رواية لنا موعد اخر الفصل الثامن والعشرون28 بقلم لولا
فنادر ويارا قاموا وقفوا واتصدموا بشده وهناء رفعت وشها وهي مبتسمه بس ابتسامتها اختفت في لحظه لما شافتهم وقلبها دق بعنف من الخوف والصدمه ومبقيتش عارفه تستوعب فبصت لوسام ولسانها متلجم ومعرفتش تنطق فابتسم وتابع ايه يحبيبي مالك تعالي سلمي عليهم
فتابعت فرحه ام نادر بصدمه: انت بتقول ايه يا وسام ؟!!
وسام بضحك في ايه يخالتي هو انا بتكلم هندي !! بقولكم دي البنت اللي بحبها وهتقدملهاا
هناء غمضت عينيها وبلعت ريقها برعب شديد ونادر بصلها مش قادر يصدق ومصدوم
فتابعت عزه بتنهيده طب مش وقته نتكلم في الحاجات دي اقعدوا ونتعرف ونتكلم بعدين الاكل زمانه جااي
فرحه بحده نتعرف ايه لا يا عزه لا مينفعش
عزه بتنهيده همست : لو سمحتي يا فرحه اي بوقين جواكي اجليهم دلوقتي مش ناقصين فضايح
هناء بخوف من نظرات نادر الدموع اتجمعت في عينيها وتابعت وسام انا عايزه امشي
ورايحه تمشي فحط ايديه على وسطها ورجعها تحت نظرات نادر
ويارا دموعها نزلت بقهر وهي بصالهم فوسام بصلها بحب وتابع ممكن تخليكي شويه ومتزعلنيش منك ؟
هناء بدموع مش هينفع صدقني مش هينفع خاالص
وسام رفع ايديه مسح دموعها وتابع بحب وهمس : كل ده علشان كلام خالتي ؟!! طب ايه راايك هتقعدي وهناكل سوا وهتتعرفي على امي واختي ودول اهم ناس وطز في اي حد تاني بعد كده
هناء بدموع صدقني مش هقدر لا انا مضطره امشي تعبانه اوي
وسام مسح دموعها وتابع بحب لا هتقدري بقولك شويه وامشي متطوليش ياستي ناكل مع بعض وامشي تعالي يلا
ومسك ايديها وراح عند مامته وتابع هناء اهي ياست الكل
عزه بابتسامه حقك عليا يابنتي مش قادره اقوم اقف بس اتشرفت بمعرفتك جدا
هناء ابتسمت بفرح ودموع وتابعت : يا ماما ده الشرف ليا يحبيبتي ومن غير ماتقومي ومسكت ايديها باستها وتابعت بحب انا عارفه انتي تعبانه قد ايه ربنا يشفيكي ويخليكي لينا ياارب
وسام بصلها بحب واضح فعزه دموعها نزلت بحب وتابعت يا زين ما اختارت يا وسام ادب وحلاوه
ياارا كانت واقفه دموعها بتنزل بصمت والغضب بيحرق كل حته فيهاا بس بتحاول متبينش وامها زيها بس نادر كان بيتغلب عليه الصدمه اكتر حاجه
فهناء ضحكت وتابعت ميرسي ربنا ميحرمناش منك يارب
فابتسم وسام وتابع ولينا اختي اهي
هناء ضحكت وتابعت دي بتاعت ويسو مش كده
فا لينا ضحكت بشده وحضنتها وتابعت بضحك ايوه هي برافو عليكي بتحفظي بسرعه
هناء بضحك عيب عليكي
وسام بضحك طب نلم نفسنا مش وقته هاا
ففضلوا يضحكوا فتابعت هناء بضحك خلاص سكت خالص اهو
"" وعلى رغم خوفها الشديد من رده فعل نادر وكمان وسام لما يعرف بس حاولت متبينش اي حاجه من مشاعرها دي ""
فموسام مسك ايديها وراح قدام نادر وتابع بابتسامه وده نادر ابن خالتي
فهناء بصتله بقهر والدموع اتجمعت في عينيها ونادر كان باصصلها مصدوم فمد ايديه وتابع بابتسامه مليانه سخريه وليها مغزى: اهلا وسهلا يا انسه هناء
هناء بصت لايديه وبصت لوسام فوسام سلم بدالها وتابع ابتسامه معلش بقي يا قلب اخوك بس انا مانعها من الحوارت دي
نادر بضحك يااه للدرجه دي !! بس لا حقك تخاف عليها طبعاا
وسام بحب ده انا شايلها في نن عيني مش بخاف عليها بس وباس راسها بعمق فهناء غمضت عينيها وسندت راسها على صدره وتنهدت بارتياح لان طول ماهي جنب وسام بتحس انها اهدى وقادره تكمل اي صعب وتواجه اي تحدي
فجات يارا ووقفت قدامهم وتابعت بابتسامه مليانه غل: انت تعرف البت دي منين يا وسام ؟؟
هناء خافت ورفعت راسها وبصتلها فوسام بص ليارا برفعه حاجب وتابع بت مين يغاليه انا معرفش بنات انا اعرف ستهم كلهم وليهاا اسم .. هناء العامري وقريب جدا باذن الله
فهناء بصتله بحب وعينيها بتنزل دموع بس خافت اوي انه هل هيفضل كده حتى بعد مايعرف الحقيقه ؟؟!
فضحكت يارا بسخريه وتابعت ااه وعرفت ستهم منين بردو ؟؟
وسام بحده وانتي مال اهلك هو انتي هتحققي معاياا ؟؟؟
فرحه بحده لا مش هنحقق معااك بس المفروض ان امك لحد قريب معشمه البت انها هتجوزها وانا قولتلها مره والف بلاش عشم وكفاياكي لحد كده بس نعمل ايه في عدم سمعان الكلام
هناء اتصدمت ان البنت اللي وسام بيحكي عنها هي يارا وحست بذهول
فتابع وسام بابتسامه خلاص ربي بنتك وخليها تسمع كلامك .. مش ذنبي خالص انها مبتسمعش كلام امهاا ولو امي مواعدها تجوزها فتجوزها مفيهاش مشاكل تشوفلها ابن الحلال وتجوزها
يارا بحده ودموع يعني ايييه يا وسااام وعمري اللي راااح وانا مستنيااك ده ايييه
وسام بعصبيه اسمعي يابت انتي انا زهقت منك وقرررفت .. عمري ماشوفت بني ادمه معندهااش دم ولا كراامه قدك .. وقولتلك مره والف اني مش بحبك ومش عايزك بطريقه متوجعكيش وقولت لامي توصلك كده بس يظهر انك فعلا معندكيش دم ومش بتفهمي هفقولهالك للمره اللي معرفش عددها انا مش عااايزك ومش بحبكك يا ياارا
ياارا قلبها وجعها اوي وانهارت عياط وتابعت وانا ليه يحصلي كل دده ؟!!! امك اللي عشمتني بييك .. وسام ارجوك كفااايه تقهرني وتيجي علياا انا عشت عمري كله مش بتمني راجل غيررك ارجوك متخلنيش اخسر الحاجه الوحيده اللي عايشه علشانهاا متخلنيش اقف اتحاايل عليك تحبني ارجوك متكسرنيش كده يا وسام ذنبي ايييه فكل ددده ؟؟!!!
وسام بتنهيده والله دي حاجه في علم الغيب شوفي انتي عملتي ايه ربنا بيخلصه منك في قلبك لانه اعظم ابتلاء بعد الموت هو ان قلبك يحب راجل مش شايفك ولا هيشوفك .. الحب بيذل فعلا بس صدقيني مشاعري ليكي عمرها ماهتتغير باللي بتقوليه ده انا بحب هناء ومش هحب غيرها
هناء حست روحها اتردتلها بكلامه ونزيف قلبها وقف لما شافت اللي دمرت حياتهاا تعبانه بالشكل ده .. عادلا وليس انتقاما فبصتله والدموع بتنزل من عينيها بحب فوسام مسح دموعها وباس جبينها
وهناء افتكرت
فلااش باااك
هناء قلبها وجعها والدموع اتجمعت في عينيها وتابعت بوجع لا هاان .. هااان ومبقاش يفرق ومبقاش عندي عزيز ولا غالي ولا حد يفرقلي وطبعا الفضل يرجعلك علشان اما تجيلك الضربه من اكتر حد انت متوقعتهاش منه بتقتل يا نادر وبتطفي لمعه العين وده باين في عيني لانك مبقتش تصعب علياا ولا كلامك خلى عيني تلمع زي زمااان انا بقيت شيفاك حاجه قليله اووي ومش طايقه سيرتك وولا عمري هسامحك ونفسي بعد سنين اشوفك انت واختك تاااني ويكون ربنا جابلي حقي منهاا قبل منك واشوفها مكسوره وتعبانه زي ماعملت فيااا وحسبي يالله ونعم الوكيل فيك وفيهاا والله يارب ما مسامحه
باااك
فدموعها زادت وبصت لنادر ويارا ووجهت وشها لوسام وتابعت بدموع انا بحبك
وسام بحب وانا بموت فيكي ووطي على ركبته قدامها وطلع علبه فيها خاتم وتابع بحب: موافقه تتجوزيني وانا مستعد اكلم كريم من بكره ايه رايك؟
فهناء شهقت بتفاجئ وفضلت تعيط وحطت ايديها على بوقها فكل اللي في المكان سقفهولهم بفرح وفي شباب صفرت ويارا ونادر اتصدموا بشده وقلبهم وجعهم
فضحك وسام وتابع ايه هتسبيني كده كتير ؟
هناء بضحك ودموع مواافقه طبعاا
فوسام ضحك ولبسها الخاتم وقام باس ايديها بحب والكل سقفلهم بفرح فزغرطت لينا وتابعت بفرح الف الف مليون مبرووك ينورعين اختك
وسام ضحك وتابع الله يبارك فيكي يحبيبه قلبي
فتابعت عزه بحب مليون مبرووك يا ابني وربنا يكملكم على خير
وسام بحب يارب ياست الكل
فقامت فرحه وتابعت بضيق انا ماشيه علشان جالي مكالمه مهمه خلص قعدتك انت واختك يا نادر وورايا
وسام بابتسامه لا والله لتخليكي شويه مش معقوله كده ده حتى نوئه ملحقتش تعرفك
فرحه بخبث مش لازم نقعد مع بعض كتير يحبيبي الاحساس بيوصل من القلب للقلب كده وانا حاسه كاني بقالي سنين اعرفها
هناء اتوترت جدا غمضت عينيها وخدت نفسها بهدوء وفرحه مشيت فتابعت عزه بتنهيده: معلش يابنتي حقك عليا على اسلوبها معاكي
هناء ابتسمت بتوتر وتابعت لا خالص ولا اي حاجه متقوليش كده
عزه بابتسامه طب يلا تعالي اقعدي علشان ناكل مع بعض
هناء بتوتر حقيقي مش وقته يا ماما تتعوض وقت تاني انا لازم امشي
وسام بابتسامه قولت مفيش مشيان غير لما ناكل مع بعض اخلصي بقى كله من وقتك
فهناء ابتسمت بتوتر وتابعت حاضر وقعدت فوسام قعد جنبها ويارا ونادر قعداو قدامهم
فالينا كانت قاعده جنبها من الناحيه التانيه فبصتلها وابتسمت وهمست جنبها : الكحل في عينيكي خطير وعينيكي لونهم حلو اوي بس في حته ساحت قومي شوفيها
