رواية مهرة العز الجزء الثاني2 الفصل التاسع9 بقلم مريم حسين
سلوى بصدمة:هو انتتتتت؟؟؟؟
زياد بملل:ايوة انا......يلا انجزي.......
سلوى:بس ازاي..........فهمني.....انت بتشتغل معاهم من زمان ولا اس مش فاهمه حاجه
زياد بلامبالاه: مش مهم تفهمي......المهم تجيبي الملف قبل ماحد يشوفنا ونروح في داهية.......
سلوى:تمام تمام....ثواني......ومدت ايدها جابت الملف من الشنطة وادتهوله........زياد خد الملف يتأكد ولما عرف ان هو الملف اللي عايزينه...ابتسم بانتصار......وبعدين قالها:ممنوع حد يعرف ان انا ليا علاقة بيكي مفهوم...
سلوى بخوف:مفهوم مفهوم......
وبعدين سابها ومشى وهي خدت حاجتها ومشت......
عز من بعيد بسخريه:كنت عارف.......
عزيز:انا شوفت الشخص ده فين.........اي ده....مش ده المفروض اللي كان خطيب مهرة.....
عز:ايوة هو
عزيز:وانت عارف....
عز:عارفه من اول ماشوفته بس عملت نفسي مش واخد بالي عشان متكشفش
عزيز:ومهرة تعرف
عز:قولتلها امبارح
عزيز:طب وانت عارفه منين
عز بسخرية:لاني شوفته.........ولما لاقيته مع مهرة اتأكدت وقولت لازم اعرف عنه كل حاجه لان هو ده اللي هيوصلني للراس الكبيره
عزيز:طب مهو ممكن هو الراس الكبيرة
عز:لا.....ده بيشتغل عنده
عزيز:طب وانت حاسس انك كدا صح يعني مش يمكن يعرفو اننا قفشناهم لما يعرفو ان الملف مزور
عز:الملف الأصلي معاهم......مش مزور
عزيز بصدمة:اييييي...طب طب والقضية
عز:معتش حاجه تهمني دلوقتي غير أن أعرف دول مين وان كان ع الملف ف لنا عندي نسخه منه وهما كدا كدا مش هيستفادو منه حاجه لاني معرفش عنهم حاجه يعني مش هيعرفو انا ماشي ازاي او بفكر في اي
عزيز:طب وانت مقولتش ليه
عز:عشان عايز كل حاجه تمشي زي منا عايز.......
عزيز:طب ماكنا مشينا وراه وعرفنا هو رايح فين...
عز:رايح البيت لأنه مش هيبقى واثق دلوقتي يروح للراس الكبيرة.........
عزيز:حاسس اننا بنقرب.......وبعدين فونه رن وكانت كارما وافتكر الميعاد معاها وقاله طب عن اذنك بقى عندي مشوار لازم اعمله....سلام
وعز ركب عربيته وراح على المقابر.........
عز:حقك قرب يرجع ي سلمى متقلقيش كلها ٢٤ساعه وتنامي مرتاحة بعد كدا
وقعد جنب قبرها وفضل يفتكر كل حاجه من اول قتل سلمى لحد الان وعمل فلاش باك لذكرياته كلها.......
