رواية لنا موعد اخر الفصل الثلاثون30 بقلم لولا
فعلي اتصدم بشده وحبيبه اتصدمت وحست قلبها وقع في رجليها فعلي مسك قميصه واتعصب بشده وتابع انت بتقول ايه يا ابن الكلب يا زباله انتتتت
عصام بعصبيه بقول اللي حصل حبيبه هانم بتاعتك راحت مع واحد شقته علشان تجيب دليل خروجك لان انا اللي عملت فيك كده واللي حكالي الشريط الراجل بتاعي
فعلي اتصدم بشده وبص لحبيبه اللي ماتت من رعبها وحست انها هيغمى عليها من كتر خوفها من علي ونظره عين حبيبه ورعبها منه كانت كفيله تأكدله كلام عصام فزقه بعصبيه ومسك دراعها ومشي بيها بسرعه وهي بتعيط وعصام واقف مبتسم بانتصار فجاتله رفيده وضحكت وتابعت ايه ده انت قولتله ايه ؟
عصام بصلها بحب وتابع مش مهم المهم ان ما عاش ولا كان اللي ينكد عليكي في ليلتك ابدا اديها خربت على دماغهم
فرفيده ضحكت وحضنته وعصام ضمها ليه اكتر وباس كتفها ومسك ايديها يروحوا مكانهم
--
برا عند علي كان ماسك دراع حبيبه جامد بطريقه وجعتها وزادت من عياطها فتابعت بانهيار وخوف: علي اسمعني ابوس ايدك والله ده كداب الموضوع مش زي ما انت فهمت والله العظيم
علي بعصبيه شديده منا هسمعك متقلقيش كده كده هسمعك وهكسرك واطلع عين اهلك بس كله بوقته اخلصي يللا وزقها على عربيه فارس جامد
ففارس كان واقف بيتكلم قفل بسرعه وراح عندهم كانت حبيبه بتعيط وبتاخد نفسها وصدرها بيعلو ويهبط بسرعه فتابع بحده ايه يا بني ادم اسلوبك ده بتزقها كده ليه انت اتجننت
علي بعصبيه فاارس تسمح مسمعش صووتك علشان اقسم بالله هخسركك
فارس بعصبيه ياابني فهمني عملت ايه لاسلوبك ده
علي بعصبيه عملت عمل اسود على دماغها وضربها على ضهرها جامد فعيطت وصرخت بألم ومسك دراعها جامد تابع اللي عملته ميخصش حد غيرناا هتروحني ولا اغور في ستين داهيه اشووف اي مواصله؟
فارس شدها منه ووقف بينهم فحبيبه اتخبت ورا ضهره وهي منهاره عياط وخايفه فتابع بعصبيه متمدش ايديك عليهاا واحترم نفسك من امتى بنمد ايدينا على حريم يعني وزعلان من سليم وانت بتقلدده
علي بعصبيه ودموع لو اسيااا عملت اللي حبيبه عملته هقول لسليم ادفنهاا بالحياا مش اختي ومش عايزااها مابالك بحبيبتي !! بواحده شايفها الست اللي ربنا خلقهاا مني علشاان تكملني واللي ركبتها فوق بنات الدنياا وقولت دي غيير ودي عشره عمري وبنتي وتربيه ايدي فتخيل لما وسكت وغمض عينيه وتابع بعصبيه يا فاارس ملكش دعوه ابوس ايدك انا مش عايز اتكلم هي عاارفه كويس اني مغلطش
وحبيبه كانت سمعاه وقلبها مقهور ودموعها مش راضيه تقف وجسمها بيرتعش من فرط الخوف وموجوعه اوي انها وجعت علي كده وحسسته الاحساس ده بس هو بردو فاهمها غلط
فتنهد فارس وتابع مش هغصب عليك تتكلم ومقدر خصوصيتكم بس ابوس ايدك واحده واحده عليها البت بتتنفض حرفيا ومرعوبه منك
علي هز راسه بالسلب وتابع بضحك وسخريه مرعوبه مني !! ليه هو انا هعمل ايه اكتر من اللي ربنا هيعملوا ؟!! ومد ايديه ورا فارس وضربها وتابع بعصبيه تترعب من اللي خلقهاا مش مني
فحبيبه اتوجعت وعيطت بهستريه فتابع فارس بعصبيه ياعم احترمني بقى وبطل قله ادب وكفاياك مد ايد ياعلي
علي بعصبيه هتروحني ولا اخدها واغور اخلصص
فارس بخوف هروحكم والله بس اهدى ها اهدى وواحده واحده والله كل حاجه هتتحل
علي بعصبيه طب اخلص طيب
فارس بحده همشي واسيبها واركب علشان اسوق بس والله ياعلي لو مديت ايديك عليها انا اللي هخسرك
علي بعصبيه مش هكلم حد لينا ام بيت يلمنااا حسابنا مش في الشارع اخلص بس
فارس تنهد وتابع بحزن لا حول ولا قوه الا بالله اتحسدتوا والله العظيم ماكنتوا زي الفل وركب مكانه علشان يسوق
وعلي بص لحبيبه فعيطت برعب من نظرته ليها فمسك دراعها فخافت وفضلت تعيط ففتح الباب وتابع بعصبيه مش هنا متقلقيش كفايانا فضاايح وزقها فدخلت قعدت جوه وركب جنبها وقفل الباب جامد وتابع اخلص يا فارس
فارس بتنهيده حاضر والله اهو
وبالفعل طلع وعلي كان متعصب جدا وكل مايتفكر كلام عصام ونظرته ليه يتعصب اكتر وطلع علبه السجاير وخد سجاره ولعها ورمي العلبه جنبه بعصبيه وحبيبه قاعده بعيد عنه وبتعيط وخايفه اوي وجسمها بيتنفض
------
عند نيره وكريم
نيره قاعده مرجعه ضهرها لورا وكريم ماسك الشوربه وقاعد قدامها وبيأكلها
كريم بحب يلا اهو
فنيره كالت منه وتابعت وهي بتبص على الساعه كفايه كده يحبيبي اتاخرت على شغلك روح انت انا اصلا استغربت انك استأدنت وجيت
كريم بابتسامه علشان كنتي نايمه فمرضتش اصحيكي الصبح فقولت هاخد اذن في نص اليوم وهجيلك ناكل مع بعض وارجع تاني فلما تخلصي هنزل متقلقيش وحط ايديه على خدها وقرب باس جبينها وتابع سلامتك يا نن عيني
نيره ابتسمت بحب وتابعت الله يسلمك يعمري وبصت على الدريس المتعلق على الدولاب وتابعت شوفت الدريس بتاع خطوبتي؟
كريم بابتسامه اه خالتي ورتهولي جميل وانتي هتزوديه جمال
نيره بضحك عيوني والله بس صحيح كنت عايزه اسالك سؤال
كريم بحب اسالي طبعا
نيره بضحك علي اقنعك ازاي ياخد حبيبه الفرح انا اتصدمت انها نازله معاه انهارده
كريم بتنهيده اتخانقنا والله
نيره بضحك يخراابي للدرجه دي ليه حصل ايه
كريم وهو بيمدلها الاكل تابع بابتسامه امسكي طيب كلي وانا بحكيلك
فنيره كالت منه وتابعت بابتسامه ها قول
كريم بتنهيده بصي ياستي كل اللي حصل
فلاااش بااك قدام المستشفى
كريم بابتسامه اطلب طبعا
علي اتوتر وتابع مش هتكسف اخوك يعني؟
كريم باستغراب وهكسفك ليه ياابني ماتخلص وتقول في ايه
علي بتنهيده طب تعالى نقعد شويه في جنينه المستشفى اقولك الكلمتين بعدين نطلع لنيره
كريم باستغراب تعالى ياعلي بس بالله عليك بلاش نتاخر علشان نيره لوحدها
علي بابتسامه لالا متقلقش
وبالفعل راحو وقعدوا فتنهد كريم وتابع خير قول بقي
علي بتنهيده وتوتر بص يا كيمو انا مش عارف اجبهالك ازاي بصراحه لان اول مره اتكلم معاك في حاجه زي دي بس اتعودت اننا اخوات وبناكل من طبق واحد وحاجتي هي حاجتك ومفيش بينا فرق وعمرك مابتستخصر فيا حاجه مش كده؟
كريم بابتسامه اه طبعا كده بطل عبط وقول عايز ايه ده انت اخويا وعيني ليك ياعبيط
علي تنهد وتابع طب ولو قولتلك اني عايز حبيبه هتعزها عليا ؟
كريم بحده حبيبه مين؟
علي بضحك اممم مانت هتتحول علياا اهو
كريم بحده علي انا مبهزرش حبيبه مين اللي انت عايزهاا
علي بتنهيده هتكون مين يعني يكريم ماخلينا واضحين وبلاش لف ودوران احسن
كريم بحده حبيبه لا ياعلي انا وانت عارفين انك مش بتحبها ومش اختي اللي هتكون الزوجه ام العيال وخلااص لو على المناسبين هتلاقي كتير يتمنوا يرتبطوا بيك انما حبيبه هجوزها للي يحبها ومايشوفش غيرهاا هجوزها لواحد عايز يتجوزها هيي مش مجرد عايز يتجوز وخلاص
