رواية فتاة انحنت من أجل الحب
الفصل السابع عشر 17 والثامن عشر 18
بقلم دودو محمد
فتاة انحنت من أجل الحب 🌹
🌷الفصل السابع عشر 🌷
اشرقت شمس صباح يوم جديد بنورها الساطع فى سماء القاهره وصل امير والعيله كلها وطلعو خبطو على شقة توفيق فتحت ليهم ريم وطلعت تجرى على امينه واترمت فى حضنها وقالت
ريم / بدموع ازيك يا خالتى واحشتينى اوى البيت كله مكنش ليه طعم من غيركم
امينه / ضمتها وبستها وقالت وانتو اكتر والله يا حبيبت خالتك امك عامله ايه
ريم / دموعها منشفتش من على خدها ادخلى ليها انتى بس اللى بتقدرى تتكلمى معاها وتهديها
امينه / دخلت وسلمت على نبيله
ريم / سلمت على ساره وحضنتها وقالت واحشانى يا سرسور
ساره / وانتى والله يا ريم واحشتينى اوى اوى
ريم / سلمت على امير وقالت ازيك يا أبيه عامل ايه
امير / الحمدالله يا ريم انتى عامله ايه
ريم / الحمدالله مبروك على الجواز وبصت لسها من فوق لتحت
امير / الله يبارك فيكى ودخل امير وسها وساره يسلمو على الباقى
محمود / واحشتينى
ريم / بصت ليه وبعدين بصت على الارض بكسوف
محمود / يا لههههههوى يا انى على الخدود التفاح دى يخربيت جمالك يا شيخه
ريم / ههههههههه
محمود / لاء استنى انتى ضحكتى من غير ما تغلطى فيا وتهزقينى بركاتك يا صعيد ده انا لو اعرف انك هتتغيرى كده لما اسافر كنت روحت الصعيد من زمان
ريم / طيب ادخل علشان أبيه شريف ميجيش يكسر دماغك ولا سامح
محمود / وربنا ابيع عمرى كله علشان نظره واحده من عيونك
ريم / بصت ليه وضحكت ومشيت وسابته
محمود / مشى أيده على راسه من وراه وقال ابعت يلى بتبعت ودخل وراها وقفل الباب ودخل سلم على الكل
ريم / والله يا خالتى البيت كان كئيب اوى من غيركم
امينه / حبيبتى ربنا يسعدك يارب
شريف / امير تعال فى اوضه عايزك
امير / تعال ودخلو الاتنين الاوضه
شريف / قفل الباب وقال ايه اللى انت عملته ده يا أمير اه من حقك تتجوز وتنسا اختى بس كنت على الأقل صبرت شويه لما نلاقو زهره علشان خاطر ماما وبعد كده كنت اتجوزت براحتك
امير / وانت تعرف عنى أن انا اقدر انسا زهره بالسهوله دى يا شريف
شريف / امال تسمى ايه اللى انت عملتو ده
امير / دى ظروف اتحطيت فيها غصب عنى لكن اختك فى قلبى زى ما هى
شريف / يعنى انت عايز تفهمنى انك لسه بتحب اختى وروحت اتجوزت غيرها
امير / اللى اتجوزتها دى ظرف طارق وهيعدى يعنى مش مطوله ومش جواز جواز يعنى انت فاهمنى
شريف / لاء مش فاهمك ايه اللى مش مطوله ومش جواز جواز انا مش قادر افهمك الصراحه
امير / يعنى مش جواز بحق وحقيقى ده جواز صورى بس يعنى قدام الناس احنا متجوزين لكن بينى وبينها مفيش اى علاقه ما بنا وانا مفهمها كده
شريف / طيب وليه
امير / كده يا شريف ومتسألش اكتر من كده ارجوك بس كل اللى عايزك تعرفو أن لسه بحب زهره ومتمسك بيها لحد اخر يوم فى عمرى ومش هتخلى عنها مهما حصل
شريف / رغم أن مش فاهم حاجه بس حاسس بصدق كلامك يا امير وانا واثق فيك وعارف ان عمرك ما هتلعب بمشاعر اختى ربنا يرجعها لينا بالسلامه
امير / يارب يا شريف احسن هتجن عليها
شريف / مخلتش حته الا ودورت فيها
امير / ندور تانى وتالت ورابع ننشر صورها فى الجريده يمكن حد يشوفها ويتعرف عليها
شريف / بس ده محتاج فلوس وانت عارف الحال
امير / انا هعملو من معايه انا مستعد ادفع فلوسى كلها مقابل أن الاقيها ومش فلوسى بس يا شريف ادفع عمرى كله بس اطمن عليها وترجع تانى لينا
شريف / خبط على كتف امير وقال عاش يا صاحبى انت بجد راجل بمعنى الكلمه وكل يوم بتعلى فى نظرى اكتر من اليوم اللى قابله
امير / تعال نطلع ليهم
شريف / يلا وخرجو من الاوضه
امير / راح لسها وقال زهقتى تحبى تروحى الشقه
سها / هزت راسها بمعنى لاء وقالت انا مرتاحه هنا متشغلش بالك انت
نبيله / مبروك يا ابنى على الجواز تفرحو وتتهنو يارب
امير / الله يبارك فيكى يا خالتى
نبيله / عروستك زى القمر ربنا عوضك خير على صبرك معانا
امير / متقوليش كده يا خالتى انا صبرت وهصبر عليكم طول عمرى
ريم / ما خلاص يا أبيه الحكايه خلصت وربنا يسعدك فى حياتك الجديده
امير / مخلصتش ولا حاجه أدعو بس نوصلو ليها
نبيله / يارب يا ابنى يارب
سامح / عن اذنكم انا نازل الشغل
امينه / مالك يا ابنى زعلان ليه كده من ساعة ما دخلنا عليكم
سامح / مفيش يا خالتى بس كل واحد شاف مصلحته واحنا بس اللى عايشين بوجع غياب اختنا اللى كان السبب فيه وبعدين بص على مرات امير وقال ولا مفيش داعى للكلام دلوقتى عن اذنكم وسابهم ومشى
شريف / متزعليش يا خالتى من سامح ما انتى عارفه طريقته فى الكلام هو بس زعلان على غياب زهره
امينه / مش زعلانه يا ابنى منه كلنا زعلانين على غيابه ربنا يرجعها لينا عاجلا وليس اجلا
الكل / اللهم امين
نبيله / روحى يا اختى انتى وعيالك ريحو شويه من سكة السفر وعلشان العرسان الجداد برضه يدخلو اوضتهم
امينه / ماشى يا حبيبتى هدخل اريح جسمى احسن مش قادره ولما اصحى اجيلك
وخرجو كلهم دخلو الشقه امير وسها دخلو الاوضه بتاعة امير ومحمود وساره دخلت اوضتها وأمينه دخلت اوضتها ومحمود نام على الكنبه بره
فى اوضت امير
امير / تقدرى تحطى هدومك هنا فى دولابى ونامى على سريرى وانا هنام على سرير محمود
سها / طيب ومحمود
امير / هينام بره على الكنبه
سها / انا اسفه جيت لغبط ليكم عشيتكم
امير / عادى انتى بنت عمنا وده زى بيتك انا هخرج من الاوضه ادخل الحمام وانتى غيرى هدومك هنا براحتك
سها / ماشى شكرآ يا أمير
امير /اخد هدوم وخرج دخل الحمام غير هدومه وغسل وشه وبص لنفسه فى المرايا وقال حقك عليا يا زهره مكنتش اتوقع أن فى يوم تنام واحده معايا فى الاوضه غيرك اسف ليكى بجد وخرج من الحمام خبط على باب الاوضه ودخل وكانت سها غيرت هدومها وقعده على السرير
سها / امير ممكن أسألك سؤال
امير / أسألى
سها / هما دول اهل اللى انت بتحبها
امير / ايوه ليه
سها / اصل كانو بيبصو ليا بغيظ بس هى فين حبيبتك
امير / نام على السرير وقال نامى يا سها انتى اكيد تعبانه من السفر
سها / بصت ليه بأستغراب ونامت على السرير وقعدت تفكر فى امر حبيبت امير
___________________________
فى اسكندريه
فى فيلا عاطف
فى اوضت زهراء صحيت على نفس الصوت ونفس الكلمه بكرهك بكرهك بكرهك
زهراء / حطت ايديها على ودنها وقالت حرام بقى كفايه كفايه انا تعبت والله العظيم تعبت
عاطف / كان معدى من قدام الاوضه وسمع صوت زهره خبط على الباب بس محدش رد عليه فتح الباب ودخل لاقه زهره حطه ايديها على ودنها وعماله تعيط قعد جنبها وقال يا انسه يا انسه
زهراء / اتخضت وشالت ايديها من على ودنها ورجعت لوراه وشدت الغطا عليها وقالت بخوف ا.ا انت دخلت هنا امته وعايز ايه
عاطف / أهدى انا سمعت صوتك قلقت عليكى خبط على الباب بس محدش رد عليا علشان كده دخلت
زهراء / ا.ا انا كويسه من فضلك أخرج من الاوضه
عاطف / وقف وقال مكنتش اقصد حاجه وسابها وخرج وقفل الباب وراه
زهراء / اتنهدت وشالت الغطا من عليها وقامت من على السرير دخلت الحمام واخدت شاور ودموعها كانت بتنزل منها مع المايه وبعد وقت خلصت وقفلت المايه واتوضت وخرجت من الحمام لبست هدومها وأدت فرضها وخرجت من الاوضه وكان لسه عاطف قاعد وبيقراه فى الجريده وبيشرب القهوه بتاعته قعدت وقالت
زهراء / احم صباح الخير
عاطف / وهو باصص فى الجريده صباح النور
زهراء / ا.ا انا اسفه على الطريقه اللى كلمتك بيها من شويه بس اعصابى تعبانه شويه من اللى انا فيه
عاطف / عادى مفيش مشكله
زهراء / عاطف بيه
عاطف / اممم
زهراء / كنت بقول ان انا صحتى الحمدالله بقت كويسه كفايه على حضرتك لحد كده وانا همشى
عاطف / نزل الجريده وطبقها وحطها على السفره وقال وهتروحى فين هتنزلى القاهره
زهراء / انا مش عارفه لسه هعمل ايه بس يعنى احتمال افضل فى الاسكندريه فتره اتابع مع الدكتور الجلسات يمكن اقدر افتكر حاجه
عاطف / مدام هتقعدى فى اسكندريه يبقى خليكى قعده زى ما انتى
زهراء / بصراحه خايفه اكون مسببه ليك ولمرات حضرتك ازعاج
عاطف / انا مش مزعوج ولا حاجه وبعدين انا زى ما انتى بتشوفى مش باجى الفيلا غير متأخر يعنى وجودك مش مأثر معايه فى حاجه
زهراء / طيب ومرات حضرتك
عاطف / متشغليش بالك انتى بحاجه
زهراء / بس انا مش حابه اكون عال على حد يعنى حضرتك كفايه عليك مصاريف عليا لحد كده انا هنزل ادور على اى شغل وهشوف مكان صغير اقعد فيه
عاطف / اولا انا مشتكتش ليكى من المصاريف ووعد سميحه أن هتكفل بكل مصاريفك طول ما انتى هنا فى الاسكندريه
زهراء / ده على اساس لما اكون بتعالج فى المستشفى لكن أنا بقيت تمام الحمدالله وحضرتك قمت بالواجب وزياده معايه
عاطف / اللى يريحك
زهراء / حضرتك هترجع النهارده بليل مش هتلاقينى موجوده
وفى وقت ده جه رائف وبيلار وسمعو كلام زهراء وقالو
رائف وبيلار/ بليز يا طنط خليكى قاعده معانا احنا اخدنا على وجودك معانا بليز يا طنط صدفه
زهراء / بصت ليهم وقالت معلش يا حبايبى لازم امشى
بيلار / هو احنا كل ما نحب حد يمشى ويسبنا انتى هتعملى زى ما ماما مشيت وسابتنا
عاطف / بيلار كفايه لحد كده