♡♡♡♡♡♡♡♡♡flash back ♡♡♡♡♡♡♡♡♡♡
المجهول وهو لابس القناع وبيحاول مع سلوى كان في شخص ظهر ف الفيديو من بعيد لقطة بسرعة كدا وهو معدي والشخص ده هو زياد وطبعا محدش كان خد باله منه خالص لانه عدى بسرعة بس عز كان مركز اوي مع كل كلمة وكل حركة في الفيديو ولدرجة انه عاد الفيديو اكتر من مرة عشان يعرف ده مين ومع التصوير البطيء قدر يعرف عز ده مين من هيئته ولما عز حاول يعرف عنه اي حاجه معرفش غير كام حاجة سطحيه وانه كان انسان عادي وبسيط وفجأة بقى معاه ثروة تقدر تعيشه العمر كله مرتاح بس طبعا ده في السر مكنش حد يعرف الثروة دي جت منين ولما عز عمل عنه تحريات اتضح انه ليه في كل حاجه يعني سلاح تلاقي.....اثار*تلاقي....اعضاء**تلاقي......ليه ف كل حاجه والريس بيعتبره الدراع الكبير ليه لانه بيشتغل معاه من زمان وعارف عنه حاجات كتير ولما عز كلف اسر انه يخلي ناس تراقبه وتعرف عنه كل كبيرة وصغيرة عرفو بعدها انه كان في صفقة اثار**واتضحك عليهم وخسرو فلوس كتير ورجالة كتير من عندهم ف الريس عاقب زياد انه متوقف عن الشغل لمدة ٣ شهور وفي ال٣ شهور دي زياد قرر انه يكسب ود الريس من تاني ف قاله انا ممكن استحمل اي حاجة ي ريس الا انك متكنش راضي عني والريس وقتها قاله هسامحك بس بشرط لو عرفت تجيب لينا بضاعه تكون سليمة لان الدكتور داستين هوفمان محتاج بضاعة سليمة وتكون لسه بصحتها يعني ميكونش عندها اي أمراض لانه هيعمل عمليه لبنت فيتنز صاحب شركات فيتنز جيرالد للعقارات بنته محتاجة زراعة قلب بعد ماتم الهجوم عليها ك تهديد لوالدها......ودلوقتي عايزك تدور ليا ع واحدة كويسة وتكون ف عمرها هبعتلك كل التفاصيل وتكون جايب ليا البنت هنا خلال يومين وتكون سلمية مش بتعاني من اي أمراض لأنها هتبقى مكسب كبير اوي لينا لو نفذنا العملية دي.......زياد بتفكير تمام هحاول الاقي بنت في خلال يومين وقفل معاه وقال لازم يلاقيها عشان يرجع الريس يثق فيه من اول وجديد وبعدها رن على الست اللي كانت بتجيب ليه البنات او تعرفه أماكنهم وهما يتصرفوا بمقابل انها تاخد مبلغ مالي كويس ولما رن عليها قالتله ان في واحدة عندها نفس المواصفات اللي قال عليها بس البنت دي مش سهلة خالص انها تتجاب بسهولة لأنها مبتثقش في حد ولا بتحبها والبنت دي تبقى بنت جوزها وهي مهرة......ف زياد اتفق مع عبير انه هيحاول يجي البيت بحجه انه جاي يتقدم ولو عجبته هحاول هو يتصرف وياخدها ب اي طريقة وفي الوقت ده كانت عبير بتكره مهرة وعايزة تتخلص منها وطبعا عز كلن عرف كل ده من اسر لما زرع واحد عند زياد ف المكتب وبقى يقوله كل تحركاته ومراقب تلفوناته وفي الوقت اللي كان زياد خرج فيه من عند مهرة ورن ع الريس وقاله انه لقى البنت اخيرا وفي خلال ساعتين تلاتة بالكتير هتكون عنده لان زياد كان اتنرفز منها من اللي عملته معاه ف قرر انها هتكون هي دي البنت ولما الريس طلب منه يبعت ليها صورة ف زياد بعتله صورة ليها ومن هنا عز شاف صورتها وكان رايح ف الوقت ده البيت اللي في مهرة عشان كان هياخدها قبل ما حد يأذيها لان من واجبه انه يحمي اي مواطن حتى لو خسر.....ف كان ماشي بسرعه في الوقت ده عايز يلحق يروح البيت بحجه اي حاحه ويقبض عليها قدام الناس عشان يحميها بس من حظه اما هي طلعت قدامه وخبطها بالعربية وقتها ابتسم وقال لو الحظ بيلعب معايا مش هتقعي في طريقي عشان كدا اخدها ع المستشفى وكان ناوي يحكيلها وتساعده تعرف اي معلومة من مرات ابوها بس الحظ لعب اكتر معاه لما هي فقدت الذاكرة لان هي كدا مش هتبقى عارفة هي مين وهتبقى في امان اكتر لو اخدها معاه البيت مع انه كان ممكن يعرف هي مين بسهولة ويروح ويسأل من مكان الحادثة او يسيبها ف المستشفى لحد ماحد يسأل عليها يعني كان في كذا طريقة يعرف يرجع مهرة بيها لأهلها بس هو كان عاوز كدا عشان يقدر انه يحميها ولما زياد عرف من عبير اتجنن وبقى يدور عليها ف كل مكان.........