علي بتنهيده وانت مين قالك اني عايز اتجوز وخلاص فشايفها مناسبه؟ اعقل يكريم دي حبيبه يعني اللي مقبلوش على بنت من بناتي مقبلوش عليهاا بس انا فعلا شاريها وعايزها
كريم بحده ياعلي لو مش عايزنا نخسر بعض ارجوك طلع اختي من دماغك انا مش عاايز علاقتنا تدمورر بسبب حبيبه لاني هختارها على اي حد دي ملهااش غيري
علي بعصبيه انا علشاان مخسركش واحاافظ عليكك خسرتهاا هي كتيير زماان بس خلااص يكريم ابوس ايدك افهمنيي انااا مش اخو حبيبه ومش اخوهم مكانك لما تغييب انا بحبهااا ومن زمااان وعلشان مسمعش منك الكلام المستفززز ده اختاارت السكووت واختاارت اموت مشااعري وحاولت مرره والف ابصلهااا انها اختي وانا مكانك ولما لقيت رفيده بتحبني روحت خطبتها وبقيت اركز معاها وتجاهلت حبي لحبيبه لحد ما فكرت نفسي بطلت احبها بس مع كل عريس كان بيجي يتقدملها حاجه جوايا كانت بتتهز وارجع اقول بس يا علي انت بتحب رفيده ومينفعش تخونها انما حتى الدنيا بعدتني عن رفيده وحطت حبيبه في طريقي وقدامي واديك شايف اللي عملته علشاني ومع اهلي لما اتحبست فانا خلاص يا كريم مش هخسرها تاني سبق وخسرتها زمان بسببك
كريم كان مصدوم وتابع انت كنت بتحب حبيبه من زمان ؟؟
علي بوجع اه كنت بحبها ولازلت بحبها وحقك متصدقش زي ما هي مش مصدقه بس انا رايح بكره فرح عصام ورفيده وبستاذنك اخد حبيبه معايا وبوعدك متخافش عليها انا فاهم في الاصول وده علشان اوريها بعينيها اني مش بحب رفيده ومش فارقلي انها اتجوزت وهي هتيجي تقولك الصراحه لو انا فعلا لسه بحب رفيده ولو 1% متوافقش يا عم تجوزني اختك
كريم تنهد بعمق وتابع مش بسهوله هصدق مشاعرك ليها ياعلي انا لسه مصدوم من فكره انك كنت بتحبهاا دي ومش عارف استوعب
علي بوجع اقسم بالله يا كريم عملت كل ده علشان انت متزعلش وعلشان المثل بيقول صاحبك لا تناسبه ولا تحاسبه فمكنتش عايز ادخل بينا كل الامور دي لاني عارف حبيبه غلاوتها عندك قد ايه وده ممكن يعمل بينا مشاكل قدام لو انا بقيت جوزها واختلفنا مثلا بس خلاص الحياه مبتديش حد الفرصه 3 مراات وانا ضيعتها زمان فمش عايز اضيعها دلوقتي ارجوك صدقني وافهم موقفي
كريم بتنهيده علي انت عارف غلاوتك عندي قد ايه .. انت اخويا الوحيد وانا معزش عليك حبيبه بس صدقني مش بسهوله هطمن انك هتسعدها ومش هترجع تحن لرفيده فسيب الايام تورينا ولو انت فعلا تستحقها ومكتوبالك هتاخدها
علي بتنهيده ماشي يسيدي حقك بس بالله عليك توافق تيجي معايا الفرح بكره لاني قولتلها تيجي تشوف نظره عيني لرفيده زي زمان ولا لا والله العظيم الموضوع ده هيفرق جدا مع حبيبه نفسيا حتى سيبك مني انا لما تحس ان فعلا مش فارقلي حد غيرها
كريم بتنهيده والله هو مش نفسيه حبيبه بس .. حتى انا هرتاح لو ده حقيقي بس عامه ماشي يا علي خدها بس متطولوش خمس دقايق وتيجوا
علي بفرح حبيب قلب اخوك والله العظيم صدقني فعلا مش هنطول
كريم بضحك يارب يطمر يلا بقى عشان نيره لوحدها
بااااك
نيره الدموع كانت متجمعه في عينيها وتابعت بحب كريم انا بجد هعيط وصدقته انت ازاي مش مصدقه ومستني اثباتات ده يافرحه قلب حبيبه بجد
كريم بتنهيده مينفعش ابقى سطحي يا نيره انا معاكي فكره انه كان بيحبها زمان تخليني اصدق ان هو فعلا عاوزها اوي دلوقتي علشان حبه القديم عكس لو هو محبش غيره رفيده ودلوقتي عايزها هقول هو انت لحقت تنسى رفيده فانا فاهم اللي انتي بتتكلمي فيه بس دي اختي وعلي اقرب حد ليا مش عايز ابوظ الدنيا لازم حكمه وعقل
نيره بابتسامه وحب ايوه انت صح ربنا يكتبلهم الخير يحبيبي
كريم بحب يارب يعيوني ومسك ايديها باسها وتابع عايز اهتمام بصحتك هاا انا هنزل اكمل شغل في الموقع وجاي مش هتاخر
نيره بحب ربنا معاك يعمري خلي بالك من نفسك
كريم بحب من عيوني وقام وتابع عايزه حاجه اجبهالك وانا جاي؟
نيره بحب لا سلامتك
فكريم ابتسم وباس راسها بعمق ونزل وهي بصتله وابتسمت ومسكت فونها ترن على نديم
------
وبعد شويه وتحت بيت علي فارس كان وصلهم
فعلي فتح الباب ونزل وهو ماسك ايد حبيبه جامد وهي بتعيط ففارس نزل وتابع علي ابوس ايدك اسمعني
بس علي مستناش يتكلم وشدها وطلع بيها وهي بتعيط ومرعوبه وطلع على شقته هو ومرضيش يدخل شقه رانيا وفتح الباب ودخلوا فزقها جامد وقعت على الارض وهي بتعيط وبتبصله خايفه منه
فعلي قومها من دراعها وتابع بعصبيه شديده : انا عاايز اعررف ايه الكلاام الوسخ اللي قالهولي الحيوان دده وبصلها بذهول وتابع بعصبيبه انتي يحبيبه !! وضربها بالقلم جامد فعيطت بشده فتابع علي بعصبيه شديده: انتي يطلع منك كلل ده واتعصب اكتر وتابع ده انا بكتب فيكي شعرر وضربها بالقلم بقوه اكبر تحت عياطها وصراخها وتابع بنفس العصبيه بكتب فيكيي شعرر وعمال اقول عمرري ماشوفت في ادبهاا ولا اخلاقهاا ولا تربيتهااا دي تربيته ايديي بس لااا دي تربيه وسخه وضربها بالقلم فصرخت اكتر فمسك شعرها جامد وتابع بعصبيه اخلصيي انطقيي .. انطقيي قولي حصل ايه ورجلك اللي هكسرهالك دييي وضربها على رجليها جامد فصرخت بالم وهي بتعيط فتابع بعصبيه ازااي تروح لوااحد بيته هاا ردي عليااا متسكتييش
حبيبه خافت جدا وتابعت بعياط هستيري : والله العظيم .. والله العظيم يا علي عصام ده حيوان وزباله محصلش كده هو فهمك بطريقه رخيصه اووي
علي بعصبيه شديده : سكووتك طوول الطرريق ونظره عينيكي دي وخوفك منيي ميدلش ابداا ان عصاام كداب بس معلش هعتبر نفسي مفهمتش عينيكي كويس وعاايز اسمع منك انتي اييه اللي حصلل لان انا كنت واثق ان طلوعي من السجن ده وراه حوار واقولك هتعملي اييه يحبيبه هتنيلي ايه يحبيبه احكيلي يحبيبه وانتي شغااله تستغفليني وتقوليلي تسجيل الكاميرات عادي ورايحه تستهوني بشرفك وشرف عيلتك كلها مش كدده ؟؟ وضربها بالقلم فعيطت فتابع بعصبيه شديده انتيي ازااي .. ازااي دماغك تجبلك فكره زي دي وازاي قلبك يطااوعك تعمليهاا ده انا هطلع عين اهلك انهارده وما حد هيحوشك من تحت ايدي وطلما متربتيش اربيكي اناا واكسر رقبتك واهو ابقى كسبت فيكي ثوااب
حبيبه بصتله بخوف وتابعت بعياط هقولك كل حاجه والله بس توعدني الاول انك تسمعني للاخر ومتتعصبش
علي اتصدم من كلامها وتابع ليه هو انتي هتقولي ايه هيعصبني مثلاا لان انا كل ده مش مستوعب ان ده حصل وبقول اكيد في حوار بس انتي وصلت بيكي انك روحتي شقه واحد فعلا ؟؟
حبيبه بصتله برعب وسكتت فتابع بعصبيه شديده : رديي عليااا روحتي ولالا
حبيبه اتخضت وتابعت بعياط روحت بس والله ..
