رواية مسار اجباري الفصل الثاني عشر12بقلم منه محمد
امير فتح الباب ودخل واتفاجئ بالمنظر الي قدامه: انتي عملتي ايه
اطياف: عملت ايه غيرت نظام الغرفه لانه مكنش عجبني
امير اتنهد: شوفي يا اطياف موافق اننا اتجوزنا بالاكراه , بس خلاص اتجوزنا وبقينا زوجين وعشان اكون صادق معاكي مش عارف اشوفك بشكل كويس
اطياف: بتقول ايه انت طول الفرح عمال تبحلق في وشي بطريقه مش طبيعيه لدرجه نص المعازيم كانوا مفكرين العريس المسكين اعمي , كنت بتبص في اتجاه واحد
امير زعق: مفيش تربيه , انا جوزك
اطياف: امتي اعترفت انك جوزي
امير: ياصبر ايوب , امال انا ايه
اطياف: انت قرد نط ع حياتي ودمرها كلها
امير: اسمعي انا مش بحب البنات الي لسانهم طويل
اطياف: حتي انا مش بحب الرجاله الي بتستقوي ع البنات
امير: مكتوب ع جبينك
اطياف: لو مطهقتكش في عشتك خلال اسبوع وقتها هغير اسمي
امير: انتي غلطانه هحول حياتك جحيم خلال اربعه ايام, لحد ما تقولي حقي برقبتي
اطياف: ولو ده محصلش تغير اسمك
امير: تمام اي اسم تحبي اغيره
اطياف: امير الطخين
امير زقها في كتفها: انتي و فالك اطفي النور
......قصص منه محمد كاتب...............
في غرفه علا قاعده في الفراند مكتئبه وده محفور ع ملامحها الحزينه!
ثريا دخلتلها: علا جيت افهمك, الي بتعمليه مش صح في حق نفسك ابدا يا بنتي
علا بصتلها بحزن: بعمل ايه
ثريا:تفضلي قاعده في اوضتك معزوله و الكل بدؤا يسألوني
علا بقهر: هو حد حاسس بيا في البيت عشان اهتم ابقي وسطيهم
ثريا: لحد امتي هتفكري بالشكل ده يابنتي انسي
علا: سهل عليكي انتي تنسي اما انا مستحيل انسي , انكم دوستوا ع قلبي بمنتهي البساطه
ثريا: هقولهالك تاني انا امك واكتر واحده مقدره حزنك, لكن مش عايزكي تدمري نفسك وتتعزلي عن الكل , ليه تنعيني الهم وانتي عارفه لو جرالك حاجه انا مش هعرف اعيش
علا: لو كنتي فعلا حزينه عشاني مكنتيش رحبتي بأطياف كده, كان قلقك مش عليا ع العروسه وبس
ثريا: دي مسؤليتي اهتم بكل شؤن البيت ليه تتعبي قلبك
علا: سبيني ياستي اتعبه
ثريا بنرفزه: مفكره ايه اطياف عايشه مبسوطه , هي كمان الي حصل فيها مش شويه , ومع ذالك اتحملته واثر ع حياتها كلها
........قصص منه محمد كاتب..........
قاعده بتلعب جيمس ع الموبيل وتهز رجليها
امير دخل بهدوء: انتي ليه مش جاهزه
اطياف فضلت تلعب بالتاتش وتهز اكتر في نفسها وتبتسم بشقاوه
امير نغزها في كتفها: انا بسالك ليه مش جاهزه لسه
اطياف من غير ما تبصله: اظن قلت لك مش رايحه , يعني مش رايحه ليه مش بتفهم لغتي
امير اتنهد وفتح الباب وراح لعمه عزيز فتح الباب لقاه شغال ع الاب توب
عزيز رفع عينه من ع الجهاز وبصله وقال: تعال ادخل يا امير
امير دخل بخطواته: عندي شكوي ليك
عزيز: قول
امير: حضرتك عارف ان صاحبي عزمني ع سبوع ابنه
عزيزه: ايوه
امير: اطياف رافضه تروح , وعايزك تقولها تروح معايا , مش عايز اروح لوحدي , عشان يعني لو عمي حكيم عرف
عزيز: قلت لك اطياف مش بتيجي بالعند , وزي ما رفضت انها تروح لـ امها اهي رافضه تروح معاك, اديها الحب والاهتمام والامور هتتحسن ما بينكم بدل ما حياتكم مليانه بالخناق يوميا, ليه تخلق مشاكل لنفسك
امير بزهق : احنا علاقتنا كلها مشاكل من اول يوم , مفهاش حاجه لو ادخلت وحلتها , والا عمري كدا هيقصر, هتكلمها مش كده
عزيز بهدوء: اه هكلمها
امير خرج وقعد شويه بره يدخن سيجاره وبعدها دخل الغرفه وانبهر لقاها قاعده قدام المرايا ببتحط ميكب ولا بسه فستان روعه
امير ابتسم: ياخواتي قمر
