارس اتصدم وتابع هو مين اللي بيستقوى عليكى ؟؟؟ سليم ؟!!
اسيا عيطت وتابعت فارس ارجوك عايزه امشي
ورايحه تمشي فمسك دراعها وتابع بعصبيه مش هتروحي في حته غير لما تفهميني انتي مجنونه ولا ايه ؟؟ تعالي يلا وشدها ركبها عربيته ولف ركب جنبها وتابع هاا اخلصي عملك ايه ابن الكلببب ده
فاسيا بصتله وعيطت فتابع بعصبيه ماتنطقيي عمل ايييه ؟؟؟
اسيا اتخضت وتابعت بعياط بيجرحني بالكلام في الرايحه والجايه والصبح رمى القميص في وشي ومش عاجبه اي حاجه بعملها وبهدلني على بياتي برا البيت اسبوعين مع اهلي وبيستغل كل كبيره وصغيره علشان يقلل مني ويتخانق عليها وبطل يهتم بيا وببنته ومصمم اخلف ولد وحاجات كتير اووي
فارس قلبه وجعه وتابع وانتي ايه يجبرك تستحملي الاهانات دي كلها بتحبيه اوي كده ؟؟
اسيا بوجع وعياط الحب مش معناه اني استحمل حد بيهني يا فاارس
فارس بعصبيه ايووه قولي لنفسك بس انا بردو سؤالي واضح بتحبيه اوي كده ؟؟
اسيا سكتت ثواني وتابعت بوجع ااه بحبه .. ماهو حبيبي وابو بنتي بردو
فـ فارس بصلها بوجع فتابعت : انا كنت معجبه بيه اوي اول ماعرفته بس محبتوش بجد غير في جوازنا لاننا اتجوزنا علطول بس ابتديت اكره تصرفاته انما لسه بحبه اوي والعشره مش بتهون عليا لان سليم مكنش كده فاهمني ؟؟
فارس بوجع اممم فاهمك وعلى كده في وضع زي ده هتبقي متخلفه وتروحي تحملي منه ؟؟
اسيا بدموع طب اعمل ايه بقول يمكن لما اجيب الولد يبطل اسلوبه ده
فارس بعصبيه انتي متخلفه ؟؟!! يعني مش كفااايه بنتك اللي بتعيش معاكم الاحدااث الخراا دي كمان عايزه تروحي تحمليي تااني ؟؟
اسيا بعياط اومال عاايزني اعمل اييه يعني ؟؟
فارس بعصبيه امنعيه يلمسك واعملي لنفسك كراامه شويه انتي مش جاايه من الشاارع علشان يهزقك ووقت ما مزاجه يجيبه يلاقيكي
اسيا اتكسفت وبصت للارض وتابعت بدموع بس انا عمري ماقولت لسليم لا بخاف يبص برا لاني لو معملتش كده بصحي الاقيه قالب وشه وبيعمل مشاكل من العدم
فارس بعصبيه على اساس ان دلوقتي المشاكل ليها اسباب ؟؟
اسيا بدموع معرفش يا فاارس بس انا مش هخرب بيتي بردو
فارس بعصبيه جوزك عمره ماهيتغير طول مانتي في وشه وبتقوليله هين فياا اكتر وانا قعدالك مش هسيب بيتي وحقوقك كمان مجاابه اصل هو معلش هيصالحك ليه لما طلباته وحقوقه كلها عندده ؟؟
اسيا بوجع ودموع يصالحني لاني اسيا .. اسيا حبيبته
فارس ابتسم بوجع وتابع انتي مش حبيبه حد غيري واوعي تفكيرك يوديكي ان ممكن يكون سليم ولا غيره حبك اكتر مني
اسيا بصتله بوجع وتابعت بدموع انساني ومتوقفش حياتك بسببي يا فارس
فارس بوجع هي كده كده وقفت وتنهد بعمق وتابع لسه راجع من فرنسا مبقاليش غير شهر وتوقعت اقصى حاجه هتكوني مخطوبه وفضلت اروح عند بيتكم بس ملقيتكيش بتنزلي .. بس ده بسم الله ما شاء الله طلعتي متجوزه وبنتك كبيره كمان
اسيا غمضت بوجع ودموعها نزلوا وتابعت بالله عليك ماتصعبها عليناا خلاص ارجوك ده نصيب
فارس ضحك بوجع وتابع لا عليناا مين ؟!! .. هي علياا انا بس .. انتي حبيتي حد تاني وبداتي حياه جديده انا اللي حياتي وقفت عليكي ومش عايزه تكمل غير بيكي
اسيا بوجع : الكلام ده مبقاش ليه لزوم انت دلوقتي شخص ناجح ووسيم وفيك مميزات كتير والف بنت تتمناك فـ دور على بنت مناسبه واتجوزها وخلف وعيش حياتك علشان انت حقيقي انسان جميل اوي يا فارس ومتستاهلش كده
فارس بوجع بس انا مش عايز الالف دول .. انا كنت عايز اسيا .. اسيا الجارحي وبس
اسيا دموعها نزلت وتابعت انا هنزل كفايه كده
ففارس مسك دراعها وتابع استني يا اسيا
اسيا بصتله بوجع وتابعت نعم
فارس بتنهيده هتعملي ايه مع سليم ؟؟
اسيا بدموع مش عارفه حاجه والله هسيبها على الله وخلاص
فارس بعصبيه هو ايه اللي مش عاارفه حاجه هما حااجتين ملهمش تالت اما تعامليه وجوده زي عدمه وتمنعيه يلمسك اما تسيبيله البيت كاام يووم خليه يتربى شوويه بقى ويعررف قيمتك
اسيا بعصبيه ودموع : فاارس انت مش عاايز سليم يلمسني وخلااص ده كل همك اصلاا فمتحسسنيش انك عاامل علياا وعايز مشاكلنا تتحل
فارس قلبه وجعه بشده وتابع وهو علشان انا فعلا فكره انه بيلمسك بتموتني فكراني بقولك كده علشان غيران ؟؟!! لا انتي حقيقي متخلفه واتعصب وتابع انا عاايز اعمل لاهللك كرااامه لانه ضامن وجوودك فبيجي عليكي وعاارف انك مش هتقدرري تقفي قصاااده
اسيا بعياط : طب منا فعلا مش هقدر اقف قصااده ولا هعرف اربي بنتي لوحدي ولا هقدر احرمها من ابوها ده روحها فيه وكفايه مشاكلي النفسيه بسبب علي وسلمى فمش هزودها عليهم واسيب بيتي ولا امنع سليم من حقه فيقلب وشه اكتر صدقني صعب انا بحاول اخده بالحنيه بقول يمكن يلين
فارس بص للناحيه التانيه من شباك العربيه وتابع بوجع: اللي يريحك يا اسيا .. ربنا معاكي ويهدي سركم .. وانا باذن الله لو زورت علي هطمنك عليه بس فكي بلوك الفيسبوك اللي عملتيه لاني مش معايا رقمك
اسيا بدموع تمام ماشي ونزلت وقفلت باب العربيه فـ فارس بص شافها وهي ماشيه ولف الدريكسيون علشان يمشي والدموع متجمعه في عينيه
----------
في اوضه الشخص اللي بيراقب سلمى وحازم كان قاعد على سريره مرجع ضهره لورا وباصص على صورته المتعلقه على الحيطه مع اخته نورسين وهي حضناه وبتضحك الباب خبط فتابع بجمود ادخل
فدخلت الست المساعده في البيت وتابعت بتوتر القهوه با بيه
الشخص بتنهيده ساده ومن غير سكر؟
الست بتوتر اه ساده ومن غير سكر يا بيه
الشخص بتنهيده تمام حطيها واطلعي
فالست حطتها وتابعت بتوتر : جد حضرتك عايزك تحت علشان موضوع نقل البيت وكده
الشخص بضيق قوليله شويه ونازل واقفلي وراكي
