رواية القاسي والبريئه الفصل الثاني عشر12بقلم ايمان ابراهيم
هديه قفلت مع جاسر وهى مضايقة جدا وقالت لنفسها طيب وبعدين اعمل ايه دلوقتى اذا نزلت هتحصل مشكلة واذا قلت لبابا كده من اولها برضه هيحصل مشكله اعمل ايه بس ياربى 😞 وراحت تعمل لنفسها حاجه تشربها عشان تفكر بهدوء ومتعملش مشكله وتشتكى كده من اولها وهى واقفة فى المطبخ جاتلها فكرة منها انها تعرف تتصرف ازاى ومن ناحية تانيه متبقاش عملت سوء تفاهم بين جاسر وبين باباها من ناحية تانيه هديه راحت لباباها وقالتله ازيك يابابا عامل ايه يا حبيبى قالها انا كويس ياحبيبتى تعالى اقعدى معايا احسن الفترة اللى فاتت مكنتش عارف اتلم عليكى خالص جاسر اخدك منى قالتله ايه يا سي بابا هتغير عليا بقى من اولها 😉😉 قالها اه طبعا مش بنتى حبيبتى 😁 قالتله انت هتفضل طول عمرك حبى الاول يا بابا ومثلى الاعلى فى كل حاجه ربنا يخليك ليا قالها ويخليكى ليا انتى واخواتك قالتله معلش يابابا اذا كنت منزلتش الارض النهاردة اصلى مستنيه جاسر عشان هو عايز يبقى معايا ومبقاش واقفه لوحدى وسط العمال الموضوع ده يزعلك يا بابا !! قالها لا يا بنتى خالص بالعكس كويس انه يبقى معاكى هو جوزك دلوقتى ودى حاجه تطمنى عليكى اكتر هو اه العمال ولاد حلال ومحدش فيهم يقدر يرمش بس ناحيتك لانى هفرمه انا واخوكى وانتى انا عارفك كويس بمليون راجل بس دلوقتى انتى فى عصمة راجل ولازم تبقى عارفه ان ليه كلمة عليكى حتى اذا انتى فى بيتى ولسه مروحتيش بيتك بس الصح ميزعلش هديه ارتاحت اوى من كلام باباها حست كان كان فى تقل على قلبها وراح بس برضه هى عايزة تعاتب جاسر على اسلوبه معها ومجبتش سيرة لباباها على اللى حصل وقالت لما يجى وانا هتصرف وقالت لباباها ماشي يا حبيبى انا هروح اشوف ماما بقى اذا عايزة مساعدة ولا حاجه محتاج حاجه اعملها قبل ما امشي قالها شكرا يا بنتى روحى انتى وراحت لمامتها .
جاسر طبعا قاعد مش على بعضه مش عارف هديه سمعت الكلام ولا لا بس هو هيعرف طبعا اذا نزلت من العمال اللى عنده هيقدر بطريقته يعرف من غير ما يبين اى حاجه وفعلا خلص شغله فى المدرسه وكان مستعجل اوى عشان يروح الارض عنده وراح للعمال عشان يتابع الشغل وكان بيسال العمال على المحصول وبيقلهم على شويه تعليمات وفى واحد كده من العمال قاله والله كويس ان جنابك جيت لاننا كنا عايزين نسال نعمل ايه فى حاجه كده ده حتى الست هديه مجاتش كمان كنا ممكن نسالها هو اطمن ان هديه سمعت كلامه ومنزلتش وقاله اى حاجه بعد كده تستنوا لحد ما انا اللى اجى سواء الست هديه جت معايا او لا قالوله تؤمر جنابك وسابهم ومشى ورجع البيت واتصل بهديه الو هديه الو يا جاسر ازيك قالها كويس انتى كويسه ردت قالتله مش اوى الصراحة وزعلانه منك قالها كل ده عشان قلتلك متنزليش لوحدك وتستنى لما اجى على فكرة انتى اصلا خلاص مش محتاجه تنزلى انا عديت على الارض عندكوا وكل حاجه تمام قالتله الله هو انت مش قلت هنروح انا وانت قالها لقيت ان مفيش داعى اتعبك وانا كده كده كنت بشوف برضه الشغل عندى فى الارض وقلتلهم اى حاجه يجتاجوها يستنوا لما اجيلهم قالتله يعنى انا مش هنزل تانى بقى ولا ايه قالها انا مقلتش كده بس انا جيت بدرى شويه قلت خلاص مش مشكلة المرة دى ولا انتى غاويه تعب وخلاص قالتله لا ولا تعب ولاحاجه بس انك تقولى انى اذا مسمعتش الكلام هتتصرف