قاطعها علي لما ضربها بالقلم بقوه شديده لدرجه وقعت على الارض وهي بتعيط فتابع بعصبيبه وهو مصدوم : بس ايييه !! انتي راايحه تقووليي اييه واتعصب اكتر وتابع في اييه تااني يتقاال بعد اللي عملتييه يحيوانه ياتربيه نااقصه انتي ومسك شعرها رفعها عن الارض تحت صراخها وعياطها وضربها بالقلم بقوه وتابع بعصبيه شديده: ده انا هسكرلك رجلك دي اللي طاوعتك ونزلتي بيهاا وعايز اشوف اهلك في الشاارع تاني ولا تتحركي في اي مكاان وانا اقسم بالله العظيم يحبيبه اطلع روحك في ايديي.. لان خلاااص حبيبه اللي انا حبيتهاا واللي واثق فيها تنزل وترجع براحتهاا ماتت في نظرري وساب شعرها فوقعت على الارض تاني
حبيبه بعياط هستيري ووجع : والله انت فاهم غلط مش حبيبه اللي تبقى زباله كده وغلاوتك عندي انا بشرفي ومحدش طال مني شعره واحده ده انا متربيه على ايدك وقدام عينك ياعلي
علي بعصبيبه شديده: ينعل ابووه اللي لعب في عقلكم وفهمكم ان الشررف بنقطتين الدم .. اخلاقك وتصرفاتك هما شرفك الاهم واللي كانوا عاجبيني فيكي انما تربيتي ايه وزفت اييه ده انتي تربيه وسخه وهز راسه بزهول وتابع بعصبيبه ده انا لسه امباارح مركبك فوق رفييده وفوق اي واحدده وبقول دي ست البناات وكتير علياا ولا على اي حد وعمال اهين في رفيده علشان رخيصه تقومي انتي تروحي لوواحد بيته !! انتي يحبيييه !! واتعصب اكتر وتابع انتي تكسريني كددده !! فرقتي ايه عنهاا اما انتوا الاتنين ضحكتواا علياا عصااام وطلعتوني مش رااجل قدامه وصغرتوني وولا مره عرفت اداري حريمي عن عيون النااس
حبيبه عيطت بقهر وتابعت ما عاش ولا كان اللي يضحك عليك ولا يقول عنك كده بس انا والله العظيم عملت كل ده علشانك ياعلي انا مكنتش هقدر اعيش وانت في الجسن
علي وطى على ركبته قدامها وبصلها تابع بوجع اممم تقومي تركبيلي قرون وانا برا مش كده ؟
حبيبه بعياط صدقني محدش لمسني ومكنتش لوحدي انت ليه مش عايز تصدق وتشوف تضحيتي واني عملت كل ده علشانك
فعلي ضربها بالقلم بقوه ومسك شعرها جامد تحت عياطها المتواصل وتابع بعصبيه شديده ودموع: كنتي تسبينييي يخش اوولع ولا اغور في ستيين دااهيه عاادي مش مهم لان مفيش في الدنياا كلهاا اهم من شررفك وسمعتك بنسباالي .. هو انتي فكررك هفررح لما اسمع القررف ده علشاان طلعتيني ؟! ده انا ياااريتني كنت خدت مؤؤبد ولا اني اشوووفك بالشكل دده .. ياريتني ماكنت طلعت لو ده المقااابل ودي التضحيه ده انا مستعد استحمل السجن وعذابه وقررفه واتعصب اكتر بدمووع وتابع ولا اني اخرج وانتي عامله كده وعصاام يقف يتكلم عن شررفك انتي قداامي بالشكل دده و اقف ساكت ومتقيد ومش عارف انطق ومختوم علي قفاياا وهو اللي فاهم كل حاجه .. كان نفسي تكدبيه كان نفسيي تنطقي .. كنت همسكه اقسسمه نصين بس سكوتك خلاني اتاكدت انه مبيكدبش وكسرتيني وقهرتيني باللي عملتيه مش فرحتيني خاالص ياريتني ماخرجت يحبيبه والله ياريتني ماخرجت كنتي تسبيني وتسيبي البنت اللي بحبها زي ماهي باحترامها
حبيبه عيطت اكتر بقهر ووجع وتابعت وحياتك عندي ياعلي ومسكت ايديه باستها وتابعت بعياط هستيري وغلاوتك في قلبي انا مغلطش وامجد كان معايا وبيسجل والموضوع كله اشبه بمهمه وعملتها وخاطرت لاجل اشوفك قدام عيني وكنت مستعده اعمل اكتر من كده كمان انت بس متعرفش انا بحبك قد ايه
علي بصلها بوجع وتابع بسخريه انا فعلا معرفش. . بس معرفش اي حاجه ..ولا بتحبيني قد ايه ولا انتي مين ولا ازاي حبيبه تعمل كده ولا ايه اللي بيحصل ده انا فعلا معرفش اي حاجه
حبيبه بعياط والله العظيم ياعلي الحوار انضف من كل اللي في دماغك كل الحوار اني سمعت عصام بيتكلم مع حد على تسجيل كاميرا فشكيت انه يقصدك فلما الواد ده خرج شوفته وصورته بس معرفش هو مين وتدور الايام بعد الحكم لاقيت الاكونت بتاعه وعرفت انه عزيز اللي كان جار رفيده
فعلي اتصدم بشده وتابع عزيزز
حبيبه بتوتر ودموع اه
علي بعصبيه ده انا هطلع عين اللي خلفوووه كملي اخلصيي
حبيبه بدموع وتوتر فبعتله ادد من اكونت فيك وفضلت اكلمه واجاريه فاهو طلب يشوفني وبصت لعلي بخوف وتابعت في البار اللي بيسهر فيه فروحتله
فعلي اتصدم وتابع : فين ؟ يعني زي ما عصام قال بالظبط !! وبقي يمسح بايديه على وشه بعصبيه شديده وضيق
فخافت حبيبه وعيطت طب ابوس ايدك اسمعني للاخر الاول
علي بعصبيبه شديده :اخلصيي اخلصيي مانتي وشك متفضلش فيه مكاان هعمل فيكي اييه اكتر من اللي عملته .. هعمل اييه وقام وقف وزق المزهريه المحطوطه قدامه فوقعت اتكسرت لكذا حته
فحبيبه اتخضت وعيطت فتابع علي بعصبيه قولي اخلصيي يللاا
فحبيبه قامت وقفت وتابعت بعياط : فاهو لما لمح اننا نروح بيته فروحت معاه وحطتله منوم في الخرا اللي بيطفحه ونام وامجد كان بيسجل فسمعني وطلع ساعدني ولقينا الفلاشه اللي فيها التسجيل بس كده
علي بعصبيه اممم على اساس عبيط انا وهصدق ان ده حصل بالسهوله دي من غير ما يقولك كلمه زباله ولا يتحرش بيكي مش كده؟
حبيبه بخوف مقالش حاجه لا
علي بحده طب ابعتي لامجد هاتي التسجيل نشوف قال ولا مقالش
حبيبه بخوف ايه
علي بعصبيه ايه اطررشتي ابعتي لخراا هاتيه يلاا
حبيبه اتخضت وتابعت بخوف حاضر هات فوني علشان في جيبك
فعلي طلعه وحطه في ايديها بعصبيه فسمكت الفون بايد مرتعشه وبعتت لامجد يبعتلها الريكورد وامجد استغرب وسالها ليه بس هي صممت انه يبعته وهتفهمه بعدين بالفعل بعته فبصت لعلي وبلعت ريقها برعب وتابعت بدموع اهو بس خد بالك انا كنت بعمل نفسي البنت اللي كلمته على النت ها
فعلي شد منها الفون وشغل التسجيل:
حبيبه بابتسامه هاي
عزيز بنبره اعجاب تااالا ؟؟!!
حبيبه بضحك يس وانت عزيز مش كده ؟؟
عزيز بضحك ده قسما بالله مافي حاجه اعز من اللحظه دي على قلبي في تاريخ حياتي كله
فحبيبه ضحكت وتابعت من اولها معاكسه كده
فعلي بص لحبيبه بحده فدموعها نزلت وبصت للارض بخوف فتابع بهدوء مخيف لا فعلا مقالش حاجه خالص
فعزيز ضحك وتابع تصدقي وتؤمني بالله ؟
حبيبه بابتسامه لا اله الا الله
عزيز بضحك من ساعه ماقولتيلي هلبس احمر وانا شغال بدور على اي واحده لابسه احمر وشوفت كتير بس الوحيده اللي اتمنيتها تكون تالا هي انتي والله العظيم فلما لقيتك عماله تبصيلي كده فرحت وفضلت ادعي تكون انتي وقد كان ودي اسرع استجابه عيشتها في حياتي
حبيبه ضحكت بدلع : ميرسي جداا يا زيزو على المجامله اللطيفه دي
عزيز بضحك مجامله لطيفه ايه لا وربنا ماحصل ده انتي فعلا وتكه وتكه يعني ليكي حق تقلقي تحطي صورك على الفيسبوك