الست بتوتر حاضر يا بيه حاضر وطلعت وقفلت الباب وراها وهو رجع راسه لورا ودموعه نزلت بوجع وافتكر
فلاااش باااك
البيت بتاعهم دوار كبير مكون من دورين عايشين فيه كلهم مع بعض الجد وعياله واحفاده وفاجاه سمعوا صوت امه بتقول الحقوووني الحقوووني حد يجي بسررعه البت انتحرررت
فاهو جري وطلع لفوق بسرعه ودخل اوضه اخته مع صاحبه ولقيوها واقعه على الارض وايديها غرقانه دم ولابسه كاش قصير فصاحبه اتصدم بشده وغمض عينيه علشان ميبصش عليها وتابع بخوف : انا هخرج براا هاتها وانزل بسرعه هحضرلكم العربيه
ونزل جري فوطى الشخص ده وشالها بين ايديه وحطها على السرير وتابع بدموع وخوف مين عمل فيهااا كدده نورسين وخبط على وشها وتابع نورسين فوقي يحبيبتي
امه بعياط معرفش يا ابني معررفش انا طلعت لقيتهاا عملت كدده اختك شكلهاا انتحرت من كتر الضغط اللي حصلهاا يمصيبتي السوداا يمصيبتي وفضلت تلطم وتعيط
فتابع الشخص بعصبيه ودموع : يااما اهدي ومتفوليش عليهااا نورسين قدهاا وهتستحمل مش هتسيبني لاا وراح جاب اسدال ولبسهولها وسط العياط والانهيار من امه وشالها ونزل بيها بسرعه وبعد شويه وصلوا المستشفى فتابع بخوف ودموع : ابوس ايديكم حد يمسكها ويشوفها بسرعه ارجووكم
وبالفعل الممرضه جات بالترولي وخدوها ودخلوا اوضه العمليات وبرا كان واقف الشخص ده وصاحبه وامه
فتابع الشخص بدموع وخوف يارب استرهاا يارب .. يارب ارجوك نجيها ياارب .. يارب همووت من غيرهاا
صاحبه بدموع اجمد ومتقولش كده نورسين مش هتسبنا لا والله ماهينفع
الشخص بدموع ياريتني جوزتهالك يا مصطفى ياريتني وافقت بيك من بدري اوي بدل ماكنت بدلعها وبقول لسه صغيرره واسيبها تعيش سنها
مصطفي بدموع وانا لسه شااري يا صااحبي ربنا ينجيها اهم حااجه الاول وبعدين نشوف هنعمل ايه في الموضوع ده
الشخص دموعه نزلت بوجع وتابع مش هسااامح نفسي لو جراالها حاااجه يا مصطفى ودمووعه زاادت وتابع والله ما هساالمح نفسيي
مصطفى بدموع مش هيحصل حاجه صدقني اجمد بس كده وشد حيلك امك تعبانه متتعبهاش اكتر
الشخص رجع راسه لورا ودموعه نزلت بقهر وهمس بادعيه كتير ودقايق وخرج الدكتور وكلهم راحواله وقلبهم دقاته اعلى من عقارب الساعه فتابع مصطفى بخوف هاا يا دكتور طمنا؟
الدكتور بص للارض بحزن وتابع ادعولها ربنا يرحمها ويسامحها
فالشخص ده وصاحبه اتصدموا بشده وحسوا ان قلبهم هيقف من كتر الصدمه وامه فضلت تصوت وتعيط وتابعت لا يا نورسيين لااا ينورسيين لا يابنتيييي لسه بدررري يابنتييي لسه بدررري يابنتيييي
فالشخص ده دموعه نزلت بقهر وهو ساكت ومصدوم
فتابع مصطفى بعصبيه ودموع انت بتقول اييه .. اييه التخرريف دده اكييد لا ادخل شوفهاا تااني اكييد في حاجه غلط
الدكتور بحزن ربنا يصبركم انا عارف ان خبر موتها صعب عليكم خصوصا انها لسه 18 سنه بس ادعولها ربنا يغفرلها ويسامحها
مصطفى بعصبيه وعيااط موووت مين يااعم !! انت بتخررف بتقول ايييه ؟؟!! نورسيين ماتت !!!
الشخص فتح عينيه بقهر وتابع عايز اشوفها .. مش هصدق غير لما اشوف اختي بعيني
الدكتور بحزن نقلناها للتلاجه تعالى اوديك تشوفها
امها بانهيار تلاجه ايييه وعيطت اكتر بقهر وتابعت تلاااجه اييه ينورعين امككك يابنتييي فمصطفى شد من احتضانها وعيط في حضنها فتابعت بانهيار ااه يا مصطفى اااه حبيبتك سابتنا ومشيت يا مصطفى نورسيين مشيت يا مصطفى وفضلت تلطم بانهيار وتابعت نوررسين مششيت يامصطفييي نورسيين مشييت
فمصطفى مسك ايديها وتابع بعياط ابوس ايدك بلااش كده ابوس ايدك هي مش ناااقصه تعذبيها اكترر علشان خااطر ربنا ادعي ربنا يرحمهاا ويصبرنا وحضنها
امها بعياط وقهر ااه يابنتي اااه ينورعيني اااه يحرقه قلبي عليكي يابنتيي
عند التلاجه دخل اخوها وهو مش مستوعب اللي سمعه خالص وعمال يفتكر ايام ما كان يرجع من السفر وياخدها في حضنه ويشيلها لما تنجح ويلف بيها وكل ايامهم وذكرياتهم بتمر قدام عينيه وفاق على صوت الممرض بيقوله: اهي اختك هنا وشد الدرج ووشها كان متغطي وسابه وطلع
فهو مد ايديه يرفع الغطا وجواه قهر غير طبيعي ودموعه بتنزل من غير صوت بتحرقه وشال الغطا لقاها هي نايمه وعينيها مفتوحه فاتحه بسيطه وبوقها مفتوح شويه لان الفك رجع لشكله الطبيعي فاتقهر لما شافها بالمنظر ده وعينيه فضلت تنزل دموع وتابع ليه كده يا نورسين ؟؟
وعياطه زاد وتابع لييه تعملي فيااا كده ينورعيني ووطى حضنها وفضل يعيط بانهيار في حضنها وشال قناع الثبات اللي كان موريه لامه وصاحبه وتابع بانهيار: انا لما ضربتك .. ضربتك علشان مصلحتك وعلشان اللي حصل كبير اووي انما مش قصدي اوصلك للمرحله دي ينورعين اخوكي من جوه ومسك ايديها باسها كتير وتابع بعياط ابوس ايدك قومي وتعالي نروح وانا والله العظيم وغلاوتك عندي مش هخلي حد يكلمك تاني ولا هسمعك الكلام اللي كنت بسمعهولك ومصطفى اهو قالي هتجوزهاا وعيط اكتر وتابع والله هيتجوزك وحياتك هتتغير بس ارجوكي ابوس ايدك قوومي
وعينيه زادت في الدموع وتابع يابت ده انا مش عاايش غير علشاانك .. لو مشيتي وسبتيني هرمي نفسي في حضن مين بعدك واحكيله .. طب قوليلي مين هياخدني بالحضن لما ارجع من شغلي ومين هيعملي قهوه بالليل ونجيب فيلم ومين هيتدلع علياا علشان اخرجه واجبله حاجات حلووه وحضنها جامد وعياطه زاد وتابع مين هيملي عليااا حيااتي ده انتي امي وصاحبتي وحبيبتي واختي وبنتي وكل حااجه ليااا والله ماهعرف اعيش من غيرك ساعه علشان استحمل غيابك العمر كله .. واتعدل بصلها واتعصب بعياط وتابع يعني ايييه مش هشووفك تااني ابوس ايدك قوومي متعمليش فياا كدده ده انتي حافظه كتاب ربنا ومش بتفوتي فررض بلااش تخلي النهايه كدده ارجوكي قوومي مفيش حاجه هتصبرني على بعدك بعد اللي عملتيه ددده