رائف / ايوه يا بابا بيرو عندها حق احنا كل ما نحب حد يمشى ويسبنا حتى ماما مشيت وسابتنا
عاطف / بزعيق ادخلو اوضكم ومش عايز اشوف حد فيكم فاهمين
زهراء / صعبو عليها الاولاد وقالت حرام خليهم يقعدو يفطرو
عاطف / بعصبيه متدخليش فى اللى ملكيش فيه انا واولادى شئ ميخصكيش فاهمه وبص للاولاد وقال امشو على اوضكم يلا
بيلار ورائف / دخلو الاوضه وهما بيعيطو
زهراء / بعصبيه انت ازاى كده انت بنأدم معندكش رحمه ولا تعرف حاجه عنها ذنبهم ايه دول اطفال تعيطهم كده ليه كل ده علشان عايزينى اقعد بلاش اقعد بس متعملش حد فيهم كده انت قلبك ايه حجر موجعكش عليهم وهما بيعيطو
عاطف / مسكها من دراعها بعصبيه وداس على أسنانه وقال انتى ازاى تتكلمى معايه كده وصوتك يعلى عليه انتى نسيتى نفسك ولا ايه اوعى تكونى مفكره نفسك بنأدمه انتى واحده جربوعه فاهمه وانا اللى بقولك مش عايزك تقعدى ثانيه واحده فى الفيلا اتفضلى اخرجى بره
زهراء / حبست دموعها وقالت انا ميشرفنيش اقعد عند واحد زيك وبصت ليه بقرف ولسه هتدخل الاوضه تاخد حاجتها
عاطف / تمشى بالهدوم اللى عليكى اللى انا برضه جايبها ليكى
زهراء / بصت ليه بقرف وخرجت من الفيلا قعدت تمشى فى الشارع ومبقتش عارفه تعمل ايه قعدت على الرصيف وقعدت تعيط
عاطف / قعد على السفره وحدف اللى عليها كله على الأرض وحط راسه ما بين ايديه وغمض عينه علشان يهدا شويه وافتكر أن زهراء ملهاش حد ومتعرفش الشوارع ولا حتى معاها فلوس اتنهد وقام يجرى خرج من الفيلا ومشى يدور عليها
زهراء / كانت قاعده على الرصيف وعماله تعيط وحست بأيد على كتفها بتبص لاقته عاطف زقت أيده ومسحت دموعها وقامت مشيت
عاطف / انسه يا انسه استنى ثوانى وطلع يجرى ووقف قصادها
زهراء / لو سمحت اوعى من سكتى
عاطف / ارجعى معايه الفيلا
زهراء / مستحيل
عاطف / متزعليش منى أن اتعصبت عليكى بس غصب عنى والله
زهراء / انت مش ملزوم بيا انا واحده عال عليك حكمت عليها الظروف انك تساعدها يوم اتنين اسبوع لكن القدر كان ليه رأى تانى طلعت فاقده الذاكره وبقيت حمل تقيل عليك وملزوم بي لاء انا هخلى وعدك مع اللى كلمتك عليا وهمشى اشوف طريقى وحاولت تمشى
عاطف / مسكها من دراعها وقال عارف ان جراحتك بكلامى بس غصب عنى انا فعلا ساعدك لما كلمتنى سميحه عليكى بس لما جيت المستشفى ليكى وشوفت حالتك فتحت عندى جراح قديمه وحسيت انك ملزومه منى و لازم افضل جنبك لحد ما اوصلك لاهلك سليمه
زهراء / وايه اللى يخليك تعمل معايه كده
عاطف / تعالى نتمشى واحكيلك
زهراء / اوك ومشو الاتنين جنب بعض
عاطف / اكيد انتى عايزه تعرفى مراتى فين وليه تملى مش بتشوفيها فى الفيلا وليه الاولاد قالو الكلام ده انا هقولك انا مراتى ميته من سنه تقريبآ
زهراء / بصدمه ميته
عاطف / ايوه ماتت فى حادثه قصاد عينى
زهراء / منك يعنى
عاطف / لاء كنا خارجين احنا الاربعه نتعشا بره ووصلنا المطعم وقعدنا واكلنا وجيت احاسب افتكرت أن المحفظه بتاعتى فى جيب البالطو بتاعى وانا كنت سايبه فى العربيه قومت اجيبه وسيبت تليفونى على الطرابيزه السكرتير قعد يرن على التليفون كتير مراتى فكرت أن فى حاجه مهمه اخدت التليفون وراحت علشان تديهونى ارد عليه بسرعه وكانت جايه بتجرى عليا من غير ما تبص حاوليها وفى الوقت ده كانت فيه عربيه تانيه جايه خبطت مراتى وطلعت تجرى وسكت شويه وحاول يحبس دموعه وبعدين قال شلتها على أيدى وهى كلها دم وحطتها فى العربيه واخدها المستشفى اللى كنتى فيها ودخلت العمليات ودخلت فى غيبوبه وقالو أن هما عملو اللى عليهم والباقى على ربنا بس لو عاشت تبقى معجزه من عند ربنا لكن أرادت ربنا حاجه تانيه خالص مقعدتش يوم فى الغيبوبه والاجهزه كلها وقفت حاولو ينعشو القلب بس كان عمرها انتهى وعلشان كده قررت اساعد اى حد مريض يمكن اكون الايد اللى ربنا بيبعتها للمساعده ولما سميحه طلبت منى اساعدك وافقت علطول كحاله زى اى حاله بساعدها لحد ما طلبتى تشوفينى لما دخلت وشوفتك شوفت فيكى مراتى اللى ماتت وحسيت انك مسؤوله منى علشان كده ساعدك ومرضتش اسيبك حاسس أن انا كده بفرح مراتى اللى ماتت مش عارف ليه
زهراء / وهى دموعها نازله منها قالت كنت بتحبها
عاطف / ضحك بأنكسار وقال دى كانت عمرى كله ولحد دلوقتى مش قادر اصدق انها ماتت وسابتنى انا والاولاد
زهراء / صعب عليها جدآ عاطف وقالت يااااااه قد ايه صعب الفراق وانت اتعذبت اوى بعد موت مراتك انا مهما اكون اللى انا فيه مش زى اللى انت عشته وشوفته
عاطف / الحمدالله على كل شئ المهم هتيجى معايه
زهراء / سكتت شويه وقالت بس بشرط
عاطف / ايه هو
زهراء / انزل ادور على شغل
عاطف / اى مكان هتروحي هيطلب منك أوراق وانتى اصلا متعرفيش انتى متخرجه من كلية ايه
زهراء / اه صح طيب هحاول اشوف شغل مش بيحتاج لأوراق
عاطف / عندى شغل ليكى
زهراء / بفرحه بجد فين هو
عاطف / انتى زى ما شفتى الاولاد متعلقين بيكى وحاسين بفراغ بعد موت امهم ممكن تكونى المربيه بتاعتهم وانا الصراحه مش هأمن على اولادى مع حد تانى يعنى تذاكرى ليهم تاخدى بالك منهم من اكلهم من شربهم من لبسهم تقضى معاهم الوقت كده يعنى
زهراء / سكتت شويه وبعدين قالت اوك وانا موافقه
عاطف / والمرتب اللى انتى عايزاه
زهراء / انا مش عايزه مرتب كفايه عليا بنام فى اوضه وباكل وبشرب وحضرتك علطول بتشترى ليا هدوم يعنى مش محتاجه فلوس فى حاجه
عاطف / لاء برضه ده حقك
زهراء / لو ده حقى يبقى من حقك انت كمان تاخد منى اجار الاوضه اللى عايشه فيها وتمن الهدوم اللى بتشتريها ليا وحق الاكل وشرب
عاطف / انت مواصفتيش الصراحه محدش يعرف يغلبك فى الكلام
زهراء / ههههههههه من بعد ما عندكم
عاطف / خلاص مش زعلانه
زهراء / لاء
عاطف / طيب يلا بينا علشان اصالح الاولاد
زهراء / يلا ورجعو الاتنين الفيلا ودخل عاطف صالح أولاده وعرفهم أن زهراء هتقعد معاهم وفرحو جدآ الاولاد بزهراء وقعدت زهره معاهم ونزل عاطف الشغل
____________________________
فى القاهره
فى المدرسه عند روز وسامح
دخلت روز زى كل يوم تدور بعينيها على سامح فى المدرسه وجت قدامها جهاد وقالت
جهاد / صباح الخير يا جميل بدور على مين
روز / صباح النور عليكى طبعآ
جهاد / يا بت عينى فى عينك كده عليا انا برضه وغمزت ليها
روز / جهاد اتلمى وبطلى رخمتك بتاعة كل يوم دى
جهاد / اخس عليكى يا رورو لو مكنتش ارخم عليكى هرخم على مين بس
روز / لاء رخمى بعيد عنى يا اختى
جهاد / وطوعك قلبك تقوليها ليا ضوافرى وصوابعى مش راضين عليكى اهئ اهئ اهئ
روز / برميل طرشى اقسم بالله
جهاد / فى ايه ياواد يا أجنبى مش طايق نفسك ليه بس اصبر شويه وخليك تقيل وراسى
روز / تانى يا جهاد
جهاد / هههههههههه خلاص خلاص وبعدين قالت مستر سامح جه
روز / بلهفه فين وبصت وراها
جهاد / جه فى بالى دلوقتى ههههههههه
روز / تصدقى انك غلسه وسابتها ومشيت
جهاد / بت يا روز انتى يا بت استنى هههههههههه يابت ههههههههه وقفتها وقالت مالك مزاجك مش رايق ليه بس
روز / المستر مجاش ليا الدرس امبارح ومجاش لحد دلوقتى المدرسه خايفه ليكون عنده مشكله ولا حاجه
جهاد / يا بنتى أهدى شويه لسه بدرى وزمانه جاى وامبارح تلاقى حصل اى حاجه منعته من أن هو يروح ليكى
روز / مش عارفه بقى
جهاد / انا ممكن اعرف ليكى السبب
روز / بجد يا جوجو
جهاد / دلوقتى بقيت جوجو من شويه كنت برميل طرشى ناس بتاعة مصلحتها
روز / حقك عليا بقى يا جوجو قوليلى بقى هتعرفى ازاى
جهاد / من احمد اخويه ما هو علطول عندهم
روز / بجد طيب اسأليه دلوقتى يلا يا جوجو بسرعه
جهاد / يخربيت جنانك أهدى شويه
روز / يلا بقى يا جوجو
جهاد / حاضر ومسكت تليفونها وطلبت رقم احمد وقالت ايه يا ابو حميد مش بتسأل يعنى ولا بتسلم
أحمد / لا والله وده من ايه ما انا لسه شيفك فى الفيلا من شويه
جهاد / يا راااجل يقطع الزهايمر وسنينه
احمد / انطقى يا جهاد علطول عايزه ايه
جهاد / احم هو انا يعنى كنت يعنى عايزه يعنى
احمد / ايه كمية يعنى اللى انتى قولتيها دى
جهاد / توتر وكده يعنى
روز / عماله تستعجلها علشان تسأل على سامح
احمد / اخلصى انا فى الجامعه مش فاضى ليكى
جهاد / هو المستر كان وراه حاجه امبارح
احمد / وانتى بتسألى ليه
جهاد / ها لاء مفيش أصله أتأخر النهارده ومجاش لحد دلوقتى وبنسأل عليه
أحمد / اه امبارح كنا بندور على أخته ورجعنا متأخر اوى بليل تلاقيه راحت عليه نومه ولا حاجه
جهاد / منحرمش منك ابدآ يا ابو حميد اخدمك يوم فرحك يا قادر يا كريم ولا يفرحش فيك عدو ابدآ يا ضنايا
أحمد / لله الامر من قبل ومن بعد اقفلى يا جهاد اقفلى يا اخرة صبرى
جهاد / قفلت مع احمد وقالت ما يجبها الا جوجو
روز / انطقى يا رخمه
جهاد / اتحايلى عليا شويه
روز / وربنا اموتك
جهاد / هههههههه خلاص خلاص المستر امبارح كان بيدور على أخته واتأخر بليل وعلشان كده مقدرش يجى ليكى امبارح
روز / يدور على أخته ليه هى أخته فين
جهاد / اللى اعرفه من احمد أن ليه اخت مع احمد اخويه فى الجامعه ويوم موت ابوها تعبت ودخلت المستشفى وهربت منها ومن ساعتها مش لاقينها
روز / يا حرام علشان كده المستر مكنش بيقدر يجى ليا الدرس وانا فكرته بيروح يدى دروس لحد اهم منى ظلمته