فعلي اتعصب بشده من كلامه وضرب ايديه في المرايه اللي في الصالون فاتكسرت لكذا حته على الارض فحبيبه شهقت واتخضت وحطت ايديها على بوقها وهي بتعيط وتابعت بخوف علي ايدك بتجيب دم يحبيبي ورايحه تمسكها فبعد عنها وتابع بعصبيه اوعي كدده ابعدي عني وخليكي في حالك اياكي تقربي مني وبقي يسمع باقي الريك وحبيبه واقفه بصاله بوجع وبتعيط
حبيبه بضحك طب ايه هنفضل هنا كتير ؟؟
عزيز : انا رايي نمشي بصراحه
حبيبه بابتسامه ايه رايك نروح نتغدا في اي مطعم برا الاول ؟؟
عزيز لالا سيبك من الكلام ده كله انا مبحبش اكل في مطاعم انا بحب اروح بيتي واطلب الاكل يجيلي لحد عندي فشوفي نفسك في ايه ونطلع ناكل في شقتي براحتنا
حبيبه بدلع انا بعشق الجمبري انت بتاكل ايه؟
عزيز : ناكل جمبري معاكي يسلام ده انتي تؤمري من عينيا الاتنين
فحبيبه ضحكت وتابعت يسلمولي هالعيون
عزيز طب ايه رايك نروح ونطلب الاكل ومنا مانوصل يكون جيه ؟
حبيبه مفيش مشاكل بس ايه مش هتاخد ازازه من دول معانا ؟
عزيز بضحك ليكي في الشرب ولا ايه؟
حبيبه بدلع لا خالص بس محبش مزاجك يتعكر علشان حاجه زي دي اصل لاحظت انك بتحب تشربها
عزيز بابتسامه والله منا كاسفك وبص للراجل وتابع هات ازازه يا ابني
يلا ( وطلعوا للعربيه)
عزيز : الا انتي ساكنه فين؟
حبيبه المقطم
عزيز بضحك ده حلو جدا بس مالك بتبعدي كده ليه هو انتي مش عايزاني زي منا عايزك ولا ايه ؟
حبيبه بضحك : لا طبعاا مين قال كده بس معتقدش ده وقته ولا مكانه ولا انت شايف ايه ؟؟
عزيز بابتسامه شايف ان الشفايف الحلوه دي متقولش حاجه غلط ابداا
علي اتعصب جدا من كلامه لدرجه ان عروقه برزت والدم بقي يغلي في عروقه وبص لحبيبه وتابع بعصبيه شديده : هو عملك اييه هناا علشان قاالك بتبعدي عنه هاا
حبيبه بخوف ودموع كان بيقرب مني بس والله ما لمسني ولا جيه جنبي وحياتك
علي بعصبيه ده ليله اهله سوداا بس الصبر كله بوقته وقرب الريك يسمعه
حبيبه طب شوفت يبقى تستنى بقى
عزيز بضحك طب حتى بوسه بس على السريع
حبيبه بابتسامه قولت لاا لما نوصل اهدى ومتستعجلش على رزقك
عزيز بضحك وماله ياست البنات مش هنستعجل
عزيز بعد شويه بابتسامه يلا
وابتسم وتابع اظن طالعين اهو فا فكي شويه
حبيبه عزيز
عزيز بضحك يعيون عزيز متخافيش اوي كده هستنى لما ندخل الشقه هانت خلاص مش هنطير من بعض يعني
ودخل وتابع بضحك يابنتي ماتدخلي وتخلصي يلاا
حبيبه ايه يا زيزو اهدى مش كده حتى اخد نفسي
عزيز : مش قادر يا تالا حقيقي نار قايده فيا عايزك ودلوقتي حالا
فعلي كور ايديه بعصبيبه شديده وبقى يضربها على الكومود من كتر الغضب اللي جواه وكاتمه فالازاز اللي على الكومود اتكسر وحبيبه واقفه متوتره جدا وبتعيط
حبيبه ماشي ما هيحصل بس كل حاجه باوانها يعني مثلا اقعد واجيبلك كاس واشرب وناكل بعدين الليل طويل وبراحتنا
عزيز وحياتك مستعد اعمل كل ده عادي بس انتي اول حاجه
حبيبه بدلع: ده حتى بيقولوا مسك الختام انا اول حاجه ازاي يعني استنى بس اقعد كده وهات اجبلك تشرب كاس ولا حاجه لحد ما الجمبري يجي واكل وبعدين عينيا ليك لحسن انا لو مكالتش برفهد بسرعه يرضيك ؟؟
فعلي بصلها بصدمه من اسلوبها وجرائتها فبصت للارض ودموعها بتنزل بحرج وخوف شديد
عزيز فضل يضحك وتابع لا طبعا كله الا صحتك يعمري خلاص روحي هاتيلي كاس لحد مانشوف الاكل ده ناوي يجي امتى
حبيبه بابتسامه احلى كاس لاحلى زيزو في الدنياا
عزيز بابتسامه تسلميلي ينورعيون زيزو انتي فحبيبه ضحكت والريكورد انتهى
فعلي بصلها بقهر وتابع دي بقى المهمه النضيفه اللي كنتي بتقولي عليها ؟؟
حبيبه بدموع والله العظيم ياعلي كنت مضطره اكلمه بلاسلوب ده انما انت عارف حبيبه وتربيتها ده اقسم بالله وغلاوتك عندي سكاكين كانت بتقطع فياا وانا بعمل كل ده بس قولت كله يهون علشانك
علي ابتسم بسخريه ودموعه نزلت بوجع وتابع هترجع تقولي علشانك .. ولو قولتلك كل اللي عملتيه علشاني ده موتني بالحيا وقطم ضهري يحبيبه هتقولي ايه؟
حبيبه عيطت وتابعت ماعاش ولا كان اللي يحسسك بكده حتى لو حبيبه غلطت اقطم رقبتي بس متقولش انك حسيت بكده بسببي ابوس ايدك
علي بعصبيه ودموع لا حسيت لما اكون بسمع بودااني كلاام زبااله زي ده بين وااحد حقير ووسخ من رجاله عصاام مع اللي هتبقي مراتي يبقي طبيعي احس ان ضهري اتقطم ولو كنتي قعدتي في بيتك معززه مكرمه واستنتيني اخرج ولا حتى اتجوزتي وكان حقك مكنتش هزعل ابدااا قد ما انا مقهور دلوقتي
حبيبه بعياط مكنش حد هيعرف يعيش من غيررك ياعللي انا مروحتش بيعت شرفي بس خاطرت بيه علشاانك وعلشان سلمى وامك واخواتك كلنا كنا هنمووت عليك ومسكت ايديك يوم الحكم ووعدتك اني هعمل كل اللي اقدر عليه بس مش هسيبك تكمل الحكم وهخرجك وساعتها انت فكرتني مش فاهمه حاجه في القانون بس انا كنت مدركه وواثقه ان لو همشي على جمر علشان اخرجك هعملها فمفيش مستحيل هيقف قصادي والحظ رمااني على الطريق ده وبالطريقه دي كنت اعمل اييه اروح اعمل نفسي بنت مش كويسه ساعتين واخرجك لحضني العمر كله ولا اخاف واقعد ساكته واسيبك تضييع منا اكيد مكنتش هقدر اسيبك تتحبس وتشيل غلطه مش غلطتك وانا عارفه فين دليل براءتك ولو رجع بيا الزمن هعمل كده تاني وتالت ومش ندمانه لان رغم قسوتك عليا ومد ايدك ده بس كفايه انك واقف قدامي واللي انا خاطرت علشانه حصل وده المهم
علي بوجع مش بالطريقه دي يحبيبه واتعصب بدموع وتابع مش بالطرريقه دييي انتي مش هتحسي بياا ولا هتفهميني
وبص لصورتها اللي على الفون وتابع بنفس العصبيه وكنتي لابسه ايه بقي ان شاء الله وانتي رايحه تقابلي البيه ؟
حبيبه بلعت ريقها بتوتر وتابعت عادي لبس من بتاع إيلين
علي بحده اه ده اللي هو ايه شكله ؟
حبيبه بتوتر هوريك وقربت وقفت جنبه وداست على الجاليري في فونها وفتحت فايل معين وتابعت بتوتر اهم
فعلي بص للصور اتصدم بشده وتابع ايه ده ؟؟!!
حبيبه بتوتر ودموع ايه في ايه ؟
علي رمي الفون بعصبيه على الارض فحبيبه اتخضت وبصت على الفون فعلي مسك دراعها جامد وتابع بعصبيه شديده الله يخربيييت اهللك اييه القررف اللي انتي لابساااه ده انتي اتجننتي ؟؟!!!
حبيبه بعياط وخوف اييه ماله ياعلي في ايه ؟؟؟
علي بعصبيه شديده: ماااله ايه وخراا ايه على دمااغك ودماغ اللي خلفوكي ده منظر تلبسيه يابنت الكلب يحيواانه وتروحي بيه اماكن وسخه زي دييي !!! ده منظر لبس تمشي بييه وسط رجااله سكراانه !!!
