احمد كان مضايق جدا من اللى حصل وسمعه طبعا بس سكت واضطر ياجل كل حاجه لحد ما الامور تهدا وعشان كمان فرح اخوه اللى قرب بس من جواه كان زعلان ومش عارف اذا كان السكوت صح ولا غلط كان حيران وزعلان من جاسر فى نفس الوقت وقال لعله خير هصبر واشوف اخرتها ايه بعد الفرح بقى يمكن جاسر يهدا كده ويبطل انانيته دى والجواز يغيره .
عند شريف بقى كلم نهلة ومش عايز يبين انه مضايق ازيك يا نهلة عاملة ايه الحمد لله ازيك يا شريف انا حبيت اقلك ان خلاص سفرى اتحدد كمان بعد فرح هديه بيومين وانه هيقرا فاتحة بس لان جاسر طبعا موافقش على كتب كتاب قالتله اه عارفه جاسر قالى
فلاش باك نهلة تعالى عشان عايز اقلك حاجه مهمة خير يا جاسر قالها خير انت طبعا عارفه ان شريف اتقدملك وكان عايز يكتب كتاب عشان جاله سفريه شغل بس انا محبتش الفكرة دى قلت قراية فاتحة بس الاول لحد ما ظروفه تبقى احسن وكمان انا مشغول لان فرحى قرب ومش هينفع اركز فى كل ده فى وقت واحد وكده الاحسن قالتله طيب يا جاسر بس كان لازم تسالنى فى حاجه زى كده قبل ما تاخد قرار لان خلاص انا مش هينفع اخليك تغير كلامك قدام الناس قالها هو الصح كده تقدرى تروحى اذا عايزة تروحى اوضتك انا خلصت كلامى .نهاية الفلاش باك .
عودة للحاضر شريف قالها كان نفسي ابقى مطمن انك بقيتى على اسمى بس معلش بقى ارتب امورى لما اسافر وبعدها يحلها ربنا قالتله ماشي يا شريف كل اللى ربنا يعمله اكيد خير قفلت معاه .
عند هديه كانت بتسابق الزمن لان خلاص فرحها فاضل اسبوعين وطبعا كل يوم بيعدى كانت بتقلق وبتبقى عصبيه ولما شافت شريف قالتله هتعمل ايه يا شريف فى قراية فاتحتك ده خلاص الفرح فاضله اسبوعين قالها مش عارف هكلم جاسر واحدد يوم لان هو احنا وهما بس يعنى مش محتاجه نتعب نفسنا كفايه انكوا مشغولين عشان فرحكوا قالتله ربنا يسعدك ويهنيك قالها ربنا يخليكى ويتمملك على خير انت اذا احتاجتى حاجه قوليلى علطول قالتله متحرمش منك يا حبيب اختك .
كمال كان قاعد هو وامال بيتكلموا مع بعض قالتله كان نفسي شريف فرحته تكمل هو كمان عشان يسافر وهو مطمن بس اللى ربنا عايزه بقى كمال قالها جاسر كلامه برضه خلانى مقدرتش اتكلم لان هى اخته برضه وعايز بطمن عليها وده حقه هو ظروفه مستقره لكن ابننا لسه هيظبط حاله وده جواز مش حاجه عاديه يعنى انسانه مسؤلة منه ولازم يبقى مرتب حاله مش هناخد بنت الناس وتتبهدل فى الغربه دى زى بنتى ومصلحتها تهمنى لازم ابنى يبقى استقر وجهز بيت عشان لما يطلب يكتب كتابه ميبقاش فى اى حاجه ناقصه امال قالتله صح كلامك عين العقل ربنا يسعده هو واخته يارب .