جهاد / طول عمرك ظلمه يا رورو
روز / انتى عارفه مش بحب مستر سامح يكون زعلان ابدآ عايزاه علطول فرحان
جهاد / مستر سامح
روز / قديمه على فكره وكملت كلامها وقالت وبفرح اوى اليوم اللى بيبقى جاى يدينى الدرس بحس أن هو يوم عيد بحس أن المستر بقى حاجه اساسيه فى حياتى على قد ما كنت بقول عليه مغرور اول ما شوفته على قد ما انا دلوقتى عرفت قد ايه هو شخص جميل ومتواضع جدآ وضحكته جميله بتبقى طالعه من القلب نظرة عينه تملى صادقه معرفش ازاى عمرى فى حياتى ما شوفت ولا قابلة بنأدم صادق اوى كده ومش بيعرف يجامل ولا يكدب زيه من الاخر مستر سامح ده ملاك ماشى على الأرض
جهاد / بالشفا يا ضنايا وسابتها ومشيت
روز / بت يا جوجو رايحه فين ولسه بتلف لاقت سامح واقف وراها اتوترت وقالت م.م.مستر س.س سامح ه.ه هو انت هنا من امته
سامح / بأبتسامه من ساعة ما كنتى بتقولى مش بتحبى تشوفينى زعلان
روز / اتوترت وداست بسنانها على شفتها اللى من تحت وبصت على الأرض بكسوف
سامح / هههههههه بتبقى حلوه اوى لما بتتكسفى وخدودك بتحمر
روز / لسه هتمشى
سامح / مسكها من دراعها وقرب من ودنها وقال على فكره انا زيك واكتر انتى حطمتى كل حصونى اللى كنت بستعملها علشان مضعفش لاى تلميذه عندى انتى قدرتى تعملى اللى غيرك مقدرش يعملو يا روز وساب دراعها وبعد عنها
روز / اتفاجئت بكلام سامح وبصت ليه بكسوف وطلعت تجرى
سامح / بص عليها وهى بتجرى وضحك ومشى هو كمان
____________________________
فى الشركه عند شريف ولميس
وصل شريف الشركه ودخل المكتب عند لميس وقال
شريف / صباح الخير يا عمرى
لميس / صباح النور يا شيفو
شريف / ههههه شيفو طالعه من شفايفك زى العسل
لميس / هههههههه انت بقى كل حاجه فيك زى العسل وعسل مركز كمان
شريف / يا بت براحه عليا انا مش قد كلامك الحلو ده
لميس / وانا كده بقول حاجه انا مهما اقول مش هقدر اوصفلك حبى ليك قد ايه
شريف / بحبك وبحب جنانك وبحب كلامك وبحب كل حاجه فيكى
لميس / وانا بعشقك وبعشق كل حاجه فيك
شريف / سكت شويه وبعدين قال امير رجع النهارده
لميس / والله طيب حمدالله على سلامته
شريف / الله يسلمك اتجوز بنت عمه
لميس / لاء بجد ازاى ده مش هو بيحب اختك زهره
شريف / ايوه بيحبها بس حصلت ظروف خلته يتجوز بنت عمه
لميس / الجواز قسمه ونصيب ومحدش عارف نصيبه فين
شريف / تعرفى على قد ما بتمنى اختى ترجع دلوقتى قبل شويه على قد ما انا خايف عليها من الصدمه لما تعرف ان أمير اتجوز
لميس / هى صعبه واكيد هتتصدم بس برضه اكيد هتتقبل الوضع وهتنتبه لمستقبلها
شريف / أمير قرر أن هينزل صورتها فى الجرايد علشان الناس تتعرف عليها وترجعها لينا
لميس / تصدق فكره كانت تايهه عن دماغنا كلنا والله برافو عليه امير أن فكر فى كده
شريف / بس يارب يكون بفايده
لميس / يارب يا حبيبى صحيح هو امير كده مش هينزل الشغل علشان ورث
شريف / هو كان نفسه يفتح شركه اصدارات وتصدير معدات ثقيله اكيد لما ورث هيفتح الشركه دى
لميس / ربنا يوفقه يارب ولو محتاج مساعده عندى ابن خالتى فى اسكندريه عنده مجموعة شركات اصدارات وتصدير من أكبر الشركات فى اسكندريه والعالم كمان
شريف / ربنا يخليكى يا قلبى هبلغه بمساعدتك ليه دى
لميس / انا عيونى علشان شريف واى حد تبع شريف
شريف / بعصبيه خفيفه عيونك علشانى انا بس مش لاى حد تانى فاهمه
لميس / بفرحه كلى علشانك انت بس ومينفعش اكون علشان حد غيرك انا قلبى معاك انت اصلا
شريف / ايوه كده اتعدلى
لميس / انا فرحانه اوى
شريف / اشمعنا
لميس / علشان شايفه غيرتك عليا
شريف / لو مكنتش هغير عليكى هغير على مين
لميس / بحبك بحبك بحبك بحبببببببببببببببببك
شريف / وربنا مجنونه والناس كلها اللى فى الشركه سمعت صوتك
لميس / انا مش عايزه الناس اللى فى الشركه بس اللى تسمع صوتى انا نفسى الدنيا كلها تسمع صوتى وتعرف أن انا بحبك
شريف / وقف وقال والله خايف عليكى تتجننى اكتر ما انتى مجنونه
لميس / لو السبب حبك موافقه
شريف / مشى لحد الباب وبص للميس وقال بموت فيكى يا مجنونه ههههههههههه وخرج وقفل الباب وراه
لميس / ياربى هو فى حلاوه كده فى الدنيا يخربيت كده يا شيخ تجنن وضحكت وبعدين كملت شغلها
____________________________
فى شقة توفيق
فى اوضت ريم
كانت فرحانه انها شافت محمود مسكت الدبله بتاعته وقالت
ريم / انا فرحانه اوى أن شوفت محمود كنت هتجن عليه وعلى ضحكته ونظرت عيونه يارب خليه ليا ومتحرمنيش منه ابدآ وشالت الدبله تانى فى الدولاب وخرجت من الاوضه وكانت نبيله عماله تعيط راحت قعدت جنبها وقالت يا ماما حرام عليكى نفسك كده انتى مش بتوقفى العياط خالص
نبيله / ولا دموعى هتنشف غير لما اختك ترجع انا قلبى بيقولى انها مش كويسه موجوعه من حاجه حاسه بيها والله
ريم / تلاقيها يا ماما كويسه بس خايفه ترجع احسن ما يجوزوها الشخص اللى كانو هيجوزوها ليه ده
نبيله / لاء لاء انا قلبى احساسه ميخيبش ابدآ قلب الام بيحس بضناها حتى لو فين بكره لما ربنا يكرمك وتبقى ام هتفهمى معنى كلامى ده اختك مش كويسه يا ريم قلبى بيقولى كده
ريم / إن شاءالله هتكون كويسه وترجع قريب
نبيله / يارب يا بنتى يارب
_____________________________
فى شقة امير
صحيت سها من نومها بتبص على سرير امير لاقته فاضى بصت على البلكونه لاقته واقف فيها قامت من على السرير وراحت عند امير وقالت
سها / انت منمتش
امير / بصلها وقال لاء المهم انتى نمتى كويس
سها / ايوه بس ليه منمتش مع أن شكلك تعبان
امير / انا مش تعبان من قلة النوم انا تعبان لسبب تانى خالص
سها / انا ليه حاسه انك حزين وفى حاجه شاغله بالك
امير / القلب لما يكون موجوع ومكسور من بعد الحبيب بتبقى كل حاجه سوده فى عينه والدموع بتكون مكانها العيون علطول
سها / والدموع فى عينيها حاسه بكلامك ده اوى وعارفه معناه بتبقى بتصرخ من جواك تبقى اعصار جواك لكن بيبان عليك من بره انك هادى بتبقى عايز تموت وانت اصلا عايش وسط الناس ميت
امير / ياريت اموت واستريح من الوجع اللى حاسه
سها / كده موته وكده موته بس الفرق ما بين الاتنين انك بتبقى جسمك بيتحرك وسط الناس وروحك ميته وبتتعذب إنما الموت التانى هتبقى تحت التراب حاسس بكل اللى بتحبوهم وشيفهم كمان بس ممكن تكون شايفهم مع ناس تانيه عايش سعيد ولا كأن كان فى حياته حد ومات اصلا
امير / هو ريان ده كان معاكى فى الجامعه
سها / ايوه بس كان أكبر منى بسنتين
امير / تعرفى ساكن فين فى اسكندريه
سها / للاسف لاء بس هو كان فقير يعنى اكيد هيكون ساكن فى منطقه شعبيه وفى المكان اللى كنا بنتقابل فيه عارفه مكانه ده تبعه هو
امير / تعرفى أن انا اتخدعت فيكى اول ما شوفتك شكلك يقول انك مستحيل تعملى حاجه زى دى ابدآ
سها / الحب يا امير يعمل اكتر من كده
امير / لاء يا سها ده مش اسمه حب ده اسمه حب شهوه لو كان حب حقيقى كنتو انتو الاتنين عمركم ما فكرتو تعملو كده اللى بيحب حد بيبقى عايزه فى الحلال بيخاف عليه من عقاب ربنا لو هو حبك بجد كان حافظ عليكى زى أخته بالظبط وانتى لو عندك عقل كنتى فكرتى هو يقبل أن أخته تتجوز عرفى مستحيل لأنه بيحبها وبيخاف عليها وعايز يوصلها لبيت جوزها وهى عزيزه ومرفوعة الراس إنما معاكى مفكرش فى كده فكر ازاى يشبع رغباته من خلال واحده سلمت نفسها لواحد بكل سهوله الحب حاجه حلوه اوى وأشرف من اللى زى ريان اللى بيستخدموه علشان يلعبو ببنات الناس علشان تسلمو نفسها يارب تكونى اتعلمتى الدرس من اللى حصلك
سها / اتعلمت يا امير بس متأخر اوى بعد ما خسرت شرفى وكرامتى ونفسى
امير / انا هنزل اسكندريه اروح ادور عليه واوصلو واشوف شاريكى بجد ولا كان بيقضى معاكى يومين وخلاص اهم حاجه عارفه اسمه بالكامل ومعاكى صوره ليه
سها / اه اسمه ريان اسامه امين وصورته ثوانى هجبها ليك ودخلت وشويه وجت وادته صورته وقالت اهو صورته واخر حاجه عرفتها أن هو شغال فى مستشفى كبيره فى الاسكندريه بس مش فاكره اسمها
امير / هروح وأسأل هناك وان شاءالله اقدر اوصل ليه انتو كنتو بتتقابلو فين
سها / فى اوضه فى شارع (.........)
امير / اكيد بيته هيكون قريب من الاوضه دى هروح الشارع هناك وأسأل عليه
سها / شكرآ يا أمير على وقفتك جنبى
امير / انتى بنت عمى يعنى لحمى ودمى وعرضى واللى مرضهوش على اختى مرضهوش عليكى
سها / ربنا يريح قلبك يارب
امير / يارب كترى من الدعوه دى بالله عليكى محتاجها اوى اليومين دول
سها / بصت ليه وقالت مش ناوى تقولى فين حبيبتك
امير / يلا زمنهم حضرو الاكل وخرج من الاوضه وسابها
سها / حركت كتفها بعدم فهم وخرجت وراه من الاوضه
_____________________________
فى اسكندريه
فى فيلا عاطف
كانت زهراء قاعده مع الاولاد فى الاوضه بتلعب معاهم لحد ما تعبو الاولاد ونامو وهى نامت جنبهم ومر الوقت وجه عاطف ودخل اوضت أولاده زى ما متعود كل يوم بس اتفاجئ بوجود زهره معاهم فى الاوضه باس أولاده وراح عند زهره وقال
عاطف / انسه يا انسه اصحى يلا
زهراء / نايمه ومش حاسه بحاجه
عاطف / احم يا انسه يا صدفه اصحى يلا
زهراء / ...........