حبيبه بعياط وخوف : ياعلي والله بلبس حاجات شبه مش اول مره البس الاستايل ده والله العظيم
علي بعصبيه هششش خلاص خلصت انا تعبت من كلااامي معااكي وولا بيقدم ولا بيأخر وهي خلصت خلاص ياحبيبه بس ورحمه ابويا لهربيكي من اول وجديد على اللي عملتيه ده متفكريش دورك خلص وزق ايديها فوقعت على الارص وفضلت تعيط وفتح باب شقته وقفل جامد نزل وهو متعصب جدا والدم بيغلي في عروقه كل مايفتكر شكل حبيبه وكلام عزيز ليها وحبيبه فضلت تعيط بانهيار وحست قلبها واجعها اويي واسيا ورانيا شافوه لانهم كانوا فتحوا الباب فاستغربوا جدا نزوله بالسرعه دي من فوق فخرجوا للطرقه وتابعت رانيا بخوف علييي في اييه يا ابني .. ياعليي
بس مردش ومشي فتابعت اسيا بخوف هو مش مفروض كان مع حبيبه في الفرح ايه اللي نزله من فوق
رانيا بخوف والله ما انا عارفه يا بنتي وركزوا شويه سمعوا صوت عياط فتابعت رانيا بخوف الله مش ده صوت البت حبيبه ؟؟؟
اسيا بخوف اه تصدقي هي دي بتعيط فوق استني هطلع اجيبها يا ماما
رانيا خافت وتابعت في ايه جيب العواقب سليمه يارب .. يارب استر ياارب روحي يابنتي هاتيها
فطلعت اسيا بسرعه وخبطت على باب سقه علي جامد وبلهفه فحبيبه اتسندت وهي بتعيط وجابت فونها اللي شاشته اتكسرت وقامت وقفت بتعب وفتحت الباب وهي منهاره عياط
فاسيا شافتها اتصدمت بشده عينيها حمرا وبتعيط بهستريه ووشها مورم فتابعت بخوف في ايييه حصل اييه ماالك
فحبيبه حضنتها وفضلت تعيط فاسيا اتخضت عليها جدا وفضلت تطبطب عليهاا وتابعت بس بس اهديي حصل ايه وعلي ضربك كدده لييه وبصت على الصالون بصدمه وتابعت ده كسر حاجه شقته في ايه عصبه للدرجه دي يحبيبه
حبيبه بعياط هستيري اسيا بالله عليكي مش قادره اتكلم في حاجه ابوس ايديك سبيني اروح وخرجت للطرقه وهي بتعيط فاسيا قفلت باب شقه علي ومسكت دراعها وتابعت بخوف يابنتي انا قلقانه عليكي والله حصل ايه ابوس ايدك قوليلي
حبيبه بعياط هستيري : لا متخافيش هيحصلي ايه اكتر من اللي حصل غير يدبحني بقى
وبقيوا ينزلوا
اسيا بخوف ويدبحك ليه وحصل اييه بينكم اصلاا يحبيبه طمنيني ابوس ايدك
حبيبه بعياط وعصبيه قولت مش هتكلم في حاجه خلااص بقى ارجوكيي يا اسياا
ونزلوا فطلعت رانيا للطرقه واتصدمت بشكل حبيبه وتابعت بدموع وخوف اييه ده ماالك مين عمل فيكي كدده
فحبيبه صعبت عليها نفسها وفضلت تعيط ورمت نفسها في حضن رانيا وفضلت تعيط بهستريه
فرانيا اتخضت وتابعت بدموع ولفهه مالك ينورعيني بس بس اهدي يحبيبتي اهدي وفضلت تطبطب عليها
فتابعت اسيا بدموع علي ضربها يا ماما والشقه عنده فوق متكسره فوق بعضها
فرانيا اتصدمت وتابعت ضربهاا !! ويضربهاا ليه ضربه في ايده ومسكت وشها بين ايديها وتابعت بدموع وبحده عملك ايه الواد ده انطقي وانا هطلعلك عين اهله لما يرجع قولي
حبيبه بعياط متكلمهوش يا ماما خلاص اللي حصل حصل انا مش حابه خناقه بينا تتعرف بالطريقه دي
رانيا بعصبيه ودموع خنااقه ايه وزفت اييه على دمااغك اماا من اولهاا ضربك بالشكل ده بكره يعمل فيكي اييه ده قسما بالله ما يطولك لو مراحش اعتذرلك وباس على راسك بعد ما اهزقه واهين كرامته
حبيبه بعياط هستيري : ومش هيعملل كده يا ماااما مش هيعمل كدده لاني غلطاانه واستااهل بس حتى لو الزمن رجع بياا لوراا هعمل كدده الف مرره هو بس مش عاايز يفهمني
رانيا بدموع طب عملتي ايه يابنتي خلاه ضربك كده فهميني
حبيبه بعياط مش هقول حاجه وارجوكم كفايه تضغطوا علياا وعن اذنكم انا مروحه
رانيا مسكتها وتابعت بلهفه ودموع ورحمه ابوكي مااتمشي غير لما تطمنيني حصل ايه لكل ده
حبيبه بعياط ووجع صدقيني مش هقدر بس امانه عليكي ماتكلمي علي وسيبيه في حاله وعيطت اكتر وتابعت قوليله ان حبيبه عمرها ما قصدت تكسرك وتوجعك قدام اي حد وخصوصا كلب زي عصام بس انا بردو مش ندمانه على اللي عملته
رانيا خافت وتابعت عصاام ليه ماله عصاام وحصل ايه يابنتي وخافت اكتر وتابعت اوعي يكونوا مسكوا في بعض ولا حااجه يحبيبه طمنيني ابوس ايدك
حبيبه طبطبت على ايديها وتابعت بوجع ودموع لا متقلقيش معملوش حاجه بس انا لازم امشي دلوقتي ارجوكي ونزلت ايديها وبقيت تنزل وهي بتعيط ومنهاره واسيا ورانيا بيبصوا لبعض ومش فاهمين حاجه وقلقانين وبالفعل نزلت حبيبه ودخلت عمارتهم اللي في الوش وطلعت شقتهم ولقيت الباب مفتوح فبتبص سمعت صوت امها من المطبخ فقلعت الهيلز ودخلت براحه وراحت اوضتها وقفلت بالقفل ورمت الهيلز وفضلت تعيط بهستريه وراحت الحمام اتصدمت بشكلها وفضلت تعيط اكتر وشغلت الحنفيه وهي بتعيط وغسلت وشها والميكاب اللي ساح وقلعت فستانها بعصبيبه لدرجه اتقطع ووقفت تحت الدش وهي بتعيط بهستريه وحاسه بنار في قلبها مش راضيه تطفي ودموعها اختلطت بمايه الدش
------
عند سليم
صحي من النوم وبيفتح عينيه ببطئ وبص للساعه لقاها 8 بالليل فتنهد بعمق وتابع كل ده نوم وبص جنبه كانت ميرنا نايمه ومدياه ضهرها فابتسم وقرب حضنها من ضهرها وباس رقبتها وقام دخل الحمام ياخد شاور وشويه وميرنا صحيت واتعدلت في قاعدتها واستغربت ان سليم مش جنبها بس سمعت صوت الدش فهمت انه في الحمام فابتسمت ومسكت فونها تسكرول عليه وسكتت
وشويه وطلع سليم وهو لافف الفوطه على وسطه وفوطه تانيه بينشف بيها شعره فشافها صحيت فضحك وتابع لا ده لسه بدري ياروحي والله
ميرنا بابتسامه ايه الجديد ما احنا لما مبيكونش ورانا شركه تاني يوم بنسهر وبنصحى بالليل
سليم بضحك ماهو مش حاجه جديده فعلا بس نفسي نغيرها شويه لاني صاحي جسمي متكسر بجد
ميرنا لفت الملايه عليها وقفلتها كويس وراحت لفت ايديها حوالين رقبته وتابعت بهمس ده انا افكهولك حالا يسلام
سليم فضل يضحك وتابع اما انتي السبب في تعبي كده تفكي ايه بس
ميرنا بضحك لا والله على اساس ان اناا اللي كنت شاده حيلي امبارح هاا
سليم بضحك مانتي خدتي شاور وجيتيلي قمر كنتي عايزاني اعمل ايه طيب
ميرنا بضحك تاكل وتنام علشان كفاياك وقولتلك بس يسليم انا لسه واخده شاور .. بس ازاي يسكت سليم
فسليم فضل يضحك وشدها ليه فوطى باس رقبتها بعمق وتابع ميتشبعش منك يابت يا ميرو والله نعمل ايه بقى
ميرنا بحب تخليني جنبك علطول
سليم بتنهيده ياريت ينفع والله بس حقك عليا مش هعرف وراح يجيب لبس من الدولاب
فتنهدت ميرنا وتابعت اه ورايح فين بقي ؟
سليم بابتسامه 100 مره اقولك مبحبش جو رايح فين وجاي منين ده هاا بس هضطر انزل خلاص عايزة تمشي من هناا انجزي واخدك في طريقي
ميرنا بتنهيده لا هروح البيت اقعد مع مين ما انت عارف ان بابا مسافر تركيا وابن عمي بيفضل رايح جاي يقرفني فخليني هنا وخلاص بحس بامان اكتر
سليم لبس بنطلون جينز ابيض وقميص اسود وتابع وهو بيقفله: خلاص ماشي يحبيبي خليكي وراح باس جبينها وكمل يقفل الازرار فميرنا ابتسمت ومدت ايديها قفلتله باقي الزراير فسليم ابتسم وتابع يسلمولي ايديكي ياروحي وباس جبينها وراح يسرح شعره ويحط برفيوم وميرنا دخلت الحمام تاخد شاور وسليم جهز وخد مفاتيحه والفون وكل حاجته ونزل ركب عربيته وبيقتح الدرج يشيل حاجته لقى كيس بودره فابتسم وطلعه فتحه وحط منه على ايديه وشال الباقي وبقى يشمه بتركيز وهو مغمض عينيه وفاق على صوت فونه بيرن فنفخ بضيق ومسكه لقى رقم اسيا فغمض عينيه بضيق ورد وتابع الو
تولين بلهفه الو يا بابي
سليم بضيق خير ياتولين
تولين بفرح واحشتني اوي عايزه اشوفك وكمان هنزل اجيب دريس لحفله في الحضانه فعايزاك معايا نشتريه سوا
سليم بتنهيده معلش ياتولين مش فاضي لما افضى هبقى اجيلك اشوفك انا حاليا في ميتنج يابابا فهقفل معاكي وروحي انتي مع مامي هاتوه
تولين بحزن ماشي يا بابي انا اسفه اني اتصلت باي
سليم بضيق باي وقفل ورمى الفون على جنب وهو مش طايق نفسه
وعند تولين سابت الفون وفضلت تعيط بانهيار فاسيا قلبها وجعها من شكلها وحضنتها جامد وتابعت بدموع بس اهدي حقك عليا والله انا اسفالك وباست راسها بعمق
تولين بعياط هستيري هو بابي ليه بيكلمني كده انا بس كنت عايزه اشوفه
اسيا بدموع وقهر حقك عليا انا والله ينورعيني هو بابي مشغول اوي الفتره دي فعلشان كده مش عارف يشوفنا ولا يكلمنا انا اسفه بالنيابه عنه والله
تولين بعياط خلاص يا مامي خلاص وخرجت من حضنها وطلعت لبرا
فاسيا دموعها نزلت وتابعت تولين توليين تعالي بس مردتش عليها ومشيت برا الاوضه فاسيا غمضت عينيها ودموعها نزلت بقهر وحطت ايديها على بطنها وتابعت هتيجي تعمل ايه مع اب زي ده وعيطت بقهر وتابعت ليه الابتلاء ده ياربي
وفونها رن فكان فارس فردت وهي بتحاول متبينش انها بتعيط وتابعت الو
فارس باستغراب اسيا عامله ايه؟
اسيا بوجع كويسه يا فارس انت اخبارك ايه
فارس بقلق اسيا مال صوتك
اسيا عيطت وتابعت مفيش حاجه
فارس اتصدم بعياطها وتابع لالا اهدي حقك علياا مالك في ايه
اسيا بعياط مفيش حاجه يا فارس صدقني انا بخير شويه خنقه عادي انت عايز ايه معاك؟
فارس بوجع انا اتصلت اطمن عليكي انتي وتولين
اسيا بقهر كويسين متقلقش وشكرا على الحاجات اللي جبتهالها امبارح هي اتبسطت جدا
فارس بوجع بطلي عبط يا اسيا دي بنتي زيك
اسيا بقهر تسلم يا فارس .. عن اذنك هقفل معاك علشان نازله اجيب حاجه انا وتولين
فارس بتنهيده خلاص ماشي يحبيبتي خلي بالك من نفسك
اسيا بوجع اه اكيد يلا باي
فارس بوجع باي وقفل معاها ونفخ بضيق مقهور من عياطها ونبره صوتها بالشكل ده وهي عيطت بهستريه وتابعت ياريتها بنتك يا فارس ياريتها فعلا بنتك مكانتش حياتي ادمرت كده وبصت لفوق وتابعت بعياط اعمل ايه ياربي الاقيها من تولين ولا اللي في بطني اعمل ايه ارجوك دلني وفضلت تعيط ودخلت تغسل وشها وطلعت فاسراء دخلتلها وتابعت اسيا بقولك
اسيا بتعب ايه يا اسراء
اسراء بتنهيده علي فين عماله اتصل بيه استأذته اني هنزل اجيب حاجه مش بيرد
اسيا بتنهيده سيبي علي في حاله روحي مشوارك وتعالي بسرعه ده متخانق مع حبيبه خناقه لرب السما ومش طايق حد
اسراء بتنهيده خلاص هروح بس انتي اللي قولتي علشان لو شافني
اسيب تنهيده روحي يااختي وانا اللي قولت ماشي بس متتاخريش رايحه فين اصلا
اسراء المكتبه بتاعت عم عماد
اسيا بتنهيده طيب قريبه اخلصي
اسراء بحب تمام وطلعت
----
عند سليم دخل شقته بتاعت اسيا ورمى المفاتيح فالباب خبط فضحك وراح فتح كانت شيري
فضحك وتابع قاعده مراقبه اني جيت ولا ايه
شيري بضيق ده انت ليلتك سودا معاياا ودخلت وقفلت الباب
سليم بحب واحشتيني
شيري رايحه تتكلم فقاطعها سليم لما شدها ليه وباسها بحب فشيري ابتسمت وحطت ايديها حوالين رقبته وقربته منها اكتر وهي بتبادله بعمق فسليم وطى شالها بين ايديه وهو لسه بيبوسها ودخل اوضته وحطها على السرير وقرب منها وهي بتقربه اكتر ...