وحضنها ونام على صدرها وتابع بعياط كسرتيني في حياااتك وكسرتيني في موتك يا نوررسين وبصلها وحط ايديه على خدها وتابع بعياط انا اسف لو قصرت في حقك وخليتك توصلي لكده وعياطه زاد وتابع والله العظيم عمري ماكنت اتخيل اني لما اضغط عليكي واربيكي هتحسي انك مالكيش حد فاتنتحري كده وغمض عينيه بقهر وتابع بعياط قوليلي ازااي اتعود اني مش هشوفك واكلمك واخدك في حضني تااني ؟؟ قوليلي ازاي اتعود اقعد في البيت ونورسين وضحكتها مش مالين كل مكاان فيه ؟؟ قوليلي ازاي انسى شكلك في حضني ده وحضنها اكتر وعياطه زاد وتابع طب قوليلي ازاي اسيب حضنك وامشي دلوقتي علشان كل ما اجي اعملها احس اني مش قادر ابعد عنك وعايز اشبع منك واحضنك تاني مابالك بالعمر كله هستحمل ازاي ؟؟ وباس جبينها وسند جبينه على جبينها وتابع بدموع قوليلي ازاي مترديش عليا وانا بتكلم يا نورسين وعياطه زاد وتابع ازاي تسبيني اصلااا وحضنها جامد ومقدرش يكتم عياطه
وفات يوم كامل وخلصوا الاجرائات وكل حاجه وجات لحظه الدفن وكان ماشي شايل صندوقها وجنبه مصطفى ووراهم ناس تانيه ودموعه بتنزل ولف وشه باس الصندوق وتابع في سره ودموعه بتنزل: يارب سامحها يااارب واغفرلها ارجوك .. وحدك شااهد انها كانت ملتزمه وبتعمل باللي آمرتها بيه فسامحها واغفرلهاا الذنب ده
وراحو عند القبر بتاعها اللي حفروا ليها وشالها بين ايديه ونزلها ومقدرش يكمل وقلبه وجعه فمصطفى وابن عمها كملوا الدفن وبعد ما دفونها ولزقوا الرخامه باسمها حط ايديه عليها ووجع الدنيا كله جوااه وتابع: لو اخر يوم في عمري اوعدك اني هقهر حازم على مراته زي ماقهرني عليكي
بااااك
فدموعه نزلت وهو بيفتكر الاحداث دي وحط ايديه عند مدمع العين يمسح دموعه ولقي فون من رجالته فرد وتابع بحده خير
احد الرجال بتوتر : والله يابيه مابتخرج من بيتها وهو كان عندها ومشي بس منزلتش معاه
الشخص بعصبيه طيب لما تتنيل تنزل عرفووني وحازم ميغبش عن عينيكم يااريت تفلحوا في دي وميتعلمش عليكم زي المره اللي فاتت من رجاله عصام السيوفي
الراجل بتوتر يا فندم احنا ساعتها اتغدر بينا و
الشخص بعصبيه شديده هششش انا مش عاايز رغي كتيير خلااص مش ناقص قررف وقفل السكه في وشه
-----------
في بيت رانيا الباب خبط فقامت فتحت وتابعت بابتسامه تعالي يحبيبتي
حبيبه دخلت وتابعت بتنهيده مساء الخير يا خالتي
رانيا باستغراب مساء النور ياختي مالك في ايه ؟؟
حبيبه بوجع مالي فيا ايه يعني منا زي الفل اهو
رانيا بتنهيده على اساس مش عارفاكي ومربياكي على ايدي يابت انتي ؟؟ اصل من امتى بتقوليلي يخالتي هو انا مش ماما ؟؟
حبيبه بوجع يمكن لو كنت استوعبت اني كان لازم اناديكي خالتي من زمان مكنتش تعبت دلوقتي
رانيا بقلق في ايه يحبيبه مالك يابنتي
حبيبه دموعها نزلت وتابعت بوجع لا مفيش .. مفيش حاجه خالص انا بس اللي غبيه واتهيألي ان كان ممكن يكون فيه
رانيا بقلق انتي شوفتي علي يحبيبه صح ؟؟ ردي علياا يابنتي هو علي قالك حاجه ضايقتك ؟؟
حبيبه بوجع هو علي بيقول غير حاجات تضايقني ؟!! ده ندمني اني روحت اشوفه من ورا كريم وندمني اني عملت علشانه كل ده وكنت مستعده اعمل اكتر بس مطمرش
رانيا بقلق قالك ايه ابن الجزمه ده قوليلي وانا اروح ابهدلك بكرامته الارض
حبيبه ضحكت بدموع وتابعت لالا وتبهدلي بكرامته الارض ليه ده واحد وعنده مشااعر وقالها بصرااحه اصل دي بالذاات مينفعش تبقى بالعافيه وابتسمت بوجع وتابعت وبيني وبينك انا اللي قللت من نفسي واستاهل .. سعيت علشانه عمري كله وهو مفكرش يمشيلي خطوه فماسكه فيه على ايه ؟؟
رانيا بدموع وبحده الواد ده قاالك ايه يحبيبه انطقي
حبيبه بعياط قااالي مش بحبك ومش عاايزك وروحي اتجووزي ومتستنيش وتضيعي عمرك على شويه مرااهقه .. رفضني وكسرني وقالي لاا يخالتي .. واتعصبت بعياط وتابعت قدمتله قلبي على طبق من دهب وقولتله استناك العمر كله مش الـ 3 سنين بس وبردو جرحني واهان كراامتي وحسسني بالذل اني وريته بحبه قد اييه
رانيا دموعها زادت وحضنتها فحبيبه عيطت بانهيار وتابعت على قد ماحبيته على قد ما جاب سكينه تلمه وغرزها جوه قلبي يخالتي ..انا شوفت من علي قسوه مشوفتهاش عمرري كله وانا اللي فكرته هيكون عوض عن كل اللي مريت بيه ..بس للاسف اللي شوفته بسبب حبي لـ علي مفيش حاجه في الدنيا هتعوضه .. انا اتكسرت وقلبي حساه هيتخلع من مكانه من كتر الوجع
رانيا بعياط اهدي يحبيبه اهدي يابنتي حقك عليا هو اكيد حسبها انه مش عايز يوقف حياتك بسببه وحس انه هيظلمك لو عمل كده فمتجيش عليه وافهمي قصده يابنتي
حبيبه خرجت من حضنها وبصتلها وتابعت بعياط وعصبيه مهما كاان يخالتي .. علي لو كاان عايزني زي منا عاايزاه صح كانت فكره ان راجل غيره يلمسني تموته بالحياا وتكسره لـ100 حته بس هو محبنيش اصلاا ولو كان وافق يتجوزني كان هيوافق علشان شايفني بنت اصول وهبقى الزوجه اللي يتمناها مش اكتر .. وسكتت ثواني وتابعت بقهر: ورغم اني عارفه كده بس بردو كنت هوافق بيه وقولت هعمل نفسي مش واخده بالي وهتجوزه وهحببه فياا بعد كده وعياطها زاد وتابعت بعصبيه: ضحيت بكل حاجه علشانه حتى كرامتي دوست عليهاا وعملت نفسي مش واخده باالي وهو مقدمليش اي حاجه .. ونفسي اتقططع من الجرري ورااه وكل ده وهو ولا هنااا وانا اقول معلش ياحبيبه ماهو الحب مش بايديه بردو ..معلش يحبيبه مانتي مش مبينه خالص بردو ولو كان في فرصه كان هيحبك انتي اكيد ومش هيسيبك بحنيتك وحبك ده كله وكنت بصبر نفسي .. ويوم ما ساب رفييده وقولت اخيرااا هيبقى ليا فرصه وقضيتها تنطيط وفرح ورقص .. جيه وقف قصاادي بكل بجااحه وكسرني وقهرني ومهمهوش ان البنت اللي واقفه قدامه دي فضلت عمرها كله هتموت على حضنه وكلمه منه واستخصرهم فياا وراح اداهم للي باعتوا في اقرب محطه فـ لا يخالتي علي ميستاهلنيش وانا خلااص مش هحاارب علشااانه تاني .. هي خلصت خلااص وجاابت اخرهااا