اطياف بصتله في انعاكس صورته في المرايا وقالت بهدوء وهي بتوزع الروج: ايه احساسك وانت بتعمل حاجه عكس ارادتك, لو عملت ده قولي , وانا احترمت بابا لاني مسجونه في زنزنتك وبتعرض كل يوم لاشد انواع التعذيب المستمر, ومتفرحش اوي اني جهزت تحب تاخد نظره اخيره
امير : مش بتكملي اي لحظه حلوه ،ضروري تتخانقي ع كل شئ
اطياف: مش انا , انت الي بتجادل
امير بحب: لو عايزه مش هنتخانق ابدا
اطياف قامت من قدامه بسرعه وقالت: انت عايز عبده مش زوجه كل ما تأمرها تقف تقف وتأمرها تقعد تنفذ طول الوقت عايز تتبع كل اوامرك
امير صرخ في وشها زي المجنون: كات كات كات لسان بيتحرك زي المقص , ايه يا شيخه مش بتتعبي ده انا صدعت
اطياف ببرود: خد برشامه صداع بس متتوقعش اجبهالك بنفسي , واشربك الميه من ايدي , يله نمشي
امير ماشي وراها وبيقول في سره: يعني ياعمي من بين كل بنات العالم ,ملقتش الا البلوه دي
تجوزهالي
اطياف وهي نازله مثلت انها اتكعبلت ووقعت وصرخت جامد
اسمهان جريت بفزع عليها :حصل ايه
اطياف بتأوه: رجلي اه شكلها حصلها اللتواء , او اتكسرت بتوجعني اوي اوي
امير ضرب كفوف ايده ع بعض: حصلك ايه
اطياف بصتله وبشخط: انت اعمي مش شايفني بصرخ بصوت عالي , رجلي اللتوت
اسمهان: يابنتي مش تمشي ع مهلك
اطياف ببكاء مصطنع :مش عارفه مع اني متعوده البس كعب عالي
اسمهان :كان لازم تنزلي واحده واحده , يله قومي اطلعلك
اطياف :مش قادره ادوس عليها خالص
امير بعصبيه: يله قومي الناس مستنينا
اطياف: لو قادره امشي عليها, ليه قاعده ع الارض كده
اسمهان بعتاب: بتقول ايه يا امير ازاي هتمشي في الحاله دي , روح لوحدك , الاول طلعها واتصل بدكتور جايز يكون فيها شرخ, لازم تعمل اشاعه, يله شيلها مستني ايه
امير واقف ع اخره وبيجز ع اسنانه بغضب
اطياف قامت ومسكت في الدربيزين وقالت بمسكنه: انا كويسه
اسمهان: لآ مدوسيش عليها هو يشيلك
امير: اشمعني حصل ده دلوقت يعني , مش ممكن تمشي ابدا عليها , هي بتمثل عليا
اطياف: حتي في التعب بتتهمني الله يسامحك , لو قادره امشي همشي
امير: وطبعا هضطر اشيلك مش كده
اسمهان: مالك يا امير دي مراتك مش شوال , يله شيلها بالحب
امير قلب وشه ونخ رفعها ع ايده وطلع بيها لفوق وقعد قدامها
اطياف: اه بتوجعني اوي امير, ابقي هاتلي معاك مرهم هيموكلار
امير: شايفني مغفل, انتي بتمثلي
اطياف: قلت لك مش رايحه بس انت مسمعتنيش
امير: خليكي اخلقي كل يوم مشكله
اطياف: شايفني ايه هيمانه فيك , وهحط نفسي في ورطه , لآء يا حبيبي مش انا الي اعمل حاجه تحت تهديد السلاح , وعشان اخد حقي لازم استعمل الذكاء مش القوه , انت من حقك تروح ما طرح ما انت عايز , وانا من حقي ارفض اروح معاك , كنت فخور اوي بقوتك شوف بقيت ضعيف وهزمتك وشوف دلوقت امير حكيم الدين, دي مجرد البدايه ,والي جاي الذ واحلي
امير ابتسم وهو بيتك ع اسنانه: شايفه نفسك بعد ما عملتي كل الفيلم ده حتهزميني في كل الاوقات , لاء يا روحي انتي مشفتيش عنادي لحد دلوقت , تعالي معايا بأدب
اطياف بتحدي: هشوف مين هياخدني من هنا ,حاولت تحافظ ع صورتك بكل الطرق الممكنه ودلوقت هزمتك بنفس اسلوبك
امير تلفونه رن فتح الخط ورد: الو
اطياف زعقت بصوت عالي جدا: شوقيه تعالي عايزكي
امير بيبرقلها وهو بيرد ومتغاظ: عمي انا ماشي
اطياف: يا شوقيه تعالي بسرعه وجيبي معاكي هيمو
امير اتعصب وفتح بسرعه الباب وخارج وهي بتضحك وتقوله: امير بالله عليك ابعت معاك شوقيه بهيمو
........قصص منه محمد كاتب..........