بعد شويه سليم كان بيشرب سجاره وشيري نايمه على صدره فتابعت سليم
سليم نفخ دخان السجاره وتابع اممم
شيري بتنهيده انت لسه بتاخد الزفت اللي بتاخده ده؟
سليم بتنهيده هتفرق معاكي ايه؟
شيري بحده لا تفرق كتير قولتلك الف مره اهتم بنفسك اكتر من كده وانت فعلا بتاخده وباين عليك
سليم بضحك ليه شيفاني مسطول ولا ايه
شيري بحده لا مش مسطول بس باين عليك انك مش طبيعي وملهوف علياا وده من اثر القرف اللي بتاخده فبيخليك مش واعي ومش في طبيعتك بالمنظر ده
سليم ابتسم وتابع ده على اساس مببقاش ملهوف عليكي وانا مش واخد البودره؟
شيري بحده لا بتبقى بس مش بالشكل ده وخبطت على وشها وتابعت سليم فوق ابوس ايدك انت لو اتمسكت في كمين في مره وانت مطوح كده اقسم بالله هتروح في ستين دااهيه
سليم ابتسم بحب وحط ايديه على خدهت وتابع لا متقلقيش يعمري وباسها بعمق وسند جبينه على جبينها وتابع انا بعدل مزاجي بيه مش اكتر انما مفيش حاجه بتسيطر عليا ولا تخليني مش طبيعي
شيري بحزن لا ما واضح انت هتقولي
سليم بتنهيده متقلبيهاش نكد بالله عليكي هاا وخد نفس من السجاره وتابع وامي فين
شيري بضيق راحت عند خالتك يومين وهتموت وتعرف اسيا سابت البيت ليه
سليم بتنهيده كلمتني وقولتلها سيبيها تتربى شويه
شيري بضيق يلا يخش ماترجع خالص
سليم فضل يضحك وتابع بقيتي عنيفه عليها بس بموت فيكي وانتي كده
شيري برفعه حاجب مالكش دعوه بيا ومتتكلمش معاياا
سليم طفى السجاره وحاوطها بايديه وشدها ليه وباس كتفها وتابع وربي ما اقدر هتهزري ولا ايه
شيري بوجع اممم ما واضح
سليم بصلها بحب وتابع وحياه شعرك البلوند ده ما اقدر ابعد عنك
شيري بابتسامه خساره فيك الصبغه وتعبي ده كله والله
سليم فضل يضحك وتابع لا منا قدرت تعبك اهو متقدريش تنكري
شيري بابتسامه ايه رايك بجد يسليم حلو اللون فيا؟
سليم باعجاب تحفه فيكي هي دي فيها كلام منا لما قولتلك اعلميه بلوند عارف هيبقي عامل ازاي
شيري بضحك لا ليك رؤيه بصراحه
سليم بضحك شوفتي عيب عليكي
شيري برفعه حاجب : بس بجمله النكد يقلبي عايزة اسالك سؤال
سليم بضحك استر يارب مش متعود عليكي نكديه كده يا شيرو
شيري بتنهيده لا معلش جاوبني
سليم بحب قولي ياروحي
شيري بتنهيده انت مش قولتلي انك بطلت تلمس اسيا يا سليم ؟
سليم باستغراب طب ما ده حقيقي نادرا لو جيت جنبها اصلا ليه بتقولك اني بلمسها ولا طايقها اصلا؟
شيري بوجع لا مقالتش بس شكل ربنا رايد اتوجع منك للمره التانيه
سليم باستغراب مش فاهم حاجه ليه حصل ايه
شيري الدموع اتجمعت في عينيها وتابعت امتى اخر مره لمست اسيا ومتكدبش علياا ورحمه ابوك
سليم بتنهيده بقالها كتيير اوي يعني حوالي شهر ليه ؟ بس هو كده كده لازم هيحصل وانتي عارفه ليه
شيري بوجع اه علشان البيبي مش كده؟
سليم بحب اه بالظبط انما انا مبحبش اسيا وانتي عارفه كده كويس
شيري بوجع هو عموما اسيا 90 % حامل ومفيش داعي يحصل حاجه يسليم
سليم اتصدم وتابع نعم وانتي عرفتي منين الكلام ده
شيري بوجع كانت شتكه قبل ماتمشي وكل شويه ترجع فابقى شوفها بقى
سليم بعصبيه وازاي هي متقوليش اصلا دي شكلها اتجننت
شيري بتنهيده والله قولتلك اطلق من زياد وطلقها ونتجوز ونسافر واخلفلك انا ونعوض اللي فاتنا ده بس انت مش راضي
سليم بعصبيه هو انتي خلفتي من زياد علشان تخلفي مني مابلاش استفزاز على المساا بقى يا شيرري
شيري اتصدمت من كلامه وقلبها وجعها ودموعها نزلت وسكتت مرديتش ترد عليه ولفت الملايه حوالين نفسها وقامت دخلت الحمام وقفلت فسليم اتعصب وضرب ايديه علي الكومود بعصبيه ونفخ بضيق شديد
------
عند علي كان قاعد على البحر دماغه مش راضيه تسكت ومتعصب جدا والدموع متحجره في عينيه وحاسس بكسره غير طبيعيه فطلع فونه واتصل بحسن
وحسن اتفاجئ بس رد عليه بسرعه وتابع الو
علي بوجع حسن تعالى انا عايزك
حسن خاف جدا وتابع مالك يحبيبي في اييه
علي بوجع هبعتلك اللوكيشن هات عربيتك وتعالى علشان احتمال نروح مشوار
حسن بقلق عينيا حااضر جايلك يلا باي
علي باي وقفل معاه وبعتله اللوكيشن ومسك السجاره رقم 9 يشربها وولعها ونفخ قدامه بضيق شديد وهو بيفتكر كل اللي حصل وكلام عزيز لحبيبه ونظره عصام ليه ويحس بعصبيبه اكتر
وساعه بالظبط وحسن جاله وتابع بخوف في ايه يعلي وقعت قلبي
علي بوجع وهو باصص على البحر : مش عارف اروح فين ولمين الدنيا كلها كسرتني حتى انت بس مقداميش حد غيرك دلوقتي
حسن قعد جنبه وتابع بوجع ياعم عاقبني زي ما انت عايز بعدين انما دلوقتي ابوس ايديك متقلقنيش وقولي مالك في ايه
علي بوجع مش هعرف اقولك والله صعب مش هقدر انطق بحاجه بس طالب منك خدمه
حسن بلهفه اؤمرني طبعا يقلب اخوك
علي نفخ دخان السجاره وتابع عايز عنوان عزيز مسعد اللي كان جار رفيده بأي شكل
حسن باستغراب معرفش عزل راح فين بس هسأل وهدور وهجبهولك لحد عندك بكره
علي بحده لا ياحسن لو عايز تخدمني صح يبقى انهارده انا مش هنام وهستني منك مسدج بالعنوان انهارده وبصله وتابع الحق ان بات مات يا صاحبي
حسن بخوف في ايه بينك وبين الواد ده وعملك ايه وحق ايه ياعلي اللي عايزه منه
علي نفخ دخان السجاره وتابع بوجع عملي ايه ده عمل اللي مفيش شنب اتخلق يعرف يعمله بس معلش هردله الواجب تالت ومتلت
حسن بقلق علي انا مش هقولك عنواين غير لما تفهمني دماغك فيها ايه لان انا مش هساعدك تودي نفسك في داهيه انت لسه خارج من السجن واتذكر وتابع واصلا خرجت ازااي .. هو حمدلله على سلامتك طبعاا يقلب اخوك بس ده حصل ازااي
علي بابتسامه ماهي الاجابه مش عندي السبب الاول والاخير عزيز فهروح اشكره بنفسي
حسن باستغراب علي انا مش فاهم حاجه ماتفهمني يا صاحبي
علي بوجع مش هقدر صدقني يا حسن ابوس ايدك متضغطش علياا لاني مش هفتح بوقي بكلمه مع اني هموت واتكلم اخرج اللي جوايا بس مش هقدر وكتاب ربنا مش هقدر
حسن طبطب على كتفه وتابع بحزن طب اهدى طيب حقك عليا انا
فعلى حط السجاره مع السجاير الخلصانه وتابع لا انا هاادي خالص متقلقش
فحسن بص عليهم اتصدم وتابع يشيخ حرام عليك صحتك
علي بوجع يخش نموت ونريح ربك احن
حسن بوجع اخص عليك يا صاحبي بعيد الشر عنك واحنا نعيش لمين