بس اضطر انه يجيب واحدة تانيه للأسف وبقت ضحيه عشان الريس يرضى عنه بس بردو كان لسه عايز ينتقم من مهرة بسبب الإهانة اللي وجهتهاله ولما اختفت سبب الحادثة كان متوعد ليها اما ترجع او تظهر هتكون نهايتها على ايده وكل تحركاته كان عز بيعرفها خطوة بخطوة وكمان لانه حب مهرة وخاف عليها بس لما عرف ان زياد بقى بيدور عليها في كل المستشفيات وانه لو عرف انها عنده كدا ممكن يشك ويعرف ان عز عرف حاجه وساعتها هيغيرو كل تحركاتهم وخططهم وعز يفشل انه يقبض عليهم عشان كدا عز قرر انه يستعين بعزيز اللي كان مسافر إنجلترا ب أمر من عز عشان يعرف كل تحركاتهم خصوصا انه دكتور ولو زرع نفسه وسطهم ساعتها هيقدر يعرف كل اللي بيخططو ليه او ع الاقل مين اللي اللي بتمشي كل دول..........وفعلا عزيز سافر قبل سنتين لما عز طلب منه يسافر إنجلترا عشان يقرب من فيتنز عشان يثق فيه ويخليه يدخل في العمليات معاهم وفعلا عزيز دخل وسطهم وشوية شوية بقى قريب من فيتنز وبقى ليه كلمه هناك وفعلا اي كلمه او اي حركه كدا أو كدا كلن بيعرف بيها عز اول بأول ولدرجة انهم كانو مفكرين ان فيتنز ده رئيس العصابة لحد ماعزيز سمعه ف يوم بيتكلم ف الفون ومن المحادثه اللي سمعها عرف ان فيتنز بيشتغل عنده زيه زي زياد ف عزيز مش هيعرف اي حاجه لو فضل معاهم بس في يوم سمع مكالمه ليه مسجله الريس بيقول فيها ل فيتنز ان سلوى قدر يوصلها وخلاها تنزل مصر عشان هي الوحيدة اللي هتعرف تجيب من عز الملف وقتها عزيز رن ع عز وعرفه وعز قاله ينهي كل حاجه وينزل لانه خطته هتتغير ويحاول يقرب من سلوى وده بالفعل هو كان عارف انها نازلة مصر وهتيجي عليه وكان مرتب ليها انه هيخدعها بحبه بس مكنش يعرف وقتها انه اتعلق بمهرة وحبها هي عشان كدا قرر يبعد مهرة عن كل اللعب ده لانه مش هيبقى حمل انه يخسرها ومينفعش يحكيلها اي حاجه خالص لأنها ممكن الخطر يزيد عليها لو عرفت حاجه عشان كدا اما شافها مع زياد واتفاجأ قرر يقولها انه اتصدم لما عرف ان سلوى ليها يد ف الموضوع والفيديو اللي اتبعتله ليلتها مع ان مفيش حاجه كانت اتبعتت ليه بس هو عمل كدا عشان خاطر يحميها من زياد وعبير والناس دي كلها وهو مجهز ليهم خطه يوم الفرح هتجيبهم كلهم الأرض وبالذات عبير دي لانه بيكرهاا من عمايلها ف مهرة وانها كانت ناوية تقتلها ويوم ماشافوها ف المول قلبه كان وقع لتقوم قايلة انها تعرفها وتاخدها بس ارتاح لما هي أنكرت يمكن دي الحاجه الوحيدة اللي عجبته فيها بس ده مش مبرر خالص انها تتعافى حتى لو اتغيرت دي كانت سبب في موت أرواح بريئه كتير ولازم تاخد جزائها هي وزياد اللي كان خايف عليها جدا منه لما بعتها ليه بس هو كان متأكد انه مش هيعملها حاجه.........ولحد الان عز عمال يفكر في كل حاجه من وقت موت سلمي لحد دلوقتي كان بيقرب خلاص وهيعرف قريب مين الشخص اللي ورا كل ده....هو كدا خطته نجحت بشكل كبير جدا من ساعه الفيديو بتاع سلوى اللي جابه من عند مصطفى اما مات وعمل تحريات وقتها قدر يوصل للفيديو ده في بيت مصطفى.....ومن وقتها وهو ماشي ع خطته عشان يقبض عليهم ف الاخر ويوقعهم ويمكن شوية حاجات اتغيرت كتير ف خطته....مكنش عامل حسابها زي مهرة ويمكن خطته طولت....بس ماشية صح......
♡♡♡♡♡♡♡♡♡♡♡Back♡♡♡♡♡♡♡♡♡♡♡♡
بعدها فاق من ذكرياته على صوت الفون.......