فضل رايح جاي في الجنينه ومخنوق وولع سيجاره يطلع فيها همه
علا : حصل ايه ليه قاعد في الجنينه
امير: ابدا مش كابس عليا النوم, قلت انزل اقعد هنا شويه
علا :مالك يا امير
امير : مالي
علا قعدت: واضح انك مضايق, قادره افهمك متنساش اتربينا سوي واحنا اطفال, اطياف قاسيه عليك كتير رغم رجليها سليمه ومثلت
امير: مكنتش عايزه تروح معايا
علا: بنت غريبه عمري ما قابلت واحده زيها , ماما بتقول ان الواحده المفروض تطاوع جوزها وتسمع كل كلامه , لكن اطياف العكس تماما , ومعرفش الي بقوله ده هيضايقك لكن الكل هنا بيتكلم وبيقوله امير ملوش اي حكم ع مراته
امير قام من مكانه: رايح انام
علا: عارفه كلامي تقيل بس زعلانه عشانك واسفه
امير لف بصلها: وانا ميهمنيش كلام اي حد , انا اهم حاجه علاقتي معاها تبقي كويسه وبس
علا ابتسمت بسخريه وقالت: خلاص خليها ربطالك بسلسله في رجلك
امير مال بجسمه عليها : السلسله دي تتحط لواحد ضعيف, اما اطياف لسه مش عارفه قوه امير , عامله ازاي
...........قصص منه محمد كاتب...........
امير طلع لقاه شوقيه بدلك رجول اطياف وهي بتاكل شيبسي
امير: ايه الي بيجري هنا , بتعملي ايه , سيبي رجلها وامشي من هنا
اطياف: انت جرالك ايه
امير لشوقيه: امشي يا شوقيه
اطياف: امير الله
شوقيه قامت وجريت من قدامه واطياف بتاكل الكيس بتمعن وهو بيبصلها بغضب
اطياف بصتله بسؤال: مالك بتبحلق ع ايه عايز شيبسي ولا بلاش مضر
امير: الي بتعمليه مش حلو, تقدري تخدعي الكل, لكن مش انا
اطياف اتكلمت بدلع مصطنع وقالت: رجلي وجعاني وانت المفروض تزعل عشاني ,بس انت معندكش قلب ولا رحمه
امير: انتي مش تعبانه متمثليش عليا , انا فاهم كل حاجه
اطياف شهقت: انت بتكدب مراتك البريئه , مش مكسوف من نفسك, لو مش هتقدر تخفف الامي متزدهوش عليا , مفكر ايه ان كل ده تمثليه عملتها عشان مروحش معاك , معقول فهمتني كدا معقول حاسس بكدا , ها يا امير انت حاسس بكده بجد , بس انا شايفه احساسك صح , انا فعلا زي الفل ( مامت وقفت ع رجليها_ وبمشي كويس جدا وفعلا عملت تمثليه وشوف حتي هعمل ايه هنط عليها يله نادي الكل وقولهم اطياف ضحكت عليا وعملت تمثليه
امير شدها من هدومها: انتي بتتحديني
اطياف: اه واقبل , وبلغ الكل ان اطياف مثلت عليك, بس للاسف محدش هيصدقك, يله روح قولهم زي العاده
ثريا دخلت: كدا برضو يا امير ليه مخليها واقفه ع رجلها
اطياف سندت عليه وقالت: هو الي قالي قومي اقفي من بدري راقده في السرير, قومي امشي
ثريا بصتله وقالت: انا هبعتلك منال تاخد بالها منك الليله
اطياف: لاء خديني عندها ابيت الليله معاها
ثريا :تقدري تمشي
اطياف: اه امير دربني كويس
ثريا :طب البسي الشبشب
اطياف: ثانكيو بس مش عارفه البسه
ثريا بشخط فيه : ما تلبسها الشبشب يا امير
امير قال بنرفزه: هو انا هعمل كل حاجه _ شاطه برجله عندها_ خدي
اطياف : فين هو, اه مش قادره
امير حطه قدام رجليها وثريا لفت ايدها ع كتفها وطالعه بيها واطياف لفت وغمزته : باي يا امير
......قصص منه محمد كاتب.............