رانيا بعياط والله عارفه انك صح ومغلطيش ابداا بس والله يابنتي كلام قاله من حرقته والوضع اللي هو فيه
حبيبه بدموع ووجع ميخصنيش ربنا يفك سجنه بعيد عني انا جيالك اطمن على سلمى واشوف لو هتعملي حاجه في الشقه وتطبخي اساعدك لاني ماشيه رايحه لإيلين يومين
رانيا بدموع هيهون عليكي علي يحبيبه ؟؟
حبيبه بدموع ووجع لاول مره اقولك ااه يخالتي هيهون .. لاول مره اقرر فعلا اني هدوس على قلبي لو فكر يدقله ولا يفكرني بيه .. علشان خلااص دي طلعت من بوقه .. كفايه اعيش في اوهام .. وكفايه افرض نفسي عليه .. وتنهدت بوجع وتابعت ياريتني صدقت امي من زمان لما قالتلي فوقي من اللي انتي فيه محبكيش ولا عمره هيحبك مكنش ده بقى حالي
وسابتها وراحت تشوف سلمى فرانيا عيطت وحطت ايديها على بوقها وتابعت بعياط وقهر ربنا يسامحك يا ابني .. ربنا يساامحك على اللي بتعملوا في البت دده
ودخلت لسلمى الاوضه لقيتها قاعده بتعيط لانها كانت واقفه سامعه كل حاجه وحبيبه شافتها فراحت قعدت قدامها ومسحت دموعها وتابعت بابتسامه مش معنى اني خلاص قررت انسى علي يبقى ده معناه اني نسيت وعدي ليكي .. صدقيني يا سلمى هخرجه وهعمل كل اللي اقدر عليه .. امتى حقيقي مش عارفه بس الاكيد اني هوفي بوعدي
فسلمى بصتلها بحزن ودموعها زادو فحبيبه ابتسمت بوجع وتابعت متزعليش نفسك علشاني صدقيني خلاص انا كويسه وده الصح اصلا وتنهدت بعمق وتابعت يمكن ربنا خلاني اكمل لهنا علشان يوريني ان فعلا ارادته واختياره كان الصح والخير .. وده مش معناه ان اخوكي وحش لا وابتسمت بوجع وتابعت اخوكي سيد الرجال كلهم بس معلش يمكن نصيبنا اننا مش لبعض ودموعها زادت وتابعت وبصراحه انا نفسي اجرب احساس ان راجل يحبني ويعمل كل حاجه علشان يتجوزني حاسه انه احساس حلو مش كده ؟؟
فسلمى حست ان حبيبه صعبانه عليها فدموعها نزلت وهزت راسها بـ اه كذا مره انه احساس حلو يعني
فحبيبه دموعها نزلت بحزن وتابعت بس فانا نفسي اجربه بقى اظن ده ابسط حقوقي اني احس ان في راجل مستعد يحارب علشاني
فسلمى مسكت النوت بتاعتها وكتبتلها "والله هتحسيه مع علي" ووريتها
فحبيبه دموعها نزلت بقهر وابتسمت بوجع وتابعت كنت اتمنى بس طول ما البنت حبت اكتر من الراجل في العلاقه فمش هتنجح لاني هقدم مجهود كبير اوي وهعوز ضعفه واخوكي الحمدلله معندوش 1% من اللي جوايا انما لو العكس وراجل بيقدملي كتير فهياخد عيوني والله
فسلمى كتبتلها: " اه بس انتي مش هتعرفي تدي عيونك لراجل غير علي يا حبيبه "
فحبيبه قرات وابتسمت بوجع وتابعت ولا قلبي ولا جسمي ولا اي حاجه والله بس صدقيني ده الصح فادعيلي اني اكمل اللي بعمله .. نفسي اريح قلب امي علياا بقى حقيقي كفايه كده وقامت باست راسها بعمق وتابعت هقوم اروق مع امك ونحضر الاكل علشان ماشيه يومين خلي بالك من نفسك
فسلمى هزت راسها بماشي بحزن وحبيبه خرجت فسلمى رفعت ايديها تدعي ربنا يريح قلب حبيبه ويكتبها هي وعلي لبعض
-------------
عند رفيده في الساحل كانت استأذنت ابوها وسافرت تاني مع عصام علشان تفصل كام شويه
وكانت واقفه في الجنينه بتشرب ايس كوفي ولابسه دريس ابيض حمالات لحد الركبه ينفع للبحر فجيه عصام حضنها من ضهرها وباس خدها وتابع الاميره بتاعتي بتعمل ايه؟
رفيده اتخضت وضحكت وتابعت قطعت خلفي يا عصام حرام عليك
عصام فضل يضحك وتابع مش لو كنا كتبنا الكتاب كنت استغليت اننا لوحدنا في مكان رومانسي زي ده واتاكدت بنفسي؟
رفيده بضحك اتاكدت من ايه ؟
عصام سند جبينه على وشها وغمض عينيه وتابع بضحك ان خلفك اتقطع
فرفيده فضلت تضحك وتابعت نفسي تتربى بجد
عصام بضحك لا صعبه دي الحقيقه وبص لايديها وتابع بحب بتشربي ايه
رفيده قلبت بالشاليمو في المج وتابعت بحب ده ايس كوفي تدوق ؟
عصام قرب وتابع وريني كده
فرفيده قربته منه فداق من الشاليمو وتابع باعجاب حلو جدا تسلم ايدك
رفيده بحب الف هنا ياروحي اعملك؟
عصام بحب لما اكل مش دلوقتي الاكل قرب يوصل خلاص فانتي كمان سيبيه وكملي بعد الاكل علشان نفسك متتسدش
رفيده بضحك لا متقلقش انا نفسي مفتوحه 24 ساعه
عصام بضحك وياريته جاي بفايده بردو معصعصه
رفيده زغدته بايديه في بطنه وتابعت برفعه حاجب نعم ؟!!
فعصام تاوه وفضل يضحك وتابع عجباني والله في كل حالاتك يعمري عيب عليكي
رفيده بابتسامه عارفه كده كده بس بردو كنت هنكد عليك والله لولا في حاجه كده انقذتك مني
عصام بضحك طب الحمدلله حظي حلو ايه هي بقى ؟
رفيده بحب انك شربت من ورايا من الشاليمو وهو متبهدل روج من غير ماتقرف ولا تقول اي كومنت
عصام بحب اقرف من مين يعبيطه انتي وضحك وتابع بعدين الروج ده انا اللي بمسحهولك هنهزر ولا ايه ولفها ليه وقرب باسها بعمق وبعد دقايق سند جبينه على جبينها وتابع بحبك بجد
رفيده بحب وانا اكتر وسندت راسها على صدره وحطت الايس كوفي على جنب وحضنته وغمضت عينيها بارتياح
عصام غمض عينيه بتوتر وتابع بضحك لا واحده واحده علياا واتلمي علشان انا على اخري
فرفيده فضلت تضحك وتابعت حاضر والله خلاص
فعصام باس راسها بعمق وحضنها وغمض عينيه وخد نفسه بارتياح وتابع انتي كنتي طالبه مني ايه؟
رفيده باستغراب على ايه مش فاهمه؟
عصام بحب يعني في حاجه انتي كنتي طلباها تلبسيها في ايديك ايه هي؟
رفيده خرجت من حضنه وبصتله بتفاجئ وتابعت بضحك وفرح : لا متهزررش انت جبت الخااتم بجدد ؟؟!!