هناء ابتسمت وتابعت بحب حبيبه قلبي بجد حااضر عيوني وقامت وقفت فوسام مسك ايديها وتابع رايحه فين الاكل هينزل خلاص
هناء بحب اظبط الميكاب بتاعي وجايه يحبيبي
وسام بحب تمام بس متحطيش روج غير ده ها
هناء بضحك متقلقيش رميته اللون اللي معجبكش مش معايا والله
وسام بضحك وخبث: ورميتيه ليه بس ماحنا هنتجوز وده كان ريحته فراوله ولونه قمر بس ميتحطش براا البيت
فهناء اتكسفت وعزه ولينا فضلوا يضحكوا فهناء ضربته في كتفه تابعت بضحك والله انت متربتش ايه اللي بتقولوا دده
فوسام فضل يضحك وتابع خلاص خلاص متتكسفيش انا عامه هنزل مع لينا قبل فرحنا وهجبلك انا ميكاب على زوقي وتبقي تحطي منه اتفقنا؟
هناء بضحك يسلام ده من عيوني اتفقنا طبعا
فوسام مسك ايديها باسها وتابع بحب يسلمولي عيونك العسلي القمر دول
فهناء ابتسمت ووشها احمر ومشيت وكل ده تحت نظرات نادر ويارا الحاقده عليهم وهيموتوا من الغل والعصبيه
فضحكت عزه وتابعت كسفتها ياللي متربتش انت
وسام بضحك الله مش بعرفها اللي بحبه واللي لا ياست الكل
عزه بضحك لا كتر خيرك صحيح بس ايه حكايه روج الفراوله ده ؟
وسام بضحك جيالي مره حطالي روج احمر وريحته فراوله فزعقتلها وقولتلها ميتحطش تاني قامت مسحته وخلاص سكت انما مش قصدي ترميه خالص منا عايز اشوف دنيته ايه بعد كده ده
فالينا وعزه فضلوا يضحكوا بشده فتابعت عزه بضحك ابقى هات غيره لما تيجوا تتجوزوا زي ماقولت صح
وسام بضحك طبعاا اومال ده انا هاخد لينا معايا علشان بتفهم ونجيبهم باطعمه بس .. سيبك من هناء طز فيها
فعزه فضلت تضحك وتابعت تربيتك باظت انت
وسام بضحك معاها بس والله عيب عليكي وبعدين هي بتبقى قمر في اي لون انما ريحته والكلام ده انا اللي اختاره بقى
لينا فضلت تضحك وتابعت حقك طبعاا مش هتبقى جوزهاا
عزه باابتسامه علشان يبقى حقك صح كلم اخوها ونروح نتقدم يا وسام الضلمه وحشه والبنت باين عليها بنت حلال فطالما انت رايدها اوي كده ومش قادر تشوف غيرها يبقى التاجيل مالوش لازمه
وسام ابتسم بفرح وتابع هعمل كده فعلا
فنادر اتخنق جدا وقلبه وجعه وحس بعصبيه شديده فقام وتابع هشرب سجاره وجااي
فوسام بصله وهو ماشي وتنهد بارتياح ومسك كوبايه العصير يشرب بروقان فيارا دموعها كانوا بينزلوا بصمت فقامت وتابعت انا رايحه التواليت وجايه
عزه بابتسامه حزينه ماشي يحبيبتي بس متتاخريش لان الاكل خلاص
يارا بتنهيده تمام ومشيت
وراحت الحمام وشغلت الحنفيه وحطت ايديها على بوقها وفضلت تعيط بانهيار فهناء فتحت باب الحمام وخرجت شافتها فطلعت مناديل وراحت خبطت خبطتين على كتفها
فيارا بصتلها وهي مش طيقاها وبتعيط فابتسمت هناء وتابعت: هطلع اجدع منك مع اني محدش مسحلي دموعي بس امسكي ياستي مناديل اهي مش خساره فيكي لحسن الميكاب يبوظ
يارا اتعصبت جدا وشدت منها المناديل رميتها وتابعت بعصبيه : وانتي مااال اهلك يحيواانه خليكي في حااالك ومتدخليش
هناء بابتسامه اخص عليكي يا يويو بقى في عمه محترمه تقول لمرات اخوها كده ؟؟
يارا بعصبيه اخويااا مين انتي اتجننتي !! ده اخوياا ده راجل انه ساابك
هناء فضلت تضحك وتابعت لالا انتي فهمتي ايه بس .. انا اقصد سومي لانه مأكدلي انه بيعتبرك زي ليناا بالظبط فانتي كده في مقام عمتي انما نادر مين اللي فكراني اقصده هو نادر ده رااجل اصلا ؟؟؟
ياارا بعصبيه ااه يا زبااله يحيواانه ابعدي عن وشي علشااان ممسكيش من طرحتك انسلك شعرك
هناء بضحك يخراابي للدرجه دي بتولعي مني !!! طب شوفي حاجه تاخديها من اي صيدليه مش معقوله هتموتي كده ورفعت ايديها وتابعت بخبث ده انتي حتى مباركتليش على خطوبتي اخص عليكي يا يارا بجد
يارا بعصبيه خطوبه ايه يحيوانه انتييي !!! وسام ده بتااعي انااا وعيطت بعصبيه وتابعت وحبيب عمررري ومش هيتجوزك مهما حصل وهي الحرب بداات ياهناء 1-0 ليكي بس صدقيني مش هسيبك في حالك
هناء بضحك طب مبدائيا اهدي طيب علشان متتلبسيش من الصويت ده احنا في الحمام وثانياا تنهدت بعمق وابتسمت وتابعت هي مفيهاش حروب خلاص .. الحرب خلصت من بدري وانتي اديتيني قلم زمان وربنا خلاني رديته دلوقتي يعني عدلا هي 1-1 ولو في حرب بدات صح فاهي جواكي لانك عماله تحاربي نفسك من جوه وهتتجنني وضحكت وتابعت وحقك بصراحه .. اصل وحشه اوي انك تحرمي عليا حضن اخوكي علشان مش بتحبيني وتطلعيني برا عيلتك فيتحللي حضن حبيب عمرك .. يخراابي لالا صعبه فعلا .. الله يكون في عونك يا يويو بجد
يارا دموعها نزلت وبصتلها بغل وتابعت بعصبيه : لو انا كنت زباااله معاكي فانتي رخيصه وهيجي يوم وساام يعرف حقيقتك وانك قربتي منه علشان ترديلي القلم
هناء فضلت تضحك وتابعت عملت ايه يحبيبتي ؟؟ ليه هو انتي فكراني زيك ولا ايه ؟؟ انا مكنتش اعرف عن وسام غير اسمه وبس وعمري ماتخيلت انه يطلع ابن خالتكم اللي قولتوا مسافر ودلوقتي لسه مرتبه الاحدااث انما انا مش زييك علشان اخطط مفيش حد رخيص قدك ولا ينفااسك يا يارا ده من اعمالكم سلط عليكم وفي عز مانتي كسرتيني وشوهتي سمعتي بصور مفبركه واتفقتي مع ناس وخططتي انا في المقابل وطيت راسي على سجادتي وعيطت .. ورفعت ايديها وشاورت لفوق وتابعت : وهو ربك اللي شااء ان يستيجب لكل كلمه قولتها وانا مقهوره ويجبلي حقك منك تالت ومتلت وقدام عيني ويخلي الراجل الوحيد اللي هتموتي عليه ومحبيتيش غيره يقف يختاارني انا قدام عينيكي وطبطبت على كتفها وتابعت : مش استخصرتي فياا نادر ؟؟؟ وابتسمت وتابعت اشبعي بيه .. جالي سيد سيده .. ولو اني كنت على ذمه اخوكي كانت هتتعبك فاني ابقى على ذمه وساام دي هتموتك بالحياا يا يارا وابتسمت واديتها ضهرها ورايحه تمشي
فتابعت يارا وهي بتمسح دموعها : تفتكري وسام هيكمل معاكي لما يعرف انك كنتي خطيبه نادر .. اللي بيعتبره اخوه ؟؟ ويشوف صورك مع امير ؟؟
هناء لفتلها تاني وابتسمت وتابعت تفتكري انتي ان وسام ممكن يسيبني علشان نادر ولا غيره ؟؟؟
يارا بابتسامه اه هيسيبك ... مش هيخسر نادر علشانك .. متهيألك وزي ما طردتك من عيلتي مره هطردك التانيه بس المره دي حساابك هيكون تقيل اوي علشان بصيتي لحبيبي
فهناء ضربتها بالقلم بقوه ومسكت شعرها وتابعت بعصبيبه: حبيبك مين يا زبااله ؟؟!! سيره خطيبي متجيش على لساانك القذر ددده بقولك اييه يابت انا مبقتش هنااء الهبله بتاعت زمااان فاقسم بالله العظيم يا ياارا لو ما اتلميتي بعيد عنه ههين كراامتك خلي عندك ددم بقى عايزة تسمعي اييه منه اكترر من اللي سمعتيه
يارا بعياط وعصبيه من ماسكه ايديها تابعت: هتشوفي وهوريكي وهندمك على كل حاجه عملتيها في حقي يا هنااء .. اقسم بالله العظيم ماهسيبك تتهني معااه وهفضحك
هناء زقتها وتابعت بابتسامه اعملي اللي يجي في بالك ووريني اخرك ايه
يارا بعصبيه اخري انتي عاارفاه كويس اووي سبق وجربتيني مع نادر
هناء فضلت تضحك وتابعت ايوه ياستي اشهدلك في دي بصراحه وابتسمت بس وسام مش نادر .. وسام لو هناء عملت حاجه غلط بيتصل يربيها ويقولها الصح من الغلط وكان مفروض تعمل ايه وضحكت وتابعت ده زعلان مني علشان لبست بنطلون انتي متخيله !! ..يعني اي لعبه وسخه منك هيجي يواجهني ولو غلطت يربيني انما مش هيسيبني .. انما انتي اخوكي زيه زي الحريم قعد يخطط علشان يبوظ سمعتي ..واتعصبت وتابعت شغل نسواان لانه لو رااجل صح والدم غلي في عرووقه هيعمل زي كريم وعلي وهيجي يمد ايديه عليااا مانا هبقى مرااته بقى .. انما ده فعلا مش راااجل قعد يخطط ازاي يكسرني علشان خونته وضحكت وتابعت طب بجد استحمل يصبر عليا ازاي ؟؟ بذمتك مقتنعه ان اخوكي ده راجل وهرموناته متظبطه ؟؟ وضحكت وتابعت يعني انا اشك انها بتجيله زينا
فيارا اتعصبت وتابعت اخويااا ارجل من عيلتك كلهاا يابنت الكلاب وبكره هعرفك مين ياارا غبد الغني
هناء فضلت تضحك وتابعت ايه ابوكي اللي جاب الجول في كاس العالم ولا ايه مش فاهمه يعني مين يارا عبد الغنى ؟؟! وابتسمت وتابعت انا مش هضيع وقتي معاكي بس ابتدي انتي بقى خططي زي العقارب كده وخططتي حلو هاا لان وسام صعب يصدق عليا اي حاجه وحشه ولا يسيبني
ورايحه تمشي فتابعت يارا بسخريه انتي عارفه اخره الثقه العاميه دي ايه يا نوئه ولا افكرك؟