اسمهان قعدت قدامه: تشرب معايا شاي ولا قهوه
امير اتنهد: ولا حاجه اطياف مشرباني المر
اسمهان ابتسمت: متقولش كدا , علاقتكم هتاخد وقت وبعدها هيجي التفاهم
امير: سواء كان فيه تفاهم ولا مفيش بس لو استمر الوضع ده حاسس ان الحرب بينا مش هتخلص اكيد
اسمهان: انا هتكلم معاها واخليها تفهم
امير: مفيش قوه في العالم تخلي المشاغبه دي تفهم , دمرت حياتي من اول يوم عرفتها
اسمهان: اعذرها الي حصلها خلاها في حاله مش طبيعيه
امير: يبقي ابعتوها مستشفي الامراضي العقليه , انا مش دكتور للمجانين
اسمهان: اسمع يا امير اطياف عنيده بس قلبها طيب, لو شافت الدموع في عين حد بتعيط معاه ولو اتكلمت معاها بحب وبقيت متساهل هي هتتفهم وتتغير
امير برفض قطعي: دي مفيش امل منها , دي لا يمكن تتغير , تصوري كل شويه تعمل مشكله وكانه بقي عندها اسلوب حياه
اسمهان :اعذرها يا امير جوازكم مكنش طبيعي
امير اتنهد بقهر: ايوه بس مش كدا , تعرفي تتخانق معايا وانا رايح شغلي , وتتخانق لما راجع من شغلي , لما كرهتني في حياتي وبقيت بتمني المـ وت
اسمهان :معلش خدها بالسياسه
امير: تعرفي بتهدد بايه
اسمهان: ايه
امير : قالت يئما اقتـ لك, او اقتـ ل نفسي , يا مراه عمي انا شوفت الدم في عيونها
اسمهان بزعل: متقولش عليها كدا
امير: لاء بقولك قبل ما تـ قتل حد فينا , من فضلك كلميها وعقليها ,والا الامور هتخرج عن السيطره
في غرفه علا بتحط اللوان طلاء علي اظافرها
شوقيه: الله لون المونكير ده حلو اوي يا ست علا , عقبال ما تحبي اصل الحب بيخلي الواحده وشها مورد والست منال خطيبها الله واكبر شاب بدر ولا فلقه القمر شوفتهم خارجين سوي من شويه
علا: وبابا سمحلها شكل مبادئ البيت ده متطبقش الا عليا
ثريا دخلت: ليه ايه الي حصل
علا رفعت حاجب: يعني مش عارفه, ايه الي بيحصل في البيت
ثريا بعصبيه شديده : هي فزوره مطلوب مني احلها ,اتكلمي ع طول , حصل ايه
علا: مبادئ البيت مش بتطبق ع البنات دول , لكن بتطبق عليا , وشايفه فيه تساهل معاهم , هايل لكن ليه ده
ثريا: مفيش حاجه من دي هو حد قالك حاجه
شوقيه ارتبكت بخوف وقالت: انا رصيت الهدوم في الدولاب ,هروح اشوف المطبخ
ثريا: شوقيه قالت لك حاجه
علا: انا مش عيله عشان حد يقولي حاجه واصدقه, انا كمان موجوده في البيت ومفتحه مش عاميه, وشايفه ومن ساعه ما دول دخلوا والظلم بس واقع عليا
ثريا: متقوليش الكلام ده من باب العطف
علا: عارفه اني مليش اي قيمه , ولا حتي فيه قيمه لمشاعري
ثريا: مفيش حاجه من دي يا علا , انتي الي دايما بتفكري بالطريقه دي طول الوقت
علا: كل تقاليد البيت اطبقت عليا انا وبس
.........قصص منه محمد كاتب...........