عصام بحب طبعا بجد هو انا اقدر مجيبش حاجه حبيبه قلبي طلبتهاا وخرج علبه قطيفه من جيبه وفتحها يوريها الخاتم فرفيده فرحت بشده وحطت ايديها على بوقها من الصدمه وتابعت بفرح وضحك يخرااابي ياعصااام ايه الحلااوه دييي ووقفت على اطراف صوابعها وحضنته جامد وتابعت تعبت نفسك بجددد
فعصام ضحك وضمها ليه اكتر وتابع بحب ولا تعبت نفسي ولا حاجه .. يسلام ده انتي طلباتك اوامر ومسك الخاتم وشال العلبه ومسك ايديها الشمال ولبسهولها فيها لان الدبله في اليمين فرفيده بصت عليه وتابعت باعجاب وفرح : حقيقي تحفهه دي كلمه قليله علييه خطيير اوي بجد تعيش وتجيبلي يحبيبي وحضنته
فعصام حضنتها وباس راسها بعمق وتابع بحب تعيشي ينورعين حبيبك ده فرحتك دي بالدنيا كلهاا والله
فرفيده ضحكت وتابعت ده انا هطير من الفرحه مش فرحانه عاادي لاا
فعصام ابتسم بحب وتابع يارب دايما فرحانه يا نن عيني
رفيده بحب تسلملي يحبيبي وسمعوا الباب بيخبط فتابع عصام بحب : ده تلاقي الاكل وصل خليكي زي مانتي علشان لبسك ده وانا هجيبه وجايلك حضري القاعده هنا بس
رفيده بفرح حاضر
--------
بالليل عند إيلين كانت حبيبه قاعده في ڤيلتها وتحديدا في اوضتها وإيلين قاعده قدامها بتسرح شعرها قدام التسريحه بعد ماخدت شاور
إيلين بصت عليها من المرايا لقيتها قاعده ساكته وسرحانه فتابعت : وكريم صدق انك جايه تباتي هنا علشاان انا تعبانه ولا شك فأي حاجه ؟؟
حبيبه بتنهيده لا هو مشكش اني اعمل خطه علشان اساعد علي دي مستحيل تيجي في باله .. بس استغرب شويه ولما باباكي كلمه وقاله انه مش هيكون هنا اليومين دول وانك فعلا تعبانه فصدق
إيلين بحزن طب مالك طيب قالبه وشك ليه ؟؟
حبيبه بصتلها وتابعت بوجع وانتي عايزاني اكون عادي بعد اللي حصل؟
إيلين قامت قعدت جنبها وتابعت بحزن بصراحه حقك بس انا مش قادره اشوفك كده
حبيبه بوجع ادعيلي ربنا يريح قلبي ويشيل منه حب علي يا إيلين
إيلين بحزن انا موجوعه علشانك وعارفه انه كان قاسي عليكي اوي بس بردو مش قادره الومه لانه بيتكلم صح
حبيبه بوجع وانا مشتكتش يا إيلين وكنت مستعده استناه واعيش معااه ونواجه اي حاجه من اللي قالها دي عادي بس هو علشان يعمل فيها بطل ضحى بيا للمره التانيه وتنهدت وتابعت سيبك انتي هو علشان محبنيش بس فبيقول كده .. انما فكرك لو بيحبني كان طلب مني اروح اتجوز غيره اكيد لا طبعا
إيلين بحزن حبيبه انتي بتتكلمي كده وخلاص علشان مش عاارفه علي لما يخرج هيعيش بصعوبه ازاي والحب فعلا عاميكي انما هو والله مغلطش في اللي قالوا حياته فعلا هتبقى صعبه ومستقبله معدوم
حبيبه بوجع لو حياتي مع علي هتبقى صعبه فحياتي في حضن غيره هتبقي جحيم .. صدقيني ولا انتي ولا هو هتفهموني
إيلين رايحه تتكلم ففون حبيبه رن فتابعت بتوتر ده عزيز
إيلين بخوف ردي ردي وعلي الاسبيكرر
فحبيبه ردت وعلت الاسبيكر وتابعت بدلع الو
عزيز بابتسامه الو اخبارك ايه يا توتي ونفخ دخان سجارته
حبيبه حاولت متتوترش وتابعت بدلع : بخير يعيون توتي انت اخبارك ايه
عزيز بابتسامه زي الفل .. ها ايه الدنيا هتيجي امتى نتقابل واشوفك بقى
حبيبه بضحك مستعجل على ايه هو احنا لحقناا ده يادوبك بقالنا يومين بس بنتكلم
عزيز بابتسامه اصل الجواب بيبان من عنوانه وانتي شكلك هتتفقي معايا في حاجات كتير فمتحمس اشوفك
حبيبه ضحكت بدلع وتابعت طب ابعتلي اللوكيشن بتاع النايت اللي بتسهر فيه وهاجي اقابلك
عزيز بضحك بس كده ده من عيووني بس هعرفك ازاي؟
حبيبه بضحك متقلقش انا عاارفاك وعلشان اسهلهالك هبقي لابسه احمر
عزيز بضحك احمرر كمان ده باينها هتبقى ليله فل
حبيبه بضحك ده كده كده ياروحي
عزيز بابتسامه طب اقفل معاكي انا والحق ابعتلك اللوكيشن علشان ورايا كام حاجه كده لحد مايجي المعاد
حبيبه اتفقنا يلا باي
عزيز بحب باي يقلبي
فقفلت حبيبه ورمت الفون جنبها بعصبيه وتابعت بحده ينعل اهلك في الارض عيل زبااله
إيلين بحزن معلش اهدي حقك عليا والله
حبيبه بدموع وعصبيه : ده مش اسلوبي يا إيلين حقيقي مش طاايقه نفسي وانا بتكلم معااه كدده وسمحاله يتعدى حدوده بالشكل دده
إيلين بحزن اهدي طيب معلش هنعمل ايه ان كان ليك عند الكلب حاجه قوله يسيدي فمضطرين نستحمله الكام ساعه دول بعدين براحتك
حبيبه بدموع وخوف : انا مرعوبه بجدد ولو كريم عرف اللي بعمله ده والله يدبحني بدم باارد ومصعبش عليه وعلي كمان لو عرف هيموتني
إيلين بتنهيده مانتي بالفعل لازم تحضري نفسك لسؤال زي ده يحبيبه هتردي على كريم وعلي تقوليهم ايه لان طبيعي هيسألوكي
حبيبه اتوترت جدا وخافت وتابعت : هفكر ساعتها بقى متوترنيش الله يرضى عنك اخلص بس من المصيبه دي الاول
إيلين قامت وفتحت دولابها وتابعت البلوزه الحمرا الاوف شولدر اللي اختارتيها اهي شوفي بقى من تحت هتلبسي ايه؟
حبيبه بتوتر اي حاجه يا إيلين شوفي بنطلون سكيني او چيبه جلد بس مش قصيره اوي
إيلين انا فعلا بلبس البلوزه دي على چيبه جلد استني اوريهاك وقومي قيسي
فحبييه تنهدت بعمق وتابعت بخوف : ربنا يستر والله انا قلقانه بجد
إيلين بحب متقلقيش خير باذن الله وبعدين انتي مش لوحدك انتي معاكي ربنا وبعده امجد وصدقيني ربنا هيحميكي وهتخلصي اللي هتعمليه على خير
حبيبه بتوتر يارب يا إيلين والله لحسن هنجلط لو ملقتش الدليل
إيلين بحب لالا هتلاقيه تفائلوا بالخير تجدوا وبعدين متقلقيش امجد راقبه اليومين دول وقاالك انه مش بيروح اي حته غير بيته والنايت فمستحيل يكون مش في بيته
حبيبه نفخت بتوتر وتابعت يارب بجدد وهاتي اقوم اجرب
وبالفعل حبيبه بقيت تجربهم وقررت هتلبس ايه وبعد ساعتين لقيت جالها مسدج فمسكت فونها لقيت عزيز بعتلها اللوكيشن وكاتبلها "" ساعه كده وهكون هناك مستنيكي ""
فحبيبه بعتتله "" تمام ياروحي ""
ونفخت بضيق فتابعت إيلين بتوتر هاا اكلم امجد ؟
حبيبه بضيق ااه كلميه ولحد منا اقوم البس يكون جيه
إيلين بتوتر اهدي ها خير باذن الله
حبيبه بتوتر يااارب
وقامت لبست بلوزه حمرا اوف شولدر على مقاسها بالظبط وعليها الچيبه الجلد واصله لحد بعد ركبتها بالظبط وفردت شعرها اللي وصل لبعد ضهرها وجابت حبه قدام والباقي على ضهرها وحطت ميكاب رقيق بس الروج اختارته احمر علشان يليق على بياض بشرتها ولون البلوزه وبصت لإيلين وتابعت بتوتر هاا ايه راايك؟
إيلين بتفاجئ واعجاب شديد: يخربيت حلاوتك ايه الجماال ده كله بجدد !!!