هناء مبصتلهاش وتابعت وهي مديها ضهرها : انا اللي مش كل شويه لازم افكرك اني المره دي حبيت راجل مش واحده زيي .. ووسام ده انا امسكه سيف واديه ضهري وعارفه عمره مايطعني فاعملي اللي تعمليه
وطلعت وسابتها ومشيت في اتجاه المطعم فالقيت حد بيشدها من دراعها فشهت بخضه فبصت لقيته نادر فاتعصبت وتابعت اوعاا سيبني سيبني بقوولك
نادر بعصبيه بقى سيبتي رجاله الدنيا كلهااا ورايحه تلفي على اخويااا وتقوليلي قريب هتسمع خبر خطوبتي !!! ووسام ماله بكل ددده قد اييه انتي طلعتي ازبل من ياارا بكتيير
فهناء اتعصبت وضربته بالقلم بقوه وتابعت بدموع وعصبيه: اخررس قطع لساانك انت ايييه ياخي مش بتحسس وضربته في صدره جامد وتابعت بعياط وعصبيه : لحد امتى هتفضللل تيجي عليااا انت واختككك وتتكلموا عني بالوحشش ؟؟!! قولتهاا وهقولهااا انا مكنتش اعرف ان وساام هو ابن خالتك اللي مساافر براا وعايز تصدق صدق مش عاايز انت حررر انا مش فاارقلي كتير
ورايحه تمشي فنادر مسكها رجعها وبصلها بوجع وتابع ابوس ايديكي ياهناء ودموعه نزلت وتابع ابوس ايديكي بلاش وساام .. ده اخوياا الوحيد هنخسر بعض بسببك
هناء بصتله بكرهه وتابعت انا بحبه يا نادر وميخصنيش انت بتعتبره اييه فمش هسيب حبيبي علشاان خاطر اي حدد
نادر اتصدم وتابع ومسك دراعاتها وتابع: هنااء انتي بتقولي اييه ؟؟؟!! بتحبي ميين ؟؟ بتحبي وسااام !! طب امتى وازاي وفين انا مش فااهم حاجه !!
هناء نزلت ايديه بعصبيه وتابعت مش مهم تفهم المهم اني خلااص هبقى مراات اخووك فتحترم نفسك ومترفعش عينيك فيااا تاني لاي سبب من الاسباب ولا توجهلي كلام اصلاا لان انا بنت اصول مقدرش اخون ثقه وسام فياا حتى لو بوقفتي معاك دي
ورايحه تمشي فمسك دراعاتها وتابع بعصبيه استني هنا رايحه فيين انا مش هسيبك غير لما تفهميني ايه اللي انتي بتقوليه ده !! ودموعه نزلت وتابع بعصبيه : انا كل ده عاايش على امل ترجعيلي انتي ازاي عاايزه تقهريني كده واشوفه بيلمسك وقداام عيني ودموعه زادت وتابع هنااء فوقي وهزها جامد وتابع بعصبيه ودموع : فوقي ابوس ايديكي ومتخليش العناد يخسرنا كل احلامنا اللي عيشناها سواا ودموعه زادت وتابع بوجع هنااء احنا اتشاركنا كل حاجه حتى السندوتش كنا نقسمه سواا انتي ازاي عايزاني اقدر انسى كل ذكرياتي معاكي واشوفك متحرمه علياا وحلال اخوياا ؟!! حرام انا مستاهلش كده والله ودموعه زادت
هناء بصتله بجمود وتابعت زي ماقدرت تفضحني وتخلي سيرتي على كل لساان هتقدر تشوفني معااه وبشكر ربنا انه وقفني قدامك جامده مش فارقلي دموعك وتوسلاتك وجابلي حقي قدام عيني منك انت واختك زي ماكنت بتمني .. فانسي اني ارجعلك يا نادر انا مبقتش شيفااك اصلاا ولما بتيجي سيرتك مش بفتكر اي حاجه من الحلو اللي انت بتقوله ده .. كل اللي بفتكره نظرات استحقار من جيراني وضرب اخويا ليا وحبستي في البيت وحاجات تانيه كتير وحشه ..وعيطت وتابعت انا عيشت ااياام اسود من قرن الخروب بسببك وبسبب حبي ليك .. بس انت جااي تفوق متاخر بعد ما غيرك مدلي ايديه وصلح حاجات هو مبوظهاش وحتى لو كنت فوقت انا مش هعرف اثق فيك تاني خلااص مهما يحصل ومش هبيع الرااجل الوحيد اللي اشترااني وحبني من قلبه ومشافش بنت غيرري وعمره مايصدق عليا اي حاجه وحشه
نادر بصلها بغل وتابع بعصبيه يبقى حكمتي علي نفسك اخدك في الحراام وساعتها هتوطي راسك زي الكلبه وتجيلي تتحايلي عليا اتجوزك
فهناء ضربته بالقلم بقوه وتابعت بابتسامه ده علشان لقيتك بتحلم وانت صاحي فقولت افوقك للواقع ومسكت لياقه قميصه وتابعت ولا انت ولا عشره من عينتك يقدروا يعملولي حاجه ولا في راجل اتخلق يقدر ياخد مني حاجه مش عايزه اديهاله فبلاش انا احسنلك
نادر بضحك وسخريه : اممم لا طلعلك مخالب دلوقتي بعد ماكنتي قطه مغمضه يا نوئه
هناء بابتسامه وبقيت بتخربش كمااان .. عايز تجرب حاول تهوب ناحيتي
ووسام كان عمال يرن عليها وهي مش واخده بالها فنادر رايح يتكلم اتفاجئ بوسام طالع فبص عليه فهناء بصت لقيته هيخرج وهيشوفهم فسابت نادر بسرعه بخوف وراحت في اتجاه انها تدخل فوسام رفع وشه شافها جايه ووراها واقف بعيد شويه نادر
فهناء راحتله وابتسمت بتوتر فوسام بص لنادر بجمود بعدين وجهلها نظره وتاابع بهدوء مخيف: اممم كنتي فين وبرن عليكي مبترديش ؟؟
هناء بتوتر ابدا يحبيبي كنت في الحمام زي ماقولتلك بس كان زحمه شويه ومخدتش بالي من الفون والله .. انت رايح فين علشان خرجت كده ؟
وسام بتنهيده خرجت علشان اكلمك بس متوقعتش انك برا
هناء بتوتر ده انا كنت داخله بس بس .. ابن خالتك ده اسمه ايه ااه نادر ندهني سلم عليا واتكلمنا شويه وكنت داخله اهو
وسام اممم قولتيلي .. وهو عادي تقفي معاه من ورايا يا هناء ؟؟
هناء دموعها نزلت ومسكت ايديه وتابعت وسام انا عايزه احكيلك حاجه لان انا متعودتش اكدب عليك
فوسام ابتسم "" لانه فهم انها خلاص كده هتحكيله ومش هتخبي عليه وفرح جداا من جواه علشان قلق انها تخبي عليه وتسمح يفضل مش فاهم اللي بيحصل حواليه "" فطبطب علي ايديها وتابع بحب نتكلم بعدين دلوقتي يلا الاكل جهز وبص لنادر وشاورله يجي فهز راسه بماشي وطلع سجاره يشربها
ودخل وسام وجنبه هناء والاكل كان نزل فمسك المعلقه وتابع بحب دوقي ده كده
فهناء كالت منه وتابعت اممم تحفه اوي
عزه بحب الف هنا يحبيبتي كلي كده عايزينك تتخني وتتقوي
فوسام فضل يضحك وتابع لا لو عليا هي عجباني كده وزي الفل فكل حالاتها
فهناء بصتله بحب وابتسمت وتابعت بس ماما عندها حق انا فعلا رفيعه اوي
وسام بضحك وغمز لا تقلقي هتتنفخي لوحدك بعد الجواز فسيبي جسمك زي ماهو ومتلعبيش فيه
فكلهم فضلوا يضحكوا ماعدا يارا ونادر فتابعت هناء بضحك طب اتربى شويه هاا
وسام مدلها المعلقه وتابع بضحك من عيوني لنورعيوني
فهناء كالتها منه وتابعت امم بجد تحفه بس كل انت يعمري
وسام بحب متقلقيش باكل
------
عند اسيا اتصدمت بشده ان اللي واقف قدامها علي وحست ان روحها اتردت وعينيها انهمرت بالدموع من فرط الصدمه .. وفي المقابل علي بردو كان مصدوم بشده بس بشكل عيون اخته المتورمه من كتر العياط ووشها الغرقان بالدموع واحمرار خدوها
فعيطت بهستريه وفرح وتابعت بتفاجئ شديد : علييي !! ينورعين اختكك وحضنته جامد وفضلت تعيط بانهيار شديد وتابعت يحبيبييي يحبيبيي واحشتني اوييي ياعلييي واحشتنييي اوويي ينورعينيي سبتيني لميين بعدددك يعلي سبتني لميين قولي وفضلت تعيط بهستريه شديده وصوت شهقاتها واضح كأنها ماصدقت شافته
وعلي كان مصدوم من شكلها ودموعه بتنزل بصمت فقفل الباب برجليه وحضنها جامد فاترفعت عن الارض فتابع بقهر وهو بيطبطب عليها: بس بس ابوس ايديكي كفاايه وباس راسها بعمق وتابع ممكن تهدي علشان خاطري ينورعيني وتفهميني فيكي ايه ؟؟؟
اسيا بعياط وانهياار : مش مهم فيااا ايه المهم انت وبصتله بفرح وعينيها بتنزل دموع وتابعت خرجت ازااي انا مش قاادره اصدق ووقفت على اطراف صوابعها وباست خده كذا مره بلهفه وهي بتعيط وحضنته جامد وباست راسه وفضلت تعيط وتابعت واحشتني اوي ياعلييي واحشتنيي اوي ياكل دنيتي .. ازااي كنت هقدر اعيش من غييره ياارب وهو ابويا واخويا وصاحبي وكل حاجه في حيااتي
فعلي شدد من احتضانها ودموعه زادت ووطي باس كتفها وتابع بوجع وهو بيطبطب عليها : مالك يا نن عين اخوكي .. جرالك ايه في غياابي ودموعه زادت وتابع مش انتي بس كلكم اتدمرتوا يا اسياا بس والله العظيم وغلاوتكم عندي غصب عني .. ربنا ينتقم منه اللي حرمني منكم يارب
اسيا خرجت من حضنه وحطت ايديها على خده وتابعت بعياط هستيري : ضهرري اتقسم وروحي راحت في غيااابك وانهارت عياط وتابعت اول مرره احس اني يتيمه وماليش ضهر كده ياعلي
علي اتقهر من كلامها وخدها في حضنه جامد فعيطت اكتر ودفنت وشها في صدره وتابعت بعياط: كنت بمووت كل ليله وانا نفسي اشوفك فيهاا واقولك كل اللي بيجراالي علشان خلااص تعبت من كتررر ما كتمت جوااياا واستحملت وبصتله بلهفه وتابعت بعياط وفرح والحمدلله اديك جيت وربنا محرمنيش منك ومسكت ايديه باستها بحب كذا مره فعلي شدها منها ومسك ايديها باسها وحضنها يطبطب عليها وهي بتنهار عياط اكتر فحضنه
فعلي مشي ايديه علي شعرها وهو مصدوم وتابع بحده ماالك يا اسياا ؟؟ حصل اييه في غياابي وايه اللي في وشك ده ؟؟!