منال لبست طقم شيك جدا ع ذوق اطياف ورايحه زياره عند اهل خطيبها وسعيده جدا
ثريا: منال استني مش هتروحي اي مكان
منال: ليه يامراه عمي
ثريا: بدل ما تسأليني اسمعي الي قلته , كفايه بتتكلمي مع خطيبك ع التلفون
منال: ازاي يعني _انسابت الدموع من عينيها _ اه نسيت ملناش اي حق نعيش حياتنا الطبيعيه هنا, لايمكن ننبسط , بتفرحوا لما بتشوفوا الدموع في عنينا , بس تمام مش رايحه
ثريا: شوقيه اعملي عصير
اسمهان الي سمعت الحوار كله واتخنقت وطلعت تجري ع غرفه عزيز وقالت: مكنش المفروض البنات يجوا ابدا هنا, فيها ايه لو كنت سيبتهم في بيتهم , بدون وجود امهم معاهم اتبهدلوا , وانت مش عارف الحزن الي جوايا , وانا شايفه جروحهم بتنزف , ده غير حالتهم النفسيه
عزيز: بتأنبيني ع ايه
اسمهان : عشان شايفه مش انت الاب الي اول ما يبص لبناته يبدء يضطرب , والي كان هيموت عليهم وهما بعيد عنه اما دلوقت
عزيز: دلوقت ايه اتكلمي , مش بحب بناتي ,ولا مهتم بيهم
اسمهان: احنا كدا مش بنحس بنعمه الشئ وهو معانا , عكس ما هو بعيد عننا , وبمجرد ما نمتلكه خلاص
عزيز :مش كدا بناتي روحي فيهم
اسمهان : وده الي عايزه افهمهولك, دول بنات عندهم حياه لانهم بشر بيحسوا خليهم يعيشوا حياتهم ويستمتعوا بيها , وليهم حق زيهم زي غيرهم ,متخليش حد يسرق سعادتهم منهم اطياف ضحت بكل حاجه عشانك , ودلوقت الدور ع منال متحرمهاش من سعادتها , ضحكتها قبل ما يمر العمر ويكبروا وتندم , وسواء هما هنا ولا هناك , هما بنات محتاجين سند ودهرعفي , وحب وانت كل دول ,متنساش دورك لازم يحسوا ان ليهم اب يحميههم ,وواقف في دهرهم مش ثريا واخوك يتحكموا فيهم
عزيز راح لغرفه منال وفتح عليها الباب لقاها مموته نفسها من العياط قلبه وجعه عليها وقرب مسح دموعها وقال : منال بعترف اني اب فاشل
منال هزت دماغها بـ لاء وهو تابع: الشخص الي ميقدرش يوفر اي حاجه لمراته , ولا يوفر لبناته سعادتهم ولا راحتهم يبقي اب فاشل, بس اوعدك خلاص من اللحظه مش هسكت وهتعيشي حياتك زي اي بنت في سنك , ومفيش داعي ابدا تخافي من حد, ولا تاخدي اذن حد ابوكي هيخرجك بكامل ارادته
منال: ايوه بس مراه عمي
عزيز مسح ع شعرها بحنيه: هتكلم معاها, انا لسه عايش مامتش , يله ظبطي نفسك, واخرجي وانبسطي بيومك
منال رمت نفسها في حضنه :شكرا يا بابا
عزيز طبع بوسه ع دماغها وهي ابتسمت ابتسامه واسعه
.........قصص منه محمد كاتب...........
في الجنينه
حكيم: ليه سيبتي منال تخرج ليه ممنعتهاش
ثريا ارتبكت بخوف: منعتها بس عزيز وافق تخرج
علا بخبث : حاسه اليومين دول ان الاوامر مش بتتبع , وانا الوحيده الي بس كلامكم ماشي عليها , حتي جوازي مكملش لما بابا رفضه , لكن واضح كله اتغير, والكل بقي من حقه يعمل الي يطلع في دماغه
ثريا بغيظ :تعرفي تسكتي
حكيم : كلامها صح , البيت له اصول ونظام, ودول مسؤليتك تقومي بيها, البت دي ازاي تخرج رغم منعتيها كل ده نتيجه ضعفك, واضح ان امور البيت خرجت من تحت سيطرتك , واي حاجه بعد كدا تبلغيني , وهدي المسؤليه لحد تاني يكون كلمته زي السيف
ثريا تابعته لحد ما دخل السرايا وبصتلها بغضب: ايه لزومه تتسحبي من لسانك قدامه , فيها ايه لو قعدتي ساكته
علا: عملت ايه قلت الحقيقه يا حبيبتي
ثريا: وابوك غضب مني كنت هقوله بطريقه تانيه , غير طريقتك , كان ضروري تتكلمي في الوقت ده
علا: انا بضرب ع الحديد وهو سخن, الوقت عامل مهم , ومش هيفيد الكلام بعدين
ثريا: استغفر الله العظيم منك ومن عمايلك
...........قصص منه محمد كاتب............
في الاراضي الزراعيه
حكيم: البنات متروحش بيت خطبهم قبل الجواز
عزيز بهدوء: حماتها طلبت مني ومقدرتش ارفض
حكيم :عشان كدا تقالدنا بتقول بنات العيله متتجوزش الغريب, بس انت بتعشق تخرج عن التفاليد ومش بيهمك الاحترام
عزيز : حكيم انا مقولتش اي حاجه من دي ,ومستحيل اقلل من احترام العيله , ومعرفش انت بتجيب الاستنتجات دي منين
حكيم : انا شايف التمرد الي انت فيه, و يظهر موجود في دم بناتك , عشان كدا شايفنا من كوكب تاني غيرهم , متمردين مش بيسعموا كلام حد غيرهم, وكل ده بسبب دمك ,والباقي نتيجه تربيه امهم الي هي كانت اختيارك
عزيز : يظهر ناسي ان التقاليد دي نفسها طبقتها مراتي علي بناتي , وعشان كدا ربيتهم احسن تربيه وحتي وهي بعيد عننا مقصرتش , وطلعتهم ع ادب وخلق , بس الحاله الي بيعيشوها بناتي هنا اليوم انت السبب
حكيم: اتغيرت كتير وبقي ليك لسان بيرد
عزيز: انت كمان منستش اني اخوك من ابوك
حكيم: مش هنسي ابدا, لان انت مش بتخليني انسي لحظه, بعد اليوم منال متروحش مكان من غير اذن مني
عزيز: اسف ياحكيم مش هضحي بسعاده واحده من بناتي , كفايه عملت ده مع واحده, لايمكن اعمله مع التانيه
...........قصص منه محمد كاتب........