اسر:فينك يبني بقالك يومين مختفى..........
عز:مفيش كنت مشغول بس ..
اسر:صوتك مش طبيعي في اي.....
عز:ولا حاجه.......محتاج ابقى مع نفسي شوية بس.....
اسر:اه.......
طب قولي يلا انت فين.......ومتقوليش لا ومش لا....أنجز يلا وقولي مكانك.......
عز:في المقابر
اسر باستغراب:مقابر؟؟بتعمل اي هناك
عز بتنهيدة:بفضفض شوية......
اسر باستعجال: تمام....انا جايلك.......وقفل وراح ليه.......
🦋♡♡♡♡♡♡♡♡🦋
عند مهرة كان اليوم بتاعها فاضي مفيش اي محاضرات ولا اي حاجه تعملها وقاعدة بزهق قدام التلفزيون ودماغها في دوامة من التفكير وعمالة تقول امتى هيخلصو من الكابوس ده ويعيشو حياة طبيعيه....قطع تفكيرها جرس الباب وقامت تفتح لقتها رفيف.......
رفيف بخنقة:اخبارك اي ياللي مبتسأليش.....
مهرة باستغراب:ماله صوتك...
رفيف بتنهيدة:طب ادخل بس واحكيلك كل حاجه.......
ودخلو ورفيف حكت لمهؤة كل حاجه حصلت معاها ف الكافيه مع أسر وبقت تعيط وهي بتحكي
مهرة بابتسامه وحضنتها:بس ي هبلة.........بطلي عياط.......وفضلت تهدي فيها شوية لحد مافعلا رفيف هدت وقالتلها مبيحبنيش.......بيضحك عليا
مهرة:يعني هو لو مش بيحبك هيجي وراكي ليه ويقولك اللي قاله.......لي......وبعدين متنسيش انه عمل كدا من معاملتك معاه يعني انتي الغلطانة م هو.......وهو لو بيحبها فعلا زي مابتقولي مش هيسيبها ويجري وراكي انتي.........ع فكرة انتي السبب فكل ده انتي اللي بتضيعيه من ايدك وترجعي تعيطي وتندمي ف الاخر.........
رفيف بتفكير:بس.....قطعتها مهرة....مبسش اسكتي بقى وبطلي تفكير وتعالي يلا نقوم نعمل حاجه ناكلها...........
🦋♡♡♡♡♡♡♡♡🦋
سلوى كانت رجعت البيت لقت مامتها وباباها وصلو.............
سلوى بصدمه:ماما......بابا.... وجرت عليهم بفرحه.......
سلوى بفرحه:وحشتونييييي اوووووووووي اوي اويي..........مامتها بفرحه وانتي والله يحبيبتي وحشتينا جدااااااا.......وباباها قرب عليها وقالها الف مبروك ي حبيبت بابا....وحضنها..........
منى بهمس لمامتها:اي جو افلام التسعينات ده..
نجوى بهمس:اتكتمي..........
وبعدين نجوى بصوت عالي:والله نورتونا ياجماعه اتفضلو اتفضلو........
ماجدة مامت سلوى:اخبار العروسه اي
سلوى بفرحه:اكتر مخلوقة سعيدة ف الدنيا ....
ماحدة:ربنا يديم السعادة لقلبك ي حبيبتي.......كنتي فين
سلوى:كنت في مشوار كدا بسيط مع صاحبتي
ماجدة:لا كفاية بقى انتي لازم تقعدي ترتاحي النهاردة.....بكرة فرحك يحبيبتي ولازم ترتاحي
سلوى مش مصدقه ان بكرة فرحها فعلاا.......ع حبيب عمرها......قالت بتنهيدة...يااااه واخيراااااااا
🦋♡♡♡♡♡♡♡♡🦋
عند زياد خد الملف ورجع ع البيت وفضل يفكر شوية........
هيخلص امتى من عز والمشاكل دي عشان ترجع حياته طبيعيه زي الاول ودايرة الشك تبعد عنه..........لانه ايقن ان عز شاكك فيه لما مهرة راحت ليه قدر يحس انها لعبة منهم......بس مش متأكد عشان كدا معملش حاجه في مهرة.........لأنها يمكن تكون حست بالندم فعلا ورجعت تعتذر بجد زي مابتقول.....ف الشك كان مخليه عمال يفكر.......لحد ماقطع اتصاله زعيم العصابة وقاله انه هيقابله بكرة في فرح عز.....ويستلم منه الملف عشان عز مش مضمون وممكن يكونوا متراقبين خصوصا ان زياد كشف نفسه.....بس بكرة عز هيبقى مشغول......ومش هيبقى مركز اوي مين ف الحفلة ومين لا....