علي بوجع ربك مبينساش حد بس الموت بالجسد اهون بكتير من ان روحك اللي تموت وتفضل موجود واهو نفس داخل ونفس خارح وخلاص
حسن بوجع حقك علياا والله انا فاهمك عامه
علي بدموع ووجع محدش هيفهمني يا حسن ودموعه زادت وتابع اقسم بالله ماحد هيقدر يفهم النار اللي جوايا دي .. حاسس بنار بتحرقني ومش قادر اطفيها ومضطر اعيش بيها واسكت
حسن بوجع ودموع حقك عليا انا والله وحضنه فعلي دموعه زادت في حضنه وتابع مقهور اوي يا حسن ..مقهور وقلبي واجعني وجوايا غيره بتحرقني وبتاكل فيا ومش قادر استحمل
حسن بوجع انت تعبان بالشكل ده لان فرح رفيده انهارده صح؟
علي ضحك من بين دموعه وتابع رفيده !!! اهي رفيده دي غلطه عمرري وبسبب خطوبتي منها حصلي كل ده وعصام اللي لبسني في القضيه وبسبب القضيه رايح يتكلم فسكت بوجع ودموعه نزلت وتابع بسبب القضيه دي حياتي ادمرت وضهري اتكسر
حسن بصدمه ووجع عصام !! وانت عرفت منين الكلام ده
علي بوجع مش لازم كل ده هري فااضي الاهم دلوقتي عنوان عزيز يا حسن امنتك امانه تحاول تجبهولي وانهارده حتى لو من تحت الارض
حسن بقلق حاضر والله من عينيا هجبهولك
فعلي مسح دموعه وتابع روح انت خلاص تعبتك وجبتك لحد هنا مخضوض حقك عليا
حسن بوجع بطل هبل مفيش بينا تعب ومش همشي غير بيك ده انت اخويا يا اهبل
علي طبطب على رجله بوجع وتابع ده العشم يا ابو علي وقام ولع سجاره ووقف قدام البحر ونفخ دخانها بضيق شديد " ورغم الهوا حواليه شديد والبحر قدامه والشجر بيطير والدنيا طراوه وبيخرج غضبه في السجاير الا ان فضل جوااه بركان من الغضب مش راضي يطفي وكل حته جواه بتاكله من كتر غيرته على جسم حبيبه اللي ظهر من هدومها قدام الناس في البار والكلام الحقير اللي اتقال في حقها واللي عزيز فكرو فيها وقربه منها " كل ده كان كفيل يخليه بيغلي ومش راضي يهدى ابداا
-----
وبعد شويه علي روح البيت وطلع كان الباب مفتوح فدخل وتابع السلام عليكم
رانيا شافته فتابعت بلهفه وعليكم السلام ورحمه الله وبركاته يحبيبي
علي بتنهيده ايه البيت ساكت ليه فين البنات
رانيا بتوتر اسراء كلمتك كتير بس كان مقفول ونزلت للمكتبه وجايه واسيا من الصبح قالتلك هتجيب فستان لتولين وسلمى عند حبيبه
علي بتنهيده تمام ورايح يدخل اوضته فتابعت رانيا : استنى ياعلي
علي وقف وهو مديها ضهره وتابع خيير
رانيا راحت وقفت قصاده وتابعت بتوتر انا عارفه اني ماليش اني ادخل في مشاكلكم خصوصا لما طلبتها رسمي من كريم يعني هي خلاص في حكم خطيبتك بس انت عارف غلاوه حبيبه عندي قد ايه دي زي بناتي واكتر ولو غلطت حقك تقطم رقبتها بس مش بالشكل ده ياابني ودموعها نزلت وتابعت بعياط دي البت نازله وشها مورم وبتعيط ومش قادره تسند طولها
علي طبطب على كتفها وتابع بتنهيده اماا لو ليا خاطر عندك خرجي نفسك من الحوار ده
رانيا بدموع يحبيبي بقولك مش قادره تسند طولها و
علي بعصبيه تووولع اعملهااا ايه
رانيا بدموع تهون عليك حبيبه يا علي ؟
علي بعصبيه ااه تهون ودي مش عايزه ضرب وبس دي عايزه قطم رقبتهاا وكسر رجليهااا وهيحصلل قريب هو انتي فكرك حبيبه كده اتربت خلاااص ؟!! لا ده لسه بدرري اوي
رانيا بحده ودموع مالكش ضرب عليهاا واياك تيجي جنبها تاني وانا هتصل اقول لسلمى تجيبها وتيجي واشوف عملتلها ايه طلما انت مكبرتنيش ومش هتقول
علي بعصبيه مش هتتكلم وتبقى تنزل انا حالف عليها مفيش نزول ليهاا تاني اصلا
رانيا بعصبيه هتحبسها يا ابن قااسم ولا ايه
علي بعصبيه اه هحبسهاا تسمحي ابوس ايدك متدخليش في عقابي لحبيبه ؟؟!! ارجوكي يا امي لان انا مش حابب وقفتي قصاادك دي فارجوكي بترجااكي كفايه كلام عن الموضوع ده
وسابها ودخل اوضته ورزع الباب فرانيا دموعها نزلت بحزن واتصلت بسلمى علشان تكلم حبيبه ولقيت هناء طلعت وتابعت مساء الخير يا مرات عمي
فمسحت دموعها وتابعت مساء النور يحبيبتي ادخلي
هناء بقلق مالك في ايه
رانيا بابتسامه مفيش ينورعيني سلامتك
هناء بابتسامه طب ايه هو علي جوه ولا لا ؟
رانيا بتنهيده جوه بس عليه عفريت
هناء بضحك ليه كده في ايه
رانيا بحزن متخانق مع حبيبه خناقه كبيره اوي ومش طايق نفسه
هناء بخوف يا مراري يعني ادخل ولا بلاش ؟
رانيا ضحكت وتابعت ادخلي يابنتي ادخلي مش هيعملك حاجه متخافيش بس لو لقيتيه سخيف شويه اسحبي بعضك وتعالي
هناء بتوتر خير باذن الله ربنا يستر وراحت تدخل وخبطت فعلي تابع بحده ادخل
فدخلت هناء وتابعت بابتسامه متوتره ده انا يا علوه فاضي خمس دقايق ؟
علي بتنهيده تعالي يا نوئه في البلكونه فاضي طبعا
فهناء دخلتله وتابعت بابتسامه عامل ايه
علي نفخ دخان السجاره وتابع بابتسامه نحمد ربنا على كل حال انتي ايه اخبارك
هناء بابتسامه بخير يحبيبي واتوترت وتابعت كنت قولتلك عايزاك في حاجه
علي بابتسامه ااه حصل حقك عليا والله اتشغلت ونسيت وباس راسها وتابع قولي ينورعيني
هناء بتوتر لا يحبيبي ولا يهمك محصلش حاجه
علي بحب قولي بقى سامعك
هناء خدت نفسها بعمق وتابعت فاكر وسام الدكتور بتاعي بتاع الندوه اللي كان منزل على الشغل بتاعك وانا كلمتهولك ده
علي برفعه حاجب اممم فاكره خيير
هناء بتوتر لا خلاص مفيش ورايحه تطلع فعلي مسك دراعها وتابع لالا رايحه فين تعالي هنا كملي كلامك يحبيبتي يلا علشان قسما بالله ما انتي متحركه غير لما افهم في ايه
هناء بتوتر انا ما ليش ولي امر غيرك انت وكريم انتوا اهلي واخواتي ورجالتي وعلى رغم كده انتوا مش زي بعض يعني كريم ايديه بتسبق تفكيره وانت بتسمع الاول زي ماقولتلي كده ماله خير
علي نفخ دخان السجاره وتابع بابتسامه ااه ولو الكلام معجبينش؟
هناء بتوتر هتمد ايدك منا عارفه بس يمكن يعجبك
علي اممم كُبي يقلب اخوكي
هناء بتوتر اسمعني للاخر ها
علي بضحك قولي يا هناء اخلصي
هناء بصت للارض وتابعت بتوتر هو عايز يتقدملي وبيحبني اوي
علي بابتسامه اه وجميله جميلات العيله عرفت كل ده منين ؟
هناء بتوتر هو قالي وعرفني على مامته واخته وكده
علي رفع حواجبه باندهاش وتابع كماان !! ياصلاه النبي احسن وايه كمان يا غندوره
هناء بتوتر انا عارفه ان ده غلط بس علاقتي بيه كانت متطوره لاني كنت بتعالج معاه نفسيا بسبب موضوعي مع نادر وكده فعرفنا بعض اكتر
علي اتصدم وتابع هناء انتي بتتعالجي نفسيا بجد !!