عاطف / زهق منها مال عليها وشالها وخرج من الاوضه وقفل الباب ونزل بزهره ودخل بيها اوضتها وحطها على السرير ونيمها وغطها وطفى النور وخرج وقفل الباب وراه ودخل اوضه مسك صورة مراته وقال واحشتينى اوى اوى الدنيا وحشه من غيرك اولادك مفكرين انك بعدى عنهم برضاكى ميعرفوش أن ده قضاء ربنا لو كان عليكى كان نفسك تشوفيهم وهما بيكبرو وتفرحى بيهم إنما ربنا مش عايز كده ربنا يرحمك يا حبيبتى ويجمعنا ببعض فى الاخره إن شاءالله وحط الصوره مكانها وقام غير هدومه ونام
____________________________
اشرقت شمس صباح يوم جديد بنورها الساطع فى سماء الاسكندريه لتبدأ زهراء بفتح عيونها بصت حاوليها لاقت نفسها نايمه فى الاوضه قالت لنفسها
زهراء / انا ايه جبنى الاوضه هنا اخر حاجه فكراها كنت بلعب مع الاولاد ونامو وانا نمت معاهم معقول اكون صحيت ونزلت نمت فى الاوضه وانا مش حاسه جايز يمكن كنت بمشى وانا نايمه قبل ما أفقد الذاكره كل شئ جايز وقامت دخلت الحمام اتوضت وخرجت أدت فرضها وخرجت وكان عاطف قاعد بيقراه الجريده قالت صباح الخير
عاطف / صباح النور
زهراء / رجعت متأخر امبارح
عاطف / ايوه وكنتو انتو كلكم نايمين فى الاوضه
زهراء / انت جيت بقى قبل ما امشى وانا نايمه وانزل اوضى
عاطف / نزل الجريده وبصلها بأستغراب وقال تمشى وانتى نايمه
زهراء / ايوه اصل انا كنت نايمه فى الاوضه مع الاولاد بليل قومت الصبح لاقيت نفسى نايمه فى الاوضه بتاعتى شكلى قبل ما افقد الذاكره كنت بمشى وانا نايمه
عاطف / كتم ضحكته وقال متأكده انك انتى اللى نزلتى الاوضه بنفسك
زهراء / ايوه يعنى هيكون حد شالنى ونزلنى وسكتت فاجئه وقالت انت قولت انك دخلت الاوضه علينا واحنا نايمين ا.ا.انت اللى نزلتنى الاوضه بتاعتى صح
عاطف / هز راسه بمعنى ايوه وهو بيكتم ضحكته على منظرها
زهراء / وانا فكرت نفسى بمشى وانا نايمه وبعدين قالت انت ازاى تشلنى وقبل كده شلتنى انت هتتعود على كده ولا ايه
عاطف / انا غلطان اصلا لاقيتك نايمه وانتى قعده على الأرض وراسك على السرير صعبتى عليا حاولت اصحيكى بس بسم الله ما شاءالله عليكى نومك ولا الاموات شلتك ونز
زهراء / قطعته وقالت ثوانى استنا انا افتكرت الكلمه دى كان فى حد تملى يقولها ليا قبل ما أفقد الذاكره غمضت عينيها وقالت مين مين ايوه نفس الكلمه كانت بتتقال ليا انتى بتنامى زى الاموات بس مين اللى كان بيقولها ليا مش قادره افتكر
عاطف / على فكره ده شئ كويس انك بدأتى تفتكرى حاجه
زهراء / بس مش فاكره مين اللى قال الكلام
عاطف / واحده واحده مدام بدأتى تفتكرى يبقى ده مؤشر انك فى طريق الشفاء إن شاءالله
زهراء / يارب
وفى الوقت ده جت بيلار ورائف وطلعو يجرو على زهراء وبسوها وقالو
بيلار ورائف / صباح الخير
زهراء / صباح النور كده تعبتونى امبارح لحد ما نمت محستش
بيلار / معلش يا طنط بس انتى بتلعبى حلو اوى زى ماما بالظبط كانت بتلعبنا كده تملى
زهراء / بصت لعاطف وبعدين ضمت بيلار فى حضنها وقالت بيرو حبيبتى ماما دلوقتى عند ربنا هى شيفاكى دلوقتى لكن انتى مش شيفاها
بيلار / بس انا زعلانه منها علشان مشيت عند ربنا وسبتنا
رائف / قال وانا كمان زعلان منها
عاطف / داس على أسنانه وقام وسابهم
زهراء / ضمت الاتنين فى حضنها وقالت بس هى مراحتش عند ربنا بمزاجها ده أجلها وماتت وكل واحد ليه يوم ويجى أجله ويروح عند ربنا لحد ما الدنيا دى تخلص خالص ونرجع نتجمع كلنا مع اللى بنحبهم وميبقاش فى فراق تانى ونفضل علطول مع بعض
بيلار / يعنى انا ممكن اروح عند ربنا لماما
زهراء / بعد عمر طويل إن شاءالله
رائف / انا بكتب ليها رسايل كتير علشان لما أشوفها اديها ليها
زهراء / دموعها نزلت منها وقالت وهى اكيد هتفرح بيهم اوى يا حبيبى
عاطف / بيسمعهم من بعيد ودموع نزله منه مسحها واخد نفس ودخل قعد تانى
زهراء / مسحت دموعها وقالت ايه رأيكم النهارده نقعد نرسم حاجات حلوه كتير
بيلار / هو انتى بتعرفى ترسمى يا طنط
زهراء / مش عارفه بس نجرب
رائف / انا بحبك اوى يا طنط
زهراء / وانا كمان يا روح طنط وبعدين بصت لعاطف وقالت صحيح انا كنت عايزه اعرف معنى اساميهم دى اصل اسمهم غريب جدا رائف و بيلار
عاطف / بيلار معنى النسمه الرقيقه
ورائف معنى الرؤوف الرحيم
زهراء / الله معانيهم حلو اوى
عاطف / ده اختيار امهم الله يرحمها
زهراء / الله يرحمها طيب عندهم كام سنه
عاطف / بيلار عندها خمس سنين ورائف اربع سنين
زهراء / العمر الطويل ليهم يارب
عاطف / يارب ووقف وقال همشى انا وخلى بالك على الاولاد
زهراء / متقلقش فى عينيا
عاطف / محتاجه حاجه اجبها ليكى وانا جاى
زهراء / شكرآ ربنا يخليك
ومشى عاطف وبصت زهراء للاولاد وقالت يلا نرسم
بيلار / هييييييا يلا بينا وطلعو على الاوضه ومسكت زهراء القلم والورقه وبدأت ترسم
رائف / الله يا طنط رسمك حلو اوى
زهراء / استغربت من نفسها ومن طريقة رسمها وجه قصاد عينيها لوحات رسم غمضت عينيها وقالت ا.ا.انا افتكرت حاجه انا كنت برسم قبل كده بس مش فاكره اذا كنت واخدها هوايه ولا دراسه معقول غمضت عينيها وقالت مش قادره افتكر حاجه خالص يارب ريح قلبى وعرفنى انا مين
بيلار / طنط يا طنط احنا بنكلمك مش بتردى علينا
زهراء / معلش يا حبيبتى يلا نكمل رسم وقعدو يلعبو ويرسمو لحد ماالليل جه
____________________________
فى القاهره
فى بيت امير
صحى من نومه وبص ملاقاش سها نايمه على السرير قام من على السرير وخرج وقال
امير / صباح الخير
كلهم / صباح النور
امينه / قومى يا ساره حضرى لاخوكى الفطار
سها / خليكى يا ساره انا هقوم أحضره
امير / محدش يقوم انا مليش نفس وسابهم ودخل الحمام
وبعد وقت خرج ودخل اوضه
امينه / قومى يا حبيبتى وراه جوزك شوفيه محتاج حاجه
سها / حاضر يا مرات عمى وسابتهم ودخلت الاوضه عند امير وقالت محتاج حاجه
امير / لاء يا سها انا هجهز علشان انزل اسكندريه وهقول ليهم أن انا نازل اسكندريه بخصوص الورث وكده
سها / ماشى وابقى كلمنى وطمنى
امير / أن شاءالله وجهز نفسه وخرج من الاوضه
امينه / بصت ليه بأستغراب وقالت رايح فين كده يا حبيبى
امير / نازل اسكندريه
امينه / هتعمل ايه فى اسكندريه وانت لسه عريس يا حبيبى
امير / ده حاجه بخصوص الورث ومش هغيب يومين بالكتير واجى
امينه / يعنى مكنش ينفع يتأجل شويه
امير / لاء مينفعش
امينه / ربنا يسلم طريقك يارب
امير / سلم عليهم وخرج خبط على باب شقة توفيق
شريف / فتح واستغرب وقال ايه ده رايح فين
امير / عندى مشوار مهم فى اسكندريه ومش هغيب يومين بالكتير وجاى
شريف / مشوار ايه ده اللى فى اسكندريه ليك مين فيها
امير / مليش بس حاجه بخصوص الورث
شريف / اه ماشى انت فكرت هتعمل ايه بيهم
امير / هفتح شركة اصدارات وتصدير اللى نفسى فيها
شريف / خلاص مدام نازل اسكندريه فى ابن خالة لميس عنده مجموعة شركات اصدارات وتصدير وهيساعدك فى الشركه اللى عايز تفتحها لان لازم يبقى ليك علاقات خارجيه علشان الاصدارات والتصدير وهو ماشاء الله بتقولى اكبر شركه على مستوى العالم
امير / تمام هبقى اكلم لميس واعرف اسمه ايه واروح ليه بالمره
شريف / تمام وهى هتوصيه عليك
امير / شريف دور على اختك متييأسش وانا كلمة واحد معرفه هينشر الخبر النهارده فى الجريده عنده
شريف / ربنا يسهل خلى بالك من نفسك
امير / ربنا يستر سلام ونزل امير علشان يسافر اسكندريه
____________________________
فى الاسكندريه
فى فيلا عاطف
نزلت زهراء تريح شويه فى اوضتها وشويه وسمعت خبط على الباب قامت فتحت الباب وقالت
زهراء / ايوه يا حبيبتى
بيلار / الحقى يا طنط رائف عمال يرجع فى اوضه
زهراء / طلعت تجرى على اوضت رائف لاقته عمال يرجع حطت ايديها على راس رائف لاقته سخن جدآ مسكت تليفون البيت بس معرفتش رقم عاطف طلعت شالت رائف واخدت بيلار ونزلت تجرى بيهم وقفت تاكسى وقالت ليه على اسم المستشفى اللى كانت فيها وراح بيها التاكسى عند عنوان المستشفى ونزلت تجرى وهى شايله رائف دخلت بيه اوضت الكشف وشويه وجه الدكتور اللى كان بيكشف عليها وهى فى المستشفى وقال
الدكتور / انتى خير يا انسه
زهراء / الحقنى يا دكتور ده ابن عاطف بيه وسخن جدآ وعمال يرجع
الدكتور / كشف على رائف وقال ده عنده نزله
زهراء / طيب هنعمل ايه
الدكتور / هيتحجز لحد ما ننزل ليه الحراره والترجيع يوقف
زهراء / طيب ممكن تتصل بعاطف بيه وتبلغه علشان انا معرفش رقمه
الدكتور / اه طبعآ واتصل على عاطف وبلغه وشويه وجه عاطف وعرف حالة رائف وقعدو طول الليل فى المستشفى معاه
____________________________
بقلمى دودومحمد
🌷الفصل الثامن عشر 🌷
اشرقت شمس صباح يوم جديد بنورها الساطع فى سماء الاسكندريه
وصل امير الاسكندريه وراح فندق نام فيه لحد ما النهار طلع قام جهز نفسه نزل راح العنوان اللى قالت عليه سها بيتقابلو فيه وسأل على اسم ريان لحد ما حد عرفه ووصف ليه بيته راح على المكان اللى اتوصف ليه وطلع خبط على الشقه فتحت ليه بنوته صغيره
امير / ازيك يا حبيبتى ريان موجود
البنت / لاء يا عمو مجاش من امبارح
امير / طيب ممكن اعرف الاقيه فين
البنت /فى المستشفى
امير / تعرفى اسمها ايه
البنت / اسمها (......…)
فى (........)
امير / شكرآ يا حبيبتى وسابها ونزل وقف تاكسى وقال ليه على اسم المستشفى والعنوان ووصله عندها دخل وسأل على ريان والاستقبال بعته على مكتبه وخبط على الباب واذن ليه بالدخول
ريان / اتفضل حضرتك
امير / سلم عليه وقال انا امير ابن عم سها
ريان / اتوتر وقال ا.ا.اه اهلا وسهلا اتفضل اقعد
امير / قعد وقال انا جيت ليك مخصوص من القاهره علشان اتكلم معاك بخصوص سها
الدكتور /م.م.مالها سها ك.ك.كانت زميله عزيزه عليا فى الجامعه
امير / بص كده علطول من غير لف ولا دوران سها حكت ليا على كل حاجه وعلى موضوع الجواز العرفى اللى كان ما بنكم
ريان / ها ق.ق.قالتلك
امير / ايوه قالت ليا كل حاجه بس اللى عايز أفهمه انت ليه عملت كده
ريان / بص انا مش هكدب عليك الاول ك.ك.كنت واخدها تسليه بنت قعده فى مكان بعيد عن اهلها وبتحبنى ووافقت انها تتجوزنى عرفى بسهوله بس والله العظيم والله العظيم بعد ما عشرت سها وشوفت برأتها وطيبتها حبيتها بجد ومرضتش اقرب منها تانى وطلقتها وروحت طلبتها رسمى من ابوها بس هو رفضنى
امير / ولما انت حبيتها ليه مسألتش عليها بعد كده وبعد عنها وسبتها فى النار لوحدها محاولتش ليه مره واتنين وتلاته لحد ما كان عمى وافق لكن انت ما صدقت خلعت
