انا مش هرتاح غير لما تلاقوها انتو فاهمين يا غجر
الغفر بخوف: يا حضرة العمده دي سابت الصعيد من شهرين و اللي سمعناه انها سافرت مصر واتجوزت.
العمدة بغل: تقلب الدنيا عليها وتجيبوهالي حتي لو رجعت بطن امها مش انا اللي حتة بت مفعوصه تعمل كده معايا.
الغفر بخوف: تحت امرك يا عمدة من بكرا الصبح هنسافرو ونقلبو المدن عليها
العمدة بغيظ بيسيبهم ويمشي: ماشي يا جميلة انا هوريكي كيف تهربي مني و تروحي تتجوزي غيري ماشي.
بيدخل الدوار وامه بتبص له بغيظ..
_ خير ياما بتبص لي كده ليه.
امه ببرود: لحد امته يا ولدي هتسيب مصالحك وشغلك وتلف لي ورا بت عمك اللي حطت راسك في الطين وهربت منك وراحت لغيرك.
كمال بغضب: يامااااه.
امه بغضب: يامه اي وزفت اي عاد انت خليت فيها امه البت دي لازم تجيبها من شعرها ومترحمهاش لكن حذاري تتجوزها دي طول عمرها مناخيرها في السماء.
كمال بغل: مناخيرها دي انا هكسرهالها وهربيها من اول وجديد
امه بسخرية: هنشوف يا ولد حسان هنشوف.
في مكان ما في مصر..
كانت قاعده علي الكنبة وجوزها نايم علي رجليها بحب..
جميله بحنان: مالك يا حبيبي حاسه انك مضايق.
رؤوف بحنان: لا يا حبيبتي انا كويس بفكر في حياتنا الجايه.
جميلة باستغراب: بتفكر في حياتنا الجايه ازاي.
رؤوف بابتسامة: في مستقبلنا الجاي انه اعمل مشروع علي قدي.
جميلة بابتسامة: فكره حلوة وانا معاك يا حبيبي وهقف جنبك.
رؤوف باس ايديها: يا حبيبتي انتي ربنا يخليكي ليا وميحرمنيش منك ابدا دايما جنبي وسندي
جميلة بتوتر: بس انا خايفة.
رؤؤف باستغراب: من اي.
جميلة بخوف: من اهلي زمانهم طالبين الدنيا عليا وخايفه يلاقوني و ياخدوني منك .. وانا مش هستحمل اكون بعيدة عنك.
رؤؤف بحنان: يا حبيبتي احنا بقالنا شهرين اهو مع بعض ومحصلش حاجه الحمد لله فا متشليش هم حاجه وسيبي كل حاجه علي ربنا.
جميلة بهدؤء: ونعم بالله بس حاسة اني مش مطمنه .
رؤؤف بحنان: معقولة تقولي كدا وانا جنبك وبعدين اهلك اي دول انتي اصلا مولودة هنا و متربية هنا لولا بس الظروف اللي حصلت وموت ابوكي وانتي روحتي عيشتي هناك سنتين.
جميلة بسخرية: وفي السنتين دول كمال كان هيموت ويتجوزني وانا عمري ما طقته لا هو ولا امه.
رؤؤف بغيرة: خلاص ماضي واتقفل انا دلوقتي الحاضر صح يا روحي.
جميلة بحنان: صح ياحبيبي ربنا يديك ليا
تاني يوم...
جميلة صحت ودخلت تحضر الفطار
جميلة بحب: صباح الخير يا حبيبي فوق كده علشان نفطرو
رؤؤف لسه هيرد عليها لاقي باب الشقه اتكسر ودخل غفر و معاهم كمال..
جميلة بخوف: كمال.
كمال ببرود: صباح النور يا بت عمي انا قولت اصبح انا عليكي.
رؤؤف بغضب: انت اي اللي جابك هنا أنا هوديك في داهيه وهبلغ الشرطه
كمال ببرود للغفر: هاتوهوملي
جميلة بخوف: يجيبونا علي فين.
رؤؤف كان قايم ضربوه علي راسه فقد الواعي.
جميلة بخوف جريت عليه: رؤؤف لااا ابعدوا عننا رؤؤف
فوق
مسكها كمال من شعرها: للدرجة دي خايفه عليه دا انتي ليلتك مش هتعدي يا بت عمي تعالي.