تصرف يزعلنى الجملة دى ضايقتنى اوى منك وعايزة اعرف كنت هتعمل ايه اذا مكنتش سمعت كلامك قالها انا دلوقتى جوزك وواجب عليكى تسمعى كلامى حتى اذا لسه فى بيت اهلك واذا سالتى باباكى هيقلك كده برضه قالتله هو فعلا قالى كده لانى كنت قلقانه يكون بابا زعل انى منزلتش قالها لا مش هيزعل وحتى اذا زعل انتى تقولى زى ما قلتلك انك مش هتنزلى بعد كده من غيرى ودى حاجه متزعلش حد وده حقى وانتى لسه قايله انه قالك كده ولا ايه قالتله ماشي بس بلاش اسلوب التهديد ده قالها انا مكنتش بهددك بس فعلا كنت ساعتها كنت هتصرف بموجب حقى كزوج مراته مسمعتش كلامه وكان هيبقى باباكى الحاكم بينا وانا متاكد انه كان هيغلطك فبلاش من اولها تنشيف الدماغ يا هديه واسمعى الكلام وراح قالها انا هريح شويه وابقى اكلمك عشان تيجى بقى وتشوفى اللى اتعمل فى الشقة مش عايز موضوع الارض ده يلخمك عن توضيب الشقة ده برضه مهم صح قالتله ماشي خلاص وقالها مع السلامة وقفل وراح فعلا يريح شويه بعد ما عمل اللى هو عايزه .
شريف اخو هديه راح لكمال وقاله ازيك يا بابا قاله اهلا يابنى تعالى اخبارك ايه والشغل كله تمام قاله الحمد لله يابابا كل كويس انا عايز اخطب نهلة بقى يابابا عايز اطمن وتبقى فى حاجه رسمى وياريت كتب كتاب علطول قاله يااه ده انت مستعجل بقى قاله مش حكاية مستعجل بس انا جاهز من كله ليه بقى اضيع وقت فى خطوبه وخلاص وهى مقتنعة بيا وانا مقتنع بيها جدا وحضرتك وماما بتحبوها واخواتى كمان يبقى ايه بقى خير البر عاجله كمال قاله خلاص انا هخلصلك الحكايه ده قاله ربنا يخليك ليا يا بابا انا هكلم جاسر واقوله ان انا وانت عايزينه تمام كمال قاله خلاص وحدد معاد فى اقرب وقت يعنى بكرة اذا ينفع قاله حاضر يابابا وطلع اوضته عشان يتصل بجاسر .
عند هديه بقى وهى مع امال سالتها عاملة ايه مع جاسر يا هديه قالتلها الحمدلله يا ماما ماشي الحال قالتلها مالك بتقوليها كده حصل حاجه يا بنتى ولا ايه قالتلها لا عادى يا ماما اختلاف كده فى وجهات النظر امال قالتلها عادى يابنتى ياما بيحصل بين الراجل ومراته بس المهم يعرفوا يتفاهموا مع بعض ويوصلوا لنقطة اتفاق قالتلها ايوة يا ماما معاكى حق فى كده لازم نقطة اتفاق بس جاسر طريقته ناشفه شويه قالتلها انتى وشطارتك بقى تخليه يلين معاكى وتعرفى تتفاهمى معاه قالتلها حاضر يا ماما اسيبك انا بقى دلوقتى وهطلع اوضتى .
جاسر قاعد بيشرب قهوته وتليفونه رن كان شريف اخو هديه رد عليه الو يا شريف ازيك عامل ايه الحمد لله يا جاسر بخير وانت عامل ايه قاله تمام ده انا شويه وهاجى لهديه عشان تشوف اللى اتعمل فى الشقة يلا عقبالك بقى قاله ماهو انا مكلمك عشان كده قاله خير قاله انا عايز اجى انا وبابا نيجى عشان عايز اكلمك فى موضوع بخصوص الانسه نهلة اختك قاله خير ان شاء الله قاله اكيد خير نقدر نيجى امتى قاله يناسيبكوا بكرة قالوا تشرفونى طبعا قاله على ٨ كده كويس قاله كويس جدا شريف قاله تمام اشوفك على خير وقفل معاه وراحل قال لكمال وكمال فرح اوى وقاله ربنا يتمم على خير يا بنى شريف قاله فى حياتك يابابا ويخليك لينا انا هروح اقول لهديه ورقيه بقى وافرحهم وكمال قاله وانا هقول لوالدتك كمان احسن تعلقنا 😄😄 قاله وانا مالى ياعم انا لسه اللى هتلعقنى مجاتش 😄😄 قاله طيب يلا ياوله احسن اقوملك بقى شريف ضحك وقاله حاضر حاضر ماشى اهو .