اسيا بصتله فمسح دموعها بايديه الاتنين فابتسمت ودموعها زادت ولفت راسها باست ايديه اللي على خدها وبصتله تاني وتابعت ليه ربنا مكرمنيش بواحد في حنيتك مانا حرام اتربى على الحنيه واعيش في القسوه
علي اتصدم وتابع نعممم ؟! ليه عملك ايه سليم !! واستوعب وتابع بحده هو سليم مد ايديه عليكييي !!
اسياخافت فغمضت عينيها وفضلت تعيط فعلي مسك دراعها جامد وتابع بعصبيه اخلصييي ردي عليااا
فاسيا اتخضت وتابعت بعياط هو انا عادي اقولك ولا هيهزقني ؟؟
علي اتصدم بشده وتابع بعصبيه هو مين اللي هيهزقك !! ده انا قسما بالله اطلع عين اهله هو هيعمل فيهاا راجل عليكي ولا اييه ؟! اخلصيي قولي هبب اييه
اسيا بدموع بص انا هقولك كل حاجه من الاول
علي بحده اه قولي يلا
اسيا بدموع بص يسيدي انا من فتره كده لما كنت جايه وسايبه البيت كان بسبب فارس
علي اتصدم وتابع فارس !! انتي بتكلميه يا اسيا ؟!!
اسيا بدموع ولهفه لالا والله مش بكلمه بس انا كنت بكلم بت صاحبتي من ايام ثانوي وقالتلي انه بقى حد غير الحد وكده فبحثت عنه من فضولي وبعدين كبرت دماغي عادي وعيطت اكتر وتابعت وانا اه معترفه غلطت بس وحياه بنتي ياعلي وحياه بنتي عمري مافكرت اخون سليم حتى بفكري بيني وبين نفسي
علي بحده اممم كلمي
اسيا بعياط وخوف متخوفنيش منك ورحمه ابوك
علي مسك دراعها جامد وتابع بعصبيه قولت كملي يا اسياا علشان شكلي هكمل عليكي قسما بالله
اسيا بعياط والله العظيم ماعملت حاجه غلط متكبرش الموضوع لانه ميستاهلش كل ده
علي بعصبيه طب ماتكملي وتخلصيي
اسيا بعياط بس يسيدي بعدين قابلته صدفه في النادي مع بنت اخوه وتوتي وقعت فاهو كان هناك فجري عليها وشاف رجليها وقالي انه بيشبه علياا وعرفني وانا كمان عرفته بس اتصدم اني اتجوزت وهو بيتكلم سليم جيه راح شافني واقفه معاه فهزقني وضربني بالقلم وساعتها جيتلكم
علي بحده حقه
اسيا بصتله بذهول فتابع علي بعصبيه : بتبصيلي ليه ااه حقه دي لو مرااتي كنت قسمتها نصيين مش ضربتها بالقلم بس وعلشان كده خبيتي عليا السبب قسما بالله كنت واثق اني لو عرفت هقوم اكمل عليكي اكسرك
اسيا بصتله بوجع وعيطت وتابعت وعدينا يسيدي وجيه راضاني وقولتله حقك عليا ومش بحب غيرك وروحت معاه واديك شوفتنا وخلاص مفيش حاجه فبعدين حصل موضوعك ده وسيبت البيت اسبوعين بعلم منه ارجع يعلي الاقيه معامله زفت واهاانه وبياخدني بمزااجه وبقيت بنسباله جسم مش اكتر وشغال مش طايقني ولا طاايق البت وعايز ولد ومتغير علياا واكلمه يسيبني ويمشي وبقاله قد ايه ولا خادني في حضنه ولا قالي كلمه عدله ولما بيقرب وبيتمسكن بيبقى علشان عايز مني حااجه وبس
علي اتصدم وتابع انتي بتقولي ايه سليم عمل كدده !!
اسيا بعياط اه عمل كده واكتر كمان ولما رجعت من الحكم بتاعك مش طايقه نفسي طلبني ووالله العظيم رغم قهرتي من اللي انت فيه مرضتش اقوله لا ومن تعبي بسبب كل الاحداث دي ولاننا سهرنا نمت كتير اقوم اصحى الاقي معامله زفت وعيطت وتابعت عارف يعني ايه بطلت احس معاه بمشاعر وبقيت احسه بيعاملني زي البنات اللي مش كويسين ؟؟ المهم ياخد غرضه وخلاص وعلشان يخلف لان بنتي مبقيتش عجبااه وسيبت الشغل وبردو مش عاجبه وينزل ويسيب البيت كل جمعه ويرمي الهدوم في وشي واخرهم فارس جيه عند حضانه تولين يسال عنك فقعدت في عربيته قولتله روح لعلي وملكش دعوه بياا انا ست متجوزه فعلشان اكون صريحه معاك قالي انه بيحبني فانا قولتله اني بحب جوزي وسيبته ومشيت معرفش مين شافني من صحاب سليم قااله فبعد كده لما الكلام اتفتح ضربني وقاالي انتي بتمنعني نفسك عني بسببه ولسه زباله وبتضعفي قدامه وانا اقدر اخونك واروح للي تعدلي مزاجي وكلام كتيير زباله وورم وشي
فعلي كان سامعها ومتعصب جدا وايديه متكوره بغل شدديد فتابع بعصبيه انتي غلطتك الوحيده قااعدتك مع فاارس لتاني مرره انما كل حاجه قولتيها مغلطيش فيهاا وانا هعرفه يعني ايه يعاملك كده ويتكلم عن شرفك بالشكل ده
اسيا بعياط وغلاوتك في قلبي ياعلي انا قولت لفارس اني بحب جوزي فماليش ذنب فكل اللي بيحصل دده
علي بعصبيه ذنبك ان فااارس لسه بيحبك وانتي عاارفه كده كوويس ومفيش راجل فيناا يستحمل راجل تاني يبص لمرااته بالنظره دي فانا مش بلوم سليم عليهاا بس الباقي كله هو غلطااان
اسيا بوجع وقهر : ياريتني استنيت فارس
علي اتصدم ومسك دراعها وتابع بعصبيه انتي بتقولي اييه انتي اتجننتي ولا جرا لمخك حاجه
اسيا بعياط تعبت ياعلي وانهارت عياط وتابعت : تعبت من احساس اني موجوده لمزاجه وخدمته بس .. سليم كبرني وعجزني بدري وبيتريق علي شكلي وعدم اهتمامي بنفسي وهو اكتر واحد طافيني وطافي اللمعه في عيني ونسي اني ست ومحتاجه اسمع كلام حلو واقل حاجه احس اني كفاايه في عين جووزي وانهارت عياط وتابعت ياعلي انا بقيت اكره يلمسني انت مش قاادر تفهمني لييه بقولك والله العظيم اتبدل انت مش شاايف منظر وشي
فعلي بصلها بقهر وحضنها جامد فانهارت عياط في حضنه وجواه بيغلي من الغضب من سليم وتابع اقسملك بالله هجبلك حقك تالت ومتلت حقك عليا انا وباس راسها بعمق وتابع بس وغلاوه اخوكي يا اسيا ماتخلي الشيطان يلعب في دماغك .. اللي انتي بتحكي فيه ده خربان بيوت ومفيش شيطان هيحب ان بيت يبقى عمران من غير مشاكل فبيفتح عينيكي على حب فارس علشان تغلطي وتخوني جوزك بمشاعرك وعارف انك زي القمر وحقك تحسي انك حبيبه مش واحده لرغباته وبس .. بس انا مربتش بنت من بناتي على كده هاا
اسيا بصتله بوجع وتابعت بدموع عمري ما اعمل كده وانت عارف اسيا وتربيتك ليها كويس
فعلي ابتسم ومسح دموعها وباس خدودها الاتنين وتابع روحي هاتي هدومك انتي وبنتك ويلا علشان ماشيين
اسيا بتفاجئ هنروح فين ؟
علي هتروحي بيت ابوكي وهتعيشي معززه مكرمه وطلباتك انتي وبنتك تتجاب لحد عندك لحد ماجوزك يتربي شويه
اسيا بدموع وخوف سليم مش مواافق لان انا فعلا كنت همشي بس لما قولتله هنزل قالي ابقي ارجع ملاقكيش وانا اكسر رجلك
علي بعصبيه طب يبقى يوريني هيكسر رجلك ازااي وانا اكسره هو خااالص روحي هااتي لبسك انتي وبنتك يلااا
اسيا عيطت وتابعت حاضر
فتابع علي : فينها تولين ؟؟
اسيا بدموع عند ستها تحت
علي بتنهيده طيب هنزل اخدها وانتي ورايا يلا
اسيا بدموع حاضر
فنزل علي وخبط على الباب فتابعت تولين حاضر ثواني وفتحت اتفاجئت بعلي قاعد على ركبته وفاتحلها ايديه وبيضحك فشهقت وعيطت بتفاجئ شديد وجريت حضنته وفضلت تعيط
فعلي شالها وفضل يضحك وتابع بس بس خلاص يخراابي كل ده عيااط وباس راسها بعمق وحضنها وتابع بضحك واحشتيني اوي يا بنت الجزمه انتي
تولين بعياط وفرح وانت اكتر والله وباست خده وتابعت بعياط قولت لمامي اني عايزه اشوفك كتيير وكلنا بنعيط عليك وحبوبه كمان بتعيط
علي فضل يضحك وتابع اشمعنا حبوبه قولتيها لوحده ؟
تولين ضحكت من بين دموعها وتابعت اقولك الصراحه؟
علي بضحك طبعاا
تولين اتكلمت في ودنه وتابعت بضحك انا بحبها اويي اويي وقولتلك انها عيطت علشان تحبهاا زي منا بحبها وتتجوزها انا قولت لمامي كده حبوبه تتجوز خالو
فعلي فضل يضحك بشده وتابع يخربيت عقللك يعني انتي بتعملي كل ده علشان اتجوز حبوبه ؟!!