ريان / لا والله بس انا قولت اترفض علشان فقير اثبت نفسى فى الشغل واكون مستقبلى الاول وكنت هروح اتكلم عليها تانى
امير / يعنى لسه شاريها وبتحبها ومستعد تتقدم تانى ليها
ريان / انا فعلا شاريها لكن صعب اتقدم دلوقتى
امير / ليه
ريان / حاليآ ظروفى متسمحش اختى هتتجوز وكل قرش محتاجه ليها اخلص من جواز اختى دلوقتى وبعد كده افكر فى نفسى
امير / حتى لو قولتلك أن سها جاى ليها عريس
ريان / سكت شويه وبعدين قال سها اكيد مش هتوافق عليه اولا علشان بتحبنى وثانيآ هتخاف تتجوز حد غيرى احسن ما يكتشف انها مش بنت بنوت
امير / واثق من نفسك وعارف شغلك كويس اوى
ريان / مش حكاية واثق من نفسى بس اللى بيحب حد صعب يقدر يكون لحد تانى وسها بتحبنى وانا بحبها وصعب سها تحب حد غيرى
امير / ولو قولتلك أن ابوها مصمم يجوزها العريس ده هتعمل ايه
ريان / صدقنى معرفش انا بحب سها وفى نفس الوقت اختى ملزومه منى ولازم اجهزها وعمك بيبص للفرق الاجتماعى انا لو عليا عايز اتجوز سها دلوقتى قبل شويه لكن ما باليد حيله
امير / حس بصدق كلامه وقال جوز اختك الاول وسها عندى فى الحفظ والصون وقت ما تحس نفسك جاهز بلغنى وانا هساعدك أنك تتجوز سها
ريان / بفرحه بجد مش عارف اقولك ايه شكرآ ليك يا أمير وهات رقم تليفونك وبعد فرح اختى هكلمك واتفق معاك اكيد
امير / قال ليه رقمه واخد رقم ريان وقام وقف وقال اتشرفت بمعرفتك هستنا تليفونك
ريان / سلم عليه وقال إن شاءالله
امير / فتح الباب وخرج من الاوضه علشان يمشى
_____________________________
فى المستشفى عند زهراء
فاق رائف من النوم وقال
رأئف / طنط صدفه طنط صدفه
زهراء / قامت تجرى وراحت عنده وقالت نعم يا حبيبى
رائف / عايز اشرب
زهراء / بصت جنبه وقالت المايه خلصت وابوك اتصلو بى فى الشركه ضرورى اعمل ايه دلوقتى
رائف / عطشان يا طنط
زهراء / بيرو خليكى قاعده مع اخوكى متتحركيش من الاوضه وانا هروح اشترى مايه بسرعه واجى
بيلار / حاضر يا طنط
زهراء / خرجت من الاوضه وراحت تشترى مايه وكانت ماشيه مستعجله علشان تجيب مايه بسرعه وخبطت كتف امير وقالت سورى ومشيت تجرى
امير / بصدمه زهره ونده عليها وقال زهره زهره
زهراء / طلعت تجرى واختفت ومسمعتش صوت امير
امير / بأستغراب معقوله تكون شبها بس لاء دى زهره حبيبتى بس دى شعرها قصير وزهره شعرها طويل اكيد شبها ورجع قال لالالا دى زهره انا متأكد رجع قال لنفسه بس لو دى زهره ازاى معرفتنيش دى خبطت فيا وكانت بتكلمنى كأنى واحد غريب ورجع قال تانى لاء بس احساسى بيقولى انها هى بس راحت فين اختفت فاجئه غمض عينه وقال واضح كده من كتر ما زهره واحشانى بقيت اشوف الناس كلها هى وفى الوقت ده تليفونه رن رد وقال ايوه يا شريف
شريف / عملت ايه فى موضوع الورث خلصت نفسك
امير / ايوه
شريف / تمام لميس كلمة ابن خالتها ومستنيك فى الشركه تروح تقابله دلوقتى علشان هو مستعجل وعايز يمشى
امير / ماشى ابعت ليا العنوان بتاع الشركه واسمه فى رساله
شريف / مالك يا أمير صوتك باين عليه انك مضايق
امير / مفيش بس حصل ليا دلوقتى موقف غريب
شريف / ايه هو
امير / واحده خبطت فيا شبه زهره بس الفرق ما بنهم زهره شعرها طويل دى شعرها قصير ودى معرفتنيش إنما لو زهره اكيد لو شفتنى هتعرفنى
شريف / وايه اصلا هيودى زهره اسكندريه يا أمير
امير / مش عارف بقى يا شريف
شريف / إن شاءالله هنلاقوها قريب
امير / يارب يا شريف هقفل انا ومتنساش تبعت العنوان والاسم
شريف / ماشى سلام
امير / قفل مع شريف وشويه وبعت شريف ليه العنوان والاسم وقف تاكسى وقال ليه العنوان وراح على الشركه
____________________________
فى القاهره
خرجت ريم من شقتهم لاقت محمود مستنيها اتخضت وقالت
ريم / محمود مالك واقف كده على السلم
محمود / مستنى القمر لما يحن عليا وينزل ليا من السما
ريم / وهو فى قمر بيظهر بالنهار يا خفه
محمود / اه ساعات بتحصل ساعة الكسوف والخسوف وفى الحاله دى بتبقى انتى الكسوف وانا المنيل على عينه الخسوف
ريم / هههههههههههههه
محمود / الله اكبر هو فيه كده ياربى جمال ورقه مشوفتش زيهم على حد
ريم / محمود مش معنى أن ضحكة معاك وسبتك تقول كلمتين هتسوق فيها وتتعده حدودك
محمود / الله وانا قولت ايه بس وبعدين ايه قلبة الشويش عطيه دى
ريم / بصت ليه ونزلت من قدامه وهى بتكتم فى ضحكتها
محمود / شدها من دراعها وسندها على الحيطه وقال لاء استنى بقى انتى بتفرحى لما بتعذبى فيا صح
ريم / اتوترت من قرب محمود ليها وقالت م.م.محمود ابعد
محمود / وهو بيقرب اكتر قال لاء ما هو انا لازم افهم عيونك بتقول انها بتموت فيا ليه انتى بقى بتعذبى فيا وبتعملى كل ده
ريم / يا محمود حد يشوفنا
محمود / ردى على سؤالى ليه بتعذبينى اوى كده وانتى بتحبينى اصلا
ريم / بصت على الارض وسكتت
محمود / ليه مش عايزه تعترفى ليا بحبك وتسيبى نفسك بقى لمشاعرك هى اللى تحركك
ريم / علشان لسه خايفه منك يا محمود وخايفه من نزاوتك اللى ملهاش نهايه
محمود / وسبق وحلفتلك يا ريم ان مش بحب غيرك ولا عملى حبيت اى واحده كانو مجرد خروج وسهر وقطعت علاقتى بيهم وبقيت مش شايف قصاد عينى غيرك انتى وبس
ريم / محمود اف
محمود / قطعها وقال ريم لاخر مره بطلب منك تدينى فرصه وانا هثبت ليكى أن مليش غيرك فى الدنيا بحالها
ريم / بصت فى الارض وسكتت
محمود / افهم من سكوتك ده انك موافقه على كلامى صح
ريم / هديك فرصه بس خليك عارف هى فرصه واحده يا محمود لو فى يوم عرفت انك تعرف واحده غيرى وبتخرج معاها زى ما متعود صدقنى هتبقى خسرتنى للابد ومش هرجع ليك ولو هتبكى بدل دموعك دم
محمود / وانا اوعدك يا ريم ان عمرى ما هبص لواحده غيرك
ريم / ماشى
محمود / طيب بحبك
ريم / مش يلا بينا بقى وابعد علشان غلط اللى انت عامله ده
محمود / طيب بالنسبه للفرصه اللى اخدها دى ممنوع فيها انك تقولى ليا بحبك ولا ايه
ريم / محمود
محمود / قلب وعمر محمود
ريم / بحبح المسافه اللى ما بنا شويه وابعد
محمود / لا والله انتى بتلعبى بيا بقى
ريم / الصراحه اه ههههههههههه
محمود / كده ما بلاش احسن ما اخليكى تقوليها بطريقتى
ريم / يعنى هتعمل ايه ولا تقدر تعمل حاجه ومش هقولها ليك برضه
محمود / اممممممم متأكده
ريم / ايوه
محمود / قرب منها اوى
ريم / م.م.محمود ابعد انت هتعمل ايه
محمود / وهو بيقرب اكتر قال تقولى بحبك ولا اعرفها انا بطريقتى وغمز ليها
ريم / م.م.محمود متستعبطش
محمود / قرب ليها اكتر وبص على شفايفها ووهمها أن هو هيبوسها وقال ها هتقولى ولا
ريم / اتوترت اكتر من قرب محمود ليها وقالت بحبك بحبك ا.ا ابعد بقى
محمود / بعد عنها ومشى أيده على راسه من وراه وضحك وقال ياريتك ما كنتى قولتيها ولاعتينى يخربيتك بس طالعه منك زى السكر وانا بموت فيكى يا قلب وعمر محمود
ريم / اتكسفت وبصت فى الارض وقالت والله العظيم انت غلس ونزلت تجرى
محمود / نزل يجرى وراها وقال استنى يا احلى مجنونه هههههههههه
ونزل وراها وقف تاكسى وركبو وراح وصلها الجامعه وراح هو على المكتب
__________________________
فى الجامعه عند ساره وأحمد
وصلت ساره الجامعه ودخلت وهى ملهوفه على احمد وكانت بدور بعينيها عليه لحد ما شافته قاعد فى الكافتيريا مع واحده اتصدمت وعينيها دمعت غيرت اتجاها ولسه هتمشى سمعت صوت احمد بينادى عليها وقفت ومسحت عينها من الدموع
احمد / راح وقف قصادها وقال ساره حمدالله على سلامتك ليه كنتى هتمشى
ساره / احم الله يسلمك مفيش لاقتك مشغول قولت بلاش اجى اغلس عليكم
احمد / بأستغراب مشغول وتغلسى علينا قصدك ايه
ساره / يعنى تكونو بتتكلمو فى حاجه شخصيه ولا حاجه قولت بلاش اقطعكم
أحمد / فهم أن ساره غيرانه عليه ابتسم وقال تعالى
ساره / على فين
أحمد / تعالى بس واخدها وراح عند البنت اللى كان قاعد معاها وقال لساره دى جيهان بنت خالتى وزى اختى وهى معانا هنا من زمان على فكره بس محدش فيكم يعرف التانى وبص لجيهان وقال دى ساره اللى كنت حكيت ليكى عليها
ساره / حكيت ليها عليا انا
أحمد / ايوه
جيهان / سلمت عليها وقالت هاى بس طلعت احلى من وصفك كمان يا بودى
ساره / اتغاظت من جيهان لما دلعت احمد وقالت بغيظ ميرسى يا حبيبتى ده بس من ذوقك وبعدين بصت لأحمد وقالت بس مكنتش بشوفك معاها خالص ليه
احمد / جيهان مش بتيجى علطول يعنى ممكن تيجى مرتين تلاته فى الشهر ومكبراها على الاخر
ساره / امممم علشان كده
احمد / بس ايه المفاجئه الحلوه دى ليه مقولتيش انك هتنزلى النهارده الجامعه
ساره / مكنتش هنزل بس لاقيت نفسى قاعده فاضيه وزهقانه قولت انزل استفاد باليوم وخلاص
احمد / احلى حاجه عملتيها
ساره / طيب مش هعطلكم بقى عن اذنكم وسابتهم ومشيت
احمد / بص لجيهان بأستغراب وقال مالها دى
جيهان / يا عم فكك منها وسبها تغور
احمد / بغيظ جيهان اتكلمى عدل عليها انتى عارفه ساره بالنسبه ليا ايه
جيهان / بغيظ على ايه يعنى مش حلوه اصلا
احمد / بس عجبانى وسبها ومشى جرى وراه ساره وقال ساره يا ساره انتى يا بنتى
ساره / وقفت وقالت ايوه يا احمد فى حاجه
احمد / مالك يا بنتى شكلك مش طبيعى خالص النهارده
ساره / مش طبيعى ازى يعنى شيفنى بشد فى شعرى ولا ماشيه اخبط راسى فى الحيط
أحمد / لا ده ولا ده بس عصبيه زياده عن اللزوم مش عارف ليه
ساره / ولا عصبيه ولا حاجه اتفضل بس روح لبنت خالتك مينفعش تسبها كده لوحدها تزهق ولا حاجه ولسه هتمشى
احمد / مسكها من دراعها وقال استنى هنا يا بنتى
ساره / شدت دراعها منه وقالت انا مش بنتك فاهم
احمد / اموت واعرف ليه كل ده وليه قومتى ومشيتى
ساره / اصل حسيت نفسى ضيفه تقيله على قلب بنت خالتك وبصوت جيهان قالت يا بودى
احمد / ضحك على طريقتها وهى بتقلد جيهان وعرف انها غيرانه عليه منها وقال على فكره جيهان مش اكتر من اخت ليا
ساره / بس انت بالنسبه ليها مش اخ هى شكلها بتحبك وكانت غيرانه عليك منى
احمد / لاء طبعآ جيهان مش بتحبنى هى بتعتبرنى اخوها احنا متربين مع بعض
ساره / لاء بتحبك وده واضح اوى عليها وبعدين انا مالى بتحبها ولا زى اختك ده شئ ميخصنيش عن اذنك
أحمد / لاء يخصك زى ما انتى بتخصينى يا ساره
ساره / لاء متخصنيش يا احمد
احمد / تعالى يا ساره عايزك فى موضوع
ساره / لاء مش فاضيه ومفيش مواضيع ما بنا عن اذنك ولسه هتمشى
احمد / مسكها من ايديها وشدها وخرج من الجامعه وركبها معاه العربيه وقفل الباب وراح ركب هو كمان
ساره / انت يا بنأدم سبنى واخدنى ورايح على فين وازاى تسمح لنفسك تمسكنى وتشدنى كده افتح باب العربيه ونزلنى احسنلك بدل ما اصوت واقول انك خطفنى