حبيبه بتوتر والله رده فعلك وترتني اكترر
إيلين فضلت تضحك وتابعت لالا والله مقصدش حقك علياا بس حقيقي شكلك خطير يا تاالا وفضلت تضحك
فتابعت حبيبه بضحك والله انتي حيواانه
إيلين بضحك لا بجد خطيره ناقص البرفيوم بس علشان تجيبيه على وشه كده ومسكته ورايحه ترش فحبيبه مسكت ايديها وتابعت بوجع لا يا إيلين بلاش انا مش بحط برفيوم وبصت لنفسها وتابعت وكفايه ذنوب لحد كده
إيلين بحزن حبيبتي انتي بتلبسي نفس الشكل والطول في الدريسات مالك في ايه متحمليش نفسك الذنب للدرجه دي
حبيبه بوجع بس كل مره كنت ببقى رايحه فرح ومعايا علي وكريم ومحدش بيقدر يرفع عينه يبصلي انما انتي فاهمه انا رايحه اعمل ايه ؟؟ انا رايحه عايزاه يتفرج علياا واعجبه والدموع اتجمعت في عينيها وتابعت حاسه بتأنيب ضمير لاني عايزاه يبص عليا ويلتفت ليا وانا مش وحشه كده ولا دي تربيتي ولا هقدر استحمل نظراته
إيلين بحزن حبيبه اهدي ينورعيني ومتقوليش كده انتي متربيه وست البنات كمان وقطع لسان اللي يقول عنك ربع كلمه المهم نيتك وراها ايه ومسكت ايديها وتابعت بصي يحبيبتي انتي نيتك سليمه وربنا عارف كده كويس اوي ودي اهم حاجه وعارف انك بتعملي كده لاجل ان علي يرجع بيته بالف سلامه وسلمى صاحبتك حالتها متدهورش وتتعب اكتر من كده وعيله كامله مستنيه راجلهم يرجع يرد فيهم الروح من تاني ويحميهم ويرعاهم فصدقيني انا عارفه انك مش من البنات دي ولا هتعرفي تقلديهم بس ربنا هيقف جنبك لانك بجد مفرقتيش عن اللي بيأدي مهمه وطنيه في اي حاجه بالعكس بقى ده كمان حبيبك فانتي مش هتعرفي تسيبيه كده فهماني؟
حبيبه بحب ودموع عندك حق انا فعلا مش هعرف اسيبه كده واعمل علشان يخرج اي حاجه
إيلين بابتسامه وتشجيع : ايوه كده برافو عليكي وانا واثقه انك قدهاا والله ومسحت دموعها براحه علشان الميكاب ميبوظش
فحبيبه حضنتها وتابعت ربنا ميحرمنيش منك ابداا يارب
إيلين بحب ولا منك ينورعيني وسمعت صوت عربيه فتابعت هشوف مين وجيالك تلاقيه امجد
فحبيبه هزت راسها بماشي وإيلين دخلت البلكونه وحبيبه مسكت فونها وفضلت تتصور سيلفي وتتصور قدام المرايا والصور كلها كانت جميله وكلها جاذبيه
وثواني ودخلت إيلين وتابعت يلا انزلي لامجد بسرعه
فحبيبه هزت راسها بماشي كذا مره وخدت فونها ونزلت سلالم الفيلا وراحت فتحت الباب وخرجت وقفلته
فالقيت امجد واقف بيبصلها باعجاب شديد وتابع لا بتهزري انا اخاف اوديكي كده
فحبيبه ضحكت بحرج وتابعت ميرسي جدا يا حضره الظابط
امجد بضحك لا مبهزرش انا حقيقي كده هقلق
حبيبه بضحك انا نفسي قلقانه والله بس يلا هنسيبها على ربنا
امجد بحب خير باذن الله متقلقيش وامسكي السماعه دي ركبيها جوه هدومك ومتخليهاش تبان علشان افضل سامعكم طول الوقت
حبيبه خدتها منه وهزت راسها بماشي وتابعت هركبها لما اوصل في الحمام
امجد بابتسامه تمام اتفقنا يلا بينا
فحبيبه هزت راسها بماشي وبصت لفوق لقيت إيلين بتشاورلها بـ باي فشاورتلها وابتسمت وركبت جنب امجد وطلعوا وشغل اغاني اجنبي في العربيه وحبيبه سندت راسها للشباك وسكتت
وشويه ولقيت فونها بيرن فبصت لقيته كريم فوطت الاغاني بسرعه وشاورتله يسكت وردت وتابعت بتمثيل نوم: الو
كريم باستغراب ايه ده انتي نمتي ولا ايه ؟
حبيبه بتمثيل نوم: اه يحبيبي
كريم باستغراب غريبه ده الساعه 1 بالليل مش عادتك يعني ؟
حبيبه بتمثيل ماهو انا تعبانه شويه ومصدعه فقولت انام واصحى بدري ابدء يومي من اوله احسن
كريم بحب خلاص ماشي يحبيبي تصبحي على خير نامي انتي كنت بطمن عليكي بس
حبيبه بتمثيل ماشي يحبيبي باي
كريم بحب باي
وقفلت معاه وتنهدت بارتياح فضحك امجد وتابع صرعتيني والله لما لاقيتك وطيتي فاجاه كده
حبيبه بتوتر معلش حقك عليا بس اتوترت اوي لما لاقيت كريم بيرن
امجد بضحك لا ولا يهمك عادي
ولقيت مسدج من عزيز بيقولها "" ها فينك ؟ ""
حبيبه بعتتله "" ربع ساعه واكون عندك "" وقفلت الفون
فامجد بصلها وتابع مش عايزك تقلقي من حاجه هاا انا هبقى حواليكي وعيني عليكي طول الوقت
حبيبه نفخت بتوتر وتابعت خير باذن الله
فامجد ابتسم وسكت وشويه ووصلت بالفعل ودخلت وامجد دخل وراها فراحت على الحمام وركبت السماعه في التوب اللي تحت البلوزه ونزلت البلوزه وكلمته منها وتابعت هاا كده سامعني تمام ؟؟
فامجد بعتلها على فونها مسدج "" تمام ""
فتنهدت بعمق وبصت للمرايا وتابعت اهدي يحبيبه انتي قدهااا .. انتي قدهاا وخدت نفس بعمق وخرجت ودخلت للنايت وشافت ناس بترقص وبنات لابسه لبس فظيع جدا وشباب بتتقرب منهم بطريقه غير لائقه وهما بيرقصوا وريحه خمور من كل النواحي واجواء مش شبها خالص لدرجه حست انها هتعيط من كتر الخنقه والتوتر اللي هي فيه وفضلت تدور عليه لحد ما لقيته وعينيها جات في عينيه وهو قاعد جنب البار وبيشرب فابتسم باعجاب شديد فراحت ناحيته وتابعت بابتسامه هاي
عزيز بصلها باعجاب من فوق لتحت وتابع ده هاي جدا .. واتحمس وتابع تااالا ؟؟!!