تولين ربعت ايديها بضيق وتابعت ااه هي مش عجباك يا خالو ؟
علي بضحك لا طبعا مش عجباني مين وابتسم وتابع دي بطل زي توتي كده
فتولين ضحكت واتكسفت وحطت ايديها علي وشها فعلي فضل يضحك بشده
فتابعت تولين بضحك : يعني هتتجوزها وعد ومدتله ايديها
فعلي فضل يضحك وتابع مكنتش اعرف ان الموضوع مهم اوي كده بنسبالك بس وماله اوعدك ياستي وحط ايديه في ايديها وتابع بحب وعد هتجوز حبوبه
فتولين ضحكت وسقفت بفرح
فطلعت نعمه وهي بتربط الطرحه على شعرها وتابعت مين يتولين اللي بيخبط وبصت اتفاجئت وتابعت اهلا وسهلا ازيك ياعلي
علي بتنهيده الحمدلله بخير
فنزلت اسيا وهي معاها شنطه كبيره وبتمسح دموعها بمناديل ووشها احمر فتابع علي بتنهيده يلا قدامي
نعمه بحده رايحه فين دي وواخده كل ده معاهاا ايه هتهااجر؟
علي بحده لو سمحتي يا امي انا كلامي مش مع حضرتك اسيا رايحه بيت ابوها وابنك لما تربيه هتبقى ترجع انما انا اختي مش جاريه عنده علشان اسلوبه ده وانا مش هعديهاله على خير
نعمه بحده ليه كل دده عملك ايه سلييم يعني
اسيا بتوتر ودموع معملش ويلا يعلي علشان تولين كفايه
فعلي نفخ بضيق وتابع يلا طيب قدامي ونزلت اسيا وعلي نزل وراها وهو شايل تولين ووقفوا تاكسي وركبوا
-----------
في شقه رفيده وعصام كانت قاعده في اوضتهم بعد ما رصت كل حاجه والشقه خلاص جهزت كلها لان فرحهم بكره ودموعها عماله تنزل بوجع ومتعصبه جدا ان ازاي علي خرج ولقيت الباب بيتفتح
فدخل عصام وتابع بتنهيده انتي ايه مقعدك هنا دلوقتي ومروحتيش ليه لحد دلوقتي مش في حنه شغاله في بيتكم ؟؟
رفيده قامت وقفت وتابعت بحده ودموع : سيبك من الحنن ومن الهبل ده .. انت عرفت ان علي خرج من السجن ؟؟
فعصام تجاهل كلامها وراح قدام التسريحه ومسك برفيوم من بتوعه وبقى يرش منه
فتابعت رفيده بعياط وبعصبيه : ااه يبقى عرررفت
عصام بصلها بحده وتابع وانتي فاارق معاكي في اييه مش فااهم مايخرج ولا يغور في دااهيه احنا ماالنا ومسك دراعها جامد وتابع بعصبيه رفيده بقولك ايه اظبطي انتي كلهاا بكره وهتبقي مرااتي يعني اقسم بالله العظيم لو سيره راجل غيري جات على لساانك لدفنك حييه
رفيده بلعت ريقها برعب وبصتله وتابعت بعياط عصاام افهمني انا مش على حاجه بس علي ازااي خرج ؟!! ازااي يمشي مع حبيبه ويرمي دبلتي قدام عيني ويهيني كدده كاني ظلمااه مش هو اللي فعلا مجررم ويستااهل
عصام بعصبيه مجررم ولا مش مجررم ميخصنااش وحط ايديه على خدها وابتسم بهيام وتابع: انتي كلها كام ساعه وتبقي حرم عصام السيوفي يعني هنبدا صفحه جديده وحياه جديده وكل ماضيكي الحقير مع الوااد الزبااله ده يتنسي بدل ما قسما بالله انتي عارفاني ها ؟؟
رفيده هزت راسها بحاضر برعب فابتسم عصام وتابع بحب وانا مبحبش اعيد كلامي كتير يا روفي فهنقفل يحبيبتي وولا كأنك شوفتي حاجه ولو علي حرق دمك شويه انه بيحاول يوريلك انك مفرقتيش ومشي جنب حبيبه .. شد وسطها ليه وتابع بهيام: فانا بعد كام ساعه هحرق قلبه لما امتلك اللي كانت مراته وكده تبقي رديتيها صح انك عيشتي طبيعي انما هو مهما يحاول يبين انه عادي عمره ماهيكون عادي
رفيده بصتله بحب وابتسمت وحطت ايديها على خده ووقفت على اطراف صوابعها وباست شفايفه برقه وهمست اناا عايزاك تبقى تربيلي الواد ده ياعصام .. مينفعش يعيش طبيعي كده انا اصلا مستغربه خرج ازاي
عصام بحب ده من عيوني بس هو عامه اتربى بالجامد لما مد ايديه عليكي والضرب اتردله وقعد في التأديب كمان انما اللي جاي لو فكر يعمل حاجه تضايقك سيبيها علياا بس المهم انتي متشغليش بالك بيه يا رفيده اعتبريه صفحه واتحرقت مش اتقطعت بس
رفيده حطت ايديها حوالين رقبته وتابعت بهمس انا مش شغاله بالي بحد غيرك يعمري .. انت فين وهو فين !! ده مفيش وجه مقارنه وبصتله وتابعت بابتسامه رغم بحسه شبهك شويه يا عصام
عصام كان مبتسم فابتسامته اختفت وتابع بعصبيه مين ده اللي شبهي انتي اتجننتي ؟؟
رفيده فضلت تضحك وتابعت ايه يحبيبي مالك فيها ايه مايخلق من الشبه اربعين وحظك جيه كده بقى نعمل ايه
عصام بضيق وبحده : ممكن متجبيش سيره اني شبه علي دي تااني علشان بتخنقني وبحاول اتغاضى عنها ؟؟
رفيده بحب وهمس : ممكن طبعا بس هو ازاي خرج ياعصام؟
عصام بتنهيده معرفش يا رفيده شغل محامين وقولتلك كبري دماغك منه مالناش دعوه بيه خاالص ممكن ؟؟
رفيده بتوتر حاضر والله ولا تزعل نفسك وباسته برقه
فعصام ابتسم وشدها ليه باس رقبتها وتابع بضحك ماكفياكي رقه وصوت هادي بقى الواحد اعصابه تعبت
فرفيده ضحكت وتابعت قاصده على فكره علشان اشوف قوه تحملك قد ايه
عصام بصلها بهيام وتابع لا انتي عارفه انها صفر انا اللي مصبرني ان كلها بكره
رفيده بضحك ده عند ماما هند عارفهاا؟
عصام بضحك لا ده عند امك انتي يحبيبتي انا خلااص جبت اخري وشدها ليه وتابع وهو ايديه على وسطها فاتلمي كده بدل ماخليها دلوقتي ونصلح غلطتنا بكره عاادي جدا
فرفيده ضحكت وتابعت لالا خلاص والله ولفت ايديها حوالين رقبته وحضنته وتابعت انا بحبك اوي يعصام
عصام ضمها ليه اكتر وباس كتفها وتابع وانا بحبك اكتر ياروح عصام
فرفيده ابتسمت بخبث وهي حضناه وايديها حوالين رقبته
-------------
عند نيره وسهيله خلصوا لف في المول وطلعوا
نيره بتعب انا دوخت وتعبت بجدد ماتيجي ناكل مفطرتش من الصبح
سهيله بحب خلاص ماشي بس ناكل ايه؟
نيره بحب واشتهاء : نفسي اكل سندوتشات كبده جنبها سلطه فيها فلفل حامي
سهيله بضحك يخربيتك جريتي ريقي طب ايه هناكل منين
نيره بضحك من عربيه الكبده اللي هموت وادوقها وكريم بيمنعني طبعااا
سهيله بضحك انتي عبيطه لا طبعاا كريم سمع ان اكلهم مش حلوو وبعدين انتي معدتك تعبانه ومعندكيش منااعه لوحدك فاتلمي كده
نيره بضيق ياشيخه اتنيلي بقى الاقيها منك ولا من كريم ونديم بتعاملوني كأني واحده مسنه وخايفين تموت
سهيله فضلت تضحك وتابعت يابنتي انا خايفه عليكي والله
نيره بابتسامه انا مش خايفه وهجرب مره مش هتعمل حاجه
سهيله بضحك خلاص ياختي يلاا مش هحرمك من حاجه علشان لفيتي كتير معايا انهارده
نيره بضحك حبيبه قلبي والله
وسهيله وقفت تاكسي وركبوا وفون نيره رن فكان نديم فردت وتابعت بابتسامه ايه يحبيبي
نديم قعد على السرير وحط ايديه التانيه ورا رقبته وتابع بحب ايه يعيون حبيبك طمنيني عليكي
نيره بحب انا الحمدلله بخير انت ايه وصلت الغردقه ولا لسه؟
نديم بحب وصلت اه يحبيبي لسه طالع اهو فقولت اكلمك اشوفك فين كده
نيره بحب خلصنا انا وسهيله المول ورايحين ناكل وهروح
نديم بص لساعه ايديه وتابع بحب خلاص ماشي بس كفاياكي يانيره متتاخريش اخرك ساعه كمان وتكوني في البيت
نيره بضحك حاضر والله وابتسمت وتابعت المهم انت نام وارتاح علشان لسه واصل من سفر ولما تصحى ابعتلي اوريك اشتريت ايه انهارده
نديم بابتسامه خلاص ماشي اتفقنا وكده كده عندي ليكي خبر حلو