وقفت ترص الورد في المزهريه لان الالوان خطفتها
ثريا: بتعملي ايه ده شغل شوقيه خليها تعمله
اطياف مبتسمه: هو فيه حد جاي البيت اصل فيه استعدادات مستمره من بدري
ثريا: ايوه جاين ضيوف لعمك , ولازم نجهز كل حاجه ع اعلي مستوي , حتي الاكل
امير: بقولك ايه يا مراه عمي بقالي كتير مأكلتش رز بالبن من ايدك , ماتعملهولي بجملت
ثريا بأبتسامه: لاء انت خلاص اتجوزت , مراتك تعلهولك انا مسؤلياتي اقف اباشر وبس
امير : هما بنات اليومين دول بيعرفوا يعملوا اي حاجه , ولا حتي الارز باللبن مفيش حد زيك
ثريا: لاء النهارده هتاكلوا من ايد اطياف
اطياف: يامراه عمي انا معرفش اعمله
امير: شوفتي ده الي كنت بقوله
ثريا: يابنتي ده سهل اطمني انا هعلمك
امير: اه علميها عشان يطلع حلو
ثريا: تعالي ورايا اعلمك
امير ابتسم اوي وهي ماشيه بغيظ وري ثريا وقال: معلش التعليم في الاول بيبكي , بس بعدها هتتطوري لقدام يا مشاغبه
اطياف حركت عينيها بغيظ ودخلت المطبخ وثريا قالت لها تعمل ايه بالظبط وسابتها وخرجت
اطياف ببرطمه : ايه المصيبه الي انا فيها دي, انا دكتوره اقف اعمل اللرز باللبن عشان الكائن ده تمام
امير دخل واخد موزه من الطبق وقال: بتبرطمي تقولي عليا ايه , بس تعرفي اول مره اشوفك واقفه في المطبخ, قومي بواجباتك خليكي زوجه شاطره واملي معدتي واخدميني زي اي ست ده مكانك المناسب
اطياف: بيقوله ايه في الامثال, الي نفسه قصير ميقدرش يكمل الطريق
امير ضحك بستمتاع: حاسس بلاسف عشانك والله
اطياف: انا ممكن احطلك سم فيه
امير: وانا متوقع منك تعملي اي حاجه , ومش بعيد تعمليها
اطياف صرخت فيه بغيظ: ممكن تغور من خلقتي دلوقت , والا ههبدك بالحله ع دماغك
امير ضحك: امرك يا روحي
اطياف: انا هعمل البتاع ده ازاي, ده شكله عايز يوم كامل , ماشي هدوقك دلوقت طعم الرز
.........قصص منه محمد كاتب.........
علي السفره بعد وجبه الغداء
ثريا: شوقيه هاتي الرز باللبن الي عملته اطياف
اطياف: لاء استني انا هجيبه بنفسي
امير استغرب انها مطيعه حتي منال وثريا وعلا
اطياف دخلت المطبخ واخدت الملح وحطت منه في طبق امير وقالت: جوزي بيحب الارز بالبن مغرم بيه يله يا شوشو
منال بصتله: شكلك مبسوطه يا طفطف
اطياف: ثانكيو يا قلب اختك , اتفضلي يا مراه عمي ناوليهم
ثريا: ناولي امير ده هو الي طلبه
اطياف: ياحبيبتي هديله بنفسي اتفضلي
اسمهان : حلو اوي يا طوفي تسلم ايدك
اطياف بسعاده: تسلمي ياقمر
منال: وانا
اطياف: ياسلام من عيوني
منال اخدت واكلت: الله لذيذ جدا بجد انتي الي عملتيه
اطياف ضحكت: ايوه والله انا
امير اكل ومره واحده شرق وكح جامد وظهرت الاشمئزاز علي وشه: انتي حاطه ايه
اطياف: عملت ايه
امير: الملح ضرب في نفوخي
اطياف: ايه ملح
ثريا بتعجب: جه منين الملح في الارز باللبن
اطياف كشرت وقالت: مش مهم لو معجبكش متتريقش عليا بالطريقه اللزجه دي لو سمحت
امير اخد شفشق الميه وفضل يشرب وهو متعصب جدا من حركاتها معاها
اسمهان: امير الي عملته عيب ميصحش البنت وقفت عملتهولك بنفسها وانت تعمل العمايل دي
امير: مش مصدقه خليها تاكل منه وتقولكم
اطياف اخدت منه الطبق واكلت بتمعن وقالت: الله طعمه يجنن ملوش حل
ثريا: امير يابني لو مش عايز تاكله متكلهوش لكن بلاش عمايلك دي
اسمهان: فعلا انت غلطت وزعلت اطياف يله كل الطبق كله ومتزعلهاش
علا اتغاظت لما امير اضطر ياكل الطبق غصب عنه وسابت المكان وقامت
اطياف طبطبت ع كتفه: اجبلك ميه يا ميرو
..............قصص منه محمد كاتب............