حبيبه بضحك يس وانت عزيز مش كده ؟؟
عزيز بضحك ده قسما بالله مافي حاجه اعز من اللحظه دي على قلبي في تاريخ حياتي كله
فحبيبه ضحكت وتابعت من اولها معاكسه كده
فعزيز ضحك وتابع تصدقي وتؤمني بالله ؟
حبيبه بابتسامه لا اله الا الله
عزيز بضحك من ساعه ماقولتيلي هلبس احمر وانا شغال بدور على اي واحده لابسه احمر وشوفت كتير بس الوحيده اللي اتمنيتها تكون تالا هي انتي والله العظيم فلما لقيتك عماله تبصيلي كده فرحت وفضلت ادعي تكون انتي وقد كان ودي اسرع استجابه عيشتها في حياتي
حبيبه كانت حاسه بضيق بس ضحكت علشان متبينش وتابعت بدلع : ميرسي جداا يا زيزو على المجامله اللطيفه دي
عزيز رفع كاس الخمرا على بوق واحد وتابع بضحك مجامله لطيفه ايه لا وربنا ماحصل ده انتي فعلا وتكه وتكه يعني ليكي حق تقلقي تحطي صورك على الفيسبوك
حبيبه بضحك طب ايه هنفضل هنا كتير ؟؟
عزيز بصلها بشهوه من فوق لتحت وتابع : انا رايي نمشي بصراحه
حبيبه حاولت تتجاهل نظراته وتابعت بابتسامه ايه رايك نروح نتغدا في اي مطعم برا الاول ؟؟
عزيز لالا سيبك من الكلام ده كله انا مبحبش اكل في مطاعم انا بحب اروح بيتي واطلب الاكل يجيلي لحد عندي فشوفي نفسك في ايه ونطلع ناكل في شقتي براحتنا
حبيبه بدلع انا بعشق الجمبري انت بتاكل ايه؟
عزيز بصلها باعجاب شديد وتابع ناكل جمبري معاكي يسلام ده انتي تؤمري من عينيا الاتنين
فحبيبه ضحكت وتابعت يسلمولي هالعيون
فعزيز شرب كاس تاني وقام وقف وتابع طب ايه رايك نروح ونطلب الاكل ومنا مانوصل يكون جيه ؟
حبيبه اتوترت وقلبها وجعها وتابعت مفيش مشاكل بس ايه مش هتاخد ازازه من دول معانا ؟
عزيز بضحك ليكي في الشرب ولا ايه؟
حبيبه بدلع لا خالص بس محبش مزاجك يتعكر علشان حاجه زي دي اصل لاحظت انك بتحب تشربها
عزيز بابتسامه والله منا كاسفك وبص للراجل وتابع هات ازازه يا ابني
وبالفعل اشترى الازازه وبص لحبيبه وتابع يلا ومشي معاها وهي مرعوبه من نظرات الكل عليها بس اللي طمنها وجود امجد قريب منها اللي شاورلها تمشي معاه وطلع وراهم بس وقف بعيد شويه فعزيز فتح الباب لحبيبه فركبت وقفل ولف يركب جنبها ومشيوا وامجد وراهم
فبصلها عزيز بشهوه وتابع وهو بيقرب عليها : الا انتي ساكنه فين؟
حبيبه اتوترت وبعدت لورا وتابعت المقطم
عزيز بضحك ده حلو جدا بس مالك بتبعدي كده ليه هو انتي مش عايزاني زي منا عايزك ولا ايه ؟
حبيبه قلبها وجعها واتوترت وتابعت بضحك : لا طبعاا مين قال كده بس معتقدش ده وقته ولا مكانه ولا انت شايف ايه ؟؟
عزيز بابتسامه شايف ان الشفايف الحلوه دي متقولش حاجه غلط ابداا
فحبيبه حست بضيق شديد والدموع اتجمعت في عينيها وجاهدت متنزلهاش وتابعت بابتسامه طب شوفت يبقى تستنى بقى
عزيز بضحك طب حتى بوسه بس على السريع
حبيبه بابتسامه قولت لاا لما نوصل اهدى ومتستعجلش على رزقك
عزيز بضحك وماله ياست البنات مش هنستعجل
وساق باقصى سرعته وحبيبه كانت قاعده جنبه مرعوبه بس بتبص من المرايا بتشوف عربيه امجد وراها بتطمن شويه وبالفعل وصلوا عمارته وركن عربيته ونزلوا وتابع بابتسامه يلا
فحبيبه ابتسمت بتوتر ونزلت معاه ودخلوا العماره وفتحلها الاسانسير ودخلت فدخل وراها وابتسم وتابع اظن طالعين اهو فا فكي شويه ورايح يقرب منها فبعدت لاخر الاسانسير وتابعت عزيز
عزيز بضحك يعيون عزيز متخافيش اوي كده هستنى لما ندخل الشقه هانت خلاص مش هنطير من بعض يعني
فحبيبه بطنها وجعتها بشده وحست بخوف شديد وبالفعل وقف الاسانسير في الدور العاشر اللي فيه شقته وحست حبيبه ان قلبها وقف معااه ولونها اتخطف فخرج عزيز. تابع بابتسامه تعالي يلا
فخرجت حبيبه وهي حاسه ان رجليها مش شيلاها من كتر الخوف ومشيت وراه ففتح باب شقته ودخل وتابع بضحك يابنتي ماتدخلي وتخلصي يلاا
فحبيبه ابتسمت بتوتر شديد ودخلت فقفل الباب فجسمها اتنفض من الرعب ولفت بصتله لقيته علق المفاتيح وابتدى يفتح زراير قميصه وبيمشي ناحيتها
فخافت جدا وقلبها بقى يدق بعنف وتابعت ايه يا زيزو اهدى مش كده حتى اخد نفسي
عزيز بصلها بشهوه وتابع : مش قادر يا تالا حقيقي نار قايده فيا عايزك ودلوقتي حالا
حبيبه بقيت ترجع لورا بتوتر وتابعت ماشي ما هيحصل بس كل حاجه باوانها يعني مثلا اقعد واجيبلك كاس واشرب وناكل بعدين الليل طويل وبراحتنا
عزيز قلع قميصه ورماه وفضل عاري الصدر وتابع بهيام وحياتك مستعد اعمل كل ده عادي بس انتي اول حاجه
حبيبه بلعت ريقها برعب وكانت عايزه تغمض عينيها من كتر الكسوف بانه عاري الصدر بس خافت يشك فيها فجاهدت نفسها تبقى طبيعيه وتابعت بتوتر مخلوط بدلع: ده حتى بيقولوا مسك الختام انا اول حاجه ازاي يعني استنى بس اقعد كده وهات اجبلك تشرب كاس ولا حاجه لحد ما الجمبري يجي واكل وبعدين عينيا ليك لحسن انا لو مكالتش برفهد بسرعه يرضيك ؟؟
عزيز فضل يضحك وتابع لا طبعا كله الا صحتك يعمري خلاص روحي هاتيلي كاس لحد مانشوف الاكل ده ناوي يجي امتى
حبيبه حست ان روحها اتردتلها وتابعت بفرح بس كده عيوني وراحت مسكت الازازه وشافت المطبخ فجريت دخلته وجابت كاس وصبت فيه الخمره وفضلت تبص برا وحواليها كتير بخوف لقيته مش واقف فطلعت علبه حبوب من صدرها وحطت حبيتين في الكوبايه وشالت العلبه في صدرها تاني وفضلت تقلب في الكوبايه لحد ما الحبوب دابت وتنهدت بارتياح وتابعت بهمس يارب ارجوك كون معاايا وحافظ عليا ياارب وخرجت وتابعت بابتسامه احلى كاس لاحلى زيزو في الدنياا
عزيز كان قاعد زي ماهو عاري الصدر على الكنبه وتابع بابتسامه تسلميلي ينورعيون زيزو انتي
فحبيبه ضحكت وهو مسك الكوبايه وشربها مره واحده ونزلها حطها على الترابيزه الصغيره اللي قدامه وتابع بابتسامه اديني شربت اهو وثواني وحس بدوخه وتابع تعالي في حضني شويه بقى لحد ما الاكل يجي وصوته ابتدى ينخفض وتابع لحسن انتي واحشتيني لما غيبتي عن عيني الدققتين بتوع المطبخ دول
وسكت ونام خالص
حبيبه نفخت بضيق وتابعت بحده الهي وحش اما يلهفك يابعيد اخيراا غار في ستين داهيه وريحني منه يباااي ده كان طاابق على نفسي زي الجبل الف حمد وشكر ليك ياارب وقامت بصقت عليه وتابعت جتك القرف وسخ ينعل ابو اشكالك الزباله وفضلت تقلب في الادراج كلها وطبعا امجد سمع فطلعلها وخبط على الباب فاتخضت وراحت بصت لقيته امجد ففتحت وتابعت بخوف حرام عليك يا امجد موتني من الرعب
امجد بضحك اهدي حقك علياا انا طلعت علشان كنت سامعكم ففهمت انه اتخمد وبجد برافو عليكي عرفتي تتصرفي بس يلا بسرعه مش وقته عايزين نلحق ندور وناخد الحاجه ونمشي
حبيبه بلهفه اه يلا دور انت في الصالون وانا هدخل اوضته زي ما اتفقنا
امجد بلهفه ماشي يلا بسرعه
وبالفعل حبيبه دخلت اوضته وبقيت تدور في الادراج حته حته والتسريحه وتحت الكومود وملقيتش حاجه ففتحت الدولاب ودورت فـ لقيت سيديهات فاستغربت وحطتهم على جنب وفضلت تدور وتشيل الهدوم حته حته فمقليتش حاجه فمسكت ملايه السرير وشالتها ونفضت السرير كويس ودورت تحت المرتبه وبردو ملقيتش حاجه فمسكت المخدات تنفضها فوقعت فلاشه فوطت جابتها وشالتها مع السيديهات على الكومود وكملت تدور لحد ماخلصت الاوضه كلها وملقيتش حاجه تاني فخرجت وتابعت امجد لاقيت حاجه ؟
امجد بيأس لا خاالص انتي ايه الدنيا ؟
حبيبه بابتسامه كلها امل : لاقيت السيديهات والفلاشه دي
فامجد فرح جدا وتابع تعاالي في لاب توب هناا نفتحهم ونشوف فيهم ايه بسرعه
فحبيبه راحت قعدت جنبه وامجد جاب اللاب توب وفتحه وحط او سي دي فكان فيلم اجنبي
فحبيبه اتصدمت وتابعت ينهار ازرق لو كلهم كده !!