احمد / صوتى من هنا لبكره ازاز العربيه مضاد لصوت يعنى محدش هيسمعك
ساره / يعنى ايه انت كده خطفنى
احمد / لاء هاخدك مكان عام نتكلم فيه شويه انا عايزك فى موضوع ضرورى
ساره / وانا قولتلك مفيش ما بنا مواضيع عايز ايه بقى
احمد / ساره اصبرى شويه وهقولك على كل حاجه
ساره / افتح الباب ونزلنى يا احمد مش عايزه اسمعك وقعدت تخبط على الباب
احمد / ساره انا بحبك
ساره / اتصدمت من اللى سمعته ووقفت خبط على الباب ومتحركتش
احمد / لما لاقها هاديه شغل العربيه ومشى بيها من غير ولا كلمه
ساره / كانت فرحانه اوى بالكلمه اللى قالها احمد وبصه من الشباك وساكته مش بتتكلم
احمد / كل شويه يبص على ساره يلاقيها بتبص من الشباك وسرحانه لحد ما وصل مطعم وقف عنده ونزل من العربيه وفتح الباب لساره وقال انزلى
ساره / نزلت من العربيه من غير ولا كلمه ومشيت جنب احمد ودخلو المطعم وقعدو
احمد / ساره
ساره / كانت مكسوفه تبص ليه
احمد / رفع وش ساره ليه وقال ساره انا بحبك ومش من دلوقتى انا بحبك من زمان اوى وكنت بتابع كل حركاتك فى الجامعه وكنت بفرح بيكى اوى لما بشوفك بتصدى اى شاب بيحاول يقرب منك وكان كل يوم حبى ليكى بيزيد عن اليوم اللى قبله وكل ما احاول اقرب ليكى بتصدينى ولما جت الفرصه وقربت ليكى وبقيت اتكلم معاكى وعرفتك اكتر حبيتك اكتر واكتر بس كانت عندى مشكله كنت خايف اجى اعترف ليكى بحبى تكونى انتى مش بتحبينى واخسرك صديقه وحبيبه لحد ما جهاد شافتك وانا كنت علطول اكلمها عنك واقولها انا قد ايه بحبك شافت غيرتك عليا من روز صاحبتها وقالت ليا انك انتى كمان بتحبينى شجعتنى أن اخد الخطوه دى واعترفلك بحبى والنهارده بالذات انا اتأكد من حبك ليا بعينى لما شوفت غيرتك عليا من جيهان بنت خالتى ده اللى خلانى اتشجع اكتر واصمم أن اعترفلك بحبى النهارده
ساره / كانت ساكته ومش عارفه تقول ايه
احمد / انا عارف ان الوضع صعب ومحرج ليكى انك تردى عليا وانا مش مستعجل على انك تقوليها ليا بس عايز اطمن أن فى مشاعر جواكى ليا بأى حاجه انشالله لو تهزى راسك بالموافقه بس
ساره / بصت فى الارض بكسوف وهزت راسها بالموافقه
احمد / كان هيطير من الفرحه وقال انا اسعد واحد فى الدنيا دى بجد يا ساره انا مش مصدق نفسى انا كنت تملى حاسس انك حلم بعيد وصعب احققه ووعد منى عمرى ما هزعلك ولا هجرحك بكلمه منى وهفضل معاكى طول العمر وهخليكى اسعد واحده على الأرض
ساره / احم ط.ط.طيب ممكن بس أسأل سؤال
احمد / بفرحه اه طبعآ اسألى
ساره / احم ي ي.يعنى اخر الحب ده ايه
احمد / جواز طبعآ وده اليوم اللى بحلم بى يوم ما تكونى مراتى حلالى بس طبعآ مش هينفع دلوقتى احنا كلها كام شهر ونتخرج وبعدها هاجى اتقدم ليكى اخطبك شهر ولا حاجه وبعد كده نتجوز علطول
ساره / م.م.ماشى يلا نرجع الجامعه بقى
احمد / بص فى الساعه وقال على فكره المحاضره بدأت من نص ساعه
ساره / اييييه طيب والعمل دلوقتى
احمد / اممممم العمل اننا ناكل لقمه ونشرب حاجه وبعد كده كل واحد يروح على البيت لان مش هيبقى لينا نفس نحضر محاضرات النهارده ها ايه رأيك
ساره / بصت ليه بكسوف وقالت م.م.ماشى
احمد / على فكره بقى انا مش واخد على البنت الهاديه منك انا واخد على البنت اللى بتدخل شمال وتزعق وتبهدل والحاجات دى
ساره / هههههههه لاء البنت دى مع الشباب اللى مش محترمه إنما انت غيرهم
احمد / بجد طيب انتى شيفانى ازاى
ساره / بكسوف ك.ك.كويس
احمد / كويس ايه مش فاهم كويس فى الشكل ولا فى الأخلاق ولا ايه بالظبط
ساره / ك.ك.كله
احمد / ههههههههه خلاص مش هضغط عليكى هسيبك براحتك لحد ما انتى تخدى عليا وتتكلمى لوحدك
ساره / هزت راسها بمعنى ماشى
احمد / تاكلى ايه
ساره / احم ا.ا انا مش عايزه اكل هنا
احمد / بأستغراب ليه
ساره / م.م.مش بحب الاكل ده
احمد / فى مكان معين عايزه تروحى فيه
ساره / ا.ا ايوه
احمد / تمام يلا بينا عليه وخرج هو وساره وركبو العربيه ووصفت ليه المكان وراح على المكان ده ووقف وبص لساره بأستغراب وقال محل كشرى
ساره / احم ا.ا.ايوه بحب اكل فيه تملى انا وزهره
احمد / بصلها وسكت
ساره / على فكره لو مش حابب المكان ولا قرفان منه بلاش يلا بينا
احمد / بالعكس أنا كل يوم بكتشف فيكى حاجه تحببنى فيكى اكتر اى بنت تتعرف على شاب معاه فلوس تحب تترسم عليه وتعمل نفسها رقيقه وبتاكل اكلها على الشوكه والسكينه مع انهم مش لاقين اللقمه إنما انتى على طبيعتك اوى ومش بتحبى تمثلى وتعيشى الدور بجد انا بحبك اوى يا ساره
ساره / داست على شفتها اللى تحت بسننها وبصت للاض بكسوف
احمد / على فكره اختى جهاد هتفرح اوى بيكى لأنها بتحب هى الجو ده الكشرى والفول والطعميه والحياه دى
ساره / اى وقت تكون عايزه تخرج تقولى وانا اعزمها على حسابى على الاكل اللى هى بتحبه
احمد / طيب وانا
ساره / وانت ايه
احمد / مش هتعزمينى على حسابك اصل بعيد عنك ابويه قاطع عليا المصروف والحاله مهويه على الاخر
ساره / ههههههههههههه اعزمك على حسابى وعد الجمايل بقى هههههههههه
احمد /هههههههههه اشطا
ودخلو الاتنين المطعم وطلبو اتنين كشرى وقعدو على الطرابيزه وبدأو ياكلو وكان أحمد كل شويه يبص على ساره وهى بتاكل بحب
ساره / وقفت الاكل وقالت بكسوف احم ا.ا.انت بتبص ليا ليه كده
احمد / معجب مش قادر اصدق انك معايا وبناكل مع بعض
ساره / احم ط.ط.طب كل علشان لما الكشرى بيبرد مش بيبقى حلو
احمد / ماشى
واكلو الاتنين وبعد وقت خلصو وحاسب احمد وخرجو الاتنين ركبو العربيه
ساره / هو انت ليه دفعت كنت هدفع انا
احمد / انا كنت بهزر يا قلبى ربنا ميحرمنيش منك يارب
ساره / احم ط.ط.طيب يلا بينا روحنى البيت
احمد / هههههههه ماشى وشغل العربيه
ساره / انت بتضحك على ايه
احمد / على كسوفك ومشى بالعربيه وراح وصل ساره عند بيتها وروح هو الفيلا
___________________________
فى اسكندريه
وصل امير الشركه وسأل على الاسم اللى بعته ليه شريف قالو ليه على مكان مكتبه ركب الاسانسير وطلع المكان اللى قالو ليه عليه ودخل عند السكرتيره وقال
امير / لوسمحتى انا ليا معاد مع صاحب الشركه
السكرتيره / بأسم مين
امير / امير احمد الدمياطى
السكرتيره / ممكن بطاقة حضرتك
امير / ثوانى وطلعها من المحفظه بتاعته ومد أيده بيها
السكرتيره / بصت فيها ورجعتها تانى ليه وقالت تمام ثوانى هدخل أبلغه اتفضل اقعد وسابته وشويه وجت وقالت اتفضل حضرتك فى انتظارك
امير / شكرآ ودخل المكتب وقال السلام عليكم
صاحب الشركه / وعليكم السلام اتفضل اقعد وبعدين قال لميس موصيانى عليك جدآ
امير / الانسه لميس شخصيه محترمه جدآ وانا بعزها فى الله
صاحب الشركه / وهى شكلها بتعزك جدآ برضه اسمك امير
امير / ايوه
صاحب الشركه / وانا عاطف
امير / اهلا وسهلا بحضرتك
عاطف / لميس قالت انك عايز تفتح شركة اصدارات وتصدير معدات ثقيله يعنى نفس مجال شركاتى
امير / ايوه هبدأ من الصفر وان شاءالله اقدر احقق حلمى واكبرها زى ما انا عايز
عاطف / بإذن الله انا هساعدك بس الاول لاقيت المكان
امير / لسه انا كنت مش موجود فى القاهره ولسه راجع امبارح ونزلت النهارده اسكندريه ملحقتش ادور على المكان
عاطف / تمام انت جهز المكان وانا هبدأ معاك المشوار خطوه خطوه وهعرفك على علاقات بالخارج وشركات بره علشان تقدر تكبر الشركه بتاعتك واول حاجه نعملها عقد شراكه ما بين الشركتين بتاعتى وبتاعتك أن شاءالله علشان تقدر تستفيد من اسم شركاتى
امير / بفرحه بجد مش عارف اقولك ايه انا اتوقعت انك ممكن تعقدها علشان متساعدنيش
عاطف / لاء خالص على فكره انا بحب تملى اقف جنب الشباب المبتدأه علشان يبدأو مشوار حياتهم العمليه بسهوله ومن غير تعقيدات وانت كمان متوصى عليك من بنت خالتى لميس ودى اختى الصغيره مقدرش أرفض ليها حاجه نهائى
امير / ربنا يباركلك
عاطف / انت راجع اسكندريه امته
امير / بكره الفجر إن شاءالله
عاطف / تمام هستناك على العشا بليل
امير / ربنا يخليك مش هقدر مره تانيه أن شاءالله
عاطف / لاء انت عايز بنت خالتى تقولى عليا أنى بخيل ولا ايه ومش بكرم الضيوف بتوعها كويس
امير / لاء ازاى كفايه كرمك فى انك هتقف جنبى وتساعدنى فى فتح الشركه
عاطف / والله ما يحصل هستناك بليل
امير / وقف وقال تمام أن شاءالله
عاطف / وقف وسلم عليه وقال فى انتظارك
امير / إن شاءالله السلام عليكم
عاطف / وعليكم السلام
امير / خرج وقف تاكسى وركبه وراح على الفندق اللى قاعد فيه واتصل بسهى وانتظر الرد
امير / السلام عليكم
سهى / وعليكم السلام
امير / عامله ايه وامى واخواتى عاملين ايه
سهى / الحمدالله كلنا كويسين انت عامل ايه
امير / الحمدالله تمام
سهى / عرفت توصل لريان
امير / ايوه وقابلتو وكلمته وهو لسه بيحبك على فكره بس المشكله أن هو بيجهز أخته للجواز وهى ملهاش حد غير اخوها ده اللى بيصرف عليها وعلى البيت كله وظروفه متسمحش أن يجى يتقدم ليكى دلوقتى واتفقنا أن هو هيخلص من جواز اخته وهيتصل بيا ويقولى أن هيروح يتقدملك علشان الحق أن اطلقك وترجعى البلد تانى
سهى / يعنى هو عرف انك متجوزنى
امير / لاء طبعآ انا قولت ليه انك عندى فى الحفظ والصون بس وانتى بقى بعد كده ابقى فهميه الوضع اللى كان ما بنا
سهى / شكرآ يا أمير مش عارفه من غيرك كنت هعمل ايه
امير / سبق وقولتلك انتى زى اختى ساره واللى مقبلهوش عليها مش هقبلو عليكى لانك من لحمى
سهى / هترجع امته
امير / هركب القطر الفجر إن شاءالله
سهى / تيجى بالسلامه
امير / الله يسلمك خلى بالك على امى واخواتى
سهى / متقلقش فى عنيه
امير / ربنا يخليكى يا سهى يلا هسيبك علشان هريح شويه علشان بليل خارج
سهى / ماشى مع السلامه
امير / الله يسلمك وقفل معاها ونام على السرير وقعد يفكر فى زهره
____________________________
فى الشركه عند لميس وشريف
دخل شريف المكتب عند لميس وقال
شريف / امير راح لابن خالتك وقابله فى الشركه
لميس / اه ما انا عرفت عاطف كلمنى وقلى حتى اتفقو هيتعشا عنده بليل
شريف / وعاطف ده بقى كبير ولا صغير
لميس / يعنى فى أوائل التلاتينات
شريف / متجوز
لميس / ايوه بس مراته ماتت من سنه وسابت ليه رائف وبيلار
شريف / ده ايه الاسامى الغريبه دى
لميس / مراته الله يرحمها هى اللى اختارت الاسامى
شريف / بغيظ بس شايف يعنى انتى وهو بتتكلمو مع بعض كتير وواخدين على بعض اوى