شريف اتصل بجاسر عشان يحدد معاه معياد قراية الفاتحة وقاله مساء الخير يا جاسر عامل ايه جاسر قاله الحمد لله ياشريف كويس ملخوم جدا انت عارف بقى تجهيز لفرح والوقت بيجرى ازاى قاله ما انا مكلمك عشان كده انا مسافر بعد فرحكوا بيومين وعايز قبلها اكون قارى فاتحة وملبس الدبل زى ما اتفقنا قاله طيب خلاص نخليها بعد يومين لان فعلا بعد كده هيبقى صعب شريف قاله خلاص تمام هنزل اجيب الدبل وانت بلغ نهلة عشان تجهز هى كمان قاله ماشي بس اعمل حسابك يا شريف مفيش كتب كتاب خالص الا لما حياتك تستقر هناك ومش قبل سته شهور او سنه على الاقل عشان تكون امورك هناك استقرت شريف قاله مش كتيير كده جاسر قاله لا مش كتيير ده جواز ولازم كل حاجه تترتب صح شريف من جواه كان مضايق ومش حاسس باى حماس من جاسر للجوازة دى بس مضطر يسكت عشان اخته قاله ماشى يا جاسر تمام وقفل معاه .وفعلا بعد يومين شريف كان قرا الفاتحة ولبس الدبل وجاسر اضطر يعمل كده برضه لانه اذا كان رفض او اجل كان ده هيعمل مشكلة مع هديه لان اخوها برضه احمد كان شايف كل ده ومش مبسوط من عمايل اخوه ومقدرش يمسك نفسه وقاله انت عارف ان بعملتك دى انا مش هقدر اتكلم خالص دلوقتى جاسر قاله وانت مستعجل ليه استنى مش كل حاجه ورا بعض كده انا لولا ان مش عايز اعمل مشكلة كنت اجلت موضوع نهلة برضه قاله ليه يعنى انت عايز تعمل اللى انت عايزه واحنا لا قاله ملوش لازمه كلامك ده الدنيا مش هطير ويعالم اصلا كوضوع اختك وشريف ده هيكمل ولا لا مش يمكن نهلة متحبش الوضع اصلا او متبقاش عايزة تسافر وارد اوى انها تغير رايها وانا مش حابب موضوع السفر ده اصلا انا معرفش هو هيعمل ايه لما تبقى لوحدها معاه وبعدين لازم يبقى ليه بيت هنا الاول والا مش هخليها تتحرك من هنا احمد قاله ده انت مرتب كل حاجه قاله اه طبعا لازم اومال ايه قاله طيب ياريت بس تتعامل بهدوء عشان متتسبش زعل لهديه ده اخوها برضه قاله تقصد ايه قاله اقصد انى سمعتك بدون مقصد وعرفت انك كنت محبكها مع شريف شويه وكفايه ان بسببك انا مش عارف اعمل حاجه ولعلمك انا مسافر مع صحابى اغير جو وهرجع قبل فرحك انت مش محتاج حد معاك اصلا وسابه ومشى جاسر سكت ومتكلمش وقال لنفسه انا هعرف اخلص من الشبكة دى بس يعدى الفرح الاول وبعدين انا هتصرف .
شريف خلص شغله وعدا على نهلة عشان يخرجوا وراحوا قعدوا فى مكان قبل ما يسافر لان خلاص الوقت بيجرى وفرح اخوها قرب وهو قاعد معها قالها انتى موافقه على كلام جاسر ده ان مش قبل ست شهور او سنه عقبال ما نتجوز يعنى اذا انا قدرت ارتب نفسي هناك فى فترة اقل من كده برضه هنفضل كل ده كده على قرايه فاتحة بس وتلبيس دبل قالتله انت ايه اللى مزعلك بس كده قالها مش عارف مش مطمن لاخوكى ده وحاسس كده ان فى دماغه حاجه نهلة قالتله حاجة ايه يا شريف مفيش داعى للكلام ده هو بس بيحب كل حاجه تبقى ماشيه مظبوط قالها يعنى انت معنديكيش مشكلة بقى ردت عليه نهلة وقالتله الله بقى يا شريف هو انت لسه سافرت وشفت الدنيا هناك