نيره بضحك ايه هو بالله عليك ؟؟
نديم بضحك لا مش هقولك دلوقتي متحاوليش لما اصحى بقى
نيره بضحك وحياتي يا نديم قول
نديم بضحك قولت لما اصحى متتعبيناش بقى
نيره بضيق طيب ده انت رخم يلا باي ونام هاا متفضلش ماسك اللاب بتوب وراك مؤتمر مينفعش تناملهم هنااك
نديم بضحك حاضر والله متقلقيش انا مقتول نوم اصلا بس قولت اكلمك الاول
نيره بحب خلاص ماشي يحبيبي .. يلا باي
نديم بحب باي وقفل معاها وساب الفون على الكومود وقلع الكوتش وطفى النور ونام زي ماهو من فرط التعب
وعند نيره بعد شويه كانت وصلت هي وسهيله ودخلوا قعدوا وطلبوا الاكل
فابتسمت سهيله وتابعت بتعملي ايه في الفون؟
نيره بتنهيده ولا حاجه وقفلته وسابته وتابعت كنت بسكرول على فيسبوك عادي
سهيله بحماس انتي متعرفيش انا متحمسه لخطوبتك قد ايه شدي حيلكم بقى بجد وفرحيني
نيره بحب هو يتفق مع كريم وانا بنسبالي تمام والله
سهيله بحب ربنا يقدملك اللي في الخير يحبيبتي
نيره بحب يارب ودقايق والاكل نزل فابتسمت سهيله وتابعت يلا بقى وحمتك اهي
نيره فضلت تضحك وتابعت اعيش واتوحم يحبيبتي وبدات تاكل وتابعت باستمتاع : اممم تحفه بجد
سهيله بحب الف هنا يعمري وكالت زيها وبعد شويه نيره وهي بتاكل تابعت بتعب: بس حرااق اوي صح ؟؟
سهيله بقلق اممم يعني .. لو تعبتي وقفي متكمليش هاا ؟؟
نيره حست بتعب وحطت ايديها على بوقها وتابعت سهيله
سهيله قامت وقفت بخوف وتابعت مالك يا نيره في اييه
نيره ابتدت تتوجع وتابعت بدموع اااه سهيله معدتي بتتقطع الحقيني
سهيله خافت وتابعت بدموع ولهفه الله يخربيتكك يشيخه طب اعمل ايه مش فاااهمه قولتلك بلاش يانيره
نيره بعياط ووجع : وديني المستشفى بسررعه وكلمي كرريم ااه مش قاادره يسهيله بمووت
سهيله بعياط وخوف حاضر والله يلاا طيب تعالي وسندتها ومشيت بيها وهي بتتألم وبتعيط علشان تركبها اي عربيه
-------------
وعند كريم كان واقف بيشرف على الشغل في الموقع
فتابع كريم للحداد : ياعم حسن اتأكد ان التقفيله دي على 10 سم زي ما في اللوحه
عم حسن بابتسامه حاضر يبشمهندس
كريم بابتسامه يحضرلك الخير يغالي وراح عند النجار المسلح وتابع بالله عليك يابلال اتأكد ان الشده متدعمه كويس قبل الصب علشان المره اللي فاتت لولا تممت عليها كان هيحصل مصيبه
بلال بابتسامه حاضر يبشمهندس متقلقش والله
كريم بابتسامه ربنا معاك
فهاني جاله وتابع امسك القهوه بتاعتك اهي
كريم خدها منه ووقفوا بعيد شويه وتابع بابتسامه في وقتها والله الواحد طلع عينه انهارده
هاني بضحك عدل الجمايل بقى
كريم بضحك يلا يحيوان هو في بينا جمايل
هاني بابتسامه لا طبعا يغالي وتنهد وتابع الا اخبار حبيبه ايه ؟؟
كريم شرب من القهوه وبصله وتابع بتنهيده كويسه الحمدلله بس نصيحه من اخوك شوف حالك وكفايه تشغل بالك بيها وربنا يعوضك بلاحسن
هاني ابتسم بحزن وتابع مفيش احسن من حبيبه يكريم بس يلا ده نصيب ويبخته اللي حبيبه هتحبه لاني عارف ان عمرها ماكانت هتحبني
كريم تنهد بوجع وتابع صدقني محدش مرتاح بس كل اللي علينا ندعي ربنا وهو قادر يطبطب ويداوي ويعوض
هاني بوجع : عندك حق اللهم امين يارب وبص على جيبه وتابع كريم فونك كل شويه ينور
كريم انتبه وتابع ااه انا عامله صامت علشان مبتكلمش طول منا في الموقع وساب القهوه ورد وتابع ايه يحبيبي
سهيله بعياط ده انا يكريم الحقني نيرره بتموت
كريم اتصدم وتابع بخوف مالها نيره حصلهاا ايه ؟؟!!
سهيله بعياط مش عارفه احنا كنا باكل وفاجاه بقيت تصرخ وتعيط زي ما انت سامع كده ورايحين مستشفى النهار اللي في مدينه نصر
كريم بعصبيه وترجعواا تزعلواا لما اقول مفيش نزول مع بعض يشيخه الله يحرقكم في الارض اقفليي انا جااي وقفل فونه وبقى يقلع الخوذه اللى على راسه والفيست اللي لابسه فتابع هاني بقلق في ايه يكريم طمني مالها نيره ؟؟؟
كريم بخوف هااني انا مضطر امشي استأذنلي انت بسرعه وهبقى اكلمك ومشي بسرعه بيجري في الشارع فتابع هاني بخوف ياابني طب طمني طييب يكرريم
بس كريم كان مشي وركب عربيته وضرب الدريكسيون بعصبيه شديده ومشي في اتجاه المستشفى
وشويه ووصل ودخل وسال عنها وقالوله على اوضتها فدخلها بلهفه وهو هيموت من القلق وكان الدكتور واقف بيعلقلها محلول وهي بتعيط وحاطه ايديها على بطنها وسهيله ماسكه ايديها التانيه
فكريم جري عليها وتابع بخوف مالك في اييه ؟!! ايه اللي حصلك ؟!!
نيره بصتله وهي بتعيط وتابعت بطني يكريم بطني بتتقطع مش قادره
كريم بتوتر اوعي يسهيله انتي معلش ثواني وبالفعل سهيله سابت ايد نيره ومشيت من قدامه فقعد جنب نيره على السرير ورفعها لحضنه وهي بتعيط ومسك ايديها التانيه وباسها بعمق وتابع بحنان وهو بيمشي ايديه على شعرها : بس يحبيبتي اهدي ينورعيني هتبقي كويسه والله .. كالتي ايه عملك كده يانيره .. حرام عليكي يانيره منا منبهك متاكليش اي حاجه
نيره بعياط مكنتش اعرف هيحصل كده والله
كريم بحنان طب اهدي طيب خلاص حقك عليا وطبطب على ضهرها وبص للدكتور وتابع بقلق طمني يدكتور بالله عليك مالها
الدكتور علق المحلول كويس وبصله وتابع بتنهيده: بسيطه متقلقش جات في الوقت المناسب عندها تسمم بس مش خطير والمحلول يخلص وهتبقى زي الفل وياريت تاكل اول كام ساعه حااجات خفيفه زي الشوربه وبعد كده تتمنع عن اي لحوم وحاجات تقيله لمده اسبوعين وربنا يشفيها ويعافيها يارب وبلاش اكل الشارع خالص فضلا
كريم بتنهيده تسلم يا دكتور تعبنا حضرتك انا هاجي اشوف الحساب دلوقتي بس هي هتخرج امتى كده؟
الدكتور بابتسامه يعني بعد خمس ساعات مثلا حد من زمايلي هيفوت عليكم يطمن عليها وتمشي
كريم بابتسامه تمام شكرا
الدكتور بابتسامه العفو وطلع فكريم بص لنيره بحده فبلعت ريقها بتوتر وحطت ايديها على بطنها بتمثيل وتابعت بجد مش قادره ااه
كريم بحده ده على اساس ان لحد دلوقتي المحاليل منضفتش معدتك ولو بنسبه بسيطه ؟؟؟
نيره بعياط يكريم سيبني في حالي بقى انا تعبانه يووه
كريم بحده ااه اعملي بتموتي علشان ممسكيش افتح دماغك وبص لسهيله بحده وتابع طفحتواا ايه عمل فيها كدده
سهيله اتخضت وتابعت بتوتر طب انا همشي علشان اتاخرت انا ها يلا بااي ينيره هكلمك اطمن عليكي
كريم بعصبيه هو انا مش بكلمك ؟؟؟
سهيله اتخضت وتابعت كبده من العربيه يكريم ولع فيهاا بقى لان انا نبهتها والله العظيم ويلا باي وطلعت
فنيره بصتلها بذهول وتابعت بدموع وخوف اه يا نادله يا واطيه انتي وبصت لكريم برعب
كريم مسك دراعها بعصبيه انا ولا هتعصب ولا همد ايدي عليكي بس انتي هتسمعي الكلام وتبطلي شغل العياال ده امتييي ؟؟
نيره بصتله بخوف وتابعت بعياط وهو انت كده مش متعصب اوعا يكريم بجد تعبانه
كريم اتعصب جدا وتابع ينيره ما كله من اهماالك ماحنا كاشفين وجايبين علااج قد كده وقايلك بلااش عك افررض كان حصلك حااجه والتسمم كان خطير كنت هفرح بيكي كددده ؟؟!