🦋♡♡♡♡♡♡♡♡🦋
عند مهرة.........كانت قاعدة مع شمس بيختارو هيلبسوا ايه في الحفله بكرة وشمس بقلق:مهرة انتي كويسة؟؟؟؟
مهرة باستغراب:ايوة.....لي السؤال.........
شمس:انتي بتجهزي هتلبسي ايه بكرا في فرح عز اللي هو المفروض كان........قاطعتها مهرة وقالت كان ومازال صديقي وعمره مايبقى غير كدا........
برا في الصالة عند عبير......كانت قاعدة وبتفكر ياترى لو عرفوا الحقيقه هيحصل فيها اي.......وكانت عمالة تفكر في كل اللي فات.....وقالت مفيش حاجه تهمني غير شمس.......شمس وبس....ومستحيل اسمح لحد انه ياخدها مني او يبعدني عنها حتى لو هقتل انا ب ايدي.......
جوة عند مهرة بعد ماشمس خرجت.....رن عليها زياد وقالها انه جاي معاها الحفلة عشان تبقى حجه يعرف يدخل بيها....وهي قالتله اكيد طبعا انت تنور ...وقفلت معاه وكلمت عز من الفون التاني وقالتله ان زياد قالها كدا
عز بابتسامه:تمام.........ابقى هاتي عبير معاكي
مهرة باستغراب: عبير!!!
عز بغموض:امممم
مهرة:بس انا كنت هجيب شمس بس...اي هيخليني اجيب عبير.......
عز:عبير وباباكي....وشمس....عايزكم كلكم بكرة تكونو موجدين عشان انتو عيلتي التانيه.....
مهرة بابتسامه: اوكي.....يلا بقى تصبح ع خير
عز بخفوت:وانتي من اهلي
مهرة بضحك:سمعتك ع فكرة......وقفلت ف وشه
عز بابتسامه: هبلة.....
مهرة خرجت برا وقالت لعبير ورؤوف اللي كانو قاعدين وقالتلهم عز عازمكم بكرة ع فرحه وكدا وبيتمنى مترفضوش الدعوة
رؤوف فهم ان فيه حاجه عشان كدا وافق وعبير ماصدقت تروح مكان زي ده ووافقت ع طول.......
🦋♡♡♡♡♡♡♡♡🦋
يوم الفرح الصبح💫
عند عز قام ونزل لقاهم قاعدين بيفطرو وكأنهم هيحضروا جنازة ابنهم مش فرحه.....
عز بابتسامه مزيفه: صباح الورد
نجوى بحزن:صباح الخير............
عز لام سلوى:عاملة اي ي امي........قامت حضنته......وقالتله وحشتني اوي ي عز.....وكذلك ابوها
وهو بشوق:وانتو كمان وحشتوني اوووي
مامت سلوى بشك:عز.....
عز:ايوة
مامت سلوى:انت مبسوط يبني؟؟؟؟؟
عز مردش عليها بس بأن على عينيه...وهي فهمت..
عز:فين عزيز؟؟؟؟
لؤي:خرج قال عنده عملية مستعجلة
عز لف ضهره وخارج
احمد:ع فين ي عريس......مش هتفطر......
عز:لا عندي مشوار مهم هعمله وافطر ع طول.....
مامت سلوى:طب مش عايز تعرف سلوى فين ولا عادي
عز بابتسامه: عارف.....عند الكوافير......وسابهم وخرج......
عز في العربية رن ع عزيز
عزيز باستفزاز: صباح الخير ي عريس اكيد الفرحه مش سايعاك.....
عز ببرود وهو بيلف الدريكسيون:امممم.....اكيد مش سايعاني.....النهاردة نهاية اللعبة لازم ابقى مبسوط...لان انا البطل
عزيز بضحك:طب افرض النهاية اتغيرت يعم البطل
عز بغموض:نبدلها من الاول....المهم متخلصش غير وانا البطل......
عزيز :طيب طيب مش وقت فلسفه...المهم انا عملت كل اللي قولتلي عليه وكل جاهز.....