جميلة بتزقه: ابعد عنيييي يا ناااس الحقووونيييي.
كمال طلع منديل من جيبه وخدرها وهي وقعت بين ايده..
كمال ببرود للغفر: هاتوا الكلب دا وحصلوني.
الغفر: تحت امرك يا كبير.
خد جميلة ونزل و الغفر شالوا رؤؤف ونزلوا....
بعد عدة ساعات في مخزن الدوار.. جميلة بتصحا بدوخه: اممم انا فين.
بتبص بتلاقي رؤؤف مربوط قدمها وفاقد الواعي: رؤؤف
رؤؤف فتح عينه بتعب: ااه دماغي.
: اخيرا صحيتوا يا عرسان الغفلة.
جميلة بدموع وخوف: انت عاوز مننا اي سيبنا في حالنا.
كمال بغل: اسيبكم في حالكم اي دنتو بتحلموا .. انا مش هرحمكم واصل.
رؤؤف بغضب: فكني وخليك راجل ل راجل يا جبان.
كمال ببرود: انا مش هرد عليك يا طليق بت عمي
جميلة باستغراب: طليق بت عمك ؟
كمال بخبث: ماهو زي الشاطر كده بهدوء هيطلقك وإلا هخلص عليه
رؤؤف ببرود: علي جثتي جميلة مراتي و مش هتخلي عنها مهما حصل حتي لو هتموتني
كمال طلع مسدسه ببرود: وهوا كذلك انت اللي جنيت علي نفسك..
طخخخخخخخخخخ.
جميلة بصريخ: ررررررؤؤؤؤؤؤؤففففف لاااااا حرام عليك لي كدا رؤؤف اصحا والنبي لااااااااااا.
كمال بغل: كلب وغار كده بقيتي ارملة يا بت عمي.
جميلة بدموع و حقد: بكرهككك بكررهك يا كمال اتفووووو.
بتبص علي رؤؤف وبتنهار: رؤؤف قوم عشان خاطري اتصل بالدكتور والنبي بيجي يلحقه
كمال بيروح و يحلها و بيمسكها من شعرها..
كمال بخبث: دا تمن انك تهربي مني و تتجوزي واحد غريب .. قولتلك قبل كده انك هتكوني ليا و مرتي غصب عنك فاهمةةةةةةةةة.
جميلة تفت في وشه: بقي تقتل جوزي قدام عيني وعايزين اتجوزك ده انت لو اخر واحد في الرجالة دا لو كنت راجل اصلا فا انا مستحيل اتجوزك.
كف قوي بينزل علي وشها..
كمال بغل : انا هوريكي اذا كنت راجل ولا لاه يا بت عمي عدتك هتخلص من هنا وهكتب عليكي ومن دلوقتي لحد ما عدتك تنتهي هتترمي كيف الكلبة هنا ومش هتشوفي النور
جميلة بتنهار و كمال بيأمر الغفر يرموا جثة رؤؤف في الجبل..
بعد شويه...
امه بشماتة: جدع يا ولدي عشان تعرف مين انت وتتعلم الادب.
كمال بابتسامة خبيثة: ولسه ياما دا اني هوريها و هربيها من الاول وجديد.
امه بغيظ: متتجوزهاش يا ولدي ربيها و بس وتكسر مناخيرها اني هجوزك ست ستها.
كمال بجمود: لاه ياما انا عاوزها هيا وبس ومش رايد غيرها.
زينب بغيظ: وانا مش هقبل بيها انها تكون مرتك يا عمدة انت العمدة وتستاهل بت بنوت مش واحدة كيف دي متستاهلش تبص لك حتي لأنك عالي وهيا كيف المداس اللي في رجلك.
كمال ببرود: كفايا ياما بقي انا خدت قراري خلاص ومش باخد اذنك لاه اني بقولك عشان تعملي حسابك اني هتجوزها هيا وبس.
مشي ببرود..
زينب بغل في نفسها: ماشي يا بن بطني وانا مش هخليك تتجوزها ياني يا هيا بنت سليمه العقربة.
عند جميلة.. كانت قاعده منهارة.
جميلة بتوعد: والله العظيم يا كمال لهتشوف انا هعمل فيك اي حسبي الله ونعم الوكيل فيك انا مش هسيب حق جوزي منك لله يا كمال منك لله.