نيره بعياط حقك عليا والله انا اسفه مش هقررها
كريم بضيق اوعي ينيره اوعي وسابها وقام فمسكت ايديه وتابعت بدموع ورحمه ابوك ماتزعل مني حقك عليا والله
كريم بحده انا ورحمه ابوياا عايز امسكك اكسرك خالص علشان قله الادب وعدم سمعان الكلام وجيباني من الموقع بجري
نيره ضحكت من بين دموعها وتابعت انا اسفه والله حقك عليا وحطت ايديه بين ايديها الاتنين وبااستها وبصتله بلطف فكريم ضحك وتابع عايزاني اضعف من النظره دي يعني ووطي باس ايديها بعمق فنيره ابتسمت وتابعت اه حاجه زي كده صالحني بقى
كريم برفعه حاجب انا اللي اصالحك بردو ؟
نيره بضحك ااه انت يلا صالحني اخلص
كريم بضحك هجيبلك الشوربه وادفع الفلوس واجي اصالحك حاضر
نيره بضحك ماشي مستنياك
وكريم خرج وهي رجعت ضهرها لورا بتعب وحطت ايديها على بطنها وغمضت بألم وشويه وكريم جيه كانت مغمضه عينيها فابتسم وحط الاكل على الكومود وقعد جنبها ورفعها لحضنه ففتحت ببطئ وتابعت اتاخرت كده ليه؟
كريم بحب حقك عليا صحيتك وباس جبينها وتابع كنت في الحاسبات الدنيا زحمه شويه وفضل يمشي ايديه على شعرها وتابع بس كويس صحيتي كلي الاول بعدين نامي علشان الشوربه سخنه اتفقنا؟
نيره بضيق لالا مش طايقه اكل اي حاجه
كريم بتنهيده مانتي كالتي العك مجتش على الشوربه المفيده يعني فكلي علشان مقلبش عليكي هاا
نيره بتوتر طيب يكريم يخرابي منك بجد
فكريم اتعدل ومسك الاكل وتابع بحب يلا يقلب كريم اتربي كده وكلي ومتتعبنيش وتخليني البسلك الطبق في وشك
نيره بضحك يخرابي على حنيته معاياا ينااس هيتحسد
كريم بحده نييره
نيره بتوتر خلاص والله هاكل وفتحت بوقها
كريم بحده ايوه اخلصي علشان جايب اخري منك ومدلها المعلقه فنيره كالت منه بتوتر وبصت لايديه استغربت وتابعت ايه ده جبتها منين دي؟ ( وكانت اسوره رجالي محفور عليها K&N )
كريم بابتسامه دي بشمهندسه ندى اللي قولتلك عليها جابتها هديه واحده في ايدي وواحده معاها فمرضتش اكسفها
نيره ابتسمت وتابعت حلوه اوي وقولتلك ان ندى بتحبك بجد يكريم فاديها فرصه بس المهم تكون مرتاح
كريم بتنهيده مش حكايه مرتاح او مش مرتاح انا اه وافقت اديلها الفرصه بس بصراحه حاسس ان مفيش واحده نفعاني .. يعني ندى كويسه وبنت اصول ومحترمه بس مش عارفه تفهمني فكل الوقت وقولتلها انا مش متفق معاكي في كذا حاجه واسلوب حياتك مضايقني في نقط معين وانها بتختلط وكده فقالتلي ده اختلاف وجهات نظر وانا هحاول اعمل اللي يرضيك فادينا هنشوف
نيره بصتله بحزن وتابعت لحد امتى يحبيبي هتفضل بتعرف اي بنت على انها تكون مراتك بس مش حبيبتك
كريم بتنهيده ده لاني ملقتش اللي احبها وابتسم وتابع نيره انا عايز حد شبهك بالظبط يعني لما الاقي بنت زيك هحبها ولو ندى زيك هحبها ومش هتردد ابداا اتجوزها لانك متفصله زي منا عايز ومريحاني وبتسمعي الكلمه وبتفهميني من نظره فحاولي عرفيها اسلوبي او خليها تطبع بطبعك ولو شويه لاني حقيقي تعبت من التعديل فيها
نيره ابتسمت ومسكت ايديه وتابعت فهماك بس مفيش حد متفصل كامل اصلها انسانه مش بدله علشان تعدل فيها فانت ممكن تعرفها ايه اللي بيضايقك اوي وهي تحاول بس مش هتعرف تبقى انا بسهوله منا وانت علاقتنا اعمق من كل ده .. احنا مش حافظين بعض احنا شربنا بعض حرفياا وانا بردو زيك بفضل اقول لنديم خليك زي كريم فكل حاجه تاخد قلبي مستريح
فكريم فضل يضحك وتابع فعلا؟
نيره بابتسامه اه والله العظيم
كريم بضحك لا بس انا مفيش زيي خليكي جنبي بقى
نيره بضحك بس كده خلاص من عيوني فكريم ابتسم وسند جبينه على جبينها وتنهد بعمق
فنيره استغربته وتابعت مالك يحبيبي في ايه؟
كريم بتنهيده مفيش حاجه يعمري انا بس حبيت اعرفك اني كلمت نديم وهيجي نقرا الفاتحه والخطوبه بعد 3 ايام وابتسم وتابع مليون مبرووك يحبيبه قلبي
نيره بتفاجئ بتهزر ده يبقى هي دي المفاجاه اللي قالي عليها بس بسرعه كده؟
كريم بابتسامه اهو الحمدلله اتيسرت فا ليه لا؟
نيره بحزن طب انت مالك متاثر ليه هو نديم مش عاجبك في حاجه ؟
كريم بضحك لا طبعا مالكيش دعوه بريأكشناتي لان انا لو علياا مش هجوز واحده فيكم خالص انا بس خايف اتسرع ومكونش قد الامانه اللي بابا وصاني عليها
فنيره ابتسمت ونامت في حضنه وتابعت هنتخطب علشان نبقى في النور بس اوعدك هتجوزه لما اتاكد انه زيك فكل حاجه
كريم بضحك يبقى مش هتتجوزيه
نيره بضحك لالا متقلقش نديم بيحب يعمل كل اللي يفرحني
كريم بحب ودي احلى حاجه وباس راسها بعمق وتابع يلا كملي اكلك بقى
نيره بحب حاضر فكريم ابتسملها وبدا يأكلها لحد ماخلصت ونامت في حضنه فباس راسها بعمق وتابع سلامتك يقلب كريم
نيره بحب الله يسلمك يعمري وغمضت عينيها بارتياح وكريم فضل يمشي ايديه على شعرها بحنان لحد مانامت في حضنه فتنهد بعمق وبص لفوق وهمس : يارب ما اكون غلطت في اللي بعمله لما سمعت كلام خالتي
-------------
في بيت علي دخل وهو شايل تولين على دراعه والشنطه في ايديه التانيه
فامه وسلمى اتصدموا فتابعت رانيا بصدمه : ايه ده في اييه يعلي هو انت روحت خربت بيت اختك وجيت ؟؟
علي نزل تولين وتابع بحده انا مش عايز كومنتات سخيفه الله يرضى عنكم وبص لاسيا وتابع ادخلي غيري هدومك وكلي انتي وبنتك
اسيا بدموع حاضر
رانيا بخوف في ايه يابت مالك حصل ايه
اسيا بدموع بعدين يماما لما اكل البت وانيمها
علي بتنهيده يلا وانا رايح مشوار وجاي ورايح ينزل فتولين مسكت في رجله وتابعت بلهفه خدني معااك بليز ياخالو
علي وطي لمستواها وتابع بحب مش هينفع يعيون خالو بس اوعدك مش هتأخر وهجبلك حاجه حلوه
تولين بحزن لا انت مش هتيجي تاني
علي ابتسم بحزن لانه فهم ان حتى تولين افتقدته جدا وتابع لا يعمري والله هاجي وحضنها وباس راسها بعمق وباس خدها وتابع يلا يا مامي خديها تاكل وتغير هدومها لحد ما اجي
اسيا بدموع حاضر وشالتها
وعلي ونزل فقابل حبيبه كانت طالعه فتابع برفعه حاجب رايحه فين ؟؟
حبيبه بضحك طالعه هو ايه اللي رايحه فين وسع كده بس
علي بحده انتي يابت مش قولتي هتروحي تتنيلي تذااكري في سنتك السودا اللي شكلها هتتعاد دي
حبيبه بحب اه منا هذاكر مع لوماا والله
علي بحده طب هرجع وهسمعلكم يحبيبه ونشوف اتنيلتي ولالا علشان استعباطك انتي وهي زاد عن حده السنه دي وبيكمل ينزل
فضحكت حبيبه وتابعت مالكش دعوه بيا احنا متخااصمين
علي وهو بيكمل ينزل : ده عند امك الكلام ده حتى لو متخاصمين هفتح نفخوك لو جيت لاقيتك مذاكرتيش
فحبيبه ضحكت وتابعت طب رايح فين طيب يعلي
علي من الحوش بصوت واضح: مش هتاخر اطلعي انتي يلا وكفاياكي وقفه على السلم
فحبيبه ابتسمت وطلعت وعلي طلع على اول الشارع فشاف عصام واقف مع واحد وبيتكلموا فتجاهله ورايح يمشي فتابع عصام : ياعلي
فوقف وهو مديه ضهره وغمض عينيه بضيق شديد فعصام راحله وتابع بابتسامه في ايه يجدع مش شوفتني يعني من الاصول تسلم ولا تبتسم ده حتى الابتسامه صدقه
علي بضيق معلش يا عصام مش فاضي حاليا ورايح يمشي فعصام مسك دراعه وتابع بابتسامه طب خليني انا احسن منك اولا حمدلله على سلامتك يغالي وثانيا فرحي بكره وحابب اشوفك جدا
علي ضحك وتابع عايزني اجي علشان اغني زي وائل جسار واقول ليه الزمان فرقنا وليه متكونيش من قسمتي والكلام الخايب ده وانت قاعد جنبها كانك انتصرت عليا مش كده !! وضحك اكتر وتابع بس والله العظيم انت صعبان علياا ومبروك عليك الخازوق يا غالي تستاهلوا بعض وطبطب على كتفه ورايح يمشي فتابع عصام بسخريه لو مش فارقلك كنت هتيجي تشوفها جنبي عادي