ايه بلاش بقى نعمل مشكلة مع جاسر وخلاص اصبر وخلينا نشوف سكت كده وقالها ماشي يا نهلة اما اشوف اخرتها ايه مع اخوكى ده وقعدوا يتكلموا مع بعض فى مواضيع كتيير وشويه وراحوا قاموا يروحوا شريف وصل نهلة قالتله مش هتطلع معايا شويه قالها لا انا تعبان وعايز اروح ارتاح وهكلمك بالليل قالتله طيب مع السلامة وطلعت البيت وهى داخلة قابلت جاسر قالها اتاخرتى كده ليه يا نهلة كل ده قالتله عشان خرجت مع شريف عدا عليا واخدنى قعدنا مع بعض شويه قالها ده ايه بقى ان شاء الله قالتله هو ايه ده مالك 🤔🤔 قالها انتى مطلبتنيش ليه تقوليلى الاول قالتله اقلك ايه يا جاسر الموضوع مش مستاهل واحد عايز يخرج مع خطيبته وكنت فى شغلى مش فى البيت عشان اقلك بس كده قالها لا بعد كده تقوليلى حتى اذا فى شغلك 😠 ردت عليه نهلة وكانت منفعلة اصل نهلة قويه برضه رغم انها اصغر بس شخصيتها قويه قالتله بص يا جاسر انت اخويا الكبير اه وليك عندى كل احترام وتقدير وكل اللى انت عايزه اتعمل بس مش معنى كده انك تفتكرنى لعبه تحركها زى ما تحب انا بشتغل وعندى حياتى ودلوقتى او بعدين هيبقى ليا حياتى لوحدى واللى حصل مش محتاج كل اللى انت بتعمله ده ولا انت داء التحكم اللى عندك ده مبتعرفش تبطله ما انا عارفه الله يسامحها ماما بقى فضلت تقلك انت الكبير وكلمتك تمشي بس نسيت تقلك ان فى حاجه اسمها عقل مش تحكمات وخلاص جاسر اتجنن من كلام نهلة وزعق جااامد نهله 😠😠😠😠 اوعى تنسى نفسك وكلمة كمان ورد فعلى مش هيعجبك قالتله انا خلصت كلامى عن اذنك انا تعبانه وسابته ومشيت احمد جه على صوتهم وقاله فى ايه يا جاسر ايه الصوت العالى ده قاله الهانم اختك مش عاجبها انى بقلها تعرفنى انها خارجه مع شريف الاول قاله لا معندكش حق جاسر قاله نعم انت كمان 😠 قاله الكلام ده يا جاسر اذا هى هنا فى البيت لكن دى كانت فى شغلها فملهاش لازمة بجد كل اللى انت قلته ده والاحسن انك تصلح اللى عملته لان شريف اذا اخد خبر بكده هيزعل وممكن نهلة كمان تحكى لهديه او رقيه وانت عارف انهم اصحاب وبالتالى موقفك مش هيبقى حلو قدام هديه ولا انا غلطان جاسر سكت شويه كده ولقى ان احمد عنده حق ومش وقت مشاكل خالص دلوقتى قاله تمام انا هتصرف جاسر طبعا مستناش راح لنهلة وخبط عليها قالتله اتفضل دخل جاسر وقالها متزعليش يا نهلة انتى اختى برضه وانا غيرت عليكى شويه ومعرفتش اتحكم فى نفسي وانتى برضه قلتى كلام ميتقالش لاخوكى الكبير وجاسر كان بيتكلم بهدووووء وخلى نهلة فعلا تحس بالذمب 🙆♀️ استاذ استاذ انه يقلب الموقف لصالحه 😎 نهلة بصتله كده وقالتله خلاص حقك عليا انا مكنتش فاهمة الموضوع كده انا قلت انك عايز تتحكم فيا وخلاص قالها انتى مدتنيش فرصه افهمك قالتله خلاص حصل خير متزعلش هبقى اقلك بعد كده قالها ماشي حبيبتى انا جيت عشان مسبكيش زعلانه اسيبك بقى ترتاحى وخرج وهو مبسوط انه لحق قبل ما فعلا اى حاجه توصل عن اللى حصل ورجع على اوضته وهو بيقول لنفسه اعدى بس فرحى وانا ليا تصريف تانى فى الموضوع ده