امير طلع فوق وانتظرها لحد ما طلعت وقالها: اقفي
اطياف بأبتسامه واسعه : عايز تعتذر بسرعه عشان معنديش وقت
امير: لا مش بقولك اقفي عشان اعتذر, بقولك المقلب المنحط الي عملتيه فيا تحت, ده ميجيش معايا سكه ’انتي فاهمه
اطياف: لاء مفهمتش , ومحدش قالك اطلب مني حاجه اعملهالك
امير: ياريت كان لساني اتقطع قبل ما اطلب منك زفت , تحطي ملح شايفه نفسك كبيره وعملتي انجاز لاء يا هانم الي عملتيه شئ متدني جدا
اطياف ضحكت جامد ع منظره وهو بياكل الملح
امير بغيظ: اضحكي اضحكي زي مانتي عايزه , وتقدري تخدعي الكل, الا انا
اطياف: متطلبش مني اي طلب بعد كده , انت عارف انا مش بحب حد يأمرني
امير رماه السيجاره علي الارض وداس عليها برجله وقرب منها وعيونه كلها وقاحه وزقها علي السرير وطلع فوقيها وقال: انا عرفتك , بس انتي لسه متعرفتيش عليا , وايه الي ممكن اعمل فيكي
اطياف زقته من فوقيها وقالت بغضب هادر: ابعد عني مش هتلمسني
امير كتف ايدها الاتنين لفوق: انتي ضعيفه دلوقت , وانا بكامل قوتي , ومش هتقدري تقاومي قدام قوتي, لانك ولا حاجه ( حدفها وضحك)
اطياف: الراجل الي زيك يعمل اي حاجه, وممكن يستغل واحده عاجزه
امير: تعرفي انا الجوازه المعيوبه دي جات ع دماغي
اطياف : الي يسمعك يقول كنت واقفه ع بابك بالمأذون ,وبقولك من فضلك اتجوزني ,مستحيل كنت اقبل بـ CROCODILE زيك
امير: ايه الكلمه الي قولتيها دي
اطياف: CROCODILE يعني تمساح ياجاهل
امير: انا تمساح يا ضفدعه
اطياف: انت محصلتش حتي التمساح
امير: مفيش فايده من الكلام معاكي مقرفه
اطياف: مين عايز يتكلم معاك , وانت كل كلامك كله غبي
امير: لو متجننتش بعقلي مكنتش ادبست واتجوزتك
اطياف: ده انا المجنونه لاني جيت بلدكم المشؤمه دي
...........قصص منه محمد كاتب.............
يوم جديد عزيز اتفق مع منال يقوله انهم رايحين عند مديحه زياره للمستشفي وهما في الاصل رايحين زياره لاهل خطيبها تتفرج ع الشقه واطياف واسمهان فقط الي عارفين بالخطه!
ثريا بتفرك في كفوف ايدها: راحو ا فين دول بس, اسمهان فين عزيز ومنال لحد دلوقت
اسمهان: هما في المستشفي بيطمنوا ع حاله مديحه
ثريا: بس الوقت اتأخر اتصلي شوفيهم فين
اطياف : بابا قال اليوم هيقابلوا الدكتور , وشكلهم مشغولين في المستشفي في حاله طوارئ جايز للسبب ده اتأخروا
ثريا: اسمهان اتصلي حالا بعزيز
اسمهان مثلت انها بتتصل وقالت: التلفون مقفول يظهر مفيش شبكه
ثريا: ايه الي وداهم لمديحه وهي في غيبوبه والمستشفي شايفه شغلها ليه راح والدكتور قال مش حاسه بأي حاجه حواليها ايه فايده يروحلها
اطياف بغضب: مينن قال انها مش واعيه محدش من الدكاتره قال الكلام ده
ثريا: غلطت في ايه هي مش في غيبوبه ليه عزيز يسيب شغله ويروح وراها ويهمل مسؤلياته
اطياف: لو عايزه تشتكي من بابا براحتك بس مدخليش ماما في الحوار
ثريا: هو فيه ايه هو محدش يعرف يقول كلمتين في البيت ده , قلت ايه ع امها تتعصب عليا كده
امير نازل قابل اطياف متعصبه بصلها وكمل نزول: ايه الي حصل مالها اطياف متنرفزه علي اخيرها ومطلعه دخان من كل حته
ثريا: اقولك ايه معرفش اطلع اسأل مراتك
امير: ايه الي زعلها منكم
اسمهان تدخلت وقالت: هي زعلت لما جبنا سيره امها , مسأله بسيطه, روح انت شوف شغلك
امير قلقان ع اطياف ونفسه يطلعلها بس قال: اه رايح للارض
........قصص منه محمد كاتب............