: بتحسبني علي ولدي يا خاطية انتي.
جميله بترفع راسها ليها بقرف:
زينب ببرود: ليكي عين ترفعيها فيا يا بنت سليمة انتي.
جميله ببرود: وميكونش ليا عين لي انتي كاسرة عيني ولا حاجه بالعكس انا اللي كاسرة عينك انتي وابنك بدليل انه خلص علي جوزي من غير ما يعمله له حاجه علشان بس نفسه أنه يتجوزني
زينب بغيظ: لسانك طويل كيف امك الله يجحمها وشكلي هقصلك لسانك ده يا بنت البندر.
جميلة ببرود: امي حرقاكي اوي كدا ليه يا مرات عمي هااا للدرجة دي محروقة منها.
زينب بتمسكها من شعرها: اخرسي قطع لسانك
جميلة ببرود: مش هخرس .. علطول بتكرهي امي عشان ابويا اختارها هيا وانتي كنتي هتموتي عليه علشان تتجوزيه مش كده؟
زينب بغيظ: اتحشمي يا بت انتي.
جميله بحقد: دا انتو هتشوفوا مني السواد انتي وابنك و حياة اغلي ما عندي لهدفعكم التمن غالي اووي و هتقولي بنت سليمة قالت.
زينب ببرود: ولا هتقدري تعملي حاجه اخرك كلام ماسخ وخلاص اسمعي يابت انتي انا مش مش جايه هنا علشان نتخانق .. أنا جايه اهربك من هنا لأني مش عايزه ولدي يتجوزك وهو مصمم عليكي ف اختاري يا تهربي من هنا يا هخلص منك بيدي.
جميلة ببرود: مش ههرب المره دي يا مرات عمي وهتجوز ابنك.
زينب بصدمة: وه انتي اتجننتي ولا اي
جميلة ببرود: ولسه هتشوفي انتي وابنك المرة دي مش ههرب لا المرة دي انا هاخد منكم حقي بأيدي.
زينب بسخرية: يبقي اختارتي العذاب والموت يا بنت سليمة.
جميلة بابتسامة صفراء: العذاب والموت ده هيبقي ليكم مش ليا ويلا امشي من هنا.
زينب بصت ليها بغضب وخرجت..
جميلة بغل: ولسه اللي جاي انيل بكتير انا هوريكم....
تاني يوم الصبح..
كمال كان قاعد بيفطر والغفير جه بيجري: يا عمدة يا حضرة العمده تعالي بسرعه يا عمدة.
كمال بخضة: فيه اي عاد.
الغفير بفزع: الست هانم جميلة طبت ساكته ومش بتنطق واصل و لا عاوزة تفوق
كمال بخوف: ايييي اطلب الحكيمة بسرعه يابن الفرطوس.
الغفير بخوف: حاضر يا عمدة.
جري كمال علي المخزن و زينب قاعده بلا مبالاة بتاكل...
في المخزن جميلة كانت فاقدة واعيها دخل كمال وهو مرعوب وراح عليها..
كمال بخوف: جميلة فيكي اي عاد فوقي كده.
لا رد..
كمال فكها و شالها وخدها علي الدار و طلعها اوضته..
زينب بسخرية: يارب تغطس منك ونخلص منها.
كمال بخوف: جميلة فوقي يا حبيبتي.
لارد...
كمال بزعيق: انتت يا غفيرررر الغبرررة انت فين الحكيمة.
الغفير بيجري ومعه الحكيمة: جت اهي يا عمدة.
كمال بقلق: شوفيها يا دكتوره.
دخلت تكشف عليها و هو خايف.
كمال في سره: يارب ما تموتي دلوقتي يا جميلة لسه لما تمضي لي علي كل حاجه و اكسر مناخيرك وبعدها بأيدي هخلص منك.
بعد شوي...
الحكيمة بهدؤء: هي مكلتش من امبارح وكمان الظاهر انها اتعرضت لصدمة شديدة خدوا بالكم منها.
كمال بهدؤء: يعني هي زينة دلوقتي.
الحكيمة بهدؤء: ايوا ودا العلاج اللي كتبته ليها عن اذنكم.
مشيت و كمال بص ل جميلة بخبث واتنهد ب ارتياح...
بليل..
جميلة صحيت لاقت نفسها في اوضة ما..