عز:متأكد انك عزمت كله محدش ناسيه
عزيز:طب بذمتك حد ينسى تجار الاعضاء*****اللي شغال معاهم 3سنين بردو
عز:متأكد انهم ميعرفوش جاين فرح مين
عزيز:لا يعم قولتلهم امبارح انه فرح اخويا ولازم يحضروا اكيد......وانت عارف الأجانب مبيفوتوش عزومة واحدة......
عز:طب اول مايوصلوا روح ع المطار ع طول واستقبلهم انت وحاول ميعرفوش ده فرح مين لأنهم ممكن يكونو سامعين عني من طرف العصابة
عزيز:اوكي....عز :يلا سلام.......
عز قفل معاه ورن ع اسر
اسر بلماضة:العريس ذات نفسه بيرن عليا
عز:اكتم ي لمض......عملت اللي قولتلك عليه امبارح
اسر:يس اوف كورس.....كله ف التمام منه متقلقش.....
عز:تمام....وقفل في وشه......
وبعدين رن ع مهرة: مهرة بنوم Bonjour
عز بابتسامه: اهو هو ده الصباح اللي يترد عليه بنفس ....Bonjour
مهرة بضحك:لي هو مين صبح عليك قبلي؟
عز:هو في غيرهم.....عزيز واسر.....المهم عملتي اي ف اللي قولتلك عليه امبارح
مهرة بابتسامه: بابا وافق وعبير بردو
عز بابتسامه: حلو.....
مهرة بشك:مش عارفه لي حاسة ان فيه حاجه......انا مصدقتش تبريرك امبارح ع فكرة...مش مطمنالك.....
عز بضحك: مش مطمنالي.....ليه هخطف اهلك مثلا ولا اي
مهرة بضحك:يمكن......
عز بجدية:مهرة
مهرة:ايوة
عز:واثقة فيا
مهرة بثقه:طبعا واثقه فيك
عز بابتسامه: خلاص مش عايزك تقلقي من حاجه طول منتي معايا......يلا عاوزة حاجه هقفل دلوقتي ورايا حاجه مهمه لازم اعملها
مهرة بابتسامه: مع السلامه........
🦋♡♡♡♡♡♡♡♡🦋
عند سلوى الفرحه مكنتش سايعاها لو كان عندها أجنحة كان فاتها طارت من سعادتها..........
وحواليها اصحابها وكلهم مبسوطين
سلوى بفرحه:حد يقرصني كدا....حاسة اني في حلم
صاحبتها بضحك: طب لو طلعتي في حلم هتعملي اي
سلوى بجنون:هفضل فيه طول عمري مش عايزة اصحى منه خالص
وفضلوا يضحكوا.....
🦋♡♡♡♡♡♡♡♡🦋
عند عز وصل عند المقابر وواقف بجمود........
عز:الليلة اول ليلة هنام فيها وانا راضي وضميري مرتاح...حقك فاضل عليه ساعات وتنامي مرتاحه في تربتك ي سلمى وكل واحد كلن السبب في اللي حصل هيتعاقب النهاردة وهياخد جزائه وأولهم اختك اللي فضلت نفسها وحياتها عليكي انتي وابنك.......
نزل دمعه من عينه وقالها وسليم كمان وحشني اويي كنت كل يوم بنام وانا بتمنى مقومش واجي ليكم في أقرب وقت.....بس من ساعه مامهرة دخلت حياتي وحياتي اتغيرت ومن النهاردة هبدأ صفحه جديدة وهعيش حياة جديدة واوعدك هحافظ عليها مش هكرر غلطي مرتين انا عارف انك مبسوطة دلوقتي اني اخيرا فوقت لنفسي وهعيش حياتي طبيعي وعارف أن كلها كام ساعه وهتنامي مرتاحه بعد ماحقك يرجعلك......
سلام ي ذكرى حلوة في حياتي........
🦋♡♡♡♡♡♡♡🦋
الساعه 7المغرب وقت التحضير
مهرة واقفه قدام مرايتها وهي لابسة فستان purple
وعامله شعرها ويفي وسايباه مفرود على ضهرها......وحاطه ميكب سيمبل وواقفه بتبص لنفسها بغرور ومبسوطه اوي وفجأة قلبها اتقبض وخافت اوي وحست ان حاجه هتحصل..............
لقراءة باقي الفصول من هنا
لقراءة الجزء الاول جميع الفصول كامله من هنا