في غرفه اطياف في الفراندا
اطياف: ها قوليلي الزياره عند اهل امجد كانت عامله ازاي
منال: امه ست زي العسل يا طفطف
اطياف مثلت القمص وقالت بزعل: زي العسل واختك ايه زي البصل
منل: عايزني اقولك ايه
اطياف: ولا حاجه ياختي خلاص انا زحلانه منك
منال: انتي دايما تتريقي عليا مش هقولك حاجه
اطياف ضحكت واتعلقت في دراع منال: اسفه احكيلي ها عملوه ايه معاكي والبيت حلو وواسع
منال: حلو جدا وواسع اوي تعرفي امه اصرت اخد الدور الي فوق كله لوحدي
اطياف: شكل امجد هيشحت ع ما يفرشه وانتي مسربعاه ع الجواز
منال شهقت وهي بتوسع عيونا: تقصدي ايه ان وشي هيكون نحس عليهم وبعدين مين قالك انا مسربعاه
اطياف: ده يا حبيبه اختك مش بالكلام بيبان ع تعابير الوش وع رأي المثل ع وشك يبان يانداغ اللبان ووشك جاب لون ويخفي لون وبتخبي ابتسامتك
منال: انتي اخت وحشه ومش هقولك ع حاجه تاني بعد كده
اطياف: لاء هتقولي
علا دخلت بحقد وقالت: وواضح انك مبسوطه زياده عن اللزوم, انتي فعلا جايه من المستشفي
منال برتباك: بتحاولي تقولي ايه
علا: لاء بس شكلك مبسوط , مش منظر واحده جايه من مستشفي ابدا
اطياف: وانتي دخلك ايه , حد فينا بيدخل في حياتك لما بتضحكي , ولا بتتنفسي , ولا حتي
تمـ وتي بتعملي الي ع مزاجك وجايه تحسدينا ع ضحكتنا
علا: لما تكون الحركات الخبيئه مفقوسه بنلاحظ كل حاجه وندقق _ مشت من المكان)
منال: هي بتعمل كده ليه
اطياف: سيبك منها دي دي بت دماغها وجعها , متعكريش مزاجك بسب المخبوله دي , اقعدي كملي الي كنا بنقوله يله ومتكشريش سيبك من المجنونه دي وكلامها
منال :انا زعلانه عشانك انتي ورشاد كان نفسكم تتجوزه وتعيشوا احلامكم سوي وكنت متاكده هتعيشي سعيده معاه كنت اتمني تكوني مراته انا عمري ما هحسس بالفرحه وانتي حياتك كده
اطياف ضمتها ونزلت دموعها :ده نصيبي من الدنيا
..........قصص منه محمد كاتب................
قاعده بالليل في الجنينه وباصه للسماء تتأمل ملكوت الله
امير دخل وقرب عليها: قاعده بتعملي ايه هنا في وقت متأخر في الجو البارد ده ادخلي جوه ونامي متبقيش زي الوطواط سهران طول الليل
اطياف بصتله: هو انت موركش شغلانه غيري
امير: انسدي انا مزاجي مش رايق اتخانق معاكي ,ومعنديش خلق الناس بتتجوز ترتاح وانا متجوز عشان اتعب
اطياف: وانا متجوزتكش من باب السعاده انجبرت بالغصب
امير: وبتاخدي عقابك
اطياف: تصدق انك ناقص الاحساس وانسي انك تشوف دقيقه فيها راحه لحد ما تموت من الوجع
امير ضربها بنظرةٍ حاده: انتي سافله ووقحه يا بت اوي , معرفش مخلوقه من اي طين
اطياف: مخلوقه من طينه طيبه اوي , مش واحد زيك ممكن يكسرني
امير: مفيش فايده من الكلام معاكي
اطياف : لو مفيش فايده اسكت بتتكلم معايا ليه
امير بملل: انا هسكت وداخل جوه اقعدي وخدي المكان كله براحتك