فعلي بصله وتابع هاجي وهنقطكم كمان يغالي علشان ليك عندي واجب الورد بتاع المستشفى ولا تزعل نفسك ده احنا اخوات ومشي وسابه وهو من جواه بيغلي من الوجع والغضب وندمان انه عمل في نفسه كده وعصام اضايق من كلامه وركب عربيته ومشي وعلي كمان ركب تاكسي ومشي
وبعد شويه وصل قدام شركه سليم وهو متعصب جدا وطلع السلالم على رجليه لحد ماوصل للدور اللي في مكتبه وبقى يمشي في الطرقه وعينيه كلها غضب من شكل اسيا وكلامها وايدي متكوره بغل شديد ورايح في اتجاه المكتب
فتابعت ميرنا بلهفه بس بس رايح فين يا فندم استنى اقول لسليم بيه
علي بعصبيه بيه عليكي وعلى اللي زيك مش علياا اوعي كده وبيمشي
فتابعت ميرنا بخوف يا فندم مينفعش والله ارجوك
علي بعصبيه قولتلك اوعي انتي وزق الباب بعصبيه
فسليم قام وقف وتابع بعصبيه ايه ده انتوا اتجننتوا !! واتصدم لما شاف علي وتابع بحده ايه يا علي مالك في ايه
ميرنا بخوف والله يسليم بيه قولتله اقولك الاول موافقش
سليم بحده خلاص روحي انتي ياميرنا واقفلي وراكي
فميرنا هزت راسها بالموافقه وطلعت وقفلت فتابع سليم بحده قدر انت واقف فين انا مدير الشرركه دي ولياا سمعتي وشكلي دي مش زرريبه
علي راح شده من جاكت بدلته وخبطه في الحيط وتاابع بعصبيه ياريتهااا زريبه على الاقل مفيش حيواان بنديه لقمه بيغدرر بيناا بالعكس بيطمر فيهم عن البشرر
سليم بعصبيه مالك ياعلي في اييه جاي سخن علياا ليه عملتلك ايه اناا
علي بعصبيه انت متقدرش تعملي حااجه بس مد ايديك على اسياا ده مش هيعدي بالسااهل علشاان لاعااش ولا كاان اللي يمد ايديه على اختي واخوهاا حسه في الدنياا وضربه بالبوكس بقوه فسليم صرخ بألم وتابع بعصبيه هي لحقت تشتكيلك ده ليله اهلهاا سوداا معاياا
علي بعصبيه متقدرش تعملها حاجه ولا انت ولا اهلك وخدتها وهتقعد في بيت ابوها معززه مكرمه ووريني اخررك ايه
سليم اتصدم وتابع بعصبيه هي كمان نزلت معااك !! طب اقسم بالله العظيم هموتهاا واطلع عينيها ازااي تمشي من وراياا وانا منبه عليهاا مفيش نزوول ولا انت هتخترع اصوول من عنددك ؟!!
علي بعصبيه طب اانا عايز اشوفك بترفع عينيك لاسياا يسليم وانا وكتااب ربناا عاادي بنسبالي ادخل فيك السجن بس مشوفش دموع اختي لان اسيا دي بنتي انا اللي مربيهاا ولو انت تعرف الاصوول صح وبتصون الاماانه اللي سلمتهالك بدمووعي فمتستقوااش على ست وتمد ايديك عليهاا ومش اي ست دي مرااتك وام بنتك واللي يااما شالت بيتك وحاافظت عليه فمش ده جزااتها تبهدلها وتهينها وتتريق على شكلهاا لو عاايزها زي البناات الزباله اللي حواليك اللي جايين يغروك دوول دب ايديك في جيبك واديها فلوس وقولها روحي اعملي واعملي وهي عمرهاا ماهتقول لا انما اسياا مشافتش معااك غير التعب وكانت شغاله ففين رااحه البال اللي تخليها تهتم بنفسها طول الوقت
سليم بعصبيه والله قولتها تسيب الشغل وتهتم ببيتها وبنتهاا متحسسينش اني كنت بجبرها ولا بعذبها
علي بعصبيه وسابته شافت منك ايه غير القسووه بردو ؟؟
سليم بعصبيه بقولك ايه متدخلش نفسك ورجعلي مرااتي وانا هحل معاها مشاكل بمعرفتي بدل ما والله العظيم القانون يرجعهالي
علي ضربه بالبوكس بقوه وتابع بعصبيبه انت بتهددني يحيوان يا ابن الكلب !! طب محاكم بمحااكم بقى نرفع قضيه خلع واريحهاا منك خاالص ولما تعرف قيمتها وتحترمها نفكر نردهالك ولالا
سليم بعصبيه طب تبقى تعمل كده وانا بهدل بكرامتها الاارض هي رايحه تسخنك علياا ومبتقولش اللي هي بتعمله ؟!! يعلي اختك بتحرمني من حقي من سااعه ما رجعت من قاعدتهاا مع حبيب القلب و اول خلاف بيناا كان بسببه بردو ومفيش حد يستحمل كدده
علي بعصبيه اسياا قالتلي كل حااجه وفارس كان بيسالها عني مش اكترر من كده واحترم نفسك وانت بتتكلم عنهاا علشان الراجل اللي يقول ان مراته بتحب غيره ده مش راجل ووسخ ولو غلطت مره وانت ضربتهاا وربيتهاا فاهي اشتارتك انت وحبك وبيتك وحيااتكم الف مرره بس انت اللي مبيطمرش فيك ونسيت كل الحلو اللي شوفته منها
سليم بعصبيه طب ورحمه ابوياا يعلي علشان قله ادبها وحكاويها في مشاكلنا كده لهربيها من اول وجديد وهرجعها بيتي وعاايزك توريني ساعتها هتعمل ايه
علي رفع رجليه ضربه في بطنه بقوه فسليم صرخ بوجع فعلي ضربه تاني بغل بالبوكس فوقع على مكتبه فشفايفه اتعورت ووقع على الارض وكل حاجه كانت على المكتب وقعت معاه فتابع علي بعصبيه هعمل كتيير اوي بس عايزك تفكر تمد ايديك عليهاا تاني ولا تاخدهاا من غير رضاايا ورضاهاا واقسم بالله وغلاوه تولين بنتك عندي اللي انت مبقتش مقدر قيمتها لساعتها اكسرلك ايديك واندمك على حالك العمر كله علشان كله الا بنااتي يا سليم واسياا ابوها واخوها وسندها عايش هي مش بطولها علشان تستقوى عليها وضربه برجله بقوه في بطنه وهو واقع فسليم صرخ بألم فتابع علي بضيق اشكال زباله وبصق عليه وخرج فسليم فضل يتألم بوجع فدخلت ميرنا وقفلت الباب وتابعت بخوف ينهاار اسود سلييم مالك في ايه
سليم بتعب ميرنا تعالي قوميني مش قادر
فميرنا راحت بسرعه قومته وهي بتعيط وتابعت بخوف يالهوي بوقك بيجيب دم يسليم وايديك متعوره
سليم قام معاها وتابع بوجع اااه اتخبطت في ازاز المكتب فاتكسر عور ايدي ووشي
ميرنا بحده ودموع ليه كل ده ومين علي ده اصلاا وقعدته على الكنبه
فتابع سليم بعصبيه اخو بنت الكلاب مرااتي واتاوه بوجع من جسمه وتابع بس ورحمه ابويا ماهعديهالها
ميرنا بدموع اهدى طيب حقك عليا وقوم اروحك كفايه شغل انهارده
سليم بتعب تعبان حقيقي مش قادر هقوم امشي وقولي لحد ينضف المكتب ده ويشيل كل الازاز
ميرنا بدموع حاضر والله قوم يلا وسندته فتابع سليم بتعب ميرنا اوعي انتي انا هنزل علشان مش ناقص رغي من حد لو شافونا كده
ميرنا بدموع طب اسبقني وانا هنزل وراك طيب بس اقول لحد يرتب المكتب
سليم ابتسم بتعب وتابع ماشي واتسند ينزل بالفعل وشويه وميرنا وصت العمال ينضفوا المكتب ونزلت ركبت جنبه في عربيته وتابعت بحزن ها هتروح فين
سليم بتعب مش عارف بس اكيد شقتي اللي في المعادي مش غاير البيت انهارده
ميرنا بحزن طب انزل نركب اوبر ولا حاجه متسوقش وانت كده
سليم بتنهيده كلها تعب تابع خلاص ماشي يلا وبالفعل نزلوا وركبوا اوبر وشويه ووصلوا البيت وميرنا سندت سليم وطلعت بيه الشقه ودخلوا وقعدته في اوضته على السرير فسليم رجع ضهره لورا وتألم بوجع شديد فتابعت ميرنا بحزن حقك عليا انا والله وقلعته جاكت بدلته ورمته على جنب وقعدت قدامه وهي قريبه منه وتابعت بحزن سلامتك يحبيبي ضربه في ايديه ياارب
سليم ابتسم بتعب وتابع متقلقيش انا كويس
ميرنا بدموع مقلقش ايه بس انت مش شايف منظر وشك وارم ازاي بجد وازرق اوي ومدت ايديها بتفتح اول كام زرار من قميصه علشان ياخد نفسه
فسليم حط ايديه على ايديها وضحك وتابع ايه واحشتك ولا ايه
ميرنا ابتسمت وتابعت انت بتوحشني علطول مش دلوقتي بس وبعدين انا بفتحه علشان تاخد نفسك بس بما اني جيت وماله اهو انسيك تعبك ده وقربت باسته بعمق وهي بتفتح زراير قميصه وسليم اتعدل وشدها ليه اكتر وقاطعه صوت رنه فونه فبعد عنها وتابع بضحك ثواني يميرنا معلش
ميرنا بضحك ده انت فصيل والله ونامت جنبه ودخلت في حضنه وسليم ضحك وطلع فونه ورد وتابع ايوه ياشيري
شيري بحده وضيق: انت فين ياسليم مجتش ليه كل ده ؟؟؟
سليم فضل يضحك وتابع انا قولت والله محدش ليه مصلحه يطفش اسيا من البيت غيرك