لميس / عاطف بعتبره اخويه الكبير عاقل جدآ فى قراراته تملى يحب يساعد الناس كلها طيب جدآ جدآ واتوجع اوى بعد موت مراته كان بيعشقها وبيحلمو يعيشو مع بعض الحياة بس أرادت ربنا فوق كل شئ عمرها انتهى وسابت ليه طفلين صغيرين طالعين لدنيا ولا يفهموا حاجه لسه بتمنا من ربنا يبعت ليه واحده بنت حلال يتجوزها وتخلى بالها منه ومن عياله ولو انى عارفه ومتأكده ان صعب ده يحصل وعاطف يسمح لحد تانى يدخل حياته
شريف / وقف بزعل وقال انا خارج
لميس / استغربت وطلعت تجرى ووقفت قدامه وقالت مالك يا شريف
شريف / مفيش
لميس / لاء شكلك زعلت من حاجه بس مش عارفه ايه هى
شريف / بصى يا لميس لو عايزه علاقتنا دى تستمر عينك متشوفش غيرى ولا تعرفى اى راجل مهما إن كان غيرى
لميس / طيب ما انا بعمل كده يا شريف
شريف / لاء مش بتعملى كده معملتك مع ابن خالتك بتقول انك مش بتعملى كده يا لميس انا عايزك ملكيش اى كلام مع اى راجل غيرى انا وبس سمعتى انا وبس
لميس / انت وبس اللى فى قلبى يا شريف بحبك انت وعينى مش بتشوف غيرك انت بس أن اكلم راجل ده شئ طبيعى فى حياتى يا شريف انت شايفنى شغاله واكتر التعامل ده بيكون مع رجاله اما بقى ابن خالتى عاطف فانا قولتلك أن هو زى اخويه الكبير مش اكتر وطول عمره عايش فى اسكندريه مع خالتى ومش بيجو هنا غير فى المناسبات وحتى لما خالتى اتوفت روحنا هناك قعدنا يومين ورجعنا علطول واصلآ عاطف شخصيه محترمه جدآ وعمره ما اتعامل معايه بقلة ذوق بيحافظ على الحدود اللى ما بنا وفى نفس الوقت لما بحتاجه بلاقيه يبقى ازاى مليش تعامل معاه انت ليك تزعل لو بتكلم على راجل غريب ولا مش محترم
شريف / وانا يا لميس مش عايز يبقى ليكى اى تعامل مع اى راجل حتى لو مين انا كده وطبعى كده لو كان عجبك
لميس / على فكره المفروض تكون فيه ثقه ما بنا اكتر من كده يا شريف ثق فيا زى ما انا بثق فيك
شريف / الموضوع ملهوش علاقه بالثقه بس مهما يكون الراجل محترم مع الواحده بس ضعيف قصاد شهواته وانا مش هسمح بأى راجل يبص ليكى بص كده ولا كده انا ممكن اقتله وادخل فيه السجن ياريت تفهمى وتقدرى أن ده حب وخوف عليكى مش قلة ثقه
لميس / انا عارفه انك بتحبنى وبتخاف عليا بس اتأكد أن انا كمان بموت فيك وعمرى ما اقدر اعمل حاجه توجعك ولا تكسرك انا بحافظ على نفسى علشانك مش علشانى لان عارفه أن لو اى حاجه حصلت ليا هتوجعك انت مش توجعنى انا زى ما بيحصل معايا بالظبط اى حاجه تحس بيها انت وتوجعك بتوجعنى قبل منك واكتر كمان مسكت أيده وبصت فى عينه وقالت شريف بلاش ننكد على بعض على حاجه ملهاش أساس عاطف ابن خالتى ومحترم واحنا بقالنا كتير متكلمناش مع بعض انا اللى اتصلت بي علشان خاطر امير وخاطرك ومحصلش اى حاجه لكل ده
شريف / لميس انا فى حبى مجنون وعلشان بحبك بعمل كده بخاف عليكى تضيعى منى علشان لو فى يوم من الايام بعدى عنى هموت
لميس / وانا بعشقك يا شريف وعمرى ما اقدر ابعد عنك لأنك أنت النفس اللى بتنفسه انت عمرى كله ولو يا سيدى على جنانك انا اجن منك فى حبى ليك اضحك بقى وفك التكشيره دى
شريف / ضحك وقال انتى بقيتى حياتى كلها يا لميس
لميس / زيدى يا زيدى على الرومانسيه مش كنت بتقول مش بعرف اقول كلام حلو امال ده ايه بقى
شريف / عيونك بتخلى الواحد ينطق الكلام لوحده كأنه شاعر أو عازف كمان
لميس/ وانا مش محتاجه حاجه من الدنيا غير وجودك جنبى وحنيتك عليا
شريف / قرب من لميس جدآ وبص فى عينيها وقال تعرفى يا لميس انا كنت من غيرك ضايع كنت شايف الدنيا سوده اوى وشايف أن مفيش حاجه اسمها حب لحد ما شوفتك وعرفت معاكى معنى الدنيا وحلاوتها ورجعتى ليا ثقتى فى الحب من جديد
لميس / اتوترت من قرب شريف ليها اوى وقالت ش.ش.شريف ح.ح.حد يدخل علينا
شريف / وهو بيبص على شفايفها قال خلاص يا لميس مش قادر على بعدك اكتر من كده نفسى تبقى معايه وفى حضنى وغمض عينه وقرب منها علشان يبوسها الباب خبط
لميس / زقت شريف عنها ورجعت شعرها وراه ودنها وقالت بتوتر ا.ا.ادخل
السكرتيره / فتحت الباب وقالت انا اسفه يا فندم بس بفكر حضرتك بالاجتماع كمان ربع ساعه
لميس / م.م.ماشى انا جايه وراكى
السكرتيره / خرجت وقفلت الباب وراها
لميس / وهى بصه على الأرض بكسوف قالت احم ا.ا.انا لازم اروح الاجتماع
شريف / وهو بيكتم ضحكته على توترها قال وانا هروح على مكتبى ومشى لحد الباب وبص لميس وقال اصبرى شويه لما خدودك تهدا شويه من الحمار ده وغمز ليها وخرج
لميس / اترمت على الكرسى وقعدت تهوى على وشها وقالت هو انا ليه حاسه انا وشى كله مطلع نار وبعدين قالت وشى ايه انا جسمى كله ومش قادره اقف على رجليه اااااااه هتعمل فيا ايه تانى يا سى شريف بس مهما يعمل بعشقه وشويه وقامت خرجت من مكتبها وراحت على غرفة الإجتماعات
_____________________________
فى فيلا روز
وصل سامح الفيلا علشان يدى الدرس لروز وكانت روز واقفه فى اوضتها متوتره من مقابلة سامح بعد ما اعترف بحبه ليها وسمعها وهى بتتكلم عليه وبقت رايحه جايه فى الاوضه بتاعتها وتقول لنفسها
روز / اعمل ايه دلوقتى ياربى انا اول ما هشوف عينيه هيغمى عليا طيب اتعامل معاه على أن مفيش حاجه ولا اتعامل معاه ازاى عااااا هتجن انا اللى حطيت نفسى فى الموقف ده لما سمعنى بتكلم عليه مع جهاد وفى الوقت ده الباب بتاع اوضتها اتفتح
مادلين / ايه يا بنتى المستر بتاعك تحت وانتى قاعده هنا بتعملى ايه
روز / ها ا.ا اه نزله اهو
مادلين / بصت ليها بأستغراب ونزلت وسابتها
روز / اخدت نفس وخرجته براحه وقالت أهدى كده وانزلى وكأن مفيش حاجه وفتحت باب اوضتها وخرجت ونزلت واحده واحده واول ما شافت سامح قلبها دق بسرعه ونفسها سرع واتوترت ونزلت عنده وقالت احم ا.ا.اذيك يا مستر
سامح / بهدوء الحمدالله كويس انتى عامله ايه
روز / ك.ك.كويسه
سامح / حس بتوتر روز قال يلا اقعدى نبدأ الدرس
روز / قعدت وقالت م.م.ماشى
سامح / قعد وبدأ يشرح الدرس بس كانت روز مش مركزه وكانت متوتره جدآ وقف شرح وقال مالك يا روز
روز / م.م.مفيش يا مستر
سامح / اتنهد وقال روز انا عارف ان اتسرعت لما قولتلك الكلام بتاع امبارح ومكنش ينفع اعترفلك بى دلوقتى بس اندفعت بمشاعرى واهو النتيجه ظهرت عليكى النهارده مش مركزه فى حاجه خالص ومتوتره انتى كده ممكن تخلينى اطلب نقلى من المدرسه خالص مدام ده هيكون سبب تراجعك فى الدراسه
روز / بأندفاع اوعى تعمل كده ده انا اموت
سامح / ابتسم وقال بعد الشر عليكى بس مش عايز اعترافى يكون سبب فى تقليل مستواكى فى الدراسه باللعكس عايزه يكون دافع ليكى
روز / بصت على الارض وقالت حاضر
سامح / رفع وشها ليه وقال ومش عايز الكسوف ده احنا معملناش حاجه غلط مشاعرنا مش بأيدينا ومدام حب شريف يبقى لا عيب ولا حرام وانا أن شاءالله تخلص الدراسه وهاجى اتقدم ليكى
روز / خدودها احمرت من الكسوف وقالت ا.ا.ان شاءالله
سامح / بس اوعدينى انك هتهتمى بدراستك وتبقى كمان احسن من الاول وحبى ليكى يكون دافع لقدام مش لواره
روز / حاضر
سامح / نبدأ الدرس
روز / هزت راسها بمعنى ايوه
سامح / بدأ تانى يشرح وكانت روز متجوبه معاه المرادى ومركزه وبعد وقت خلص سامح وقال برافو يا روز انا عايزك كده علطول مركزه ونشيطه فى دراستك
روز / حاضر
سامح / انا كده خلصت همشى انا بقى
روز / بسرعه كده خليك شويه
سامح / هههههههه بسرعه ايه انتى الوحيده اللى بطول وقت الدرس ليها علشان افضل جنبها اكتر وقت ممكن احنا بقالنا اكتر من ساعتين
روز / ساعتين انا حاسه ان هما كانو ربع ساعه بس
سامح / وقف وقال انا لو عليا عايز اخليكى جنبى العمر كله بس حاليآ مستقبلك اهم هستناكى تبقى معايا بعد ما تخلصى تعليم خالص هخطبك بس دلوقتى
روز / بصت على الارض بكسوف
سامح / روز
روز / بصت ليه وقالت نعم
سامح / متزعليش منى على اى حاجه عملتها ليكى قبل كده
روز / انا مش فاكره ليك اى حاجه وحشه مش فاكره غير الكويس وبس
سامح / هههههههههههه
روز / بتضحك ليه
سامح / علشان كنتى انتى اخر واحده عمرى ما اتخيل أن احبها
روز / بصت على الارض بكسوف وقالت وانا كمان كده
سامح/ وانتى كمان كده ايه
روز / احم ز.ز.زى ما انت قولت
سامح / انا قولت ايه
روز / احم ا.ا أن انت يعنى احم انت يعنى
سامح / هههههههههه خلاص خلاص انا حاسس أن قلبك هيقف عليكى من الكسوف انا ماشى
روز / بأندفاع سامح ق.ق.قصدى يا مستر
سامح / على فكره طول ما احنا مع بعض لوحدينا قوليلى سامح عادى إنما لما يكون فيه حد موجود قولى مستر اتفقنا
روز / هزت راسها بمعنى ماشى
سامح / كنتى عايزه تقولى ايه
روز / ا.ا.انت هتطلع الرحله بتاعة المدرسه
سامح / مش عارف ليه
روز / احم ع.ع.علشان لو انت هتروح انا اروحها لكن لو مش هتروح مش هروحها
سامح / بصى مش عارف عندى ظروف فى البيت هشوف هنوصل فيها لايه وهرد عليكى ماشى
روز / ماشى
سامح / ذاكرى كويس فاهمه متفكريش فى اى حاجه
روز / حاضر
سامح / هتصل عليكى اسمعك اللى ذاكرتيه فاهمه
روز / حاضر
سامح / سلام
روز / هتمشى
سامح/ لاء هنام عندكم هههههههه
روز / بزعل طفولى بتتريق عليا
سامح / وانا اقدر برضه بس بجد انا لازم امشى احنا بقالنا كام ساعه ابوكى يقول ايه
روز / دادى مش هيتكلم
سامح / هههههههه هو فعلا مش هيتكلم بس هيجى يكسر دماغنا علطول هههههههه سلام وسابها ومشى
روز / هبطت رجليها فى الارض وقالت يوووووه بقى ملحقتش اشبع منه وبعدين ابتسمت وقالت ضحكته تجنن ابن الايه ااااه يا قلبى وقعتى يا روز ومحدش سمى عليكى واخدت حاجتها وطلعت على اوضتها
بس كان متابعهم امها وابوها
مادلين / مش انا قولتلك أن التغير المفاجئ ده سببه المدرس
سليم / فعلا انا كنت ملاحظ تغيرها ده بس مكنتش متأكد بس لما جيتى قولتى ليا أن روز متغيره وفى سبب لكده وشاكه أن المدرس هو السبب اكدى ليا أن اللى لاحظته صح
مادلين / طيب انت شايف ايه
سليم / مش عارف
مادلين / انا رأى مدام روز بتتغير للاحسن والشاب كويس ومحترم وعلى كلامه أن هو ناوى يتقدم ليها يبقى بلاش نحسس روز اننا عارفين حاجه ونتابع الموضوع من بعيد
سليم / فعلا انا شايف ان الشاب محترم جدآ وكويس حتى لما عرض عليه مبلغ كبير رفض واخد حقه بس ورجع الباقى وشايف أن روز فرحانه وسعيده وبتتغير للاحسن من البنت اللى كانت مدلعه لواحده عاقله وعندها تحكم فى قرارتها وده بيرجع للمدرس ده وانا رأى من رأيك نتابع الموضوع من بعيد وبلاش نحسس روز اننا عارفين وربنا يسعدها يارب
مادلين /يارب يا حبيبى
____________________________
فى اسكندريه
جاء الليل ووصل امير على العنوان اللى عاطف اداه ليه ودخل سلم على عاطف وقعد وقال