امجد بتنيهده اهدي متفقديش الامل لو مفيهموش حاجه هندور في الاوضتين التانيين والمطبخ
حبيبه بدموع ايوه بس ده احتمال بعيد اوي
امجد وهو بيجرب السي دي التاني تابع بتنهيده : بصي هو الناس نوعين .. نوع بيخبي في المطبخ والاوض الغير متوقعه علشان مش هتيجي في بال حد بس ده غبي شويه لان الطبيعي ان اوضه النوم اول حاجه مش هندور فيها لان 90% بيخبوا فيها كل حاجه فاهو علشان يغير اكيد مش هيحط فيها واحنا كحكومه فاهمين ده .. والنوع التاني خبيث شويه يقول لا اخبي في اوضه النوم عادي جدا وفي مكان سهل وكده كده اي حد هيجي يدور هتبقى بنسباله دي اخر حاجه يشوفها علشان بنحط فيها كل حاجه فمش هيتوقع اني اتساهل كده ومخافش على حاجتي واخبيها في الاوضه دي .. وداس يشغل السي دي
حبيبه بتوتر ودموع طب وانت تتوقع عزيز من انهي نوع ؟؟
امجد بابتسامه عزيز ده ابن كلب خبيث وعلشان كده قولتلك لما كنا بنخطط نبدا بالصالون واوضه النوم
وبيبصوا لقيوا السي دي التاني فيلم اجنبي بردو فنفخوا بضيق فتابعت حبيبه بدموع طب اييه هنعمل ايه كدده ؟؟
امجد بتنهيده انتي متاكده ان مفيش حاجه تاني جوه ؟؟
حبيبه بعياط وخوف مفيش والله يمراري لو بعد كل ده بردو جيه على الفاضي
امجد خرج السي دي من اللاب وتابع بحده ممكن تهدي لسه في فلاشه وتدوير تاني مش هنيأس بس انا واثق ان الدليل هنا في بيته
حبيبه بعياط يارب وحياه حبيبك النبي ياارب ليكون الفلاشه دي الدليل ونخلص علشان انا تعبت وحاسه قلبي هيقف من كتر الخوف والله
امجد بحده يابنتي كفايه زن متوتريناش بقى وحط الفلاشه ولقى فيديو
حبيبه بعياط خايفه بعد ما اتعشم كل ده يروح يا امجد
امجد بتركيز لا خليها على ربك هنجيب الدليل يعني هنجيبه وشغل الفيد
وحبيبه رايحه تتكلم اتفاجئت بعربيه علي باينه في الشاشه فتابعت بلفهه وعياط من الفرح : الحق دي عربيه علي يا امجد عربيه علييي
فامجد فضل يضحك وتابع يابت يخربيت اهلك اتكتمي سبيني اركزز
فحبيبه حطت ايديها على بوقها وفضلت تعيط بفرح وبتشكر ربنا وهي بتشوف الفيديو
فتابع امجد بحب اهدي وركزي شكلنا لقيناه خلااص
فحبيبه ضحكت من بين دموعها وتابعت الف حمد وشكر ليك ياارب والله
وبصوا بالفعل لقيوا حد عمل مشكله مع علي فنزل من العربيه وبيتخانق فجيه حد ملصم وفتح العربيه من ورا وحط فيها كرتونه وخرج وقفل تاني بسرعه ومشي
فتابعت حبيبه بلهفه وعياط اهوو شووفت .. شووفت ان علي معملش حااجه شوفت بعينيك يا امجدد
امجد بذهول يا ولاد الحراام هو الواد ده جاب نسخه من مفاتيح القفل بتاع العربيه ازاي؟
حبيبه بلهفه ودموع معرفش بس الاكيد ان حد من شركه الشحن خاين وعمل نسخه للواد الملصم ده بالفلوس
امجد بذهول ماهو كلامك صح بس الفكره الملصم ده هنعرفه منين ؟
حبيبه يا ابني هوو الزفت ده المتلقح قداامك
امجد بحده ده انا وانتي نعرف كده انما القانون هنثبت ازاي ان هو ؟؟
حبيبه بعياط يا امجددد دي مش مشكلتي دي قضيه الحكومه بقى يحققوا براحتهم انما انا كل اللي عايزه اعرفه دلوقتي الفيد ده يخرج علي صح ؟
امجد بابتسامه يخرجوا طبعا والفضل بعد ربنا يرجعلك
فحبيبه عيطت بفرح شديد من كتر ماهي مش مصدقه وتابعت الف حمد وشكر ليك يااارب بجد مش قادره اصدق اني هصحى من الكابوس ده اخيرراا وحقيقي يا امجد لولا مساعدتك مكنش كل ده حصل
امجد بابتسامه متقوليش كده انا معملتش اي حاجه اصلا انتي اللي حقيقي شاطره ونفذتي لوحدك وعملتي علشانه كتيير
حبيبه بفرح وعياط مش مهم ايه الاحداث اللي حصلت المهم انه هيخرج خلااص والله هموت من فرحتي وخلعت الفلاشه وحطتها في ايديه وتابعت وخليها معااك وابقي اديها لفؤاد يوم الجلسه حافظ عليها ارجوك
امجد بحب متخافيش دي في عينيا الاتنين يلا قومي نمشي بسرعه قبل ما الحيوان ده يصحى لحد ما اشوف هعمل معااه ايه
حبيبه بفرح ودموع يلا وقامت مشيت معااه واتصلت بإيلين وتابعت بفرح الو يا إيلين
إيلين بتوتر هاا طمنيني
حبيبه بفرح لقيت الدليل خلاص لقيت الدليل
إيلين بفرح انتي بتتكلمي بجد ؟
حبيبه بفرح اه والله العظيم
فآيلين فضلت تزغرط بفرح وتابعت مليوون مبروك ينورعيني واتحمست وتابعت احكيلي حصل ازااي
حبيبه بفرح لما اجيلك
إيلين بحماس ماشي مستنيه
------
وبعد اسبوع حاله سلمى بقيت اسوء وفاضل ايام وتدخل في انتكاسه وكل الاحداث كما هي مفيش اي تغيير ورفيده بتحضر لفرحها هي وعصام وجيه يوم المرافعه وعلي واقف في القفص لابس ابيض لتاني مره مستني يسمع الحكم لتاني مره
وحبيبه معرفتش حد من اهله انه عمل نقض ولا ان في جلسه تانيه علشان ميتعشموش فكانت هي لوحدها الحاضره مع امجد وفؤاد وعلي مكنش فاهم الدليل اللي حبيبه جابته ده جابته منين وايه محتواه بس فؤاد شافه وفرح جدا انها عرفت تجيبه وقدمه للقاضي ولما القاضي خلصه فتابع فؤاد : وبكده اتمنى ان اكون قدرت اوري سيادتك بالدليل القاطع ان موكلي بالفعل مكنش يعرف اي حاجه عن المخدرات اللي في عربيته وحد قصد يتخانق معاه ويلفقله التهمه دي فبطالب من حضراتكم العدل وانا واثق تماما ان بلدنا وقانونا فوق كل شئ وهيطبقوا العدل
القاضي بتنهيده : الحكم بعد المداونه وقاموا كلهم وفؤاد تنهد بعمق وتابع خير ان شاء الله
وعلي بص لحبيبه بس كانت غير عادتها مش بصاله خالص وبتمثل التجاهل وهي من جواها مرعوبه وبتدعي ربنا وعلي دموعه نزلت بندم ووجع من عدم لهفتها عليه زي كل مره
وقطع تقكيره دخول القاضي وقعد مكانه وكلهم بصوله وهما مرعوبين وقلبهم بيدق بعنف
فتابع القاضي : بعد الاطلاع على الدليل وسماع المرافعه قررت المحكمه باجماع الاراء ببراءه المتهم علي قاسم الجارحي