شريف راح قال لهديه هديه نطت من فرحتها بجد يا شريف بجد مش معقول الف مبروك يا حبيبى ربنا يكملك على خير ورقيه برضه قالتله مبروك يا شيرى ربنا يسعدك يارب هنخلص منك اخيرا 😄😄 قالها مين قالك وراكى وراكى انتى بالذات قالتله لا يا خويا هتلاقى اللى تشغلك وتريحنى منك قالها بكرة يجى اللى يريحنا منك انتى كمان يارب 😄😄 الله يكون فى عونه هيريحنا بس هيجيب الصداع لنفسه قالتله ده يا بخته اللى هيخدنى امه داعياله وربنا قالها هنشوف يختى المهم انا قلت افرحوكوا اسيبكوا بقى انا سلام وسابهم وراح اوضته عشان يكلم الجو بقى 😉😉.
وجاسر راح يجيب هديه عشان يشوفوا الشقة وهى واقفة بقى بتشوف اللى تم فى الشقة كانت ليها بعض الملاحظات على الالوان جاسر بيحب الغوامق بس هديه بتميل للفواتح فبيقولها ان الغوامق بتدى شياكة قالتله بس ميبقاش الغامق هو اللى غالب يا جاسر كده هحس بالكتمة لازم نفتح شويه قالها الفواتح ده كانى فى مستشفى قالتله يسلام اومال الغوامق دى ايه بقى قالها لازم يبقى فى حاجه غامقة شويه انا بحب يبقى فى غوامق قالتله خلاص يبقى فى حيطان فاتحة ونختار لون غامق يمشي معاهم قاله تمام قالتله احنا كده تقريبا الشقة قربت تخلص وفى حاجات كتيير فى العفش برضه قربت قالها خلاص يبقى هحدد بقى معاد الفرح مع عمى المرة الجايه طالما كل حاجه تقريبا جاهزة انا مش عايز بقى وقت يضيع وخلاص قالتله طيب نبقى نحدد مع بعض الاول عشان انت عارف العروسه ليها ترتيبات برضه قالها ماشي بس مش هستنا كتيير يوم ولا اتنين بالكتيير وتردى عليا قالتله ماشي يلا بقى اروح عشان الوقت اتاخر راح مقرب منها اوى اوى قالها واذا اتاخر انتى مش مع حد غريب وراح ماسك ايدها وشدها من وسطها وعينه فى عينيها انتى مع جوزك برضه 😉 هديه بلعت ريقها وقالتله جاسر الله يخليك بلاش كده انت عارف انى بتكسف قالها حد يتكسف من جوزه وراح بايسها برقه اوى من خدها راحت هديه شهقت وفلتت من ايديه وجريت على الباب وقالتله انا هستناك تحت وهى حالتها حاله اه منك يا جاسر ونزله جاسر وركب العربيه وكل شويه يبص لهديه ويبتسم وهو هتموت من الكسوف وراح طالع معها عشان يسلم على كمال وامال وراح مروح علطول عشان الوقت اتاخر وهو عنده شغل وهديه طلعت طيران على اوضتها عشان كانت متوترة اوى ومصدقت دخلت الاوضه واخدت نفسها نسيبها بقى تهدا شويه 😄 .
عند جاسر راح لاحمد وقاله على فكرة يا احمد بكرة شريف وباباه جايين يقابلونى عشان نهلة احمد قاله بجد قاله اه وانت لازم تبقى معايا قاله حاضر هكون موجود طبعا قاله طيب انا هروح انام بقى تصبح على خير احمد قال حلو اوى كده بقى انا كمان شويه واطلب انى اتقدم لرقيه بس يعدى موضوع شريف ونهلة .
عند شريف ونهلة بقى شريف وهو بيكلم نهلة قالها انتى عندك مانع انه يبقى كتب كتاب علطول ولا هتقوليلى نعرف بعض بقى والكلام ده قالتله انا مش عايزة بس يجى يوم وتقول انك اتسرعت قالها لا عمرى ما هقول كده لانى شفت وعرفت كتيير وقلبى متفتحش غير ليكى بس حبيت اتاكد منك قبل ما افاتح اخوكى فى موضوع كتب الكتاب ده قالتله خلاص اللى اتشوفه 🥰