امير / مكنش ليه داعى تتعب نفسك والله
عاطف /يا راجل ده انت منورنا والله
امير / الفيلا منوره بأصحابها يا عاطف بيه
عاطف / لاء بيه ايه عاطف بس ده انت متوصى عليك من بنت خالتى الغاليه وفى الوقت ده جت بيلار وقالت
بيلار / بابا انا جعانه
عاطف / روحى لطنط صدفه يا حبيبتى
بيلار / طنط صدفه نايمه مع رائف فى اوضه
عاطف / خلاص روحى قولى لداده
بيلار / الداده لسه ماشيه
عاطف / بيلار انتى مش شايفه أن عندنا ضيوف ولا ايه روحى يلا عند طنط صدفه
امير / تعالى يا حبيبتى
بيلار / راحت عند امير وقالت نعم يا عمو
امير / انتى اسمك بيلار
بيلار / ايوه
امير / اسمك حلو اوى يا بيرو
بيلار/ ميرسى يا عمو
امير / انتى جعانه
بيلار / بصت لابوها وقالت ايوه
امير / خلاص تعالى نجيب حاجه ناكلها من بره ايه رأيك
عاطف / لاء الاكل جاهز على التسخين هصحى صدفه تسخنه
امير / لاء مفيش داعى تصحى حد احنا نروح نشترى اكل من بره انا وبيرو
عاطف / والله ما يحصل ربع ساعه ويكون الاكل جاهز عن اذنك
امير / اتفضل
عاطف / طلع اوضت رائف ودخل قال صدفه يا صدفه
زهراء / فتحت عينيها وقالت انا صاحيه محتاج حاجه
عاطف / معلش هتعبك معايا عندى ضيوف والداده بنتها تعبت راحت تشوفها ومحتاج حد يحضر الاكل هو جاهز بس عايز يتسخن
زهراء / مفيش تعب ولا حاجه حاضر انا نازله وربع ساعه والأكل يكون جاهز
عاطف / شكرآ يا صدفه وسابها ونزل
زهراء / نزلت المطبخ وسخنت الاكل وحضرته ولسه هتخرج تبلغ عاطف لاقته داخل بيسألها
عاطف / حضرتى الاكل ولا لسه
زهراء / حضرته وكنت لسه جايه ابلغك
عاطف / ماشى وخرج من المطبخ واخد امير وقعدو ياكلو وزهراء اكلت بيلار وسمعت صوت رائف بيعيط طلعت تجرى من المطبخ فى نفس الوقت اللى كان داخل فيه امير الحمام وخبطت فيه جامد
زهراء / ااااااه مش تفتح يا بنأدم انت
امير / اتصدم وبص ليها ولسه هيتكلم رائف عيط سابته وطلعت تجرى على اوضت رائف
عاطف / جه وقال معرفتش مكان الحمام
امير / ها ا.ا اه شوفته اهو وسابه ودخل الحمام
عاطف / استغرب من سرحان امير بس محطش فى دماغه ولسه هيمشى شاف الجريده محطوطه على الطرابيزه بتاعة المطبخ وصورة زهره باينه فيها مسك الجريده وجاب الخبر وقراه وعرف أن دى زهره واهلها بيدورو عليها وفى الوقت ده نزلت تانى زهراء واول ما عاطف شافها نازله طبق الجريده على اربعه وحاول يداريها
زهراء / عاطف واقف كده ليه
عاطف / ها م.م.مفيش مستنى الضيف يخرج من الحمام
زهراء / ده بنأدم اعمى خبطنى فى كتفى وانا ماشيه
عاطف / تلاقيه مكنش يقصد ولا حاجه
زهراء / ماشى ولسه هتمشى رجليها اتكعبلت فى السجاده وكانت هتقع على الأرض بس عاطف لحقها ووقعت فى حضنه فى نفس الوقت اللى كان خارج فيه امير من الحمام وشاف واحده فى حضن عاطف
امير / احم احم
زهراء / بعدت عن حضن عاطف وقالت ش.ش.شكرآ
عاطف / احم العفو
امير / مكنش شايف مين فى حضن عاطف واول ما سمع الصوت عرف انها زهراء واتصدم
عاطف / شاف نظرت امير ليه اتحرج وقال دى مربية ولادى وكانت هتقع وانا لحقتها
امير / كان مصدوم وبيبص على زهراء
زهراء / رجعت شعرها وراه ودنها وكانت محروجه من نظرات امير ليها
عاطف / اتفضل انا اسف على سوء الفهم اللى انت شوفته ده واخده ورجعو قعدو فى الصالون
زهراء / لنفسها مش عارفه ليه حاسه ان الراجل ده شوفته قبل كده بس فين مش فاكره وبعدين قالت اه خبط فيه فى المستشفى ده تلاقى الراجل اخد عنى فكره وحشه أن بخبط الرجاله قصد علشان كده كان بيبص ليا وبيبحلق فيا
عند امير وعاطف
امير / كان لسه مصدوم وقال دى شغاله عندك من زمان
عاطف / يعنى من مده صغيره
امير / اسمها ايه
عاطف / صدفه بتسأل ليه
امير / ها ل.ل لا بشبه عليها بس حاسس أن انا اعرفها
عاطف / ها ل.ل.لا دى واحده معرفه جبتها لينا
امير / بشك اه ماشى
وفى الوقت ده دخلت زهراء ومعاها العصير وحطته على الطرابيزه ولسه هتخرج
امير / زهره
زهراء / وقفت على صوت امير وجه فى دماغها كلمة بكرهك وكان بنفس الصوت وقعدت الكلمه تتكرر فى دماغها بنفس صوت امير مسكت راسها وقالت كفايه كفايه كفايه حرررررررام وقعدت فى الارض تعيط
امير وعاطف قامو يجرو عليها
امير وعاطف فى نفس الصوت / زهره صدفه
والاتنين بصو لبعض
امير / دى زهره خطيبتى من اسكندريه
عاطف / وايه يثبت صدق كلامك
امير / هى اكيد تعرفنى
عاطف / وهى معرفتكش
امير /لاء اكيد عرفانى بس بتنكر علشان زعلانه منى
عاطف / اكيد انت غلطان
امير / بص على زهره اللى كانت حاطه ايديها على ودنها وبتعيط وقال زهره يا زهره شيل ايدك واسمعينى وشد ايديها من على ودنها وقال زهره انا امير خطيبك امك واخواتك هيتجنونى عليكى شريف وسامح وريم يا زهره اخواتك هيموتو عليكى ردى عليا يا زهره
زهراء / كل ما امير يتكلم كل ما كلمة بكرهك بصوته تعلى اكتر واكتر ودموعها تنزل اكتر لحد ما بدأت تشوف شريط حياتها فى اخر ايام ليها قبل الحادثه من ساعة ما راحت الفيلا عند اسلام واتفاق امينه مع ابوها على جوازهم ومنقراتها مع سامح وضحكها مع شريف وكلامها مع اختها وامها وهى بتضربها وساره وهى زعلانه منها ولما نزلت اشترت الدبل مع امير ولما قال ليها انا بكرهك واتجوزتك غصب علشان اهلها ولما رجعو ولما شافو الصور ما بينها وبين اسلام ولما ابوها تعب ولما اتخدت فى القسم ولما ابوها مات ولما سامح واسلام كانو داخلين عليها بالمأذون واتكررت كلمة خطيبك موافق ان اتجوزك وقعدت الكلمه دى تتكرر فى ودنها هى وكلمة بكرهك قالت بصوت عالى كفاااااااااايه واغمى عليها
عاطف / اتخض وقال صدفه صدفه وقعد يخبط على وشها بالهفه وخوف
امير / زق أيده وقال قولتلك دى خطيبتى وشالها وحطها على الكنبه وقال عايز ازازة برفان بسرعه
عاطف / جاب ازازة برفان بسرعه وهو متغاظ من امير ورش على أيده ومشها تحت مناخير زهراء وبدأت تحرك راسها والدموع نزلت من عينيها وهى مغمضه وواحده واحده فتحت عينيها وشافت عاطف وامير قدامها
امير / زهره ردى عليا انتى كويسه وكان حاطط ايده على وشها
زهراء / بدموع زقت أيده وقالت ابعد ايدك عنى انا بكرهك وبكره كل حاجه فيك عايز منى ايه تانى قولى مش انت بتكرهنى وكنت عايز تتجوزنى علشان ابويه الله يرحمه كان غصبك على الجوازه دى ولما مات بعد عنى بكل سهوله وسلمتنى لاسلام
امير / افهمينى يا زهره
زهراء / بدموع متجبش أسمى على لسانك فاهم انت قبل كده قولتها ليا انك بتكرهنى وانا دلوقتى بقولك بكرهك يا أمير بكرهك ووقفت وكانت هتقع حاول يسندها زقت أيده وقالت ابعد عنى متلمسنيش فاهم وبصت لعاطف وقالت بجد مش عارفه اقولك ايه على وقفتك جنبى يا عاطف قصدى يا عاطف بيه دلوقتى انا عرفت انا مين وبنت مين انا بنت على قدى عايشه فى حتة حاره كان كل طموحى أن أخرج منها واعيش مع اللى بحبه حياه سعيده مفهاش مشاكل بس تملى القدر كان يقف فى وشى كأنى انا البنت الوحيده اللى عندها طموح واحلام اتعاقبت على احلامى دى اشد عقاب خسرت اللى كان حبيبى وخسرت ابويه وخسرت نفسى عشت ايام صعبه وكل ده ليه معرفش بس بجد انا تعبت والله العظيم تعبت وبصت ليهم هما الاتنين بدموع وطلعت تجرى خرجت من الفيلا وقعدت تجرى تجرى وهى دموعها على خدها لحد ما وصلت عند البحر قعدت على الكرسى وشريط حياتها بقى يمر قصاد عينيها وتعيط
امير / كان لسه هيجرى وراها
عاطف / عايز منها ايه تانى ما قالتلك ابعد عنها
امير / وانت ايه دخلك ما بينا واحد وخطيبته
عاطف / انا مسؤول عليها طول ما هى هنا فى اسكندريه
امير / وانا مش هسيبها هنا فى اسكندريه لحظه واحده هرجعها معايا عند اهلها
عاطف / والله حسب رغبتها هى هترجع ولا هتكمل هنا
امير / برضاها ولا غصب عنها هترجع لأهلها امها هتموت عليها وبعدين ارجع واقولك ملكش فيه دى خطيبتى واخت صاحبى فى نفس الوقت يعنى انت ملكش دعوه باللى بيحصل وسابه وطلع يجرى يدور على زهره
عند زهراء
قعدت تعيط وتصرخ بأعلى صوت عندها وقالت
زهراء / بدموع ليييييييييه ليه بيحصلى كل ده انا كان كل حلمى أن أعيش عيشه احسن من اللى كنت عايشها ابويه مات بسببى اندفن من غير ما اشوفه ااااااااه يارب ياريت كنت عشت وانا فاقده الذاكره ومش فاكره حاجه ادينى افتكرت كل حاجه وافتكرت حقيقتى يارب خدنى ريحنى من الوجع اللى حاسه بيه يارب انا تعبانه بجد هعيش ليه ولمين اااااااه يا بابا اه يا وجع قلبى عليك واحشتنى اوى اوى وقعدت على الأرض وقعدت تصرخ وحست بأيد على كتفها بصت لاقته امير مسحت دموعها وزقت أيده ووقفت وقالت جاى ورايا ليه عايز ايه تانى منى
امير / زهره ليه عملتى فينا كده ليه بعدى وسبتينا
زهراء / بدموع والله وليك عين تتكلم انا هربت علشان متجوزش اسلام يا أمير هربت علشان قولت مستحيل اكون لحد غيرك ومصدقتش لما قالو انك موافق اتجوز اسلام انت واحد ضعيف يا أمير بعتنى فى عز ما كنت محتاجك
امير / بدموع كان لازم اوافق علشان تخرجى من الحبس وخصوصآ أن انا عارف انك بتخافى من الأماكن المقفوله عليكى
زهراء / انا كان عندى الحبس اهون مليون مره من أن اتجوز حد غيرك كنت متمسكه بيك لآخر لحظه رغم انك قولتى انك بتكرهنى قولت انك قولتها وقت عصبيه إنما موافقتك على جواز اسلام ليا أكد ليا انك بتكرهنى بجد ابعد عنى وملكش دعوه بيا خلينى الم اللى اتبقى من قلبى
امير / مقدرش ابعد عنك يا زهره انا بح
زهراء / قطعته وقالت متكملش كلامك لان انا خلاص مبقتش بصدق كلامك يا امير وياريت بلاش عواطف كدابه منك
امير / بعصبيه انتى ليه عايشه دور الضحيه نسيتى كلامك ليا فى البلكونه انتى اللى كنتى متنمرده عليا وعلى عشتك كنت عايزه تعيشى فى فيلا او قصر كسرتى فرحتى فى اسعد يوم فى عمرى وجعتى كرامتى كراجل عيرتينى بفقرى اى حب بتتكلمى عنه ده وفى الاخر هربتى وروحتى عشتى مع راجل غريب فى بيته علشان الفلوس والفيلا ومفكرتيش فى امك واخواتك اللى هيموته عليكى حتى بعد موت ابوكى بسببك متغيرتيش وجريتى وراه الفلوس انتى هتعيشى وهتموتى واحده انانيه عمرك ما هتتغيرى
زهراء / بدموع ايوه يا أمير انا واحده وحشه وبجرى وراه الفلوس روح دور على واحده تعيش معاك فى الحاره تعيش معاك على الفقر
امير / بغيظ كده يا زهره ماشى براحتك وجهزى نفسك علشان هنرجع القاهره
زهراء / مش هرجع معاك انا هرجع لوحدى
امير / رجلى على رجلك فاهمه وهترجعى معايا علشان خاطر امك اللى هتموت علشانك وقلبها وجعها على فراق ابوكى وبعدك عنها فكرى فى غيرك لو لمره واحده بس سيبك من انانيتك شويه