زينب دخلت ببرود: صحيتي اخيرا يا بت سليمة.
جميلة لارد.
زينب بغيظ: انا بتكلم معاكي يابت انتي.
جميله قامت ببرود و خرجت من جنبها.
ودا غاظ زينب اكتر...
عند كمال كان قاعد في مكتبه بيشتغل ببرود..
بتدخل جميلة.
كمال بصدمة: جميلة.
جميلة بابتسامة زائفه: ازيك يا بن عمي.
كمال باستغراب من هدؤءها: زين و انتي كيفك دلوقتي.
جميلة بخبث: دا اكتر وقت انا بخير فيه انا مش عارفه اقولك اي.
كمال بعدم فهم: هتقولي اي يا بت عمي مالك كده.
جميلة بدلع: مليش انا بس فوقت وعرفت اني مليش غيركم هنا و غيرك انت يا كمال.
كمال باستغراب: مش فاهم حاجه ناوية علي اي يا بت عمي انتي مش طبيعية ولا تكون الدكتورة عملت فيكي حاجه.
جميلة بدلع وقربت منه: انا اسفه يا كمال علي كل اللي عملته وموافقه كمان علي جوازنا و بالعكس عاوزة الوقت يعدي بسرعه عشان اكون مراتك.
كمال بلع ريقه بتوتر من قربها: احم انتي كويسه ولا شاربة حاجه؟.
جميله بدلع: ليه يا كمال بتقول كدا انا اهو بين ايديك.
كمال بهدؤء: مش مصدق بصراحه.
جميلة بدلع خبيث: لا صدق و انا هقعد هنا لحد اما عديتي تخلص ونتجوز بس عندي شرط.
كمال بسرحان فيها: تؤمري امر.
جميلة بدلع: تعملي فرح كبير والكل يحضر فيه انا عازوة ليلة الكل يحلف بيها ولا تكون عايز تتجوزني كده اي كلام؟
كمال بابتسامة فرح: لا طبعا انا موافق علي كل اللي انتي عاوزاه.
جميله ابتسمت بخبث....
تاني يوم..
كمال نازل من اوضته لاقي جميلة بتحط الفطار استغرب..
كمال باستغراب: اي دا.
جميلة بابتسامة صفراء: اي يا كمال بجهز لكم الفطار.
كمال بذهول: فطار ولينا احنا ؟
زينب بتنزل باستغراب: اي دا هي جمالات جت بدري ولا اي عاد مش عادتها.
جميلة بخبث وتمثيل الطيبه: لا يا ماما انا اللي جهزت الفطار ليكم.
زينب بغيظ وقرف: يبقا مش واكله يا بنت سليمة نفسي اتسدت بلا قرف.
نزلت ودخلت المطبخ ببرود.
جميلة مثلت الزعل: عجبك كده يا كمال.
كمال بابتسامة: معلش يا جميلة امي كده لكن قلبها كيف اللبن الرايب منتي عارفاها
جميلة بسخرية: اومال انت هتقولي.
كمال قعد بياكل و هي بتتفرج عليه و بتتوعد في سرها: صبرك عليا انت وامك أما وريتك.
شوية و كمال خلص الاكل وراح الجنينه..
جميلة بدلع: هعملك الشاي واحصلك.
كمال بغمز: هستناكي يا قمر انتي.
مشيت جميلة وراحت المطبخ ولاقت زينب بتبص لها بكره..
جميلة ببرود: مالك كده وكأنك هتاكليني بعينك يا زينب.
زينب بغضب وصدمة: زينب انا بلعب معاكي ولا اي يابنت انتي.
جميله ببرود: اومال عايزاني اقولك يا ايه يا بت يا زينب.
زينب بغل و غيظ مسكتها من شعرها: انتي شكلك مشوفتيش رباية وانا اللي هربيكي بأيدي
جميلة بصويت: ااااه ليييي كددا ابعدددي عنيييي الحقووووني يا عمدددة الحقنيييييي.
زينب بصت ليها باستغراب وسابتها جميلة قطعت كم التيشرت بتاعها و بهدلت شعرها: يا عمدة الحقني اااه.
عملت نفسها وقعت علي الارض و زينب واقفه بتتفرج بذهول...
كمال بيجي بصدمة:نهاااار اسود اي ده ؟