هناء بدموع ااه ومحدش يعرف السر ده غيرك وولا حد هيعرفه انا عرفتك انت بس لاني عايزه اوضحلك الصوره علشان تقف جنبي
فعلي ابتسم بوجع ورفع وشها وتابع متبصيش للارض انتي مش عامله حاجه غلط سواء حبك لوسام ولا حتى علاجك .. حقك على عيني انا وكل حد وصلك انك تتعبي بالشكل ده
هناء بدموع مش العلاج بس انا كمان مش عارفه احكي اني عملت كده وانا بصالك لاني عارفه اني مينفعش اتكلم مع وسام بس والله علاقتنا اتطورت كده بسبب العلاج
علي بوجع عادي يعمري خلاص حصل خير انا عارف تربيتنا واكيد صونتي نفسك وعملتي حدود وهو دلوقتي عايز يطلبك ايه المشكله بقى
هناء بدموع المشكله ان وسام عرف كل حاجه عن حياتي انا ونادر واتصدمت ان نادر يبقى ابن خالتو ووسام ده هو الدكتور قريبه اللي كان مسافرر
علي اتصدم وتابع نعم !!!
------
في واحد من الكافيهات قاعد هاني صاحب كريم بيشرب قهوه
هاني كان ماسك الفون بيسكرول وبيشرب القهوه وجيه اتنين شباب قعدوا في الترابيزه اللي جنبه وواحد منهم كان نديم فهاني بصله بيحاول يتذكره وبالفعل تذكره لانه جيه لكريم الموقع مره بس معرفش التاني وكان سامع الحوار بينهم
نديم بضيق اخلص يا عم مروان عايزني في ايه
مروان بحده هكون عايزك في ايه انت واخد مني فلوس قد كده علشان تجيبلي نيره لحد عندي وبقالك فتره شغال في دور روميوو وحب نحنحه ايه هتنفذ امتى ولا انت حبيتها بجدد وغدرت بصاحبك
نديم بحده حبيت مين ياعم وميرال الفرنسيه اللي متنيله شايله ابني دي ههبب فيهاا ايه دي تخرب الدنيا فوق نفوخي لو اتجوزت غيرهاا بس الفكره مستني الوقت الصح ادينا هنتخطب شويه يوم كمان وننفذ
هاني اتصدم بشده فتابع نديم بعصبيه هبب اللي تهببه المهم متنساش مهمتنا الاصليه ايه انت واخد نص مليون علشان تساعدني اكسر عينيها
نديم بابتسامه متقلقش والله عيب عليك هي اصلا فاهمه ان احنا متخانقين ومتصالحناش تاني وانا معيشها في الوهم وهخليك تجيب حقك منها ومن اخوها اللي مد ايديه عليك ومتلت عيب عليك يا مروان ده احنا عشره عُمر
مروان بابتسامه طمرت فيك العشره يا نديم بس اما نشوف اخرتها وميرال دي هتيجي امتى مصر
نديم بضحك جايه بكره يا اخويا دي حالفه تراقبني وانا مش عارف اقول لامي عليها ايه
مروان بابتسامه انت بس قعدها الفتره دي في فندق ولما نخلص من موضوع نيره انا هساعدك تقنع طنط ازاي
نديم بابتسامه اتفقنااا اطلبلنا بقى حاجه نشربها وبطل نتانه وعصبيه من ساعه ما جينا
مروان بضحك هطلبلك ياخويا
فهاني اتصدم بشده وتابع بهمس يا ولاد الكلب يا حيوانات مين مروان ده !!! انا لازم اعرف كريم وشاور للجرسون يجي ودفع الحساب وقام بسرعه
-------
وعند اسيا كانت في المول مع تولين وبيدوروا على دريس تشتريه
تولين بابتسامه هنجيبه بينك ماشي يا مامي
اسيا بحب ماشي يعيون مامي
ولقيوا فارس جاي ناحيتهم ففرحت تولين وتابعت عمووو الحقي يا ماما عموو
اسيا استغربت وبصت قدامها لقيت فارس جاي فاتصدمت
ففارس راحلهم وتابع بضحك يخرابي ايه الصدف الحلوه دي
تولين بفرح واحشتني خالص
فارس بضحك يا روح قلبييي وانتي اكتر وشالها وباس خده
اسيا بصتله برفعه حاجب وتابعت صدفه بردو؟
فارس بابتسامه يعني مش اوي جيت تحت بيتكم لحد ما نزلتي ومشيت وراكي لحد ماجيت هنا اصل مش معقوله اسيبكم لوحدكم يعني
اسيا غمضت عينيها وتابعت بتنهيده فارس بليز امشي
تولين مسكت فيه ولفت ايديها حوالين رقبته وتابعت بلهفه لالا ياعمو متمشيش خليك اختار معايا الفستان لان بابي مرضيش وكلمني وحش
فارس اتصدم وبص لاسيا فاسيا بصت لتولين بحده وتابعت توليين انتي ازاي تقولي عن بابي كدده لاي حدد ؟؟
فارس بصلها وتابع انتي كنتي بتعيطي علشان كده يا اسياا ؟؟
اسيا بحده لا مش علشان كده ولو سمحت سيب البنت عايزين نخلص وانا هربيها في البيت
فتولين بصتلها بحزن فتابع فارس بحده تربيها على ايه روحي شوفي اللي جابها بيعمل ايه مع عيله وجرحها وخلاها تقول الكلام ده مالها هي بكل اللي بينكم يعني ؟!!
اسيا بحده ودموع متقويش البت على ابوهاا يا فاارس
فارس بعصبيه انا مش بقويهااا ودي عيله صغيره متفهمش يعني ايه اقويهاا اصلااا بس تفهم الحنيه من القسوه والباشا المحترم جرحها وزعلها وده اللي هتفهمه ومش هتنساه
اسيا بحده ودموع ايوه وانت يهمك في اييه كل ده بقى
فارس بتنهيده انتي عارفه يهمني في ايه كويس يا اسيا .. مش عايزه تصدقي انتي حره
اسيا بدموع وغلاوه بنتي اللي انت بتحلم بيه اصعب من المستحيل
فارس بوجع ليه اصعب من المستحيل ؟؟ ماسكه في سليم على ايه ؟؟ والله العظيم قسم اقسمه قدام ربنا انك انتي وبنتك هتبقوا جوه عيني بس توافقي انما انا مش شايف سبب لتمسكك بسليم غير انك تعانديني وتوجعيني
اسيا بوجع لا حاجات كتير بتمنعني اولهم ان ده حبيبي وابو بنتي وانت عارف ان بنتي مينفعش تعيش مع حد غير ابوها الطلاق هو فعلا اللي هياذي نفسيتها مش قسوه ابوها دلوقتي لان ربنا هيهديه عادي وتاني حاجه اني مش حابه احس اني تقيله على حد انا وبنتي انما ابوها احنا مسئوليته واحد زيك مسبقلوش الجواز يروح يتجوز بنت بنوت مش واحده شايله عيله و
فارس بمقاطعه وبحده يا ستي وانتي مين اشتكالك ولا الف بنت بنوت هتعوضني عنك .. اسيا انا بحبك انتي وعايزك انتي والله العظيم بموت في بنتك وهعتبرها بنتي عادي
اسيا بحده ودموع بس مش بنتك .. تولين ابوها عايش وابسط حقوقها علشان فعلا احافظ على نفسيتها ومبقاش ام انانيه انها تعيش في حضنه وبين ام واب حياتهم كويسه مش هقول واو لان انا وسليم حياتنا ادمرت بس على الاقل مع بعض وبعدين قولتلك انا بحبه واللي بينا مش قليل وغير كده مستحيل اطلق
فارس اتوجع جدا من كلامها وتابع اه بصراحه دي فعلا اسباب تخلي طلاقكم مستحيل صدقتي
اسيا بوجع ومش دي بس وحطت ايديها على بطنها وتابعت انا حامل يا فارس
فارس اتصدم بشده وقلبه وجعه وتابع حامل !!
فاسيا هزت راسها بـ اه وتابعت بدموع اه حامل فارجوك كفايه تعشم نفسك بأي حاجه
فارس اتوجع جدا وتابع لا مش هعشم نفسي بس علشان خاطر ربنا تسيبيني اكمل معاكم اليوم البنت ماسكه فيا اختار معاها
اسيا بصت لتولين لقيتها حضناه ونايمه على صدره فغمضت عينيها بقهر وتنهدت وتابعت تمام يلا
وبالفعل مشيوا ودخلوا محل في المول فتابعت اسيا لو سمحت معلش عايزين نشوف دريسات بينك صغيره على قدها
البنت بابتسامه حاضر ثواني
وراحت تجيب الدريسات فتابعت تولين بحماس انا مبسوطه اوي علشان انت معايا
فارس ابتسم بحب وباس خدها وتابع يعمري انتي ده انا اروح معاكي مكان ما تحبي انتي تؤمري بس
فاسيا ابتسمت بوجع وتابعت في سرها : مش بس قدرت تخطف قلب امها لا .. حتى تولين مقدرتش متحبكش
وقاطع تفكيرها صوت مسدج على فونها ففتحت الفون واتصدمت بشده وقلبها وجعها لما شافت صوره سليم وفي حض*نه بنت